-
الرياض بالمستشفى
جالسين ينتظرون الدكتوره وهو جالس عندها وماقدر يخليها ابد عاجبه شكلها ماينسى شكلها امس وشكل البنوته بحضنها جدًا جدًا عاجبه بعد دقايق وصلت الدكتوره ودقت الباب ودخلت:السلام عليكم
فواز ووعد : عليكم السلام
الدكتوره: كيف حالك اليوم ياوعد؟
وعد: الحمدلله احسن بكثير
فواز: دكتوره متى تطلع؟
الدكتوره: ان شاءالله بكره لان البنوته لازم تجلس عندنا شوي
فواز خاف ان فيها شي: ليه فيها شي ؟
الدكتوره :تطمن كل شي تمام بس للأحتياط
فواز: زين يعطيك العافية
الدكتوره: الله يعافيك
طلعت من عندهم والتفت لوعد:تدري للحين ميت على شكلتس وشكلها بحضنتس
وعد ابتسمت وقالت بغرور: ماجاب رأسك الا عذّوب وامها
فواز تنهد بقوه: انشهد اي والله ماجاب رأسي الا عذّوب وامها
ضحكت بقوه على شكله قرب وجلس على طول السرير وسمك يدها وتقدم وباس عنقها: احبتس
ابتسمت: ياكثر حبك بقلبي يافواز
فواز : الله يخليتس لي
وعد: ويخليك لنا يارب
فواز حضنها بقوه: تجيبين أجلي بالجمع والله
ضحكوا مع بعض وكانوا حول بعض طول الأيام الصعبه اللي مرت فيها وعد ...
-
الديره
بعد صلاة المغرب كلهم اجتمعوا ببيت ابو حمد للعشاء اللي هو مسويه واجتمعوا الحريم والرجال
~عند الرجال
ابو سَهم: ماشاءالله وش مناسبة العشاء ياابو حمد
ابتسم ابو حمد : والله مناسبته خبر يسعد القلب
ابو عِنان: فرحنا معك يااخوي
ابو حمد التفت لاابو سَهم : ابد والله بس انا وانت صرنا جدان
ابو سَهم ماهو مستوعب كلامه: قصدك يعني وعد ولدتت!!!!
ابو حمد هز رأسه بأيجابية وفزّ ابو سَهم وحضنه: ماشاءالله ماشاءالله شلونهم عساهم بخير وايش جابت؟
ابو حمد: والله الحمدلله كلمت فواز وكلهم بخير وجابت بنت زي القمر ياابو سَهم
ابو سَهم: ماشاءالله شلونهم وهي شلونها؟
ابو حمد: والله الحمدلله كلهم بخير
عِنان: يابختكم بأول حفيده بعائلة آل حامد
ابو سَهم: والله واحلى الحفيدات ياقرة عيني بشوفتها
ابو عِنان التفت لعِنان: يلا عاد نبي ثاني أحفاد آل حامد
عِنان تنحنح بتوتر: ان شاءالله ان شاءالله
حمد: لا عاد ثاني أحفاد آل حامد جاي بالطريق
ابو حمد: الله يتمم لك على خير وافرح فيك وبباقي اخوانك
حمد: امييينن
-
~عند الحريم
قالت لهم حنين الخبر والكل فرح ومتحمسين يشوفونها ويشوفون البنوته الصغيره
اديم: ايش سمتها؟
حنين: ماادري بس اعتقد كانوا بيسمونها عذّوب
اديم بحماس: عمررريي انا اللي بصير لعيونها خاله
رسل: ميتيييننن عليهااا اهخخ بصير عمه لااول مره
دلال: طيب هي متى تجي؟
حنين: بكره ان شاءالله
اديم التفت لدلال وغمزت : يلا عاد ننتظرتس
دلال ضحكت: ان شاءالله
ان عِنان: يروحي ياوعد الله يقومها بالسلامة ويرجعها لنا
الكل: امين
ام سَهم: والله انها فرحة ماعمري فرحتها يوم سمعت ان بيتي جابت لنا حفيد
ام عِنان: والله كلنا فرحنا والله عّدها بنتي
ام سَهم كانت بتتكلم والتفت على جوالها اللي كان يدق وشافت الاسم"ام صقر " وردت بسرعه : هلا والله ام صقر
ام صقر: هلابك ياام سَهم شلونكم
ام سَهم: بخير الحمدلله انتم شلونكم وش اخباركم
ام صقر: والله الحمدلله كل شي بخير وعلى احسن حال بس دقيت عليك لاني شفتك داقه علي امس ولا رديت لاني كنت مشغوله شوي
ام سَهم: اي دقيت قلت بنحدد العرس
ام صقر: ابد متى تبونه وحنا هاجزين
ام سَهم:نهاية الأسبوع الجاي يوم الخميس
ام صقر: زين بأذن الله
سكروا والبنات مبسوطيين وركضت اديم تقول لسَهم ..
