جيتني من أقصى دنياي...وصرت الدنيا بعيوني

البارت -47

-
الرياض
طلعت وشافته قدامها انتبه لها لما طلعت نزل وراح لها وقف قدامها وأشر على السيارة: اركبي
ضيّ صَدت عنه: مااروح مع احد غريب ايش تبي فيني وايش فيها سُلاف
سَهم: بالمستشفى
التفت له على طول : شفيها
سَهم: امشي وتفهمين
ضيّ صرخت:انسى اني اروح اننسسسىى سَهم ماني غبيه تقول الكلام وتجي بكل برود تبي اروح معك
سَهم: خلاص تأسفت
ضيّ صفقت : ماشاءالله عليك يعني كذا تبي أرضى كذا كل شي تصلح حتى قلبي اللي كسرته تصلح بهالكلمة ذي ماشاءالله عليك اهنيك "تنهدت ومسكت رأسها "اخلص علي سُلاف وينها وبأي مستشفى
سَهم عرف انها مستحيل تروح معه: بالمستشفى ال****
ضيّ وهي رايحه: طيب "التفت له" بس على فكرة انسى شي اسمه ضيّ لك ماعاد ابيك وهالشي قلته لااهلي ف ماعاد فيه لا ملكة ولا زواج ولا اي حاجه وصل؟
مشت وتركته وركبت مع السواق وراحت للمستشفى وهو رجع لسيارته بكل هدوء ماحب يتهاوش معها ولا يسوي مشاكل مقرر يراضيها بس بعد ماينتهي من سالفة سُلاف ويطلقها من عِنان......
-
الديره
بيت فواز ووعد
جالسين تحت عند اهل فواز ومبسوطين ويسولفون
رسل: متى تولدين ؟
وعد: باقي لي شهرين ان شاءالله
حنين بحماس:الله قربتتييييي
فواز: اقول لا تعطين زوجتي عين
حنين رفعت حاجبها: اعطيها عين على ايش مالت اقول "التفت لوعد" عليه مو عليتس ياحبي
وعد ضحكت: حس بالي بعد
فواز: اغلطي علي عادي بس وعد اطلع عيونتس لو تفكرين تغلطين عليها
حنين شهقت: ترا حنا خوااتككك
فواز رفع يده: وهي زوجتي
رسل تمثل الزعل: وتفضل زوجتك على خواتك؟
فواز: هي ماغلطت عليكم نفسكم لو غلطت عليكم بطلع عيونها
ضحكت وناظرت له بتحذير: نتفاهم بعدين
فواز يمثل الخوف وقام وهرب من عندهم: والان إلى اللقاء
ضحكوا البنات عليه ويشجعون وعد : فديييتهااا المسيطرة
-
الرياض تحديدًا المستشفى..
نزلت ضيّ ودخلت وهو نزل وراها على طول ولحقها وقفت عند الاستقبال تسأل عن رقم غرفتها:تفضلي ؟
ضيّ: كم رقم غرفة المريضه سُلاف عبدالعزيز آل حَامد
:الدور الثاني غرفه 132
ضيّ: شكرًا
طلعت لدور الثاني وهو يلحقها وصلت للغرفه وشافت عِنان جالس برا : السلام عليكم
عِنان وقف بدون مايناظر: عليكم السلام
ضيَ: سُلاف صاحيه ؟
عِنان هز راسه بـ اي: ادخلي
دخلت ضيّ وشافها تبكي وتمسح دموعها قربت منها وصارخت بحماس: سُلاااافييييييي
سُلاف ميزت الصوت وعرفته: هلا ضيّ
ضيّ استغربت انها ماتناظرها: شفيك حبي ناظريني ليكون عتابه لاني ماجيتك من بدري
سُلاف هزت راسها بـ لا: مااشوفتس ولا اشوف غيرتس
ضيّ مافهمت كلامها: كيف يعني!!!
