تحضى نار قلبي
-63-
.........
تفاعلو على الفقرات اذا ممكن
اذا شفت تفاعل حلو أنشر الكم حلقه بالتسعه باليل 😁
للعلم مخلصة كتابه القصه مجرد أرتب الأحداث واصحح الكلمات ❤️🔥
حسابي الانستا الجديد org_bl
بعد ما كملت كنس طلعت أريد أجيب ماسحة.
أنصدمت بالبنكات مفتوحة..
وباب المطبخ كذالك.
من غير الشبابيك وزاد خوفي من شفت شباك السطح مفتوحة بردتة والباب.
واني واثقة من نفسي ما صعدت ولا وصلت الدرج.
گلبي خاف لدرجة تمنيت بابا يمي..
رجعت للاستقبال واني أردد
_اني مـا أخاف.
منال أنتِ متخافين
هاي اني فتحتهن ونسيت...
بقيت اردد بهل تلث عبارات لحد ما وگف گلبي من سمعت صوت وراي يگـول
_يـابة منـال
وكعت من إيدي القنفة على رجلي وشهگت بصوت مرتفع والتفتت بخوف معقولة!!!
من الألم صحت بصوت مرتفع
تقرب علية وگال
_ثولةأگو وحـدة تفلت القنفة من أيدها؟
لو مكسورة
بچيت وحچيت
_شبيك أنتَ وين أكو واحد عاقل يدخل هيچ غير تدك الباب تنطي علم تگول اني هنا لو هيچ تهبد.
رفع حواجبة بستهزاء وگال
_مو بعبع وما أدري وأنتِ شكو حاليلچ الجو عايفة باب الشارع مفتوح وهذا لبسچ؟
ماتگولين ال...... خيرات الله مطشرين
والمنطقة كلها تدري بيچ وحدچ ماتگولين تدني نفسهم وينعلون سلفچ.
گعدت افرك برجلي وأرتاكيت على الحايط حچيت
_شوف همك وين وانت خوفتني من شوكت تگول يابة منال؟
هز راسة وگال
_ ال... ياسين خابرني يگلي مر لـ أبو المولدة يمد كهرباء
لان حضرة زوجتي المحترمة وإلي تقدر تعبي وصبري عليها باقية وحدها.
قلصت عيوني وحچيت
_تريد تعـارك؟
أرتاك على البـاب وحضن أدينة
شَخص نضرة بـ إتجاهي
وگـال
_لا أريد أتعافة.
رمشت أكثـر من مرة
وحچيت
_مافهمت قصدك
لهم شفتة السفلية وأبتسم أبتسامة جانبية
بعد ما هز راسة وحچة بتنهيدة
_دوم الفهم وقت الي يراد منچ تجهلينة.
رفعت حاجبي وحچيت
_غير أفهم قصدك شنو والله تعبتني
أنتَ ينرادلك عقل فارغ لابي سالفة ولا حاجة
يگعد بس يفسر كلامك.
رد بعد ما غرس أصابعة بشعرة
_ عجيب شلون صرتي محامية
على عقلچ وإستيعابچ ما أسرحچ بالغنم.
عقدت حواجبي وگمت حچيت
_أحترم نفسك ترى تجاوزت علية.
ضحك بصوت مرتفع وحچة بستفزاز
_بهل سوالف أستادية بس يمي ماكو أثول منچ.
خزرتة وحچيت بعصبية
_لاتتجاااوز
تقرب علية لدرجة مايفصل بينة غير مسافة بسيطة
دنك وميل راسة
أبتسم بهدوء وبلل شفايفة وهمس
_عليچ داحي باب خيبر فتحي دماغچ وعوفيلي مثالياتچ.
رمشت أكثر من مرة وحچيت
_عايفتهن الك.
عيونة تفتر بملامحي واللمعة واضحة بيهن..
صفنت وهمت بنضراتة إلي أحس بيها تحچي
الحنية الموجودة تجبرني بكل مرة تدمع عيوني.
استهضمت وتقوس مبسمي تلقائي..
عقد حواجبة بهدوء وأبتلع ريگة.
