#سبيل_الغيب
الحلقه العاشره .
مساء الحب قلبي انتوا ♡
نهى
ـ شُنــــوْ هالحجي يمه خرفتي عـلـىٰ عمرج لعب جهال هي وتطلگينها من ضرغام ، ضربتني كف ولزمتني من شعري قوي وخنكتني يمه راح تموتيني يمه يمه على كيفج .
جنان ـ مـنو مخرفه ولج ، وصلت بيج المواصيل ؏ أمج هيج تحجين وبكل وقاحه وقلة ادب وتربيه فعـــلاً اني ما عرفت اربيجن عدل ، انجبي بغرفتج ويا ويلج تطلعين من الغرفه وتشوفيني طولچ .
نهى ـ طلعت فعـــلاً خرفت عقلها صــاࢪ بي شيء ادري سهى شعليها المسكينه بالكوه تمت خطبتها بكيفج اطلگينها والله فلا يطلگ هو ما صدك عقد عليها يطلك عـلـىٰ مزاجكم .
___________________
ضرغام
ـ راجع من الدوام ورقم غريب خبصني جنت مشغول وما رديت ، جاوبته نعم .
جنان ـ ضرغام .
ـ أي نعم أتفضلي .
ـ أني ام سهى .
ـ هلا خالة
ـ هـلأ بيك اكول يمه رايدتك بموضوع يخصك أنتَ وبنتي سهى اذا عندك مجال مرلنا البيت اليوم .
ـ خيـــࢪ صاير شيء
ـ كُل الخير .
ـ أكدر اعرف شُنــــوْ الموضوع
ـ شوف يا أبني يا ضرغام طبعًا أني ما ردت أحجي عـلى التلفون كلت تجي البيت ونحجي بس بما أنُ تريد تعرف الموضوع وما بي اريد منك اطلك بنتي سهى وتنهي هذا الزواج وما وراه بس طيحان حظ لبنتي ، أهلك ما يردونها ومصيرها ترجعلي فـہ أولها أحسن من تاليها .
ـ شُنــــوْ هالحجي خالة أطلك !! مهزله لعب جهال شلح وأعبر كلمن واله ، شسالفه ترى بنتج عقدت عليها لو مو أنتِ أمها لو الدنيا توكف ضدي ما اطلگها بعد .
ـ مو عـلـى كيفك ، بنتي اطلگها وروح لـ أهلك راضيهم وأرضيهم وأني ارجع بنتي لبيتي وقسمتها تجيها مو أنتَ اكو غيرك خوما دخلت بالعمرين بعدها
ـ بيج خيـــࢪ وأحجي منا لبعد مية سنه كلامج هذا عندي لا يقدم ولا يأخر وسهى ما اطلكها وهذا العندي عندج مشاڪل ويه بنتج عالجيها وفضيها بس مال تجين عليه تعال طلگ لا هايہ واكفه ونجوم السما أقرب إلج ، مع السلامة ..
" نهيت الأتصال وأتصلت عـلـىٰ سهى والباب دك هاا
بان ـ أنزل أتغدى صبينا الك قبل لايبرد .
ضرغام ـ هسه أجي ، جاوبتني الو سهى .
سهى ـ هـلأ حبيبي .
ـ أمج منين جايبه رقمي ! أنتِ انطيتي إلها .
ـ لا ما منطيه رقمك لاحد ، أمي ورقمك شيسوي يمها !
ـ ليش ما عندج علم .
ـ بشنو .
ـ سهى تغشمين نفسج .
ـ لا والله غير أعرف عن شُنــــوْ تحجي وأجاوبك .
ـ أمج أتصلت وطلبت الطلاك تريدني أطلگچ .
ـ أمي !! عليك الله تحجي صدك
- لعد أكذب ، شغل وعمل ما عندي اكعد أكذب عليج
ـ لا مو هيج القصد بس تفاجئت والله
- سهى عالجي مشاڪلچ أنتِ وأمج مالي خلك لهل السوالف أني منا دايخ وأهلي مأكلين رأسي يعني كلش مو ناقص .
ـ تمام خلص لاتعصب هسه أشوفها ونحل الموضوع .
