အပိုင်း (၆၀) အာမခံချက်ရှိတဲ့ဝင်ခွင့်အခွင့်အရေးရရှိခြင်း
ရှန်ယွဲ့ ဘာမှမစဥ်းစားဘဲ ရေးချင်တာချရေးမယ်ဆိုရင်တောင် ဒီလောက်မမြန်နိုင်ဘူးလေ ဟုတ်တယ်မလား။ ယွီဟောက်သည် သူမ မည်သို့လုပ်ခဲ့သည်ကို အလွန်သိချင်သွားတော့သည်။ ရှန်ယွဲ့သာ အဖြေလွှာကို တကယ်ကြီး ဖြည့်ချင်ရုံသက်သက်ပဲဆိုရင်တော့ သူ့လုပ်ပုံတွေက တကယ်ရူးနေတာပဲ။
ရှန်ယွဲ့၏အဖြေလွှာပေါ်တွင် ရေးထားသည့်များကို ကြည့်ရရန် ယွီဟောက်၏ပြင်းပြသည့် သိလိုစိတ်နှင့် အထင်သေးခြင်းတို့က သူ့အား ဗျိုင်းလည်ပင်းဖြစ်သွားစေတော့သည်။
သူ့ကိုယ်အနေထားနှင့် မျက်မှာကို ပြင်လိုက်ချိန်၌ ရှန်ယွဲ့၏အဖြေလွှာပေါ်က စာလုံးသေးသေးလေးများကို အနည်းငယ်မြင်လိုက်ရတော့သည်။ ရှန်ယွဲ့၏လက်ရေးက ထူးထူးခြားခြားသပ်ရပ်နေသည်ကို မြင်လိုက်ရသဖြင့် အလွန်အံ့ဩသွားတော့သည်။ ထို့အပြင် သူမရေးထားသည့် လက်ရေးပုံစံက သာမန်အထက်ကျောင်းသူတစ်ယောက်၏လက်ရေးမျိုး မဟုတ်ချေ။ ထို့အစား အလွန်အားကောင်းကာပြတ်သားပြီး ခက်ခက်ရေးသားရသည့်လက်ရေးလှပညာရှင်တစ်ယောက်၏ လက်ရေးမျိုးနှင့် တူနေလေသည်။
ဘာဖြစ်နေတာလဲ။ ယွီဟောက်မှာ ရှောခ့်ဖြစ်သွားတော့သည်။ ထို့နောက် ရှန်ယွဲ့က လှည့်လာပြီး ရွံရှာသည့်အကြည့်ဖြင့် သူ့အား အကဲခတ်လိုက်သည်ကို တွေ့လိုက်ရလေသည်။
ယွီဟောက်မှာ ထိုအကြည့်ကြောင်း ရှင်းမပြတတ်အောင် ပျာယာခတ်သွားတော့သည်။ သူ မရှင်းပြနိုင်ခင်မှာပင် ရှန်ယွဲ့၏ အထင်သေးစွာပြောလိုက်သည့်စကားကို ကြားလိုက်လေတော့သည်။
" နင် အဖြေကူးချင်တယ်ဆိုရင် ပြောလေ၊ နင့်ခေါင်းက လိပ်ခေါင်းလို ရှည်ထွက်နေပြီ အရမ်းရွံစရာကောင်းတာပဲ"
ထိုသို့ပြောလိုက်ပြီး ရှန်ယွဲ့က အဖြေလွှာကိုပြရန် သူမ၏ခန္ဓာကိုယ်ကို တမင်ရွှေ့ပေးလိုက်လေသည်။ သူမသည် ယွီဟောက်ကို ခေါင်းတမော့မော့နှင့် ကြည့်နေခိုင်းလိုက်သည်ထက် သည်အတိုင်းပေးကူးလိုက်တာက ပိုကောင်းသည်ဟု တွေးလိုက်တော့သည်။
