C H A P T E R 6 1
Sinuyod ko ang bawat gusali ngunit hindi ko parin mahanap ang anak ko o maging ang batang si Rogue.
Hile-hilera na sa loob ng gymnasium ang mga batang namamatay at nakataas parin sa red alert ang buong school dahil wala pang makapagsabi kung anong lason ang nasa jelly na nakain ng mga bata.
"Kalin Riguel Trevor." sabi ko at pinakita sa kanila ang picture sa hawak kong cellphone.
Pinigilan ko ang isang nurse nang hanapin niya ang anak ko sa mga namatay na bata.
"Buhay ang anak ko." sabi ko at naghanap sa mga batang nakaligtas.
Kaliwa't kanan akong lumingon at naghanap. Nanikip ang dibdib ko sa sobrang pagpapanic, walang nakakita sa anak ko at walang nakakaalam sa kaniya kung nasaan ito.
Tumunog ang cellphone ko, nahagip ng tingin ko ang isang unknown number bukod sa mga magkakasunod na text nila Khalix.
Unknown number;
St. Mary Old building🧸
Kasabay ng mabilis na pagtibok ng puso ko, ay agad kong hinanap ang gusaling iyon. Hindi ako sigurado kung tama ba ang daang tinatahak ko, dahil dito ako dinala ng direksyong sinabi ng napagtanungan kong pulis.
"Kalin Riguel!"
Maraming puno sa paligid. Nadaanan ko na rin ang lumang playground at ilang mga sirang gamit ng school.
"Kalin! Anak nandito si Mimi. Let's go home na Baby!" masuyong sambit ko.
"Mimi!"
Napatigil ako ng makarinig ng ingay. Hindi ako maaaring magkamali, boses iyon ng anak ko.
Namuo ang galit sa sistema ko ng makitang hinahabol siya ng isang babae. Tumakbo ako papunta roon, may hawak siyang kutsilyo.
"Hoy babae! Subukan mong saktan yang anak ko. Ako mismo ang makakalaban mo!" sigaw ko.
Nahablot ko ang hood nung babae. Hindi na ako nagtaka ng makita siya. Nakaiwas ako ng magtangka siyang saktan ako.
"Mimi she wants to kidnap me! Kaya tumakbo po ako!" pagsumbong ng anak ko.
"Hayop ka talaga Giselle!" nagngangalaiti kong sinabi at iniwasan ang mga pag-atake niya.
Sinenyasan ko ang anak ko na umakyat sa may puno, doon mas ligtas siya laban kay Giselle.
"Diyan ka muna anak. . . magtutuos lang kami ng babaeng ito." sabi ko at sinugod si Giselle.
Sinipa ko ang tiyan niya dahilan ng mabitawan nito ang kutsilyo. Tumilapon iyon papunta sa taas at hindi na namin nasundan kung saan napunta.
"Mang-aagaw kana nga, pakialamera ka pa. . ." aniya at sinampal ako.
Napaatras ako ng masipa ako sa tiyan. Napangisi siya, napangiwi ako sa sakit. Hindi ko inaasahang magaling siya.
"Mimi!"
"Opps! Sorry bitch!"
Ilang beses akong nakaiwas sa mga pag-atake niya subalit nakakaisa parin siya. Napahawak ako sa aking bewang nang maramdaman ang tumutusok na bagay sa aking tagiliran, naalala ko ang binigay ni Khalix sa akin kanina.
Baril.
"Well Giselle."
Kinuha ko ito at itinutok sa kaniya. Sinadya kong putukan ang bagay na malapit sa kaniya, ngunit tumawa lang ito. Sa inis ko, dinaplisan ko siya sa kaniyang pisngi.
"Hindi ka talaga marunong lumaban ng patas. . ." iling iling niyang saad.
"Alam na namin lahat Giselle. . . tinulungan ka ni Kaizhee na makatakas dahil may relasyon kayong dalawa." nang-uuyam kong sinabi.
Nanlaki ang kaniyang mga mata. "Wala kang alam kung anong impyernong naranasan ko sa kamay ng demonyong yun." galit niyang saad.
"Impyerno? Wow. . . Hindi ba lagi kang dinadala sa langit ni Kaizhee?" sarkastikong tumawa ako.
Napatigil ako sa pagtawa ng napaluhod siya. Pansin kong nanginginig ang kaniyang mga kamay at takot na takot sa nasabi ko.
"Demonyo ang lalakeng yun. . . demonyo siya. . . Paulit ulit niya akong ginahasa. . . kahit magmakaawa pa akong itigil na niya ay hindi siya nakinig." humihikbing saad niya.
Nag-angat siya ng tingin sa akin. "Wala akong balak na saktan ang anak mo, kailangan ko lang makausap ang fiancè ko." aniya.
"Fiancè? Wala kang fiancè, dahil ako ang mahal niya at sisiguraduhin kong ako ang pakakasalan niya." matigas kong wika at itinutok sa kaniya ang baril.
Umagos ang luha niya sa kaniyang pisngi. "Ang swerte mo. . . ang daming nagmamahal sayo, samantalang ako? Si Khalix na nga lang pinagkait mo pa sa akin." aniya.
Maaawa na sana ako sa kaniya, ngunit hindi ko aakalaing may resbak pa pala ang bruhang to.
"Mimi!"
Gumulong ako para makaiwas. Napangiwi ako sa hapdi ng nadaplisan pala ako sa tenga. Liningon ko kung sinong bumabaril sa akin.
