#سبيل_الغيب
" الحلقه الثانيه وعَشرون "
" صباح الخير ، هذا بارت مفاجئ ما حبيت تتنظرون
اخليكم قراءه ممتعه وباجر ماكو نشر أعذروني تعبت والله ونفسيتي أيضاً ، عـلـىٰ يوم السبت أن شاء الله
نهى
ـ كعدت من النوم رأسي يوجعني شگد نمت لعد باوعت بالفراش فارغ هذا ويـــن راح !!
بعدني توني اريد اطلع اندفع الباب دخل بيده جنطه وبملابسه الداخلية والدم ينزف من خشمه هايہ شصاير وياك أحمد شبيك دفعني من المخبل ويدور بالكنتور على شنو ادور !!
احمد ـ جنسيتييييي وين وين طلعيها بسرعه مستمسكاتي نهى تحركيييي فدوة .
ـ شتسسووووي بيهن وشبيك وجهك كله دم ومصلخ وحالتك حاله أحمد باوعلي وفهمني شمسوووي وشُنو هاي الجنطه البيدك جريتها وكعت طلعت دفاتر مال فلوس انثرت بالكاع فلوس ،!!! .
المن هايہ احمد فهمني شمسوووووي أنت .
ـ ما دخلج بس طلعلي مستمساكتي فدوة .
ـ هايہ الدفاتر مالت الفلوس المن .
ـ لـ الكواويد !! مالج شغل تحركييي وين ضامتهن بسرعه يمعوده .
ـ بايك أهلك مو أحمد فهمني تبوك فلوس أهلك تنهزم بتعب ابوك واخوانك هايہ الفلوس الهم مو ، ليكون فلوس إخوك ضرغام احجي أنت بكت اخووووك .
ـ أي أي لا تتدخلين ما الج شغل بعدي عن طريقي هسه ضرغام يجيني .
ـ ضرغام ، أحمد شمسوي ويه إخوك .
ـ اضل يمج أنذبح
ـ لبس ملابس عالنص وشال الجنطه اللي نص الفلوس عافهن أخذ كم دفتر لن صوت الصياح وصل الغرفه تقرب عليه وكال .
ـ اخذيهن الج گلبي
ـ لزمته من ياخته شمسووووي من مصايب ودمك ويه طولك وتريد تنهزم وبيدك جنطة فلوس ما تطلع منا اذا متكوليييي .
ـ نمت ويه أختج وضرغام شافنه بوضع ..
ـ دفعني وطلع وضليت مصدومه سهى !! ليا نذل
ليا نذل ليا حقير شهكت وبجيت ولطمت على وجهي أعتديت عليها يا حقير دمرتها هجمت بيتها الله يأخذك .
مسحت دموعي وجمعت الفلوس كلهن بالجنطه وانفتح الباب ودخل ضرغام تقرب خنگني بقوه ضرغام كول يالله ضرغام
ضرغام ـ رجلج وين گوليييييي وينه ، انهزم مووو كولي جان يمج لو لا .
ـ هسسسسسسه طلع الحكه شتسوي سوي بي الله يأخذه ، طلع وخلاني الطم وافتر بالغرفه ياربي شسوي شعمل تصخمت وجوهنااا يصخام الوجه شُنــــوْ اكول لهلي شراح يصير يبووووو ، رجع عليه
ضرغام ـ إنهزم مني بس والله الا اذبحه وأشرب من دمه .
ـ أذبحه اذبحه حلال بيكم الذبح أنت ووياه كواويد أنت واخوك وكل اهلك عائله منحطه وفالتوا الله يأخذكم أنعل ابو هيج صداقه جمعتنا .
بغضب ـ ماطول تعرفينه كواويد وعائلة فالتو شورطج أنتِ وأختج ويانا شجابجن علينا !!.
ـ حظنا المصخم ساعة السوده ، والصوج منك دام تعرف أخوك نذل وساقط شگووو مبقي سهى كدام عينه وهسه أعتدى عليها وخلاها ضربني كف ولزمني من شعري ولطشني بالحايط ضرغام هدي .
