تحضى نار قلبي
حلقة 64
........
تفاعلو على فقرات البارت
تابعو حسابي الانستا org_bl
وحساب الواتباد
بعد ما رجعنا من بيت سرور راح بنيامين جاب اكل ورجع
كعدنة اكلنا وغسلتلاالمواعين ورجعت تمددت وحطيت راسي على رجل بنيامين
غرسر اصابعة بشعري وحجة بهدوء
- ليش نمنمتي ضايجة ومو على بعضها
غمضت عيوني وحجيت بهمس
-سرور ماتعرف تتصرف وخايفة عليهم هي وياسين
رد بعد مبالا
-بالنسبة لام نارفين من زمان متسرعة وتعجل اخرة تصرفاتها
وياسين ينخاف منة موعلية وهو الوحيد الي يسطر على ام نا رفين
تنهدت وحجيت
-لو مو ياسين الله اعلم بسرور شحالها
رد
- لا تخا فين عليها ملعبة تعيش لو تخلها بنص الثعابين
بعدنا نسولف اندكت الباب ابتعدت عن بنيامين وهو كام للباب
لحضات وسمعتة يكول
-نمنمة زوجج هنا
استغربت وكمت طلعت لكيت سرور
- سيري صاير شي
طلع بنيامين للشارع اقل الخمس دقايق رجع يهز براسة
صد علية وكال
-داخل للبيت كملي ودخلي
دخل بنيامين وصديت على سرور حجيت
ليش شكو شصاير هيچ وجهج متگلب؟
ارتاكت على محجر الحديقة مقابيلي وزفرت نفسها
لهمت شفايفها وأردفت بهدوء..
_صار خلاف بسيط بيني وبين ياسين وتركت البيت وأجيتچ.
عقدت حواجبي
وحچيت:وشنو هل خلاف إلي خلاچ تطلعين من البيت ساعة ثمانية؟
صفنت بوجهي
وحچت:كل ما في الامر ياسين مخلي تطبيق تعقب مااعرف شنو بحيث كل مكالماتي تتحول اله وماخذ جهازي من البارحة باليل ومن رحت لمطعم عساف تجاوز بالكلام وياي يعني مختصر كذبت على ياسين من سالني وهوَ طگن خبالاتة علية خاصة بعد ما تجاوز عساف.
رمشت أكثر من مرة و رديت عليها
_ليش هيچ سويتي ياسين ما يستحق هيچ تكذبين علية لان هو حييل بحبچ
وانتِ بهل حالة خلقتي فجووووات بينكم
سيرينا حاولي تصلحين هل خلافات قبل لا تكبر وتتأزم.
سرور:هسة تستقبليني لو شلون عوفي المشرحچي مالي خلگة هسة.
منال:متأكدة أنتِ سرور نفسها إلي راحت لكربلاء؟
هزت أيدها وگالت
_ نمنوم تسوين فضل إذا تطلعين الغثة مالتچ.
عقدت حواجبي وحچيت
_شنو ما فهمت؟؟.
ردت بدون نفس
_،بنيامين خلي يروح يم أبن عمة مدري عمتة.
بعدني هستوني أريد أحچي وسبقني بنيامين يگول
_والله يا ست ام نار تسوين فضل لو تشوفيني عرض اكتافچ وتروحين تنهين هل خلاف إلي بينچ ما بين أبن عمي.
ردت سرور: والله لو تكرمني بسكوتك أفضل ،بيك زود حافظ على منال إلي أحتمت بينا وأجت ويانا مو بس تبيع مواعض براسي.
على گولت أبو لمثل نجار وبابة مخلوع ينصح ويوعض وهو الغلط من راسة لساسة.
عيوني ما فارقن بنيامين إلي أبتسم بطرف شفتة وحچة
_على الاقل اني معروفة شغلتي وما لاعب على الحبلين وزواجي الاول أنتهى بوفاة زوجتي مو لان زوجتي عايشة واني متزوج الثانية وأنتقم من أخوها لان هوَ شارك بأذيتي.
ونصيحة لوجه الله ام نار يكفيچ غرور وتكبر وكلچ خلك محامية لا شغلة ولا عمل
عوفچ من ضميرچ لان أنتِ عمرة ضميرچ ما يصحى.
تركنا وطلع من البيت
سحبتها من كتفها وحچيت
_يلا تعالي المن هل وگفة مالها معنى.
زفرت نفس قوي وگالت
_أريد أرتاح منال..
منال:إن شاء الله الراحة ماتفارچ بحق الحبيب محمد
سرور گعدت بدون كلام
تركتها براحتها ورحت لغرفتي أخذت دشداشة قصيرةوأغتسلت .
وگفت أمشط شعري أتصل علية بنيامين فتحت خط وهوَ گال
_ما غيرت رأيها؟
زفرت نفسي وحچيت
_لا شـ يغيرة
بنيامين:گاعدة يمها؟
_لا بالغرفة أمشط شعر ومن أجت لحد الان تركتها وحدها خليها تراجع تصرفاتها.
زفر نفسة وحچة
_ياسين ما يستحق هل معاملة منها.
أضافة إلى أنو هيَ كسرت الثقة إلي بينهم لان كذبت علية وراحت لمكان بدون علمة.
تركت المشط وحچيت بستغراب
_ليش أنتَ تعرف؟؟
همهم وأردف
_گولي شنو إلي ما تعرفة .
طول مدة مكوث ياسين يمي اني إلي أراقبها لأم نارفين وأعرف دروبها كلهن يعني مختصر كهربي سوالفها ما يعبرن علية وتوقعت مجرد تدخل لكربلاء تلتقي بعساف وفعلاً هذا إلي صار.
أبتلعت ريگي وحچيت
_ يعني طول هذيچ الفترة إنتَ مراقبها ؟
زين ياسين هسة شيگول هم حچة وياك؟
رد
_اي يكهربي أراقبها بس وجودچ أنتِ وأبوچ بجانبها كان مسند الها وحسب ما أعرف إنتِ صديقتها من أيام الجامعة وأبوها صديق والدچ وتجمعهم علاقة قوية وحسب علمي كل أسرار و قضايـا أم نارفين يمچ.
_صح نفس ما أنتَ وياسو.
على طاري شخبارة؟
زفر نفسة وحچة
_مو زين وناوي نية گشرة والأفضل تحاچين ام نص عقل حتى تحچي ويا وتبرر موقفها.
بسبب طيشها أنخلقت فجوة بينهم وللعلم كهربي ياسين كان ناوي ياخذها ويتفاهمون ويا عساف بهاي روحتهم بس الغبية خربت كل شيء.
إبتلعت ريگي وحچيت
_ اووف دخت والله ما أفتهم شنو إلي تريدة وماتريدة..
تنهد وحچة
_عوفيهم نارهم تآكل حطبهم مالنة دخل بيهم.
و گوليلي شنو هل طكطگة وصوتچ ليش بعيد ؟
منال:أمشط وداعتك.
سكت ثواني وأردف بهمس
_كهربي
إبتلعت ريگي وحچيت
_هاا
طال الصمت لحد ما قطعة بتنهيدة وحچة
_روحي نامي لاتسهرين.
غمضت عيوني وحچيت
_منعسانة وبعدها الساعة بثمانيةونص
بنيامين: براحتچ
تصبحين على خير.
قبل لا اجاوب غلقة.
كملت شعري وقرصتة بحركة عبثية
أخذت مرطب جسم وحمرة سحرية خليت
بعدها مسحت الحمرة السحرية وضفت عليها حمرة بُني حتى ينطي لون خفيف وحلو لا هو وردي ولا هو بُني..
أخذت مسكارة خليت و بدلت ملابسي
رحت لسرور إلي لامة جسمها وگاعدة..
وكفت يمها وحضنت أديني وحچيت
_ راح نطلع اني وبرشة نتعشا تجين ويانا؟
رفعت عيونها عليه وگالت
_الجريذي مالتچ شلون يخليچ تطلعين وحدچ؟
عقدت حواجبي بستغراب وحچيت
_يا جريذي؟
رفعت حاجبها وحچت
_ زوجچ .
أبتسمت وحچيت
_يعرف يعرف هسة تجين لو لا؟
وأنطيچ علم ياسو مموجود طالع ويا زوجييي على گولتچ.
ردت
_ إي أجي شعندي گاعدة هنا.
يلا رايحة قبلچ لبيتكم حتى أشوف بريشة.