رفع نفسة عني التفتت للجهة الثانية فرك وجهة بيدة وبحركة سريعة سحبني لحضنة و قوة على حضنة بحيث أحس كسر ضلوعي..
راسي مدفون بصدرة وتحديداً يم گلبة أسمعة يدگ
وجسمة يرجف..
ضعفت لدرجة دموعي تنزل وأشهگ..
غمضت عيوني والندم ينهش بداخلي.
أتندمت لان أجيت لهنا وتركتة كل هل فترة..
مر وقت واني على حطتي بحضنة.
راد يبتعد عني شديت على حضنة وحچيت
_مااا
ضحك بصوت مرتفع وحچة
_خوفك ياگلبي محد يعترف بيك.
شديت على حضنة
حچيت
_مفهمت!؟
رد بهدوء
_من الله طيح حظ گليبي ودماغچ المستغبي.
گرصتة من ضهرة وحچيت
_ رجعتتت لسوالفك شبيك غير انت ماتفهمني..
ضحك وشالني بحضنة
رجع الكرصة لفخذي
شاغت روحي
صرخت وضربتة على صدرة
_شگول عليك عساك بمرة عورررة يا بنيامين على هل كرص شبيييك ليش هيچ تأذينيييي
ضحك و رد
_ القرد بعين محبوبة غزال
وحتى لو عورة اشوفچ حورية موش غزلان.
منال: لا صدك كارثة انتَ
رجع نبت أصابعة بنفس المكان
ضربتة على أيدة وحچيت بألم
_والله توجع شبيييك
رمقني بنضرة صفح
و رد بمكر
_ كرصة و هيچ توجع
لعد من ...... شتسوين.؟
فتحت عيوني بصدمة وحچيت
_ بنيامين شبيك
رجع كرر نفس الكرصة
ضربتة وحچيت
_ليششش هيچ والله تأذيني
رد علية
_والله محد گالچ طلعي هل سمار كدامي.
صايم صار الي قرن وأجي ألگة هل فطور گدامي شترديني أسوي مثلا.ً
منال: حراام والله
رفع حواجبة ما عاجبة كلامي
_من .. امي حرام
يابة أنتِ مرتي تعرفين شنو يعني مرتي لو أعلمچ؟
رديت
_لا أني خطيبتك أكو فرق بعدني ما صارت زوجتك.
_غيـر من أيدچ دفعتي بموعد الزواج لحد ما الله گال صبرولي.
لهم شفايفة وقرب راسة علية همس وهو مركز بعيوني
_شرايچ نسويها صدك ونتمم زواجنة
أشو گدام رب العالمين والمحكمة عاقد عليچ
أمة لا إله الا الله يدرون بيچ مرتي.
بيتچ و غرفتچ وذهبچ محضرهن من العام عليش تماطلين.
أبتلعت ريگي وحچيت
_بعد بنيامين..
أبتسم بهدوء وأردف
_نگعد نفس الاوادم ونحچي لو تردينة امالخ ضربة الچ والي وما نحل خلافاتنة.
رديت
_أكيد نفس الأوادم.
_خير إن شاءلله لعد.
نزلني ومشى أتجاه القنفات دفع وحدة وگال
_تعااي گعدي هنا.
تمشيت كم خطوة وگعدت
تربع كدامي وأخذ أديني تمسك بيهن وگـال
_اي يعله گليبي سولفيلي شسويلچ حتى ترضين او بالاحرى شنو إلي تردي أنتِ.
صفنت بكلامة لحضات بعدها رديت
_تريد الصدك؟
هز راسة واردف
_لا أبن عمة البدروجي
ضحكت وحچيت
_ما أعرف والله
لهم شفايفة وأردف
_ أغير محور السؤال
ليش بين ليلة ويوم تغيرتي وفوگاها تدورين أعذار حتى يتأخر موعد زواجنة والأضرب ليش ضربتي كلامي بعرض الحايط وأجيتي ويا ياسين.
نزلت راسي وحچبت
_سببين
_واحد منهن؟
نمنمة كوني صريحة وياي حتى أفهم تصرفاتي غلط او طبعي غلط او اهلي الغلط..
