#سبيل_الغيب
"الحلقه الخامس وعَشرون"
مساء العافيه عـلـىٰ الطف وأحن وأجمل متابعات
ملاحظين النشر صــاࢪ يومي 🙂 ومدللتكم هواي
بس تستاهلون والله ، أحبكم هواي هواي ❤
نهى
ـ مصدومه بيها شُنــــوْ تفضلتي ما سمعت زين .
جنان ـ لا سمعتي كلش زين ،وأختج حالتها صعبه بلكي تتزوج وتنسى وتكمل حياتها .
ـ وتزوجينها الشخص اللي يريد يتقدم اليه .
ـ اي ما تردين سعادة وراحة أختج .
ـ صرخت بيها اريد الها السعاده بس مو عـلـىٰ حساب أذيتي بس فهميني أنتِ شُنــــوْ من أم شُنــــوْ من عقل عندج شُنــــوْ من تفكير تفڪرين بي .
الولد رايدني شلون تنطينه أختي شلون ، گلبج ما ينأبج ما يوجعج عـلـىٰ بناتج ما گافي كل اللي صــاࢪ بسببج دمارنا أنتِ سببه حالة سهى ولوعتها عـلـىٰ اطفالها ودموعها على مخده كل ليله أنتِ السبب بيهن .
ـ أني شعليه ما تكولين أختج صلفه وعرمه وخلت عينها بعيني وحبت وراحت لحكت إبوها وتزوجته غصب عن الكل وهسه شمرها وخلاها برگبتي .
ـ لعد بركبة منو أنتوا أهلها غصباً عليكم تتحملونها لعد وين تروح ، تنام بالشوراع فهميني لن راح اتخبل وبعدين سهى حبت ما كفرت ما زنت ما طلعت عن شرع الله ، الرجال حبها وتقدم الها بالاصول لو جانت الدنيا كلها ما موافقه عـلـىٰ حبهم ، المهم أثبت حبه وشجاعته وتزوجها أما الباقي مو مشكلته الرجال حقه ومصيبته مصيبه گافي كل كلمه والثانيه تعيرين بنتج بضيمها يگفي رحمي حالها البيها يكفيها على ساعه تموت ومحد داري عنها وين أكو أم تتحمل غياب ظناها وين أكووو حسسسيي بنتج وقهرها يا عديمة الاحساس لا ذمه ولا ضمير .
ـ رجعتي عليه ما تكولين أختج فاهيه وباردة وضعيفه أنهجم بيتها من وره فهاوتها .
ـ (بارده فاهيه ضعيفه )بهل ثلاث كلمات إنتِ حطمتي بنتج بيها ، هم سألتي ليش سهى ضعيفة شخصيه عكس نهى أكيد لا لن أنتِ ما تفڪرين بس بمصلحتج
أني أكلج ليش بسببج أنتِ !.
بسبب التفرقه الـ زرعتيها بينا من يوم يومج تفضليني عنها واكفه وياي بالصح وبالغلط إما سهى دائمًا تحجين عنها وتذمرين منها على حجي طالع نازل الى أن انطبعت داخلها هي ضعيفه وبيها نقص والسبب أنتِ أي أنتِ لاتباعين كأنما بريئه
ـ نهى .
ـ ولا حرف سمعت منج بما فيه الكفايه وقسم بالله اذا سمعت منج حرف لـ سهى أو مديتي إيدج عليها أخذها واهج واخليج فوك العار عاريين وما تهميني لا أنتِ ولا أخواني ولا كل سلالتج ، طفح الكيل منكم ما بيكم خيـــࢪ النا كفوا شركم علينا .
" عفتها ودخلت الغرفه وركعت الباب شبعت قهر حركتني حرك ، باوعت عليها باوعتلي بوجهه البريء رحت حضنتها تعدي والله تعدي متأكده ينجبر خاطرج وما عليج من حجي أمي .
سهى ـ أسفه .
نهى ـ عـلـىٰ شُنـــــــــــــو .
