جيتني من أقصى دنياي...وصرت الدنيا بعيوني

البارت-65

-
عند عِنان وهتان ومازن بعيد عن الديره
عِنان التفت لهتان: طيب الحين رسل لها ذنب؟
هتان: تبي تجنني ياعِنان يصير الذنب كله علي ولا عليها ملام
مازن: الذنب كله على شّجن والخطه اللي بنقولها لك هي اللي بنسويها
عِنان وهو يشرب الشاهي : هات الخطه وشي
هتان تنهد وبدأ يقول لعِنان كل شي: ابيك تجيب لي معلوماتها ورقمها وبدخل معها بعلاقة وبخليها تتعلق فيني واكسر ظهرها مثل ماكسرت ظهر رسل وبكلمها واخذ منها كللل شي وتلقاهم عند وليد والله لااعيشها الشعور اللي عاشته رسل ووالله لاابكيها دبل دموع اللي بكتهم رسل
عِنان ابتسم:هد هد حبيبي شفيك عصبت ترا ماني شّجن
هتان تنفس بعمق: ياخي ماعصبت بس اكرهه اللي يضر رسل اكرهه والله لااضرها دبل
عِنان: هتان حبيبي فكر بعقلك اخاف تدور الدنيا وترجع بخواتك
هتان بدأ يصرخ بوجهه عِنان: 4 شههوورر ونصصص وانا اتعذببب واشوف رسل بالبيت ماتطلع ولا تروح ولا تجي نفس قبل لخواتيي وكللل مره اشوف الصور اللي اخذتها من فواز اموت مليييونن مره والله لااندمها ورب البيت لااخليها تكرهه اللحظة اللي فكرت تحبني فيها وتكرهه اللحظة اللي جت فيها لديره بكبرها والله
مازن ربت على كتف هتان: هذا العشم فيك ياولد العم عشت وعاشت يمناك بتاخذ حقها ومانكرتها وسحبت عليها
هتان: اخسى واعقب اسحب عليها
عِنان عرف انه مستحيل يغير رأي هتان لانه اخوه ويعرف عناده : ابد الله يريحك ياحبيبي وابشر بمعلوماتها تجيك اليوم قبل بكره بس خلنا نخلص من عشاء ابوي وابشر
هتان عقد حواجبه: عشاء؟
ابتسم عِنان: اي مسويه لي بعد رجوعي من اول مهمه
مازن وقف: زين يلا قوموا خلونا نرجع دامنا اتفقنا
قاموا كلهم وهتان ومازن مع بعض وعِنان رجع لحاله
-
صباح الخير على الديره وعلى قلب بطلتنا المبسوط برجوع عِنان
6:00م
بيت ابو عِنان اللي يعج بالناس لانه قرر يسوي عشاء برجعة عِنان من اول مهمه له..
كل الناس مجتمعين وأولهم أهل ابو صقر وضيّ وسَهم ببيت ابو عِنان وام سَهم وام حمدان"زوجة ابو سَهم الثانية" والبنات شايلين كل شي ويشتغلون مع بعض ويسوون العشاء وسُلاف وام سَهم واديم وجود بالمطبخ والباقي عند الحريم اديم وقفت وهي تناظر شكلها:هذا وانا ادعي بالغني فقير فقير حارس غنم ماراح يجيني على هالشكل
ضحكت جود: الحال من بعضه الله يسامحك يامنيروه
ضحكت ام سَهم: منيروه اجل قولي عمه ياقليلة الأدب
جود وقفت وصارت تلف لأم سَهم وكانت لابسه بنطلون وتيشيرت ورابطه شعرها على فوق: شوفي تأملي بس تأملي
اديم صفقت لها: واو نظيف وحلو ماشاءالله
ضحكت سُلاف: نظيف وحلو من جنبها
التفتوا لها وقالوا مع بعض: ماجبتي شي جديد ندري
ضحكت ام سَهم: هي شفيكم قتموا على بنتي
