جيتني من أقصى دنياي...وصرت الدنيا بعيوني

البارت-55

-
الثلاثاء بالرياض 6:00ص
توهم واصلين من الديره وتعبانين وقفوا قدام الفتدق ونزلوا وصاروا ينزلون الأغراض أغراض الزواج وكل شي ممكن يحتاجونه التفت سَهم: ادييم امشي امسكي بشتي ودخليه فوق وانتبهي يتسفط انسفيه على السرير بشكل مرتب او علقيه على الدولاب
قربت أديم وهي تتأفف من التعب والنوم اللي فيها: اوفف منك ياكثر هرجك عطني بسرعه
ضربها من رأسها بخفه: اقول اهجدي لا كف
أديم: اقول انت اهجد لااعلم ضيّ
سَهم:اقول اهجدي انتي وضيّ خلاص صارت زوجتي مالها حكم علي
أديم وهي رايحه: هلاص هالكلام يوصل لها
ضحك وصرخ: اتحداااكك
نزلوا الأغراض ودخلوا داخل والعيال راحوا لغرفتهم والبنات بغرفتهم والامهات بغرفتهم
دخل الغرفة ورمى نفسه على السرير وهو يناظر البشت المعلق على الدولاب تنهد بفرح وأبتسم وهو مو قادر يحدد شعوره بهالوقت يحس من قوة الفرح مو قادر ينام ابد يحس كل النوم طار وده لو يلبس وينتظر لبكره قام وتوضى وصلى الفجر لانهم وصلوا متأخر ورجع لسرير وانسدح عدل وبدون مايحس وعيونه تتأمل البشت اخذه النوم ونام نومه عميقه يحس ماقد نام بالراحة ذي من قبل
دخل عِنان الغرفه والتفت وشاف سَهم نايم على السرير فتح جواله ودق على دلال وشوي ووصله صوتها:سَم عِنان
عِنان: عندتس سُلاف؟
دلال: اي عندي شبغيت ؟
عِنان : عطيها الجوال
التفت دلال لسُلاف ومسكتها الجوال : عِنان يبيتس
حطت الجوال على إذنها وردت: هلا
أبتسم لصوتها اللي كل مره يجيب أجله لو تقول كلمه وحده: هلا فيتس يابعد الرياض اللي انتي فيها واهلها
ابتسمت بحرج لانها عند البنات ماتقدر ترد وكمل عِنان:ترا حجزت سفرتنا بعد زواج سَهم بيومين
سُلاف: حلو بس لوين؟
عِنان: مُفاجأة
سُلاف: ترا رايحين علاج مو نتمشى
عِنان رفع يده: يارب يارب يارب تصنع المُعجزات وتقلب الدنيا وتغير كل شي وتخلي سُلافي تشوف وتصير تمشيه بدال ماهي علاج
ضحكت بقوه : امييين الله يسمع منك
عِنان ضحك وصار يغني بعد ماتذكر اغنية يحبها: اهه ياحلو يازين حبك أسرني ودلاّلك غير ألواني
كملت سُلاف وهي تقصده: اهه يالاسمر يازين
ضحك عِنان بأستغراب: اووو تعرفينها
سُلاف: تحسبني اسمع اجنبي بسس!!
عِنان: لا خلاص اصلًا صرتي بنتنا
سُلاف: اي على بالي بعد
عِنان ابتسم: تقصديني صح !
سُلاف: لا اقصد حبيبي الاسمراني
عِنان ابتسم وهو يدري انها تمزح: لو اجيتس اخليك تشوفين حبيبتس الاسمراني قدام عيونتس عشر مرات
سُلاف: اكيد ياحبيبي لو جيت بشوف حبيبي الاسمراني لانك بتكون قدامي
عِنان ضحك : والواضح من كلامك مين المقصود
سُلاف ضحكت: بالضبططط
عِنان :المهم متى بتنامين ؟
سُلاف: الحين مع البنات ليه بغيت شي؟
عِنان: لا بس لاني بنام وقلت اقول لتس
سُلاف: زين نوم العافيه يارب
عِنان: الله يعافيك ياعافيتي
سكر الجوال ورمى نفسه جنب سَهم ونام وهو مبسوط وجدًا......
-
بيت ابو صقر
الكل نامت عيونه الا عيونها كانت تراقب الساعة ودقاتها وكل مره تدق الساعة كان يدق قلبها أضعاف قربت الدخول لساعة 9ص وصارت تحاول تنام لانها لازم ترتاح وكانت تغمض ثواني وتفتح عيونها ساعات ماكانت تقدر تنام وليلتها باقي عليها ساعات بس مسكت حوالها وصارت تدق على دلال ووعد وسُلاف ماكان احد يرد منهم ابد والواضح الكل نايم الا هي وبعد تفكير وتعب دايم ساعة ونص اخذها النوم ونامت بعمق والنومه اللي كلها حلوم لسَهمها....
