جيتني من أقصى دنياي...وصرت الدنيا بعيوني

البارت-29

-
بالمستشفى 7:20
صحى من النوم وهي باقي نايمه لكن ابتسم لانه شافها مغيره وضعيتها والواضح انها تحركت قام وطلع وراح لمسجد المستشفى وتوضى وصار يصلي الفجر والضُحى وجلس يقرأ ورده انسدح بالمسجد بعد ماخلص وهو تعبته نومة الكنب سمع جواله يرن وطلعه من جيبه وشاف الاسم وكان براء ابتسم وهو من زمان عنه ومشتاق له ولديره رد عليه: هلا والله بالحب
براء وهو شبهه زعلان: بتدخل النار من كذبك الحب عندك مو انا ياكذاب
ضحك عِنان: والله انك الحب
براء : الحب ساحب عليه شهر وعليها ماشفته ولا كلمته ولا قلت اسأل عنه
عِنان وهو يتنهد: اهخخ يااخوك لو تدري وش صاير فيني
براء فز : افا وانا ولد ابوي ولده وش صار فيك ياجعله فيني قبلك
عِنان ابتسم: لا ياحبيبي مافيه شي بس تعبت الصدق من المستشفى وأجواءها ونومة الكنب ياشينهاا
براء بضحك: تعال انومك بحضني عن الكنب
عِنان:لا تصدق عمرك ماانت الحب توكل
براء ضحك بعلوا صوته وحس انه بيسكر: اصبر اصبر
عِنان بتأفف: شتبي ياولد
براء : تراني جايك نظلع نتمشى اغديك تنبسط وهاه هاه وارجعك
عِنان: طيب انتظرك
سكر الجوال وقام وطلع من المسجد وراح لسُلاف دخل عليها وهي صاحية ويافرحة عمرك ياعِنان وهو يشوفها تطقطق أصابعها انبسط بكل مو طبيعي جمد مكانه من الفرحه ذي المره ماتتحرك ذي المره صحت انتبهت له واقف وكانه مصدوم لانها صحت وفرحان بس مو باينه فرحته من ملامحه الحادة وعّقدة حاجبينه ابتسم ويشوفها تتحرك وتمسك رأسها بوجعع صحى على نفسه يوم نطقت بوجع: عِــ عِنان
وسرعان مامشى لها : سمّي انا هنا
مدت يدها بتمسكه ومد يده على طول مسكها: ارتاحي شفيك
سُلاف وهي تستند على يده : بقوم تعبت وانا منسدحه
عِنان وهو يسندها: طيب قومي شوي شوي انتبهي لرأستس
سُلاف وهي تجلس عدل وباقي ماسكه يده التفت له بتسأل: ايش صار مااذكر شي؟
عِنان وهو يمسح على رأسها: ارتاحي بعدين تعرفين
سُلاف: متى بطلع طيب ماابي اجلس زيادة
عِنان وهو يشد على يدها: توتس صحيتي ارتاحي
سُلاف: بالله شوف الدكتور ماابي اجلس اكثر وبعدين وين البنات؟
عِنان وهو مايبي يقول لها اللي صار لااديم وكل شي صار يبيها ترتاح عشان لا تضغط على رأسها:كلهم بالديره
سُلاف: طيب اول مانطلع بنروح
عِنان: بأذن الله انتي بس اطلعي وصيري بخير
شدت على يده : طيب بالله شوف الدكتور متى اطلع
ابتسم وهو يترك يدها: يلا بروح اشوفه
طلع عِنان من عندها وهي مستغربه مرهه انه يعاملها بشكل لطيف ومايهاوشها ابد لكن توقعت عشانها تعبانه واول ماتطلع بيرجع نفس ماكان وهي اكرهه ماعليها بالدنيا "عِنان" ومخططه ماتجلس عنده بعد ماتطلع من المستشفى لانها تظن انه يعاملها بلطف شفقه واستعطاف دقايق ودخل هو والدكتور شافت ابتسامه على شفته ولفت انظارها للدكتور وابتسمت له: الحمدلله على سلامتك ياسُلاف
سُلاف: الله يسلمك يادكتور دكتور متى بطلع؟
الدكتور ضحك: مستعجله على الطلعة
سُلاف: اي والله يادكتور مليت
التفت الدكتور لعِنان: شوف زوجتك وش تقول ترضى اطلعها وهي تعبانه
هز بـ لا والتفت فها كشرت وناظرت الدكتور : بطلع يعني بطلع انا بخير ماني تعبانه
الدكتور: الحمدلله انتي بخير مو تعبانه بس للأحتياط لازم 24 ساعة بعدين تقدري تطلعين