ـ خاف أصير حجارة عثره بطريقج وبقسمتج ، سمعت أمي شُنــــوْ حجت وياج وأني مستحيل أتزوج من بعد ضرغام مستحيل أعيش حياة ويه شخص غيره
ـ أعرف ، وأنسي السالفة خلاص باجر أدوام وابلغه ماكو نصيب .
ـ لا خيتي لاتمنعين نصيبج وأذا خوش مكان احجي ويه بابا وتزوجي وكملي حياتج أنتِ تستاهلين كل الخير .
ـ لا خيتي أنسي ، نحجي وأندك الباب كمت فتحته أمي صديت وجهي عنها وگالت .
ـ بلغي الناس خل يجون عليج هسه أخابر أبوج وأحجي وياه ويبلغ أخوانج يسألون على الولد وأهله ما نريد نستعجل هالمره ندرسها زين .
ـ ماشي ، راحت ولليل اتصلت عـلـىٰ ست نضال وبلغتها وگالت اردلج خبر ، بقيت كاعده بالمطبخ سويت العشه وسهى هم اجت تساعدني جانت رزان بيت أهلها ، خلصنا العشه واجتني رساله من ست نضال فتحتها .
نضال ـ مبروك راح يجون للخطبه يوم الجمعه أن شاء الله .
نهى ـ الله يبارك بيج ماشي ، عفت التلفون وصبيت العشه وسهى تكلب بالحساب لكيته مراقبه أخر ظهور
" يلة كومي نتعشى .
سهى ـ ما ناشر شيء .
نهى ـ لا والله أبداً هو نادراً ينشر وأكثر بس ليث اذا نشر أبلغج .
ـ ماشي .
نهى ـ كعدنا وأمي تباوع عليه ومثل الفشلانه سهى غمزتلي ضحكت سگتيي ، خلصنا العشه وأمي كامت غسلت المواعين رجعت تمددت ورجل عـلـىٰ رجال واكلب بالتلفون وأجت سهى تهز بيدها وتضحك .
سهى ـ شو أنجلبتي.
نهى ـ سگتي أثاري الوكاحه حلوة تجيب نتائج كعدت الها گلب بعد ما تفتح حلگها ، ولج دقتني بتصرفاتها وصلت بيه اخذها لشماعيه ومستشفى الأمراض العقليه لن كلامها أبداً مو معقول ما يدخل الرأس الولد يتقدم عليه تريد تنطيج بمكاني هي شتخليها وتطيب .
ـ خطيه غير مقهوره عليه .
ـ عدلت كعدتي ليكون موافقه تأخذينه ! ضحكت فحطت من الضحك من سنه اول مره أشوفها تضحك
ـ هههہ لا ولج شسوي بي خرب اني بواحد ما دبرته أنوب الثاني خليني هيج احسن .
ـ دوم الضحكه يارب ، عليج الله سهى لو نفرض اجاج نصيبج توافقين تزوجين .
ـ أتزوج لا من سابع المستحيلات عزاا مجرد تفكير أتخبل ويني وين الزواج وعقلي وگلبي ما ينطقن غير أسمه .
ـ الله يريح گلبج ، صُدك اذا صارت القسمه وعرس ترى اذب لحم اطلع قهر الدنيا كله بهل العرس .
ـ إن شاء الله ، ربي يتمم عـلـىٰ خيـــࢪ .
نهى ـ الله كريم ، ضليت كاعده أكلب بالتلفون وأخذت أجازه ما اكدر اروح المدرسه قبل الجمعه أستحي خل يتم گلشي وبعدها اداوم عزا أستحي منه ، سهى كامت الغرفه واني توني كمت وراها أمي صاحتني نعم .
جنان ـ كعدي أحجي وياج .
نهى ـ بشنو تحجين .
ـ كعدي خفت هالرأس ترى أنجلبتي شو كعدي .
ـ وهاي كعدنا سولفي يمه شعندج
- شوفي أني ما ردت ازوج سهى لهذا المدرس
ـ ما فهمت .
ـ بس بالاسم نكول سهى نخطبت وأنطش السالفه .