ـ أني كواد وأبن ستين ساقط ، سمعيني لج الج ١٠ دقائق ماكو غيرهن هسه تنزلين من حلك ساكت بدون لا حس ولا نفس وحركه ما اريد منج ، تلبسين أختج وتسترينها وتلمين سلابتج وتأخذين أختج وتنكلعين من هالبيت وأنت ساكته قسم بالله اذا أحد عرف باللي صــاࢪ أذبحج أنتِ وأختج عـلـىٰ قبلة الكفار وما اسأل عنكم .
ـ هذا اللي شاطر بي بدال ما تحاسب اخوك ترجع عليه وعـلـى أختي .
بصوت ناصي مليان غضب ـ لن أختج فاهيه بصطره وحده تنام وتسلمها تراب أختج منطيه نفسها تعرفين شُنـــــــــــــو شافت عيني تعرفين شُنـــــــــــــو شفت ولج ريتني شايفها ميته ولا شفتها بوضع أخ الله . تحركييييي لا ارجع أخلص عليها تحركيييييي .
ـ عافني وكمت أكح بالكوه أخذ نفس مشيت واتعثر واوكع اريد أندل الباب أنثولت والله ، رجع رفع أصبعه بتهديد قاتل .
ـ والقران الشريف وشرفي ولو ما ضل عندي شرف اذا أحد عرف أمحيج أنتِ وياها وكل سلالتج هالشيء تأخذنا عالموت فاهمه سمعتي زين .
ـ سمعت سمعت ، فتحت الباب وطلعت مثل المخبله همزين محد موجود جان صرنا بخبر كانه ، ركضت الها من الخوف بيتها صــاࢪ شبعده الف مره وكعت يله وصلتها والبيت مهجوم مكسره كل الاغراض وليث يصرخ صراخه شايل البيت شفته سوده عليه ويبجي شافني وسكت وضحكلي عفته الك الله خل التهي بمصيبة أمك.
دفعت الباب وشفت الما ينشاف الدم تارس الغرفه والجرجف كله دم وهي نايمه بالكاع بدون ملابس وجهه قطعه زركه وجسمها كله كدمات ولازمه بطنها والنزيف مأخذها ، ميته !! أي ميته
رجليه ما عاد يعينني أوصل الها وأيديه يرجفون وصلت الها وصوت ليث شك طبلة أذني صراخه يكسر الگلب اوففففف يالله صرخت بقهر ورفعت رأسها اريد اشوفها ميته لو عدله
فتحت عيونها وضربتها عـلـىٰ خدها سهى اصحي سهى لاتموتين وتخلينييي خيتي ولج سهى اجاني صوتها بالكوه فتحت عيونها .
سهى ـ كوليله خل يجي يخلص عليه خل يجي يذبحني .
نهى ـ مو عـلـىٰ كيفج وكيفه يذبحج كومي نولي لبيتنا .
ـ ما اروح ما اطلع من بيتي خل يذبحني ويكول لناس ماتت بالولاده هو دكتور ويدبرها ما اكدر أعيش واني اخوه نام وياي وحبيبي وزوجي شافني بوضع صعب موتونيي ولا تخلوني اعيشش .
ـ كومتها من الكاع وركضت طلعت ملابس الها وهي تسمع صوت إبنها وتبجي ، البسي لبستها ودخل هو تفل بوجهه وخنگها عوفهاااا گافـــــي راح تموت .
ـ ياريت تموت ياريت أكدر أموتها ولج عار ولج شسويتي ولج دمرتيني الله ياخذج ساعة السودة العرفتج بيها ، وين الله ورطني بهيج عائله ساقطه تف عـلـىٰ خلقتج الزفره اللي خليتني اعمى ما اشوف النسوان بس أنتِ شفتج مره وحبيتج .
اطلعي من حياتي وليييييي الج نص ساعه تتجهزن وتطلعن اوصلجن وأكبر عارجن يم اهلجن أخلص من عار اللي لبستنا اليه ويه اخويه يا خزييييي .
نهى ـ دفعها بقوه وأنركعت بالحايط لزمت راسها بوجع وطلع بالصاله يسكت ليث لبستها وهي تشهك اكعدي اروح اجمع ملابسي وارجعج راح اقفل عليج الباب أخاف يرجع يخلص عليج .
- خلي مفتوح خلي يجي يخلص عليه .
ـ سگتيي هسه ارجعلج .