ـ ماشي ، أي شلونج
ـ شلوني تخربطت أحوالي منين طلعتنا بهل السالفة
ـ وأنتِ ليكون عبالج ارضخ لكلامج أمج وأوامرها واطلگج گبل !
ـ لا
ـ خلص بعد لاتشيلين هم .
ـ ضرغام
ـ ها عيني
ـ ليش من تتعصب لو يصير وياك فد موقف ترجع عليه ترى أني مالي ذنب والله
ـ أعرف وأعذريني وتعودي عـلـىٰ طبعي أني طبيعتي هيج شوي صعب واحتمال تعتبيين وياي .
ـ لأ عادي هو لازم أعرف أطباعك وادرسها قبل لانتزوج وتصعب عليه الإمور أڪثر وأكثر .
- لأ إن شاء الله وياج سهل وسلس ، بس الحياة والإمور اللي تصير تخليك غصب عنك تفقد أعصابك وما تعرف بمنو تفرغ قهرك لهذا أعرفيني زين حبيبي
سهى ـ ان شاء الله حبيبي .
" أنتهى الأتصال بس مزعوج وملاحظه عليه دائمًا ينزعج مني ومحملني منيه عبالك غاصبته عالزواج ولا عبالك بإرادة اجه محد جبره اوفف ضرغام مبين طبعك جبال متحمله مو عاد سهى الفطيرة وَ؏ نياتي ، الله يسهل لي حياتي وياك .
" دخلت سرى هاا شبيـــچ .
سرى ـ يعني ما عرفتي .
سهى ـ قصدچ أمي .
ـ أي طبعًا من كُل عقلها شُنــــوْ تطلگج من ضرغام لعد شگو خطب وعقد عليج هايہ شيسمونها لعب جهال ، ما جان من الاول تمنع هذا الزواج وتنطي رأيها اذا ما موافقه ، ليش من اتم الامور وگلشي متوجه على طريقه تصير حجارة عثره وتخرب الأول والتالي .
ـ لأ هيجہ تحجين تضل أمنا .
ـ أمنا عـلـىٰ العين والرأس مو هيجہ يا خيتي هسه ابوي مشتعل بنار وأعصابه فايره مخابرته هسه تجي تأخذج وأطلگج وابويه حلف بس تجي يطردها .
ـ لا يمعوده شُنــــوْ يطردها .
ـ لعد اطلگج أحـسن .
ـ مو هيجہ تنحل الإمور غير بالتفاهم خل يحجي وياها ونعرف شُنــــوْ السبب تريدنا ننفصل وقتها نقرر لن أم ومن حقها ما الومها ، أمي لما گلبها يوجعها علينا ما هيجہ تتصرف وتنزل رأسها لابوي وتعانده
ـ نزلي وأفهمي من أبويه هايہ إذا فهمتي شيء من العياط والصراخ خبلونها لا متزوجين بطلوا صياحهم ولا منفصلين بالحالتين نفس الشيء عبالك نار وبانزبن .
سهى ـ لبست شالي ونزلت وابويه باوعلي وطلع كعد بالحوش ، كعدت وخالة تباوع عليه .
أميره ـ ما أريد اتدخل ويتوجه المدفع عليه بس قرار أمج أبداً مو صح هذا هجمان بيوت عبالها طلاك بالسوالف وكلمه تنگال وهايہ هي .
سهى ـ الله كريم هسهہ تجي ونفهم منـهـا ، كعدت وعيني عـلـىٰ الباب اندك قوي كام أبوي فتحه ودخلت دفعت أبوي واجت ناحيتي وصاح بيها .
نجم الدين ـ عمرج كُله ما تتعلمين الإحترام .
جنان ـ شوف اني ما جايه أناقشك وبيتك هذا ما خاطيه خطوه بي الإ هسه لن مو كادره اشوف حياة بنتي تنهجم كدام عيني وأسگت ، عظمه تشيلها وتنطيها الهم بابا ينتظرونها وحوش هالخطبه صارت غصب عنهم كسر لخشموهم تريدها يحبونها يرحبون بيها بالعين والاغاتي لو هايہ ما فكرت بيها بس تريد تزوج وتخلص من همهن اللي طول عمري اني شايله همهن لوحدي .