ـ أي .
ـ أي أفهميها عاد تكلفينها عالطاير
ـ فهمت قصدج بس تبثين خبر ويوصل هذولاك الناس مو .
ـ أي
ـ والمقصد شُنــــوْ تردين ترجعينها لو تقهرين ضرغام
ـ ترى سهى مو رخيصه عندي وگلبي يوجعني عليها وأدري بيها ما تنساه ولا تزوج غيره وحالها يضل هيج لن مرت سنه وما تغير شيء لا هي نست ولا هي رجعت .
ـ ضرغام ما يرجعها لاتتأملين عبث ، من سابع المستحيلات الشيء الصار بهذاك اليوم صعب ماكو رجال يكدر يتقبله ويكمل حياته عادي حتى لو جان يموت عليها بس في حال طلعت سهى بريئه كدام ضرغام وهذا مخطط من احمد علمود يهجم بيت أخوه .
ـ مشكله أختج ما تذكر گلشي صــاࢪ وياها .
ـ شتذكر وهي مخدره وفاقده بس مبين مأخذها لن اكو أثار برقبتها وجانت مجرده من كل ملابسها ولا قطعه تسترها ما اعرف بعد .
ـ يعني فهمتيني .
ـ زين طلع هذا تفكيرج مو غير شيء لن والله شگيت بصحة وسلامه عقلج كلت أمي أبداً مو طبيعيه كفختني عـلـىٰ رأسي وضحكنا يلة بيها الخير .
ـ الله كريم .
نهى ـ كمت بستها من رأسها سامحيني بس من نار گلبي هيج حجيت نزلت رأسها بحزن ، عفتها ودخلت الغرفه لكيت سهى حاضنه ملابس إطفالها ونايمه غطيتها وبستها من رأسها الله يبرد نار قلبج .
" تمددت وخطرت عـلـىٰ بالي هذيج الليله ومرارتها وقساوتها شُڪثر جانت مؤلمه وصعبه زين ما ماتت بهذاك الحمدلله عايشه .
" أخذني تفڪيري لـ أستاذ باسل وصفنت بي أنسان مرتب ومحترم كلش واله مكانته بين المدرسين وأخلاقه عاليه ومتدين الحمدلله كان العوض حلو ربي يتمم عـلـىٰ خيـــࢪ .
" يوم الجمعه وهاليومين المرت ما رحت وست نضال إتصلت وگتلها أستحي ضحكت وكالت أجي وياهم كلش فرحت الحمدلله من صخرلي هيج أنسانه سعت اليه بالخير والقسمه الزينه .
" من الصبح رزان وسهى كنسوا البيت بالمكنسه والجو بارد رحت شغلت الصوبات بالاستقبال وخليت المبخره وأجو علاء وزوجته وبابا وخاله اميره وسرى وعمار طلع استقبلهم ويحجي على علاء .
عمار ـ وين صرت يا علاء تعال شوفلي شنسق قميص .
نهى ـ أستقبلتهم ودخلوا الأستقبال وخاله أميره تبوس بيه وطشت الجكليت وهلهلت
أميره ـ الف الف مبروك تستاهلين كل الخير ولاتنقهرين أبداً قسمتج مضمومه وربج عوضج وربي يتمم على خيـــࢪ .
ـ أشكرج خاله تسلمين ، دخلت الغرفه تسلم على سهى وامي بالغرفه أدور شيء تلبسه وسرى راحت الها تساعدها وعمار وعلاء مخبوصين شنو ينسق قميص وأني ونسوان أخواني نحضر بالضيافه .
" شعور حلو وعشت الفرح وكل التفاصيل سعيده بوجود اهلي والطرفين موافقين بابا وماما حتـَـہ أخواني مرتضين عنا سألين عنا وخوش ولد وأهله ناس مستورين وطيبيين والحمدلله .