طلعت گدامها
دكيت بابهم طلعت برشة اول ما دخلت گلتلها
_بسرعة بدون حجج گومي نطلع.
ردت علية
_اول مرة أعرف أنتِ تفتهمين هيچ.
أنتضريني ما أطول وتعالي غيري لـ غيمار
ضحكت ودخلت للبيت اخذت غيمار بوستة من خدودة وبدلتله
بين ما خلصت برشة وسرور وطلعنة من البيت
دزيت رسالة لبنيامين وتركت الجهاز .
وصلنة لمطعم گعدنة وطلبنة أكل
البنات ولا يكلك هنَ إلي گالبات وجوهن قبل شواي هسة مختلفات يضحكن ويسولفن ولا على بالهن هم..
أبتسمت وحچيت
_أگول أنتن شبسرعة هيچ تفاعلتن وصرتن ناس ثانية؟
برشة_والله يروحي اني مو نمنمة أگعد أدك وألطم وما أقبل آكل وأشرب والدنيا طالعالي من عيوني.
ضحكت وحچيت
_يولو هاي شمسوية بـ مرتضى والله من عرفت فد أرتاح گلبي.
رفعت حاجبها بغرور وحچت
_ لعد شعبالچ أخلي ليلتة تمر خير على خير أكيد لا.
دمرت أحلى يوم بحياتهم ثنينهم وخليت إلي ذكرى بينهم بهل يوم المميز.
بهل اثناء دك جهازي فتحت خط وگالي
_ يا مطعم موجودات؟
رديت
_ مطعم ..... ليش؟
رد سلام حبي وغلق الخط
رمشت أكثر من مرة مو من عادتة يگلي هيچ.
أبتلعت ريگي وحچيت
_ يلا كملن آكل
برشة:هيچ اتصال من الحب گلب وجهچ
رفعت حواجبي وحچيت
_تغارين هوَ أنت دفرتي النعمة برجلچ.
شابكت ادينها وگالت
_والله يا عمري إلي يحب يتحمل وينتضر ويصبر مو على اقل مطب يروح يخطب ويتزوج عوووود يشعوطني.
قاطعنة صوت سرور إلي تگول
_شگول عليچ يا منال.
رديت عليها بستغراب
_گولي كل الخير بس ليش؟
زفرت نفسها وحچت
_يالذكية تدرين هل مطعم لـ عساف؟
رديت باانذهال
_لا يالكعبة شجابة لعساف يعني اليوم حصراً ذبحچ على قبلة الكفار .
بعدنا دنسولف وما احس غير ياسين وبنيامين وضيغم دخلو واجو علينة.
سرور :وحق من أنزل الرحمة إذا غثني بحچاية اليوم ما أعديها الچ وأذبچ بحلگ بنيامين.
أبتسمت وحچيت
_والله العظيم احلى من العسل.
بس شوفو الشخصية خاب هم الولد كلهم هيچ حلوين لو بس ولدنا چنهم العافية وأهل العصابات .
ردت برشة
_ياسين وبنيامين چنهن خرگ بس هذا أبو غمازة شلون حلو عزا بعينها لأمك على هل أنتاج.
ضحكت لا أرادياً من سمعت برشة كرصتها وحچيت
_فضحتيناا يولي.
بنيامين رافع حاجبة وياسو أفندي ولا مهتم يرتب بأزرار قميصة..
تقدمو علينة وحچة بنيامين
_تأخرنا عليچن .
صديتي علية مقلصة عيوني
وهوَ غمز بطرف عينة ومسد على ذقنة وگعد .
ضيغم وياسين هم گعدو..
ندستني برشة وحچت بهمس
_أگلچ ليش أنتِ أتفقتي ويا يجي؟
أبتسمت وحچيت بنفي
_طلب العنوان وأنطيتة .
برشة:أدعي تتعدة على خير
بعدني أحچي ويا برشة وفاجئني بنيامين بحركتة
حط أيدي على رجلي وضغط عليها بحركة لا أرادية شهگت بخفة
صديت علية مصدومة
رفع حاجبة ودنك علية حچة بهمس
_من قلت المطاعم جاية لهنا.
قوست فمي وحچيت
_شمدريني قابل اني من يومي أجي لهنا لان المكان هادئ ولطيف والأكل طيب.
ما عرفت هل عساف مذوق لهل درجة وعندة هيچ مكان.
عقد حواجبة وحچة بحدة هامسة
_لاتجيبين طارية .
رديت
_ليش؟
رمقني بنضرة ما عرفت أفسرها التفتت على سرور إلي واصلة مرحلة عوز عيونها يطلعن من گد ما خازرتني .
تحمحم ضيغم وحچة
_عازميني أتعشى لو كلمن يختلي بزوجتة مو چن زودتوها ضلوعي
ضحك بنيامين وگال
_لو متزوج ومرتك وياك مو أحسن ما گاعد وتتلفت .
رد علية ضيغم
_طير حر لا حسيب ولا رقيب .
بنيامين:إلي يسمعك يگـول نسوانة مشرماتها كد ما يحاسبن ويراقبن لله وكيلك هاي منال گدامك إذا أطلع واتأخر بالگذب ما ترفع جهازها وتگول خاف صار ويا شيء.
وياسين بعد أضرب ضاربلك الوضع بعرض الحايط محد إله الحق يحاسبة لان زوجتــة منطيتة الحق بكل شي.
رديت علية
_هسة ما فهمنا راضي عليه لو تبسمرني؟
ضيغم:بعد أخوچ هذا شاخط لاتهتمين
رد علية بنيامين:ضياغم بعتنا بشربة ماي؟هاي وأحنة ضلوعك.
رد عليهم بمكر
_بي هنَ خواتي ومو بالحيف أوكف وياكم ضدهن.
نهة كلامة برفعة حاجب وبنيامين ضحك بصوت مرتفع وگالة
_لا ياب تمون تبيع تشتري حلالك بس لاتثق خاف توگع.
رد علية ضيغم
_أعرف أعرف.
طلبو أكل وأكلنة بستثناء ياسين إلي بس يحرك بااصبابعة على لميز بدون ما ياكل وسرور إلي ضاربة الوضع وعيونها على الجامة.
بينما اني وبرشة أكلنة وعبرنة هم والحلو ضيغم فرفوش مو نفس ما سمعت عنة من چنت يم الحجية..
ياسين أخذ غيمار ويلعب بي
أحتل الملل للمكان لان. بنيامين التهة بجهازة الي مبتسم ومندمج .
وضيغم كذالك .
ندستني برشة صديت عليها عاقدة حواجبي
أشرت بعيونها وحچت بهمس
_عسااف..
صديت على المكان إلي تأشر بي
كان واگف شخص ضخم وحييل أنيق بنطي شبة لياسين..
حسيت على ندسة برشة من صفنتي.
ودنگت عليها حچيت
_بس لا هذا الحلو عساف؟؟
ردت علية بهمس
_اي يحظي هوَ راس البلة كلة.
رديت عليها
_بس ترى سيري تعرف تختار
ابن الذين شلون شخصية..
أگلچ بريشة هذا مو چنَ حليوو زيادة؟
ردت علية برشة
ولچ يالعوبة شوفي إجى علينا بس لا تصير مشكلة.
هزيت إيدي وصديت على جهة بنيامين إلي رافع حاجبة وعينة علية .
ونفس توقع برشة إجى عساف وسلم علينة او بالاحرى السلام أختص لبنيامين..
رغم أبتسامة ياسين وسلامة البارد ما سوى شيء مجرد يحرك أصابعة على الميز..
سرور إلي شايلة الدنيا بصوتها وجبروتها خنست وبالگوة طلع صوتها ترد السلام..
وإلي فاجئني ضيغم يعرفة لعساف.
واني گاعدة متفرجة بنصهم
كل هذا بگوم ومن
أخذت كوب العصير هستوني أحتسيتة
ويحچي عساف موجة الكلام إلي گوم ثاني..
بحيث من صدمتي غصيت بالعصير درجة طلع من خشمي وفاتحة عيوني مصدومة .
_نورتينا أنسة منال وأخيرًا لبيتي دعوتي للعزومة..
العيون كلها علية وسرور عوزها تگوم تآكلني..
برشة أنطتني المي وتضرب على ضهري بقوة حسيت اتكسرت من ضربها بالگوة جرعت المي وحچيت
_ يا دعوة يا عزيمة شبيك عيني؟؟
أبتسم بهدوء وصفن بوجهي ثواني وحچة
_الضاهر نسيتي
معذورة انستي.