أبتلعت ريگي وحچيت بهمس
_ اني ضعيفةة حيل ما أتحمل الكلام إلي أسمعة ولا التصرفات إلي أشوفها وكل شيء يصير أربطة بنفسي
وحساسة لدرجة مزعجة..
تخيل اني فاشلة بالمواجهة ما أعرف اواجهة أحد
طول عمري معتمدة على أبوية ومن عرفت سرور أعتمدت عليها أكثر من أبوية
اقوة هم بحياتي چان شلون أصبغ أضافر أيدي اليمنى
وأقنع أبوية على شغلة أريدها
فجأة تغيرت حياتي من عرفتك حسيتك أنتَ فد شي واااو
وصار همي تلتفتلي لو أخليك تحچي وياي.
كلامك چان صدمة الي لان مامتوقعتك هيچ ترفضني خاصة أني كل إلي أريدة يتم الموافقة علية من قبل أبوية.
هل شيء أثر علية وحسسني بية نقص لان بوقتها أستهزئت بطريقة مؤذية..
كل هذة بجهة وتجي معاناتي ما فد يوم گدرت أنساك تخيل كل رجال صادفني أقارنة بيك
حتى من عرفت ياسين شفتك بي وأقوة بعد
ضل رفضك ياكل ويشرب وياي لحد ما رجعت الي بطريقة صادمة الي
خاطب وتوفت بليلة زواجكم.
رافعت على عمى عيوني بس حتى أثبت نفسي بس اني أذيت نفسي اكثر ما ثبتتها الك انت بالذات.
طلبك لزواجي دمرني خاصة تريدني أقبل وانت تشوفني صورها وفوگاها تگلي أحبها ولاتتوقعين أنساها ومحتفظ بذكراها.
بعدها تمرضت وصارت بية شبة حالة نفسية من المرض و حرماني منك و وفاة بابا كسرني بالزايد
روحتي لبيت عمي وسماعي لكلامهم أذاني ولدرجة اول ما راسلتني التجئت الك..
بعد ما چنت ناوية اوافق على ابن عمي الي حتى شكلة ما لامحتة.
أنخطبنة وشفتك انت شنو حبيت الجانب الي عندك او بالاحرى حبيت حياتك هادئة وأقوى مشكلة صارت بينة على البيض والاكل.
بس روحتي لبيت جدك واقامتي يمهم بگد ما حبيت أجوائهم العائلية كرهتها لان كل شي بي يذكرك بمريم
ومريم عقدتني لدرجة صرت أكره كل وحدة حاملة هل أسم.
وأنتَ لله ينطيك حاط بنت جسار وتحضن بيها من غير التبوس ومرايم ما مرايم.
كل الي صار وياي بجهة وأنت بجهة ثانية
تصدك كرهت هل طفلة من وراك
والنواب عماتك مدري شيصيرن منك
بس يردن حجة حتى يگولن يا عيني خطية انحرم من مريتة
وشغلة ثانية هم نسيتها
تتمزعل على كل شيء أحچي يعني أحس لازمني على الكلمة.
واني ما اتحمل.
بنيامين: سهل كل إلي حچيتي
العلة مالتي مريم صح؟
نبتت أضافري بكفوفة وحچيت
_لاتلفض هل أسم لان مو بعيدة أجرم بيك.
ضحك بصوت مرتفع وأردف
_قصدچ أسم مريم؟
سحبت أيدي وضربت أيدة بقوة
رفعها ينفض بيها ويگول
_ خايبة شحلاتها الغيرةمنچ.
رفعت حواجبي وحچيت
_مستفزززز تعرف لو لا؟
قلص عيونة وهمس
_ شلنفص خافو ماتعرفين
صحت بـ أسمة وغلدمت وهو ضحك وحضني بقوة
لحضات هادئة مرت بعدها تحمحم و أبتعدت
ركز بعيوني وگال
_ الگلب ماله صاحب
خداع ومنـافق
همة محبوبة المـا قانع
يسكنة من الالف واحد.
مريم راحت بحال سبيها توفت ما ينفع كل طاري واللاخ نجيب طاريها.
تشوفيني ما شايف بعيوني غيرچ وانتِ كل حچاية والثانية بعدك تحبها وتريدها.