نجم الدين ـ انجبي عاد وأحجي عدل لا حلگج أكسره هواي مصختيها وتجاوزتي وسگتلج بما فيه الكفايه
وهسه بيتي يتعثرج امشي طلعي برا ما الج بنت عندي ، بنتج انخطبت كلها كم يوم وتزوج وتمشي بيت رجلها ، وماله داعي الوحوش تحجين عنهم ما عايشين بغابه كلمن اله وأساساً شرطت عليه بيتها لوحدها لاحد يحاجيها ولاحد يغثها ، يلة .
سهى ـ بابا
نجم الدين ـ ولا كلام صعدي يم أختج
سهى ـ أباو؏ لـ أمي باوعت لخالة اميرة ونزلت رأسها فشلانه ونزلت دموعها مسحتهن بقوه وگالت .
جنان ـ هيجہ وصلت بيك المواصيل يا نجم تطردني من بيتك والله لن گلبي محترك على بنتي واريد سعادتها ولا تعاستها هيج أتجازى مع الاسف والله ما اعرف شحجي شگول لطمتني عـلـىٰ حلگي بنعالك .
سهى ـ لا يمة حشاج ، التفت عليه وگالت
جنان ـ حشاج !! دام مقهوره على أمج أمشي وياي عوفي ابوج وخليني انهي هالزواج الفاشل .
نجم الدين ـ شُنــــوْ مزعطه لعبابات عندج هذن بناتج يا خاتون مو أنتِ بنفسج طرديتها من البيت وگلتيها روحي عـلـى ابوج ، شنو هاالمزاج العندج تمشينا عـلـىٰ كيفج ، گافـــــي عاد تحملتج هوايه روحي لبيتج وكعدي وسگتي .
جنان ـ هو من يومي كاعده وساكته ، حتى من أهلي سمعوا بيه أطلگت ما وصلوا ولا اجو لن من يومهم ما رضوا عـلـىٰ قراري اكعد وأسكت واربي الك خلفتك ڪالوا تعالي بيت أهلج مفتوح الج أني كتلهم لا مو مال طلعه من بيتي عكب هالعمر خلوني عـلـىٰ رأس بناتي وهم علمود لاتجيهن سمعه وتأثر على حياتهن والناس يكولون أمهن مطلقه محد يدك بابهم وكعدت وسكتت عن يا كعده وسگوت تحجي عنا .
سهى ـ مسحت دمعتها وطلعت وابوي ڪلش أنزعج ومبين ضاج لن غثها بالكلام بساعة عصبيه بس هو هيج طبعه واطباعهم أثنيهم ما تنحمل الله يهديهم
" صعدت أتصلت عـلـىٰ نهى مغلق يربي وينج أكيد صــايࢪ شيء وأمي قررت هالقرار ، معقوله نهى أنكشفت لو امي لگفتها اي هي ثوله مو نبهه تخابره بكل الوقت ، اوفف نهى قلقتيني عليج .
" دخلت سرى خيـــࢪ شبيـــچ أنتِ الثانيه .
سرى ـ شبيه يعني عـلـىٰ سوالف امي والله ملينا من المشاكل الى متى نضل هيج !!
ـ شُنــــوْ هذا الحجي وبعدين نسيتي هايہ أمنا اي نسيتي خاله أميره عمت گلبج عن أمي وتعبها هيج تعب أمي طلع ما يسوى ولا يغزر بعيونكم .
ـ يمعوده أكلتيني حاصل فاصل شحجيت قابل
ـ لا خطيه ما حجيتي شيء ، ولج أنتِ حتى ما كلفتي عـلـىٰ نفسج وطلعتي سلمتي عليها وبعدين هي شجابرها على الذل ومنزله نفسها لأبويه ويوميه حارركه دمها لما احنه انقهر عليها وَ؏ حظها كظت عمرها مشلوعة گلب ما ارتاحت لا بدور بابا ولا من انفصلت عنه .
ـ وهسه شُنــــوْ !! على هذا كلامج موافقه على قرارها وأنفصالج من ضرغام !! أحجي شو سگتيي .
ـ تبقى أمي
ـ يعني تتطلگين منه .