ယွီဟောက်၏မျက်နှာသည် ချက်ချင်း ညိုမဲသွားတော့သည်။ သူသည် ဒေါသထွက်လွန်းသဖြင့် ရှန်ယွဲ့က အတွေးလွန်နေသည်ဟု ပြောလိုက်ချင်သော်လည်း စာမေးခွဲအခန်းစောင့်၏ ချောင်းဟန့်ကာ သတိပေးသံကြောင့် လန့်သွားတော့သည်။
ရှန်ယွဲ့၏ပါးနပ်မှုဖြင့်ဆိုလျှင် ယွီဟောက်က သူမနောက်တွင် ဘာလုပ်နေမှန်း သေသေချာချာသိလေသည်။ အဖြေလွှာကို ဖြည့်ပြီးနောက် သူမသည် ပျင်းလာတော့သည်။ ယွီဟောက်ကလည်း မကြာခဏဆိုသလို ခိုးခိုးကြည့်နေလေသည်။ သူ့ခန္ဓာကိုယ်ပေါ်က အမျိုးသားသုံးရေမွှးနံ့က ခဏခဏ လွှင့်လာပြီး ရှန်ယွဲ့ကို မူးနှောက်အောင်လုပ်နေတော့သည်။
ယွီဟောက်သည် ဘာဘဲလုပ်ချင်နေပါစေ။ သူမအား ပြသဿနာရှချင်သည်ဖြစ်စေ၊ အဖြေကူးချချင်သည်ဖြစ်စေ ထိုအချိန်တိုလေးအတွင်းတွင် သည်ကောင်လေးကသည် ရှန်ယွဲ့၏မူလပျော်ရွှင်နေသည့်စိတ်ကို နှောင့်ယှက်လေတော့သည်။
ထို့ကြောင့်ပင် ရှန်ယွဲ့က ယွီဟောက်ကို တမင်သွားဆွလိုက်ခြင်းဖြစ်တော့သည်။ ထင်ထားသည့်အတိုင်း သူမ စကားပြောပြီးသည်နှင့်ချက်ချင်း ယွီဟောက်က ထိုင်ခုံတွင် ငြိမ်ငြိမ်လေးထိုင်ကာ မလှုပ်ရှားတော့ပေ။ အမျိုးသားသုံးရေမွှေးနံ့ကလည်း ထပ်ရောက်မလာတော့ပေ။
မူလပိုင်ရှင်က ဘာလို့များ ဒီလိုပျော့တိပျော့ဖက် အသုံးမကျတဲ့လင်ငယ်လေးကို ကြွေခဲ့ပါလိမ့်နော်။ ရှန်ယွဲ့မှာ စဥ်းစားမရအောင် ဖြစ်နေလေသည်။
နောက်စာမေးပွဲများလည်း ချောချောမောမော ပြီးသွားတော့သည်။ အချိန်စေ့သည်နှင့် ရှန်ယွဲ့သည် သူမ၏အဖြေလွှာကို ကြိုအပ်လိုက်ပြီး တစ်မိနစ်လေးမှ ထပ်နေတော့ချေ။
ရှန်ယွဲ့၏လှောင်ပြောင်သည့်စကားများက ယွီဟောက်၏အတွေးထဲတွင် တစ်ချိန်လုံး နှောင့်ယှက်နေတော့သည်။ သူသည် ဒေါသလည်းထွက်သလို ပျော်လို့နေလေသည်။ တတိယနှစ်က ဝတုတ်မရှန်ယွဲ့က တစ်ကျောင်းလုံးမှာ အတုံးအဆုံးနဲ့ အဆိုးရွားဆုံးကျောင်းသူဆိုတာ ဘယ်သူက မသိလို့လဲ။ သူ့အဖြေတွေကို ကူးရလောက်အောင် ဘယ်သူက ရူးမှာလဲ။