-
من بكره الصباح
~المستشفى
كانت واقفه وتلبس عبايتها وفواز واقف عندها وماسك بنتهم وكان شكلهم عّذب جدًا لوعد ابتسمت وقربت له وهو منزل رأسه على بنته وماانتبه لها قربت وباست خده رفع رأسه وشافها وابتسم وتقدم وباسها وتنهد بقوه:اهه ياربي وش هالرضا مع هالصبح
وعد ابتسمت: الله يديم الرضا عليك وعلي
فواز: اميييينن المهم يلا بنطلع
وعد: انا جاهزه يلا
مدّ عذّوب لاامها وأخذ الاغراض وطلعوا وهي قدامه ركبوا الاغراض وتقدم وفتح لها الباب وركبت وسكره وراح هو ركب : عطيني ببوسها
وعد: فواز ياكثر مابستها انتبه لسواقه بتشبع منها وكثييير
فواز: مااقدر اضعف والله قدامها
وعد: اقول بس انتبه يلا عشان نوصل بسرعه "ابتسمت وناظرته بنظرات تعذب فواز وكثير"وبعدين ترا صرت اغار منها من امس تبوس فيها
فواز ضحك بقوه: تغارين من بنتتس خلاص ولا يهمتس نوصل واجلس لبكره ابوس فيتس
وعد: لا حبيبي خلاص شكرًا ام بس تراني تعبانه برتاح
مشوا ومسكوا طريق الرياض وصوت عذّوب وبكيها وكل شي مالي عليهم المكان ومبسوطين عليه
-
الديره
~بيت ابو سَهم اللي يعج بالفرحة والناس وكلهم عشان يستقبلون وعد وام صقر وضيّ والكل ينتظرها ار بالأصح بنتظرون عذّوب على احر من الجمر
اديم تصارخ: يممههه وينهممم كلميهممم
ام سَهم: لا تصرخين وجع للعدو الرجال برا واقفين
اديم: طيب ماقلت شي بس متى يجون
ام سَهم: تقول قريبين
اديم: ياربببببيي طوللتتتتت اهخخ مو متخيله بصير خاله لأول مره ييوووو يالحماسسس احبها والله احبببهاا قبل اشوفها عذابنا
ضربتها دلال مع كتفها بخفه: اسم الله عليها ماهي عذاب ان شاءالله الا عذّوبنا
اديم بصراخ: وجععع خلاص عذّوبنا وحبيبتنا وقلبنا
ام سَهم مسكت اذنها:انتي ورا ماتقصرين صوتك؟
اديم: اسفه اسفه خلاص
اما عند الرجال برا
كان قريب للباب ويسمع صراخها وكلامها كله وحماسها ضحك وهمس بينه وبين نفسه:ياجعلني عذّوب اي والله اذا عذّوب عذابك انتي عذابي انا وحبيبتي وقلبي
التفت صقر على همسه: شفيك؟
جسار تنحنح بتوتر واعتدل: لا ولا شي
التفت وهو للحين مو قادر يتحكم بأبتسامته....
~عند البنات
جت اديم من ورا ظهر ضيّ: احم احم
ضيّ: شفيك؟
اديم بغمزه: اخونا ينتظرتس بيت عمي ابو عِنان من عند باب حديقة عِنان
ابتسمت بتوتر: مااعرف مكانها دليّني
راحت هي واديم ووصلتها عند الباب وشافت سَهم ابتسمت وغمزت لهم: ليلة سعيده ياحبايب
سَهم ركض بيضربها وركضت عنه وهي تضحك وراحت بيت ابو سَهم...