-
الرياض 6:00م
بيت ابو صقر
البنات جالسين مع ضيّ يعدلون أغراضها لانها بتطلع للقاعة بكره من بدري وماقدرت تعدل أغراضها وترتبهم لحالها وتبيهم جنبها ومتوتره ومايحتاج نقول ان اديم زادتها بالتوتر فوق اللي هي فيه التفت لضيّ وهي تغمز : يابنت اقول لتس واضح مستعجل الأخ متحمس
ضيّ مسكت المخده وضربتها فيها: اديم لو ماتسكتين بصفقك
ضحكت اديم بقوه : طيب طيب بسكت
ضيّ ودموعها متجمعه بمحاجرها: بنات وربي التوتر اللي فيني مو طبيعي احس بموت من التوتر خلاص ماعاد ابي اتزوج
وعد قربت مسكت يدها: شوفي بقول لتس تجربتي ودلال تقول لتس وصدقيني بترتاحين بعد كلامنا وانت ببدأ لتس
وبدت وعد تحكي تجربتها بالزواج لضيّ: الزواج شي حلو ترا مو شي شين ابد بالعكس حياة جديده واشياء جديده راح تكتشفينها ومن ناحية المشاكل والهواش شي طبيعي بيصير بين اي زوجين لو عن حب اكيد بيصير بس بتنحل بالتفاهم وتراه مره مايخوف كل شي حلو والشعور والإحساس واحمدي ربك مو مغصوبه عليه وتبينه ويبيك
تقدم دلال وجلست: دوري الحين اقول لتس الزواج مثل ماقالت وعد والله مره حلو "تنهدت بقوه وبحب وبكل المشاعر لما تذكرت حمد" والله أحلى أيامي عشتها مع حمد ياهو دلع ياهو حب وش اقول وش اخلي ياضيّ حرفيًا عايشه ملكة مللككة بس اكيد ماتدوم هالعيشه بس مو معناته شانت عيشتي بالعكس بس الزواج بشخص تبينه وتحبينه مره حلو وحرفيًا العيشه فيه زي العسسللل
انقطع كلام دلال لما طلع صوت سُلاف اللي صدم الكل من شوحها لزواج رغم اللي ذاقته من عِنان والبنات يسألون انفسهم هل لي باقي تدافع عنه ولا بس تبي تحلي الزواج بعيون ضيّ وماتخوفها
بدت سُلاف بالشرح لضيّ الزواج من ناحيتها وبكل حب: ضيّ حبيبتي صدقيني الزواج شي حلو اذا كان مع الشخص الصح وانتي اكيد مااخترتي سَهم الا انتي تحسينه الصح لتس وترا سَهم رجال كفو وانا اشهد له والله مو عشانه اخوي بس والله العظيم انه اقرب لي من ابوي هو اخوي وحبيبي وأبصم لتس انه بيعيشتس بعيشه زي العسل وزي ماتتمنين واحسن بعد الزواج مره حلو لا تخافين وبكره ليلتتس لا تخافين وعيشيها بكل تفاصيلها وبكل حب
ضيّ ابتسمت بين عيونها الدامعة: الحمدلله اني عندي خوات مثلكم الحمدلله اني تعرفت عليكم وانكم جنبي يأطهر قلوب خلق الله احبكم والله
أديم: يالدراما وحنا نموت فيتس يروحي
وعد: يلا عاد خلوا عنكم الحب ويلا قوموا بنات بنروح
ضيّ فزّت : وين وين؟؟
وعد: حبيبتي رتبنا معتس كل شي وتكلمنا وسولفنا الحين بنروح نرتب أغراضنا حنا ونبي نخلص أشغال قبل النوم
ودعوا بعض البنات وطلعوا وضيّ رجعت ترتب أغراضها وهي تفكر بكلامهم وتحاول ماتوتر نفسها وماتخاف
-
صباح الخير او صباح اليوم المُنتظر والحافل بريحة البخور والعطور وطرف حافل بريحة والميكب والاستشوار والطرف الثاني حافل بالكبك والبشت والعطور الرجالية والفرحة اللي يشَع بالقلوب
الساعة 4:00
صحى من النوم وهو يحس اليوم فرحته شي من الخيال من الفرحه قام من السرير وتروش ولبس ووقف قدام المرايا وصار يناظر نفسه وثوبه والبشت المعلقين على الدولاب تنهد بحب وابتسم والتفت للباب اللي انفتح ودخلوا منه العيال قربوا يسلمون عليه وعِنان صار يستنشق ريحة البخور والعطر: اوفف يالريحة من قدك ياعريس والله الريحة بتجيب البنت من أجلها
ضحك والتفت للمرايا يتعدل: البس ولا بدري؟
براء تقدم وضربه مع رأسه بخفه: بدري بدري
سَهم: متى البس ياخي الوقت بطيء
حمد ضحك: معليه حاس بشعورك مااقدر انقد عليك
سَهم صرخ بتوتر: ومتتتىى البسسس!!!