" أندك الباب وطلع علاء
علاء ـ يلة الكل يسكت خرب عبالك يخطبوني شبيه مرتبك ، يلة حضروا الضيافه عمار امشي وياي دكافي ترتب بنفسك ترة جلطتني ترة يخطبون اختك مو أنت
عمار ـ غير اكشخ واختي تتباه بيه .
نهى ـ بسته من خده عيوني أنتَ ، طلعوا اثنيهم هما وابويه وأستقبلوهم اربع سيارت وكومه زلم معكله ما متوقعين هالكثر ونسوان بحدود ٥ نسوان وبنات شابات اثنين طلعن امي وخاله أميره أستقبلوهن ودخلوا من باب المطبخ والزلم بالاستقبال كلهم زلم كبار معكلين وبيهم شباب وهو يسلم ويبوس بأخوني وابويه شعور أمتلكني يجنن عبالك اول زواج اليه .
رزان شافتني ابجي أجت حضتني .
رزان ـ مو وكت بجي هسه وكت الفرح ، يلة اخذي الضيافه وروحي لنسوان .
نهى ـ أخذت الضيافه وضيفتهن وحده وحده ويباعون عليه والبنات يتشاورن بينهن .
ام باسل ـ ما شاء الله تبارك الله عـلـىٰ جمالج أمي كالوا حلوه كتلهم مو مهم أهم شيء سعاده ابني وياها .
جنان ـ تسلمين ام باسل الله يقدم البي خيـــࢪ .
نهى ـ كعدت ويسولفن وعرفت بيتي لوحدي لن هما بيهم طبيعه ياهو يتزوج يستقل عنده أخ واحد وأخوات أثنين وأمه وابوه .
" مر الوقت وحجي الزلم وطلع علاء وبلغ امي وخاله أميره هلهلت وتم كلشي تمت الموافقه ، لبست شالي وامي وأخويه وياي وبدأ الشيخ يحجي وتم العقد وصرت زوجته وَ؏ ذمتهُ .
" الفرح عم بيتنا بعد الحزن اللي مرينا بي وطلعت سهى من الغرفه سلمت عـلـىٰ النسوان وشفتها حضنتها وبجيت عـلـىٰ كتفها خيتي حَـبيبتـي أنتِ
سهى ـ الله يسعدج تستاهلين.
نهى ـ مسحت دموعي وكعدت بصفي ونسولف ومر الوقت من الفرح ما حسينا بالوقت شلون مر وتوكلوا
الله وياهم واخواني وابويه بالاستقبال يحجون ويمدحون منه ومن أهله الحمدللة طلعوا خوش ناس ما همهم أني مطلقه عدهم أهم شيء سعادة أبنهم .
" بهاي الفتره بلشت تجهيزات لن العرس قريب بالسوك أني وأمي وخالة أميره نجهز وهذا اخر يوم وخلصنا الجهاز وگلشي وعرفت البيت مجهز من گلشي وهذا الشيء فرح أمي هواي لن بيتي لوحدي
" وزواجي صــاࢪ بفترة قصيره ما طولنا بفترة الخطوبه حتى ما تواصلنا عـلـىٰ التلفون وهذا الشيء خلاه يكبر بعين أهلي عرفوا الولد خوش ولد .
" اليوم زفافي لبست البدله البيضه ومكياج هادئ وحجاب طلعت أخبل والحجاب كلش طلعني حلوة ومميزه عكس التسريحه ، بالصالون وسهى وياي
جانت تحجي هي وأخت باسل الحمدللة أخذت عالجو .
" صوت السيارات وصلوا كمت وسهى أجت ساعدتني رفعت بدلتي ما عافتني إبداً ، صعدت السياره وسهى وياي وصلونا البيت وكعدت بالاستقبال لكيت سرى وامي مجهزات اليه كوشه وترتيبب وكذا وامور حلوة جهال أخواني ونسوانهم وأقربائي والكل حضر زفافي ، كعدت وسهى بصفي
أخذت صوره لأيدينا اني وياها لاحظت الحلقه بعدها بيدها ، نشرتها ستوري وكتبت أختي ربي ما يحرمني من وجودج وربي يفرح قلبج مثل ما فرح قلبي أصبحت عروس .