انصدمت سُلاف من كلمتها حتى جود واديم انصدموا والتفت وشافت الصدمه بوجهه سُلاف: سُلاف بنتي واللي يزعلها يزعلني
ام سَهم كانت ناويه تعدل كل شي خربته وتعدل علاقتها بسُلاف : روحي يمه اجلسي انتي تعبانه مايصير توقفين كذا عندنا
ماكان يجيها اي رد من سُلاف التفت سُلاف على جوالها اللي يدق وشافت اسمه ردت على طول ووصلها صوته:مشتاق
ابتسمت وكل مافيه يبتسم : زين جايه
عِنان طلع من عند الرجال: تعالي الحديقة
سكرت الجوال وراحت عند المرايا تضبط شكلها وتتعدل التفت على صوت اديم وجود اللي وراها: وين رايحة؟
جود: رايحة للحب ماتشوفينها تتزين
أديم كشت عليها وعلى جود: مااقول الا مالت
سُلاف :قُل اعوذ برب الفلق توكلوا مناك
طلعت سُلاف وراحت الحديقة وشافته واقف ومعطيها ظهره ويدخن وينفث الدخان ويدخن أقوى وهو يتنهد جت من وراه وحضنته حس فيها وأبتسم وهمست:
شيل الزقاره من فمك ياريش العين
وحط بدالها شفتيّ ولا تحاتيَ
زقارتك تذبح وشفتيّ تداويّ
-
ضحك يوم سمع كلامها طلع زقارته من بين شفته ورماها على الأرض وداسها برجله والتفت لها ومسكها وقربها له أبتسم : ورميت الزقاره
ابتسمت بخجل ووجها إحّمر : ليكون صدقت لا طبعًا تبي تخرب كشختي
عِنان ونظراته على شفتها: لا ماراح اخرب كشختتس بس ممكن أخرب روجتس
أبتسمت سُلاف بحرج وبعدت عنه ووقفت عند الورد
ابتسم :ياشبية الورد بين الزهور
والتفت له: تذكر اول مره شفتني هنا
هز رأسه بـ اي: أذكر
سُلاف: ايوه وتذكر كيف هاوشتني واكلتني أكل
ضحك بقوه: محد قال لتس تدخلين مكان مو مكانتس يالملقوفه
سُلاف قربت له ومسكت يده وصارت تلعب بأصابعه:صدق ليه ماتخلي احد يدخلها
ابتسم ومسك يدها عدل: لانها ملكّي ومااحب احد يقرب من أملاكي وش ماكان حتى لو حديقة
سُلاف: حتى خواتك؟
عِنان بحدة: انتي الوحيدة اللي مسموح لها
أبتسم ورفعت رجلينها وباست خده: توقعتني نفس الغير بس طلعتي تميزني
أبتسم وهي فعلًا جنّت على نفسها وهو ماسك نفسه من اول ماجت وفعلًا طبق كلامه وخرب روجها أستنشق هواها يهيّم فيها وبشده طبع قُبلاته عليها وبكل حب ولهفة وشوق وكل مايملك من مشاعر قّبلها وكل مافيه يحبها زيادة بعد عنها وهمس :أنتي أستثنيك حتى من نفسي
بعد عنها وهو فعلًا خرب روجها وصار النصف منه على شفته
ابتسمت بخجل ورفعت رأسها وشافت شفته ضحك بقوه واستنكر ضحكتها:شفيتس؟
سُلاف مدت يدها ومرّرتها على شفته: الروج
مسك يدها وباسها: المهم خليني اقول لتس قبل أنسى عشان بروح الرجال بكره بنسافر
سُلاف عقدت حواجبها: نسافر؟
عِنان: اي اعتبريه شهر عسل
سُلاف ابتسمت وحضنته: الله يخليك لنا
تنهد بقوه: آهه اعشق الجمعع ويخليكم لي يارب
رجعت داخل وهو رجع للمجلس وتوجهه للحمام"تكرمون" ووقف عند المغسلة وشاف بالمرايا كيف خرب روجها وصار الروج بدالها جلس يغسل وجاء عنده براء: وينك ياخـ...