وعلى العموم حسابكم واصل على شرف الانسة.
فتحت عيوني بوسع وحچيت
_لا أنتَ لو خبل لو تستخبل.
تحسسني أعرفك من قرن ولا چن أني اليوم يلا عرفت أنتَ عساف والمطعم الك.
تحمحم وتقرب على مكاني طلع من جيبة كارت وحطة مقابيلي على الميز وگال
_سبق وحچينا لكن ماكملنا كلامنة و عذريني هل أيام غيرت الرقم وما حصلتلي الفرصة حتى أجي للمكتب.
على گد صدمتي من الموقف
ما حسيت غير بنيامين سحب الكارت من على الميز وگام وگف
حطة بجيب عساف وما أعرف شنو حچة ويا.
بحيث أخذ سترتة من الكرسي نفضها وگال
_عن إذنكم.
امشي منال تأخرنا.
بعدني لحد الان ما مستوعبة كل إلي صار ولا اعرف شوكت صعدت بالسيارة وشوكت وصلنة لبيت..
قطع فراغ دماغي صوت بنيامين يگول
_دخلي ست الحسن.
صديت علية واحس جسمي يرجف
رغم لا بيها ولا عليها بس الخوف الف..
دخلت للصالة وهو قفل البوب ودخل وراي نزع سترتة وحطها على القنفة وفتح ازرار قميصة ورفع أكمامة.
گعد مقابيلي وحچة بحدة
_منين تعرفين عساف؟
من جاب طارية حسيت بحجم المصيبة الي وگعت بيها .
سحبت نفس ونزعت الشال وحچيت بهدوء
_ما أعرفة.
طبگ كفوف ادينة مقابل وجهة وحچة
_منين يعرفچ هم ما تعرفين؟
أبتلعت ريگي ونزعت السترة وحچيت
_شگد ماتريد تستجوبني عادي بس اول شي يصير أغير ملابسي لان أختنگت.
ضحك بستهزاء وحچة
_تحچين بلسانچ لو بجسمچ
عقلچ بي شي باباتي؟
زفرت نفس وحچيت
_خمس دقايق تلگاني يمك وعود إذا ما لگيتني شتريد أسوي.
هز راسة وگال
_تلث دقايق تكفيچ وزيادة لن ما شاء لله بعد سؤالين تخلعين الباقي.
رمشت أكثر من مرة ورحت للغرفة بسرعة غيرت وطلعت.
لگيتة بعدة على گعدتة إلي ما أعرف شوگت يغيرها.
گعدت گدامة وحچيت
_هدئت لو لا؟
رفع عيونة علية وحچة
_إذا عاجبچ أحرگچ بناري يا هلا.
گمت وگفت وحچيت
_للأسف ما عاجبني من تهدئ گلي حتى نحچي اوك حبيبي.
رفع حاجبة وحچة بعصبية
_لاتخليني أنعل صفحة حبيبچ
گعدي وجاوبيني لا وحق الخلقچ أجرم بهل عساف إلي كل المشاكل من ورا
بقيت واگفة وهو گام وگف مقابيلي
سحبني وگعدني على القنفة وحچة
_سبق وحاچية ويا؟
رديت علية بغباء
_ويا منو؟
زفر نفسة وحچة
_ضخام الوجة
اكو غيرة عساف أفندي.
_لا محاچية ويا أبد.
رد بحدة
_لعد ؟ عزيمتيش ومنين عرفتي وشلون عرفتي ؟
_لا والله ما أعرفة وحتى مشايفتة حسب ما أتذكر بس سامعة عنة هواي..
بنيامين:ومنين حضرتچ سامعة؟
أبتلعت ريگي وحچيت بفهو
_من سرور
رفع حاجبة وحچة
_وام الطلايب شوكت تهجع من هل سوالف
رمشت أكثر من مرة وحچيت
_لا
عقد حواجبة وحچة بحدة
_منااااال أحچي لا تخليني أطلع من طوري.
وحق روحها لأمي هسة أروح وأنعل سلفتة لعساف وأنعل اليوم إلي عرفت بي ام الطلايب .
خليني وياچ هادي لاتخلين خبالاتي يطلعن عليهم لا عبالچ ما أسوها وحق الحليب الرضعتة أزوعهم العافية.
عصبيتة خوفتني وبنفس الوقت خفت على سرور لا أگدر أنطي بيها ولا أگدر أحچي ما لگيت روحي غير ساكتة وهو تخبل عليه يصيح ويعيط.
آخر شي أبتعد عني وحچة بعصبية
_ولچ وين لاگينها رجال غريب لا يعرفنة ولا نعرفة يجي يسلم على مرتي ويگللها منورة صخامة ويشكرهاااا على تلبة دعوتةة ولچ لاتخبلينييي شنو شاااايفتني گدااامچ ينطيييچ رقمةةة ويريد يكمل كللمةة وياچ منااااا روحييي طافرة ويننننن عايشيييين هااااا لا عندة دعوة ولا صخام الصخم الخلفو ولا هم من يحزنوون .
منااااال لا تسكتينننن إذا كلامةةة عاديي بالنسبة إلچ هذااا ما يمنع أحاااسبچ عليييية
ضرب على راسة بقوة وحچة
_شنو شاااااايفتنييي طرطوووور لو شاااادلي گررررون وأقبل هيچ أنسان منحط يحچي وييااااج وبحضووريييي همممم
عصبيتة خوفتني بحيث لميت جسمي وأبچي
وهو زاد ما نقص آخر شيء سكت وگال
_هايهية لاتحچين بس والخلقچ يا منال اليوم أزوعة حليب أمة لهل نذل ومن شفتيني ما حچيت مو معناهااا مگرن لو طرطووور بس ما ردت فضايح گدام ضيغممم ولا لأم الطلايب بس وعيونچ اليــوم تحرم علية نومت البيت .
وأنتِ يا منال إذا خطيتي خطوة وحدة برة البيت تحرميين عليةة ليووم الدين.
طلع من البيت وسد الباب بقوة..
بهـل لحظة ما عرفت إلي أسوي
دورت على جهازي ماكو لا هوَ ولا جنطتي..
ضليت أحوس رايحة راجعة
للحظ لا سرور ولا برشة مرن علية.
وأعرف بنيامين شاخط يسوي إلي براسة لو مدري شيصير .
مر وقت طويل وتعدت الأثنعش وماكو .
لزمت گلبي خفت لا سوى شيء وبلانا..
للوحدة ونص دخل يمشي ولا كأنو صاير شيء..
وكف گدامي وحچة بهدوء عكس عيونة الحمر
_ لهل درجة مشتاقتلي وباقية تنتضريني ؟.
إبتلعت ريگي وحچيت
_بنيامين شسويت ؟..
إبتسم وتنهد براحة إبتعد خطوتين وگال
_تحملي أغير ملابسي وأرجع أگلچ شسويت.
تركني وسط دهشتي وراح اخذ ملابس ودخل للحمام أغتسل وطول ما هو يغتسل يدندن ويصوفر ولا كأنو صــاير شيء..
للحضة توقعت نفسي داخل حلم او صحيت من حلم سيئ..
تقريباً ربع ساعة طلع ينشف بشعرة
گعد مقابيلي و بكل برود أعصاب گال
_نمنمة ما تسوين أكل
إبتلعت ريگي وحچيت بهدوء
_بنيامين
رد
_خير يا طير؟
منال:هدوئك مو لـ لله بس ريح گلبي وگلي شصار؟
عدل گعدتة وحچة بهدوء
_مصار شيء مجرد جريت إذنة حتى ما يتلاعب وياي عندة حچي يروح يحچي مو يتملعب على الحبلين وأعتقد أنتِ زوجتي وإلي الحق أحاسب كل من يتدنالچ.
تقربت علية وحچيت
_عفية بس گلي خو ما موتة؟
أبتسم وحچة بسخرية
_بالمغيسل إلي يغسلة والصبح دفنتة .
شهگت بخوف وحچيت
_لا عليك لله أحچي لا توگف گلبي.
رد بهدوء
_ليش خايفة علية؟؟
هزيت راسي بنفي وأخذت أيدة تمسكت بيها وحچيت
_لا والله عسى ما بجهنم شعلية بي بس أخاف عليك فدوة لا تسوي شيء تندم علية ..
بنيامين والله العظيم و روحة لأبوية ماعندي شيء ويا حتى والله ماعندي رقمة ولا عازمني والمطعم مااعرف اله وحتى تفاجئت من شفتة وللعلم برشانة هيَ گالت الي هذا عساف..
