[Unicode]
မာန် ပင်ပန်းလွန်းသည်ကြောင့် အိပ်မောကျသွားသည်မှာ အချိန်အတော်ကြာသွားလေသည်။ မျက်လုံးများကို ပွတ်သပ်ရင်း နာရီအား ကြည့်မိတော့ ၅ နာရီတောင် ထိုးလုနီးနေပြီ ဖြစ်သည်။ အိပ်ရာမှထကာ ရေချိုးရန် ပြင်တော့သည်။
ရေမိုးချိုးပြီးနောက် ၀တ်နေကျ ဖြစ်သော shirt အဖြူလေးနှင့် ဘောင်းဘီဒဲ့ပွ အဖြူလေးကိုသာ ၀တ်ဆင်လိုက်ပြီး laptop နှင့် project နဲ့ဆိုင်သည့် စာရွက်စာတမ်းများအားယူ ကာ အောက်သို့ဆင်းလာခဲ့တော့သည်။
Time Skip ,
မာန် ခွန်းဆက်ရှိသော အခန်းရှေ့အရောက် အထဲမှ စကားသံကြောင့် ခြေလှမ်းများ ရပ်တန့်သွားသည်။
"ကိုကို သတိပြန်ရတာကြာပြီလား"
ထုံးစံအတိုင်း မာယာနှင်းဆီ ရောက်နေသောကြောင့် ဖြစ်သည်။ ခွန်းဆက် ဆေးရုံတွင် သတိမေ့နေတုန်းကလည်း တစ်နေ့ကို နှစ်ခါ ပုံမှန်လာသည်။ မာယာသည် မာန့်အား အမြဲတမ်း အထင်သေးသည့် အကြည့်များဖြင့် ကြည့်သည်။ ထိုအကြည့်များကို မာန်လုံးဝ မကြိုက်ပေ။ ထိုကြောင့် မာယာရှိနေစဉ် မာန် အခန်းထဲမှ အမြဲထွက်နေခဲ့သည်။ အခုလည်း အထဲသို့ ၀င်ချင်စိတ်မရှိပေ။ သို့သော် ကံတရားက မာန့်ဘက်တွင် မရှိ။
"အစ်ကို ရောက်နေတာကြာပြီလား... အထဲဝင်လေ...မ၀င်သေးပဲ ဘာလုပ်နေတာလဲဗျ"
"မကြာသေးပါဘူး...ကိုယ် အခုပဲရောက်တာ... ဒါနဲ့ ညီက ဘယ်သွားတာလဲ... မင်းမြတ်နဲ့ မိုးထက်ကရော"
ခွန်းဆက်အား ဆေးရုံစောင့်ပေးနေသည့်ရက်အတွင်း မာန်လည်း ခွန်းဆက်၏ သူငယ်ချင်းများနှင့် ရင်းနှီးနေပြီဖြစ်သည်။
"ဟိုနှစ်ကောင်က duty ချိန်လေ အစ်ကို...ကျွန်တော်က ရောင်နီ ပန်းသီးစားချင်တယ်ဆိုလို့ သွားဝယ်လာတာ"
ကောင်းထက် လက်ထဲမှ ကိုင်လာသော ပန်းသီးအိတ်ကို မာန်မြင်အောင် မြှောက်ပြသည်။
"လာလေ အစ်ကို... အထဲဝင်မယ်"
"အင်း ညီ အရှေ့က သွား"
ကောင်းထက်က တံခါးဖွင့်ကာ အရင်ဝင်တော့ ခွန်းဆက်နဲ့ မာယာက လှည့်ကြည်လာသည်။ ကောင်းထက် အနောက်တွင်ပါလာသော မာန့်ကို မြင်သည်နှင့် မာယာ့ မျက်နှာမဲ့သွားလေသည်။ ထိုအခြင်းအရာကို ခွန်းဆက်မမြင်ပေမယ့် ကောင်းထက်နဲ့ မာန်ကတော့ မြင်လိုက်ရသည်။
ခွန်းဆက် သူ့အားနားပူနားဆာ လုပ်နေသော မာယာ့ကြောင့် စိတ်ရှုပ်နေရာမှ ကောင်းထက်တို့ကို မြင်လိုက်ရသည်ကြောင့် အတိုင်းမသိဝမ်းသာသွားသည်။
"ကောင်းထက် မြန်မြန်လုပ်ကွာ...ငါပန်းသီးစားချင်နေပြီ"
ခွန်းဆက်က ဆိုလေတော့ မာန်က သူပါလာသည့် laptop နဲ့ ဖိုင်များကို စားပွဲပေါ်ချကာ ကောင်းထက်လက်ထဲမှ ပန်းသီးထုပ်အား လက်လွှဲယူလိုက်သည်။
"ကိုယ်ရေဆေးပြီး ခွဲလာခဲ့မယ်... ညီတို့ အေးဆေး စကားပြောကြ"
ကောင်းထက် ကိုပြောပြီး အခန်းအပြင်သို့ထွက်သွားလေသည်။ ခွန်းဆက်ထွက်သွားသူ၏ ကျောပြင်ကို အမျှင်တန်း မပြတ်ငေးကြည့်နေသည်။
ဒီမှာလည်း ခွဲလို့ရတာပဲဟာကို.....
"ရောင်နီ အစ်ကို အလုပ်တွေ အရမ်းများနေပုံပဲ... ဒီညငါ စောင့်အိပ်ပေးမယ်လေ... အစ်ကို့ကိုပြန်ခိုင်းလိုက်မလား"
"ဘာလို့လဲ"
"ဟိုမှာကြည့် ဖိုင်တွေနဲ့... မင်းမြတ် ငါ့ကိုပြောတယ်... သူမင်းကို စောင့်ပေးရင်း အလုပ်တွေပါ လုပ်နေတာ... အိပ်ချိန် သိပ်မရှိဘူးတဲ့"
"ဒါတော့ ငါက သူ့ယောက်ကျားပဲ... သူဒီလောက်တော့ လုပ်ပေးရမှာပေါ့"
"မဟုတ်ဘူးလေ ရောင်နီ... နေ့လည်က အစ်ကို့ပုံစံကို မင်းမတွေ့လို့လား"
ကောင်းထက် စကားကြောင့် ခွန်းဆက်စဉ်းစားသလို ငြိမ်ကျသွားသည်။
မာယာ သူ့ကိုရှေ့မှာထားပြီး အလင်္ကာမုန်းမာန် အကြောင်းကိုသာ ပြောနေသောကြောင့် စိတ်များတိုလာရသည်။ သူ တစ်ယောက်လုံး ဒီမှာရှိနေသည်ကို ဘာလို့ အလင်္ကာမုန်းမာန် အကြောင်းပဲ ပြောနေရတာလဲ။
အလင်္ကာမုန်းမာန် နင့်ကို ငါသိပ်မုန်းတယ်...နင် ကိုကို ကိုမပိုင်စေရဘူး... ကိုကိုက ငါ့အပိုင်ပဲဖြစ်ရမယ်.....
မာယာ မျက်နှာကို အတက်နိုင်ဆုံး ချစ်ဖို့ကောင်းအောင် ပြုံးထားလိုက်သည်။
"ကိုကို အစ်ကိုအလင်္ကာ အရမ်းပင်ပန်းနေရင် ဒီညနားခိုင်းလိုက်လေ... ကိုကို့ ကို မာယာ စောင့်ပေးမယ်"
မာယာ့ စကားကြောင့် ခွန်းဆက် မာယာ့ကို ကြည့်လာသည်။ ပြီးနောက် ခေါင်းခါပြလိုက်ရင်း
"နင်က မိန်းကလေး... မကောင်းပါဘူးဟာ... ငါ့ကို ကောင်းထက် စောင့်ပေးလိမ့်မယ်"
"ဘာလို့လဲ ကိုကိုကလည်း"
မာယာ့ အထွန့်တက်ကာ မေးသည်။ မကြည့်နိုင်တော့သည့် ကောင်းထက်က ၀င်ပြောလာတော့သည်။
"ဟုတ်တယ် မာယာ... အစ်ကို စောင့်ပေးလိုက်မယ်... မာယာက မိန်းကလေးလေ... မသင့်တော်ဘူး"
"ဒါပေမယ့်... "
"ဒါပေမယ့်တွေ လုပ်မနေနဲ့တော့ မာယာ... ပြန်တော့ ငါနားချင်နေပြီ"
မာယာ မျက်နှာထိန်းမရအောင် ပျက်သွားတော့သည်။
"အင်းပါ... ကိုကို နားချင်တယ်ဆိုလည်း မာယာ ပြန်တော့မယ်နော်"
မာယာ ထပြန်ဖို့ လုပ်နေချိန် မာန် အခန်းထဲသို့ ပြန်ရောက်လာသည်။ မာယာသည် မာန့်အား လွန်စွာမုန်းတီးသော အကြည့်များဖြင့် ကြည့်နေသည်။
"မာယာ ပြန်တော့မယ်ဆို သွားတော့လေ"
"ဟုတ် သွားပြီနော် ကိုကို... ညီမ သွားပြီနော် အစ်ကို ကောင်းထက်"
"အင်း ဂရုစိုက်သွား"
မာယာ ခွန်းဆက်နှင့် ကောင်းထက်တို့ကို နှုတ်ဆက်၍ ထွက်သွားသော်လည်း မာန့်ကို ရှိသည်ဟုပင် သဘောမထားခဲ့။ မာန် သူ့အား မာယာ ထိုသို့လုပ်နေသည်ကို နားမလည်နိူင်ဖြစ်နေသည်။ ခေါင်းထဲမှ အတွေးများကို ခါထုတ်လိုက်ပြီး ခွန်းဆက်ဆီ သွားကာ ခွဲထားသော ပန်းသီးပန်းကန် ကိုပေးလိုက်သည်။
ထို့နောက် စားပွဲတွင် သွားထိုင်၍ laptop ကိုဖွင့်လိုက်ပြီး ခွန်းဆက်တို့ကို ကြည့်လိုက်သည်။
"မင်းတို့ လွတ်လွတ်လပ်လပ်နေကြ... ကိုယ့်ကိုဂရုမစိုက်နဲ့...ကုမ္ပဏ်ီ က project လေး မပျက်သေးလို့ လုပ်မလို့"
ပြောပြီး မာန် သူ့အလုပ်သာ သူလုပ်နေတော့သည်။ ကောင်းထက် ခွန်းဆက်အား မျက်လုံးဖြင့် အရိပ်အကဲ ပြလိုက်သည်။
"အဟမ်း...အလင်္ကာမုန်းမာန် ခင်ဗျား ဒီနေ့ အိမ်ပြန်လည်းရတယ်နော်"
ခွန်းဆက် စကားကြောင့် မာန် လှည့်ကြည့်လာသည်။
"ဘာလို့လဲ"
"ခင်ဗျား ပုံစံက ပင်ပန်းနေပုံ ပေါ်လို့လေ"
"ဪ ရပါတယ်"
မာန် ခွန်းဆက် စကားကိုထိုမျှလောက်သာ တုန့်ပြန်ပြီး အလုပ်ထဲ အာရုံပြန်ရောက်သွားတော့သည်။ ခွန်းဆက်လည်း ဘာမှပြန်မပြောတော့ပဲ ကောင်းထက်ကို မျက်ခုံးတစ်ဖက်ပင့်ပြလိုက်သည်။
"အစ်ကို အိမ်ပြန်နားလိုက်ပါလား... ရောင်နီကို ကျွန်တော် စောင့်ပေးလိုက်မယ်... ပြီးတော့ ခဏနေရင် ဟိုနှစ်ကောင်လည်း duty ပြီးလောက်ပါပြီ"
"ရပါတယ်...ကိုယ်လည်း ဒါလေး လက်စသတ်ပြီးရင်... "
Ringing.....