انصدم براء وفتح عيونه بذهول: وش ذااا
عِنان ضربه على ظهره : اسكت وعمى
براء غمز وابتسم: والله وخربت روجها يالحبيب
عِنان مسكه وسكر فمه: اسكت يحمار المهم عجزت امسحه
ضحك بقوه وصار يكح من قوة الضحك:ياربي ياخي اطلع كذا شكلك واو
عِنان صرخ بقوه: براااءءء
جاء ابو عِنان :شفييكمم؟
عِنان حط يده على فمه على طول وبراء وقف جنبه: مافينا شي نمزح
ابو عِنان وعينه على عِنان:شفيك مغطي فمك
عِنان: يبه ضربني براء وانجرحت شفتي ودم وبغسل واجي
ابو عِنان: زين بسرعه وتعالوا
عِنان وبراء مع بعض : ابشر
راح ابو عِنان وعِنان زفر براحة : انقلع عن وجهي لاامسح فيك الأرض
ضحك براء وطلع جواله بيصوره: شكلك تحفة خلنا نحتفظ فيها
وقف عِنان :صور صور براحتك ابد بس هذا وجهي ان اخذت اختي ويلا انقلع
براء شهق بقوه: لا عاد تكفى امزح
عِنان:لو تعتذر سنه قدام مافيه ويلا تقلع
مسح الروج اللي عليه وراح ودخل عند الرجال ....
-
عند البنات
دخلت وراحت للغرفة على طول وقاموا وراها اديم وجود ووعد ورسل وضيّ
دخلت ومسحت الروج كله وشهقت يوم انفتح الباب بقوه:عمى اي والله ماتعرفون تفتحون شوي شوي او ع الاقل تدقون
أديم غمزت: ليه وش وراتس
ماردت سُلاف وتعدل روجها التفت جود لااديم: شوفي كيف الحب مخرب لها الروج
أديم:اشوف اشوف معليتس
ضحكت وعد عليهم بدون ماتتكلم التفت رسل لوعد:انتي مخربه مليون مره مايحتاج نشوف
وعد ضربت رسل مع يدها: أستحي
ضيّ غمزت: مخرب كل شي جت على الروج
شهقت جود والتفت لها: خفييي علينا يالي ماخرب فيها شي
ضحكوا اديم وجود ورسل عليهم والتفت ضيّ: تزوجوا وشوفوا وربي لااستقعد لكم استقعاد بس هين
أديم: اذا تزوجت الغني مابتشوفين وجهي
ضيّ: الغني بالمجلس بيخطبك
أديم رفعت حواجبها ودقات قلبها أرتفعت: مـ...مين ؟
ضيّ ضحكت: مـ.. مين اجل اذا انخطبتي تعرفين
أديم: ضيّ من جد مييين؟
ضيّ:الخيال والفارس وحبيب القلب
طلعوا البنات من الغرفه وأديم يدها على قلبها ....