لاتباوعلي هيچ عليك لله
ترى حتى ما أعرف منين يعرفني وما عايزني النوب تشك بية عندي علاقات وهيچ هوَ اني وياك وانتَ واحد وما مدبرتها كل يوم أزلك إلي بحچاية شكل وتزعل مني مو النوب أسوي علاقات ولنفترض اي مالگيت غير عساااف ؟؟!!.
رد بأختصار
_أرجع وأگلچ نمنمة اني ماعندي سفردح ولا فلان أعتبرة أخوي وعلان بمقام أبوي.
صح تغربت لسنوات وعشت بمكان لاهوَ إلي ولا لبيئة تفكيري تردين تشوفيني معقد بعد هاي الله يساعدچ بلاچ بواحد معقد.
أحب الخصوصية والشغلات إلي تكون فقط إلي ماتنعرض او تلمس من شخص آخر حتى لو كان بنية طيبة.
ياسين من سلم عليچ بعيد ميلاد مرايم شسويت لا عبالچ سكتت كدامچ معناها عادي لا باباتي وكلها تعرف بية ممتلكاتي خط أحمر إلي ما رايد روحه يتدنالهن.
كيف إذا زوجتي وعينك عينك يجيني واحد زايعتة الدنيا يتعرضلها وفوگاها گدام عيني وبنص العالم ويتهمها اتهامات باطلة وهيَ بدل ما تاخذ حقها وتوگفه عند حده تجي تعيط يعني برأيچ أني أتقبل زوجتي وأم بيتي تلعلع بنص العالم؟؟ وفوگاها ويا سخص عووووووود يصير صديق إبن عم زوجها.
نمنمة أبتعدي عن سوالف ام نار ترى محد يخسر غيرچ.
أخذيها مني وللعلم كلامة والكارت ما يقصدچ أنتِ على رغم راد يسوي خلاف بينا ومشاكل بين ياسين ومرتة.
يعني أربع عصافير بحجر واحد
عساف متحلف بياسين وسرور لاتخلين نارهم تلفحنة لان ما عايزين.
صديقتچ على عيني وراسي ما أمنعچ منها لكن أمتنعچ من تصرفاتها وأطباعها.
لا تصفگيلها ولا تضمضميلها لان هل شيء ما يأذي أحد گد ما يأذي سرور.
ومرة لخ شغلي لبالچ يعني لو ما العصر حچينة بمكاسيرها وأنتِ تضمضميلها؟
أفترضي بعصبيتي ورحت ضربتچ وأذيتچ شتگولين ذيچ هسة هاا؟
رديت علية
_ما أگول شيء..
رفع حواجبة وسحبني لحضنة وگال
_لا عيني تسويلي النبي عربي وتكرهيني بالساعة والدقيقة الي فكرت بيها.
تنهدت و ركزت بملامح وجهة وحچيت
_بعدك ضايج مني ؟
هز راسة بنفي ومبتسم بأريحية ،مرتاك على لقنفة..
_لعد و عيونك؟
بنيامين:شبيهن؟
_حمر و واضح العصبية بيهن.
رفع حواجبة وحچة بستنكار
_يعني هسة تشوفيني عصبي؟
هزيت راسي بترقب
أبتسم وسحب نفس عميق أحتضني ودفن راسة بعنقي من حركتة تلقائي شهگت وميلت راسي.
ضغط على خصري بقوة وشدني بقوة
تچكچكت من لحيتة حاولت أبتعد عنة
زاد ضغطة وتملكة شل كل حواسي
رفع راسي والتهم شفاي..
الخوف سيطر علية بحيث جسمي يرجف
وهو مستمر..
بين أحساسي الغريب والعقلي إلي يگلي لا تتأملين شيء من عندة..
حاولت أتجاهل تفكيري بس عبث لساني نطق بدون تفكير
_ما أريد ما أريييد عفية لا تجبرني..
توقف ورخن أدينة للحضات لكن حضني وهمس قريب إذاني
_ليش..
إبتلعت ريگي وبالگوة حچيت
_ممااتحبنييي انتَ
شدني علية وأبتعد لحضات مني باسني بخفة على خدي ومسح دموعي
وحچة بحنية
_بس گليبي متعلق بيچ
وروحي تهواچ.
رديت بدموع
_بس ماتحبنيي والحب أهم من التعلق.
رد بأقناع
_ليش إلي يتعلق يگدر يبتعد؟
_يعني ناسيها وبالك يمي مو يمهاا
تنهد وحچة بهدوء
_أنتِ حاضري ومستقبلي بأذن لله.
صفنت بوجهة لحضات
نزلن دموعي وحچيت بهمس
_ أحبك وروح أبويا..
حضني بقوة وحچة
_اوووف يبعد ناسي لعد اني شگوول
ولچ رووحي بيچ خاف ما تعرفين .
_گول والله؟
ضحك وحچة
_والله العظيم أموت عليچ بعد شتگولين مصدگة لو لا.
رفعت راسي صفنت بعيونة
قطعت تركيز عيونة الذبلانة
التهم شفاه عرف ناطيتة الضو الأخضر ..
أبتسم وشالني وگام وگف
صعد لغرفتي القديمة وأتممنة زواجنا..
___«بعد مرور أشهر»___
گعدت بالگوة فاتحة عيوني
أحس بألم مو طبيعي .
سمعت صوت بنيامين يناديني
نزلت ولگيتة يسوي ريوگ.
صد علية وگال
_بسرعة غسلي وتعالي.
بدون ما أرد علية رحت غسلت ورجعت
گعدنة نتريگ.
صارت عيني علية صفنت بملامحة
يربي شكد حلو مدري اني أشوفة هيچ حلو ؟
ضحكت على تفكيري وحچيت
_أگلك بنيامين
صد علية وهز حواجبة
_ خير ياطير
شابكت أصابعي وحچيت
_شدعوة هلگد حلو ؟
أبتسم بطرف شفتة وحچة
_لان عيونچ تشوفني هيچ ول أني حالي حال كل رجال.
هزيت حواجبي وحچيت
_لا أنتَ حيييل حلو لك عيني شگد أحبك
تنهد وحچة
_روحي بيچ تدرين؟
_لا ما أدري
لهم شفايفة وحچة
_ماعندي كلام بگد الأفعال إذا حابة أحسس بالافعال عد عيونچ بنيتي.
_أگعد حبيبي تسلم متقصر.
ضحك وحچة بمزاح
_لعد شكد چبانة.
_تعال أگلگ مو أنتَ مو حلو بس نفس هذا الي يگول الحلو بعين محبوبة غزال هل أني أشوفگ أحلى غزال.
ترك اللفة وحچة
_رحمة لأمچ وأبوچ سويتيني قرد؟
_اني ماحچيت هيچ أنتَ فهمت غلط.
رفع حاجبة وحچة
_لا تستغبين حبيبتي
المثل يگول القرد بعيون أمة غزال.
_ياا هاي أنتَ تگول على أمة بس اني بنيتك ومرتك مو امك.
رد
_أعوذ بالله منچ شيطانتي.
ضحكت بصوت مرتفع وحچيت
_حبيب گليبيي وليديي
هز راسة وحچة
_أحسن شغلة صارت بحملچ هي تنساتچ بية ماكرهتيني ولا أشمئزيتي مني.
باوعتلة صفح وحچيت
_خوش لاگيها لگوة.
تنهد وأبتلع ريگة
_لو تعرفين شنو أحساسي چان گلتي الله يساعدة.
_ليش شنو أحساسك؟
گام وگف وگال
_هاشميات إذا تعرف أحتمال تطگنة بدعوة.
عقدت حواجبي وحچيت
_ليش؟
_والله يا بعد الروح المابعدها روح هشومتي ما تعرف بيچ بنص بيتي وفوگاها حامل تلث أشهر
ضحكت وحچيت
_تدري من تجيب طاريها أتوتر.
قوس شفايفة وأردف
_،عمي هيَ گوة بيبيتي هيبة.
ضحكت وحچيت
_بهاي صدك مخليتكم تمشون نفس ميل الساعة.
رفع حواجبة تقرب علية
حط أيد على الميز والثانية على الكرسي وگال
_,يعني شنو قصدچ ست منال.
رفعت كتفي وحچيت
_ما أعرف أنتَ گول شنو فسرت.