"Hi bitch!" nakangising aniya.
Ngumiti ako. "Talking to yourself?"
Kumuyom ang kamao ko sa galit ng paputukan niya ang anak ko sa itaas ng puno. Pinatamaan ko sila para madivert ang atensyon nila papunta sa akin.
"Tantanan mo yang anak ko!" sigaw ko at patuloy silang pinapapaputukan.
Tumawa si Veronica. "Paano kung ayaw ko?" sarkastikong tanong niya at pinatamaan ang puno.
"Mimi the police are now coming!" sigaw ni Kalin sa taas, habang kumakaway sa kung saan.
"Giselle let's go!" yaya ni Veronica.
Umiling ito. "Ate ayoko!"
Ate??? Magkapatid silang dalawa???
"Si Rogue na ang bahala kay Boss K!" paghila sa kaniya ni Veronica.
"Ate maawa ka naman sa anak mo. . . hindi niya gusto ang mga bagay na pinapagawa ng demonyong iyon!" sabi ni Giselle.
Wala akong oras para sa kadramahan nila, marami nang namatay at marami na ang nadamay. . . hindi ko hahayaang maisahan pa nila akong dalawa.
Gumulong ako at inasintado ko ang tuhod ni Veronica. Napangiwi siya at napaluhod ng matamaan ko ito.
"Ate!"
"Tumakas kana Giselle! Nasa labas si Rogue!" pagtulak niya sa kapatid.
Dagli akong nagtago ng maraming mga armadong mga lalake ang dumating galing sa kabila. Inalalayan nila ang dalawa, saktong dumating rin ang mga pulis at nagpalitan sila ng mga putok.
"Tito Kaizhee help! Help us!" sigaw ng anak ko.
Liningon ko ito. "Anak no! Kalaban natin siya!" sigaw ko.
Lumipat ako ng pwesto, malapit sa may puno kung nasaan ang anak ko. Problemado akong napatingin sa mga pulis, paubos na sila ngunit wala pang bawas ang kalaban.
"Babe."
Masama ko siyang nilingon. "Traydor ka!"
Binaril ko ang mga nagtangkang bumaril sa anak ko. Napatingin ako sa lumang gusali ng may malakas na ingay ang bumulabog sa loob.
"Inaanak! Talon ka dito!"
"Tito Archie!"
"Dude, saluhin mo yang anak mo!" sigaw ni Archie.
Kung kailan hindi hinanap, tsaka lang magpapakita ang tarantadong to?
"Love wait us!" sigaw ni Khalix habang inaabot nila ang anak ko sa may puno.
Pinaputukan ko si Kaizhee nang makitang inaasinta niya ang pwesto nila Khalix sa itaas. Nilingon niya ako, sumilay ang nakakatakot na ngiti sa kaniyang labi at naglakad palapit sa akin.
"Damn you Kai! I will kill you!" sigaw ni Khalix sa itaas.
Nakaiwas si Kaizhee ng patamaan siya ng mga pulis, kung kaya't malaya akong nakalipat ng pwesto.
Sinilip ko sila sa itaas. "Love pakidala si Kalin sa mga nurse. Need niyang maobserbahan!" sigaw ko.
"Archie pakitawagan sina Capt. Solomon at Quiro, isecure nila ang lugar!" utos ko.
"Masusunod kamahalan!"
Dumapa ako ng makitang nagpaulan ng mga bala ang mga bagong dating militar. Bilib ako kay Kaizhee, pinaghandaan niya talaga ang araw na ito.
Kumpara sa bilang ng mga pulis at kasundaluhan, ay triple ang dami ng mga kalaban. Tiyak matatalo kami kapag walang back up kina Quiro na darating.
"I need to get my girlfriend out of here!" bulyaw ni Kaizhee sa mga tauhan niya.
Hindi ko alam kung bakit naghahanap pa siya sa paligid, magkalapit lang naman sila ni Giselle.
"Babe!"
Nang magtama ang tingin namin ay ngumiti ito ng nakakaloko. Napaayos siya ng tindig, binasa pa niya ang kaniyang labi at sinabayan ng pagkindat.
"Yuck!" nandidiri kong sinabi.
Hindi ko mapigilang masuka, manyak! Sa sobrang pandidiri ko ay tumakbo ako at pumasok ako sa lumang gusali.
"Ayesha Babe!"
Ngumiwi ako. "Sumuko kana Kaizhee!"
Napahawak ako sa balikat ng madaplisan ako ng bala. Nanlaki ang mata ni Kaizhee ng mapansin ang dugo sa suot ko.
"Idiot! Huwag niyong barilin ang girlfriend ko!" nakakatakot niyang sigaw.
Girlfriend? Ako?
Asa siya!
Lumiko ako at itinulak ang mga sirang upuan para hindi sila agad makasunod. Pinaputukan ko sila ng baril, sabay tumakbo ulit sa kabilang direksyon.
Napapitlag ako ng may kung sinong sumulpot sa harapan ko. Mabuti nalang at nakaiwas siya sa aksidente kong pagbaril.
"It's me. Khalix, your boyfriend." aniya habang nakataas ang pareho niyang mga kamay.
Yinakap ko siya. "Sorry, natamaan ba kita? may sugat ka?. . . masakit ba? nakakagulat ka kasi eh. . ." natatarantang sambit ko.