မာန့်စကားမဆုံးသေး ဖုန်းဝင်လာသည်ကြောင့် ကောင်းထက်အား 'ခဏနော်' ဟုဆိုကာ ဖုန်းကိုင်လိုက်သည်။
"Hello "
"....."
"အင်း ငါအခုလာခဲ့မယ်... လင်းသာကိုပါ ခေါ်ခဲ့မယ်"
"....."
"အင်း မင်းတို့ရဲ့ တည်နေရာကို message ပို့ပေး"
"....."
"အေး အဲ့ဆိုဒါပဲ"
မာန် ဖုန်းချလိုက်ပြီး ကောင်းထက်အားကြည့်ကာ
"ဒါဆို ညီပဲ စောင့်ပေးလိုက်တော့နော်... ကိုယ် အရေးကြီးသွားစရာရှိလို့ သွားတော့မယ်"
မာန် ကားသော့ကို ယူကာ ပြေးထွက်သွားတော့သည်။ စားပွဲပေါ်မှ laptop မှာတော့ ဖွင့်လျက်သားကျန်ခဲ့သည်။ ခွန်းဆက်နှင့်ကောင်းထက်မှာလည်း ပုံစံချက်ချင်းပြောင်းသွားသော မာန့်ကိုကြည့်ပြီး ကောင်အသွားကြသည်။
"ဟေ့ကောင် ကောင်းထက် ဘယ်သူ့ဆီကဖုန်းလဲ"
"ငါ contact name ကိုတွေ့လိုက်တာတော့ ရှိင်းသော်တာလင်း တဲ့"
"ဪ"
"မင်းသိလို့လား"
"မာန့် သူငယ်ချင်းပဲလေ"
"ဘာဖြစ်လို့ အလောတကြီး ထွက်သွားတာလည်း မသိဘူးနော်"
"ဘယ်သိမလဲ...သိချင်ရင် သူ့နောက် လိုက်သွားပါလား"
"မင်းကလည်း စကားအဖြစ်ပြောတာပါကွာ"
*********************************
မာန် ကားမောင်းနေရင်း စိတ်လှုပ်ရှားနေမိသည်။ ဖုန်းထဲမှာပြောသော သော်တာ့စကားများကြောင့် လှုပ်ရှားနေသည့်စိတ်က ထိန်းမရ။ မေမေ တို့အမှုကို ကိုင်ခဲ့သော ဒုရဲအုပ်က မာန်နဲ့ တွေ့ချင်သည်ဟု သော်တာမှ တစ်ဆင့် ပြောလာသောကြောင့် မာန် အလောတကြီးထွက်လာခဲ့ခြင်း ဖြစ်သည်။
မာန့် မိဘများ၏ အမှုက လွန်ခဲ့သော အနှစ်၂၀ကဖြစ်ခဲ့သည်မို့ ပြန်လိုက်ရန်မလွယ်လှပေ။ ဆယ်စုနှစ်တစ်ခုကျော်မက ရှည်ကြာနေသော အမှုဖြစ်သည်ကြောင့် သက်သေများကို ပြန်ရှာဖွေရာတွင် အတော်လေးခဲယဉ်းနေသည်။ မာန် လင်းသာဆီ ဖုန်းခေါ်ဆိုလိုက်သည်။
"Hello လင်းသာ မင်းဘယ်မှာလဲ"
"ကုမ္ပဏ်ီမှာပဲရှိသေးတယ် ဘာလို့လဲ"
"ငါလာခေါ်မယ် မင်းစောင့်နေ"
"အေး အေး"
မာန် ဖုန်းချလိုက်ပြီး ကုမ္ပဏ်ီသို့ အရင်ဝင်ကာ လင်းသာကို ခေါ်ခဲ့ပြီး သော်တာ လိပ်စာပို့ပေးသည့် restaurant ဆီသို့ ဦးတည်မောင်းနှင်ခဲ့သည်။ ခဏအကြာ မာန်မောင်းလာသော BMW ကားလေးသည် restaurant တစ်ခု၏ ကားparkingတွင် ရပ်တန့်သွားလေသည်။ မာန်နဲ့ လင်းသာလည်း ဆိုင်ထဲသို့ဝင်လာပြီး ဘေးဘီဝဲယာကို မျက်လုံးကစားကြည့်တော့ ထောင့်တစ်နေရာတွင် လက်ဝှေ့ယမ်းပြနေသော သော်တာ့ကိုမြင်လိုက်ရသည်ကြောင့် ထိုဝိုင်းသို့ လျှောက်သွားတော့သည်။
မာန် ခုံတွင် ၀င်ထိုက်လိုက်ခ်ျိန်တွင် သော်တာ့ဘေးရှိ လူက သူ့အား စိုက်ကြည့်နေသည်။ အသားညိုညိုနဲ့ မေးရိုးများ ထင်းထွက်နေကာ မျက်ခုံးမျက်လုံးကောင်းသည်။ အသက်အားဖြင့် ၅၅ ၅၆ လောက်ရှိမည်ဖြစ်သော်လည်း ပုံစံက တည်ကြည်ခန့်ညားနေ၍ ချောမောနေသေးသည်။
"မာန် ဒါက မင်းကို ငါပြောတဲ့ ဒုရဲအုပ် ထက်ပိုင်"
"ဟုတ်ကဲ့ တွေ့ရတာဝမ်းသာပါတယ်ခင်ဗျ "
"မင်းက မျိုးမာန်အောင်ရဲ့သားလား"
ဒုရဲအုပ်ထက်ပိုင်က မာန့်ကို ကြည့်ကာ မေးလာခြင်း ဖြစ်သည်။ မာန် စိတ်လှုပ်ရှားနေသည်ကို ထိန်းရင်း ပြန်ဖြေသည်။
"ဟုတ်ကဲ့"
"မင်းက အဖေထက် အမေနဲ့ ပိုတူတာပဲ ထားပါတော့... ဘာလို့ အမှုကို ပြန်လိုက်ချင်ရတာလဲ...အဖြေက ရှင်းနေပြီးသား မဟုတ်လား"
"ဗျာ ဘယ်နားက ရှင်းနေလို့လဲဗျာ"
"ဆေးစစ်ချက်အရ သူတိူ့ကိုယ် သူတို့ အဆိပ်သောက်သတ်သေတာလေ"
"မဟုတ်ဘူး မဟုတ်ဘူး"
မာန်စိတ်မထိန်းနိုင်စွာ ပြောမိသည်။
"ဖေဖေနဲ့မေမေက သတ်သေတာမဟုတ်ဘူး...အသတ်ခံရတာ"
ပြောရင်း မာန့်ပါးပြင်ထက် မျက်ရည်တစ်စက်က စီးဆင်းလို့လာသည်။
"အဟက်... မင်းဒီလို ပျော့ညံပုံမျိုးနဲ့ ဒီအမှုကို ပြန်လိုက်မလို့လား...ရပ်တန်းကရပ်လိုက်ပါတော့"
မာန် မျက်ရည်တို့ကို လက်ခုံဖြင့် ခပ်ကြမ်းကြမ်းဖိသုတ်လိုက်ပြီး စူးရဲသော မျက်လုံးများနှင့် ဒုရဲအုပ်ထက်ပိုင်ကို စိုက်ကြည့်လိုက်သည်။
"ကျွန်တော် မရပ်နိူင်ဘူး...အဲ့အတွက် သေရမယ်ဆိုရင်တောင် ရှေ့ဆက်တိုးမှာ"
"အေး ငါလည်းဒါမျိုးမှ ကြိုက်တာ...မင်းတို့အတွက် ငါလည်း တက်နိူင်သလောက်ကူညီပေးမယ်...အဲ့တုန်းက အမှုကို တုံးတိကြီး ပိတ်လိုက်လို့ ငါစိတ်ထဲထင့်နေခဲ့တာ"
"......"