نهى ـ أباو؏ إلها تبجي ركضت وقفلت الباب وراي وهو كاعد يبجي وإبنه كدامه ياكل تفاحه شافني مسح دموعه ونزل رأسه الله يعينك عـلـىٰ مصيبتك إنهجم بيتك .
" ركضت البيت وصلت غرفتي جمعت كل الفلوس اللي خلاها يمي خليتهن بالجنطه ، والذهب وملابسي خليتهن وطلعت ونزلت الجنط خليتهن يم الباب وصلت الهم وصار بوجهي وباوع عـلـىٰ الجنط .
ضرغام ـ كتلج لمي سلابتج مو تجمعين كل شغلاتج أنتِ وين واختج وين واني وين ، حايره بنفسج وملابسج وناسيه اختي بيا وضع هي بي ، صدك لو كالوا طمع بن ادم .. .
نهى ـ ما جاوبته لن وضعه صعب خل يحجي مو مال ارده احنه نسوان وهو رجال اخاف يذبحنا اثنينا .
خليت الجنطه كدامه ونثرت الفلوس هايہ الفلوس اللي أخوك باكهن منك خاف بعدين تتهمنا أني وأختي عفته ورحت الها كومتها وسندتها وطلعت لكيته مخلي الجنط مالتي بالسيارة وليث يصرخ
سهى ـ ليث ما اعوفه ابني ما اعوفه خليني يم ابني خلونيييي ما اعوف ابني .
نهى ـ دفعتني ركضت لأبنها حضنته وتبوس بي رجعت أحاول وياها وهو يصيح ولج يله تحركي قبل لا يجن أخواته وأمه من يم بان تحركي قبل ننفضح الرجال ما يريد الفضيحه تحركي ابوس إيدج .
ـ هو شضل خل ننفضح ، موتيني بس لاتكولين طلعي من البيت وعوفي إبنج وراج مستحيل اموت والله اذبح روحي وما أعوف ابني وراي يصرخ ابوس ايدج احجي وياه خل اخذه وياي ابوس رجليج .
ـ ولج ما اكدر الرجال عقل ما ضل برأسه على ساعه يحرك البيت بينا ولج گومي ماطوله هدئ خل يودينا للبيت أهلي عكبها نشوف شلون نجيبلج أبنج امشي تحركي حيري بروحج ابنج اله الله ابوه ما يعوفه .
" أحجي وياها وهي حاضنته بكل قوتها والمسكين نام بحضنها وأنفتح الباب وفزت مرعوبه تمسكت بأبنها وختلت ورى السرير وين تنهزمين منه اوففف يالقهررر ، تقدم جرها من وراه السرير واخذ ليث بالقوه من حضنها وخلاه بالسرير نايم .
سهى ـ لا تأخذ ابني مني فدوة ابوس رجليك خلي بحضني لاتحرمني منه احرمني من روحي بس لاتحرمني من أبني ابوس رجليك ابوس قندرتك اترجاك لاتحرمني من روحي والله اموت وراكم ضرغام عيني أنت اذبحني بيدك بس لاتحرمني منك ومن إبنا .
نهى ـ نزلت دموعه وهي تتوسل وتبوس بحذاءه يبجي عليها لو عـلـى روحه على بيته انهجم رفعها من الكاع ونسه هي حامل شمرها بالصاله والله كلت ماتت ظهرها أنكسر صرخت بوجع مكتوم ردت اتقرب الها منعني وراح إلها صار فواكاها نام على بطنها وخنگها بكل قوته الا وجهه ازرك ورجليها يرفسن جواه واريد اتقرب ما يخليني اتوسلك عوفها لاتموتتتهاااا ضرغام عوفهاا .
ضرغام ـ تردين تموتين مو من عيني .
نهى ـ ترفس والدم يجري صــاࢪ عدها نزيف .
ضرغام ـ تردين أبنج موووو ما الج أبن عندي ليث تنسينه وتنسين أبوه وسلالته .
نهى ـ گافـــــي عوفهاااااا عافها وكام كسر التحفيات ويجيب ويركع بالحايط شلتها وسندتها امشيي نولي البيت ولا حرف أسمع منج .