التفت لضيّ اللي كانت متوتره اول مره ياقابلها وهي حلاله وهو حلالها يقابلون بعض بدون توتر بدون خوف بدون اي شي قرب ومسك يدها وباسها: جرفتيني للحب وانا مااعرف الالتزام الشري عندي حلو والحلو عندي شري ليتس عدوي عشان أمارس الانتقام والله لاافري معاليقه وجوفه فري "تنهد بقوه وقرب باس عنقها وشم ريحة عطرها" لكن بلاي انك الطف من رشاش الغمام ماجاتس براقي الا مقتفيه مطري لولا محبتس...والله وعلي الحرام ماشفتي الشيب ياكل لحيتي وشعري
ابتسمت ضيّ بقوه ماكانت تعرف ترد بالشعر ولا ترد بأي شي قربت وحضنته بقوه وباست لحيته : عسى عمرك طويل ويغزاك الشيب وانت بخير ويخليك لي
سَهم رفع رأسه لسماء : يارب سَهم ارفق بسَهم يارب "نزل رأسه وحط وجهه بوجهها" تراتس تجيبين أجلي والله يابعد كل من لي
ضيّ: يلا بدخل تأخرت
تقدم سَهم وباس عيونها: انتبهي لنفستس
دخلت وهو ميت جدًا من الحب والشعور اللي بداخله
~عند الرجال
جالسين يحطون العشاء ويشتغلون
وابو حمد يهاوش عِنان وبراء
اللي يحارشون بعض
ابو حمد: ياعِنان وبراء فكوني منكم واشتغلوا زي الناس
براء: اي ياعمي ماتحس بشعوري هو من يوم حب بنت عمي عزيز وهو فاقد عقله وناكر عشرتنا
قرب عِنان وهمس بأذنه اسمها
وجمد كل شي ببراء:جود
"ورجع رفع رأسه " اعلمك شلون انكرها
شهق براء والتفت لاابو حمد: السؤال هنا هل انا قلت شي قلت شي عن عِنان ياعمييي!!!!
ابو حمد ضحك: لا ابد ماقلت فيه الا كل خير
التفت لعِنان: شفت شفت اني ماقلت شييييي شوفه ياعمي يهددني
اخذ العصا عِنان ومشى ناحيته : ان ماخليتك تنسى اسمك
ركض براء لعمه ابو حمد : ياعميييي طلبتك تراني بوجهك عنه
ضحك ابو حمد: تراه بوجهي ياعِنان حلفت ماتوصله
عِنان رمى العصا: عشان عمي بس بس انا اعرف كيف اربيك
التفت عِنان بيروح للعشاء
وضحك يوم حس براء يحضنه من ورا: امزح يابعد الرياض واهلها يشيخ
عِنان: خايس الغزل منك
براء: يصير خايس يعيون براء ولا تزعل
عِنان: اي مو عشاني
براء جاء قدامه: الا صح كيف عرفت
عِنان ابتسم: بعدين نتكلم مو وقته
براء استغرب ابتسامته: تبتسم!!!! توقعتك تدفني
عِنان: بدفنك بس مو الحين
خلصوا شغل ودخلوا يتعشون ....
~ عند الحريم
طلعوا كلهم الحوش على وصلول
وعد والبنات يناظرون من الشباك
عشان فواز واللي طالعين بس ام سَهم
وام عِنان وحنين ورسل ويستقبلونهم
وحنين اخذت عذّوب
من وعد: حبيبي حبيبي اللي صرت عشانها عمه يوو ياححظيييي
وعد: حنين تكفين انتبهي وادخلي داخل برد الحين
حنين دخلت فيها داخل
والتفت ام سَهم: شلونتس ياابنتي وشلونك يافواز
وعد: والله الحمدلله يايمه كل شي بخير الحمدلله
فواز: الحمدلله على ماتحبين ياعمتي
دخلت وعد وفواز راح للرجال.