ဒုရဲအုပ်၏ စကားကို ၃ယောက်လုံး ငြိမ်သက်လျှက် နားထောင်နေကြသည်။
"အမှုကို တရားရုံးမှာ ပြန်လျှောက်ယူပေးမယ်...အစကနေ ပြန်စကြတာပေါ့... ပြီးတော့ မင်းတို့ ၃ယောက်လုံး သတိထားနေကြ... အမှုကို ပြန်လျှောက်တယ်ဆိုကတည်းက တစ်ဖက်ကလူတွေ အနှေးနဲ့အမြန် သိသွားမှာပဲ... အထူးသဖြင့် သော်တာ မင်းပဲ... အဓိကလူက မာန်ဆိုပေမယ့် အမှုကိုပြန်လိုက်နေတဲ့သူက မင်းမလို့ သူတို့ရဲ့ပစ်မှတ်က ပထမဆုံး မင်းဖြစ်လာနိူင်တယ်...ဒါကြောင့် အနေအထိုင် အသွားအလာ သတိနဲ့နေ"
"ဟုတ်ကဲ့ပါ ဆရာ"
"ဒါဆို ငါသွားတော့မယ်"
ဒုရဲအုပ် ထက်ပိုင် ထွက်သွားသည်ကို လိုက်ကြည့်ပြီးနောက် လင်းသာက သော်တာ့အား မေးလေသည်။
"သော်တာ မင်း သူ့ကို ဘယ်လိုတွေ့ခဲ့တာလဲ"
"ငါလည်း အသေးစိတ်စုံစမ်းနေရင်း ဒီအမှုကို ကိုင်ခဲ့တဲ့သူက ဒုရဲအုပ်ထက်ပိုင် ဖြစ်နေတာပဲ...ကံကောင်းချင်တော့ ငါ့ဆရာနဲ့ ဒုရဲအုပ်က သူငယ်ချင်းတွေ ဖြစ်နေတာ... မာန့်အကြောင်း နည်းနည်းပါးပါး ပြောပြလိုက်တော့ မာန့်ကိုတွေ့ချင်တယ်ဆိုတာနဲ့ ငါခေါ်လိုက်တာ"
"ကျေးဇူးပါပဲ သော်တာရာ"
မာန် သော်တာကို ကြည့်ကာ ပြောလေသည်။ လင်းသာက မာန့်ကို ကြည့်နေရင်းနှင့်
"မာန်"
"ပြောလေ လင်းသာ... ဘာလဲ"
"မင်း ဆေးစစ်ကြည့်ပါလား"
"ဘာလို့လဲ"
"မင်းပုံစံကို အားမရဘူး... ဖြူဖျော့နေတာပဲ... အစထဲက အသားဖြူတဲ့သူက အခုတော့ သွေးမရှိတော့တဲ့အတိုင်းပဲ"
"ဒီရက်ပိုင်း ပင်ပန်းနေလို့ပါကွာ...မင်းသိတဲ့အတိုငိး project အသစ်က စတော့မှာလေ...ဒါနဲ့ မင်းနဲ့ကြယ်စင်ရော ဘယ်လိုလဲ"
အစကမာန့်ကို ဦးတည်နေသည့်စကားဝိုင်းက အခုတွင်လင်းသာဆီသို့ ကူးပြောင်းသွားသည်။ သော်တာကလည်း စိတ်ဝင်တစားဖြင့် ပြောလာသည်။
"ဟုတ်တယ် လင်းသာ... ငါလည်း သိချင်နေတာ... မာန်ပြောမှ သတိရတယ်"
"ငါ ကြယ်စင်ကို မပြောရဲဘူး"
"အေး မပြောရဲနေ... နောက်တစ်ယောက်နောက်ပါသွားမှ မာန်ရေ ကယ်ပါ လုပ်မနေနဲ့...မကယ်ဘူး"
"ငါ့လဲ လာမကယ်ခိုင်းနဲ့... မကယ်ဘူး"
"မင်းတို့ကလည်းကွာ"
"မင်းတို့ကလည်း မနေနဲ့ အခုကြယ်စင်ဆီ ဖုန်းဆက်"
"ဟမ် ဘာလုပ်မလို့လဲ"
"တစ်နေရာရာ ချိန်းလိုက်ပေါ့ကွာ... ခုမှ ၇ နာရီပဲရှိသေးတယ်...ညဘက် date ရင် ပိုမိုက်တယ်"
မာန် နာရီကိုကြည့်ကာ ပြောသည်။
"အခုလား"
"မဟုတ်ဘူး ကြယ်စင် ကလေးရမှ"
မာန် မအူမလည်ဖြစ်နေသော လင်းသာကို ကြည့်ကာ စိတ်ပေါက်ပေါက်ဖြင့် ပြောလိုက်သည်။ ကုမ္ပဏ်ီအလုပ်များတွင် ဖြတ်ထိုးဥာဏ်ကောင်းသလောက် အချစ်ရေးတွင် အူတူတူအတတနှင့်။ တစ်ဖက်က ကြယ်စင်က ရေလာအောင် မြောင်းပေးနေသော်လည်း အခုထိရေမဆင်းသေးသော လင်းသာ ကြောင့် ကြယ်စင်ကိုပင် သနားလာမိသည်။
"မာန် မင်းကလည်း အကောင်းမေးနေတာကို"
သော်တာမှာတော့ မာန်နဲ့လင်းသာကိုကြည့်ရင်း ရယ်နေတော့သည်။
"နေနေ မင်းဖုန်းမဆက်နဲ့ ငါပဲ ဆက်လိုက်တော့မယ်"
ဖုန်းကိုထုတ်ပြီး ကြယ်စင်ဆီသို့ မာန် ဖုန်းခေါ်တော့သည်။ ဖုန်းဝင်သံနှစ်ချက်မျှ ကြာပြီးနောက် ကြယ်စင်က ဖုန်းကိုင်လာသည်။ မာန်လည်း speaker ကိုဖွင့်လိုက်ပြီး ၃ ယောက်လုံးကြားနိုင်အောင် ဖုန်းကို အလယ်တွင်ထားလိုက်သညိ။
"ကြယ်စင်"
"အေးပြော မာန်"
"နင်ဘယ်မှာလဲ"
"ငါအခုမှ ဂေဟာပြန်မလို့"
"ဟင် အခုထိ ဂေဟာမရောက်သေးဘူးလား... ဘယ်အချိန်ရှိပြီလဲ!! "
မာန် စိတ်ပူပူနဲ့ ကြယ်စင်အား အော်တော့သည်။
"အချိန်ပိုသင်တာ ကြာသွားလို့ပါဟ... ဘာလို့ဖုန်းဆက်တာလဲ"
"အချိန်ပိုသင်တာကသင်တာပဲ... ဘာလို့နောက်ကျတဲ့အထိသင်ရတာလဲ"
"ကလေးတွေ နားလည်အောင် ရှင်းပြနေရလို့ ကြာသွားတာ... နင်ကလည်း အော်မယ်ဆိုတာကြီးပဲ"
"မအော်လို့ရမလား နင်... "
"တော် တော် မာန်... မင်းတော်တော့ ငါပဲဆက်ပြောလိုက်တော့မယ်"
ကြယ်စင်ကို ဖုန်းထဲမှ လှမ်းဆူနေသော မာန်ကို သော်တာ ၀င်တားလိုက်တော့သည်။
"ကြယ်စင်"
"ကျေးဇူးပဲ သော်တာ... မဟုတ်ရင် ငါနားပူနေအုံးမှာ"
"နင်ကလည်းနင်ပဲ... ထားပါတော့ လင်းသာ နင့်ကို ပြောစရာရှိလို့တဲ့"
"ဟမ် သူပြောစရာရှိတာကို နင်တို့က ဘာလို့ ဖုန်းဆက်ပြောရတာလဲ... အဲ့ကောင် ဘေးမှာရှိတယ်မလား"
"အခုနင့်ဆီလာလိမ့်မယ်... နင်သာ လူများတဲ့နေရာမှာစောင့်နေ... ဒါမှမဟုတ် ကလေးတစ်ယောက်ကို ခဏခေါ်ထား ကြားလား"
"ဟုတ်ကဲ့ပါ အစ်ကိုကြီးတို့"
သော်တာ ဖုန်းချလိုက်ပြီး မာန့်ကို ဖုန်းပြန်ပေးလိုက်သည်။ ပြီးနောက် လင်းသာကိုကြည့်ရင်း
"သွားတော့"
"ငါ...ငါ မသွားရဲဘူး"
"ဒီခွေးသားကတော့...."
မာန် လင်းသာ ခြေထောက်အားလှမ်းကန်တော့သည်။
"သွားစမ်းပါ လင်းသာရာ... မင်းချစ်တယ် မဟုတ်လား... ပြီးတော့ မှောင်နေပြီ ကြယ်စင်ကို အကြာကြီး မစောင့်ခိုင်းနဲ့"
သော်တာကပါ လေသံအေးဖြင့် ၀င်ပြောလာသည်။
"အဲ့ဆိုလည်း ငါသွားတော့မယ်... မင်းတို့ ဆုတောင်းပေးကြအုံး"
"အေးပါ fighting fighting "
လင်းသာထွက်သွားသည်ကိုကြည့်ပြီး နှစ်ယောက်သား ရယ်မိကြတော့သည်။
"ဒါဆို ငါပဲကျန်တော့တာပေါ့"
"အားကျမခံ မင်းလည်း ရှာလိုက်လေ"
"တော်ပါ တော်ပါ လူပျိုကြီးပဲကောင်းတယ် ဟားဟား"
နှစ်ယောက်သား တစ်ယောက်ကိုတစ်ယောက်စနောက်ရင်း ကျန်နေခဲ့ကြသည်။
*********************************
လင်းသာ ကြယ်စင်ရှိသည့် ကျောင်းရှေ့ကို ရောက်တော့ ချစ်ရသူလေးက ကျောင်းရှေ့က မီးတိုင်အောက်တွင် ရပ်စောင့်နေလေသည်။ လမ်းမီးတိုင်၏ အလင်းရောင်လေးက ကြယ်စင်ပေါ် ဖြာကျနေသည်မို့ ချစ်စဖွယ်မျက်နှာလေးက ညအမှောင်တွင် ၀င်းပနေသည်။ အဖြူအစိမ်းလေးနှင့် ကြယ်စင်က တကယ့်ကိုသဘောကျစရာလေးဖြစ်နေသည်။
"ကျစ်...ကလေးတစ်ယောက်ခေါ်ပြီး စောင့်နေပါဆိုတာကို တစ်ယောက်တည်း စောင့်နေတယ်"
လင်းသာ တစ်ယောက်တည်း ရေရွတ်ရင်း ကြယ်စင်ဆီ လျှောက်သွားလိုက်သည်။ ကြယ်စင်က သူလာနေသည်ကိုမြင်တော့ လက်ပြကာ ပြုံးပြလာသည်။
"ကြယ်စင် "
လင်းသာ ကြယ်စင်ကိုခေါ်ရင်း ကြယ်စင်လက်ထဲမှ ဆွဲခြင်းလေးကို လက်လွှဲ ယူလိုက်သည်။
"လင်းသာ နင်ငါ့ကို ပြောစရာရှိတယ်ဆို...ဘာပြောမလို့လဲ"
နှစ်ယောက်သား ပခုံးချင်းယှဉ်လျှက် လမ်းလျှောက်နေရင်းမှ ကြယ်စင်က မေးလာသည်။
"ငါ...ငါ"
လင်းသာ နှလုံးခုန်သံက ကျယ်လောင်လို့လာသည်။ ကြယ်စင်ဆီလာတုန်းက ပြောရမည့်စကားများကို စာစီခဲ့သော်လည်း ယခုတွင် ပြောစရာ စကားလေးများက ပျောက်ရှလို့နေသည်။ လင်းသာ ဘေးကိုငဲ့ကြည့်လိုက်တော့ ကြယ်စင်ကရှိမနေ။ နောက်သို့လှည့်ကြည့်တော့ တရုတ်စကားပန်းပင်အောက်တွင် ကြွေကျနေသော ပန်းကလေးများအား တစ်ပွင့်ချင်းကောက်ယူနေသည်။