" كان أول المشاهدين ورد
ضرغام ـ مبروك بالرفاه والبنين يارب .
نهى ـ الله يبارك بيك شُڪراً ، رفعت التلفون شوفي
أخذته وشافت كلامه
سهى ـ زين بارك الج .
نهى ـ غصباً على خشمه اليابس .
ـ خشمه حلو .
ـ خفت خشمه ، ضحكت وجرت حسره وأخذنا صور أني وكل أهلي وأخواتي ونسوان أخواتي وأخواني وبابا وماما وخاله اميره مفرد وكانت الصوره الجماعيه تخبل وقرررت إنشرها ، خليت سمايل على صور نسوان اخواني واني ونهى وسرى وسهى كتبت عليها شمعة بيتنا ، جانت حيل ضعيفه لابسه فستان لون جوزي شكلها مرتب وطالعه تخبل ، الناس فرحانين بيه واني انشر ههه ، كان اول المشاهدين شوف وأحترك بنار .
سرى ـ اجوو اجووو وصلوا وصلوا
نهى ـ انخبصنا وأخواني وبابا طلعوا برة عود يستحون فدوة رحتلكم شاركوني فرحتي ، وصلوا ودخل هو كاشخ تقدم لزم أيدي كعدنا شوي واخذنا صور وبعدها طلعنا من البيت وبابا وأخواني حجوا وياه وصوا عليه ، بجيت وزادت دموعي من شفت أمي وسهى يبجون ، سهى تعالي وياي .
سهى ـ ما أكدر خالة أميره تروح وياج .
أميره ـ أنتِ هم تعالي وياي أبوج كال نوصلها
سهى ـ تمام .
نهى ـ كلش فرحت وراحت وياي وخالة اميره وياها
وطلعنا وجان عرس حلو وأهله فرحانين واغاني ورقص توقعت ماكو حفله بس متديين بس مو معقدين حبيتهم كلش يارب تمم الخير .
" خلصت مراسيم العرس وقرروا ندخل الغرفه وسهى وياي دخلتني الغرفه هي وخاله وطلعوا وسهى ناصبه عليه وتضحك
سهى ـ أنتِ تأخذينه مو هو يأخذج لن خبره هههه
نهى ـ خفت وطلعلج لسان ، ضحكنا وطلعوا وشوي ودخل هو وتقرب بوجهي
باسل ـ بسم الله ما شاء الله وسبحان المصورج وخله گلبي يريدج ما يريد غيرج ، الف هلا بيج بحياتي نهى نورتينا .
نهى ـ يالله كلامه شُڪثر حلو ، فرش السجاده وصلينا سوه وأذكر بزواجي من أحمد كبل اخذني حتى بسم الله ما كال الحمدلله تخلصت منك وعوضني تاج رأسك أنت وأهلك .
" خلصنا الصلاه وتقرب عليه وأخذني اله وتمت هالليله عـلـىٰ خيـــࢪ ، مر وقت وهو طلع بوسط الهلاهل ودخلت سهى تبوس بيه وفرحانه وياي
ضلينا نسولف وجابوا العشه وقرورا يرحون ودعتهم سهى ما اوصيج دربالج عـلـىٰ نفسج .
سهى ـ أن شاء الله وأنتِ هم مع السلامه .
نهى ـ الله وياكم گلبي ، راحت أختنكت وراهم وخطيه هو وأمه وأخواته ما خلوني احس بالغربه تعشينا سوا وفرحانين بيه وهو كل شوي يباو؏ اليه بكل حب فرحان بيه بحياته الحمدللة عـلـىٰ كلشي .
__________________
سهى
ـ الحياة تخلينا نتمنى نرجع نعيش تفاصيلها المُضت ونرجع الى الوراء وما ندخل تجارب نطلع منها خسرانين ونصحى على وكتنا ونستغل عقلنا بالتفكير بالشيء يخدم مصالحنا وحياتنا بالايام القادمه بس المكتوب ما منا مهروب وهذا حال الدنيا .