~عند البنات وعذّوبهم
اديم : قلب قلبييي الصغيره يمه مره صغيره مااتخيل نفسي اشيلها
ضيّ: يمه تكفين ماابي اخذها صغيره مااعرف
اديم غمزت: تعلمي بكره نجيك ونشوف كرشك مترين قدامك
ضيّ ضربت كتفها: انتي شفيك ماسكتني اليوم مالك دخل اذا ولدت برميهم على اخوك
اديم: حلو حلو ذي بدايتها ينعاف تاليها
ضيّ: اديم لو ماتسكتين بخلي الديره كلها تسمع بكيك
ضحكوا البنات وللحين اديم تحارش ضيّ ويتهاوشون مزح
قامت اديم وطلعت للحوش:الغبيه جالسه عنكم بروح اجيب هدية عذّوبي اللي مني
دلال فزّت: تراني حطيتها ببيتنا
ضيّ: ليه هديتكم وحده؟
اديم:لا مو وحده بس حطيناها بورد مع بعض
طلعت اديم ولبست عبايتها
وحطت طرحتها على راسها بدون ماتلفها
لان كل الرجال ببيت ابو حمد
وبيت ابو حمد بعيد عنهم شوي
وطلعت وصار تتمشى والهوى يلعب بخُصل شعرها
اللي طالعه من قدام وتبتسم للهوى البارد
ولشتاء اللي تحبه وحطت يدينها
على بعض بحكم البرد اللي ماتوقعته
كذا ماحست الا بالدفى اللي جاها من ورا
جاهله عن سببه وصارت لمس كتفها
وحست بالجاكيت اللي صارت عليها
والتفت وطاحت طرحتها وانصدمت
انه قدامها وجلس يتأمل وجهها
وشعرها اللي يلعب فيه الهوى ابتسم
وهو يتأمل جمالها اول مره يشوفها حلوه
كذا قد شافها بس اول مره
يحس الشتاء جملها بزيادة خشمها الأحمر أثار
البرد والميكب الخفيف اللي بارز جمالها
توترت ورفعت طرحتها والتفت على جنب وغطت وجهها
وتكلمت بتلعثم: وش جايبك هنا؟
جسار ابتسم: جابني الشوق حسيت انتس طلعتي
استغرب من طريقة كلامه معها وصار يتكلم نفسهم:صاير تتكلم نفسنا شعندك؟
ابتسم اقوى من قبل : احفظ حروفك وكلامك وماتبين اتكلم نفسك شدعوه
ابتسمت بخفه: طيب انا بروح
جسار: وين ؟
أديم: عفوًا لازم ابرر؟
جسار ابتسم على جنب: لا ابد بس اسأل جمالك وين رايح؟
«لا أستبيح القرأة بدون لايك»
-
ماردت اديم عليه وكمل:أديمي
أديم: هلا
جسار ابتسم: بقول لتس كلام عن الاعتراف الاخير اللي صار بيننا ويمكن متوتره وماتبين تصيرين بطريقي بس اسمعيني
أديم: اسمعك
جسار:تباهي فيني
ترا غيرك يطق بابي ولاني راضي افتح له
تباهي بحبي واعجابي...
ترا قلبي ثقيل وبغير قلبك مارضى هالقرب
تباهي فيني
شوفيني مافتحت لغيرك ابوابي
وهو وده اني افتح له وانا ماابي
وتسأليني وش هي أسبابي ؟
ماابي غيرك يُعد من اقرابي
اديم ماكنت تقدر توصف شعورها اببدد قلبها كان يدق بسرعه وحست ان دقات قلبها طغت على كل الأصوات حولهم وتوترت بشكل كبير وبان هالشي لجسار:خلاص روحي لا تتأخرين
راحت على طول بدون اي كلمة منها.....
-
انتهى اليوم بكل جماله وبكل تفاصيله وفرحته واشيائه اللي ثبتت بقلب كل واحد فيهم مثل أديم وجسار اللي مانسى شكل أديم وشعرها وهو يلعب فيه الهوى وهو كل ماتذكرها تزيد ابتسامته وروقانه وحبه وكل شي
~بيت ابو سَهم
يودعون ضيّ عشان كل وحده بتروح لبيتهم وبكذا انتهت ليلتهم الحلوه وراحت ضيّ واهلها وقفت رسل وطلعت بترجع وحنين اللي مو راضيه ترجع بتجلس عند عذّوب لبست عبايتها وطلعت اول ماطلعت شافت هتان قدامها نزلت رأسها ومشت التفت هتان وهو يعرف هالزول زين وتذكر كلام حمد" خويي بالدوام خطب وحده من خواتي وشكلي بعطيه الصغيره لان الكبيره ماتبي الزواج" راح وراها وبادر: رسل