လင်းသာ မြတ်နိုးချင်းများစွာနှင့် ကြယ်စင်ကို ငေးကြည့်မိနေသည်။ ကြယ်စင်က ပန်းပွင့်လေးများကို လက်နှစ်ဖက်ဖြင့် ပွေ့ကာ ယူလာရင်း လင်းသာဆီ လှမ်းလာသည်။ အနားရောက်တော့ လင်းသာနှင့် မျက်နှာချင်းဆိုင်တွင် ကြယ်စင်ရပ်လိုက်ကာ လင်းသာမျက်လုံးလေးများထဲ စိုက်ကြည့်လိုက်သည်။
"ခြင်းကိုချ"
"ဟမ်"
"ခြင်းကို အောက်ခဏချလို့"
လင်းသာလည်း ကြယ်စင်ပြောသည့်အတိုင်း ခြင်းကို မြေပြင်ပေါ်ချထားလိုက်သည်။
"လက်ဖြန့်"
ကြယ်စင် သဘောအတိုင်း လင်းသာ လက်နှစ်ဖက်ကိုဖြန့်ကာ ကြယ်စင်ရှေ့ တိုးပေးသည်။ ကြယ်စင်က သူလက်ထဲရှိပန်းကလေးများကို လင်းသာလက်ထဲ လွှဲပြောင်းပေးလိုက်သည်။
"တရုတ်စကားပန်းလေးတွေက တစ်စုံတစ်ယောက်ကို မြတ်နိုးခြင်းရဲ့ သင်္ကေတ လို့ တစ်ချို့တွေက ပြောကြတယ်"
"ကြယ်စင်"
"သူ့ရဲ့ means နောက်တစ်ခုလည်း ရှိသေးတယ်...အဲ့ဒါက အသစ်တဖန် စတင်ခြင်းတဲ့"
ကြယ်စင် လင်းသာ၏ညာဘက်ပါးလေးအား လှမ်းနမ်းလိုက်သည်။
"ငါ စောင့်ခဲ့ပါသေးတယ်...ဒါပေမယ့် နင့်ဘက်က စဖွင့်ပြောမယ့်ပုံ မပေါ်တော့ ငါပဲ စပြောလိုက်တော့မယ်...လင်းသာ ငါနင့်ကို ချစ်တယ်... ငါရဲ့ တစ်ဘ၀လုံး လက်တွဲသွားချင်တဲ့သူက နင်ပဲ... တရုတ်စကားပန်းလေးရဲ့ အဓိပ္ပာယ်လိုမျိုး နင်ငါ့လက်ကို တွဲပြီး လမ်းအသစ်ကို လျှောက်ရဲလား လင်းသာ"
လင်းသာ ပြောစရာမရှိအောင်ကို စိတ်လှုပ်ရှားကာ ရင်ကလည်း အခုန်မြန်လို့နေသည်။ ချစ်နေရတဲ့သူဆီက ချစ်ပါတယ်ဆိုသော စကားကို ကြားရခြင်းဟာ သူ့အတွက် မည်သည့်အရာနဲ့မှ နှိုင်းယှဉ်လို့မရသည့် ကံကောင်းမှုမျိုး။ လင်းသာ လက်ထဲက ပန်းလေးတွေကို ပစ်ချလိုက်ရင်း ကြယ်စင်အား ရင်ခွင်ထဲဆွဲထည့်လိုက်တော့သည်။
"ကျေးဇူး... ကျေးဇူးပါပဲ ကြယ်စင်ရယ်"
ပြောရင်း လင်းသာ မျက်ရည်တို့ဝဲတက်လာသည်။
"ငါလေ နင့်လက်ကို ဘယ်တော့မှ မလွှတ်တော့ဘူး သိလား... အမြဲတမ်း နင့်လက်ကိုပဲ ငါတွဲထားမှာ... နင်နဲ့အတူဆို လမ်းဟောင်းပဲ ဖြစ်ဖြစ် လမ်းအသစ်ပဲ ဖြစ်ဖြစ် ဆူးခင်းလမ်း ဖြစ်ဖြစ် ပန်းခင်းလမ်းဖြစ်ဖြစ် ငါလျှောက်ရဲပါတယ်"
လင်းသာ ကြယ်စင်ကို ဖက်ထားရင်း ပြောနေမိသည်။ ကြယ်စင်လည်း လင်းသာကို ပြန်ဖက်ထားလိုက်သည်။ ထိုစဉ် အမှောင်ကွယ်နေသော သစ်ပင်ရိပ်အနောက်မှ ထွက်ပေါ်လာသော စကားသံ။
"ငါထင်တယ် ငါထင်တယ်... တွေ့လား သော်တာ...ငါမင်းကို ပြောသားပဲ ကြယ်စင်က အရင်စပြောရမှာပါဆို... အခုငါနိုင်ပြီ ပေးစမ်း တစ်သောင်း"
ပြုံးစိစိနဲ့ ပြောကာ လျှောက်လာသော မာန်နဲ့ ဆူပုတ်ပုတ်မျက်နှာထားနဲ့ အိတ်ထဲမှ ပိုက်ဆံတစ်သောင်းထုတ်ပေးလိုက်သော သော်တာ။ လင်းသာနဲ့ ကြယ်စင်လည်း ထိုနှစ်ယောက် ကို နားမလည်သလို ကြည့်နေကြသည်။ သော်တာက လင်းသာ ပခုံးကို လှမ်းထိုးလိုက်သည်။
"ခွေးကောင် ယောက်ကျားလေး ဖြစ်ပြီး အဖြစ်ကို မရှိဘူး... ပါသွားပြီ ငါ့ပိုက်ဆံ တစ်သောင်း"
"မင်းပိုက်ဆံပါတာ ငါနဲ့ဘာဆိုင်လို့လဲ"
"ဟဲဟဲ ဒီလိုလေ လင်းသာရ...မင်းထွက်သွားတော့ ငါနဲ့သော်တာက အလောင်းအစားတစ်ခုလုပ်လိုက်တယ်...မင်းက ကြယ်စင်ကို အရင်ဖွင့်ပြောမယ်ဆို ငါက သော်တာ့ကို ပိုက်ဆံတစ်သောင်းပေးရမယ်...အခု ကြယ်စင်က အရင်ဖွင့်ပြောတယ်ဆိုတော့ ငါပိုက်ဆံရပြီလေ"
မာန် ရှင်းပြမှ ကြယ်စင်နဲ့ လင်းသာလည်း ပြုံးစိစိဖြစ်သွားကာ သော်တာကို ကြည့်လိုက်ကြသည်။
"ဒါနဲ့မာန် မင်းက ဘယ်လိုသိတာလည်း ကြယ်စင်က အရင်ဖွင့်ပြောမယ် ဆိုတာကို"
သော်တာက မကျေနပ်သေးဟန် မာန့်ကို မေးသည်။ မာန် သော်တာပေးသည့်ပိုက်ဆံကို ဟန်ပါပါဖြင့် အိတ်ထဲထည့်လိုက်ရင်း လင်းသာကို မေးငေါ့ပြကာ
"ဒီကောင်လား အရင်ဖွင့်ပြောမှာ...သူသာ အရင်ဖွင့်ပြောမယ်ဆို ကမ္ဘာကြီး လုံးရာကနေ ပြားသွားလိမ့်မယ်"
"ဪ... မင်းလိုပဲပေါ့...ခွန်းဆက်ရောင်နီနဲ့ တွေ့တော့ ဖြောင့်ရာကနေ ကွေးသွားတာလေ"
"ဘာ!!! "
"မဟုတ်လို့လား... ယောက်ကျားက ဆေးရုံတက်နေရတော့ ညတိုင်း ညစောင့်အိပ်ပေးရတာနဲ့"
"သော်တာ မင်း!!!"
မာန် သော်တာ့အား လက်ညိုးထိုးကာပြောရန်ပြင်သော်လည်း ဘာပြောရမှန်းမသိဖြစ်နေသည်။
"ငါ...ငါက straight ကွ"
"ဪ... အေး ယုံပေးမယ်"
သော်တာက မယုံသလိုပုံစံနဲ့ပြောသည်။ လင်းသာနဲ့ ကြယ်စင်မှာလည်း ထိုနှစ်ယောက်ကြောင့် ရယ်နေတာ မရပ်တော့။
"ဘာလဲ မယုံဘူးလား...ကြယ်စင်!!! "
"အင်း ပြော...မာန်"
"ငါ နင့်ကို ချစ်တယ်"
"ဟာ ဟိတ်ကောင် မာန်...ဒါ ငါ့ဟာ"
လင်းသာက ကြယ်စင်ကို ဖက်ကာ အလောတကြီးဝင်ပြောလာသည်။ ခဏအကြာအတွင်တော့ လေးယောက်သား တစ်ယောက်မျက်နှာကို တစ်ယောက်ကြည့်ကာ ရယ်မောကြတော့သည်။
"မာန် ဒီည ဂေဟာလိုက်မှာလား"
လေးယောက်လုံး ပခုံးချင်းယှဉ်ကာ လမ်းကို အပြည့်ယူထားရင်း လမ်းလျှောက်နေကြသည်။ တစ်ယောက်နဲ့တစ်ယောက်လည်း ပခုံးချင်းတိုက်နေကြသေးသည်။
"အင်း "
"ဒါဆို ကောင်းတယ်... ညကျရင် ငါလက်ဖက်သုပ်ထားမယ်...မာန် နင်က သီချင်းဆိုပြ...နင့်အသံချိုချိုလေး မကြားရတာတောင် ကြာပြီ"
"မမလေး သဘောအတိုင်းပါပဲဗျ"
ညအမှောင် လမ်းမီးတိုင်များ၏ အလင်းရောင်များအောက်တွင် လူငယ်လေး ၄ယောက် စကားတစ်ပြောပြောနှင့် ပျော်ရွှင်စွာ လမ်းလျှောက်သွားနေကြသည်မှာ နွေးထွေးမှုနှင့် အတိပြီးနေခဲ့သည်။ တစ်ခါတစ်ရံတိုက်ခတ်လာသော လေပြေများကလည်း သူတို့၏ စိတ်ကို လန်းဆန်းနေစေခဲ့သည်။
ကံဆိုးမှုများထဲမှ ကံကောင်းမှုလေး။ မာန့်အတွက် အဖိုးမဖြတ်နိုင်သော အဖိုးတန်ဆုံးလေး။ အဆုံးသတ်အထိ ကာကွယ်ချင်မိပါသောသံယောဇဉ်ကြိုးလေး။ ဘာနဲ့မှမလဲနိူင်ပါသော ရပ်ဝန်းလေး။ သက်ဆုံးတိုင် ဒီနွေးထွေးမှုလေးများနှင့် အတူရှိချင်ပါသည်။
*********************************
#18.12.2023
#🍁Moe Kyal Phyu🍁
တရုတ်စကားပန်းရဲ့ အဓိပ္ပာယ်ကို google ခေါက်ပြီးမှ ရေးတာပါ...တစ်စုံတစ်ခု လွဲမှားခဲ့သည်ရှိသော် မိုးရဲ့ လေ့လာမှု အားနည်းခြင်းကြောင့်သာ ဖြစ်ပါသည်။🥰🥰
[Zawgyi]
မာန္ ပင္ပန္းလြန္းသည္ေၾကာင့္ အိပ္ေမာက်သြားသည္မွာ အခ်ိန္အေတာ္ၾကာသြားေလသည္။ မ်က္လံုးမ်ားကို ပြတ္သပ္ရင္း နာရီအား ၾကည့္မိေတာ့ ၅ နာရီေတာင္ ထိုးလုနီးေနၿပီ ျဖစ္သည္။ အိပ္ရာမွထကာ ေရခ်ဳိးရန္ ျပင္ေတာ့သည္။