ـ لأ بس ما اريد علاقتنا تخرب بإمي
ـ هي خربتها وخلاص شنسوي ألها اني عن نفسي مليت وبزعت روحي من المشاكل ، يلة من رخصتج
سهى ـ نزلت وما متفاجئه بيها گلبها مثل الصخر عفيه من گلب شايلته وأني أحتركت حرك عـلـىٰ أمي ...
" ضليت أيام ما أعرف أي شيء عن نهى ، أمي أتصلت مرتين والثالثة حظرتني بقيت بقلق وحيرة وبيوم عقد المحكمة كلهن عـلـىٰ رأسي وتفكيري مو صافي ، خايفة فعـــلاً هالزواج فاشل ودمار اليه ولاحلامي ، يارب .
سرى ـ يلة ولج لحد الأن كاعده شوكت تتحضرين هسه ضرغام يوصل وأنتَ لا مغيره ملابسج لا مكياج ويرادلج وقت يا ابو الوقت ، شو گومي .
سهى ـ سرى تتوقعين زواجنا أني وضرغام ينجح حتى لو كان رفض من أهله وأمي ما راضيه يعني رضاء أمي عن الزواج اله دور احتمال ما أتوفق لن ما راضيه على زواجي مو .
ـ منين تجيبيين هالافكار وگتها هسه .
ـ لا سرى احجي الصُدك امانه كولي كلمه أطمن گلبي ترى عايشه بقلق وخوف وتردد حتى شغف للحياة ما ضلي متحطمه وگلبي يوجعني أحس روحي بدوامه
ـ ما أعـرف شگولج ، أعتبــࢪي أهله موافقين وامي راضيه عليج وَ؏ زواجج ومشي الأمور طبيعيه وخلي حُبكم هو رقم واحد ويفوز بُكل الإحوال وشيلي هالافكار المتشأمه من رأسج وگومي تجهزي
يله خيتي گومي عيوني أنتِ .
ـ كومتني الحمام غسلت ورجعت اخلي مكياج بدون واهس بس رتبت شڪلي وأجت سرى عدلته وكمت غيرت ملابسي وهو وصل كاعد هو وابويه بالاستقبال وعرفت جاي لوحده ولا واحد من أهله وياه .
" نزلت وهو طلع كاشخ وطلع يخبل ويضحك هو وابويه شافني وتقرب بدون ما يكول بابا واكف باسني من رأسي ضرغام بابا واكف عيب
ضرغام ـ شمسوي هي بوسه قابل أبوج ما يبوس وبعدين عمي سهى حلالي لو حلالي .
نجم الدين ـ حلالك يابه حلالك منو يكدرلك أنت .
ضرغام ـ لزم ايدي وطلعنا وبابا اجه ويانا كعد بالصدر واني ليورا وتوكلنا للمحكمة ، طول الطريق يباو؏ لي
يريد يعرف شبيه ، وأني گلشي بيه بيوم مهم بحياتي امي مو يمي حيل أحتاجج يمه وجودج مهم يمي .
" وصلنا وكعدنا ننتظر ازدحام بقينا انتظرنا لما وصلنا السره ودخلنا وبدأت الإجراءات الزواج لما خلصنا وتم گلشي وصرت رسمياً زوجته .
" طلعنا وهو وبابا يسولفون بينهم ونزلنا يم مطعم وعلاقته بـ بابا فري وكلش حلوة كلها ضحك وشقه .
" كعدنا وطلب إلنا أڪل هما بدوأ يأكلون اني بالكوه نفسي مسدوده باوعلي وگال بعصبيه .
ضرغام ـ أحترمي نعمة الله كدامج وأكلي مثل الاوادم ، شگوو مدلغمه ووجهج مگلوب .
نجم الدين ـ بابا سهى شبيـــچ عيني ما عجبتيني .
سهى ـ لا بابا ما بيه شيء عن أذنكم رايحه الحمامات
مشيت وهو يباو؏ وراي ما عجبه ولا اني عجبني كلامه وبابا كاعد مبين هذا يشلع گلبي ولا كال أبوها كبالي .