တစ်ဖက်မှာတော့ အမြဲလိုလို အဖြေလွှာအလွတ်ပဲ အပ်တတ်တဲ့ ရှန်ယွဲ့က ဒီပုံစံနနဲ့ အဖြေလွှာတွေကို အမှန်အကန် ဖြေခဲ့တာတဲ့။ သူ အရမ်းအံ့ဩသွားတာပေါ့။ ဒါကြောင့်ပဲ စာမေးပွဲအစပိုင်းတိုင်းမှာ ရှန်ယွဲ့ကို မကြည့်ဘဲမနေနိုင်ခဲ့ဘူး။ သူမက တကယ်အတည်ပေါက်နဲ့ စာရေးနေတာတွေ့လိုက်တိုင်း ယွီဟောက်ရဲ့စိတ်ပိုင်းဆိုင်ရာလောကကြီးက ပြိုလဲသွားလေရဲ့။
သူ ဘယ်လိုအနေအထား ဘယ်လိုအခြအနေမျိုးမှာဖြစ်ဖြစ် ရှန်ယွဲ့က ဘာလို့များ သူ့ကို နှိပ်စက်နေရတာလဲ။ ယွီဟောက်မှာ ရူးချင်စိတ်ပေါက်သွားတော့သည်။
လပတ်စာမေးပွဲပြီးဆုံးသွားတော့ မောင်နှမနှစ်ယောက်သည် လှေကားနားတွင် ဆုံကြလေသည်။
"အစ်မ အခြေအနေဘယ်လိုလဲ"
" မဆိုးပါဘူး၊ ဘာမှမမှားဘူးဆိုရင်တော့ အမှတ်ပြည့်ရလောက်တယ်"
ရှန်ယွဲ့က သာမန်ကာလျှံကာ ပြောလိုက်၏။
ဖြတ်သွားသည့်ကျောင်းသားတစ်ယောက်က ရှန်ယွဲ့ကို အရူးတစ်ယောက်လို လှည့်ကြည့်လိုက်ပြီး ခေါင်းခါသွားလေသည်။ တော်တော်ဝေးဝေးသို့ လျှောက်လာပြီးနေက် သူက သူ့သူငယ်ချင်းကို ပြောလိုက်၏။
" အဆင့်ဘိတ်ချေးရတဲ့ ရှန်ယွဲ့က တကယ်ရူးနေတာဖြစ်မယ်"
" ကောင်းတာပေါ့" ရှန်ချန်က သွားတက်လေးနှစ်ခုပေါ်အောင် ပြုံးလိုက်လေသည်။ သူသည် ရှန်ယွဲ့၏ခွန်အားကို အခိုင်အမာယုံကြည်လေသည်။
ရှန်ချန်သည် အခန်းထဲတွင် အမြဲလိုလို နှုတ်ဆိတ်နေတတ်သူဖြစ်၏။ ရှန်ယွဲ့နှင့် တွေ့မှ သူ့ပုံစံအမှန်ကို တဖြည်းဖြည်းချင်း ထုတ်ပြလာခဲ့သည်။
စာမေးပွဲပြီးသွားတော့ ရှန်ချန်သည် နောက်ဆုံးတွင် သူ့ဖုန်းနှင့် ကစားရန် အချိန်ရလာတော့သည်။ ရုတ်တရက်ဆိုသလို အင်တာနက်ပေါ်တွင် သူတင်ခဲ့သည့် ဓာတ်ပုံလေးပုံကို သတိရသွားတော့သည်။ သူသည် ပိုစ့်ကို ဖွင့်ကြည့်လိုက်ရာ သူ့မျက်လုံးများ အဝိုင်းသားဖြစ်သွားတော့သည်။
Like တစ်သန်းကျော်၊ မှတ်ချက်ပေါင်း ထောင်ချီပြီး ပြန်တင်ထားသည့်ပိုစ့်ပေါင်းက တစ်ထောင်ကျော်၊ မရေမတွက်နိုင်သည့် သီးသန့်စာများ....
