လက်ထောက်နှင့် ကျိုးရွှမ်းဘေးက ဒရိုက်ဘာသည် ကလစ်တစ်ချက်နှိပ်လိုက်ပြီး မောင်နှမနှစ်ယောက်၏ ကျောပြင်ကို ဓာတ်ပုံရိုက်ယူလိုက်ကာ ကျိုးအိမ်တော်တွင် အနားယူရန်ဖိအားပေးခံထားရသည့် ကျိုးယန်ထံ ဓာတ်ပုံကို ပို့ပေးလိုက်တော့သည်။ တစ်ချိန်ထဲတွင် သူက ရေရွတ်လိုက်သေးသည်။
" သူ့ဘေးက ပိန်ပိန်ပါးပါး အရပ်မြင့်မြင့်နဲ့ကောင်လေးက တော်တော်ချောတာပဲ၊ အဲဒါ သူ့မောင်လေးလား"
ကျိုးရွှမ်း သူ့ခေါင်းကို မသိမသာလှည့်လိုက်ပြီး ဘာမှပြန်မပြောလိုက်သော်လည်း ရှန်ယွဲ့၏ကျောပြင်ကို ငြိမ်သက်စွာ စိုက်ကြည့်နေလိုက်လေသည်။
မနေ့က လူသတ်သမားများ Sမြို့သို့ ရောက်နေသည့်သတင်းကို ကြားပြီးကတည်း သူမကို ကာကွယ်ပေးရန် သန်မာသည့် သက်တော်စောင့်နှစ်ယောက်ကို အရေးပေါ် လွှတ်လိုက်သေးသည်။ သို့သော် သက်တော်စောင့်များက Sမြို့သို့ရောက်သွားချိန်၌ လူသတ်သမားများသည် မနေ့ညက ရှန်ယွဲ့အိမ်နားတွင် အမှန်တကယ်ပေါ်လာခဲ့သော်လည်း ထို့နောက်ပိုင်း အားလုံးက ပျောက်သွားသည်ဟု ဆိုလေသည်။
အန္တရာယ်ဝိုင်းခံထားရသည့် ရှန်ယွဲ့မှာ အန္တရာယ်ကင်းကင်း ရှိနေ၏။ နောက်တစ်နေ့တွင် သူမသည် ဘာအန္တရာယ်မှ မတွေ့ရသကဲ့သို့ စိတ်ကြည်နေသယောင်။
" သူ့မောင်လေး ဖြစ်နိုင်ပါတယ်၊ သူ့ပုံစံက အရမ်းဆိုးပေမယ့် သူ့မောင်လေးကျတော့ တော်တော်ရုပ်ချောတာပဲ၊ ဒီမိသားစုကတော်တော် ထူးဆန်းတာပဲ"
လက်ထောက်က ရေရွတ်လိုက်ပြန်သည်။
ရုတ်တရက် ကျိုးရွှမ်း တဟင်းဟင်းရယ်လိုက်သဖြင့် လက်ထောက်မှာ တောင့်တင်းသွားတော့သည်။ သူ မပြောသင့်သည့်စကားကို ပြောမိသွားသည်ဟု ထင်လိုက်ပြီး ကျောရိုးတစ်လျှောက် အေးစိမ့်သွားတော့သည်။
အမှတ်တမဲ့ ကျိုးရွှမ်း၏ကြည့်နေသည့်ဖက်သို့ လိုက်ကြည့်လိုက်ရာ ထိုဝတုတ်မလေး ရှန်ယွဲ့သည့် သူတို့ရှိရာဖက်သို့ သင်္ကာမကင်းကြည့်နေသည်ကို သတိထားမိသွားတော့သည်။ ကားကို စက္ကန့်အနည်းငယ်လောက် စိုက်ကြည့်လိုက်ပြီးနောက် သူမ ပြန်လှည့်သွား၏။
"ကောင်မလေး မင်းတော်တော်ပါးနပ်တာပဲ"
ကျိုးရွှမ်း တည်တည်ငြိမ်ငြိမ်ပြောလိုက်ပြီးနောက် ရယ်မောလိုက်လေသည်။
" အာ..."
