جيتني من أقصى دنياي...وصرت الدنيا بعيوني

البارت-7

-
بيت ابو حمد
حمد: حنينن
حنين:هلا
حمد:رسل وينها؟
حنين: يووو نسيت اقول لك نايمه عند بنات عمي فهد
حمد: زين انا بروح اجيبها الحين
حنين: زين خذني معك لانهم بيطلعون منك لبيت عمي عبدالعزيز
حمد:زين يلا سرعه البسي عبايتس وتعالي
حنين :زين يلا يلا دقايق
-
بيت ابو عِنان
رسل: يلا بنات انا بتجيني الحين حنين وبروح
دلال:مو اتفقنا نروح بيت وعد؟
رسل تضرب على جبهتها: اووو نسسيت خلاص اذا جت نروح مع بعض
دلال: تم خلاص
رسل: جويد ماصحت؟
دلال: لا تبين تتبرعين تصحينها
رسل بضحك: ماخذيني رايح جاي يوم جيت عندكم
دلال ابتسمت: نمون نمون
رسل :صح للأسف
قامت رسل بتصحي جود وكانت تمشي وهي منزله رأسها بس فجأة صدمت بشي ضخم رفعت راسها.............
-
بيت ابو سَهم
اديم: وعد الحين اذا جت امي من عند خوالي وش بنقول لها؟
وعد: والله مافكرت مدري
اديم: الله يستر لا تقلب الدنيا
وعد: هي بتقلبها بس ليتها على خفيف
ضحكت اديم: اي والله الا صح سُلاف وينها؟
وعد: نايمه اعتقد
شوي ودخلت عليهم سُلاف
اديم: لو طاريه مليون مو احسن؟
وعد بضحك: يويلتس من الله ترا تهبل
التفت وعد لسُلاف اللي مو فاهمه شي: تعالي اجلسي معنا
تقدمت سُلاف وجلست معهم
سُلاف: وعد اُريدك ان اتعلم كلامكم لكي لا يصعب علي الكلام معكم او مع اقاربكم
ضحكت اديم: بس ابد ابشري نعلمتس كل كلامنا
وعد: اوك سوف اعلمك عن كلامنا وكيف نتكلم ولكن ليس ألان ألان سوف يأتون فتيات عائلتنا وسوف اعرفك عليهم
اديم: اخص اخص ياللغة العربية الفُصحى ماعرفتتس
وعد: افا عليتس
سُلاف: حسنًا سوف انتظرك
-
بيت ابو حمد
حمد: هاه متى بتتكلم مع عمي؟
فواز: بجي ع اساس اني بحضرها واذا ماجاء قلت لعمي بجي بداله عشان البنت وكلام الناس
حمد ضحك:ياخي تعجبني أفكارك
ابتسم فواز: طيب هو ماراح يقول لهم
حمد:الا الحين بيدق عليهم ويقول لهم جته مهمه مايقدر يرجع وبس
فواز: زين زين يلا قم البس لان ماباقي شي عن المغرب
حمد: زين يلا
-
عند رسل رفعت رأسها وشافته توترت ويدها صارت ترجف ودموعها امتلت عيونها: هتان
هتان ناظر لها وبعد نظراته عنها ومشى جنبها وخلاها بدون كلمة رسل استغربت تصرفه بالعادة يوقف يسولف او على الاقل يمسح دمعتها اللي شافها سكتت ومشت تصحي جود
عند دلال
دلال طلعت بالحوش وتنادي البنات: بببنننااتتت يلا تأخرنا ياربي منكم على بال مانروح لحنين
فجأة دق الباب وفتحت ودخلت حنين
دلال: هلا حنوننييييي
حنين: هلابتس يعيني وين البنات
دلال: تكفين روحي شوفيهم تعبت وانا انتظرهم
فجأة وصلهم صوت رسل: جينا جينا مايحتاج احد يجينا
دلال : وينكم سنه
رسل: على بال مااصحي اختتس العزيزة سنه اصحي فيها
جود بنوم: كذابه
دلال: خلاص يلا يلا مشينا