وكانت النهايه ابقى عايشه بالعزله ومركونه بالزاويه مع بقية ذكريات وتفاصيل من الماضي المؤلم .
" الحمدلله أختي انسعدت بحياتها والله عوضها خير بزواجها من باسل اثنيهم مدرسين يداومون نفس المدرسه وبيتها لوحدها شكد حلو وحامل والحلو بالموضوع حملت من وكت وبسرعه كُلنا انصدمنا وبزواجها الاول ما خلت ما راجعت وكومه أخذت علاجات ، الك بيها أراده وحكمه يالله .
" اليوم عمليه نهى ومتجهزين أني وأمي نروح الها لن هي أبيتها مناك هي ورجلها وعمتها يرحون المُستشفى ، يلة سرى شكد روحج طويله .
سرى ـ اجيت هاج مبايلي بس دربالج عليه
سهى ـ شسوي بي بس علمود اتواصل ويه نهى خليته بالجنطه وطلعنا أني وأمي للمستشفى وعلاقتنا سطحيه بس عـلـىٰ كد السؤال .
" وصلنا وخاله اميره اجت هي وبابا ونهى دخلت العمليه والكل ينتظرها تطلع بالف سلامه مر وقت وطلعت من العمليه وجابت ولد كلش فرحنا الها ودخلوها الغرفه ويباركون الها رحت يمها مبروك صرتي أم وأخيراً صرت خاله .
نهى ـ فدوة رحتلج ربي يبارك بعمرج
سهى ـ ما كدرت أتقرب عليه بيد أمي وأباوع عليه أختنكت حيل وطلعت برى بجيت ليش مكتوبلي اتعذب على فراككم يمه وهاي كملت سنتين وأني مو يمكم ولا أعرف شيء عنكم يارب منك الصبر .
" رحت الحمامات غسلت وجهي وطلعت رجعت يمهن ونهى تباوع اليه اطمئني بخير لايضل بالج ، جان المُستشفى خاص لو عـلـىٰ العام جان شفته بس شيفيد بعد واذا شفته كلشي أنتهى وبدلني بغيري وعايش حياته .
" رجعنا البيت وأمي ضلت يمها بالمستشفى باجر يخرجونها ، رجعت ويه بابا وخاله أميره وصلوني وراحوا ، وامي ضلت يمها أسبوع زوجها ما قبل تجي يمنا ما يكدرون يفاركون ابنهم ف امي ضلت يمها أداريها وأبنها سمته مؤمن كلش حبيت الاسم ربي يحفظه الهم .
" طول هالأسبو؏ أني شايله البيت وسرى تقرأ لن دخلت جامعه والله وفقها وقررت تبقى يم أمي .
" لبست صايتي ورحت أتسوك من الأسواق القريبه علينا لن عمار يطلع لشغله من وكت فـہ المسواك عليه وصرت أعتمد عـلـىٰ نفسي نوعاً ما التهيت وطلعت من الجو على رغم يجيني الليل وارجع لنقطة الصفر
" أخذت كُل النقوصات وسجلتهن دين ورجعت البيت
بيدي الأكياس وأتمشى وصارت كدامي المواقف من طلعت من البيت وعفت أمي علموده ومن رجعني والدينا مغرب وأني عباره عن جناره وما رحم حالي .
" نفضت الأفڪار ودخلت البيت خليت الأكياس عـلـىٰ السنك ، رحت الغرفه أغير ملابسي نزعت شالي بعده بيدي وشفت سرى وجهه حزين خيـــࢪ شصاير وياج .
سرى ـ أكولج شيء بس ما تزعلين !!
سهى ـ شُنــــوْ هو .
ـ ضرغام صارتله بنت . !!
ـ وكع الشال من إيدي وأحس جسمي تبنج لأ اكدر امشي ولا أتحرك خطوه ودموعي تارسات عيوني بس مو راضيات ينزلن ، شلون عرفتي
- اني صديقة ضرغام وزوجته مسويلته أشاره بالمنشور .