လက်ထောက်မှာ ဆက်မပြောရဲတော့ချေ။ ဘောစ့်ရယ်တာက ဘာအဓိပ္ပါယ်လဲ။
" အစ်မ နင် ဘာကြည့်နေတာလဲ"
ရှန်ချန်သည် ရှန်ယွဲ့ ရုတ်တရက်လှည့်ကြည့်လိုက်သည်ကို သတိထားမိသွားသော်လည်း သူလှည့်ကြည့်လိုက်ချိန်တွင်တော့ ဘာမှမရှိတော့ချေ။
"ဘာမဟုတ်ပါဘူး၊ ငါ အမြင်မှားသွားတာ"
ရှန်ယွဲ့ပြန်လှည့်လာပြီး အသာအယာ ခေါင်းခါပြလိုက်လေသည်။
လုပ်ကြံသူတစ်ယောက်၏ ပါးနပ်သည့်အာရုံတို့ကြောင့် ရှန်ယွဲ့သည် ပူလောင်ကထိုးဆွနေသည့်အကြည့်တစ်ခုက သူမကို စိုက်ကြည့်နေမှန်း ခံစားမိလိုက်သည်။ သူမ လှည့်ကြည့်လိုက်သော်လည်း အဝေးတနေရာ အနက်ရောင်ကားတစ်စီးကိုသာ မြင်ရ၏။ တစ်ဖက်လူသည်ကားပြတင်းပေါက်မှန်ကို အလင်းပိတ်ဖလင်ပြားဖြင့် ဖုံးထားသဖြင့် ကားထဲကလူကို မမြင်ရချေ။
ဒီလူ ငါ့ဆီလာတာ ဖြစ်မယ်။ သူ့မှာ မကောင်းတဲ့အကြံမရှိတာကိုတော့ ခံစားမိလိုက်တယ်။ ဧကန္တ ကျိုးမိသားစုက တစ်ယောက်ယောက်များလား။
ကျိုးမိသားစုက သူမ၏လက်ရှိသရုပ်မှန်နှင့် ပတ်သက်ပြီး ဘာအချက်အလက်မှ ရှာနိုင်မည်မဟုတ်သည်ကို ရှန်ယွဲ့ လုံးဝယုံထားလေသည်။ ခဏလောက်တွေးတောလိုက်ပြီး ထိုကိစ္စရပ်လေးကို မေ့ထားလိုက်ကာ ရှန်ချန်ကို ပရိုဂရမ်ရေးနည်းသင်ပေးဖို့ စဥ်းစားရင်း အိမ်ပြန်လာခဲ့တော့သည်။
ရှန်ယွဲ့ထွက်သွားပြီးနောက် ကျိုးရွှမ်းက ပြန်ဖို့ ရည်ရွယ်ချက်မရှိသည်ကို သိလိုက်ရပြီးနောက် လက်ထောက်မှာ အသက်ပင် ကျယ်ကျယ်မရှူရဲတော့ချေ။ ကားထဲတွင် ကျိုးရွှမ်းကို အဖော်ပြုရင်းသာ တွေးနေလေလိုက်လေသည်။
ရုတ်တရက်ဆိုသလို အသိပေးစာဝင်လာ၏။ လက်ထောက်သည် သူ့ဖုန်းကို ကောက်ကိုင်ကာ ကြည့်လိုက်လေသည်။ သူ့အမူအရာ ချက်ချင်း ပြောင်းသွားသည်။
" ဘောစ့် ကျွန်တော်အခုပဲ သတင်းတစ်ခုရတယ်၊ Hကြေးစားအုပ်စုက မကြာသေးခင်က Sမြို့မှာ လှုပ်ရှားသွားတယ်တဲ့"