وراحوا لوعد
-
بيت ابو سَهم
دق الباب وارتفع صوت وعد : اديم افتحي الباب اكيد البنات
اديم: زيييين
قامت تفتخ البنات
اديم:هلا هلا بنات
دلال: هلابتس يعيوني
اديم:حياكم ادخلوا
ودخلوا للمجلس
حنين: وعد وين سُلاف
وعد: فوق تتعدل وتنزل
شوي ودخلت عليهم سُلاف
سُلاف: السلام عليكم
دلال: واو تعرف عربي عليكم السلام
البنات بصوت واحد: عليكم السلام
وجلسوا يسولفون لين وقت المغرب وقت الملكة وقاموا يتعدلون ويلبسون
-
"الملكة"
بيت ابو سَهم
اللي امتلى بالتجهزيات وعلقوا الأنوار بالحوش وامتلى بأصوات الحريم والرجال
-
عند البنات
دلال: اوف اوف يجممماللتس تجننيين وعد مرهه
جود: يابخت عِنان يابخته
تلاشت ابتسامتها لانها زعلانه على خواته ولانهم مايدرون عن الخطة
ابتسمت لهم وعد عشان لا تحسسهم بشي
وعد:حبيباتي عقبالكم يارب
"وصف لااشكال البنات"
(وعد العروس) فستان زيتي فخم بيد وحده وعلى اليد لؤلؤ وماسك للخصر ومن تحت نازل وطول عليها إكسسوارات فضية وفخمة وكعب ابيض وخلخال ناعم جدًا وميكب فخم وناعم بنفس الوقت وشعرها ويفي وماسكته من قدام بأكسسوار شعر فضي
(اديم)فستان ازرق ناعم جدًا بأيدين قصيره وميكب ناعم وشعرها ستريت وإكسسوارات فضية وكعب ابيض
(دلال) فستان احمر ماسك على جسمها بدون يدين وسلسال فضي فخم جدًا وإكسسوارات كامله
وكعب ابيض وشعرها ستريت وماسكته من قدام بأكسسوار فضي فخم
(سُلاف) فستان ابيض ماسك على جسمها قصير لتحت الركبه وميكب خفيف ومحليها لون عيونها وملامحها الحلوه واكسسوارات ذهبية وكعب ابيض
(حنين)فستان اسود نازل بالراحة على كل جسمها اكسسوارات ذهبية وكعب ابيض وشعرها ويفي وميكب خفيف وحلو
(رسل) فستان موف فاتح واكسسوارات فخمه فضية وكعب ابيض وميكب خفيف وحلو ومحلي وبارز ملامحها وشعرها ويفي وتاركته على راحته
(جود) فستان اسود ماسك على جسمها واكسسوارات فخمه فضية وكعب اسود وماسكه شعرها وحاطه اكسسوار فخم وميكب خفيف
-
دق الباب:وعد عندتس احد بدخل بقول لتس شي
وعد: دقيقه يبه البنات عندي الحين يطلعون وتدخل
وفعلًا طلعوا البنات ودخل ابو سَهم
ابو سَهم:امي انتي بكلمتس بموضوع
وعد توترت: شفيك يبه صاير شي
ابو سَهم: اي والله صاير عِنان يابنتي
وعد فهمت انه بيقول لها الخطة وان عِنان راح بس ماكانت تدري عن الأدهى من ذا كله
وعد: شفيه عِنان؟
ابو سَهم بزعل: راح
وعد سوت نفسها مصدومه:ويين راح واليوم ملكتنا؟؟؟
ابو سَهم : عنده مهمه مايقدر يأجلها وراح ومحد يدري
وعد بعصبية : طيب والناس وانا وكلامهم؟؟؟؟
ابو سَهم: حليت هالشي
وعد حست فيه شي بالموضوع:كـ كـ كيف ؟؟
ابو سَهم: فواز
وعد فتحت عيونها بذهول: فواز؟؟؟؟
ابو سَهم: لمًا عرف بالموضوع جاء وقال لي انه يبيتس وخطبتس وانا ماابي كلام علينا وعليتس بالذات
