سبيل الغيب

الحلقه 9

#سبيل_الغيب

الحلقه التاسعه

السلام عليكم وجمعه مباركه قلبي أنتوا ،♡

سهى

ـ ما جاوبته لن تعبانه عفت التلفون ونمت ومن الصبح كعدت صليت وقريت قرأن وكلت امري لله
لكيت عمار متجهز هو زوجته طلعوا من البيت لا سلام ولا كلام .
وخالة أميره غاسلة البيت ويلمع والمباخر مشتغله والضيافه والكوشه واصله بالصاله خاله هايہ من شوكت وصيتي على كوشه !

أميره ـ شعليج وصيت وخلص ، هنا بنات خابرتهن اجن نصبنها وراحن هسه خلصت گلشي بعد أنتِ هسه تجي ام صالون ترتبج

- خالة والله ميحتاج اني اخلي مكياج ليش هالمصاريف واكلف عليكم عوفيها خابريها لاتجي فدوة .

ـ مو عـلـى كيفج ، فوتي سبحي وتحضر بين ما تجي خل اخابرها اشوفها وين صــارت

سهى ـ ما اعرف شگولج ، عفتها رحت سبحت وشسورت شعري واجت ام الصالون بلشت مكياج وتسريحه وسرى هم وياي وخاله اميره وكملنا وهما ما جايين طلعت من غرفة خاله اميره وباوعت شفت بابا يفتر ومخبوص وعلاء يتصل شصاير وضرغام ليش تأخر اني هم نسيت أتصل عليه التهيت .

" صعدت الغرفه جريت التلفون من الشاحن ما متصل راسلته وينك ليش تأخرت ؟

ضرغام ـ بعدين نحجي !

سهى ـ شُنــــوْ بعدين هذا شبي  ما صبرت خفت صاير شيء وياه گبل أتصلت عليه رفضني رجعت أتصلت وهم رفض وهم اتصلت الا جاوبني وعاط بيه بعلو صوته .

ضرغام ـ بابا شبيج أنتِ ،  بيج داء الغباء والثول وقلة الفهم من ارفضج يعني مشغول مو فاضي يمي أحد .

سهى ـ خفت صــاࢪ شيء بالك يمك والله .

ـ جاهل تخافين عليه روحي بعدين أني أخابرج .

سهى ـ انقطع الإتصال صوجي خفت عليك وبالي يمك وهسه شلون يجون لولا ، يا خوفي يهون وما يجي اكيد مشاڪل هو وأهله ، نزلت وبابا عصبي

نجم الدين ـ نشتغل عند حضرته ينطينا موعد وبعدين نتصل عليه يرفضنا وانوب يغلق تلفونه اني صوجي احترمته وقدرته هيج بشر مو مال احترام
ارجع اتصل شوفه والا والله بعد يحلم انطي مره

سهى ـ انلاصت عليج سهى ، ادري دتجاوب يا عيني
بقيت بكشختي وحتى فشلت من بابا من فات وشافني تمنيت الكاع تنشك وتبلعني متجهزه هسه يكول ما مصدكه تخلص من عنده شبيه اني شجاني سمعت كلام خالة أميره وتجهزت يبوو شگد عيب اي وينك يا ضرغام خرب بحظج المعثر يا سهى .
__________

ضرغام

ـ رجعت لبيت اهلي ولكيتهم كلهم مجموعين وابويه مبين عـلـىٰ وجهه الغضب والعصبيه السلام عليكم

قيس ـ لا هـلأ ولا مرحبا من الله يسود وجهك شصايرلك أنت ، ولك وين ماخذ عمرك بهذه تصرفاتك الطايشه من ورى گلبك جان أستحيت على شورابك رايح تتوسل بيهم علمود مره يا حيف التعب بيك .