"ဟမ်၊ အဲကောင်တွေက ဖယ်ဒရယ်ကိုပဲ ပစ်မှတ်ထားတာမလား။ သူတို့ဘာလို့ Sမြိုု့ကို ရောက်နေတာလဲ"
ကျိုးရွှမ်း မသိမသာမျက်မှောင်ကျုံ့ထားလိုက်ပြီး လေသံနိမ့်ကာ ပြောလိုက်လေသည်။
" ကျွန်တော်မသိဘူး... သူတို့ရဲ့ လမ်းကြောင်းကလည်း ဒီနားလေးမှာပဲ၊ သူတို့တွေ အဲဒီလူသ-တ်သမားတွေကို ပစ်မှတ်ထားနေတာလား။ မဟုတ်သေးပါဘူး။ အဲဒါနဲ့ မဆိုင်လောက်ဘူး"
လက်ထောက်မှာ အလွန်ဇဝေဇဝါဖြစ်သွားတော့သည်။
လက်ကောက်ဝတ်ပေါ်က နာရီကိုလှည့်လိုက်ပြီး ကျိုးရွှမ်း အမှတ်တမဲ့ ရှန်ယွဲ့အိမ်ရှိရာဖက်သို့ လှမ်းကြည့်လိုက်၏။ မကြာခင်ကဖြစ်သွားတဲ့ ထူးခြားမှုတွေက အဲကောင်မလေးနဲ့ ပတ်သက်နေပုံပဲ။ အခုလေးတင် ရှန်ယွဲ့ သူ့အကြည့်ကို အာရုံခံလိုက်တဲ့ တုန့်ပြန်မှုနှုန်းကို ကြည့်ရင် သူက ထင်ထားသလောက် ရိုးရှင်းတဲ့ပုံမပေါ်ဘူး။
ဒါပေမယ့် ရှန်ယွဲ့ရဲ့အချက်အလက်တွေမှာလည်း မှားနေတာမတွေ့ရဘူး။ ခုတလော သူ့ရဲ့အကြီးမားဆုံး ပြောင်းလဲမှုက သူ ဝိတ်ချနေတယ်ပြီးတော့ ဝိတ်အများကြီးကျသွားတယ်။ ကျိုးယန်ကို ကယ်ခဲ့တဲ့ ဒီကောင်မလေးမှာ လျှို့ဝှက်ချက်တွေ အများကြီးရှိပုံရတယ်။ ဧကန္တ ကျိုးယန်ကို ကယ်ခဲ့တာလည်း တမင်လုပ်ခဲ့တာများလား။
ကျိုးရွှမ်း လယ်သာလက်ရမ်းပေါ်တွင် လက်ချောင်းများကို တတောက်တောက်ခေါက်ရင်း လေသံတိုးတိုးဖြင့် ပြောလိုက်လေသည်။
" အဲဒီလူသ-တ်သမားတွေရဲ့ လမ်းကြောင်းကို သိရတဲ့အထိ သူ့ကို တိတ်တိတ်လေးကာကွယ်ပေးဖို့ နောက်ထပ် သက်တော်စောင့်လေးယောက် ထပ်လွှတ်ထားလိုက်"
"နားလည်ပါပြီ"
လက်ထောက်သည် မြန်မြန်ပြန်ဖြေလိုက်၏။ ခဏတာ တုံ့ဆိုင်းသွားပြီးနောက် သူမေးလိုက်လေသည်။
" သခင်လေးက ပြောတယ် သူ သူမကို ထပ်ပြီး ကျေးဇူးတင်စကား ပြောချင်တယ်တဲ့ ဘောစ့် ကျွန်တော်တို့..."