ضرغام ـ زواج أهل الطيبين بدون شوف على اختيار الام وهاي هي طبك ربك ترضى بقسمتك وتسگت بس اني شفت وحبيت وتغزلت وتلمست وكلبت ونمت وحبلت شفتج شبيـــچ ما بيج قبل العرس شعمىىىىىىىىىى على گلبي ورجعت تزوجتج شعمى على عيني ما خلاني اشوف طريقييييي ما خلاني اشوف عميتنيي بحبج ولججججج عاااااار .
أخذتج ووثقت بيج وكملت زواجي وياج وكلت هاي الاعيش العمر وياها هاي بنت گلبي ولج اكو عار تنطيييي نفسها قبل عرسها بس اني اثول أنثولت بغزلج وكذبج وخداعج اثول لن حبيت رخيصه مثلج عار بصطره تنام وتنطي نفسها رخيصه ما عدها كرامه ترضى بگلشيييي بس المهم رجال ينام وياها ساقطه عافت أمها علمود رجال .
سهى ـ ضرغام أسكت فدوه ، تقرب صار كدامي واني ازحف وارجع ليورا
- خايفه مني مو ليش ولج ما درتي بالج عـلـى نفسج ليش سلمتي نفسج ليش خليتي يلسمج ويتمتع بيج أستاهل منج هالشيء أستاهل هيج تجازين حبي الج داريتج بماي عيوني شتردين سويتلج حاربت الدنيا واهلي واخذتج ولج حبيتج ما عفتج ولج اول حب بحياتي أنتِ ليش يا عار انطيتي نفسج ليش ، ليش
ـ ما اعرف شصار والله ما اذكر هو هجم عليه ما اذكر بعدها شصار صدكني غصب عني صدكني اني مظلمومه .
ـ سد حلگي منعني أدافع عن نفسي .
ـ ولا حرف أسمع منج أششش ، ما تلام بيج أمج زعلت منج وطردتج من البيت ورفضت زواجج لن عرفتج عار وفاهيه مو مال زواج عندج اهم شيء الرجال الخزيييي امج عرفتج عار وعافتج عليه وتكبعت بعارج .
وفهاوتج تكعد الميتين ويصيحون الغيث منج ، الله ياخذج من مره وساعه السوده حبيتج وعرفتج بيها الفاهيه تف عـلـىٰ خلقتج انسحلتي من اهلي سحله الجلب وبقيتي وياي لن رخيصه وعديمة كرامه مثل الجلبه النكسه عفتي اهلج علمود حبج ونفسج الخزيي روحي خل امج تحير بيج .
نهى ـ خلص كلامه وكام من يمها وكومتها كومي نولي ، ركضت تبوس بإبنها وتبجي عوفي نايم يضل يصرخ وراج شُنــــوْ ذنبه ، راحت طلعت من ملابسه ضمتهن بصدرها وباوعت نظره أخيره على ابنها وطلعنا من البيت كلشي ما اخذت طرك ملابسها لابستهن وتلفونها عالميز جريته واخذته .
صعدنا السياره وهو قفل البيت عـلـىٰ ابنه واجه شغل السياره وطلعنا .
" منزله رأسها تبجي ودمها ويه رجليها راح يأخذها النزيف وتموت ، تمشي بينا السياره بكل سرعتها يريد يطير تنشال السياره وتنركع بالكاع .
ضرغام ـ متزوج مره ابرد من الثلج ولج فهميني اكووو مره ما ادافع عن نفسها وشرفها شايفين يا ناس يا عالم هم شايفين هيج كواده .
بس الصوج مو منج الصوج من الكواد اللي ملفيج بيته اني شورطني ويه هيج عائلة تزوج بناتها وهما يعرفون عايشات علاقات حب ، عمي كواده علني عمي تسقيط كدام العين ماكو لا شرف ولا اخلاق عائلة مسربته وطايح حظها وابتليت بهيج نسب خايس وريحتكم طالعه شورطنيييي رب الحلو .
سهى بصراخ ـ وين ماخذنا هذا غير فرع ودينا البيت وخلصنا .
ضرغام ـ أي عيني تدللي ليش لا ، امرج ست الجمال هسه طلع ألج صوت وسمعنا صوتج الحلو هسه تعلين صوتج بعد ما أنكسرت عينج بعد ما أنسلب شرفج طلع الج صوت يالخايسه البارده تف عليج وَ؏ صوتج ، وين جان صوتج من اخذج عار ما صرختي صخمتييي بس الظاهر عاجبج الوضع .