" غسلت وأستفرغت معدتي تمخلت كله من الخوف والقلق اللي عايشته من أيام مو زواج عبالك مأخذيني حبل مشنقه أبداً ما مرتاحه شورطني بهل الحب الكل ضده ورافضينه منين تلكين القبول من أهله لو من رضا أمج يا سهى .
" طلعت ولكيته لوحده بابا ما موجود !!
والأكل ماكو فقط أستكان جاي ، بابا ويـــن راح .
ضرغام ـ راح للبيت وگالي أوصلج ، تبقين واكفه لو اكوم اكعدج مثل الإميرات .
سهى ـ لا أكعد وحدي ما أحتاج معاملة الإميرات گافي عليه كلامك وعصبيتك وبابا كاعد على أقل أصبر لما يروح وفرغ قهرك بيه لو ما تصبر .
ـ حلگج أشكه واكسر شگوو سن عندج اذا بعد عدتي هايہ طريقة كلامج من ورا خشمج فاهمه لو لااااا .
ـ أهتضمت وسگتت ، نزلت دموعي وجاوبته كوم وصلني احسن .
ـ خلينا ڪاعدين ، شعندج بالبيت لو حرام نكعد لوحدنا واذا عاجبج تلطمين لطمي لوحدج .
ـ ما جاوبته بس متت قهر
ـ ما تحجين متزوج خرسه . !!
ـ أشكرك .
ـ ترى ما گلت شيء علمود تزعلين من حقي أسمع صوتج ونحجي خوما نضل ساكتيين مثل الصنم .
ـ أنتَ ما قصرت .
ـ اكرهه المره عـلـىٰ أقل سالفة تزعل .
ـ ما زعلت
ـ ضحكي
ـ ماكو شيء يضحك .
ـ سهى فضينا عاد خلص اسف مشكلتج ما تعرفين أطباعي شسويلج يا عيني .
ـ باوعت عليه بقهر وهو أبتسم وغمزلي صير عاقل
ـ هي غمزه شمسويلج
ـ لزم إيدي وباسها وتمسك بيها وگال .
ـ أمشي اوصلج والعصر أجي اخذج ونطلع لسوك
ـ شنسوي بالسوك ؟
ـ أحنه حالياً بيا مناسبه ؟
ـ زواج .
ـ خلص لعد ، يلة أمشي .
ـ لزم وأيدي ولزگني بصفه ويركص بيدي عبالك اكلت أيدي ترى إريدها ما جايزه منها .
ـ ميخصج حلالي وبكيفي أسوي اللي يعجبني .
ـ كرهتك .
ـ وأني أحبج كل ثانيه حبج يزيد ولا ثانيه ما يزيد
أحبج زعوليه .
ـ ما زعلت .
ـ ضحكي
ـ أبتسمت وكرصني من خدي وطلعنا للبيت وصلني وراح وقبل لا يروح بكل جرائه باسني من شفتي عالسريع وأبتعد .
ـ العصر اجي من وكت ماشي حبيبي .
ـ ماشي
ـ كولي حبيبي .
ـ ماما
ـ أحبج من تزعلين يابه شگد حلوه تصيرين .
ـ أبتسمت ونزلت ودخلت البيت وخالة اميره باركت اليه وسرى تبوس بيه عود يخففن عني ضوجتي .
" نزلت العصر وقبل لا اروح المغاسل سمعت خالة أميره وبابا يحجون بينهم !
اميره ـ ليش هيج تعامل بناتها خطيه شُنــــوْ ذنبهم لعد سهى لوحدها بيوم مهم بحياتها أحجي وياها خل تراضي بنتها وترضى عليها ميصير يا عيني والله كاسره خاطري سهى .
نجم الدين ـ شسويلها تعبتني وياها والله حتى الطلاك ما ردت اطلگها بس هي طلبت وخبلتني وياها وتالي طلگتها والبنات دفعن الثمن وكعن بيها .
ـ يعني بعدك تحبها ومتندم لن طلگتها مو .
ـ اي أحبها وأظن تعرفين هالشيء تبقى أم بناتي ولدي وزوجتي الاولى وعشرة عُمر اني وياها بس شسوي إلها ما رضت بيج تكونين ضره عليها جنان نفسها عزيزه وكبريائها ما يسمح إلها بالمشاركه .