فواز انهار من الضحك: البس الساعة 6 كذا بتلبس الحين وين تروح تسندر على السرير لين يجي الوقت
تأفف بضيق وجلس على السرير ينتظر الوقت يمر بسرعه
تقدم تركي وحط يده على كتفه: معليه بيمر الوقت وبتعيش شعورك بتفاصيله وبكل حب انتظر بس
-
الساعة 10:30 بالقاعة
امتلت القاعة بالناس والاهل والأقارب والفرحة تعم بين الناس والانوار اللي تملى المكان والأصوات الفرحانه والأطفال والأماكن المليانه فرح وحب والقاعة الفخمة اللي تعبر عن جمال الزواج وفخامته واللوحة اللي تستقبل الضيوف عند البا وعليها أسماء العروسين
«ضيّ الخَالد&سَهم العَبدالعزيِز »
&
« أفرَاح آل حَامد& آل صَقر»
كانوا البنات فوق عند عروستنا يتعدلون ويعدلونها ويلبسونها الأبيض ويزفونها لسَهمها التفت لااديم اللي باقي ماراحت من عندها:اديييم بالله عطيني ورقه وقلم انا جايبتهم شوفيهم على الطاولة
أديم رفعت حاجبها بأستغراب: شتبين فيهم؟
ضيّ:عطيني وانتي ساكته يابنت الناس
أديم وهي تجيب لها الورقة والقلم: انا شفت عروسه مريضه بس مثلتس ماشفت
ضيّ تضحك بسخرية وتمد لها ورقة وقلم: طيب شرفي وديها لااخوك خليه يكتب عليها
أديم: وش يكتب يابنت
ضيّ: قولي له ذي من ضيّ اكتب لها رسالة وهي كذلك يلا بسرعه
أديم وهي طالعه: قايله انتس مريضه الله يعين سَهم بس
مسكت القلم بتمعن وبدت تكتب عن مشاعرها باليوم اللي صار فيه سَهم"زوجها" وصارت"حِرم السَهم" وبدت تكتب عن المشاعر اللي تفيض داخلها وبكل حب وفرحة تكتب وهي تبتسم والفرحة تغمر قلبها وكأن قلبها يطير من الفرحة والحب وكل شعور يحمله بداخله حاليًا بدت تكتب وتكتب وأنهت كتاباتها بتوقيع بسيط منها وكتبت على طرف الورقة"من ضيّ السَهم" راحت أديم لقسم الرجال وصارت تدور احد تعطيه الورقه وكانت تشوف طفل قدامها وتحاول تناديه وهي ماتعرف اسمه انتبه عليها جسار وراح عندها : شبغيتي أخت أديم تنادين البزران؟
أديم فزّت بخوف وشهقت: جاي من وراي لييهه وقفت قلبي عمى للعدو
ضحك على شكلها: اسم الله عليك وعلى قلبك
نزلت رأسها للورقه مدت يدها واعطتهم جسار: ودّهم لسَهم قول له من ضيّ خله يكتب شعوره اليوم
ابتسم وصار يتأمل جمالها وعيونها اللي ماجاب أجل جسار غيرهم تنهد بقوه وهو جمالها كثير كثير عليه صار يتأمل فستانها اللي باللون الوردي الفاتح ابتسم وهو لمعته تجذب أنظاره بتأملها شاف كيف وجهها أحمر من الخجل ضحك وصرخ وهو يغني : توردت وجناتُها ياليتني أحظى بتقبيل الورود وألثمُ
حست فيه وبنظراته دفته وتعدت من جنبه ضحك بقوه وسند نفسه على الجدار وتنهد بقوه قام وهو يطلع ويرقص ويغني اغنية المُفضلة اللي كل ماشافت أديم يتذكرها:محبوبتي مغرورةً لا تهزمُ لا تنحني لا تنثني لا ترحمُ مُحتالةً وعنيدةً لكنها ما أن تراني ثائرًا تتبسمُ
-
بدأ الزواج والكل بدأ يجي والحب الكل يشوفه بعيون ضيّ وعيون سَهم اللي مو قادرين يخبون الحب أبدًا بدأ الرقص وحلاوة اليوم