نهى ـ ضل يحجي واحنه ساكتين وصلنا البيت نزلتها بالكوه تمشي دگيت الباب طلعت أمي متفاجئه عفتها ودخلت البيت خليتها بالغرفه ابقي اروح اجيب غراضي وارجعلج .
" طلعت ولكيت أمي تسأل بي وسمعت كال الها .
ضرغام ـ مشاڪل أني وياها وتعاركنا وجبتها ترتاح يمج وضعها تعب لن حامل بشهر الثامن .
جنان ـ مشاڪل تجيبها جنازه .
نهى ـ باوعلي وغمض عيونه يعني لاتحجين هزيت رأسي ونزل الجنطه وياي خلاها بالبيت وامي واكفه تباوع النا مستغربه الوضع وهو شغل سيارته وراح
دخلت الجنطه الغرفه وأمي تفتر وراي لكيت سهى داخله الحمام ركضت وراها خاف تسوي شيء بنفسها
جنان ـ وحده منجن تفهمني شگوو !! شبيجن شصاير
شكولجن ما تبشر بالخير أختج وجهه صاير خريطه عيونها طالعات من مكانهن مو مال مشكله بسيطه احجيي وين موليه .
نهى ـ هسه ارجعلج خل اشوف سهى ، عفتها دخلت الحمام وقفلته لكيته تضرب بنفسها وتبجي وتنزف گافـــــي بنتج شُنــــوْ ذنبها ولج خطيه .
سهى ـ ولج نام وياي اني وسخه قذره ما دافعت عن نفسي النذل ضربني أبره شوفي مكانها خاف أنتِ هم ما تصدگيني والله ضربني أبره وخدرني باعي مكانها صاير ازرك .
ـ ضربتها كف ولزمتها من وجهه مصدگتج قابل ما اعرفج بس ليش ما دافعتي عن نفسي أول ما دخل عليج ليش ولج صرخي عيطي صخمي ، ليش خليتي يتقرب الج .
ـ والله قافله بابي وكاعده بيتي ما اعرف منين طلعلي يمكن عبر من الحايط الله يأخذه ما أنطاني مجال والله حتى ما اذكر شصار بس كعدت لكيت ضرغام موجود ويضرب بي وأثنيهم متعاركين وأحمد دفع ضرغام عـلـىٰ الحايط وإنهزم ورجع عليه وصار اللي صــاࢪ هذا كل اللي اذكره وغلاتج وداعت أبني نهى صدكيني لاتصيرين مثل ضرغام لاتظلميني ابوس إيدج .
ـ أندك الباب بقوة وأمي تصيح ، بس لا سمعتنا .
ـ أكيد سمعت ضلت عليها خل تجي تخلص عليه
جنان ـ نهى ولج فتحي الباب شمصخمات جايتني وعارج وياج فتحن الباب .
نهى ـ فتحت الباب وسهى ختلت وراي بجيت عليها ودخلت أمي وجرتها من شعرها وأخذتها بالغرفه
جنان ـ ولج أحجيلي شُنــــوْ أخوه نام وياي شنو خدرني ، أذا ما تحجن اذب عليجن بانزين واحركجن
نهى ـ قفلت الغرفه وكعت بالكاع ومنزله رأسي وحجيت الها گلشي وامي كامت تترجف باوعت على سهى وتولتها الضرب من كل مكان وأتوسل بيها تعوفها عوفيهااااا گافـــــي راح تموتونها عوفيهاااا
صوتي راح وأنبح واتبخر ما عافتها الا وكعت سهى مرميه مثل الجثه ملامحها أختفت من أثار الضرب والدم
جنان ـ ما رضيت ما رضيت بس عاندتيني وكسرتي كلمتي وعفتيني ولحكتي أبوج وتزوجتي غصب عن أمج گسرتي كلمتي وأخذتي واحد أهله رافضين زواجه ورافضينج جنت حاسه ترجعين بمصيبه والله جنت حاسه
الله ياخذج من بنت كسرتيلي ظهري ريته موتج ولا جابج والله عمي شريف ما ذبحج والله شريف واحنه العارات وبله شرف زين منه خلاج عايشه ولج يالفاهيه حلكج فاتحته ما صرختي لطمتي صخمتي دافعتي عن نفسج لو بس بيج خيـــࢪ حضن لضرغام وحبجيات ، تف على خلقتج ريتج ميته ريتج ميته ريتج ميته .