-
عند الرجال
جسار قرر يتكلم وهو مخطط مع ابوه وكل شي بس ابوه للحين ساكت قرر يتكلم ويفاتحه بالموضوع : اقول ياعمي ابو سَهم
ابو سَهم رفع رأسه: سّم
جسار وهو بعدل غترته: سّم الله عدوك انا جاي وابي اخطب من عندك
ابو سَهم عقد حواجبه: بس ماعندنا بنات لزواج
رفع حواجبه بأستغراب: الا ياعم أديم صديقة ضيّ
ابو سَهم : قلت لك ماعندنا بنات لزواج أديم صغيره
جسار: عادي انتظرها
ابو سَهم بحدة: قلنا مافيييه
جسار بنفس الحدة: ليييه مافيه مثل مااخذتوا بنتنا ولا قلنا شي وانا رجال وش يعيبني ؟
ابو عِنان: استهدوا الله يارجال وانت ياابو سَهم ليه ماتعطيه؟
ابو سَهم: البنت لولد عمها
جسار وقف: لا مايصير هالكلام انا ابي أديم وعيال عمها كلهم هنا فيه احد منكم خطبها او ناوي؟؟؟
محد رد والكل ساكت وكمل:مااشوف احد رد وينه ولد عمها اللي تبيه لها
ابو صقر: جسسساررر لا ترفع صوتك وأهدى
جسار التفت لاابوه: ابيها يبه ابيها ويبي يحرمني منها
ابو سَهم: ذي كلمتي وغيرها ماتنقالل
جسار قال بصوت عالي الكل سمعه حتى البنات اللي جالسين يتسمعون من الشباك: اسمعني بعد بنتك انا احلف لك علي تحرم بنات آدم وبقول لك شي دامني قدامك وحيّ أموت وغيرها يحرم وصصللل
طلع جسار من البيت والكل مصدوم من كلامه وأولهم أديم اللي تبكي بعد ماسمعت رفض ابوها والبنات عندها يواسونها
شوي ودق جوال ضيّ وردت: هلا جسار
جسار بحدة: عطيينييي اديييم
فتحت الجوال سبيكر : تسمعك
جسار:أديم خطبتك وابوك رفض انتي بس قولي لي تبيني ولا لا ؟ والله العظيم مااتركك انتي بس قولي لي ووعد أشب فيهم النار واخذك
أديم اللي كانت تبكي وسمع شقهاتها: اديمي لا لا تبكين وعد لااخذك وعد لااحارب عشانك واوقف بوجيههم كلهم وعد بس ثقي فيني وقولي لي تبيني ولا لا؟
أديم بهمس سمعه جسار: بكون كذبت لو اقول لك ماابيك
جسار ابتسم وأرتاح: اجل ارتاحي والله واللي رفع سبع وبسط سبع ماتصيرين حليلة غيري
ابتسمت والبنات مبسوطين كون جسار يحبها جب نظيف ومايلعب فيها....
-
صباح اليوم الثاني صباح الاشياء الحلوه والحب على عِنان وسُلاف والزعل والتعب والدموع على اديم وجسار قاموا عِنان وسُلاف وصاروا يجهزون اغراضهم للسفره طلع من الحمام"تكرمون" :باقي ناخلصتي من امس ترتبين؟
سُلاف وهي تقفل الشنطة: خلصت
عِنان : يلا سرعه البسي ترا الطيارة باقي عليها 3 ساعات وحنا حتى الرياض مارحنا
سُلاف: شفييك علي خلصت يلا بلبس واجيك
دخلت الحمام وتروشت ولبست وطلعت ونشفت شعرها على السريع وماشافت عِنان بالغرفة وماشافت الشنط لبست وخلصت وطلعت وشافته يفطر مع اهله تقدم وباست رأس ابو عِنان وسلمت على الجالسين :شلونك ياعم
ابو عِنان: الحمدلله يابنتي بخير انتي شلونك
سُلاف: بخير الحمدلله
ابو عِنان: شلون حملك وش تبين بالسفر يابنتي وانتي حامل
سُلاف ابتسمت: لا عادي ياعمي صار لي 5 شهور اقدر اركب طيارة
ابو عِنان: زين روحوا واستانسوا استودعتكم الله
قام عِنان : تبون شي
الكل: سلامتكم
قامت جود: هالله هالله لا تنسى اختك من المُفرحات
عِنان: من عيوني تم وابشري
سُلاف: ابشري معليتس ولو نساها انا بستقعد له
جود: تعجبيني ياحَرم اخوي
سلموا عليهم وطلعوا وركبوا السيارة وتوجهوا للرياض وتحديدًا المطار.....
-
بيت ابو حمد تحديدًا غرفة فيصل
كان منسدح ويتأمل السقف مانساها ولا نسى شكلها ولا جمالها صار يفكر فيها بكثره معقوله فيصل يوصل لمرحلة الحب؟؟ معقوله صارت تلعب بقلبه بعد ماكان يلعب بقلوب البنات؟
همس بأستغراب: كيف تخاف من الدم؟
مسك جواله وبحث عن خوف الإنسان من الدم وطلع له موضوع "فوبيا الدم" وصار يقرأ عن الموضوع مره مرتين ثلاث وصار يقرأ كيف ممكن يعالج الشخص هالشي؟ وصار يقرأ ويقرأ ويقرأ وهو مقرر يطلع شّجن من اللي هي فيه لانه واضح عليه انه حبها حب مو طبيعي...
