سبيل الغيب

الحلقه 14

#سبيل_الغيب

الحلقه الرابعه عشر

سهى

ـ أباو؏  عليه ضل صافن بوجهي ورجع گالي .

ضرغام ـ حامل .

ـ اي ومن شهرين ودخلت بالـ ٣ .

ـ من شهرين !! دخلتي بالـ ٣ وحضرتج هسه يله تحجين ؟ جان أنتظرتي تولدين فد مره ونورينا !!

ـ لا هيج تحجي بس والله وأنجبرت وسگتت ونفس الوقت خفت منك ومن أهلي الكل يرجع يحجي عليه رد بصياح .

ـ من مـــنو تخافين من منـو !! منيييي منييي يا غبيه يا ثوله منيييي تخافين ليش الطفل مو ابني والمفروض اول الناس عندي علم بحملج شو حضرتج لاطشجج السكوت ولا ابالج ومشيه الأموور عاااادي

ـ شفت نفسك عصبت كمت تصيح ، ضحك ورد بإنفعال .

ـ أصيح ههه ولج اكسر حلكج واصيح شلون ما تردين أعصب وحضرتج هسه يله تبلغيني بحملج وين جنتي من شهرين . !!

ـ خفت

ـ خفت !! خفت منك ليش محسستني أخذتج بالحرام !! بابا هذا ابني وهذا دماغ السزز وتفكيريج الوسخ يروح لبعيد وعبالج اشك بيج هايہ مشگلتج مو مشگلتي الخلل بيج ، أني أعرف بنفسي أنتِ شُنــــوْ من طينه طينتج ومن يا ناس أهلج بس هسه صدمتني بيج حيل ما أعرف غبيه لو تستغبين نفسج عليه لو أنتِ أساسج ثوله فهميني ياهييي منهن لج اكو مره تحمل وعمر طفلها شهرين وتلبس صخام بجسمها شلون تلبسين خافي بطن واني الغبي عبالي لابسته جماليه والله جنت شاك بس كلت لا شبسرعه ما اعتقد تحمل لن تغيريج كل هالأشهر وشگلج ما يطمننن بس اخ لو ادري قبل الوقت ولج يا غبيه جان سرعت العرس بدال هسه كاعده تنوحين والطفل ما أعرف شبي ما بي  .

ـ أني رحت الدڪتوره

ـ أي ورايحه الدڪتوره وهذا كله ما عندي علم بي
سهى أحجيلي أحجيلي .

ـ اي رحت لن عندي نزف وهسه هم رجعلي من فحصتني كالتلي وضع الطفل تعبان لن عندي نزيف وأنطتني علاجات وكالت ديري بالج عـلـىٰ نفسج ولا تخلين رجلج يتقربلج و ..

ـ سهى رفعي رأسج .

ـ هاا رفعت رأسي وضربني كف قوي وعصر وجهي

ـ الله رزقج طفل وبحلال الله تلعبين وتعذبين خلقته ليش ولج مو أبنج يا عديمه الضمير خايفه مني لا اعصب طزز بيه غصباً على رأسي ورأس أهلي هذا ابني وغلطتي صارت وأتقبلها وأسرع العرس تجين حضرتج ما اعرف منو ضاحك على عقلج وگاليلج لاتكولين اله وسگتيي وهسه تنزفين وضعج بالويل .

ـ ضرغام .

ـ وجعة أهل ضرغام ولا نفس ،  ولا فوك القهر ردت أتقرب منج وأنتِ ساكته حضرتج وعادي عندج ولا دكتوره حذرتج ومنعت هالشيء .

َ ـ دفعني ويفرك بوجهه تخبل .

ـ گومي نامي وأرتاحي لا أخلص على عمرج ولاتتحركين لما أحجزلج يم دكتوره اوديج اذا اكو دكتوره كاعده هسه بلكي على حظي المصخم