أبتسم بطرف شفتة وحچة
_لا والله أنتضرچ أنتِ تفسريلي.
تقرب علية وحچة بهمس
_شتگولين نروح اليوم لهشومة ونصدمها بهل خبر ؟!.
غمضت عيوني وحچيت
_يربي شگد حلو عطرك .
حسيت على ضربة براسي وأبتعاد بنيامين عني
وهو يگول
_ شلون راح أكسر العطور من ورا راسها
أگلچ أحچي وياچ مو كل همچ العطر وريحتة .
رديت بـ برائة مسطنعة
_شسوي إذا إبنك مدري بنتك تحب عطرك والله محد گالك تعال وصير أب أتحمل أحسن الك حبيبي..
تركنة وگمت من يمة واني بالگوة لازمة ضحكتي.
صح صايرة أحب عطرة بس المصيبة من يومي عطرة ساطرني ومجرد محبة بسيطةةةة كلش زادت
واني مخبلتة وكرهتة بالساعة إلي يخلي بيها العطر.
اول البـارحة كان واگف مقابيل المراية يمشط شعرة
تقربت علية واخذت شيشة العطر منة
رفع حاجبة وگال
_خيرك ياطير ؟
ميلت راسي وحچيت بهمس
_أريد أرش الك العطر .
رفع حاجبـة وبلل شفاه
_يلا بالله نشوف نهايتهـا..
أبتسمت بمكر ورشيتلة العطر غرگتة بي بحيث هوَ أبتعد يسعل ويحچي بـ إنزعاج
_ما تگليلي هسة إلي يشتم الريحة ما يگول هذا خايس وخافي ريحتة بالعطر.
رفعت كتفي بعدم مبالا وحچيت
_المهم أني أحبة.
شعليك بالباقي .
لو أنتَ صاير تهتم لكلام وأفعال الناس وخالني آخر أهتماماتك أعترف.
تقرب علية و مال جسمة أخذ الساعة من على الميز لبسها بمعصمة
باس راسي وگـال
_ ولا على المريض حرج عاذر اخبالاتچ باباتي.
نزل بدون ما يزيد كلمة وحدة.
هزيت إيدي بضوجة وگعدت.
گعدت بالصالة وهو يفتر بالبيت
آخر شيء أختفة ربع ساعة يلا بين كاشخ على آخر حبة ..
فات من گدامي وگال
_ باباتي على ال11ونص تحضري لان الحجية عازمتنا.
قبل لا أجاوب طلع من يمي رحت ورا سبقني وگال
_دخلي أرتاحي بنيتي وراچ طلعة.
طلع من البيت واني ما تركت حچاية ما حچيتها علية.
آخر شيء رجعت گعدت واجى ببالي يوم إلي عرف بية حامل..
تقريباً أسبوعين صارلنا نعرف بحملي.
مجرد حسيت سويت راجعت دكتورة وطلع شكي بمكانة.
وأول شغلة حبيتها هوَ عطر بنيامين او بالاحرى كلة على بعضة
هيچ أريد أخلي بس گاعد گدامي وأتفرج علية.
رغم أستغرابة لحالتي بس عداها وكأنو ماكو شي.
من طلعت رغم الفرح إلي بداخلي بس أكو خوف معقولة بنيامين ما يتقبل حملي؟
او شنو رد فعلة من يعرف
سألني شصار وياي ما حچيت شيء
مجرد هزيت راسي بنفي.
رجعنة للبيت.
ما دخل وگالي
_ قفلي الباب زين نص ساعة وأرجع.
هزيت راسي ونزلت.
دخلت وقفلت البوب زين
وأغتسلت والتفكير يآكل براسي أريد أگول اله بس ما أعرف ليش خايفة وإلي يكلك مسوية شيء يغضب رب العالمين..
بنص صفنتي دك جهازي
فتحت خط وحچيت
_هلا عيني اليوم جاية على بالچ مو من عوايدچ.
ردت
_ عوفي هل مقدمات محتاجة مساعدتچ لان حرفياً أحس روحي متربطة ومتدمرة هم
ومالگيتچ غير إنتِ إلي طلع رقمچ كدامي.
نبرة صوتها خوفتني
_ خير برشة خو ماكو شي؟
ردت علية
_منال صخام الوجة يراسل بية كل يوم وما فاك ياخة مني.
منال:منو؟
بس لا قصدچ مرتضى!
ردت بتنهيدة
_اي يحظي هو اني ما يلفولي غير البهايم
منال:فهميني شسوالچ هل هيچ گابة؟
_ فهميني
ما أنكر چنت ركزي على چنتت أحبة وروحي بي بس هوَ كسرلي جناحي ومستحيل أرجع اله لو بس أفكر بي كـ حبيب..
بس هوَ من زفتة ولحد الان ما راضي يفك ياخة مني
تعبني حييل
كل يوم يراسلني من يگول بس.
تخيلي البـارحة يگلي وافقي تصيريلي الثانية والشرع محلل
والله العظيم لو گدامي اله الطمة على حلگة الأعوج .
عود صايرلي زلمة ويريد يثني.
تخيلي بس يگلي أموت عليچ وهو نايم بحظن مرتة الخوثة
تدرين أحمد الله الف مرة لان ما صرت نصيبة
لعد ربي شگد يحبني هل بعدني عنة
ولچ والله شكد اكرها لحسين بس عمرة ما سوى هيچ أصلاً چان حاقد علية لان أبو جبرة علية.
منال: أحضري وخلصي ليش تشلعين گلبچ ويا
أضافة إلى أنو يروحي هل مرتضى وضي حييل مقرفين يحسسني ماخذها بس على مود غريزتة.
تنهدت وحچت بضوجة
_ كرهت الزواج والي يتزوج على هل قرف
والله محد يفهم الي عايشتة هسة..
عبالچ ما حضرتة والله حضرتة بس يجيني من حسابات ويضل يراسل ويراسل
ولچ تخيلي قرفهم ليوين واصل ضي تراسلني تگلي وافقي على مرتضة اني راضية تشاركيني بي أبقة الأصل؟!!
ملاحظة كمية القرف إلي عايشينةة
وللعلم ضي حامل هم فوگاها
يعني لو يحبني واحد بالمية ما كان تمم زواجة ولا كان فكر يتزوج.
منال: برشة عوفي خلي يولي لا تنقعرين ترى ما يسوى فلس.
ومرتة لو تسكت أفضل وين أكو وحدة تعزم على رجلها شهل غباء هذا.
وشلون تتقبل فكرة تشاركيها او هي تتقبلة وهو باله يم غيرهاا
ولج بنيامين من عرفتة ولحد الان ما جايب طاري مريم بكلمة وحدة عدا من سولفلي عليها ورافعت بقضيتها
تخيلي اني اذكرة اكثر منه وهو يگلي لا تجيبين طاريها وانت حاضري واني متخبلة علية واعاركة على شخص ميت وما اله كل دخل .
وهااي أم حلگ الجايف تعزم وتريد تزوج وفوكااها تتقبل تنام بحضنة وباله يم غيرها ولو خوش زواج تقليدي بيها مجال مو حبيب صديقتها الروح بالروح ولا شاهدة على حبهم.
زفرت نفسها وحچت
_نفسيات وداعتچ
واني ناوية أحذف حساباتي وأسوي بأسم مستعار وخاصات وما انطيهن لأحد بي المقربين كلش مني على الاقل لفترة.
منال:سوي إلي يرضى راحتچ.
أگلچ برشة ما تجين يمي كم يوم؟
سكتت لحظات بعدها گالت
_ما تسكتين شلون أجي ورجلچ غريب عني
ما ترهم أبد.
رديت عليها
_شعليچ بالغريب يبقى زوجي وأنتِ أقارب أختي وأختي هم ليش تبعدين نفسچ من عدنا وإذا نرجع ترى يصير إبن عم أقاربچ.
ردت بسخرية:قصدچ نفس هل مثل مدري شلون بس يگول اقارب الي خيط بدلة العروس
ضحكت وحچيت
_سكتي سكتي اني أخلي بنيامين يحاچي ياسين ويجيبكم.
برشة:عاد كلنا بيها مجال مو بس اني شعدني ططوة.
وتسوين فضل لان حييل مكبوت على گلبي.
منال:هسة أحاچي.
برشة:بشري ما تحسنت علاقتكم ما سويتوني خالة ترى طولتوها وهيَ گصيرة.
أبتسمت وحچيت
_ مو طويلة لان صرتي خالة .