وعد: بس يبه فواز ماابيه تكفى ماابيه كيف تبيني اعيش مع شخص مثل فواز الكل ينفر منه ومن عصبيته وطبعه الخايس تكفى يبه ماابيه
ابو سَهم: وعد عطيت الرجال كلمه وقلت له تم لا تكسرينها
-
وعد بغصة: يبه طلبتك انا بنتك لا تسوي كذا
ابو سَهم: اجهزي شوي ويدخل ونملك
حنين سكرت الجوال بسرعه وهي عرفت ان فواز سمع كل شي وتنهدت:الله يهديتس ياوعد ماهو وقتتس والله ولا وقت كلامتس
نرجع شوي لورا قبل يكلم ابو سَهم وعد
عند حنين وفواز
فواز: حنين اسمعي
حنين: هلا
فواز قال لها كل شي وحطت يدها على فمها بذهول: كيف كذا متفقين على وعد؟؟؟؟؟
فواز: لا والله بس هو مايبيها وانا ابيها بسسس
حنين: والمطلوب مني؟؟
فواز: ابي ادق عليتس بوقت مايقول لها ابوها ابي خطبتها بشوف ردة فعلها
حنين اللي اول مره تشوف الفرحة بعيون فواز كذا اول مره يبين الطرف الليّن من فواز
حنين ابتسمت: تم
انبسط فواز وباس راسها انصدمت حنين لان بعمره ماقال لها شي زين كيف كذا يبوس رأسها بتمنن وشكر
ودقت عليه حنين وقت ماقال ابو سَهم لوعد كل شي وسمع فواز كل الحوار اللي جمده ووجع قلبه وهدم حبه وكسر روحه كسر كل شي فيه وكل احلامه وحبه وحس للحظات انه كرهه وعد
-
عند الرجال
الشيخ ابو وعد يساره وفواز يمينه:قُل لهُ زوجتُك أبنتي وعد على سنة الله ورسولة
ابو سَهم: زوجتُك أبنتي وعد على سنة الله ورسولة
التفت الشيخ لفواز: قُل قبلت
فواز وهم الدنيا كلها بقلبه وده يقول لا وده يقوم يهرب ويبعد بعيد بعيد بعععييييدد وقال بصوت ثقيل مليان هم وتعب عكسه الصبح: قبلت
الشيخ: وقع هنا
اخذ الدفتر بثقل يد ووقع
التفت الشيخ:احد من اخوان العروس ياخذونه يخلونها توقع
اخذه سَهم وطلع
الشيخ: بارك الله لهم جمع بينهما بالخير "التفت لفواز" مبروك ياوليدي مبروك
فواز:الله يبارك فيك
وكلهم قاموا يسلمون على فواز وابو سَهم ويباركون لهم
عند وعد وسَهم
دق الباب وطلعت له اديم
سَهم:خوذيه خلي وعد توقع وجيبيه
اديم: زين
اخذته وطلعت لوعد
اديم: وعد وقعي
وعد: توترت والتوتر وضح عليها وتجمعت دموعها مسكت القلم وهي ترجف وزادت رجفتها وهي تشوف اسمه وتوقيعه استهدت بالله واستغفرت ووقعت
اخذته اديم وطلعت الدفتر لسَهم وراح
-
عند البنات
كلهم قاموا يحضنون وعد ويباركون لها وهي ترد بكل برود ولا كأنها العروس
اديم: مبروك يروح روحي يأحلى اخت بالكون يابخت فواز وحظه
وعد: حياتي الله يبارك فيتس وعقبالتس
وكلهم جلسوا حولين وعد
دق الباب وطلعت اديم: هلا براء
براء: قولي لهم يطلعون بيدخل فواز
اديم: زين
دخلت للبنات: بنات بلا اطلعوا
وعد بربكه: ليه بناتت
اديم: فواز بيدخل
وعد: لـ لـ ليه يدخل وانا ماوافقت على هالشي
اديم جلست جنبها ومسكت يدها: حبيبتي وعد هدي ماتدرين يمكن خيره وفواز احسن لتس من عِنان