نهى ـ زحفت الها رفعتها من الكاع سهى حاجيني لاتموتين سهى ، يالله يالله يالله ، مسحت دموعي واضرب بيها على خدها خليتها بحضني وشبگتها وبجيت ، خرب بهيج مجمتع ينظر بس للمره وعايفين المذنب يسرح ويمرح بكيفه ، إوففف خيتي .
" بقيت لليل وإسمع صوت عمار يسال كمت قفلت الغرفه يارب أمي ما تحجي ويذبحونج والله شسوي المن اروح وين اوديج وين اضمج شلون افهمهم أنتِ مظلومه شلون .
" رحت عليها سهى سمعيني سهى خليج صاحيه
هسه ارجعلج ما اعوفج ما اخليهم يأذونج ، أندك الباب منو .
جنان ـ أني فتحي .
نهى ـ دخلت وقفلت الباب وكعت يم رجليها إبوس رجليج لاتكولين لأخوني اتوسلج والله يرجعون عليها ورجلها ما يريد الفضيحه الرجال طالب الستر موزين مرت هيج ، ستري عـلـىٰ بنتج كوليلهم متعاركه هي وزلمتها دبري كذبه يمه بنتج هاي يمه الدنيا ظلمتها لاتظلمينها .
جنان ـ وعارها .
ـ بنتج مو عار ، العار عارهم سهى أشرف من الشرف
روحي فهمي عمار ورزان خليها عليه أعرفها متحجي
ـ ولج سمعيني عيشة الجلب تعيشين ماكو لا تلفون ولا طلعه ولا طبه وتنكبرين بهل الغرفه للموت وتولدين وطفلج ينشمر عـلـىٰ أهله ، جيبي تلفونها .
ـ طلعت الها تلفونها قفلته وأنطيته الها طلعت وأخذت نفس ، رجعت الها گومي هسه عمار يطلع وأخذج اغسل الج ، سهى أحجي خل اسمع صوتج
ـ غسليني من القذاره اللي بجسمي .
ٍ
ـ هسه أصبري ، ضليت كاعده أفتر وصلني صوت عمار .
عمار ـ شعنده معارك هو وياها والله ما ترجعله بعد اني من الاول ما راضي على هالزواج واحد شايف نفسه وهو واهله ودفعت مردي وهوا شرجي .
نهى ـ أفتر بالغرفه وخف الصوت فتحت الباب وطلعت أشوف شافتني رزان وين رجلج .
رزان ـ راح عـلـىٰ عمو نجم علمود ضرغام .
ـ أمي شكالتله .
ـ متعاركين وضاربها وطاردها وتخبل ومشه على عمي
ـ رزان سمعتي شيء فدوة رحتلج .
ـ اعتبريني ما سمعت شيء لاتشيلين هم .
ـ بستها من كصتها ودخلت الغرفه كومتها واجت رزان ساعدتني دخلناها الحمام وطلعت وقفلت الباب نزعتها ملابسها وشفت الأثار غمضت عيوني بقهر وكامت تضرب بنفسها وتصرخ حضنتۿها اش خلاص
ـ كولي الهم خل يذبحوني ما أكدر أعيش ولج ما أكدر افهميني نهى حسيييي بنار گلبي شلون اعيش شلون
ـ أخذتها بحضني وإحاول وياها لخاطري سهى حَـبيبتـي باوعيني ، الله ما يتخلى عن عبده لازم يجي يوم ويظهر الحق ، لازم تعيشين مو عـلـىٰ كيفج تردين الموت وتعرفين بنفسج بريئه ومظلومه .
ـ أخخخخخ أخخخخ .
ـ صرخت بقهررر كطعت گلبي ، سبحتها وتغسل بجسمها أڪثر من مره خلاص گافـــــي .
ـ غسلي جسمي بتيزاب ، شلون غير حبيبي يلمسني شلون اعيش من دونه هسه يكرهني مو بعد ما يريدني
ـ مو وكته هالحجي ، طلعتها ودخلتها الغرفه نشفت شعرها ونومتها وجسمها كله يرتجف ، بعدت الغطا وحضنتها وبجيت وياها لازمه ايدها ومتمسكه بيها
" مرت هالليله من أصعب ليالي العُمر المرت علينا ما غمضت لي عين ولا نشفتلي دمعه ، هي نايمه تهمس
سهى ـ حبيبي أحضني .