ردت بحماس
_ عليچ الكعبة. صدك
ولچ حاااامل بربچ
أحچي ولچ لصمچ العباسس
ضحكت على كلامها وحچيت
_هوَ أنتِ خليتيني أحچي شي أكلتيني حاصل وفاصل.
برشة :هسة كولي صدك حامل؟؟
منال:ايي
ما أحس غير برشة تهلهل بصوت عالي وتگول
_سواهااا النچررر والله سواهااااااااااا
وكفو. وكسره لهل خشم الأغبر
ضحكت على كلامها وحچيت
_عاابت إي والله وياي ضدي إنتِ؟؟
برشة:سواني خالة أكيد مو وياچ.
گوليلي گلتيلة لو لا
وشوكت عرفتيي
أحچي بسرعة لاتفتين گلبي
منال:خليني أحچي وأنطيني مجال بالاول
برشة:يلا بسررعة
زفرت نفس وحچيت
_اليوم عرفت وبعدني ما گلتله إنتِ اول وحدة عرفت..
برشة_تحسسبني اني ابو وما ادري
يا صخاام غير تكولين اله اول
تبشرينة وتشوفبن رد فعلة مو جاية تسكتيين
إبتلعت ريگي وحچيت بهمس
_بس أني خايفة من رد فعلة..
برشة:هنا تبين إذا يحبچ أكيد يريد ثمرة حبة وإلي أني واثقة مليونين بالمية هو مسحول وراچ مو بس يحبچ.
منال: بالله شلون عرفتي؟
برشة:انت شايفتة من تتواجدين بمكان عيونة ما يرفعهن عنچ ؟
وسغلة ثانية أحب هل سالفة بي من كل وقت يراسلچ ويتأكد إذا أكلتي او لا او من ينتبة على كل تحركاتج تدرين هذاك اليوم شفتة من يرتب بشالچ لان شعرچ طالع يربي عيونة غركانة بيچ بس الله يسلمچ ماعندچ احساس.
كلام برشة فرحني ودخل الراحة لگلبي
ماگدرت أحچي شيء فضلت أسكت..
وهي فهمتني بحيث گالت
_يلا يحلوة روحي بشري بحملچ لان والله يفرح وحاولي تكونين رومنسية وما تذكرين اسم المرحومة لان والله العظيم اجيج للنجف بس حتى اضربج على حلگج لا تخربين گعداتكم و وفرحتكم.
سدتة قبل لا أحچي .
صفنت شلون أفاجئة بهل مناسبة
لحد ما لگيت فكرة
أتصلت علية وهو جاوب بسرعة
_ها خو ماكو شي.
رديت علية
_سلامتك
بس محتاجة كم شغلة وردتك تجيبهن إذا ما تزحم
رد علية
_شنهي جديدة تزحم.
گولي يروحي شنو إلي تردي وإذا أكثر من شغلة كتبيهن ودزيهن ماسنجر
منال:لامو مال ما سنجر لان شغلتين ما ينسن
_وهنَ ؟
تنهدت وحچيت
_جمار وعطر نفس إلي عندك.
رد بستغراب واضح
_جمار لنخل؟!! ومنين أجيب هسة
زين جمار ندور ليش لا
بس عطري شسوين بي!؟
رديت بتوتر
_صايرة كلش أحب ريحتة وعاجبني أغير عطري لان يخنكني.
هسة تجيبهن لو لا؟
سكت لحضات بعدها گال
_يرخصن لأجلچ.
منال:تسلم ،أسوي أكل لو تجيب وياك؟
رد برفض
_أصلاً جايب ميحتاج اتعبين نفسج باباتي.
منال:يلا لعد رايحة.
قفلتة قبل لا يرد علية لان أعرف نفسي لو باقية بعد ما أبقيها وأحچي..
بقيت أحوس بالبيت
وكل ساع أشوف الساعة لحد ما دكت العشرة أندكت البـاب.
طلعت فتحتها لان رمش علية.
دخل السيارة ونزل
قفلتها ورحت علية
فاتح باب الگدام طلع كيس قدمة إلي وگال
_ هاچ العشا..
أخذتة منه وحچيت
_العطر وين؟
سد الباب وگال
_لويري ما لگيت من العطر ولا لگيت الجمار إلي ما أعرف منين طالعتلي بي
بس عوضتچ بالفواكة والحلويات .
رغم ضجت بداخلي بس ما بينت اله وحچيت
_عادي يلا خلي نتعشا لان ما أكلت أنتضرتك.
هز راسة ودخل قبلي شايل الاكياس.
حطهن على الميز وصد علية گال
_رتبي المسواك بين ما أغتسل.
رديت بأختصار
_اوك بس أستعجل.
طلع من المطبخ واني غسلت الفواكه والخضروات و رتبتهن بالثلاجة
والحلويات هم.
بقى اللحم والدجاج بين ما خلصت غسل الدجاج نزل
اجى يمي أخذ السكين وگال
_ أتركيهن أكملهن عنچ
حضري العشا.
هزيت راسي وطلعت العشا سخنتة وهو كمل تقسيمهن
أخذ گدر حطة على الطباخ
وثرم بصل ناعم حمسهن وحط اللحم المثروم وبهارات وقطعة صغيرة زبد وفص ثوم مفروم
خلصت تسخين الآكل وهو بعدة
حطيتة على الميز وحچيت
_يلا تعال
صد علية مبتسم
_لحضة بس أكمل
منال:شنو بعد الك؟
صد على الطباخ وگال
_تعالي تعلمي
گمت تقربت علية وگفت يمة
يحمس باللحم على نار متوسطة
اخذ فلفل أخضر ثارمة حطة فوكاه وقلبهن
عقدت حواجبي بستغراب وحچيت
_غير تخلي الفلفل ويا البصل وين يصير بعد اللحم؟
نضرلي بطارف عينة وگال
_ أعتمدي هل طريقة كلش زينة نصيحة
والفلفل تضيع مونتة إذا ينحمس زايد بنما إذا تخلي نص ستاو ينطي نكهة طيبة.
همهمت وهو راح لجهة الثانية ثارم ثوم
هم حطة على اللحم ونصة النار وغسل ادينة وكعد
رجعت يمة وكعدنا نتعشة
ثار فضولي الثوم
وسألتة
_أگول منين تعلمت الطبخ
وليش تخلي ثوم؟
أتذكر مسار هم تخلي للأكل..
شابك أصابعة بحركتة المعتادة
وگال
_الثوم ينطي طعم غريب ولذيذ والدليل طبخي لا يعلى علية.
ومنين تعلمت ماكو غير هاشميات من چنة صغار ويمها چانت تجمعنة أحنة الولد والبنات وتطبخ وتعلم بينة لحد ما صرنا خبرة.
وتخيلي بصغري چنت أتمنة أصير شيف وأفتح مطعم ويصير أشهر مطعم بالنجف.
أبتسمت وحچيت
_زين ليش ما تفتح مطعم إذا هذا حلمك؟
عقد حواجبة بضحكة
وحچة
_فاتت بعد
هزيت اكتافي وحچيت بحماس
_لا ما فاتت وبعدنا بأولها ليش تهاون هاا
خو كمل حلمك والله أنتَ گدها واني وياك بكل خطوة .
أبتسم وأخذ أديني رفعهن اله قبلهن وگال
_ إذا هيچ سند بظهري ما أشيل هم
مجرد گال هيچ دمعن عيوني
وحچيت
_ عسى الهم ما يصيبك
ضحك بهدوء
_أم دميعة كافي عاد خلينة ناكل.
هزيت راسي وكملنة أكل
اني رتبت المطبخ وهو فرز اللحم بأكثر من كيس بعد ما برد.
بعدها حطهن بالفريزر وگال
_ منال اني صاعد أنام أحس عظامي تكسرن الـيوم.
أبتسمت وحچيت
_تصبح على خير..
رفع حاجبة وگال
_ أنتِ وجه الخير علية.
ويلا گدامي سنفريلي للغرفة المن گاعدة وهسة الساعة فوك الاثنعش .
منال:أنتَ نعسان واني لا
شلون بالله
أبتسم وميل راسة
_ ولا يهمچ
تعالي ونامي على إيدي وشوفي إذا ماغفيتي.
منال:أسهل حل تقدمة.
ضحك بصوت وگال
_ ها يعني نطور التحديث ونتعلم سوالف إدبسزية قبل لا تغفين دام ما نعسانة؟
منال: امشي صير حباب بسرعة.