سُلاف بصوت مليان بكي: مااشوف شي
ضيّ حطت يدها على فمها وهي فهمت قصدها وناقدرت تقول ولا كلمه وكملت سُلاف: ادري انصدمتي بس معليه ذا المكتوب
ضيَ بعدت يدها ومسكت يد سُلاف: كيف كذا وايش صاررر؟
سُلاف تنهدت بقوه: سالفه طويلة المهم ان نظري راح مني
ضيّ: حبيبتي سُلاف هذا مكتوب وانا متأكده نظرك بيرجع لك بس هي مسألة وقت واكيد فيه امل لعلاجك دام اني مو عمياء من الولادة
سكتت سُلاف ماردت وكملت ضيّ بعيون دامه: صدقيني كل شي بيتيسر ثقي بربي بس
سُلاف بهمس: ان شاءالله
ضي وقفت: تبين اجيب لك شي من البقاله؟
سُلاف هزت راسها بـ لا:مويا بس
ضيّ وهي رايحه: ابشري كم سوسو عندي
طلعت من عندها وراحت الحمامات "تكرمون"وانفجرت بكي وصارت تبكي بشكل فضيع وماكانت تقدر تمسك نفسها جاء سَهم عند عِنان: ضيّ جت ؟
عِنان هز راسه بـ اي: دخلت وبعدين رجعت طلعت وراحت الحمام
ركض على طول وهو يدري انها منصدمه وراح لها صار يناديها لانه مايقدر يدخل والحمام "خاص بالنساء" طلعت وهي ماتشوف شي من دموعها وخشمها الأحمر وقف مصدوم من منظرها: شفيتس
ضيّ وهي تمسح دموعها صرخت بوجهه: كيففف ماقلت ليييي عجزت اواجهها كسرتني بزعلها ودمعتها ليييه ماقلت لي لييييه
سَهم: هو انا اقدر اقول لتس ماعطيتني فرصه اتكلم معتس بشي بس تهاوشيني وماتسمعين مني حتى ماتردين على الجوال هاه علميني كيف اعلمتس كيففف؟؟؟؟
ضيّ دخلت وغسلت وجهها للمره الثالثه: بروح عندها برجع ماابي احسسها بشي
سَهم: زين لان شوي ويخلص وقت الزيارة لا تطولين
ضيّ التفت له: مايخصك وتكفى اعتقني لوجهه الله
لفت عنه وراحت عنه بدون ماتسمع اي رد منه...
رجعت لسُلاف وجلست قدامها وصارت تسولف معها وتضحك وتغير جوها:ضيّ
ضيّ: سّمي
سُلاف: ابي اكلم البنات عادي تدقين عليهم
ضيّ وهي تطلع جوالها: ابششرييي الحين ندق
دخلت رقم وعد ودقت عليها : عاد خوذي لك حقد الحين لاننا عند بعض
ضحكت سُلاف: وحشوني
ضيّ: وانا وش اقول عنيييي؟؟؟ كلكم واحشيني يحيوانات ماتجون عندنا
دقايق وردت وعد : هلا ضيّ
سُلاف أشرت لها بمعنى اسكتي: وعد
وعد فزت تميز الصوت وشهقت: سُلااففففف
قاموا حنين ورسل عندها: وييين سُلاف تكلمككك؟؟؟
وعد التفت لهم: استنوا شوي "ورجعت تكلم"سُلاف قلبي كيفتس اشتقت لتس يروحي وش تسوين يقلبي وايش صاير ؟
سُلاف ابتسمت: قلبي وعد والله ماني بخير بدونكم تكفين قولي لااحد من العيال يجيبكم عندي
وعد: ابشري يقلبي ابشري بس تكفين وش صاير لتس
سُلاف تنهدت: تجين وتعرفين
وعد خافت عليها: اهم شي انتس بخير
سُلاف بضيق: الحمدلله
ضيّ حبت تغير الجو: هاييي بناتتتت شوفوني عند سُلاافف
وعد : اها يعني كذا؟؟؟ تتجمعون بدوننا "التفت للبنات"شوفتوا كيف الخونه مجتمعين بدوننا
ضحكت سُلاف: مكانكم خالي والله
ضيّ ضربتها على كتفها بخفه: اها يعني وجودي مايكفي
سُلاف ضحك أقوى: يكفي ونص بس مكانكم يبقى خالي
وعد بتهديد: طيب طيب ان ماعلمت عليكم اديم وجود عاد وش يفككم من أغث ثنتين والله لا يطلعون عيونكم
سُلاف: لااااا الا اديم وجود تكفين بيقلبون الدنيا
وعد : تستاهلين اجل تشوفين ضيّ من ورانا
ضيّ بضحك: موتوا قهرررر ويلا مناك بجلس انا وهي نسولف لصبح
جلسوا يضحكون البنات ويغيرون جو سُلاف رغم انهم مايدرون ايش فيها الا انهم يدرون ان فيها شي وكانوا ساهين عن اللي يراقب كل الكلام وسامعه ويضحك اول ماتضحك وتنمحي ابتسامته اذا حس بصوتها ضيق ...