وعند البنات اللي جالسين على طاولة خاصة بأهل العريس التفت سُلاف لدلال: دلال ابي جوالتس شوي
دلال: ابشري من بغيتي ادق عليه؟
سُلاف: عِنان
دلال: زين
مسكت جوالها ودقت على عِنان وبعد دقايق وصلها صوته: هلا دلال
سُلاف بنبره فيها غصه: عِنان
عِنان فزّ اول ماسمع صوتها وخصوصًا نبرتها:سّمي شفيتس
سُلاف: ابيك تعال
عِنان: من عيوني يلا تعالي بالغرفة اللي فوق
سُلافسكرت الجوال ومدته على دلال :تعالي وديني الغرفه اللي فوق
دلال استغربت: سُلاف فيتس شي وجهتس وصوتتس مو على طبيعته؟
سُلاف: لا بس ابي عِنان شوي وبنتقابل فوق عادي توديني ؟
دلال: اي عادي شدعوه يلا قومي
مسكتها دلال وودتها للغرفه وفعلًا جاء عِنان على طول ودخل وسكر الباب وقرب ومسك يديها : شفيتس بسم الله عليتس
سُلاف بدون رد فلتت يديها وحضنته بقوه عقد حواجبه بأستغراب وحضنها بقوه وهي كل مالها وتزيد بالحضن وتشد على عِنان استغرب تصرفاتها وكأنها تودعه وكأنها اخر مره راح تشوفه جاه شعور غريب وكأنه خايف من هالحضن بدال مايفرح بعدها عن حضنه ومسك وجهها:سُلافي فيتس شي؟
سُلاف هزت رأسها بـ لا وكمل: طيب شفيتس نبرة صوتتس ووجهتس مو عاجبيني احس فيتس شي والحضن اللي جاء فجأة
سُلاف صارت تبتسم عشان ماتوضح له شي وضربت كتفه:اها يعني اذا بحضنك لازم مقدمات شدعوه وحشتني بنص الزواج وناديتك
أبتسم لاابتسامتها رغم انه ماهو مرتاح ابد يحس ورا الابتسامة والحضن شي شي كبيييررر :لا ابد احضنيني مثل ماتبين وانا كلي لتس وناديني بالوقت اللي تبين
سُلاف رجعت وحضنته بدون رد انمحت ابتسامة عِنان وكان يحس بشي مو مطمنه شد عليها بحضنه يحس ماراح يشوفها مره ثانية يحس ذا اخر حضن بينهم تعوذ من بليس واحساسه وبادلها الحضن بكل حب رغم ان سُلاف تحضنه عشان لما تروح ماتنسى ريحته.......
-
« زفة العروس والعريس»
بدت الانوار تنطفي ويفتح باب العروس كان رغم النور الخفيف الا ان لمعة فستانها تسرق النظر لها اشتغل نور خفيف نحايتها وبدت تمشي بخفة وتحس انها تمشي على الغيم مو على الأرض صارت تمشي ودقات كعبها والمُوسيقى الوحيدات المسموعات بالقاعة كانت تمشي وتطالع البنات اللي رافعين جوالاتهم ويصورونها والمُصوره اللي واقفه وتصور الزفة والتوتر يزيد عندها ودقات قلبها اللي تحس صارت أعلى من المُوسيقى وبدت تمشي لحد ماوصلت للكرسي المُخصص بالعروس وصارت تناظر البنات من بعيد وتبتسم لهم وهي ودها تضحك بقوه مو بس تبتسم تحس قلبها فرحان لدرجة وجها مايقدر يطلع تعابير تعبر عن اللي داخلها وبعد دقايق تغطوا الناس وصارت زفة العريس دخل وهو منزل رأسه ورفع رأسه وصار يمشي ولمحها من بعيد أبتسم وهو يحس وده يصرخ من الفرحة بس ماحب يخرب ثقله وهيبته صار يمشي بخطوات سريعه عشان يوصل لها وفعلًا وصل وصار جنبها كان يسرق النظر لها كل شوي كلمة ملاك شوي جدًا على ضيّ هي تعدت الملاك بكثير لدرجة سَهم ماقدر يوصفها....