أشر على الدرج وگال
_ يلا ي لويري بسرعة للغرفة
أتاكد من البوب وألحگچ.
منال:سابقتك أغتسل
صايرة عبارة عن ريحة الدجاج واللحم.
بنيامين:على كيفچ باباتي بس غسلتي مو طبختي.
تركتة وصعدت
أخذت ملابس حضرتهن
ودخلت للحمام أغتسلت وطلعت ما طولت..
بدلت ومشطت شعري ورطبت جسمي و بنيامين ماكو.
أخذت روب ستن لبستة ونزلت للصالة
سمعت صوت المي بالحمام.
حچيت
_بنيامين تسبح؟
رد علية
_لا ألعب ويا المي
هزيت راسي وحچيت
_العب على راحتك اني صاعدة.
رد علية: يروحي المفتقدتني ما أحتج شيء .
ضحكت. لان عرفتة يقلد علية على شلون ما سألتة محتاج شي لو لا.
صعدت للغرفة نزعت الروب وتمددت
أقل العشر دقايق صعد يصافر
دخل للغرفة مبدل
مجرد مشط شعرة ورش عطر ونزع التيشيرت بقة بالبرمودة..
صد علية وگال
_نمنمة
رفعت راسي وحچيت
_هاا
أشر براسة وكال
_تعالي
رفع الغطة ورحت يمة
چنت مستغربة لان بس صافن علية.
أبتسم وفتح المجر
طلع من عندة كيس قدمة إلي وگال
_فتحي، ومستحيل أترك شيء بنفسچ.
زاد أستغرابي بحيث عين علية وعين على الكيس
أخذتة منة فتحتة. وضحكت
صديت علية وحچيت
_يا لوتيي
لعد ليش گلت مالگيت هاا
أبتسم واردف
_ ردت أشلع هل گلب نفس ما بنص الليالي مشتهيتلي شغلتين ما براسهن حظ وخليتيني افتر.
وهذا هم ويا العطر إلي أستخدمة عطر نسائي. ريحتة أهدئ أحتمال تحبي أكثر
فتحتة وأشتميت الريحة
وأبتسمت اله وحچيت
_زين أگدر أگلك شيء ما أعرف إذا راح يزعجك او يفرحك او يكرهك بية..
بس تأكد أني أحبك مهما يكون رد فعلك وهل شيء إلي صاير رايدتة وما أگدر أتخلى عنة..
عقد حواجبة وحچية
_بدون هل مقدمات گولي شصاير خو ماكو شي؟
إبتلعت ريگي وحچيت
_ أسمعني للأخير بدون ما تحچي مفهوم
_اي يابة أحچي.
صار فترة ملاحظة على نفسي أضوج من روائح أغلب الأكلات وأتقيئ أضافة إلي حبي لعطرك او بالاحرى ادماني تخيل وصلت مرحلة أرش بالبيت من عندة بدل معطر الجو.
وچنت شاكة بشغلة واليوم من رحت للدكتورة وسويت تحاليل عرفت شكي بمكانة..
رمش أكثر من مرة وحچة
_گمليي
إبتلعت ريگي وأخذت إيدة واني مركزة بملامحة أريد أشوف شيسوي..
خليتها على بطني وحچيت
_ چنت شاكة أنو أكو روح منك بداخل أحشائي واليــوم اتأكدت أنو اني حامـل بنيامين..
حسيت بأيدة رجفت وعيونة دمعت
غمضهن بقوة وإنرسمت إبتسامة على ثغرة
سحبني إله بقوة وأحتضني
وهو يردد
_الحمد والشكر الك يا رب..
كررها أكثر من خمس مرات
بعدها بعدني عنة صفن بوجهي وضحك
إبتلع ريگة وحچة والرجفة واضحة بصوتة
_ يعني راح أنصير عائـلة
وأكون أب!! وأنتِ أم؟
هزيت راسي وهو فرحتة إلي ما چنت متوقعتها ما سايعتة
ول اول مرة أعرف بنيامين ما يعرف يعبر عن شعورة ويختصرها بنضرات عيونة ...
رفع اديني وبوسهن ورجع حضني وباسني من راسي وگال
_والله صار عندي شك بالبداية بس من شفت حب المانع توقعت ما تردين أطفال ولو تدرين شگد حزت بگلبي من شفتهن وأنتِ حتى ما گايلتلي ما تردين..
إبتعدت عنة وحچيت
_ليش ما گلتلي أنتَ شايفهن ؟
بلل ثغرة وكال
_ كرامتي وگفتني وبعدتني عنچ.
نزلن دموعي وحچيت
_ليش؟؟
مسحهن ودنك علية سند راسة على راسي وگال
_ المانع ما اله تفسير غير ما رايدة قربي ولا روح مني.
رديت بعفوية
_بس اني أحبك والله
وأخذت المانع بسبب خوفي لا...
ما خلاني أكمل وهوَ يلتهم ثغري ويهمس
_بربچ لا تكسرين فرحتي بلطلطتچ وهلوستچ
أنتِ حاضري ومستقبلي وروحي وكياني ومنفسي ويندي وكل شيء حلو بحياتي..
لا تنكدين هل يوم بروحه لأبوچ.
بادلتة بدون ما أحچي لان عرف هوَ إلي ردت أحچي وهوَ خوفي من الماضي او بالاحرى ما اريد طفل اذا مااكون متاكدة من حبة الي..
رغم ما ينطق أحبچ بس كل تصرفاتة وياي وحرصة وأهتمامة وتعلقة يدل على الحب..
حسيت من صفنتي على صوت جهازي يدك
أخذتة من الميز فتحت خط وحچيت
_هلا والله
رد :بالمهلي
كملتي بعدچ؟
جاي بالطريق
فزيت من كلامة وحچيت
_ليش بيش لساعة؟
_ باباتي جزت 11
بس لا تگليلي بعدچ ما مكملة.
رديت اني وأصعد الدرج
_لا وين أصلاً منتضرتك
_ منااااال على كيفچ لا توگعين بعد اني واصل
يلا سدي.
سديت الخط وشلتها ركضة للغرفة
طلعت ثوب أسود وشال لبستة بسرعة ولفيت الشال
ما خليت مكياج أحتراماً الهم.
طلعت عباة خليجية لبستها فوك الفستان
واخذت دشداشة وشال ثاني.
وتراك وقميص وبطلون لبنيامين لان واضح نبات يمهم..
رشيت من عطرة ونزلت
هستوني أريد أكعد على القنفة انفتح الباب ودخل
أبتسم وگال
_ ما اتوبين من ركضة الدرج.
لهمت شفايفي وتقدمت علية
حضنتة وحچيت
_ لا ما أتوب..
رفع حاجبة
وأبتسمتلة
حنتة وخليت راسي على صدرة سحبت نفس وحچيت
_شگد أحب ريحتك وحضنك.
بادلني الحظن وهو يبوس راسي ويگول بهمس
_سوالفچ المبربكة عوفيها وبعد ممنوع تتمركضين فاهمة باباتي
أخاف عليچ لا توكعين ويصير بيچ أنتـِ والجنين شيء.
رفعت راسي مبتسمة
_أحبك تعرف.
ركز بعيوني وگال
_ إذا أني ما أعرف منو يعرف ها
كرص خدي وگال
_يلا دام مخلصة.
هزيت راسي وطلعنة سوى
مسافة الطريق و وصلنة لبيت الحجية.
نزلنة ودخلنة للبيت سلمنة عليهم وگعدنة يم الحجية.
كلهم مجموعين دايرها وهي أستلمت بنيامين رزالة لان كاطع بيها.
رد عليها وهو يضحك
_ هشومتي لو أگلچ على شغلة شتسوين إذا انتِ لان گطعت ما قبلتي.
ردت علية
_ أحچي فايناتك كثرانات رادلك شدة إذا يالهيلك.
بنيامين:افاااا عليچ هاي واني العزيز وتحچين هيچ علية وگدام مرتي ما مرضية منچ..
ردت علية الحجية
_ لو ما فواينك أعلي صيتك وأكول هذا وليدي الزود.
إلي بعمرك وادهم بطولهم وانتَ بعدك لا برجيلها ولا سيد علي.
بنيامين:شنهي مو بعينچ إبني بالطريق وتعايريني ليش يمة مو بعينچ حفيدچ.
صفنت على بنيامين وگالت
_لا تقشمر بسوالفك الماصخة گبل سويتها بية وصدكتك هسة انسى اصدك يالخايب.