"မလိုဘူး"
ကျိုးရွှမ်း ခေါင်းခါပြလိုက်လေသည်။ သူ ကျိုးယန်ကို ပြဿနာတွေ ကူရှင်းပြီးပြီလေ။ သူ့အသက်သခင် ကျေးဇူးရှင်ကို ကိုယ်တိုင်ကျေးဇူးတင်စကား ပြောတာက ပိုကောင်းမှာပေါ့။ သူ့ဦးလေး အနေနဲ့ သူ့အလုပ်တွေကို လိုက်လုပ်ရုံသက်သက်ပဲလေ။
သို့သော်ငြား နောက်ဆုံးတော့လည်း ရှန်ယွဲ့ဘေးက အန္တရာယ်များသည် ကျိုးမိသားစုကြောင့် ဖြစ်သွားသည်ဖြစ်ရာ ကျိုးရွှမ်း ခဏလောက်ပြန်စဥ်းစားလိုက်ပြီးနောက် ညွှန်ကြားလိုက်လေတော့သည်။
" Sမြို့ရဲ့ မြို့တော်ဝန်ကို ဖုန်းခေါ်ပြီး သူ့ကို ရှန်မိသားစုကို စောင့်ရှောက်ဖို့ပြောထားလိုက်"
...
Paid group မှာ တပတ် ၇ပိုင်းနှုန်းတင်ပါတယ်။ Freeမစောင့်ချင်ရင် အထူးလုပ်ကြံရေးသမတစ်ယောက်ရဲ့စာမျက်နှာသစ် FB pageမှာ hi ပို့ပြီး ဝယ်ယူနိုင်ပါတယ်ရှင်။
Gp1 ( 1-250) Kpay/Wavepay -2500
....
Zawgyi
အပိုင္း (၄၈) သူမရဲ႕လွ်ိဳ႕ဝွက္ခ်က္
လက္ေထာက္ႏွင့္ က်ိဳး႐ႊမ္းေဘးက ဒ႐ိုက္ဘာသည္ ကလစ္တစ္ခ်က္ႏွိပ္လိုက္ၿပီး ေမာင္ႏွမႏွစ္ေယာက္၏ ေက်ာျပင္ကို ဓာတ္ပုံ႐ိုက္ယူလိုက္ကာ က်ိဳးအိမ္ေတာ္တြင္ အနားယူရန္ဖိအားေပးခံထားရသည့္ က်ိဳးယန္ထံ ဓာတ္ပုံကို ပို႔ေပးလိုက္ေတာ့သည္။ တစ္ခ်ိန္ထဲတြင္ သူက ေရ႐ြတ္လိုက္ေသးသည္။
" သူ႔ေဘးက ပိန္ပိန္ပါးပါး အရပ္ျမင့္ျမင့္နဲ႔ေကာင္ေလးက ေတာ္ေတာ္ေခ်ာတာပဲ၊ အဲဒါ သူ႔ေမာင္ေလးလား"
က်ိဳး႐ႊမ္း သူ႔ေခါင္းကို မသိမသာလွည့္လိုက္ၿပီး ဘာမွျပန္မေျပာလိုက္ေသာ္လည္း ရွန္ယြဲ႕၏ေက်ာျပင္ကို ၿငိမ္သက္စြာ စိုက္ၾကည့္ေနလိုက္ေလသည္။
မေန႔က လူသတ္သမားမ်ား Sၿမိဳ႕သို႔ ေရာက္ေနသည့္သတင္းကို ၾကားၿပီးကတည္း သူမကို ကာကြယ္ေပးရန္ သန္မာသည့္ သက္ေတာ္ေစာင့္ႏွစ္ေယာက္ကို အေရးေပၚ လႊတ္လိုက္ေသးသည္။ သို႔ေသာ္ သက္ေတာ္ေစာင့္မ်ားက Sၿမိဳ႕သို႔ေရာက္သြားခ်ိန္၌ လူသတ္သမားမ်ားသည္ မေန႔ညက ရွန္ယြဲ႕အိမ္နားတြင္ အမွန္တကယ္ေပၚလာခဲ့ေသာ္လည္း ထို႔ေနာက္ပိုင္း အားလုံးက ေပ်ာက္သြားသည္ဟု ဆိုေလသည္။