يابة مريم ماضي وانتِ الحاضر والمستقبل عليش هل كلام بعد.
وإذا على عماتي تستاهلين لان انت الي عاجبچ كلامهن
يابة يا بنت الحلال خلي هل خميس العرس
وانت تأجلينة لشهر.
وإذا بنت جسار لعد شگد اني بلا أحساس عايف هل سمار كلة ولاحك هل طفلة.
رفعت حواجبي وهو رد
_ كل إلي تردي يصيرلچ
و أول شغلة أنسويها بعد ما الچ رجعة لبيت جدي
بيتچ موجود عليش گاعدة يمهم.
سكت ثواني بعدها أردف بضحكة مكتومة
_ومريم بعد هايهية ما أوصلها
بس بشرط طبعاً.
رفعت حواجبي وحچيت
_شنو هوَ؟؟
أبتسم بمكر وقرب راسة علية
بلل شفايفة وگال
_ كل حضن وبوسة يتحولن الچ
وهيچ على ما تصير عدنا بنوتة التهي بيچ
هم نسرع الانتاج وهم متونسين
يابة عايل بعد؟
رمشت اكثر من مرة بصدمة وحچيت
_لا انت أبد ما صاحي.
كارثة والله..
ضحك بصوت مرتفع وحچة
_ شگد أحب حصرتچ من ماتعرفين تحچين.
قلصت عيوني وحچيت
_خبيييث مو بيدك.
هز راسة وگام وكف
_ أگلچ أشو ماعندچ أحساس گولي هذة متسمم لا.
منال: جوعان؟
بنيامين: ميت جووع
بس أكيد ما أگلچ سويلي آكل
عقدت حواجبي وحچيت
_ليش ما يعجبك طبخي؟؟
رد وهو يريد يطلع
_ ليش تعرفين تطبخين؟
فتحت عيوني وحچيت
_لا والله لعد منو يطبخ الك؟؟
رد بلا مبـالا
_والله عذريني ما ضايگ غير البيض والطماطة.
ردت أحچي قاطعني يگول
_ رايح أجيب عشا وأرجع.
طلع من البيت واني كملت كم شغلة ورجعت القنفات لمكانهن وهوَ بعدة.
نص ساعة رجع بيدة الاكل.
حطيتة بالصالة كعدنة نتعشة بهدوء..
بعد ما خلصت غسل المواعين رجعت يمة
گعدت وهو أبتسم وگال
_ ما تخلينة بوجهنة للنجف.
هزيت حواجبي وحچيت
_لا تنتضر لحد ما يجي ياسين.
هز ايدة وگال
_ تعالي أنتِ جبتيها لنفسچ.
عقدت حواجبي وحچيت
_شنو هي؟؟
حضن ادينة وکال
_ نمنمة انتِ مو صغيرة حتى أعلمچ
ياسين محرم عليچ
لا تجيلي بدرب معتبرتة أخوية او بابا أمني يمة
لا ياب اني ما أعترف بهل كلام كلة.
وأتمنة منچ تلتزمين بحجابچ ولبسچ گدامة.
منال: لبسي مابي شي للعلم.
رفع حاجبة وگال
_تقصدين هذا مابي شي؟
هزيت راسي بقبول وهو ضحك بستهزاء وگال
_نمنمة عوزة بعد شوية ويطك خياطة.
ذيچ وينها معالمچ واضحة.
الحجاب اله حرمتة
من تلبسي تحترمي وتقدري.
منال: أعرف أكيد ومو حاجة تعلمني.
هز راسة بدون ما يحچي شيء.
خلص اليـوم بهدوء ومرن يومين
اليـوم گاعدين اني وبنيامين نكنك على راوتر بيت ياسين والنت يگطع..
گلبت بالتطبيقات لگيته ناشر على صورة مقود سيارة وحاط إيدة علية.
عاتبتها ولكنها لم تـعلم بأنني في كـل كلـمة عتاب
كنت أقـول لهـا أنني أعشها ولا أستطيع العـيش من دونها
.
عدت قراءة الستوري أكثر من خمس مرات
أحس فراشات وطارن بگلبي.