ေရမိုးခ်ဳိးၿပီးေနာက္ ၀တ္ေနက် ျဖစ္ေသာ shirt အျဖဴေလးႏွင့္ ေဘာင္းဘီဒဲ့ပြ အျဖဴေလးကိုသာ ၀တ္ဆင္လိုက္ၿပီး laptop ႏွင့္ project နဲ႔ဆိုင္သည့္ စာရြက္စာတမ္းမ်ားအားယူ ကာ ေအာက္သို႔ဆင္းလာခဲ့ေတာ့သည္။
Time Skip ,
မာန္ ခြန္းဆက္ရိွေသာ အခန္းေရွ႕အေရာက္ အထဲမွ စကားသံေၾကာင့္ ေျခလွမ္းမ်ား ရပ္တန္႔သြားသည္။
"ကိုကို သတိျပန္ရတာၾကာၿပီလား"
ထံုးစံအတိုင္း မာယာႏွင္းဆီ ေရာက္ေနေသာေၾကာင့္ ျဖစ္သည္။ ခြန္းဆက္ ေဆး႐ံုတြင္ သတိေမ့ေနတုန္းကလည္း တစ္ေန႔ကို ႏွစ္ခါ ပံုမွန္လာသည္။ မာယာသည္ မာန္႔အား အၿမဲတမ္း အထင္ေသးသည့္ အၾကည့္မ်ားျဖင့္ ၾကည့္သည္။ ထိုအၾကည့္မ်ားကို မာန္လံုး၀ မႀကိဳက္ေပ။ ထိုေၾကာင့္ မာယာရိွေနစဥ္ မာန္ အခန္းထဲမွ အၿမဲထြက္ေနခဲ့သည္။ အခုလည္း အထဲသို႔ ၀င္ခ်င္စိတ္မရိွေပ။ သို႔ေသာ္ ကံတရားက မာန္႔ဘက္တြင္ မရိွ။
"အစ္ကို ေရာက္ေနတာၾကာၿပီလား... အထဲ၀င္ေလ...မ၀င္ေသးပဲ ဘာလုပ္ေနတာလဲဗ်"
"မၾကာေသးပါဘူး...ကိုယ္ အခုပဲေရာက္တာ... ဒါနဲ႔ ညီက ဘယ္သြားတာလဲ... မင္းျမတ္နဲ႔ မိုးထက္ကေရာ"
ခြန္းဆက္အား ေဆး႐ံုေစာင့္ေပးေနသည့္ရက္အတြင္း မာန္လည္း ခြန္းဆက္၏ သူငယ္ခ်င္းမ်ားႏွင့္ ရင္းႏီွးေနၿပီျဖစ္သည္။
"ဟိုႏွစ္ေကာင္က duty ခ်ိန္ေလ အစ္ကို...ကြၽန္ေတာ္က ေရာင္နီ ပန္းသီးစားခ်င္တယ္ဆိုလို႔ သြား၀ယ္လာတာ"
ေကာင္းထက္ လက္ထဲမွ ကိုင္လာေသာ ပန္းသီးအိတ္ကို မာန္ျမင္ေအာင္ ေျမႇာက္ျပသည္။
"လာေလ အစ္ကို... အထဲ၀င္မယ္"
"အင္း ညီ အေရွ႕က သြား"
ေကာင္းထက္က တံခါးဖြင့္ကာ အရင္၀င္ေတာ့ ခြန္းဆက္နဲ႔ မာယာက လွည့္ၾကည္လာသည္။ ေကာင္းထက္ အေနာက္တြင္ပါလာေသာ မာန္႔ကို ျမင္သည္ႏွင့္ မာယာ့ မ်က္ႏွာမဲ့သြားေလသည္။ ထိုအျခင္းအရာကို ခြန္းဆက္မျမင္ေပမယ့္ ေကာင္းထက္နဲ႔ မာန္ကေတာ့ ျမင္လိုက္ရသည္။
ခြန္းဆက္ သူ႕အားနားပူနားဆာ လုပ္ေနေသာ မာယာ့ေၾကာင့္ စိတ္႐ႈပ္ေနရာမွ ေကာင္းထက္တို႔ကို ျမင္လိုက္ရသည္ေၾကာင့္ အတိုင္းမသိ၀မ္းသာသြားသည္။
"ေကာင္းထက္ ျမန္ျမန္လုပ္ကြာ...ငါပန္းသီးစားခ်င္ေနၿပီ"
ခြန္းဆက္က ဆိုေလေတာ့ မာန္က သူပါလာသည့္ laptop နဲ႔ ဖိုင္မ်ားကို စားပြဲေပၚခ်ကာ ေကာင္းထက္လက္ထဲမွ ပန္းသီးထုပ္အား လက္လႊဲယူလိုက္သည္။
"ကိုယ္ေရေဆးၿပီး ခြဲလာခဲ့မယ္... ညီတို႔ ေအးေဆး စကားေျပာၾက"
ေကာင္းထက္ ကိုေျပာၿပီး အခန္းအျပင္သို႔ထြက္သြားေလသည္။ ခြန္းဆက္ထြက္သြားသူ၏ ေက်ာျပင္ကို အမွ်င္တန္း မျပတ္ေငးၾကည့္ေနသည္။
ဒီမွာလည္း ခြဲလို႔ရတာပဲဟာကို.....
"ေရာင္နီ အစ္ကို အလုပ္ေတြ အရမ္းမ်ားေနပံုပဲ... ဒီညငါ ေစာင့္အိပ္ေပးမယ္ေလ... အစ္ကို႔ကိုျပန္ခိုင္းလိုက္မလား"
"ဘာလို႔လဲ"
"ဟိုမွာၾကည့္ ဖိုင္ေတြနဲ႔... မင္းျမတ္ ငါ့ကိုေျပာတယ္... သူမင္းကို ေစာင့္ေပးရင္း အလုပ္ေတြပါ လုပ္ေနတာ... အိပ္ခ်ိန္ သိပ္မရိွဘူးတဲ့"
"ဒါေတာ့ ငါက သူ႕ေယာက္က်ားပဲ... သူဒီေလာက္ေတာ့ လုပ္ေပးရမွာေပါ့"
"မဟုတ္ဘူးေလ ေရာင္နီ... ေန႔လည္က အစ္ကို႔ပံုစံကို မင္းမေတြ႕လို႔လား"
ေကာင္းထက္ စကားေၾကာင့္ ခြန္းဆက္စဥ္းစားသလို ၿငိမ္က်သြားသည္။
မာယာ သူ႕ကိုေရွ႕မွာထားၿပီး အလကၤာမုန္းမာန္ အေၾကာင္းကိုသာ ေျပာေနေသာေၾကာင့္ စိတ္မ်ားတိုလာရသည္။ သူ တစ္ေယာက္လံုး ဒီမွာရိွေနသည္ကို ဘာလို႔ အလကၤာမုန္းမာန္ အေၾကာင္းပဲ ေျပာေနရတာလဲ။
အလကၤာမုန္းမာန္ နင့္ကို ငါသိပ္မုန္းတယ္...နင္ ကိုကို ကိုမပိုင္ေစရဘူး... ကိုကိုက ငါ့အပိုင္ပဲျဖစ္ရမယ္.....
မာယာ မ်က္ႏွာကို အတက္ႏိုင္ဆံုး ခ်စ္ဖို႔ေကာင္းေအာင္ ၿပံဳးထားလိုက္သည္။
"ကိုကို အစ္ကိုအလကၤာ အရမ္းပင္ပန္းေနရင္ ဒီညနားခိုင္းလိုက္ေလ... ကိုကို့ ကို မာယာ ေစာင့္ေပးမယ္"
မာယာ့ စကားေၾကာင့္ ခြန္းဆက္ မာယာ့ကို ၾကည့္လာသည္။ ၿပီးေနာက္ ေခါင္းခါျပလိုက္ရင္း
"နင္က မိန္းကေလး... မေကာင္းပါဘူးဟာ... ငါ့ကို ေကာင္းထက္ ေစာင့္ေပးလိမ့္မယ္"
"ဘာလို႔လဲ ကိုကိုကလည္း"
မာယာ့ အထြန္႔တက္ကာ ေမးသည္။ မၾကည့္ႏိုင္ေတာ့သည့္ ေကာင္းထက္က ၀င္ေျပာလာေတာ့သည္။
"ဟုတ္တယ္ မာယာ... အစ္ကို ေစာင့္ေပးလိုက္မယ္... မာယာက မိန္းကေလးေလ... မသင့္ေတာ္ဘူး"
"ဒါေပမယ့္... "
"ဒါေပမယ့္ေတြ လုပ္မေနနဲ႔ေတာ့ မာယာ... ျပန္ေတာ့ ငါနားခ်င္ေနၿပီ"
မာယာ မ်က္ႏွာထိန္းမရေအာင္ ပ်က္သြားေတာ့သည္။
"အင္းပါ... ကိုကို နားခ်င္တယ္ဆိုလည္း မာယာ ျပန္ေတာ့မယ္ေနာ္"
မာယာ ထျပန္ဖို႔ လုပ္ေနခ်ိန္ မာန္ အခန္းထဲသို႔ ျပန္ေရာက္လာသည္။ မာယာသည္ မာန္႔အား လြန္စြာမုန္းတီးေသာ အၾကည့္မ်ားျဖင့္ ၾကည့္ေနသည္။
"မာယာ ျပန္ေတာ့မယ္ဆို သြားေတာ့ေလ"
"ဟုတ္ သြားၿပီေနာ္ ကိုကို... ညီမ သြားၿပီေနာ္ အစ္ကို ေကာင္းထက္"
"အင္း ဂ႐ုစိုက္သြား"
မာယာ ခြန္းဆက္ႏွင့္ ေကာင္းထက္တို႔ကို ႏႈတ္ဆက္၍ ထြက္သြားေသာ္လည္း မာန္႔ကို ရိွသည္ဟုပင္ သေဘာမထားခဲ့။ မာန္ သူ႕အား မာယာ ထိုသို႔လုပ္ေနသည္ကို နားမလည္ႏိူင္ျဖစ္ေနသည္။ ေခါင္းထဲမွ အေတြးမ်ားကို ခါထုတ္လိုက္ၿပီး ခြန္းဆက္ဆီ သြားကာ ခြဲထားေသာ ပန္းသီးပန္းကန္ ကိုေပးလိုက္သည္။
ထို႔ေနာက္ စားပြဲတြင္ သြားထိုင္၍ laptop ကိုဖြင့္လိုက္ၿပီး ခြန္းဆက္တို႔ကို ၾကည့္လိုက္သည္။
"မင္းတို႔ လြတ္လြတ္လပ္လပ္ေနၾက... ကိုယ့္ကိုဂ႐ုမစိုက္နဲ႔...ကုမၸဏ္ီ က project ေလး မပ်က္ေသးလို႔ လုပ္မလို႔"
ေျပာၿပီး မာန္ သူ႕အလုပ္သာ သူလုပ္ေနေတာ့သည္။ ေကာင္းထက္ ခြန္းဆက္အား မ်က္လံုးျဖင့္ အရိပ္အကဲ ျပလိုက္သည္။
"အဟမ္း...အလကၤာမုန္းမာန္ ခင္ဗ်ား ဒီေန႔ အိမ္ျပန္လည္းရတယ္ေနာ္"
ခြန္းဆက္ စကားေၾကာင့္ မာန္ လွည့္ၾကည့္လာသည္။
"ဘာလို႔လဲ"
"ခင္ဗ်ား ပံုစံက ပင္ပန္းေနပံု ေပၚလို႔ေလ"
"ဪ ရပါတယ္"
မာန္ ခြန္းဆက္ စကားကိုထိုမွ်ေလာက္သာ တုန္႔ျပန္ၿပီး အလုပ္ထဲ အာ႐ံုျပန္ေရာက္သြားေတာ့သည္။ ခြန္းဆက္လည္း ဘာမွျပန္မေျပာေတာ့ပဲ ေကာင္းထက္ကုိ မ်က္ခံုးတစ္ဖက္ပင့္ျပလိုက္သည္။
"အစ္ကို အိမ္ျပန္နားလိုက္ပါလား... ေရာင္နီကို ကြၽန္ေတာ္ ေစာင့္ေပးလိုက္မယ္... ၿပီးေတာ့ ခဏေနရင္ ဟိုႏွစ္ေကာင္လည္း duty ၿပီးေလာက္ပါၿပီ"
"ရပါတယ္...ကိုယ္လည္း ဒါေလး လက္စသတ္ၿပီးရင္... "
Ringing.....
မာန္႔စကားမဆံုးေသး ဖုန္း၀င္လာသည္ေၾကာင့္ ေကာင္းထက္အား 'ခဏေနာ္' ဟုဆိုကာ ဖုန္းကိုင္လိုက္သည္။
"Hello "
"....."
"အင္း ငါအခုလာခဲ့မယ္... လင္းသာကိုပါ ေခၚခဲ့မယ္"
"....."
"အင္း မင္းတို႔ရဲ႕ တည္ေနရာကို message ပို႔ေပး"
"....."