အႏၲရာယ္ဝိုင္းခံထားရသည့္ ရွန္ယြဲ႕မွာ အႏၲရာယ္ကင္းကင္း ရွိေန၏။ ေနာက္တစ္ေန႔တြင္ သူမသည္ ဘာအႏၲရာယ္မွ မေတြ႕ရသကဲ့သို႔ စိတ္ၾကည္ေနသေယာင္။
" သူ႔ေမာင္ေလး ျဖစ္ႏိုင္ပါတယ္၊ သူ႔ပုံစံက အရမ္းဆိုးေပမယ့္ သူ႔ေမာင္ေလးက်ေတာ့ ေတာ္ေတာ္႐ုပ္ေခ်ာတာပဲ၊ ဒီမိသားစုကေတာ္ေတာ္ ထူးဆန္းတာပဲ"
လက္ေထာက္က ေရ႐ြတ္လိုက္ျပန္သည္။
႐ုတ္တရက္ က်ိဳး႐ႊမ္း တဟင္းဟင္းရယ္လိုက္သျဖင့္ လက္ေထာက္မွာ ေတာင့္တင္းသြားေတာ့သည္။ သူ မေျပာသင့္သည့္စကားကို ေျပာမိသြားသည္ဟု ထင္လိုက္ၿပီး ေက်ာ႐ိုးတစ္ေလွ်ာက္ ေအးစိမ့္သြားေတာ့သည္။
အမွတ္တမဲ့ က်ိဳး႐ႊမ္း၏ၾကည့္ေနသည့္ဖက္သို႔ လိုက္ၾကည့္လိုက္ရာ ထိုဝတုတ္မေလး ရွန္ယြဲ႕သည့္ သူတို႔ရွိရာဖက္သို႔ သကၤာမကင္းၾကည့္ေနသည္ကို သတိထားမိသြားေတာ့သည္။ ကားကို စကၠန္႔အနည္းငယ္ေလာက္ စိုက္ၾကည့္လိုက္ၿပီးေနာက္ သူမ ျပန္လွည့္သြား၏။
"ေကာင္မေလး မင္းေတာ္ေတာ္ပါးနပ္တာပဲ"
က်ိဳး႐ႊမ္း တည္တည္ၿငိမ္ၿငိမ္ေျပာလိုက္ၿပီးေနာက္ ရယ္ေမာလိုက္ေလသည္။
" အာ..."
လက္ေထာက္မွာ ဆက္မေျပာရဲေတာ့ေခ်။ ေဘာစ့္ရယ္တာက ဘာအဓိပၸါယ္လဲ။
" အစ္မ နင္ ဘာၾကည့္ေနတာလဲ"
ရွန္ခ်န္သည္ ရွန္ယြဲ႕ ႐ုတ္တရက္လွည့္ၾကည့္လိုက္သည္ကို သတိထားမိသြားေသာ္လည္း သူလွည့္ၾကည့္လိုက္ခ်ိန္တြင္ေတာ့ ဘာမွမရွိေတာ့ေခ်။
"ဘာမဟုတ္ပါဘူး၊ ငါ အျမင္မွားသြားတာ"
ရွန္ယြဲ႕ျပန္လွည့္လာၿပီး အသာအယာ ေခါင္းခါျပလိုက္ေလသည္။
လုပ္ႀကံသူတစ္ေယာက္၏ ပါးနပ္သည့္အာ႐ုံတို႔ေၾကာင့္ ရွန္ယြဲ႕သည္ ပူေလာင္ကထိုးဆြေနသည့္အၾကည့္တစ္ခုက သူမကို စိုက္ၾကည့္ေနမွန္း ခံစားမိလိုက္သည္။ သူမ လွည့္ၾကည့္လိုက္ေသာ္လည္း အေဝးတေနရာ အနက္ေရာင္ကားတစ္စီးကိုသာ ျမင္ရ၏။ တစ္ဖက္လူသည္ကားျပတင္းေပါက္မွန္ကို အလင္းပိတ္ဖလင္ျပားျဖင့္ ဖုံးထားသျဖင့္ ကားထဲကလူကို မျမင္ရေခ်။