سُلاف هزت رأسها بـ تمام رفعت أنظارها له وكان تأمل ومبتسم نزلت انظارها وصارت تلعب بأصابعها
الدكتور التفت لعِنان: المدام بخير الحمدلله وماعليها خوف بس نبي نتطمن زيادة لازم تبقى يوم كامل وبعدها تقدرون تطلعون
عِنان ابتسم له والتفت لها وحط يده على رأسها وصار يحوس بشعرها : ابد لو تبي اكثر تجلس اكثر بتجلس معليك منها اهم شي عافيتها
بعدت يده عنها ورفعت رأسها له وصار تناظر له : قلت مابجلس يعني مابجلس
الدكتور : ماعليك بتطلعي بس مو الحين "ضحك طلع من عندهم"
التفت لها عِنان ونزل لها وصار خشمه على خشمها قرب وباس منطوقها وبعد عنها بسرعه : اهجدي
توردت ملامحها ونزلت رأسها بخجل ودمعت عيونها من كثر الحيا اللي اجتاحها اول مره يقرب لها واول مره يبوسها اول مره تختلط أنفاسهم ببعض حست بشواربه على شفتها هل هو باسها من حب ولا بس عشان يسكتها لانها ازعجته بتطلع
لاحظ إحمرار وجهها وابتسم لانه يعرف انصدمت واجتاحها الحيا
-
بعيد عن المستشفى والرياض
-الديره {بيت فواز} صحت من النوم وهي تعبانه تحس بغثيان وتحس الدنيا تدور فيها ركضت للحمام{تكرمون} ورجعت وكانت تعبانه بشكل مو طبيعي طلعت من الحمام وانسدحت على الكنب التفت ناحية السرير وانتبهت انه مو فيه تأففت وهي تطلع من الغرفه راحت للمطبخ تسوي لها شي تاكله سوت لها شي خفيف واكلت وحست انها مو مشتهيه ومعدتها تقلب
ركضت للمغسلة ورجعت لين تعبت راحت لصاله وتحس بوجع بنهاية بطنها وظهرها جلسة على الكنب واخذت جوالها واتصلت على فواز ودقايق ووصلها صوته :سمّي يادهر قلبي
وعد ابتسمت لرده رغم الوجع اللي فيها: وينك؟
فواز حس بصوتها تعب وخاف عليها : تحت عند ابوي فيتس شي؟
وعد: اي تعال ابيك
فواز تأكد ان فيه شي : طيب طيب جاي
سكر واستأذن من اهله وطلع لها فوق وفتح الباب وهي منسدحه بمكانها ويدها على بطنها تقدم وجلس جنبها ومسك يدها اللي على بطنها: وعد شفيتس
وعد بتعب: مدري من يوم صحيت احس بوجع بنهاية بطني وظهري ويس ارجع وحتى لما اكلت رجعت اللي اكلته
فواز ابتسم وهو عرف ليه تجيها الأعراض ذي: طيب قومي معي نطلع الرياض ونروح المستشفى ونشوف
وعد وهي مو قادره تتحمل التعب اكثر : تمام متى تبي نطلع؟
فواز وهو يوقف: يلا الحين قومي البسي عبايتس وتعالي
قام وراحت للغرفه ولبست عبايتها وطلعت له مسك يدها ونزلوا وطلعوا وركبوا السيارة وباس يدها : متوجعه مره؟
وعد وهي تسند نفسها على ورا:اي والله مره يوجعني
فواز وهو يحط يده بيدها: وريني وين مكان الوجع
مسكت يده وحطها بنهاية بطنها : من هِنا وظهري
رفع يده وباس يدها : يلا ان شاءالله مانطول ونوصل
مشوا لرياض ونص ساعة وصلوا وتوجه للمستشفى على طول نزل وراح ناحية بابها وفتح الباب ومسك يدها تنزل بشويش بدون ماتتوجع زيادة دخلوا للمستشفى واخذوا موعد عند دكتورة "نساء وولاده" بعد دقايق نادوا لااسمهز دقت عليه يجي معها لانها خايفه تدخل لحالها رد عليها اول مادقت : هلا امي
وعد: تعال فواز
فواز فز: فيتس شي؟
وعد : لا بس ابيك تدخل معي ماابي ادخل لحالي
فواز ابتسم على خوفها وانها صاير تلجأ له كثير: طيب جاي
جا قسم النساء والولاده وتقدم مسك يدها ودخلوا لدكتوره :السلام عليكم
الدكتور: هلا وعليكم السلام تفضلي