ركزت على عتاب واعشقها
لهمت شفايفي وحچيت
_شنو تقصد بستوريك؟
رفع عيونة من الجهاز بدون ما يحرك راسة
همس
_ياهو منهم؟
رديت علية
_إلي ناشرة آخر شي.
بنيامين: قصدچ
وقت الجَميع يكتُب عـن الألـمْ ، ولـكّن الألـم الحقيِقي لا يُحـكى ولا يكُتب.
هزيت حواجبي وحچيت
_لا مو هذا القبلة
عقد حواجبة بهدوء و رد
_لعد
العشگ بس الموت يهودة؟!.
رمشت أكثر من مرة وحچيت بعفوية
_الله هاي شوكت ناشرة؟
أبتسم و رد بهدوء
_ من ساعتين تقريباً.
بقت ببالي حچاياتة العشگ بس الموت يهودة
ونسيت سالفة الشعر إلي سألتة علية..
وهو نساني أكثر من گالي
_رجع ياسين وعائلتة للبيت.
رديت علية
_حمدلله على سلامتهم والله بالي يمهم..
عقد حواجبة وقوس شفايفة
رد مستهزء
_أشوفچ أتصلتي عليهم وأطمئنيتي.
رديت
_لا والله بس غير همَ رايحين يتونسون ليش أنكد عليهم وأخابر.
رفع حواجبة وگال
_فهيمة.
گلبت عيوني وحچيت
_بنياااامينننن
ضحك و رد علية
_يحيلة
سكتت ما حچيت شي
وهو يتمضحك ويگول
_الف حمدلله والشكر عرفت إلي يخرسچ.
گلبت عيوني وگمت.
بيومها رحنة أني وبنيامين يمهم
دخلنة للبيت شكل ياسين معصب وسرور محتقنة
ونضراتة الها كلهن بيهن كلام
من غيـر إذا صدت علية لو يخزرها لو يلتفت
شكلهم أبد مو قانوني واضح أكو شيء بينهم..
برشة ما شفتها وحسب ماعرفت نايمة.
أشرت لسرور وطلعنة للصالة
گعدنة وحچيت بدون مقدمات
_سرور شكـو أشو أحسكم أبد مو على بعضكم وواضح التنـافر بينكـم ولا يگلك نفسكم إلـي طلعتو منا.
زفرت نفسها وحچت ببرود
_ سالفة صارت وكبرها ياسين.
رديت عليها
_شنو هيَ السالفة إلي كبرها ياسو أفندي.؟
أبتلعت ريگها وصفنت بوجهي لحضات وصدمتني بكلامها
_ التقيت بـ عساف او بالاحرى رحت لمطعم عساف وياسين عرف خبص الامة علية..
شهگت وضربت على صدري
حچيت بقلق وخوف
_ايا غبية هم ثنينهم غير مصخمة علاقتهم ومن الروس بينهم وانتِ رايحة بكل عين تشوفين عساف ولج شلون انطاچ کلبچ.
اويي عفية سرور گلنة قوية ومتخاف بس مو لهل درجة تصخمين وتلطمين براحتچ
سرو فكـري بياسين خطية والله..
غمضت عيونها بدون ما تحچي شي..
....
شگد ما نحاول نبتعد ونمحي فترة معينة صارت بحياتنة نفشل او نستفشل لان تكون هل فترة بيها ذكرى معينة او ذنب!.
مقترف.
ضميرنة يريد يصلحة ويخلص منة
لان التفكيـر يدمر بالأخص إذا نكون حاملين هم
هل ذنب.
حـاولت وحاولت تجنب تفكيري بـ إلي صار
بس يبقى الضمير مصدر صحوة البني آدم
صحة ضميري من وقت طوويل بس ماعندي الجرئة أواجه
خاصة تدمرت حياه عائلة بسبب أرضاء وخمود نار گلبي إلي تعسر بداخلي..
رغم أقنع نفسي بأكماد هل نار بس كذب بعدهن الجمرات والعات وعلى لحضة يشتعلن..
رغم صياحة وعصبيتة وأنفعالة بعدني هادئة وساكنة
أنتضر وقت المناسب حتى أعبر عن إلي بداخلي.