ဘုရားရေ။ တကယ်ပဲ ဘာတွေဖြစ်သွားတာလဲ။ system များပျက်နေတာလား။ ရှန်ချန်သည် ထိုမြင်ကွင်းကြောင့် အထိတ်တလန့် ဖြစ်သွားတော့သည်။ သူသည် မှတ်ချက်ကဏ္ဍာကို အချိန်တော်တော်ကြာသည်အထိ ဆွဲဖတ်လိုက်ပြီး ခေါင်းကြီးပိုင်းကို ဖတ်လိုက်ပြီးမှ တစ်ခုခုကို နားလည်သွားတော့သည်။
သူ့အစ်မ ရှန်ယွဲ့က သူနားမလည်နိုင်ခဲ့သည့် အဖြေတစ်ခုကို ပေါ့ပေါ့ပါးပါး ချရေးခဲ့သည်။ ဒါသည် အမှန်ပင် အဖြေမှန်ဖြစ်နေပြီး မြို့တော်တက္ကသိုလ်မှ ပရော်ဖက်ဆာအားလုံးနှင့် လင်ရှောင်းတို့၏ တညီတညွတ်တည်းထောက်ခံချက်ကို ရခဲ့လေသည်။
ရှန်ယွဲ့က တစ်သက်လုံး သင်္ချာကိုပဲ လေ့လာခဲ့တဲ့ပရော်ဖက်ဆာဟောင်းတစ်ချို့ကတောင် မဖြေရှင်းနိုင်ခဲ့တဲ့ ပုစ္ဆာတစ်ချို့ကို ဖြေရှင်းခဲ့တာပဲ။ အခုတော့ အင်တာနက်တစ်ခုလုံးမှာ သူမရဲ့သရုပ်မှန်ကို စုံစမ်းနေကြပြီ။
ရှန်ချန်သည် ထိုအချက်ကြောင့် အလွန်လန့်ဖျတ်သွားပြီး အသက်ရှူရန်ပင် မေ့သွားတော့သည်။ သူသည် ရှန်ယွဲ့၏အင်္ကျီလက်ကို ဆွဲကာပြောလိုက်၏။
"အစ်မ နင်လေ မြို့တော်တက္ကသိုလ်ကပေးတဲ့ အာမခံချက်ရှိတဲ့ ဝင်ခွင့်အခွင့်အရေးတစ်ခုကို ရနိုင်တယ်"
...
Paid group မှာ တစ်ရက် ၂ပိုင်းနှုန်းတင်ပါတယ်။ Freeမစောင့်ချင်ရင် အထူးလုပ်ကြံရေးသမတစ်ယောက်ရဲ့စာမျက်နှာသစ် FB pageမှာ hi ပို့ပြီး ဝယ်ယူနိုင်ပါတယ်ရှင်။
Gp1 ( 1-250) Kpay/Wavepay -2500
....
ဒီဟာလေးကို Story Glory
https://mmstoryglory.com
မှာ တစ်ပတ် ၅ပိုင်း၊ တစ်ပိုင်း 5coin နှုန်းနဲ့ တင်ပေးနေပါတယ်။ coin ကိုလည်း ကြော်ငြာလေးကြည့်ပြီး စုလို့ရပါတယ်နော်။
...