جلست وعد على الكرسي وفواز واقف جنبها وماسك يدها رفعت راسها الدكتوره وتكلمت: شفيك ايش تحسين ياوعد؟
وعد وهي تشد يدها على فواز: يادكتوره احس بدوخه كثير اليوم وارجع كثير ومااكل شي وكل شي اكله ارجعه ونهاية بطني يوجعني وظهري واشياء كثيره تصير معي
ابتسمت الدكتوره لانها فهمت هالاعراض طلبت من وعد تنسدح على السرير رفعت بلوزتها وكل ذا صار تحت انظار فواز اللي ابتسم وهو يشوف الدكتوره تمرر السونار على بطنها
-
بالمستشفى 1:44
جالسه وهي طفشت من المستشفى وماعندها احد يسليها عندها عِنان ولكن هي ماتحبه ولا تبي وجودها التفت وهو جالس على جواله وهي ودها تتكلم معه بس متردده ونطقت بعد تردد: عِنان
ترك جوالها ورفع رأسه لها : همم
سُلاف: ابي جوالي طفشت ابي شي يسليني
عِنان وهو يحط جواله بجيبه: اخذوه البنات معهم للأسف
تأففت بطفش : طيب طفشت ياخي بطلع
ابتسم عِنان وهو متقصد يحرجها: تبين بوسه ثانية تهجدتس
مسكت علبة المويا وحذفتها عليه: ياكرهك صدق ماابي اتكلم معك خلاص
ضحك بكل صوته: خلاص امزح معتس
حك جبينه وهو بيقول لها انه بيطلع بس يدري بتعصب لانها طفشانه وتبي تطلع وهو بكل برود بيطلع: اسمعي
سُلاف وهي ملتفته عنه: شتبي
عِنان: بطلع
التفت له : نعممم حبيبي؟؟
عِنان رفع حواجبه وحك جبينه: بطلع مع براء للغداء
سُلاف: لا ياحبيبي لاااااا
عِنان بحده: بنت اعقلي قلت بطلع من براء ماشفته من زمان طول ايامي عندتس اكل اشرب انام ماطلعت ولا يوم من المستشفى
سُلاف: طيب انا شذنبي مااطلع حتى انا طفشت
جاء بيتكلم ودق جواله طلعه من جيبه وشافه براء قام بيطلع التفت لها: انتبهي لنفستس مابطول
طلع وتركها وبكت من القهر لانه يعاملها مره بطيب ومره بقسوه ماعرفت له ابد بكت ونامت من التعب وتبي ترتاح
-
بالمستشفى الثاني عند وعد وفواز كانت تمشي السونار على بطنها ابتسمت الدكتوره وناظرها فواز بتسأل واستغربت :بشّري؟
الدكتوره بأبتسامه : مبروك زوجتك حامل
انصدم وجمد مكانه ارتسمت ابتسامة على شفاته بشكل سريع ركض وحضنها وهي ضحكت بشكل مصدوم وهو ابتسم وصار يمسح على ظهرها: مبروك يابعد قلب قلبي
التفت له وعد وضحكت وهي عيونها بعيونه وهي مصدومه وتدمع عيونها: يبارك فييكك
عدل بلوزتها ومسك يدها ونزلها من السرير وجلسوا عند الدكتور وجلست تعلمها اشياء تتبعها بالحمل وتنتبه على نفسها طلعوا من عند الدكتوره وهم مبسوطين طلعوا وكان الوقت 6:11 مشوا ووقفوا عند مسجد نزلوا ودخلت قسم النساء وهم دخل قسم الرجال وصلوا صلواتهم ومشوا متهجين لديره مشوا وهم مبسوطين وكل مافيهم حب وفرحة للفرد اللي بيزيد بالعايله ومبسوطين بشكل محد يتخيله تقدمت وقتحت السيارة من فوق وطلعت يدها تعبر عن فرحتها التفت لها وهو يضحك: ارفع يدك لي يلا
ابتسم وهو يرفع يده ليدها ويمسكها ويعبرون عن الفرحة اللي تجناح قلوبهم نزلوا يديهم والتفت عليه : تتوقع اييش بيكون
فواز وهو يبوس يدها: اتوقع ولد
حطت يدها على خصرها: نعم حبيبي وليه ماتصير بنت؟
فواز: لاني ابي ذيّاب
وعد: قلنا مانبي ذيّاب
فواز: ذيّاب يعني ذيّاب
وعد : لا يعني لا
فواز وهو يتخيل: بالله شوفي معي فخامة الأسم ذيّاب بَن فواز اوف اوف يالجمال
وعد : مره حلو ياحبيبي بس مافيه
فواز: اي نشوف
كملوا الطريق وهم مبسوطين والدنيا ماراح توسع فرحتهم ابببدد....