نهى ـ كتمت عبرتي شديت عـلـىٰ إيدها وترتجف ضليت إمسح عـلـىٰ شعرها هدأت رفعت رأسي أمي يم الباب تباوع النا وتبجي ، بداخلي ابجي كله منج
: كمت سبحت وضليت كاعده ومخليه رأسي بين رجليه وصافنه وأمي تباوع الها وما بطلت بجي وتضرب على خدها بقوه ، غمضت عيوني أريد أغفى اريد اتخطى وأتجاوز ليش هيج تعذبنا .
" مرت إسبوعين وأبويه اجه وفهم الموضوع زعل ثكيل ومشاكل بينهم نكول صدك وعبرت سلامات
: وهالأسبوعين هي شبه الميته بس صافنه لا تأكل لاتشرب وتشكي من وجع بطنها ، سهى أحتمال طفلتج ماتت بطنج مستعده لصدمه جديده ، ما ردت عليه عفتها ورحت لـ أمي وقررنه نروح المُستشفى وهما يقررون عـلـىٰ الاغلب عمليه يطلعون الطفله من بطنها لن تسوي تسمم وتقتلها .
" لبستها وهي طافيه وذبلانه والاثار طابعه بوجهه
لبستها شالها وسنتدتها وامي كفختها عـلـىٰ رأسها بقوه .
جنان ـ خل تمشي لوحدها عوفيها .
نهى ـ دفعتني منها وهي باوعتلي بقلة حيلة وبرطمت
الج الله ، أخذنا تكسي وبالطريق أمي تحجي عـلـىٰ التلفون وعصبيه شڪوو شبيـــچ .
جنان ـ أخوانج رايحيين عليه ومتعاركين هما وياه عركه للضالين وطالبين الطلاق منه .
نهى ـ سگتت وباوعت الها مسحت دموعها شتحجي نبلع موس ونسگت ووصلنا المُستشفى ، نزلنا وسألنا الممرضات رسلتنا عـلـىٰ دكتوره وأحنه نمشي صادفنا هو وجه لوجه باوع شوي ومشه سريع لغير أتجاه .
" دخلنا عـلـىٰ الدكتوره وفحوصات ما حجت شيء بس مزعوجه گبل حولتها غرفة العمليات دخلت ودعتها وهي ساكته .
سهى ـ أدعيلي ما أطلع من العمليه سلامات .
نهى ـ لا هيج تحجين تطلعين وتعبرينها أنتِ سباعيه ما عليج منهم وما عليج من كلامهم أني وياج ماشي
ما ردت دخلت الصاله وخلتني وراها أتلوع بجيت وشهكت مثل الطفله وامي بيدها سبحتها وترتجف
تريد تبجي وتكابر أخ يمه أخ خليها بالگلب أحسن
: مر وقت وتأخرت بالصاله وروحي ماعت وين صاروا
أفتر واروح وأجي يالله عاد .
جنان ـ بس لا ماتت أختج وين اروح من خطيتها
نهى ـ كُلنا وين نروح من خطيتها ، سهى إنظلمت لن فقيره وقلبها طيب وَ؏ نياتها وعبالها كل ناسها مثلها مأخذه الدنيا بقلبها وبعاطفتها وحنيتها وعايشتها بكل حب عبالها كلشي يضل مثل ما هو ما تدري الدنيا شُنــــوْ ظامتلنا والوكت من يختلف علينا يخلينا نركع رؤوسنا بالحياطين .
" مر الوقت أصعب لحظات العُمر مرت عليه روحي تغيب وترجعلي ، إنفتح الباب وطلعت الممرضه نهضت بالكوه وحيل ما بيه هاا عيني فدوة بشرينا أختي شلون وضعها .
الممرضه ـ الدڪتوره هسه تطلع وتبلغكم بكل التفاصيل .
نهى ـ راحت وطلعت وراها الدڪتوره .
الدڪتوره ـ وينها أم سهى !!
جنان ـ اني إمها دكتوره .
الدڪتوره ـ ... ... .
يتبع .. بارت مفاجئ ما حبيت أخليكم تنتظرون