Zawgyi
အပိုင္း (၆၀) အာမခံခ်က္ရွိတဲ့ဝင္ခြင့္အခြင့္အေရးရရွိျခင္း
ရွန္ယြဲ႕ ဘာမွမစဥ္းစားဘဲ ေရးခ်င္တာခ်ေရးမယ္ဆိုရင္ေတာင္ ဒီေလာက္မျမန္ႏိုင္ဘူးေလ ဟုတ္တယ္မလား။ ယြီေဟာက္သည္ သူမ မည္သို႔လုပ္ခဲ့သည္ကို အလြန္သိခ်င္သြားေတာ့သည္။ ရွန္ယြဲ႕သာ အေျဖလႊာကို တကယ္ႀကီး ျဖည့္ခ်င္႐ုံသက္သက္ပဲဆိုရင္ေတာ့ သူ႔လုပ္ပုံေတြက တကယ္႐ူးေနတာပဲ။
ရွန္ယြဲ႕၏အေျဖလႊာေပၚတြင္ ေရးထားသည့္မ်ားကို ၾကည့္ရရန္ ယြီေဟာက္၏ျပင္းျပသည့္ သိလိုစိတ္ႏွင့္ အထင္ေသးျခင္းတို႔က သူ႔အား ဗ်ိဳင္းလည္ပင္းျဖစ္သြားေစေတာ့သည္။
သူ႔ကိုယ္အေနထားႏွင့္ မ်က္မွာကို ျပင္လိုက္ခ်ိန္၌ ရွန္ယြဲ႕၏အေျဖလႊာေပၚက စာလုံးေသးေသးေလးမ်ားကို အနည္းငယ္ျမင္လိုက္ရေတာ့သည္။ ရွန္ယြဲ႕၏လက္ေရးက ထူးထူးျခားျခားသပ္ရပ္ေနသည္ကို ျမင္လိုက္ရသျဖင့္ အလြန္အံ့ဩသြားေတာ့သည္။ ထို႔အျပင္ သူမေရးထားသည့္ လက္ေရးပုံစံက သာမန္အထက္ေက်ာင္းသူတစ္ေယာက္၏လက္ေရးမ်ိဳး မဟုတ္ေခ်။ ထို႔အစား အလြန္အားေကာင္းကာျပတ္သားၿပီး ခက္ခက္ေရးသားရသည့္လက္ေရးလွပညာရွင္တစ္ေယာက္၏ လက္ေရးမ်ိဳးႏွင့္ တူေနေလသည္။
ဘာျဖစ္ေနတာလဲ။ ယြီေဟာက္မွာ ေရွာခ့္ျဖစ္သြားေတာ့သည္။ ထို႔ေနာက္ ရွန္ယြဲ႕က လွည့္လာၿပီး ႐ြံရွာသည့္အၾကည့္ျဖင့္ သူ႔အား အကဲခတ္လိုက္သည္ကို ေတြ႕လိုက္ရေလသည္။
ယြီေဟာက္မွာ ထိုအၾကည့္ေၾကာင္း ရွင္းမျပတတ္ေအာင္ ပ်ာယာခတ္သြားေတာ့သည္။ သူ မရွင္းျပႏိုင္ခင္မွာပင္ ရွန္ယြဲ႕၏ အထင္ေသးစြာေျပာလိုက္သည့္စကားကို ၾကားလိုက္ေလေတာ့သည္။
" နင္ အေျဖကူးခ်င္တယ္ဆိုရင္ ေျပာေလ၊ နင့္ေခါင္းက လိပ္ေခါင္းလို ရွည္ထြက္ေနၿပီ အရမ္း႐ြံစရာေကာင္းတာပဲ"
ထိုသို႔ေျပာလိုက္ၿပီး ရွန္ယြဲ႕က အေျဖလႊာကိုျပရန္ သူမ၏ခႏၶာကိုယ္ကို တမင္ေ႐ႊ႕ေပးလိုက္ေလသည္။ သူမသည္ ယြီေဟာက္ကို ေခါင္းတေမာ့ေမာ့ႏွင့္ ၾကည့္ေနခိုင္းလိုက္သည္ထက္ သည္အတိုင္းေပးကူးလိုက္တာက ပိုေကာင္းသည္ဟု ေတြးလိုက္ေတာ့သည္။