فزيت على لكمة الشباك بقبضة يدة
إيدة نزفت وهو ما مهتم مستمر يصيح
زفرت نفسي وحچيت
_إيدك تنزف.
تقرب علية بخطوات سريعة ورفع أيدة بوجهي يحچي بـ أنفعال
_مهتمة لـ إيدي!!!!
وگلبي وكرامتي ماحاسبتلن حسااب؟
ضرب إيدة بالهوا وأردف بقسوة
_مو صوجچ صوچ الحيوان الگدامچ إلـي منطيچ كل حريتچ وعلى حلل شعرچ.
أبتعدت عنة وگعدت
بدون ما أحچي حرف واحد.
زادت عصبيتة وأنفعالة تقدم علية سحبني من كتفي و مد إيدة علية..
بكفوف متتالية.
دفعتة وأبتعدت
ضحكت بصدمة وتلمست خدودي ي الموجر
رمشت أكثر من مرة وحچيت
_ تمد إيدك علية ياسين؟
رد بعصبية
_وأكسر راسچ هم.
خزرتة و رديت علية
_مو تايهتلك وما أدري
لا عبالك الضرب يبين عضلاتك ورجولتك علية
ضحكت بستهزاء وحچيت
_ تدري شنو أعتبر الرجال إلي يستقوي على مرة؟؟؟؟
بللت ريگي وحچيت
_أني أگلك أعتبرة أشباه الرجاال
شوارب ولازكة بخلقتة.
وما أعترف بي بكوم جهال.
اني ما غلطت حتى تمد إيدك وتتجاوز علية
رضيت ضميري لا أكثر ولا أقل.
عساف يطلبني دين واني وفيتة.
وأنتَ ما الـك كل حق تحاسبني فهمتتتت لـو أعيد.
رد بأنفعال
_مو طرطور گدامچ وما ادري
هين يسرور هيچ صار الحچي!؟
لعد أستلمي بروح رياضية إلي يصير وياچ.
رگع باب الغرفة وطلع.
لزمت راسي ضغطت علية بقوة وگعدت
زفرت نفسي وصفنت بالفراغ
رجعت ذاكرتي على قبل يومين من أجينا لكـربلاء..
صادف جيتنة بحنة مرتضى.
بالـي و عيوني و تركيزي
كلة يم برشانة.
خـايفة عليها من نفسها.
صعب تشوف شخص تحبة وتعشقة يتزوج گـدام عينك وتصبر..
بس برشانة صدمتني لدرجة
أستقبلت هل شيء بكل رحابة صدر.
كل هذه بكفة وصدمتي بعروستة بكفة.
أني وهيچ أنصدمت كيـف هيَ!؟
العرس صار بقاعـة ما أنكـر جمال وترتيب الحنة بكل تفاصيلهـا.
گدام عيني برشانة گاعدة
مبتسمة وممهتمة بكـل من حولهـا.
جمالهـا وشخصيتها بارزات بين الحضور
قطع صفنتي الهـا گعدت مرة
من شافتها برشة ضحكت بصوت وحضنتها بقوة..
حسب ذاكرتي هي نفسها إلي مرافقة برشانة بوفاه حسين.
أبتسمت المرة ومسدت على شعر برشة وگالت
_ها يالـغمة فرحـانة ومتهيرة
لهمت شفايفها وأردفت بقوة
_ لعد ليش غير أبن خالتو وأخو المكبور زوجي..
نهت كلامها بستهزاء
هزت راسها المرة وگالت الها
_ما توبين أنتِ ام لسان بعد شيسوون بيچ.
ردت عليها برشانة
_رجـال وابن امة وابو يندك بية إذا ما ينعل صفحتة منين ما طلع.
ردت عليها المرة
_بنتي كملي حياتچ وشوفي اليستاهلچ الف واحد يتمناچ يرويحتيي
ردت عليها برشة بشقة
_أشو ما أشوفهم لهل الف واحد إلي يتمناني؟؟
خالتو حبيبتي لا تضحكين علية بهل كلام.
اني غاليـة وكلها تتحسر علية لان محد يگدر يوصلي.
ضحكت على ردها أبد ما تگعد راحـة.