بنيامين:لا هاي صدك حفيدچ مو بعينج ولو عندچ ابن ياسين وجهال جسار وجهال البنات بعد شتسوين باابني.
صدت علية وگالت
_ يمة هذه مخرف لو كلامة صادگ
خجلت منها نزلت راسي وهي حچت
_ولك احچي لا تلصمة صادك كلامك لو لا
رد عليها جساس
_ يمة يگلچ أبني بالطريق ومرتة غركت بخجلها من سألتيها واضح كلامة صح ما تشوفينة متأكد وبرحابة حچاها.
بنيامين:لا يغرچ كلامة لان يعرف من شهرين وأكثر هم .
لطمت على صدرها وحچت
_ولك يا شهرين
لا أنتم راح تودوني للشماعية
عفية ولد ولدي ما وراكم غير شلعانة لهل گلب..
گام بنيامين گعد بصفها وگال الها
_ هشومتي منال حامل الها تلث اشهر .
وهاي راح تشوفين اطفالي بعد على شنو ضايجة.
صفنت بوجه بنيامين
ورجعت باوعت علية
نزلن دموعها ومسحتهن بشيلتها
وگالت
_يا يمة هذا يوم سعدي إلي فرحتوني بوليداتكم يوم يجينا للدنيا ويگر عيونكم بشوفتة ..
أشرت الي وگالت
_تعاي يمة
رحت يمها باست راسي وگالت
_عساچ بحفظ الرحمن.
قاطعنة صوت جسار يگول
_ بنيامين التلقيح عندك يشتغل زين
ضحك بنيامين وگال اله
_خليها بعدين نتفاهم أخاف على أخلاق مريتي.
ضحكو كلهم على كلام بنيامين
وصار اليل والحجية ما قبلت نرجع ولحت الا نبقى يمهم وهو فعلاً بقينة.
بعد ما غفيت دخلت بدوامة الاحلام..
أجتني مرة چبيرة بالعمر
گعدتني من النوم وأنطتني خنجر بدون يدة مالتة.
جبرتني أخذة وگالت إلي
_ اني أنطيتة الچ حتى يفيدچ بس هوَ ما مقسوملچ وما يطول عندچ .
ما فهمت معنى كلامها بس اكو صوت عالي أسمعة يحذر..
وفجئة فضنة بالمي..
گعدت من الحلم خايفة
وبنيامين حس علية
سألني وسولفتلة الحلم
هدئني ورجعنة نمنة.
ثاني يوم سولفت الحلم للحجية وهي أنگلب لونها وگالت
_ خير لا تخلين بالچ يمة.
رغم كلامها بس الرجفة بجسمي
وخوف مو طبيعي بگلبي.
گعدت يمي سحاب وگالت
_أكلك يحلو ليش مغلدم
أبتسمت وحچيت
_ما بية شيء
رفعت حواجبها وگالت
_علية نمانم وجهچ مصوفر.
ضحكت وحچيت
بسبب الحمل
ردت
_بعدچ أسم الله
نزلت جنى تصيح من فوك
_اليووم التهيت عن همشمش
لو تدريييين شكد مشتاقتلچ هشومااااااتييييي
صاحت بيها الحجية
_من عاب هل حلگ المايعرف يحچي
شمالچ تصورخين چنچ دجاجة مي رجلها.
تخوصرت وگالت
_أسم الله عليه لزوجيي شباليتة بالمووت هلكد حابتني وترديني أرجع الچ مترملة ؟
ضربت بديها وحچت
_ماتوو إلي استحو ولچ ما تگولين وليدات عمامي گاعدين فشلة منهم!.
ردت عليها وهي تگعد بصفي
_ أخواني وإذا قابل مچذبة مصيري أتزوج قابل الهم حلال وإلي حراام ؟
الحجية:يالماتستحين يرادلچ جرت إذن
كافي هيلگة كبرتي والعين عليچ.
ردت عليها
_ما أتزوج من أحفادچ أمني وخلي رجليچ بمي بارد لن يا هشومتي اريد أعدل النسل وأخذلي واحد ملطلط كافي أدب شبعت منة.
رد عليها بنيامين
_لا يا ملطلطة وهو منو من ولدنا يريد وحدة لسانها أطول منها بسبع أمتار؟.
رفعت حاجبها وحچت
_أذكرك بمنو مو هسة تگولون ما تستحي
بنيامين:إنتِ الخجل شايلتة و راگعتة بالگاع الف وخمسين مرة.
جنى: عايفتة لمريتك.
بنيامين:بهاي صدكتي أحسن من التلطلط.
صدت علية وحچت
_أگلچ أنتِ واثقة من مشاعرچ وأختاريتي هل كائن ؟
يعني بربچ عقلچ وين چان من أتخذتي هذاا زوج الچ وفووووكاها ما أگدر أكول ما تحبة وانجبرت لان أبنچ ببطنچ
بعد وين الجبر بالموضوع وانتم عابرين الشط بأشواط...
قبل لا تكمل كلامها أنضربت بالعوچية مال الحجية
صاحت متألمة
_ليشش مو حفيدتچ
ما تخافين تكسريلي رجل؟
ردت عليها
_لا ما أخاف لن ناوية أكسر هل راس اليابس وأخلص من كلامچ المعفن .
خايبة ما تستحين على دمچ مو هذولة مشوربين گدامچ گاعدين.
آخيل:عوفيها يمة شعندچ وياها.
گامت جنى وختلت ورا آخيل إلي هستوى دخل هو وبنتة..
گالت اله
_عفية بإبن عمتي شووف هشومتك شدسووي بية.
ردت عليها الحجية
_ تعالي الماتستحين.
هزت كتفها وگالت
_ماا بايعة عمري وأجيچ.
خزرتها وهذيچ أبتعدت عن آخيل وگالت
_سمعو قبل لا أصعد اني رايحة لبيت خوالي.
الحجية:شصخمين مولية
مو عدهم وليدات ما تستحين على روحچ رايحتلهم تفرفرين بنصاصهم.
جنى_ لبيت أخويا رايحة مو لبيت غريب.
ونفس ما أنتم عمامي هم خوالي بعد شكو.
تركتهم وصعدت.
والحجية سلمت على آخيل
أخذ بنتة وصعد لغرفتة.
بقت الحجية تحچي على جنى
وطبكت وياها وحدة من بناتهم هاي ولا أرتاح الها رغم هيَ ما مسويتلي شيء..
_لسانها من ورا أخوها سگط حالها لجنى وعلمها على الحقد والغل
والنوب لو بي خير چان گلنة خوش.
بس هم هذولة خوالها يوكعون من الحلگ.
بنيامين صد عليها رافع حاجبة
وهستوة حسيتة يريد يحچي سبقتة سحاب تگول
_ليش عيني شنو شايفة على الناس وتحچين هيچ أشو صيتهم سابقهم وينحلف ببناتهم قبل ولدهم والناس تتمنة تناسبهم بعد عليش تكسرين بسمعتهم وخوش نعرفهم.
ردت عليها
_أنتِ شحارگ حمامچ متگليلي
وأم الصيت ترى همة حفاي إيد ورا وإيد گدام وهل ضيغم مچلب بيهم ونايم على وجهة..
سحاب: كلامچ ثمني قبل تحچين بي
خلي الله بين عيونچ بشنو حافين أشو مستورين لا يوم سمعنة بيهم بايگين ولا ناهبين ولا كاتلين بعد عليش هل حچي.
و للعلم ضيغم لو ما شايف زينهم ما لگيتي عايش وياهم.
ردت عليها
_ أگلچ ملاحظة نفسچ تفازعين بس لضيغم ومسويتة نبي !؟
سحاب:لان صاحب حگ وكلنا نعرف ليش عايفنة.
والله يروحي أشوفة كامل والكمال لـ الله وحده.
صاحت بيهن الحجية وسحاب عافتهم وگامت..
وهذيچ ترزلت من الحجية بس لاصتها قبل لا تگوم وهي تگول
_وحق أبو فضل العباااااس هل سحاب تحب ضيغم وتفلو بوجهي إذا طلعت غلطانة
ما تشوفوهاا شلون تفازعلة من نجيب طارية وفوگاها تشوفة كامل
الحجيه لطمت على صدرها وگالت
-جيبولي سحيبان النوب عليه تتمعشگ الشطااااااااااان يتبع
-توقعاتكم للحلقه القادمه
-رأيكم بالحلقة
- تصرفات سرور ومنال ؟