ယြီေဟာက္၏မ်က္ႏွာသည္ ခ်က္ခ်င္း ညိဳမဲသြားေတာ့သည္။ သူသည္ ေဒါသထြက္လြန္းသျဖင့္ ရွန္ယြဲ႕က အေတြးလြန္ေနသည္ဟု ေျပာလိုက္ခ်င္ေသာ္လည္း စာေမးခြဲအခန္းေစာင့္၏ ေခ်ာင္းဟန္႔ကာ သတိေပးသံေၾကာင့္ လန္႔သြားေတာ့သည္။
ရွန္ယြဲ႕၏ပါးနပ္မႈျဖင့္ဆိုလွ်င္ ယြီေဟာက္က သူမေနာက္တြင္ ဘာလုပ္ေနမွန္း ေသေသခ်ာခ်ာသိေလသည္။ အေျဖလႊာကို ျဖည့္ၿပီးေနာက္ သူမသည္ ပ်င္းလာေတာ့သည္။ ယြီေဟာက္ကလည္း မၾကာခဏဆိုသလို ခိုးခိုးၾကည့္ေနေလသည္။ သူ႔ခႏၶာကိုယ္ေပၚက အမ်ိဳးသားသုံးေရမႊးနံ႔က ခဏခဏ လႊင့္လာၿပီး ရွန္ယြဲ႕ကို မူးေႏွာက္ေအာင္လုပ္ေနေတာ့သည္။
ယြီေဟာက္သည္ ဘာဘဲလုပ္ခ်င္ေနပါေစ။ သူမအား ျပသႆနာရွခ်င္သည္ျဖစ္ေစ၊ အေျဖကူးခ်ခ်င္သည္ျဖစ္ေစ ထိုအခ်ိန္တိုေလးအတြင္းတြင္ သည္ေကာင္ေလးကသည္ ရွန္ယြဲ႕၏မူလေပ်ာ္႐ႊင္ေနသည့္စိတ္ကို ေႏွာင့္ယွက္ေလေတာ့သည္။
ထို႔ေၾကာင့္ပင္ ရွန္ယြဲ႕က ယြီေဟာက္ကို တမင္သြားဆြလိုက္ျခင္းျဖစ္ေတာ့သည္။ ထင္ထားသည့္အတိုင္း သူမ စကားေျပာၿပီးသည္ႏွင့္ခ်က္ခ်င္း ယြီေဟာက္က ထိုင္ခုံတြင္ ၿငိမ္ၿငိမ္ေလးထိုင္ကာ မလႈပ္ရွားေတာ့ေပ။ အမ်ိဳးသားသုံးေရေမႊးနံ႔ကလည္း ထပ္ေရာက္မလာေတာ့ေပ။
မူလပိုင္ရွင္က ဘာလို႔မ်ား ဒီလိုေပ်ာ့တိေပ်ာ့ဖက္ အသုံးမက်တဲ့လင္ငယ္ေလးကို ေႂကြခဲ့ပါလိမ့္ေနာ္။ ရွန္ယြဲ႕မွာ စဥ္းစားမရေအာင္ ျဖစ္ေနေလသည္။
ေနာက္စာေမးပြဲမ်ားလည္း ေခ်ာေခ်ာေမာေမာ ၿပီးသြားေတာ့သည္။ အခ်ိန္ေစ့သည္ႏွင့္ ရွန္ယြဲ႕သည္ သူမ၏အေျဖလႊာကို ႀကိဳအပ္လိုက္ၿပီး တစ္မိနစ္ေလးမွ ထပ္ေနေတာ့ေခ်။
ရွန္ယြဲ႕၏ေလွာင္ေျပာင္သည့္စကားမ်ားက ယြီေဟာက္၏အေတြးထဲတြင္ တစ္ခ်ိန္လုံး ေႏွာင့္ယွက္ေနေတာ့သည္။ သူသည္ ေဒါသလည္းထြက္သလို ေပ်ာ္လို႔ေနေလသည္။ တတိယႏွစ္က ဝတုတ္မရွန္ယြဲ႕က တစ္ေက်ာင္းလုံးမွာ အတုံးအဆုံးနဲ႔ အဆိုး႐ြားဆုံးေက်ာင္းသူဆိုတာ ဘယ္သူက မသိလို႔လဲ။ သူ႔အေျဖေတြကို ကူးရေလာက္ေအာင္ ဘယ္သူက ႐ူးမွာလဲ။