-
مطار الرياض...
دخلوا والرحله باقي عنها ساعة دخل ودخل أغراضه وسوا جوازه والتذكره وجلسوا على الكراسي بالصالة لين وقت الرحلة
التفتت له: وين رايحين؟
عِنان: اذا وصلنا تشوفين
سُلاف بتمثيل لزعل: عِناننن قول لي مااحب انتظر
عِنان هز راسه بنفي : لا تحاولين
سُلاف: طيب مطولين؟
عِنان: تقريبًا
سُلاف: اوف منك عِنان ماتوضح لي ولا شي
عِنان مسك على خدها : شفيك ياامي خلاص اذا وصلنا تعرفين لا تخربين المُفاجأة
سُلاف استندت على الكرسي وكتفت يدينها: اوك
تقدم ومسك يدها: احب الزعولين انا
سكتت وبقى ماسك يدها ينتظرون تصويت لرحلة
وفعلًا بعد دقايق صوتوا لرحلتهم قام ومسك يدها ومشوا مع بعض وركبوا الطيارة وجلسوا جنب بعض وهي كانت عند الشباك وعِنان جنبها ابتسمت وصارت تتأمل مع الشباك لكن للحظات غمضت عيونها وشدت على يد عِنان اللي انجرحت من أظافرها لكن متحمل واول ماتوازنت الطيارة فتحت عيونها وشافت كيف هي شاده على يده وبعدت يدها وشافت الدم التفت لوجهه وشافته مبتسم وهمست: اسفه بس خفت
عِنان: بعيدًا عن كل شي كل مره تركبين طيارات ماخفتي الا هالمره؟
سُلاف وهي تطلع لزق من شنطتها وتحط على جرحه: من قال كل مره اركب فيها طيارة لازم اخاف
مسك يدها وسحبها ناحيته وصار خشمه على خشمها قال بحدة: ومين كنتي تمسكين يده؟
سُلاف توترت من قربه: ماكنت امسك يد احد امسك نفسي بنفسي
تنهد ورجع لكرسيه ونام ونامت معه لين مايوصلون لدبُي
-
بيت ابو عِنان
جالسين يتقهوون هتان وعبدالعزيز وعبدالمجيد وجود وابو عِنان فزّ هتان على رسالة وصلته من عِنان وكان فيها معلومات شّجن أبتسم بأنتصار واخذ رقمها وارسل لها على طول "صباح الخير" وهو مقرر ينهيها نهي
وصله الرد على طول منها والواضح انها فاضيه
"صباح النور,مين؟"
ابتسم وكتب"اخبارك شّجني"
"تمام بس مين"
"انا عبدالعزيز"
"عبدالعزيز مين"
"ولد ابو عِنان"
"ايش تبغى؟"
"احبك"
شّجن ارتبكت وكل مافيها توتر ولا ردت عليه وابتسم وعرف انه جاب أجلها ارتفع صوته ينادي لعبدالعزيز بالحوش وجاه على طول : شتبي
عطاه الجوال وشاف كل شي وشهق: عمى اي والله مين ذي وانا شدخلني احبها يحمار
هتان: خطه
عبدالعزيز رفع حاجبه: خطه ومسويها بدوني وبأسمي بعد وش ذاااا الغغشش
هتان ضرب رأسه:بعدين اعلمك
عبدالعزيز: طيب

أهلًا احبابي وحشتوني
رأيكم بالبارت العسل؟🤍🤍🤍🤍🤍
تعالوا انستا لاني انزل قبل ماانزل هنا rwiiai1
أدعموني بالنجمة ورأيكم العسل عشان نكمل🫶🏻🫶🏻🫶🏻