جيتني من أقصى دنياي...وصرت الدنيا بعيوني

البارت-30

-
الديره 11:30م
وصلوا لديره بعد احلى مشوار بحياتهم رجعوا بعد احلى خبر ممكن يسمعونه رجعوا وهم حاملين الفرح بين ايديهم ووعد حامله الفرح ببطنها وصلوا والتفت له: فواز
فواز وهو يناظرها: سمّي ياروحه
وعد وهي تلعب بأصابعه: بروح لااهلي ببشرهم
فواز وهو يحط يده على خدها : ياامي الوقت متأخر ويمكن نايمين الحين واذا جيتيهم بالوقت بيخافون يحسبون فيتس شي خليها الصباح تروحين ويكونون كلهم صاحين وتبشرينهم احسن
وعد وهي اقتنعت بكلامه: تمام اللي تشوفه
مسك فكها بيده ولف وجهها له وقرب وباس منطوقها بوسه طويله وتحمل الحبب بكل معانيه: احبكِ يأجمل أم بالدنيا
ابتسمت بخجل ومسكت يده وباستها : احبك يأجمل أب بالدنيا
وصلوا ونزلوا لبيتهم وكانت يوم ولا احلى الأيام
-
صباح اليوم الثاني بالرياض 8:11ص
بيت ابو صقر كانوا جالسين ومبسوطين والكل يغمره الفرحة كون ان خالهم سلطان بيجيبهم اليوم بعد سنين وهو كان برا يدرس...
ضيّ وهي واقفه عند باب غرفة جسار تطق عشان يقوم يوديها تشتري بعض التجهيزات: جساروه افتحححح
جسار وهو توه يصحصح من صراخها: بنت لو ماتسكتين بقوم عليك
ضيّ احتارت كيف تطلعه وتعرف مايطلع لها الا اخر الليل وهي تبي تروح تفطر وتجهز الأغراض وفكرت بشي واحد يخليه يفز من مكانه سوت نفسها تكلم على الجوال عند باب غرفته: اهلًا وعد اخبارك اخبارك ادييييم "رفعت صوتها يوم نطقت اسمها" امااا احلفييييي وكيفها الحيين
فز من مكانه ووقف عند الباب حست فيه عند الباب وهي تركض وتنزل تحت فتح الباب ونزل يركض وراها : ضيّوه
ضيّ بعدت الجوال عن اذنها: خير؟
نطق وهو يحك رقبته: مين تكلمين
ضيّ وهي ترجع الجوال لااذنها: وعود حبي اكلمك بعدين سلمي لي على ديمي وبكلمك شوي افهم الموضوع" وسكرت والتفت له" مالك دخل
جسار: بنت تكلمي اديم فيها شي
ضيّ بعناد: مابقول
جسار : ضيّ احسن لك قولي
ضيّ وهي تجلس على الطاوله: صار لي ساعه ادق الباب عشان تفتح لي ونروح والحين جاي ركض عشان اديم
جسار: وعد اوديك بس قولي لي وش فيها
ضيّ: ودني واقول لك
جسار وهو يقوم ضرب رأسها بخفه: طيب قومي البسي
قامت ولبست وراح للغرفه تروش ولبس وطلعوا وهم ماشين للمطعم
التفت لها بملل: ضيّ
ضيّ وهي مشغوله بجوالها: ههممم؟
جسار: اديم شفيها؟
ضيّ: مافيها شي يحب
جسار: ضيّ بلا استغباء شفيها
ضيّ: والله صادقه مافيها شي بس عشان توديني
التفت لها وفتح عيونه بذهول سحب خدها وضربها مع رأسها: حمار حيوانه وقليلة ادب كيف تسوين كذا بااخوك
ضيّ وهي تتوجع: عمى وجعتني والله شسوي خلني اخذ فايده من اديم شوي
جسار وهو يرفع اصبعه بتحذير : والله والله ياضيّ ان عدتيها مااعديها لك بالساهل
ضيّ: اوكي اوكي بعد عني
جسار وهو يلتفت للطريق: غبيه
-
بالديره بيت ابو حمد كانوا جالسين على الفطور وكلهم يسولفون ويضحكون الا رسل اللي كانت ماهي معهم ابببدد ساهيه بكل شي صار تحس كل شي غلط مو مرتب بعقلها جالسه تسترجع كل شي صار لها امس بالليل.....
