سبيل الغيب

الحلقه 6

#سبيل-الغيب

الحلقه السادسه .

ضرغام ـ سهى نزلي رأسج لايشوفج خل نعبر السيارات لحظه .

ـ وكفني على الرصيف وكف السياره  ونزلت وصاح

- اخذي بطلين ماي وگولي جنت بالمحل بسرعه .

ـ تمام اخذتهن ورجليه يرجفون وصلت العياده لكيت نهى وجهه اصفر وهو منطيني ظهره ويحجي بلعت ريك ها خويه التفت ومعصب .

علاء ـ وين جنتي خاتون .

سهى ـ رحت جبت ماي وأجيت .

علاء ـ ماي ماشي امشن البيت واني اعلمجن على قلة التربيه هايہ ، اذا ما ربيتجن من جديد اني مو علاء ابن نجم الدين گدامييييي .

سهى ـ طلعنا وميتين خوف استاهل شيسوي بينا خل يسوي شاخذني شوداني الله ياخذني على هالحب ما وراه بس شلعان الگلب .

" السياره تريد تنكلب بينا نهى كرصتني وڪالت .

نهى ـ بصوت ناصي ضبي شالج قوي .

سهى ـ تمام ، وصلنا البيت السياره انشالت وانركعت بالكاع لكينا أبوي بالحوش يفتر وأمي كاعده شافتنا وركضت علينا بخوف وجهه اصفر وابوي الغضب مبين على وجهه وعلاء دفعنا وكال .

علاء ـ وحدهن بالعيادة وبدون ما يكولن لاحد اليوم اني اربيجن من جديد اوكفلي .

سهى ـ جر السجين وصرنا بظهر امي وأمي وكفت كدامنا وصاحت بيهن .

جنان ـ اللي يمد أيده على بناتي اطلعه مجنز منا امشوا طلعوا من بيتي .

نجم الدين ـ بيتي ام حلك الخايس الجايفه بناتج دايحات وانتِ واكفه ادافعين الهن من امداج من ام

ـ بناتي ربيتهن احسن تربيه ما عاجباتك تبرء منهن

سهى ـ علاء كص صونده مالت الماي قطعه منها وتقدم جرنا من ظهر امي ويضرب بينا ما ندري منين يجي الضرب من علاء لو من ابوي كل واحد بيده صونده تكابلوا علينا موتوتنا من الضرب واخذنا سحل بالصاله وتقدم علاء ضربني صونده على وجهي اجت على خشمي الا طلع دم شاغت روحي حسيت الموت باقي بيني وبينه شعره وأمي تصرخ وادفع بيهم

ـ عوفوا بناتي عوفوهن من ضيمهن من مشاكلك من قهرك ، اعتمدن على نفسهن راحت تحشي سنها صار شهر تون من عنده محد كال هايہ شبيها محد وداها هي واختها راحت عوفهن الله ياخذكم عوفوهن ما بيكم خيـــࢪ بس على بناتي صرتوا زلم براسهم وانتوا شامريهن ما تدورون عنا كل واحد لازم ظهر مرته

نجم الدين ـ انجبي واحجي عدل لا اكسرج أنتِ وبناتج .

جنان ـ كلكم ما صرتوا سند الهن طيحتوا حظي وحظهن لا بارك الله بيكم منك لاخوك لابوك امشي اطلع من بيتي والله لايرضى عليكم تكاويتوا على نسوان يمه بناتي جعل ايدكم الكسر ان شاء الله .