ဒီလူ ငါ့ဆီလာတာ ျဖစ္မယ္။ သူ႔မွာ မေကာင္းတဲ့အႀကံမရွိတာကိုေတာ့ ခံစားမိလိုက္တယ္။ ဧကႏၲ က်ိဳးမိသားစုက တစ္ေယာက္ေယာက္မ်ားလား။
က်ိဳးမိသားစုက သူမ၏လက္ရွိသ႐ုပ္မွန္ႏွင့္ ပတ္သက္ၿပီး ဘာအခ်က္အလက္မွ ရွာႏိုင္မည္မဟုတ္သည္ကို ရွန္ယြဲ႕ လုံးဝယုံထားေလသည္။ ခဏေလာက္ေတြးေတာလိုက္ၿပီး ထိုကိစၥရပ္ေလးကို ေမ့ထားလိုက္ကာ ရွန္ခ်န္ကို ပ႐ိုဂရမ္ေရးနည္းသင္ေပးဖို႔ စဥ္းစားရင္း အိမ္ျပန္လာခဲ့ေတာ့သည္။
ရွန္ယြဲ႕ထြက္သြားၿပီးေနာက္ က်ိဳး႐ႊမ္းက ျပန္ဖို႔ ရည္႐ြယ္ခ်က္မရွိသည္ကို သိလိုက္ရၿပီးေနာက္ လက္ေထာက္မွာ အသက္ပင္ က်ယ္က်ယ္မရႉရဲေတာ့ေခ်။ ကားထဲတြင္ က်ိဳး႐ႊမ္းကို အေဖာ္ျပဳရင္းသာ ေတြးေနေလလိုက္ေလသည္။
႐ုတ္တရက္ဆိုသလို အသိေပးစာဝင္လာ၏။ လက္ေထာက္သည္ သူ႔ဖုန္းကို ေကာက္ကိုင္ကာ ၾကည့္လိုက္ေလသည္။ သူ႔အမူအရာ ခ်က္ခ်င္း ေျပာင္းသြားသည္။
" ေဘာစ့္ ကြၽန္ေတာ္အခုပဲ သတင္းတစ္ခုရတယ္၊ Hေၾကးစားအုပ္စုက မၾကာေသးခင္က Sၿမိဳ႕မွာ လႈပ္ရွားသြားတယ္တဲ့"
"ဟမ္၊ အဲေကာင္ေတြက ဖယ္ဒရယ္ကိုပဲ ပစ္မွတ္ထားတာမလား။ သူတို႔ဘာလို႔ Sၿမိဳု႔ကို ေရာက္ေနတာလဲ"
က်ိဳး႐ႊမ္း မသိမသာမ်က္ေမွာင္က်ဳံ႕ထားလိုက္ၿပီး ေလသံနိမ့္ကာ ေျပာလိုက္ေလသည္။
" ကြၽန္ေတာ္မသိဘူး... သူတို႔ရဲ႕ လမ္းေၾကာင္းကလည္း ဒီနားေလးမွာပဲ၊ သူတို႔ေတြ အဲဒီလူသ-တ္သမားေတြကို ပစ္မွတ္ထားေနတာလား။ မဟုတ္ေသးပါဘူး။ အဲဒါနဲ႔ မဆိုင္ေလာက္ဘူး"
လက္ေထာက္မွာ အလြန္ဇေဝဇဝါျဖစ္သြားေတာ့သည္။
လက္ေကာက္ဝတ္ေပၚက နာရီကိုလွည့္လိုက္ၿပီး က်ိဳး႐ႊမ္း အမွတ္တမဲ့ ရွန္ယြဲ႕အိမ္ရွိရာဖက္သို႔ လွမ္းၾကည့္လိုက္၏။ မၾကာခင္ကျဖစ္သြားတဲ့ ထူးျခားမႈေတြက အဲေကာင္မေလးနဲ႔ ပတ္သက္ေနပုံပဲ။ အခုေလးတင္ ရွန္ယြဲ႕ သူ႔အၾကည့္ကို အာ႐ုံခံလိုက္တဲ့ တုန္႔ျပန္မႈႏႈန္းကို ၾကည့္ရင္ သူက ထင္ထားသေလာက္ ႐ိုးရွင္းတဲ့ပုံမေပၚဘူး။