ـ وين المنشور خل أشوف ، دخلت عـلـىٰ حسابه أدور وماكو هاا وينه
- ماكو انحذف والله توني شفته منذ دقائق وين راح
ـ دوري زين طلعي ورجعي ادخلي خاف النت مو شيء
ـ لا والله النت فول ، ولج حتى ناشره صوره الطفله ومسميتها ملاك ، وين راح يالله ماكو صــاࢪ كم مره أدخل الحساب الظاهر أنحذف .
ً ـ عوفي أحتمال هو حذفه او شال الأشاره من عنده هسه اريد تلفونج شوي وارجعه الج .
ـ شتسوين بي .
ـ ما عليج ، أخذته منها ودخلت الغرفه دخلت عـلـىٰ حسابه واخذت نفس عميق خليج قويه سهى بالكوه كتبت مبروك صرت أب للمره الثالثه شبسرعه !!رسلتها اله
" جان ما فاتح نت ضليت أنتظره بحدود الساعه ودخلت فتح نت ونشط الأن شافها ما رد رجعت دزيتله إني سهى فتحها بسرعه هم ما رد ، عصبت عليه دزيتله صوت شُنــــوْ شايف نفسك أنت مترد ترى أحجي وياك كلمتين ما أكلك ، وصلت فتحها هم ما رد ، دزيتله ، أنانيي أنانيي .
" دكيت رقمه وأتصلت عليه مرتين ميجاوب أخذت نفس أحجي وياه سهى خليج قويه ، سميت بسم الله بلش يرن ودگات گلبي حالة أنذار واجاني صوته وأخذ روحي وياه .
ضرغام ـ شتردين مني لخاطر الله شجلبتي ادزين رسائل وتتصلين .
سهى ـ اجتني الرجفه من سمعت صوته بالكوه كلت إسمه ضرغام رد بعصبيه .
ضرغام ـ نعم ، شتردين أختصري عندي شغل .
ـ عصبت وأنقهرت من الرد مالته تجرأت وجاوبته شريد قابل ليش شباقي منك شو عايش حياتك مثل ما تريد تزوجت وصارتلك بنت
ـ ليش عندج مانع
ـ لأ يبوي منو اني حتى أمنعك ، بس مصدومه بيك وسفه عليك هيج حبي طلع ميسوى عندك ما غزر بيك گلشي وين حبك ودلاك وغزلك واحبج وأعشق وجودج وأتنفسج وأنتِ گلشي بحياتي وينهن ضرغام ليش ساكت لو طلعن كلهن كذب وخدعتني بيهن .
ـ شتردين مني بعد ترى عايش حياتي شمتوقعه لعد اموت وراج طبعًا اتزوج وأكمل حياتي لعد اللي يتزوج شُنــــوْ ينتظر غير يخلف ، لو عبالج ما تخلف علمود أطلكها وارجعلج ، لا غلطانه عيني نسيتج من زمان وتزوجت أغاتج وتسواج وأنتِ هم شوفي حياتج وتزوجي ومحد يموت ورى أحد ، ديلة لا تتصلين بعد .
ـ هم صُدك أنتَ كلتها محد يموت ورى أحد وأنت تموت وأني ما أموت وراك ، قطعت الخط بوجهه وشمرت التلفون أناني حقير أني الغبيه نزلت نفسي وأتصلت عديمه كرامه وما يصير برأسي خيـــࢪ .
" رجعت سمعت صوتي وحبيت صوتي ناعم وعصبيه أني شبيه كبر ، حذفت المحادثه وهو نشط الأن اكص أيدي اذا ما جاي تعيد وتسمع صوتي لا ما اعتقد يجوز حذفها يمڪن يسمعها لا لا سهى لا لا .
" كمت رجعت التلفون لـ سرى خاف يدز شيء لاتجاوبينه
سرى ـ منو هو .
ـ هو ، هيج واحد .
ـ تمام فهمت .
