سبيل الغيب

الحلقه 13

#سبيل_الغيب

الحلقة الثالث عشر

" مساء الخير عمري شلونكم ورجعت بالنشر حلقه مطوله عباره عن حلقتين تقريباً تعويضاً عن التأخير

سهى

ـ باوعت إلهن حظي واعرفه هسه انفضح نازله أغسل احسن ما أتوسل بيجن .

نهى ـ وين رايحه رجعي ارتاحي بعدج تعبانه عوفي اني اغسله شو تعالي .

ـ عفتهن ونزلت لكيتها عصبيه وتحجي دخلت وقفلت الباب وذبيت تايت وزاهي وقاصر وبلشت اغسل واجلف الا طلع يلمع وبالاخير ذبيت معطر ارضيه وشطفته غلست وطلعت وبابا واكف .

نجم الدين ـ منو مصخهن هيج . 

سرى ـ أني بابا أكلت لفه بالمدرسه والفلافل مالتهم كلها ثوم ولعبت نفسي وتقيئت .

اميره ـ ما تغسلين وراج لعبت نفسنا .

نجم الدين ـ يلة ما صار شيء وأنتِ بعد ما تأكلين لفات من برا سوي بالبيت واخذي وياج .

سهى ـ صعدت تعبانه كلش كبل نمت ولفيت رأسي

نهى ـ سوده عليه أنقهرت جان غسلتيهن .

سرى ـ شمدريني نسيت ما عبالي خالة تركض ورانا وتكوم تصيح وتحجي لو تشوفين شلون طلعن عبالك ما مستخدمه يلمع .

ـ سهى عاد منو يلحكها بنظافتها معدله بس حظ ما عدها سوده بوجهي عليج يا خيتي شلون تفض عليج

" ضليت أسبو؏ يمها بالگوه تحاجي ضرغام وهو متخبل عليها لن متغيره ومالها خلك تحجي وياه
واني منا أمي تريدني ارجع البيت وعصبيه يوميه تخابر گلبي ما ينطيني اروح وأعوفها هايہ تموت وراي منو ألها سرى شمعرفها هي تريد واحد يداريها

سرى ـ أمي أتصلت وحجيت وياها تريدج ترجعين البيت وصايره نار نزلت غلط علينا كُلنا من جبيرنا لصغيرنا وحتى ابويه.
" هاج وأتصلي عليها وأفهمي منها المهم لا تروحيــن اني ما أكدر لوحدي وسهى نفسيتها زفت والله تموت وراج صحيح أختنا الجبيره بس احسها اصغرنا حيل فقيرونه .

نهى ـ أخذت التلفون منها وأتصلت واجاني صوتها يرعد هلا يمه .

جنان ـ وجعة أبو أمي تأخذ روحج وروح أخواتج وياج ، نمتي بيت أبوج لازم طابتلج الكعده عدهم مو رحتن وحده ورى الثانيه ما كلتن أمي وحدها منو إلها تغزرتن بأبوجن بعد عيني شلون أب فاهي امداجن .

نهى ـ يمه سهى مريضه وباقيه يمها يعني مو على گيفي ومزاجي .

ـ شبيـــها الثانيه ، زواج وراح تزوج شتريد بعد

ـ أكولج مريضه شدخل الزواج .

ـ عرج ما يطكها خل يفيدها ضرغام وأبوها امداها راح تسكن بيت أهله طاح حظ أختيارها أنضحك عليها بكلمتين غمه مثل امها وثول .