ـ لعد ما جان تحاول وتقنعها ترجع الك ليش بسرعه وافقت ورحت طلگتها وشلت خطية البنات لاتزعل بس الصوج كله منج .
ـ أي ذبيها برأسي
- لعد برأس منو برأس جنان لا حول ولا قوه .
سهى ـ عفتهم تلاغوا ، اوفف خاله ليش متكولين الصوج منج حبيتي متزوج وعلقتي بيج وخليتي يتزوجج ودخلتي حياتنا وخربتيها فوك تحت صحيح جانوا ما متفاهمين بس جان اكو امل تصلح وتتعدل علاقتهم ونعيش بسعاده وراحة بال بدون هالمشاكل
" رجعت لگيته متصل عليه مرتين عفته رحت تجهزت رجع دزلي رساله بإنزعاج .
ضرغام ـ شُنــــوْ معنـاها تشوفين أتصالي ماتتصلين ولا ادزين اي رساله شُنــــوْ شايفتني .
سهى ـ تريد نتعارك .
ـ لأ اريد احضن وأبوس .
ـ عيب .
ـ بالجيب شگايل أني لما مرتي ، أتصلي أشتاقيت والإ أكولج أني راح أتصل ما جاوبتي يا ويلج مني اليوم
ـ شتسوي
ـ املخج والله .
ـ ضرغام
ـ والله اسويها .
ـ تمام إتصل .
أتصل وجاوبته نعم شتريد .
ـ أريدج عندج مانع
ـ اي
ـ غير لو يمي والقران اخليج تتوسلين بيه أعوفج
َ ـ شو عبالك شطحت عـلـىٰ الطريق الترابي .
ـ هو اني بالترابي سهى مشتاقلج البوسه اخذت حيلي رغم عالسريع .
ـ ضرغام أستحي من تحاجيني هيج .
ـ لاتكولين ضرغام من اني وياج لوحدنا بس حبيبي
ـ ماشي حبيبي .
ـ يله تجهزي راح اجي اخذج .
ـ تمام أنتظرك صُدك لوحدنا لو اكول خالة تجي ويانا
ـ سالمين شڪوو شعدنا ، اني بلغت أبوج وعنده علم واظن أنتِ مريتي وبالحلال أخذج نشتري كم شغله للبيت ونواعم للمطبخ ونرجع ، واني زوجج ما مأخذج اعمل وياج الفاحشه .
ـ تمام أنتظرك حبيبي
ـ يلة گلبي دربالج عـلـىٰ حالج .
ـ ان شاء الله حبيبي ، أنتهى الأتصال وبديت اراجع كلامه ما جان هيج والله جان عاقل شو صاير ساقط وادبسزز سوالفه سخيفه ما اعرف هو هيج لو بس وياي ينطلق بالكلام ، لا اذكر مره كال الكل يعرفوني هادئ بس وياج انطلق يعني يرتاح بالكلام .
" تجهزت ورتبت مكياجي كلش حلو طلع ولبست ونزلت كعدت بالمطبخ واجه هو دك هورن ، كمت دگيت الباب عـلـيهم ، بابا ضرغام اجه ردت عليه
اميره ـ روحي حَـبيبتـي أبوج عنده علم گالي خل تروح هو هسه نايم .
سهى ـ ما جاوبتها ادري شلون يصير اطلع اله لوحدي عـلـىٰ اقل اطلع وياي عبالك واكفه وعيب من عنده
رجعت دگيت الباب محد جاوبني ، تالي فتحت الباب
وطلعت لكيته ينتظرني هلاو .
ضرغام ـ هلاوات بالحب والحبيب هـلأ بـ حَـبيبتي
عمي نجم وين لعد . !؟
ـ نايم
ـ ماشي ، نتوكل لسوك ست سهى .
ـ عـلـىٰ راحتك .
ـ راحتج أهم عندي گليبي .
ـ جر أيدي وباسها وضل لازمها وشغل أغاني حب وكل شوي يباو؏ لي ويگولي .
