جيتني من أقصى دنياي...وصرت الدنيا بعيوني

البارت-10

-
بيت ابو سَهم وتجهيز لزواج وعد القريب كلهم يتجهزون واولهم عروستنا وعد
دق الباب وهي تشرب شاهي بالحوش قامت بتفتح
وعد: مين؟
: انا يابعد كل من لي
وعد ابتسمت بمجرد انها سمعت صوته: ليه جاي زواجنا ماباقي عليه شي
فواز: يابنت افتحي عجزت اتحمل شوقي والله
وعد بضحكه خفيفه: تحمل
فواز: وعد افتحي
فتحت وعد الباب ودخل فواز: بس بس وقف عند الباب مااسمح لك تكمل
فواز رفع حاجبه: عفوًا حبيبتي لييه؟
وعد: لان بس تسلم وتروح مايصير تجلس
فواز: جاي لزوجتي محد له دخل
دخل فواز وجلس مكانها عند الشاهي
وعد : قوم حبيبي ذا مكاني بسرعه
وقف فواز وقرب لها قرب أرعب وعد : عيدي اللي قلتيه
وعد بتوتر: وشـ وش قلت
فواز: اللي قبل شوي عيديه تكفين عيديه
وعد: قوم ؟
فواز: لا اللي بعدها يابنت
وعد : عن مكاني؟
فواز: بنت تكلمي عدل اللي قبلها
ضحكت وعد بطول صوتها وقالت بخجل: حـ حبيبي
فتح حضنه وحضنها وشد عليها وتنهد بقوه: ياضحكتتس اللي مقيدتني بالرضا الدايم يابعد حبيبتس وخلان حبيبتس امري يابعد دنياي انتي تدللي بس وانا اقول امري وتحت امرتس يابعد كل سمياتتس
وعد نزلت رأسها بخجل وحاولت تبعد عن حضنه لكن هو شاد عليها: فواز خلاص اطلع قبل يجون أخواني
تركها فواز ومسك وجهها بكفه: لو تبيني اروح لأخر الدنيا رحت امري وتدللي
باسها فواز مع خدها وطلع من البيت ووعد واقفه بمكانها تراقب مكانه اللي كان فيه قبل ثواني وابتسمت وتنهدت تنهيده قويه اثبتت لها حبها لفواز اللي مهما كان ماتقدر تنكره
-
بيت ابو عِنان
اليوم رجعت عِنان من الرياض بعد المهمه او الهروب عن الزواج البيت مليان أصوات وريحة بخور وفرحة ام عِنان وابو عِنان وفرحة خواته واخوانه
دلال: نورر البيت ونورت الديره بكبرها يابعد روحهم
عِنان ابتسم:يأني مشتاق لهم شوققق مايعلم فيه الا الله
جود: حتى حنا مشتاقين لك لدرجة الزعل
عِنان: اوف اوف زعل مره وحده طيب قومي جيبي حطي لي غداء بموت جوع وبعدين اراضيتس
جود قامت: بطنك اهم من اختك حلو حلو ياعِنانوه
عِنان: نعم يأختي العزيزه اهم ويلا وريني قفاتس عشان لااقوم عليتس
كلهم اعتلت أصواتهم بالضحك
هتان: وش ذا الغش انت تجي وانا بروح متى اجلس معك؟
عِنان: ليه متى بتروح
هتان: والله ماشي بكره ولا بعده انا وحمد
دلال يوم سمعت اسمه قلب وجهها وكأن الكلام قاعد يتردد برأسها ولا هي قادره تنساه
عِنان: زين زين درب السلامه بس عندي لكم خبر
هتان: هات خلنا ننبسط شوي
عِنان بأبتسامه: خويي بالدوام خطب مني دلول
هتان بضحكه عاليه: اووو دليل انخطببتتت
جت جود تركض: مين مين اللي انخطبت
هتان اشر على دلال: دليل
جود: دللاااللل
هز راسه وهو يضحك
جود حضنتها:ييوو حبيبتي اختي مببروككك
بعدتها دلال: هدو حبايبي من قال اني وافقت؟
عِنان: وليه ماتوافقين؟
دلال: احتاج تفكير وش ذا تبي اوافق على طول
عِنان ابتسم وحط يده على كتفها: ابد على راحتتس يبعدي وتراه رجال وكفو ولو بيدي ياخذتس اليوم قبل بكره لاني اثق فيه واثق بيخليتس سعيده طول ماانتي بحياته
دلال ابتسمت تطمنه: زين يصير خير ان شاءالله
راحت لغرفتها وجلست على سريرها وكلام حمد مو راضي يطلع من بالها وهي عارفه انه يحبها بس قررت تكسر خشمه وغروره وقررت توافق.......