-
بالديره بيت ابو عِنان البنات كلهم مجتمعين عند جود ودلال كلهم ماعدا سُلاف ووعد اللي مكانهم خالي بشكل كبير
اديم: مره وحشوني البنات
رسل: يووو احباب قلبي اشتقت للههممم
حنين: جد بنات ماقالوا لكم ايش صار بسُلاف ؟
جود: الا كلم عِنان ابوي يقول صحت الحمدلله وكل شي بخير بياخذون كمل يوم تحت الملاحظه وتطلع ان شاءالله
دلال : الحمدلله صلق مره انبسطت لمًا قالوا انها صحت
التفت جود لحنين: الا صح وعد وينها ؟
رسل: مدري راحت هي وفواز لرياض يقول تعبانه
جود: اسم الله عليها شفيها
اديم: والله ماندري حتى علمنا فواز وهم ماسكين خط
دلال: يعمري يارب تكون حامل
حنين صرخت: يمه بنات مااتخيل اني عمه الله يارب. يارب تطلع حامل
رسل : اووفف يارب ياربببب " وقفت رسل بتروح"
التفت لها جود: وين ؟
رسل: بروح البيت عشان بقول لاابوي بكره نروح الرياض نشتري اشياء وكذا تعرفون المدرسه قربت وباقي ماشرينا
حنين: زين روحي لحالك ماابي اروح
رسل : زين
-
طلعت رسل من عندهم وطلعت من البيت وشافت هتان قدامها مرت من جنبه ووقف واستوقها صوته : بنت
رسل: شتبي
هتان بحده: من قال لتس تطلعين من البيت لحالتس؟
رسل: وانت شدخلك
هتان: بنت عدلي اسلوبتس معي
رسل: اوكي اوكي
جت بتمشي وقال لها شي صدمتها وجمدت مكانها ماتوقعته اببدد توقعت كل شي الا هالشي........
-
بالرياض بالمستشفى صحت من النوم وهو باقي مارجع تأففت وهي تحس بضيق الدنيا بصدرها نزلت من السرير وتوجهت للشباك فتحته وصارت تتأمل الناس تحت والشارع نزلت دمعها يوم حست الباب انفتح وعرفت انه هو مالتفت وبقت بمكانها وهي تحس دموعها تنهمر وماهي قادره تتحكم فيها تقدم وهو يحس فيها تبكي ويشوف منظرها التعبان تقدم ومسك كتوفها من ورا وقرب رأسه لااذنها وهمس : اسف
بعدت عنه وهي ترجع لسرير ولا حتى ناظرت له جاء وجلس على السرير عند رجلينها ومسك يدها : سُلاف والله اسف اعرف اني تأخرت بــ.... قاطعته قبل يكمل كلامه: خلاص طلعت انبسطت شفت براء تغديت غيرت جو شفت الناس ارتاحت نفسيتك ؟؟؟ خلاص اسكت عني
عِنان وهو حس بأنها بتنهار عليه : طيب بقول لك خبر يفرحك
سُلاف لفت وجهها عنه: ماابي اسمع منك شي
عِنان وهو يمسك يدها: طيب واللي يقول لتس انتس بتطلعين بكره
سُلاف ماقدرت تخبي فرحتها بس ماتبي تطلعها قدامه انسدحت على السرير: اوك طف النور بنام
عِنان تقدم وهو يرفعها له : ماراح تنامين زعلانه مني قولي لي وش بخاطرتس
سُلاف: قلت لك ماابي شي واتركني بنام
عِنان وهو يحط يده على خدها: تبين نطلع نتمشى ربع ساعه ؟
سُلاف : ماابي منك شي ماابي ماابي خلاص
عِنان وهو عارف انها تبي بس تكابر : اوك بكيفتس كنت بطلعتس نتمشى ونأكل ايسكريم وننبسط شوي بس خلاص نامي
جاء بيوقف عشان يطفي النور تقدمت ومسكت أصبعه ابتسم على طريقة مسكتها وهي تبي تكلمه بس زعلانه عشان كذا ماسكت يده كامله: بطلع
التفت لها وهو مبتسم: من عيوني
مسك يدها يساعدها تنزل ولبسها عبايتها وطلع وشاف الدكتور قدامه : ايش ذا ياعِنان وين رايح؟
عِنان: معليش يادكتور بسرق مريضتك شوي امشيها وارجع مابطول
ضحك الدكتور : تمام بس لا تتأخر
عِنان: معليك معليك
مسك سُلاف وطلعوا من المستشفى وركبوا السيارة ويتمشون وهو مخطط لشي ماتدري عنه......

تعالوا انستا لتشبيهات حبايبي"rwiiai1"🤍🤍🤍🤍