တစ္ဖက္မွာေတာ့ အၿမဲလိုလို အေျဖလႊာအလြတ္ပဲ အပ္တတ္တဲ့ ရွန္ယြဲ႕က ဒီပုံစံနနဲ႔ အေျဖလႊာေတြကို အမွန္အကန္ ေျဖခဲ့တာတဲ့။ သူ အရမ္းအံ့ဩသြားတာေပါ့။ ဒါေၾကာင့္ပဲ စာေမးပြဲအစပိုင္းတိုင္းမွာ ရွန္ယြဲ႕ကို မၾကည့္ဘဲမေနႏိုင္ခဲ့ဘူး။ သူမက တကယ္အတည္ေပါက္နဲ႔ စာေရးေနတာေတြ႕လိုက္တိုင္း ယြီေဟာက္ရဲ႕စိတ္ပိုင္းဆိုင္ရာေလာကႀကီးက ၿပိဳလဲသြားေလရဲ႕။
သူ ဘယ္လိုအေနအထား ဘယ္လိုအျခအေနမ်ိဳးမွာျဖစ္ျဖစ္ ရွန္ယြဲ႕က ဘာလို႔မ်ား သူ႔ကို ႏွိပ္စက္ေနရတာလဲ။ ယြီေဟာက္မွာ ႐ူးခ်င္စိတ္ေပါက္သြားေတာ့သည္။
လပတ္စာေမးပြဲၿပီးဆုံးသြားေတာ့ ေမာင္ႏွမႏွစ္ေယာက္သည္ ေလွကားနားတြင္ ဆုံၾကေလသည္။
"အစ္မ အေျခအေနဘယ္လိုလဲ"
" မဆိုးပါဘူး၊ ဘာမွမမွားဘူးဆိုရင္ေတာ့ အမွတ္ျပည့္ရေလာက္တယ္"
ရွန္ယြဲ႕က သာမန္ကာလွ်ံကာ ေျပာလိုက္၏။
ျဖတ္သြားသည့္ေက်ာင္းသားတစ္ေယာက္က ရွန္ယြဲ႕ကို အ႐ူးတစ္ေယာက္လို လွည့္ၾကည့္လိုက္ၿပီး ေခါင္းခါသြားေလသည္။ ေတာ္ေတာ္ေဝးေဝးသို႔ ေလွ်ာက္လာၿပီးေနက္ သူက သူ႔သူငယ္ခ်င္းကို ေျပာလိုက္၏။
" အဆင့္ဘိတ္ေခ်းရတဲ့ ရွန္ယြဲ႕က တကယ္႐ူးေနတာျဖစ္မယ္"
" ေကာင္းတာေပါ့" ရွန္ခ်န္က သြားတက္ေလးႏွစ္ခုေပၚေအာင္ ၿပဳံးလိုက္ေလသည္။ သူသည္ ရွန္ယြဲ႕၏ခြန္အားကို အခိုင္အမာယုံၾကည္ေလသည္။
ရွန္ခ်န္သည္ အခန္းထဲတြင္ အၿမဲလိုလို ႏႈတ္ဆိတ္ေနတတ္သူျဖစ္၏။ ရွန္ယြဲ႕ႏွင့္ ေတြ႕မွ သူ႔ပုံစံအမွန္ကို တျဖည္းျဖည္းခ်င္း ထုတ္ျပလာခဲ့သည္။
စာေမးပြဲၿပီးသြားေတာ့ ရွန္ခ်န္သည္ ေနာက္ဆုံးတြင္ သူ႔ဖုန္းႏွင့္ ကစားရန္ အခ်ိန္ရလာေတာ့သည္။ ႐ုတ္တရက္ဆိုသလို အင္တာနက္ေပၚတြင္ သူတင္ခဲ့သည့္ ဓာတ္ပုံေလးပုံကို သတိရသြားေတာ့သည္။ သူသည္ ပိုစ့္ကို ဖြင့္ၾကည့္လိုက္ရာ သူ႔မ်က္လုံးမ်ား အဝိုင္းသားျဖစ္သြားေတာ့သည္။
Like တစ္သန္းေက်ာ္၊ မွတ္ခ်က္ေပါင္း ေထာင္ခ်ီၿပီး ျပန္တင္ထားသည့္ပိုစ့္ေပါင္းက တစ္ေထာင္ေက်ာ္၊ မေရမတြက္ႏိုင္သည့္ သီးသန္႔စာမ်ား....