ـ لك أحبك أعشقك مغرم بيك اوففف شمسوي بحالي
ـ أباو؏ عليه گلشي بي حلو سوالفه شخصيته بس اطباعه متنحمل ولا تنجرع وخاصةً من يعصب يخليني اكرهه وأتعوذ الشيطان وارجع احبه .
" وصلنا ودخلنا المولات ودخلنا قسم الأثاث واختار تخم جديد ، البيت مو مأثث ليش تأخذ انوب .
ضرغام ـ موديله راح ، حاب اخذ گلشي جديد بإختيارنا إثنينا اني وياج ذوقج وذوقي يله خل نختار ورانا الستائر والنواعم .
سهى ـ تمام حبيبي ، أختارينا وانوب الستائر ورحنا اثاث المطبخ يموت گلشي حلو وراقي متت بشغلات المطبخ يربي يخبلن ، بديت أختار وهو وياي وأخذت گلشي يحتاجه المطبخ ومن احسنَ .
" خلصنا وطلعنا والباقي عليهم رحنا كعدنا طلب عصائر وكيك ، هو طول الطلعه فرحان ومُبتسم ما شال عيونه عني .
" انوب رحنا أشترينا حلويات هواي افترينا ونسولف ونضحك ما حسينا بالوقت غير اذن المغرب حبيبي
رجعني تأخرت هسه بابا يڪوم يحجي عليه .
ضرغام ـ لا ما يحجي وياي اني ادخلج البيت وأسلم عليهم واروح ، يلة گليبي امشي اوصلج .
سهى ـ طلعنا للبيت وصلني ونزل سلم عليهم واني صعدت خفت احصل رزاله لكيت سرى تقرأ شافتني وضحكت فتحت الاكياس اخذي حصتج .
سرى ـ هايہ شُنــــوْ التطورات طالعين بغيابي جان كلتولي اخذت أجازه واروح وياكم اتونس ليا خانيين
ـ صارت بعد ، إن شاء الله عـلـىٰ الجايات ناخذج ويانا
ـ لا عادي مو مهم بس تعالي سولفيلي ولج وين رحتوا شنو أشتريتوا احب سوالف المخطوبيين .
ـ كعدت اسولف الها ودزلي رساله .
ضرغام ـ وين انهزمتي عبالي اشوفج قبل لا اروح ما شبعت من مناظر عيونج سالبه عافيتي حتـَـہ الأڪل مالي نفس بي .
سهى ـ خفت من بابا وصعدت الغرفه رحت لو بعدك
ـ لا رحت وراح اوصل بيت أهلي راح أشتاقلج دربالج عـلـىٰ نفسج اسبح واتعشى واخابرج .
ـ ماشي حبيبي ، أحبك .
ـ أتنفسج يحياتي .
سهى ـ راح الله وياه وكعدت اكمل سوالف لست سرى وهي مبتسمه وفرحانة اليه تذكرت نهى جنت بگلشي أشاركها ياريتــج موجوده يا نهى ، أتصلت عليها مغلق
" ومرت هالأسابيع وأني وخالة أميره وسرى نجهز ملابس وذهب وگلشي احتاجه خابرت عمار وطلبت يقنع امي كلت بلكي تمشي وياي بالجهاز كلش احتاج وجودها لكن لا جدوى مع الأسف رفضت وصلتني كلمتها وهي تكول .
جنان ـ هذا الزواج ما راضيه عليه ولا بعمري ارضى خل تنفعج قرارت أبوج وأختيارتج بگد الحمصايه ومشيتي كلمتج وأختيارج عـلـىٰ الأڪبر منج وصرتي زوجه واحد أهله من ساسهم لرأسهم ضد زواجج ورافضينج يالعار خل ينفعج هالحب اذا ما طاح حظج گولي امي جنان ما گالت روحي
عمار سد الخط وما اريد اسمع صوتها احظرها ختولي عار !!
سهى ـ انقطع الأتصال وأتصلت فعـــلاً حظرني عفت التلفون وبجيت بقهرر روحي طلعت وفرحتي طفت وأنكسرت .
" ضليت ايام عازله نفسي ومالي خلك حتـَـہ هو بالگوه أحاجي ، جنت نايمه وفزيت على صوت خاله
اميره ـ وينج يا سهى خطيبج كومه متصل عليج ليش متردين هسه أتصل على أبوج عباله صاير شيء.