-
الرياض المستشفى 12:12
كانت منسدحه بعد ماراحت عنها ضيّ ماتت من الملل وكانت تبكي وقتها تقضيه بالبكي ماتدري كيف بتكمل حياتها وهي كذا كيف الدنيا تضيق عليها من يوم وصلت تسأل نفسها ليه يكرهني لدرجة حتى نظري اخذه مني كان التفكير يشوش عقلها بشكل مو طبيعي قررت تنهي حياتهم باللحظة لان لو طولت زيادة ممكن يجي شي اكثر من كذا صارت تنادي عِنان بقوه وهي تدري انه ماهو بعيد عنها تحسه حولها: عِنانننن عِنان وينككك
فز اول ماسمع اسمه وسمعها تناديه ركض لها على طول:سّمي ليه يالنظر كله
سُلاف وهي متردده بكل شي بتسويه بس قررت تسوي هالشي عشان تكمل حياتها طبيعي: انت حلفت تسوي اي شي ابيه صح؟
عِنان: اي اكيييددد وماراح اردك
سُلاف: احلف اول
عِنان تردد بالحلف من طلب هو خايف منه بس هو حلف بينه وبين نفسه واكيد ماراح يخلف: والله لااسوي كل شي تبينه
سُلاف بلعت ريقها: طلقني والحين
عِنان انصدم من طلبها وهذا الطلب اللي كان خايف منه حس الدنيا تدور فيه كيف كيف تبيني اطلقها يعني تطلع من ذمتي وماني لها ولا هي لي كيففف كذا مسك رأسه اللي حس انه بينفجر من اول وزاد عليه طلبها استغربت سكوته: عِنان حلفت لي وهالشي انا ابيه طلقني بالطيب قبل اقول لسَهم وتطلق بالغصب
عِنان كان لسانه ثقيل ماهو قادر حتى يرد عليها بكلمة عاديه نطق بصعوبه: طلبتتس الا هالطلب لا تكسريني فيه
سُلاف تجمعت الدموع بمحاجرها: عِنان طلقني
عِنان نزل عند رجليها ومسك يدها : طلبتتس سُلاف تكفييين لا تكسريني بهالطلب تكفين اطلبي الدنيا ومافيها لو تبين روحي والله ماتغلى تبين عيوني وربي نسوي عملية ولتس بس تكفين الا ذا تكفييييينن سُلاف اترجاتس
سُلاف ماقدرت تمسك دموعها وبعدت يدها عنه وصرخت: عِنان انا ماابيك خلاص بننهي الطريق لهنا خلاص ذي نهاية الطريق بيني وبيينكك عِنان انهيييي كللل شيي ماابيك مااببييييكك
عِنان بغصه : تكفين طلبتتس فكري اخر مره
سُلاف: مااعيد التفكير لان القرار قلته بكامل قواي العقلية وبأحسن حالاتي النفسية انتهى عِنان طلقني بالطيب قبل يصير شي بالغصب
عِنان نزل رأسه بقلة حيلة: اخر مره فكري تكفييين مااقدر بدونتس والله مااقدر
سُلاف: ماتقدر بدوني بس تقدر تعذبني وتعيشني بحجيم صحح؟؟
عِنان: والله لااعيشك بأحسن عيشه والله مافيه شي من الماضي يتكرر بس تكفين فكري اخر مره