"بالليل وهي طالعه من بيت ابو عِنان شافته قدامها وكلمها وشاف انها باقي متكبره عليه وماهي معطيته وجهه وهو يدري بحبها له قرر يبادر بشي بيزعلها ويزعله قبلها: باركي لي قبل تروحين
التفتت له رسل بأستغراب:على؟
هتان وهو يرجع يجلس ويشرب شاهي: بخطب
فتحت عيونها بذهول وانصدمت من اللي سمعته هو صدق ولا يمزح ؟؟ لا اكيد يمزح مستحيل يخطب كيف يخطب وهو يحبها معقوله ماحبها اصلًا كان معجب وانتهى الاعجاب؟؟؟
رسل بلعت ريقها: ومين تبي تخطب؟
هتان عرف انها غارت ووصله شعورها: شَجن
رسل وهي تحي من كلامه ونبرة صوته صادق ومايمزح معها ابدد: بنت ام محمد اللي اخر الحاره؟
هز رأسه بـ اي نزلت دمعتها لا شعوريًا حست ماهي قادره تنطق ولا كلمة تحس انها ناشبه بحلقها ماهي قادره تطلع اببدد قدرت تنطقها: ماشاءالله الله يوفقك ركضت ترجع للبيت وهي تحمد ربها مايشوف عيونها كيف انهمرت بكي هو صادق طيب كيف وليه البنات ماقالوا شي ابد؟؟؟؟
-
الرياض 6:00م
كانوا يتمشون وعايشه احلى وقت لانها طلعت من المستشفى وشافت الدنيا وصارت تتنفس وتشم هواء ربي ابتسم وهو يناظرها كانت تبتسم وتناظر للشارع كأنها من زمان ماطلعت رفع يده وحاس بشعرها التفت له وهي مبسوطه : وين بتروحين الحين؟
سُلاف: نبي ايسكريم نفس ماقلت
ضحك عِنان وهي مانستها: من عيوني
ابتسمت له وسرعان مااختفت ابتسامتها: عِنان
رد بدون مايناظرها: ههمم؟
سُلاف وهي تلعب بأصابعها بتوتر التفت وشاف توترها وانها خايفه: شفيتس ؟
سُلاف: ليه تعاملني بلطف كذا؟
انصدم عِنان من سؤالها ماتوقع تلاحظ التفت وهو يشوف عربية ايسكريم واقفه بالشارع: وصلنا له
عرفت انه يتجاهل سؤالها وسكتت نزل وجاب لها ايسكريم اخذته وكملوا طريقهم واكلت الايسكريم التفت له وضحكت التفت لها وناظرها بأستغراب: وش يضحك؟
سُلاف: ماادري مااتخيل شكلك كذا تاكل ايسكريم
عِنان رفع حاجبه: وليه مااكل ؟
سُلاف وهي تضحك: مدري ياخي هيبه طول وعرض وشوارب وعقدة حاجبين ابد مايقول تاكل ايسكريم
فتح عيونه بذهول: وليه محرم علينا؟
سُلاف: لا مااقصد بس مدري اللي يشوفك يحلل هالشي وشكلك وانت تاكل غلط بغلط
ضحك ومد يده وحاس بشعرها التفت له: انت كل شوي تخرب شعري انبلشتني ترا
رجع وحاس بشعرها من جديد : وش بتسوين الحين
سُلاف: بقول لدكتور وجعت رأسي
عِنان: اقول بس يلا بنرجع للمستشفى
سُلاف شهقت: تونا طالعين تكفى عِنان
عِنان وهو يهز رأسه بـ لا : نرجع مثل الحلوين وبكره تطلعين
سُلاف زعلت ورجعت ظهرها على ورا وصارت تناظر بالشباك التفت لها ولاحظ زعلها هو مايلومها وكان مخطط لها شي حلو بس الدكتورقال لازم ترجع مايقدر يطول اكثر من كذا ابدًا وهو لاحظ أن رأسها صدع وتلمسه كل شوي بس ماتبي تبين عشان تكمل طلعتها مد يده ولف وجهها ناحيته قرب وباس جبينها: لا تزعلين اوعدتس اعوضتس
ابتسمت وصارت تتأمل الطريق
وصلوا المستشفى ونزلوا ورجعوا للغرفه ودخلت وانسدحت واخذت مسكن وسرعان مانامت لانها تعبت واليوم كان متعب لها بحكم صداع رأسها
-
صباح اليوم الثاني بالمستشفى 10:20ص
كان واقف عند الشباك ويدخن وسُلاف ازعجها هالشي تأففت وهي تكلمه ولا يرد عليها ضربته بعلبة المويا: ولد
التفت لها عِنان: بكسر يدتس طولانه
سُلاف بعصبيه: ياخي ازعجبتني ريحته اطلع برا وبعدين من متى تدخن ؟
عِنان وهو مايناظر لها: مالتس دخل ولا يوصل لااحد عشان لااقص لسانتس وبعدين انا عند الشباك ماني عندتس ماتوصلتس الريحه الغرفه كبيره
سُلاف بصراخ: اوف منك اوف مدري متى اطلع وافتك من مقابلة وجهك
عِنان وهو يناظرها بخبث وبنص ابتسامة: ودتس اسكتتس بطريقي "غمز لها" طريقة فعاله ترا
سُلاف انسدحت بملل: غبي
دخل الدكتور وكان جالس عِنان عند الشباك ويدخن "طبعًا عِنان يدخن بس محد يعرف الا براء وسُلاف" انتبه لدكتور وطفاها على طول والتفت له : السلام عليكم
عِنان : هلا والله عليكم السلام
الدكتور وهو يضرب كتف عِنان بخفه: مايصير تدخن عندها
ضحك عِنان: معليش يادكتور بعدين انا عند الشباك
الدكتور ابتسم: المهم اليوم بكتب لها خروج بأذن الله خلاص مافيه داعي تجلس اكثر
سُلاف انبسطت لانها صدق ملت من المستشفى والجدران وماتطلع ابد الا طلعت امس اللي ماكملت
الدكتور وهو يلتفت لعِنان: تعال معي عشان نخلص الإجراءات
عِنان: زين روح وبلحقك
طلع الدكتور من عندهم وراح عندها وقف وصار يحوس بشعرها : انتبهي بروح اخلص واجي وجهزي اغراضتس
سُلاف وهي تبعد يده: زين يلا روح وتعال
طلع منها وتوجهه لدكتور يخلص الإجراءات عشان يطلعون......