"ေအး အဲ့ဆိုဒါပဲ"
မာန္ ဖုန္းခ်လိုက္ၿပီး ေကာင္းထက္အားၾကည့္ကာ
"ဒါဆို ညီပဲ ေစာင့္ေပးလိုက္ေတာ့ေနာ္... ကိုယ္ အေရးႀကီးသြားစရာရိွလို႔ သြားေတာ့မယ္"
မာန္ ကားေသာ့ကို ယူကာ ေျပးထြက္သြားေတာ့သည္။ စားပြဲေပၚမွ laptop မွာေတာ့ ဖြင့္လ်က္သားက်န္ခဲ့သည္။ ခြန္းဆက္ႏွင့္ေကာင္းထက္မွာလည္း ပံုစံခ်က္ခ်င္းေျပာင္းသြားေသာ မာန္႔ကိုၾကည့္ၿပီး ေကာင္အသြားၾကသည္။
"ေဟ့ေကာင္ ေကာင္းထက္ ဘယ္သူ႕ဆီကဖုန္းလဲ"
"ငါ contact name ကိုေတြ႕လိုက္တာေတာ့ ရိွင္းေသာ္တာလင္း တဲ့"
"ဪ"
"မင္းသိလို႔လား"
"မာန္႔ သူငယ္ခ်င္းပဲေလ"
"ဘာျဖစ္လို႔ အေလာတႀကီး ထြက္သြားတာလည္း မသိဘူးေနာ္"
"ဘယ္သိမလဲ...သိခ်င္ရင္ သူ႕ေနာက္ လိုက္သြားပါလား"
"မင္းကလည္း စကားအျဖစ္ေျပာတာပါကြာ"
*********************************
မာန္ ကားေမာင္းေနရင္း စိတ္လႈပ္ရွားေနမိသည္။ ဖုန္းထဲမွာေျပာေသာ ေသာ္တာ့စကားမ်ားေၾကာင့္ လႈပ္ရွားေနသည့္စိတ္က ထိန္းမရ။ ေမေမ တို႔အမႈကို ကိုင္ခဲ့ေသာ ဒုရဲအုပ္က မာန္နဲ႔ ေတြ႕ခ်င္သည္ဟု ေသာ္တာမွ တစ္ဆင့္ ေျပာလာေသာေၾကာင့္ မာန္ အေလာတႀကီးထြက္လာခဲ့ျခင္း ျဖစ္သည္။
မာန္႔ မိဘမ်ား၏ အမႈက လြန္ခဲ့ေသာ အႏွစ္၂၀ကျဖစ္ခဲ့သည္မို႔ ျပန္လိုက္ရန္မလြယ္လွေပ။ ဆယ္စုႏွစ္တစ္ခုေက်ာ္မက ရွည္ၾကာေနေသာ အမႈျဖစ္သည္ေၾကာင့္ သက္ေသမ်ားကို ျပန္ရွာေဖြရာတြင္ အေတာ္ေလးခဲယဥ္းေနသည္။ မာန္ လင္းသာဆီ ဖုန္းေခၚဆိုလိုက္သည္။
"Hello လင္းသာ မင္းဘယ္မွာလဲ"
"ကုမၸဏ္ီမွာပဲရိွေသးတယ္ ဘာလို႔လဲ"
"ငါလာေခၚမယ္ မင္းေစာင့္ေန"
"ေအး ေအး"
မာန္ ဖုန္းခ်လိုက္ၿပီး ကုမၸဏ္ီသို႔ အရင္၀င္ကာ လင္းသာကို ေခၚခဲ့ၿပီး ေသာ္တာ လိပ္စာပို႔ေပးသည့္ restaurant ဆီသို႔ ဦးတည္ေမာင္းႏွင္ခဲ့သည္။ ခဏအၾကာ မာန္ေမာင္းလာေသာ BMW ကားေလးသည္ restaurant တစ္ခု၏ ကားparkingတြင္ ရပ္တန္႔သြားေလသည္။ မာန္နဲ႔ လင္းသာလည္း ဆိုင္ထဲသို႔၀င္လာၿပီး ေဘးဘီ၀ဲယာကို မ်က္လံုးကစားၾကည့္ေတာ့ ေထာင့္တစ္ေနရာတြင္ လက္ေ၀ွ႔ယမ္းျပေနေသာ ေသာ္တာ့ကိုျမင္လိုက္ရသည္ေၾကာင့္ ထို၀ိုင္းသို႔ ေလွ်ာက္သြားေတာ့သည္။
မာန္ ခံုတြင္ ၀င္ထိုက္လိုက္ခ်္ိန္တြင္ ေသာ္တာ့ေဘးရိွ လူက သူ႕အား စိုက္ၾကည့္ေနသည္။ အသားညိဳညိဳနဲ႔ ေမး႐ိုးမ်ား ထင္းထြက္ေနကာ မ်က္ခံုးမ်က္လံုးေကာင္းသည္။ အသက္အားျဖင့္ ၅၅ ၅၆ ေလာက္ရိွမည္ျဖစ္ေသာ္လည္း ပံုစံက တည္ၾကည္ခန္႔ညားေန၍ ေခ်ာေမာေနေသးသည္။
"မာန္ ဒါက မင္းကို ငါေျပာတဲ့ ဒုရဲအုပ္ ထက္ပိုင္"
"ဟုတ္ကဲ့ ေတြ႕ရတာ၀မ္းသာပါတယ္ခင္ဗ် "
"မင္းက မ်ဳိးမာန္ေအာင္ရဲ႕သားလား"
ဒုရဲအုပ္ထက္ပိုင္က မာန္႔ကို ၾကည့္ကာ ေမးလာျခင္း ျဖစ္သည္။ မာန္ စိတ္လႈပ္ရွားေနသည္ကို ထိန္းရင္း ျပန္ေျဖသည္။
"ဟုတ္ကဲ့"
"မင္းက အေဖထက္ အေမနဲ႔ ပိုတူတာပဲ ထားပါေတာ့... ဘာလို႔ အမႈကို ျပန္လိုက္ခ်င္ရတာလဲ...အေျဖက ရွင္းေနၿပီးသား မဟုတ္လား"
"ဗ်ာ ဘယ္နားက ရွင္းေနလို႔လဲဗ်ာ"
"ေဆးစစ္ခ်က္အရ သူတိူ႕ကိုယ္ သူတို့ အဆိပ္ေသာက္သတ္ေသတာေလ"
"မဟုတ္ဘူး မဟုတ္ဘူး"
မာန္စိတ္မထိန္းႏိုင္စြာ ေျပာမိသည္။
"ေဖေဖနဲ႔ေမေမက သတ္ေသတာမဟုတ္ဘူး...အသတ္ခံရတာ"
ေျပာရင္း မာန္႔ပါးျပင္ထက္ မ်က္ရည္တစ္စက္က စီးဆင္းလို႔လာသည္။
"အဟက္... မင္းဒီလို ေပ်ာ့ညံပံုမ်ဳိးနဲ႔ ဒီအမႈကို ျပန္လိုက္မလို႔လား...ရပ္တန္းကရပ္လိုက္ပါေတာ့"
မာန္ မ်က္ရည္တို႔ကို လက္ခံုျဖင့္ ခပ္ၾကမ္းၾကမ္းဖိသုတ္လိုက္ၿပီး စူးရဲေသာ မ်က္လံုးမ်ားႏွင့္ ဒုရဲအုပ္ထက္ပိုင္ကို စိုက္ၾကည့္လိုက္သည္။
"ကြၽန္ေတာ္ မရပ္ႏိူင္ဘူး...အဲ့အတြက္ ေသရမယ္ဆိုရင္ေတာင္ ေရွ႕ဆက္တိုးမွာ"
"ေအး ငါလည္းဒါမ်ဳိးမွ ႀကိဳက္တာ...မင္းတို႔အတြက္ ငါလည္း တက္ႏိူင္သေလာက္ကူညီေပးမယ္...အဲ့တုန္းက အမႈကို တံုးတိႀကီး ပိတ္လိုက္လို႔ ငါစိတ္ထဲထင့္ေနခဲ့တာ"
"......"