سهى ـ رجعت أطبخ وبالي يمه تزوج وصارتله بنت گافـــــي تحنين وتونين بطلي جوزي منه شحلصتي بس القهر شو هو عايش حياته ولا اباله أنتِ حتى من حجيتي أتصال من ورى خشمه قطره شوك ماكو أي فعـــلاً ناسيني من زمان .
وأني احجي ويه روحي أنجرحت إيدي بالسجين فريت أيدي والدم فياض إشســويت ، ركضت على السنك أغسل وابجي وكمت أضرب بوجهي بقوه والدم على ملابسي وأجتني سرى أخذتني الحمام غسلت ورجعت كملت الغده وتغدينا بس أني وياها لن عمار يشتغل عماله يتأخر ورزان يم أهلها .
" أردت فقط أن أراكَ تحاول من أجلي أظن أنكَ فعـــلاً قد نسيتني منذ وقت طويل مضى ، كل يوم يمر من عمري أتعجب عـلـىٰ روحي شلون تخطيته مع كل هذا الحزن والوجع ولا يوم مر وأني مو حزينه مخدتي حياطين غرفتي أهلي الكل شاهدين عـلـىٰ كميه الم المريت بيها ،روحي تتأكل من الداخل .
" واكفه كدام المرايا وأباوع لبقايا جمالي اللي أنطفئ مع حزن الساعات والأيام والأشهر والسنوات
قبطت ٣ سنوات ونص ، ولحد الأن ما نسيته ولا كدرت أتخطاه على رغم هو عايش حياته مثل أي أنسان ولا سأل ولا داري عن حالي وأحوالي .
وأني شلون باقيه عايشه وأني بعيده عن أطفالي وهو شلون مرتاح وضميره ما ينأبه على الظلم اللي صدره بحقي بدون ما يسمعني .
" بيدي تلفوني وبغرفتي كاعده واتصفح والمنشورات كلها تمثلني عبالك التطبيقات تعرف الشعور البداخلي گلشي يطلع كدامي يمثل حالتي من اشعار وأغاني وكلمات .
وأني أكلب صــاࢪ كلام ينطبق على حالتي نسخته ونشرته ستوري وما إهتميت لأ اخواني ولا بابا ولا ماما ولا اخواتي شيفهمون خل يفهمون اني من بعده لا شيء أول شخص حبيبته وأضل للموت على حبه لما يسقط ماي الغسول بأذني .
الكلام جان " منو غيرك يستاهل أحبه "وياها موسيقىٰ حزينه ، ضليت أراقب المشاهدات وأول مشاهد بابا وودز
نجم الدين ـ أنسي بابا خلاص ما عاد موجود شاف حياته من دونج ، ليش باقيه تعذبين بروحج .
سهى ـ الله كريم بابا ، انطه أعجاب سمايل حزين
وبعدها أختي نهى ردت
نهى ـ الله يصبرج خيتي حسبي الله عـلـىٰ الكان السبب .
سهى ـ ما رديت عليها وبعدها أخواني بس شافوا ما ردوا وأمي كذلك وسرى دخلت الغرفه وباوعتلي ودمعتها عـلـىٰ خدها
سرى ـ گافـــــي خيتي أنسي .
سهى ـ طلعي وسدي الباب وراج ، ردت الباب وراها وخليت رأسي عـلـىٰ المخده ونزلت دموعي مثل كل يوم يمر من دونهم وجودهم ، ليث ماماتي أزل يمه
" صافنه وأتذكر إيامنا وبين تبجي عيوني وبين مبتسمه عـلـىٰ سوالفه الحلوة المليانه حب وحنيه
فزيت على صوت أشعار فتحته هو نهضت بفرح منطي لايك على الستوري الناشرته ، دخلت على حسابه نشط الأن اكيد جاي يقرأ بيها اي فاتح نت .
" مرت دقائق وطلع نشط منذ دقائق سد النت ليش أنطيت أعجاب ليش ما حجيت وبردت نار گلبي أهون عليك أشتاقلك وأتلوع عليك.
" مرت دقائق ورن تلفوني فزيت !!
يَتبع .. .. ..