ဒါေပမယ့္ ရွန္ယြဲ႕ရဲ႕အခ်က္အလက္ေတြမွာလည္း မွားေနတာမေတြ႕ရဘူး။ ခုတေလာ သူ႔ရဲ႕အႀကီးမားဆုံး ေျပာင္းလဲမႈက သူ ဝိတ္ခ်ေနတယ္ၿပီးေတာ့ ဝိတ္အမ်ားႀကီးက်သြားတယ္။ က်ိဳးယန္ကို ကယ္ခဲ့တဲ့ ဒီေကာင္မေလးမွာ လွ်ိဳ႕ဝွက္ခ်က္ေတြ အမ်ားႀကီးရွိပုံရတယ္။ ဧကႏၲ က်ိဳးယန္ကို ကယ္ခဲ့တာလည္း တမင္လုပ္ခဲ့တာမ်ားလား။
က်ိဳး႐ႊမ္း လယ္သာလက္ရမ္းေပၚတြင္ လက္ေခ်ာင္းမ်ားကို တေတာက္ေတာက္ေခါက္ရင္း ေလသံတိုးတိုးျဖင့္ ေျပာလိုက္ေလသည္။
" အဲဒီလူသ-တ္သမားေတြရဲ႕ လမ္းေၾကာင္းကို သိရတဲ့အထိ သူ႔ကို တိတ္တိတ္ေလးကာကြယ္ေပးဖို႔ ေနာက္ထပ္ သက္ေတာ္ေစာင့္ေလးေယာက္ ထပ္လႊတ္ထားလိုက္"
"နားလည္ပါၿပီ"
လက္ေထာက္သည္ ျမန္ျမန္ျပန္ေျဖလိုက္၏။ ခဏတာ တုံ႔ဆိုင္းသြားၿပီးေနာက္ သူေမးလိုက္ေလသည္။
" သခင္ေလးက ေျပာတယ္ သူ သူမကို ထပ္ၿပီး ေက်းဇူးတင္စကား ေျပာခ်င္တယ္တဲ့ ေဘာစ့္ ကြၽန္ေတာ္တို႔..."
"မလိုဘူး"
က်ိဳး႐ႊမ္း ေခါင္းခါျပလိုက္ေလသည္။ သူ က်ိဳးယန္ကို ျပႆနာေတြ ကူရွင္းၿပီးၿပီေလ။ သူ႔အသက္သခင္ ေက်းဇူးရွင္ကို ကိုယ္တိုင္ေက်းဇူးတင္စကား ေျပာတာက ပိုေကာင္းမွာေပါ့။ သူ႔ဦးေလး အေနနဲ႔ သူ႔အလုပ္ေတြကို လိုက္လုပ္႐ုံသက္သက္ပဲေလ။
သို႔ေသာ္ျငား ေနာက္ဆုံးေတာ့လည္း ရွန္ယြဲ႕ေဘးက အႏၲရာယ္မ်ားသည္ က်ိဳးမိသားစုေၾကာင့္ ျဖစ္သြားသည္ျဖစ္ရာ က်ိဳး႐ႊမ္း ခဏေလာက္ျပန္စဥ္းစားလိုက္ၿပီးေနာက္ ၫႊန္ၾကားလိုက္ေလေတာ့သည္။
" Sၿမိဳ႕ရဲ႕ ၿမိဳ႕ေတာ္ဝန္ကို ဖုန္းေခၚၿပီး သူ႔ကို ရွန္မိသားစုကို ေစာင့္ေရွာက္ဖို႔ေျပာထားလိုက္"
...
Paid group မွာ တပတ္ ၇ပိုင္းႏႈန္းတင္ပါတယ္။ Freeမေစာင့္ခ်င္ရင္ အထူးလုပ္ႀကံေရးသမတစ္ေယာက္ရဲ႕စာမ်က္ႏွာသစ္ FB pageမွာ hi ပို႔ၿပီး ဝယ္ယူႏိုင္ပါတယ္ရွင္။
Gp1 ( 1-250) Kpay/Wavepay -2500
....