وقف رسل بدون ماترد وكمل: خطبتس واحد من اخوياء حمد بتوافقين؟
رسل: مااعتقد مهم هالشي لك
هتان: لو مو مهم ماجيت سألتتس
رسل: مالك دخل فيني روح لشّجن حقتك
هتان: يابنت مين شّجن ومين قال لتس اني بااخذها ؟؟؟
رسل بغصه بانت لهتان: امك قالت بتخطبها اكيد مابتكسر كلامها
فتح عيونه بذهول: انا ماراح ارد عليتس برد بطريقة ثانية خلاص روحي للبيت
-
صباح اليوم الثاني
~بيت عِنان وسُلاف
صحت من النوم وتسوي الفطور لعِنان اللي كان نايم كانت تقع البصل وتنزل دموعها وكانت تسمحها بكم بجامتها فزّت على الحضن اللي جاها من ورا التفت وشافته عِنان وهو ثبتها مكانها وحضنها من ورا وحط رأسه على كتفها :شفيتس تبكين؟
سُلاف تأشر على البصل: هو بكاني
ابتسم وتقدم وباس عيونها: بعدين كيف تعطين وانتي ماتشوفين فرضًا جرحتي نفسك؟؟؟
سُلاف: تطمن حبيبي منتبهه
استغربت ان شعره مبلول:مسرع صحيت وتروشت؟
عِنان: صاحي من زمان بس ماحسيتي علي
تقدمت وصارت تحوس بشعره : روح نشفه على لا تأخر برد الدنيا شتاء
ماهمني بجلس اساعدتس
سُلاف ضحكت: روح نشف شعرك اول عشان لا تتعب
عِنان وهو يقرب يحضنها زيادة: قلت لتس ماهمني بساعدتس اخاف عليتس والله اكثر مني
سُلاف ابتسمت وكملوا يجهزون الفطور مع بعض..
-
الرياض
~بيت ابو صقر
كانت ضيّ ماتجلس بالبيت ومن سوق لسوق بحكم ان الزواج قريب ولازم تخلص كل اشغالها ورفيق الأشغال ذي كلها اكيد مّلاذ كانت ضيّ بالصاله وتنادي على مّلاذ: مّلااااذذذ يلا تأخرنااااا
نزلت مّلاذ تركض: جيت جيييتتت
ضيّ: يلا صقر ينتظرنا
وقفت مكانها : صقر!!!!!!
ضيّ استغربت : اي صقر ليكون ماعرفتيه؟
مّلاذ بتوتر: الا بس ليه من السواق؟
ضيّ: صقر حب يوديني هالمره يقول بكون معك باللحظان ذي عشانتس اختي الوحيده
رفعت حاجبها بأستغراب: عشانتس!!!
أدركت انها جابت العيد وحكت جبينها بتوتر: لا يعني
ضحكت مّلاذ : يعمري ياسَهم سحبتها سحبه ماهي هيّنه
ضحكت ضيّ وضربتها: عيب عليك وبعدين لا تقولين عمري عشان لا اهفك
مّلاذ: اي طيب امشي بس امشي
ركبوا السيارة ومّلاذ تتهرب من انها تشوف صقر ولو نظره عكس صقر اللي كان ينتظرها ويوجهه المرايا عليها وشاف خجلها منه وتذكر اخر موقف صار بينهم وتوقع عشان كذا ضحك وعدل المرايا وكمل طريقه....
-
الديره
~بيت ابو عِنان
كانت جود جالسه بالحوش تشرب شاهي ومستمتعه بأجواء الشتاء وتتأمل شكل الغيوم والشمس البارده فزّت على دق الباب وقامت على طول :مين
أبتسم وهو كل لقاء بينهم يصير ورا الباب:أبصم بالمليون انتس تنامين عند الباب
جود بتوتر: براء!!!!
ضحك بقوه: اي براء كل ماجيت انتي تفتحين لي الباب بديت اصدق انتس ساكنه عنده
جود حزت بخاطرها كلمته "كل ماجيت انتي تفتحين لي الباب " حست انه بيتوقع انها تتعمد او تحبه تكلمت والغصه وضحت بصوتها: من بغيت؟
واكيد براء عرف من تغير صوتها انها حزت بخاطرها اختفت ابتسامته: جود اسف مو قصدي
جود كررت سؤالها: مين بغيت؟
براء عرف انه مستحيل يراضيها: جود
جود: بتجاوب ولا بروح ماني فاضيه
براء قرر يراضيها بس مو الحين: بغيت هتان
جود: زين بناديه
سكرت الباب ودخلت تنادي هتان وكلمته كأنها ضربت قلبها....