ဒုရဲအုပ္၏ စကားကို ၃ေယာက္လံုး ၿငိမ္သက္လွ်က္ နားေထာင္ေနၾကသည္။
"အမႈကို တရား႐ံုးမွာ ျပန္ေလွ်ာက္ယူေပးမယ္...အစကေန ျပန္စၾကတာေပါ့... ၿပီးေတာ့ မင္းတို႔ ၃ေယာက္လံုး သတိထားေနၾက... အမႈကို ျပန္ေလွ်ာက္တယ္ဆိုကတည္းက တစ္ဖက္ကလူေတြ အေႏွးနဲ႔အျမန္ သိသြားမွာပဲ... အထူးသျဖင့္ ေသာ္တာ မင္းပဲ... အဓိကလူက မာန္ဆိုေပမယ့္ အမႈကိုျပန္လိုက္ေနတဲ့သူက မင္းမလို႔ သူတို႔ရဲ႕ပစ္မွတ္က ပထမဆံုး မင္းျဖစ္လာႏိူင္တယ္...ဒါေၾကာင့္ အေနအထိုင္ အသြားအလာ သတိနဲ႔ေန"
"ဟုတ္ကဲ့ပါ ဆရာ"
"ဒါဆို ငါသြားေတာ့မယ္"
ဒုရဲအုပ္ ထက္ပိုင္ ထြက္သြားသည္ကို လိုက္ၾကည့္ၿပီးေနာက္ လင္းသာက ေသာ္တာ့အား ေမးေလသည္။
"ေသာ္တာ မင္း သူ႕ကို ဘယ္လိုေတြ႕ခဲ့တာလဲ"
"ငါလည္း အေသးစိတ္စံုစမ္းေနရင္း ဒီအမႈကို ကိုင္ခဲ့တဲ့သူက ဒုရဲအုပ္ထက္ပိုင္ ျဖစ္ေနတာပဲ...ကံေကာင္းခ်င္ေတာ့ ငါ့ဆရာနဲ႔ ဒုရဲအုပ္က သူငယ္ခ်င္းေတြ ျဖစ္ေနတာ... မာန္႔အေၾကာင္း နည္းနည္းပါးပါး ေျပာျပလိုက္ေတာ့ မာန္႔ကိုေတြ႕ခ်င္တယ္ဆိုတာနဲ႔ ငါေခၚလိုက္တာ"
"ေက်းဇူးပါပဲ ေသာ္တာရာ"
မာန္ ေသာ္တာကို ၾကည့္ကာ ေျပာေလသည္။ လင္းသာက မာန္႔ကို ၾကည့္ေနရင္းႏွင့္
"မာန္"
"ေျပာေလ လင္းသာ... ဘာလဲ"
"မင္း ေဆးစစ္ၾကည့္ပါလား"
"ဘာလို႔လဲ"
"မင္းပံုစံကို အားမရဘူး... ျဖဴေဖ်ာ့ေနတာပဲ... အစထဲက အသားျဖဴတဲ့သူက အခုေတာ့ ေသြးမရိွေတာ့တဲ့အတိုင္းပဲ"
"ဒီရက္ပိုင္း ပင္ပန္းေနလို႔ပါကြာ...မင္းသိတဲ့အတိုငိး project အသစ္က စေတာ့မွာေလ...ဒါနဲ႔ မင္းနဲ႔ၾကယ္စင္ေရာ ဘယ္လိုလဲ"
အစကမာန္႔ကို ဦးတည္ေနသည့္စကား၀ိုင္းက အခုတြင္လင္းသာဆီသို႔ ကူးေျပာင္းသြားသည္။ ေသာ္တာကလည္း စိတ္၀င္တစားျဖင့္ ေျပာလာသည္။
"ဟုတ္တယ္ လင္းသာ... ငါလည္း သိခ်င္ေနတာ... မာန္ေျပာမွ သတိရတယ္"
"ငါ ၾကယ္စင္ကို မေျပာရဲဘူး"
"ေအး မေျပာရဲေန... ေနာက္တစ္ေယာက္ေနာက္ပါသြားမွ မာန္ေရ ကယ္ပါ လုပ္မေနနဲ႔...မကယ္ဘူး"
"ငါ့လဲ လာမကယ္ခိုင္းနဲ႔... မကယ္ဘူး"
"မင္းတို႔ကလည္းကြာ"
"မင္းတို႔ကလည္း မေနနဲ႔ အခုၾကယ္စင္ဆီ ဖုန္းဆက္"
"ဟမ္ ဘာလုပ္မလို႔လဲ"
"တစ္ေနရာရာ ခ်ိန္းလိုက္ေပါ့ကြာ... ခုမွ ၇ နာရီပဲရိွေသးတယ္...ညဘက္ date ရင္ ပို္မိုက္တယ္"
မာန္ နာရီကိုၾကည့္ကာ ေျပာသည္။
"အခုလား"
"မဟုတ္ဘူး ၾကယ္စင္ ကေလးရမွ"
မာန္ မအူမလည္ျဖစ္ေနေသာ လင္းသာကို ၾကည့္ကာ စိတ္ေပါက္ေပါက္ျဖင့္ ေျပာလိုက္သည္။ ကုမၸဏ္ီအလုပ္မ်ားတြင္ ျဖတ္ထိုးဥာဏ္ေကာင္းသေလာက္ အခ်စ္ေရးတြင္ အူတူတူအတတႏွင့္။ တစ္ဖက္က ၾကယ္စင္က ေရလာေအာင္ ေျမာင္းေပးေနေသာ္လည္း အခုထိေရမဆင္းေသးေသာ လင္းသာ ေၾကာင့္ ၾကယ္စင္ကိုပင္ သနားလာမိသည္။
"မာန္ မင္းကလည္း အေကာင္းေမးေနတာကို"
ေသာ္တာမွာေတာ့ မာန္နဲ႔လင္းသာကိုၾကည့္ရင္း ရယ္ေနေတာ့သည္။
"ေနေန မင္းဖုန္းမဆက္နဲ႔ ငါပဲ ဆက္လိုက္ေတာ့မယ္"
ဖုန္းကိုထုတ္ၿပီး ၾကယ္စင္ဆီသို႔ မာန္ ဖုန္းေခၚေတာ့သည္။ ဖုန္း၀င္သံႏွစ္ခ်က္မွ် ၾကာၿပီးေနာက္ ၾကယ္စင္က ဖုန္းကိုင္လာသည္။ မာန္လည္း speaker ကိုဖြင့္လိုက္ၿပီး ၃ ေယာက္လံုးၾကားႏိုင္ေအာင္ ဖုန္းကို အလယ္တြင္ထားလိုက္သညိ။
"ၾကယ္စင္"
"ေအးေျပာ မာန္"
"နင္ဘယ္မွာလဲ"
"ငါအခုမွ ေဂဟာျပန္မလို႔"
"ဟင္ အခုထိ ေဂဟာမေရာက္ေသးဘူးလား... ဘယ္အခ်ိန္ရိွၿပီလဲ!! "
မာန္ စိတ္ပူပူနဲ႔ ၾကယ္စင္အား ေအာ္ေတာ့သည္။
"အခ်ိန္ပိုသင္တာ ၾကာသြားလို႔ပါဟ... ဘာလို႔ဖုန္းဆက္တာလဲ"
"အခ်ိန္ပိုသင္တာကသင္တာပဲ... ဘာလို႔ေနာက္က်တဲ့အထိသင္ရတာလဲ"
"ကေလးေတြ နားလည္ေအာင္ ရွင္းျပေနရလို႔ ၾကာသြားတာ... နင္ကလည္း ေအာ္မယ္ဆိုတာႀကီးပဲ"
"မေအာ္လို႔ရမလား နင္... "
"ေတာ္ ေတာ္ မာန္... မင္းေတာ္ေတာ့ ငါပဲဆက္ေျပာလိုက္ေတာ့မယ္"
ၾကယ္စင္ကို ဖုန္းထဲမွ လွမ္းဆူေနေသာ မာန္ကို ေသာ္တာ ၀င္တားလိုက္ေတာ့သည္။
"ၾကယ္စင္"
"ေက်းဇူးပဲ ေသာ္တာ... မဟုတ္ရင္ ငါနားပူေနအံုးမွာ"
"နင္ကလည္းနင္ပဲ... ထားပါေတာ့ လင္းသာ နင့္ကို ေျပာစရာရိွလို႔တဲ့"
"ဟမ္ သူေျပာစရာရိွတာကို နင္တို႔က ဘာလို႔ ဖုန္းဆက္ေျပာရတာလဲ... အဲ့ေကာင္ ေဘးမွာရိွတယ္မလား"
"အခုနင့္ဆီလာလိမ့္မယ္... နင္သာ လူမ်ားတဲ့ေနရာမွာေစာင့္ေန... ဒါမွမဟုတ္ ကေလးတစ္ေယာက္ကို ခဏေခၚထား ၾကားလား"
"ဟုတ္ကဲ့ပါ အစ္ကိုႀကီးတို႔"
ေသာ္တာ ဖုန္းခ်လိုက္ၿပီး မာန္႔ကို ဖုန္းျပန္ေပးလိုက္သည္။ ၿပီးေနာက္ လင္းသာကိုၾကည့္ရင္း
"သြားေတာ့"
"ငါ...ငါ မသြားရဲဘူး"
"ဒီေခြးသားကေတာ့...."
မာန္ လင္းသာ ေျခေထာက္အားလွမ္းကန္ေတာ့သည္။
"သြားစမ္းပါ လင္းသာရာ... မင္းခ်စ္တယ္ မဟုတ္လား... ၿပီးေတာ့ ေမွာင္ေနၿပီ ၾကယ္စင္ကို အၾကာႀကီး မေစာင့္ခိုင္းနဲ႔"
ေသာ္တာကပါ ေလသံေအးျဖင့္ ၀င္ေျပာလာသည္။
"အဲ့ဆိုလည္း ငါသြားေတာ့မယ္... မင္းတို႔ ဆုေတာင္းေပးၾကအံုး"
"ေအးပါ fighting fighting "
လင္းသာထြက္သြားသည္ကိုၾကည့္ျပီး ႏွစ္ေယာက္သား ရယ္မိၾကေတာ့သည္။
"ဒါဆို ငါပဲက်န္ေတာ့တာေပါ့"
"အားက်မခံ မင္းလည္း ရွာလိုက္ေလ"
"ေတာ္ပါ ေတာ္ပါ လူပ်ဳိႀကီးပဲေကာင္းတယ္ ဟားဟား"
ႏွစ္ေယာက္သား တစ္ေယာက္ကိုတစ္ေယာက္စေနာက္ရင္း က်န္ေနခဲ့ၾကသည္။
*********************************
လင္းသာ ၾကယ္စင္ရိွသည့္ ေက်ာင္းေရွ႕ကို ေရာက္ေတာ့ ခ်စ္ရသူေလးက ေက်ာင္းေရွ႕က မီးတိုင္ေအာက္တြင္ ရပ္ေစာင့္ေနေလသည္။ လမ္းမီးတိုင္၏ အလင္းေရာင္ေလးက ၾကယ္စင္ေပၚ ျဖာက်ေနသည္မို႔ ခ်စ္စဖြယ္မ်က္ႏွာေလးက ညအေမွာင္တြင္ ၀င္းပေနသည္။ အျဖဴအစိမ္းေလးႏွင့္ ၾကယ္စင္က တကယ့္ကိုသေဘာက်စရာေလးျဖစ္ေနသည္။
"က်စ္...ကေလးတစ္ေယာက္ေခၚၿပီး ေစာင့္ေနပါဆိုတာကို တစ္ေယာက္တည္း ေစာင့္ေနတယ္"
လင္းသာ တစ္ေယာက္တည္း ေရရြတ္ရင္း ၾကယ္စင္ဆီ ေလွ်ာက္သြားလိုက္သည္။ ၾကယ္စင္က သူလာေနသည္ကိုျမင္ေတာ့ လက္ျပကာ ၿပံဳးျပလာသည္။
"ၾကယ္စင္ "
လင္းသာ ၾကယ္စင္ကိုေခၚရင္း ၾကယ္စင္လက္ထဲမွ ဆြဲျခင္းေလးကို လက္လႊဲ ယူလိုက္သည္။
"လင္းသာ နင္ငါ့ကို ေျပာစရာရိွတယ္ဆို...ဘာေျပာမလို႔လဲ"
ႏွစ္ေယာက္သား ပခံုးခ်င္းယွဥ္လွ်က္ လမ္းေလွ်ာက္ေနရင္းမွ ၾကယ္စင္က ေမးလာသည္။
"ငါ...ငါ"