-
صباح اليوم الثاني قبل الزواج بيوم البنات مجتمعين عن وعد يساعدونها بالاشياء اللي تحتاج لها مساعده
وعد ماسكه يدها وهي ترجف:ياربي بنات كل ماقرب الوقت الخوف يزيد
حنين: ياروحي ياوعد والله شي طبيعي الخوف حتى لو شخص تحبينه ولو تكرهينه لو شخص عادي بالنسبه لتس بأي شكل من الاشكال لازم الخوف والربكة لانتس بتطلعين من بيت عشتي فيه سنوات وبتعيشين مع شخص جديد وحياه جديده ف شي طبيعي تخافين ومعليتس بتتعودين وفواز والله مو عشانه اخوي بس ترا طيب وحبوب رغم عصبيه وماقد شفت هالطيبه الا اني اجزم ان مافيه اطيب من قلبه
وعد: شكرًا ياحنين وربي خففتي عني شي كبير وصح كلامتس وخلاص بأذن الله بصير تمام
وكملوا البنات سهرتهم وجاء اخر الليل وجاء عبدالعزيز ياخذ خواته جود ودلال
دلال: يلا بنات باي اخوي
وعد: دقيقه بس بنات باخذ رأيكم بشي وتطلعون
حنين: يلا قولي لهم وانا بقوم اسوي شاهي
جود:لا تسوين عزيز برا
حنين: اسوي لوعد عشان يخفف توترها مو لتس ارتاحي
كشرت جود عليها وحنين طلعت
وطلعت للحوش تجيب منه نعناع وسمعت صوت برا
تقدمت عشان تسمع بوضوح سمعته وهو ينادي: دلاللللل جوودددد ويطق الباب فتحت الباب وهي معصبه من صراخه اللي عم زوايا الحارة كلها: شفيك ياخي الناس نايمه واخر الليل تقدر تقصر صوتك
عبدالعزيز: طيب طيب صوتي لخواتي
حنين: ماراح اناديهم وبشوف وش بتسوي
عبدالعزيز عصب لانه كان تعبان ومو رايق دف الباب بكل قوته وطاحت حنين على ظهرها لانها كانت متمسكه بالباب فتح الباب وشاف منظرها طايحه كانت لابسه فستان ازرق ماسك على جسمها برباط من ورا وبنص اكمام وشعرها مفتوح وماسكته من قدام نطقت وهي ماسكه ظهرها: وجع عساك للكسر كسرت ظهري
عبدالعزيز بعصبيه: تستاهلين محد قال لتس تطولين لسانتس وتعاندين
سكتت حنين وماردت عليه وهي تتوجع وماسكه دموعها عبدالعزيز خاف انه صار لها شي وفعلًا وجعها نطق وهو متوتر: وجعتتس؟
حنين سكتت وهي عارفه لو ردت بتبكي من قوة الوجع هزت راسها بـ لا رفع عينه لها انصدم من اللي قاعد يشوفه عيونه ماهي راضيه تنزل كانت جميله بشكل لا يُعقل وجمال الفستان اللي بارز جسمها ومحليه وشعرها الكثيف الاسود اللي مغطي نص ملامحها لف نظره عنها وتنحنح: يابنت فيتس شي قولي لي اساعدتس
حنين: تخسي اخر واحد اطلب مساعـــ...... سكتت لمًا رفعت رأسها وشافت وجهه وتتذكر وين شافته وعرفت انه نفس الشخص اللي صدمت فيه وانكب الحلا
نزلت نظراته لها واستغرب انها سرحانه بوجهه
عبدالعزيز ضحك: مضيعه شي بوجهي ولا انا وسيم بزيادة
حنين انتبهت على نفسها ونزلت عيونها وحاولت توقف: ارجع واقول لك تخسي وكنت سرحانه لاني عرفت انك نفس الشي الغبي اللي صدم فيني وانكب الحلا حقي غبي وقفلت الباب بوجهه وعبدالعزيز استرجع الموقف اللي صار وضحك بطول صوته وسمعته حنين وضحكت من ضحكته وبعدها تداركت نفسها ونطق: غبي
ورجعت للبنات تناديهم وطلعوا ورجعوا للبيت