گامت المرة بعد ما صاحوها
دخل مرتضى يحني عروستة.
صارت عيني على برشانة الي مركزة عليهم.
صدت علية برشة وگالت
_أگول سيري ماتجين نبارك لضويوة على هل طيحان الحظ.
قبل لا أحچي
گـامت برشة من گدامي
لحگتها لان عارفة مستحيل تخلي هل يوم يمر مرور الكرام..
وفعلاً صار إلي فكرت بي.
سبقتني برشة تبارك
وكفت كدامهم وگالت
_الف مبروك حييلل لايگين.
من شافتها خجلت البنت وگالت الها
_أسفة برشة..
ردت عليها برشانة
_عليش الأسف يعيوني وضواهن.
دنكت ضي وگالت الها
_لان اليـوم حنتي وباچـر زفتي على مرتضى..
ردت عليهـا برشة وعينها على مرتضى
_اوو واني عبـالي شي بي حظ تالي روضي
حبيبتي أنتِ صديقة عمري وبير أسراري الشاهد على حبي
متهنايـة بفضالتـي.
أنتِ ويا ثنينكم لايگين لبعض لان خيسة.
من عندك المـال ومنچ العيـال
مرتضى أنصدم بحيث عيونة على برشة إلي سوريا
تركتهم بدون ما تزيد حرف و ضي باهتة ودموعها بطرف عينها..
كلامها ابد مو بمكانة بالاخص موجودات أقاربهم وكل ثنين يحچن سوا..
أبتسمت وحچيت
_الف مبـروك.
ضي صفنت بوجهي بدون ما تحچي شي.
و مرتضى عيونة على برشة.
رجعت الهـا قبل لا احچي
گالت
_تتصلين على يـاسين لو أطلع وحدي؟
صدمتني بكلامها
_يمعزاية وين تطلعين؟؟؟
أبتسمت وحچت
_للطيحان حظ أكو غيرة.
أتصلت على ياسين لان خفت من برشانة تسوي كارثة ثانية.
بقيت مراقبتها ولازمة كف ايدها لحد ما أتصل علية ياسين
صديت عليها وحچيت
_يلا أمشي.
صارت طلعتنة ويا طلعة مرتضى
نزلنة من الدرج وهو أجى لزمها من أيدها وحچة
_ تخبلتي لو شلون؟؟
ليش هل كلام
شگد حاولت وياچ
ما خليت واحد يعتب علية وما حاچيتة حتى توافقين وتالي ترفضين.
وهسة جاية تخربين عرسي؟؟
ضحك بستهزاء وأردف
_ من خسرتيني حسيتي بقيمتي؟
ردت برشة
_ على فكرة اني مو ضي أقبل بالفضالة
شبعت منك وذبيتك حالك حال إلي برجلي وأنگطع.
لاتتوقع حباً بيك أجيت لا و روح أبوية بس أجيت أشوف دناء نفسكم ثنينكم أنتَ وزبالتك.
مرتضى عيونة گلبن وهزها بقوة
وخنگها
شهگت وحچيت
_مرتضى والله أصيح لياسين عوفهاااا راح تمووت
ولا أهتم لكلامي وبرشة عيونها گلبن وبالكوة تتنفس
حاولت أبعده عنها ما گدرت
نزلت أركض صار گدامي ياسين واگف مرتاك على سيارتة
مجرد شفتة صحتة وحچيت
_الحك برشة راح تمووت
فتح عيونة واجى يركض
دخل گدامي شاف مرتضى خانگها
سحبه منها ونومة بالگاع يضرب بي
إلي صدمني مرتضى ولا حاول يبعد ياسين عنة أصلا مسترخي ومستقبل البوكسات.
لا اگدر أعيط ولا أكد أسوي شي غير أخذت برشة وطلعت.
جسمها يرجف ودموعها تنزل بغزارة
دكيت على ضهرها خفت لا يصير بيها شي النوب..
گعدت على الكشن وتون.
اجى ياسين صعد وساق بسرعة.