سُلاف وهي تبكي: تذكر قبل افقد نظري ايش قلت يوم قلت بنتكلم بس بدون مااعصب وبمسك اعصابي تذكر ولا ماتذكررر آي ماشاءالله مسكت اعصابك لدرجة اني فقدت النظر لا تحاول عِنان وطلق
عِنان نزل رأسه وهو مايبي يقولها ويحسها ثقيله عليه وعلى لسانه بس هو حلف مايرد لها طلب وحاول فيها بس ماهي راضيه : سُلاف سـ سُلاف انتـ "تنهد بقوه" انتي "طلعت من الـ اهخخخ" متأكده اخر مره؟
سُلاف صدت عنه وماردت عرف انها مستحيل تتنازل عن هالشي: طيب بكره وعد اطلقتس اذا مُصره
سُلاف بصراخ: الححييييننننن
عِنان بهدوء ودمعته نزلت على خده بس هي ماتحس فيه ولا تشوفه مسك يدها ومسح دمعته وباسها: يمكن تكون اخر بوسه وابشري "نزل رأسه وتنهد" سُلاف انتي "سكت شوي وهو يحس الكلمة قوية عليه بشكل هو مايتخيله ويقول بنفسه لذي الدرجة ماني قادر اتخلى عنها نطق بصعوبه: سُلاف انتي طـ طالق
نزلت دمعته وطلع من عندها على طول وراح للحمامات اما عند سُلاف من اول ماطلع انهارت بكي وصارت تبكي وتضرب بالسرير وتبكي وتبكي حست روحها بتطلع من البكي رفعت راسها لمساء" اهخخ يارب تعبت اعيش العواصف لحالي تعبت ياربي تعبت فقدت اخر شخص توقعته سند لي وظهر يارب وش باقي لي ومن باقي لي يارب لا تخبرني زيادة "حطت يدها على صدرها وكلمت" قلبي يوجعني والله يوجعني ليه مايبي بُعد الشخص اللي ضره والله يوجعني يكفي وجع تعبت والله يارب ترفق بحالي يارب " نزلت رأسها وحطته بيّن رجليها وصارت تبكي تبكي لين نامت من التعب
اما عند عِنان ماكان أقل منها تعب وقف قدام المرايا يشوف وجهه وكيف التعب والدموع مليانه وجهه ضحك على نفسه بسخرية: متى اخر مره بكيت؟ مابكيت طول عمري لكن بكيت عليها "رفع رأسه لسقف "ماني قادر اتخيل تكون لغيري "عصب وصرخ وصار يضرب الجدار" لا لاااا لللااا لا لا ماتكون لغيييريييي لييههه ليييه ياسُلاف انهييتيي الطريققق كنت بعدل غلطتي بعدلهااا يعلم اللي خالقي اني كنت بعدلها لييين انهيتي وماعطيتيني فرصة لييييهه ياسُلااففففففف حطت يده على وجهه وصار يبكي بدون صوت قام وغسل وجهه وطلع وجلس مكانه المُعتاد قدام غرفتها وانتهت ليلتهم بنهاية علاقتهم وبلقوب تحمل الحزن الكبييييرر داخلها....

"عطوني رأيكم بالبارت الحزين جدًا😢"
تعالوا انستا لتشبيهات والتسريبات اللذيذة والاحداث الجايه والحزينه""rwiiai1"