وعد: اتمنى
اديم:يلا بقوم وخليتس احلى من اللي انتِ فيه
وعد: ابشري
اديم:ابتسمي
وعد ابتسمت وطلعت اديم ووعد تنتظر فواز
دخل فواز
ماقدر يرفع رأسه كل ماجاء يشوفها بتذكر كلامها وكيف تكرهه وكيف تشوفه أسوء انسان حتى أسوء من عِنان اللي كانت ماتبيه استغفر ورفع راسه وباللحظة ذي جمد كل شي فيه حتى كلامها نساه نسى كرهه نسى الحقد اللي كان بقلبه جمالها آسره وآسر قلبه قلب موازينه جمالها فوق ماتخيل وفوق ماتوقع توترها رجفتها ورجفت يدها كل شي فيها جالس يآسره ويحس ملك الدنيا ومافيها بس تذكر كل شي قالته عنه جمالها يغفر بس هي كسرت حبه
دخل ونطق: السلام عليكم
ردت بصوت مرتجف وخفيف يالله يسمعه: عليكم السلام
ودخلوا وراه براء وسَهم تركي ارتاحت يوم شافت اخوانها وحست بأمان وارتاحت دخل وباس جبينها وهمس بدون نفس : مبروك
وعد : الله يبارك فيك
تقدموا اخوانها وسلموا عليها وباركوا لها وهمس براء بأذنها: انتي بوجهي ووجهه اخواني ومحد يقدر يفكر حتى يزعلتس ولو فكر يأذيتس لو كان فواز والله لااقلب الكون كله على رأسه ارتاحي يحبي
ابتسمت وعد وارتاحت جدًا بعد كلام براء
-
عند البنات
دلال: بنات احس وعد مو مبسوطه
اديم : اكيد مغصوبه كيف تبينها تكونن
جود:انا اللي قهرني كيف صار فواز بدال عِنان
اديم: والله عاد قلت لكم السالفه شنسوي
دلال تنهدت بضيق: بنات خاتمي طاح محد شافه
جود: شوفيه بالحوش مو قبل شوي طلعتي؟
دلال وكأنها تذكرت: اوووو صح والله يلا بقوم اشوفه
طلعت دلال وجلست تدور خاتمها وفجأة شافت شخص بعيد يناظرها وراحت ركض داخل وصدمت بشخص.......
-
عند فواز ووعد
فواز: وعد
وعد: هلا
فواز: ليه تكرهيني ؟
انصدمت من سؤاله: مااكرهك
فواز: انا سمعت كلامك مع ابوك وكل شي قلتيه عني
وعد بتوتر: كيف عرفت
فواز: عرفت وبس ليه تكرهيني
وعد: انا مااكرهك انا اخاف منك ومن عصبيتك وكل شي فيك
ابتسم فواز يطمنها ومسك يدها: وعد انتي غير بالكون عندي وربي من يومي عرفتتس وشفتتس وحنا صغار وانا احبتس واشوفتس كل شي بالدنيا تغير كل شي بحياتي يوم عرفت ان عِنان بياخذتس واستانست يوم قال مايبيتس ويبي يروح وعد انتي كل دنياي واوعدتي اكون لتس الخيره بالدنيا وعد كلامتس اليوم صدمني وقهرني كسرتي حبتس بداخلي كسرتيه
وعد دمعت عيونها ونطقت بصوت مرتجف: اسـ اسفه
فواز رفع يدها وباسها: معليه حبيبتي المهم مبروك علي انتي
وعد: الله يبارك فيك
دخل عليهم سَهم: احم احم معليش اخذت راحتك مع اختنا قم يلا
فواز مسك علبة المنديل ورماها عليه: يوم زانت الجلسه نطيت وش تبي
سَهم ضحك بطول صوته: قم اقول
فواز باس يدها وطمنها وطلع وتقدم سَهم: شلونه معتس؟
وعد بأبتسامه: زين
سَهم باس رأسها : الله يوفقتس حبيبتي
وعد نزلت رأسها بحياء: امين وياك