လင္းသာ ႏွလံုးခုန္သံက က်ယ္ေလာင္လို႔လာသည္။ ၾကယ္စင္ဆီလာတုန္းက ေျပာရမည့္စကားမ်ားကို စာစီခဲ့ေသာ္လည္း ယခုတြင္ ေျပာစရာ စကားေလးမ်ားက ေပ်ာက္ရွလို႔ေနသည္။ လင္းသာ ေဘးကိုငဲ့ၾကည့္လိုက္ေတာ့ ၾကယ္စင္ကရိွမေန။ ေနာက္သို႔လွည့္ၾကည့္ေတာ့ တ႐ုတ္စကားပန္းပင္ေအာက္တြင္ ေႂကြက်ေနေသာ ပန္းကေလးမ်ားအား တစ္ပြင့္ခ်င္းေကာက္ယူေနသည္။
လင္းသာ ျမတ္ႏိုးခ်င္းမ်ားစြာႏွင့္ ၾကယ္စင္ကို ေငးၾကည့္မိေနသည္။ ၾကယ္စင္က ပန္းပြင့္ေလးမ်ားကို လက္ႏွစ္ဖက္ျဖင့္ ေပြ႕ကာ ယူလာရင္း လင္းသာဆီ လွမ္းလာသည္။ အနားေရာက္ေတာ့ လင္းသာႏွင့္ မ်က္ႏွာခ်င္းဆိုင္တြင္ ၾကယ္စင္ရပ္လိုက္ကာ လင္းသာမ်က္လံုးေလးမ်ားထဲ စိုက္ၾကည့္လိုက္သည္။
"ျခင္းကိုခ်"
"ဟမ္"
"ျခင္းကို ေအာက္ခဏခ်လို႔"
လင္းသာလည္း ၾကယ္စင္ေျပာသည့္အတိုင္း ျခင္းကို ေျမျပင္ေပၚခ်ထားလိုက္သည္။
"လက္ျဖန္႔"
ၾကယ္စင္ သေဘာအတိုင္း လင္းသာ လက္ႏွစ္ဖက္ကိုျဖန္႔ကာ ၾကယ္စင္ေရွ႕ တိုးေပးသည္။ ၾကယ္စင္က သူလက္ထဲရိွပန္းကေလးမ်ားကို လင္းသာလက္ထဲ လႊဲေျပာင္းေပးလိုက္သည္။
"တ႐ုတ္စကားပန္းေလးေတြက တစ္စံုတစ္ေယာက္ကို ျမတ္ႏိုးျခင္းရဲ့ သေကၤတ လို့ တစ္ခ်ဳိ႕ေတြက ေျပာၾကတယ္"
"ၾကယ္စင္"
"သူ႕ရဲ႕ means ေနာက္တစ္ခုလည္း ရိွေသးတယ္...အဲ့ဒါက အသစ္တဖန္ စတင္ျခင္းတဲ့"
ၾကယ္စင္ လင္းသာ၏ညာဘက္ပါးေလးအား လွမ္းနမ္းလိုက္သည္။
"ငါ ေစာင့္ခဲ့ပါေသးတယ္...ဒါေပမယ့္ နင့္ဘက္က စဖြင့္ေျပာမယ့္ပံု မေပၚေတာ့ ငါပဲ စေျပာလိုက္ေတာ့မယ္...လင္းသာ ငါနင့္ကို ခ်စ္တယ္... ငါရဲ႕ တစ္ဘ၀လံုး လက္တြဲသြားခ်င္တဲ့သူက နင္ပဲ... တ႐ုတ္စကားပန္းေလးရဲ႕ အဓိပၸာယ္လိုမ်ဳိး နင္ငါ့လက္ကို တြဲၿပီး လမ္းအသစ္ကို ေလွ်ာက္ရဲလား လင္းသာ"
လင္းသာ ေျပာစရာမရိွေအာင္ကို စိတ္လႈပ္ရွားကာ ရင္ကလည္း အခုန္ျမန္လို႔ေနသည္။ ခ်စ္ေနရတဲ့သူဆီက ခ်စ္ပါတယ္ဆိုေသာ စကားကို ၾကားရျခင္းဟာ သူ႕အတြက္ မည္သည့္အရာနဲ႔မွ ႏိႈင္းယွဥ္လို႔မရသည့္ ကံေကာင္းမႈမ်ဳိး။ လင္းသာ လက္ထဲက ပန္းေလးေတြကို ပစ္ခ်လိုက္ရင္း ၾကယ္စင္အား ရင္ခြင္ထဲဆြဲထည့္လိုက္ေတာ့သည္။
"ေက်းဇူး... ေက်းဇူးပါပဲ ၾကယ္စင္ရယ္"
ေျပာရင္း လင္းသာ မ်က္ရည္တို႔၀ဲတက္လာသည္။
"ငါေလ နင့္လက္ကို ဘယ္ေတာ့မွ မလႊတ္ေတာ့ဘူး သိလား... အၿမဲတမ္း နင့္လက္ကိုပဲ ငါတြဲထားမွာ... နင္နဲ႔အတူဆို လမ္းေဟာင္းပဲ ျဖစ္ျဖစ္ လမ္းအသစ္ပဲ ျဖစ္ျဖစ္ ဆူးခင္းလမ္း ျဖစ္ျဖစ္ ပန္းခင္းလမ္းျဖစ္ျဖစ္ ငါေလွ်ာက္ရဲပါတယ္"
လင္းသာ ၾကယ္စင္ကို ဖက္ထားရင္း ေျပာေနမိသည္။ ၾကယ္စင္လည္း လင္းသာကို ျပန္ဖက္ထားလိုက္သည္။ ထိုစဥ္ အေမွာင္ကြယ္ေနေသာ သစ္ပင္ရိပ္အေနာက္မွ ထြက္ေပၚလာေသာ စကားသံ။
"ငါထင္တယ္ ငါထင္တယ္... ေတြ႕လား ေသာ္တာ...ငါမင္းကို ေျပာသားပဲ ၾကယ္စင္က အရင္စေျပာရမွာပါဆို... အခုငါႏိုင္ၿပီ ေပးစမ္း တစ္ေသာင္း"
ၿပံဳးစိစိနဲ႔ ေျပာကာ ေလွ်ာက္လာေသာ မာန္နဲ႔ ဆူပုတ္ပုတ္မ်က္ႏွာထားနဲ႔ အိတ္ထဲမွ ပိုက္ဆံတစ္ေသာင္းထုတ္ေပးလိုက္ေသာ ေသာ္တာ။ လင္းသာနဲ႔ ၾကယ္စင္လည္း ထိုႏွစ္ေယာက္ ကို နားမလည္သလို ၾကည့္ေနၾကသည္။ ေသာ္တာက လင္းသာ ပခံုးကို လွမ္းထိုးလိုက္သည္။
"ေခြးေကာင္ ေယာက္က်ားေလး ျဖစ္ၿပီး အျဖစ္ကို မရိွဘူး... ပါသြားၿပီ ငါ့ပိုက္ဆံ တစ္ေသာင္း"
"မင္းပိုက္ဆံပါတာ ငါနဲ႔ဘာဆိုင္လို႔လဲ"
"ဟဲဟဲ ဒီလိုေလ လင္းသာရ...မင္းထြက္သြားေတာ့ ငါနဲ႔ေသာ္တာက အေလာင္းအစားတစ္ခုလုပ္လိုက္တယ္...မင္းက ၾကယ္စင္ကို အရင္ဖြင့္ေျပာမယ္ဆို ငါက ေသာ္တာ့ကို ပိုက္ဆံတစ္ေသာင္းေပးရမယ္...အခု ၾကယ္စင္က အရင္ဖြင့္ေျပာတယ္ဆိုေတာ့ ငါပိုက္ဆံရၿပီေလ"
မာန္ ရွင္းျပမွ ၾကယ္စင္နဲ႔ လင္းသာလည္း ၿပံဳးစိစိျဖစ္သြားကာ ေသာ္တာကို ၾကည့္လိုက္ၾကသည္။
"ဒါနဲ႔မာန္ မင္းက ဘယ္လိုသိတာလည္း ၾကယ္စင္က အရင္ဖြင့္ေျပာမယ္ ဆိုတာကို"
ေသာ္တာက မေက်နပ္ေသးဟန္ မာန္႔ကို ေမးသည္။ မာန္ ေသာ္တာေပးသည့္ပိုက္ဆံကို ဟန္ပါပါျဖင့္ အိတ္ထဲထည့္လိုက္ရင္း လင္းသာကို ေမးေငါ့ျပကာ
"ဒီေကာင္လား အရင္ဖြင့္ေျပာမွာ...သူသာ အရင္ဖြင့္ေျပာမယ္ဆို ကမာၻႀကီး လံုးရာကေန ျပားသြားလိမ့္မယ္"
"ဪ... မင္းလိုပဲေပါ့...ခြန္းဆက္ေရာင္နီနဲ႔ ေတြ႕ေတာ့ ေျဖာင့္ရာကေန ေကြးသြားတာေလ"
"ဘာ!!! "
"မဟုတ္လို႔လား... ေယာက္က်ားက ေဆး႐ံုတက္ေနရေတာ့ ညတိုင္း ညေစာင့္အိပ္ေပးရတာနဲ႔"
"ေသာ္တာ မင္း!!!"
မာန္ ေသာ္တာ့အား လက္ညိဳးထိုးကာေျပာရန္ျပင္ေသာ္လည္း ဘာေျပာရမွန္းမသိျဖစ္ေနသည္။
"ငါ...ငါက straight ကြ"
"ဪ... ေအး ယံုေပးမယ္"
ေသာ္တာက မယံုသလိုပံုစံနဲ႔ေျပာသည္။ လင္းသာနဲ႔ ၾကယ္စင္မွာလည္း ထိုႏွစ္ေယာက္ေၾကာင့္ ရယ္ေနတာ မရပ္ေတာ့။
"ဘာလဲ မယံုဘူးလား...ၾကယ္စင္!!! "
"အင္း ေျပာ...မာန္"
"ငါ နင့္ကို ခ်စ္တယ္"
"ဟာ ဟိတ္ေကာင္ မာန္...ဒါ ငါ့ဟာ"
လင္းသာက ၾကယ္စင္ကို ဖက္ကာ အေလာတႀကီး၀င္ေျပာလာသည္။ ခဏအၾကာအတြင္ေတာ့ ေလးေယာက္သား တစ္ေယာက္မ်က္ႏွာကုိ တစ္ေယာက္ၾကည့္ကာ ရယ္ေမာၾကေတာ့သည္။
"မာန္ ဒီည ေဂဟာလိုက္မွာလား"
ေလးေယာက္လံုး ပခံုးခ်င္းယွဥ္ကာ လမ္းကို အျပည့္ယူထားရင္း လမ္းေလွ်ာက္ေနၾကသည္။ တစ္ေယာက္နဲ႔တစ္ေယာက္လည္း ပခံုးခ်င္းတိုက္ေနၾကေသးသည္။
"အင္း "
"ဒါဆို ေကာင္းတယ္... ညက်ရင္ ငါလက္ဖက္သုပ္ထားမယ္...မာန္ နင္က သီခ်င္းဆိုျပ...နင့္အသံခ်ဳိခ်ဳိေလး မၾကားရတာေတာင္ ၾကာၿပီ"
"မမေလး သေဘာအတိုင္းပါပဲဗ်"
ညအေမွာင္ လမ္းမီးတိုင္မ်ား၏ အလင္းေရာင္မ်ားေအာက္တြင္ လူငယ္ေလး ၄ေယာက္ စကားတစ္ေျပာေျပာႏွင့္ ေပ်ာ္ရႊင္စြာ လမ္းေလွ်ာက္သြားေနၾကသည္မွာ ေႏြးေထြးမႈႏွင့္ အတိၿပီးေနခဲ့သည္။ တစ္ခါတစ္ရံတိုက္ခတ္လာေသာ ေလေျပမ်ားကလည္း သူတို႔၏ စိတ္ကို လန္းဆန္းေနေစခဲ့သည္။
ကံဆိုးမႈမ်ားထဲမွ ကံေကာင္းမႈေလး။ မာန္႔အတြက္ အဖိုးမျဖတ္ႏိုင္ေသာ အဖိုးတန္ဆံုးေလး။ အဆံုးသတ္အထိ ကာကြယ္ခ်င္မိပါေသာသံေယာဇဥ္ႀကိဳးေလး။ ဘာနဲ႔မွမလဲႏိူင္ပါေသာ ရပ္၀န္းေလး။ သက္ဆံုးတိုင္ ဒီေႏြးေထြးမႈေလးမ်ားႏွင့္ အတူရိွခ်င္ပါသည္။
*********************************
#18.12.2023
#🍁Moe Kyal Phyu🍁
တ႐ုတ္စကားပန္းရဲ႕ အဓိပၸာယ္ကို google ေခါက္ၿပီးမွ ေရးတာပါ...တစ္စံုတစ္ခု လြဲမွားခဲ့သည္ရိွေသာ္ မိုးရဲ႕ ေလ့လာမႈ အားနည္းျခင္းေၾကာင့္သာ ျဖစ္ပါသည္။🥰🥰