-
~بيت عِنان وسُلاف
كانوا جالسين على الكنب وسُلاف منسدحه على صدر عِنان:عِنان متى سفرتنا؟
عِنان فزّ: اشوى ذكرتيني
سُلاف: شفيك؟
عِنان: اخذت اجازة وكل شي تمام وبكلم صقر يحجز لي لاني الصدق مااعرف
سُلاف: وين حددت نسافر؟
عِنان: مُفاجأة بعدين اعلمتس
سُلاف : وصرنا نسوي مفاجأت بعد
عِنان رجع انسدح ورجعها لصدره: عشانتس اسوي النون ومايعلمون
سُلاف ضحكت: ياحظي الحلو بالدنيا
عِنان تنهد بقوه: ياكثر الححححببب ياربيييييييي
سُلاف : من بعد ماعرفتك عرفت الحب ولا قبل ماادل دربه
عِنان: يبعد عيون عِنان انتي "سكت شوي وكمل"الا صح شلون عذّوب بشوفها وماسمح الوقت
تنهد سُلاف بضيق واستغرب عِنان: بسم الله عليتس شفيتس؟
سُلاف: كان ودي اشوفها
فزّ وهو يشوف دمعه نزلت منها
عِنان: لا تكفين لا تبكين تكفييينن
سُلاف: ضايقه والله من امس ماشفتها وبخاطري اشوفها
عِنان تنهد وقرب وباس جبينها: والله لاانسيتس الزعل لين ترضين وأمهد لتس الدنيا فجوجٍ فضيّه وأحماتس مثل حماية الجفن للعين وكلش فداتس إليا بغيتي شريّه
سُلاف قربت وحضنته بقوه: يخسى الزعل وانت بطريقي ياحبيب حياتي
عِنان يمسح دموعها بيده: يويلتس اشوفتس زعلانه
سُلاف: من عيوني الا صح ابي منك طلب
عِنان: عيوني لتس مو بس طلب واحد
سُلاف: ابيك تختار وتحط لي مناكير
عِنان عقد حواجبه: وشهو ذا؟
سُلاف ضحكت بطول صوتها: مناكير اللي ينحط على الأظافر
عِنان وهو متورط: والله يعني مااعرف بس جيبي نجرب
سُلاف تمثل الزعل: لا والله تجرب علي وماتعرف!!
عِنان خاف فعلًا انها تزعل: لا لا خلاص جيبي وانا احط لتس
سُلاف : قوم جيبه انت بالدولاب اللي عند رأسي
قام عِنان وجابه لها وفعلًا صار يحط لها المناكير وهو متورط ويعدل مره ويخرب عشر مرات بس مستعد يسوي اي شي لعيونها ولرضاها....
~بيت حمد ودلال
كانت جالسه على السرير ترتب شعرها وتنشفه لانه مبلول والتفتت وشافت حمد توه داخل البيت تقدم ومسكت يده:وينك تأخرت؟
رفع يدها اللي ماسكته: اسف بس كانت عندي اشغال وتوي رجعت
دلال : تمام تعال من زمان عنك
جلسوا على الكنب وصارت تصب له قهوة:كيفك وايش سويت بالشغل؟
حمد وهو يناظرها ويبتسم:الحمدلله كل شي تمام انتي اخبارتس وشلون حبيب ابوه تعبتس؟
دلال: الحمدلله كل شي تمام ولا تطمن ماتعبني ولا شي
حمد: تقدم وحاوط خصرها: ياكثر شوقي لتس يادلول
دلال ناظرته وابتسمت : مو قد شوقي والله
حمد نزل نظره لمنطوقها وقرب وباسه برقه:كل شي فيتس يجذبني هو انتي ساحرتني!
دلال ابتسمت ابتسامه عذبه وتجيب أجل حمد:يحق لي دامك بتكون لي
حمد كان كل تركيزه على ابتسامتها وباسها اكثر:لاتبتسمين كذا احبتس زيادة والله
دلال: يابختي وانا اموت فيك
وانتهت ليلتهم كالعادة بكل حب.....
"السلام عليكم اصدقاء الرواية واحبابي حبيت اقول لكم طولت البارت لاني بختفي فترة
عندي عملية بسويها واتمنى منكم الدعوات الصادقه وبأذن الله اول مااصير بخير وكل شي تمام برجع اكتب وبرجع لكم وبقوه واحبكم جدًا"
"تعالوا انستا ترقبوا كل شي وعطوني رأيكم لاني بكون موجوده فيه "rwiiai1
واتمنى لكم قراءة ممتعه ولا تنسون النجمة ورأيكم العسل 🤍🤍🤍🤍🤍🤍🤍
استودعتكم الله