ဘုရားေရ။ တကယ္ပဲ ဘာေတြျဖစ္သြားတာလဲ။ system မ်ားပ်က္ေနတာလား။ ရွန္ခ်န္သည္ ထိုျမင္ကြင္းေၾကာင့္ အထိတ္တလန္႔ ျဖစ္သြားေတာ့သည္။ သူသည္ မွတ္ခ်က္က႑ာကို အခ်ိန္ေတာ္ေတာ္ၾကာသည္အထိ ဆြဲဖတ္လိုက္ၿပီး ေခါင္းႀကီးပိုင္းကို ဖတ္လိုက္ၿပီးမွ တစ္ခုခုကို နားလည္သြားေတာ့သည္။
သူ႔အစ္မ ရွန္ယြဲ႕က သူနားမလည္ႏိုင္ခဲ့သည့္ အေျဖတစ္ခုကို ေပါ့ေပါ့ပါးပါး ခ်ေရးခဲ့သည္။ ဒါသည္ အမွန္ပင္ အေျဖမွန္ျဖစ္ေနၿပီး ၿမိဳ႕ေတာ္တကၠသိုလ္မွ ပေရာ္ဖက္ဆာအားလုံးႏွင့္ လင္ေရွာင္းတို႔၏ တညီတၫြတ္တည္းေထာက္ခံခ်က္ကို ရခဲ့ေလသည္။
ရွန္ယြဲ႕က တစ္သက္လုံး သခ်ၤာကိုပဲ ေလ့လာခဲ့တဲ့ပေရာ္ဖက္ဆာေဟာင္းတစ္ခ်ိဳ႕ကေတာင္ မေျဖရွင္းႏိုင္ခဲ့တဲ့ ပုစာၦတစ္ခ်ိဳ႕ကို ေျဖရွင္းခဲ့တာပဲ။ အခုေတာ့ အင္တာနက္တစ္ခုလုံးမွာ သူမရဲ႕သ႐ုပ္မွန္ကို စုံစမ္းေနၾကၿပီ။
ရွန္ခ်န္သည္ ထိုအခ်က္ေၾကာင့္ အလြန္လန္႔ဖ်တ္သြားၿပီး အသက္ရႉရန္ပင္ ေမ့သြားေတာ့သည္။ သူသည္ ရွန္ယြဲ႕၏အက်ႌလက္ကို ဆြဲကာေျပာလိုက္၏။
"အစ္မ နင္ေလ ၿမိဳ႕ေတာ္တကၠသိုလ္ကေပးတဲ့ အာမခံခ်က္ရွိတဲ့ ဝင္ခြင့္အခြင့္အေရးတစ္ခုကို ရႏိုင္တယ္"
...
Paid group မွာ တစ္ရက္ ၂ပိုင္းႏႈန္းတင္ပါတယ္။ Freeမေစာင့္ခ်င္ရင္ အထူးလုပ္ႀကံေရးသမတစ္ေယာက္ရဲ႕စာမ်က္ႏွာသစ္ FB pageမွာ hi ပို႔ၿပီး ဝယ္ယူႏိုင္ပါတယ္ရွင္။
Gp1 ( 1-250) Kpay/Wavepay -2500
....
ဒီဟာေလးကို Story Glory
https://mmstoryglory.com
မွာ တစ္ပတ္ ၅ပိုင္း၊ တစ္ပိုင္း 5coin ႏႈန္းနဲ႔ တင္ေပးေနပါတယ္။ coin ကိုလည္း ေၾကာ္ျငာေလးၾကည့္ၿပီး စုလို႔ရပါတယ္ေနာ္။
...