سهى ـ ما ادري جنت نايمه .
ـ گافـــــي يا امي تأكلين بنفسج وتحمسين قهر أنتِ عروسه هسه كلها ايام وتزوجون لازم تعتنين بشرتج ونفسيتج تتعدل خوما تضلين هيج وجهج طافي وشاحب والهالات جوه عيونج ما يصير يا عيني .
ـ الله كريم خاله ، نزلت وكمت سبحت وطلعت لكيته يتصل جاوبته هـلأ حبيبي .
ضرغام ـ صُدك تحجين وينج من ساعات أخذتي روحي تدرين بنفسج صارلج ساعات مختفيه عبالي صارلج شيء وينج سهى ليش متجاوبين الو حبيبي
سهى ـ يمك موجوده .
ـ شبي صوتج مطبك .
ـ تعبانه وحبيت ابقى لوحدي
ـ ليش تعبانه منو متعبج منو مضوجج منو غاثجج سهى أحجيلي شبيـــچ .
ـ ماما ، ضرغام ما أكدر أتزوج اذا امي ما ترضى عن زواجي ما اتوفق والله روحي جاي تطلع لوحدي احتاج امي ، فدوة ضرغام حاجيها قنعها توافق .
ـ عبالج ما حجيت أتصلت وغلقته بوجهي ورجعت أتصلت حظرتني وگالت كلمه حيل غثتني .
ـ شگالت
ـ هيج أنسيها .
ـ أمانه گولي شُنــــوْ هي شگالتك .
ـ عوفينا منها ، الأغراض وصلت والبيت مكلوب گلاب ما عندي أحد يرتبه شلون اجي اخذج ترتبينه واني وياج نتساعد ، شنسوي النا الله دام اهلنا ما موافقين ندبر نفسنا لوحدنا .
ـ ما اعرف والله خاف بابا ما يقبل .
ـ وليش ما يقبل ترى بيتج مو بس بيتي بيتنا اثنينا
والا اكولج روحي تجهزي هسه اخابره وأكوله وجيبي اختج وياج تساعدج .
ـ بالدوام دوامها ظهري ترجع تعبانه .
ـ يلة ماشي اني وياج گافـــــي ندبر نفسنا .
ـ تمام أنتظرك حبيبي ، أنتهى الاتصال لبست ومكيجت ودزلي رساله وافق نزلي اني بالبيت .
" نزلت لكيت بابا واكف هو وياه وطلعنا للبيت ووصلنا ونزل فتح الباب ودخل سيارته بس اني تحز بگلبي أبويه شلون وافق اجي وياه لوحدي اخاف ضرغام يفكر غير تفكير ، لا بابا يثق بي لما يثق بي ما يدزني وياه .
"فتح الباب والهوسه الله أكبر عبوة وطاكه وهو مفتح الاغراض من كراتين
ضرغام ـ راح اتعبج أعذريني ما عندي أحد .
ـ لا عادي هسه اخلصه ترتيب .
ـ تمام نبلش بالصاله وبعدين المطبخ اذا لحكنا واذا لا بعد ما نتزوج رتبي على كيفج وذوقج .
ـ تمام ، بدينا نعدل التخم ونعلك الستائر وشلت الهوسه والكراتين ونظفت الصاله وهو راح يذبهن بالحاويه ، ملابسي كلها تراب صارت ، خلصت ودخل المطبخ وكفت على السنك أغسل وسمعت الباب انضرب قفل !!
" مُباشرةً نفس لحظه أنحضنت من ظهري بقوه وفتح الشال وشمره وبلش يطبع بوساته برقبتي بجنون خدرت بين إيديه ضرغام أبتعد فدوهہ .
ـ ليش كادر أبتعد عنج سهى ميت بيج
ـ هو يبوس وأني اتگلب بين إيديه ضرغام گافـــــي
دارني والتهم شفايفي بقوه وضل مستمر يبوس ويأخذ نفس ويرجع يستمر وبقوة اڪثر إنتهيت بين إيديه ذوبني من بين شفايفي گال وهو منتهي
ـ تعالي حبيبي نروح غرفتنا . !!
يتبع ..