عند البنات اللي جالسين يتأملون اللحظات الحلوه بينهم حنين طقت رسل:بنت روحي شوفي مازن برا يبيتس
رسل: يااختي روحي انتي قسم مالي خلق
حنين :رسل روحي والله مالي خلق اطلع
رسل وهي تتأفف:طيب طيببب
طلعت من القاعة ووقفت تدور مازن وماشفته وصار تنادي بأسمه وماكانت تسمع اي رد الا ان فيه عيون تراقبها من بعيد ويضحك على نرفزتها ضربت رجلها بالأرض وماانتبهت للمويا وزلقت والفت يدها وصارت تصرخ وجاها يركض نزل لها بالأرض:شفيتس بسم الله
رسل وهي تبكي: زلقت ويدي توجعنييييي
هتان وهو يمسك يدها : شكلها الفت خليني اشوفها
رسل: ابي حنين صوت لها
هتان : قدامك دكتور طول بعرض وتبين حنين
سكتت وهي تركز بالصوت رفعت رأسها:هتاننن!!!
ضحك بقوه: اي هتان شفيتس انتي وبعدين شوفي وجهتس كيف صار كله كحل من البكي
نزلت رأسها بخجل ومسك يدها: امزح تهبلين عطيني يدتس اشوفها
مسكها وصار يحركها وهي تتوجع : توجعك مره؟
رسل هزت رأسها بـ اي: انتظري دقيقه لا تتحركين
قام وطلع وهي تضرب رأسها من الفشله كيف بكت قدامه وطلعت بشكل سيئ بعد دقايق جاها ومع مرهم ومسك يدها ودهنها بمرهم ولفها لها : خلاص بس انتبهي لها وبعدين شفيتس انتي وكيف زلقتي؟
حكت رأسها بخجل: كنت ابي مازن ومارد علي و...
ضحك وقاطعها: وعصبتي وضربتي رجلتس بالأرض وماانتبهتي للمويا وزلقتي
رفعت رأسها وهي منصدمه يعرف كل السالفه ليه يسأل:ودامك تعرف كل شي تسأل ليه!!
هتان رفع كتفه بعدم مبالاة: بس اسأل يمكن فيه شي ماقص
رسل: كنت تشوفني؟
هتان هز رأسه بـ لا:بالصدفه
حست ودها تذبح نفسها ذي ثاني مره تتفشل عنده بسؤالها الغبي تحسبه مهتم فيها طلعت بالصدفه وعصبت وقفت وقالت بصوفت عالي وواضح العصبية:اها اوكي يلا بدخل شكرًا للمساعدة
أبتسم وعرف انها عصبت: امزح معتس كنت اشوفتس من لما سمعتتس تنادين مازن بقوه انا مااشوفتس هالمره وبس يارسل انا اشوف كل تفاصيلتتس اللي مو شايفتها مثلها مثل الشامة اللي ورا اذنتس وقريبه لشعرتس محد يشوفها وأبصم بالمليون ماشفتيها ولا تعرفين مكانها بس انا اعرف وشفتها
أرتبكت من كلامه وتمنت لو ماسألته ابد وكلامه من الشامة اللي هي ماتعرفها اصلًا: كيف شفتها؟
هتان طنش سؤالها : يلا ادخلي وانتبهي ليدك
بادرت بالسؤال اللي مشتتها فترة طويييلههه وصدم هتان هالسؤالي وانها باقي تفكر بالموضوع نفسه: بتتزوج شّجن؟
هتان عقد حواجبه من سؤالها والتفت لها: صادقه تسألين هالسؤال؟
رسل:ماني جايه امزح معك اي صادقه
هتان ضحك بسخريه: اذا بعد كلامي ذا وتسأليني اذا باقي ابي شّجن ولا فهمتي من كلامي شي ف بقول لك اي ابي شّجن وبتسمعين بخبر الخطبه قريب ان شاءالله والعفو ويلا مع السلامة
طلع من عندها وهي مصدومه من كلامه يتغير بالدقيقه والثانية نزلت دمعتها من كلامه وصارت تسترجع كلامه لها قبل ذا الكلام وفهمت انه يبيها ومايبي احد بس هي خربت كل شي قاعد يصلحه هتان بينهم دخلت الحمام"تكرمون"عدلت الميكب والفستان ورجعت للقاعة......

السلام عليكم حبايبييي عُدنا والحمدلله وحشتوني مرههه🥹🥹🥹
اتمنى البارت ينال اعجابكم ولا تحرموني من كومنتاتكم ورأيكم العسلل
ولا تنسون النجمة
وتعالوا انستا "rwiiai1"🤍🤍🤍🤍🤍🤍🤍