طول الطريق يحچيبينة ما بين نفسه
خوفني حييل
وصلنا للبيت وطلع
برشة دخلت للغرفة لحكتها لكيتها قافلة الباب
دكيت الباب اكثر من مرة ما تقبل تفتح
زفرت نفسي وغيرت ملابسي تركتها ترتاح
لليل اجى ياسين سال على برشة ومن عرف بيها نايمة
طلب مني اناديها
طرقت الباب اكثر من مرة يلا فتحته
مشت كدامي لياسين عيونها مورمة وشعرها مهوس
كعدت كدام ياسين ولا كانو اكو شي وحجت بدون نفس
-صاير شي ياسين
ركز عليها ثواني
تنهد وكال
- لا تتوقعين انت الي خسرتي
ربج بعدج عن انسان التفت لغيرج وهل شخص ما يملي عينة غير التراب
توقعي احتمال لو متزوجج كان رجع اتزوجها لضي تحت حجة ماعدها احد
بنتي اكو الف من يتمناج حرام هل عيون مورمة لخاطر الزبالة
انت اغلى من هيج انسان والغالي ما يلوكلة غير الغالي
هزت راسها مدعية الابتسامة وكالت
-اريد انام ممكن
زفر نفسه وكال الها
- براحتج
طلعت من يمة بدون ما تجاوب
صارت عيني على ياسين لازم راسة وكال
- روحي يمها تراهه هشة ومهزوزة لا يغرج لسانها
خايف عليها لا يوسها الشيطان وتسوي بروحها شي
ابتلعت ريكي وحجيت
- لا تخاف اني يمها
غمض عيونة واني رحت الها لكيتها
نايمة على بطنها ودافنة وجهه بالمخدة وتشاهك بخنكة
تقربت عليها و حجييت
-بروشه حبيبني بيج شي
لاتخوفيني عليج احاجي ياسين اخلي ياخذج للمستشفى
رفعت وحهه علية وحجت بحركة
-شصخم بالمستشفى ليش نازل علاج يمحيييي حب سنيييييييين
شهكت وادفت بخنكة
-ولج احبةةةةة احبةةةة احبةةة وحق العباااااس احبة وروحي بي
لا تشووووفني اكاااابر بس مااريد ارخص كلبي الاجلة شكد حاولت اطلعة من كلبي ماكدرت لا ن كلبي مجنون بحبههههه
انهارت لدرجة تضرب على وجهه تبجي وتصيح
يامرتضى عساك بحركة كلبي
وتدك وتلطم وتصرخ بصوت عالي درجة ياسين اجى على الصوت مفزوع
بالكوة كدرت الزم ادينها بس بسبب تحركها الزايد فلتت مني
صارت عيني على ياسين فرك وجهه بقوة وكال
- عوفيها تطلع الي بكلبها الكتمان ياذي
فتحت عيوني وحجيت
- لا والله ماتشوفها منهارة احسب احتمال يصير بيها شي
ياسين عليك روح ابوك الزمها
زفر نفسة وحجة ويا برشة
-الي اتسوينة صح بس حطي احتمال ببالج ممكن على لحضة تنجلطين او تنشلين حسب قوة تحمل جسمج و روضي عايش بنص العسل بعد ما دمرحهو وعائلتة
كلام ياسين صدمني لان زادت صيلح وحتى شتمت ابوها وامها لان تركوها
من شافها صارت فد مرة تقرب عليها يلزمها دفعتة وصاحت بي
-حالك حال ابن خالتك الكو شترجة منكم اذا عرجكم خر
بعدها ما مكملة كلام ضربها راجدي وهي زادت بحيث وكفت بتحدي وتحجي
-هايهية متسمي رجال وتضرب بس كلي انت وابن خالتك شعبالكم تتزولمون علية بالضرب
ولكم اليضرب مو رجال هذة يسترجل براس المرة
صدت علية كالت
-طول الفترة البقيتيها يمنة من عاى اساس هل الاغبر ميت هو كل يوم يجي ويشوفج هم بمساعدة النذل التك الثاني مالته
قاطعها ياسين وهو يكول
-اللهم طولج يا روح برشة احجي الي يريح كلبج بالج المهم ما تكتمين وهسة اودعناكم
عقدت حواجبي وحجيت
-وين رايح
رد هو ويغرس اصابعة بشعرة
- امي تنتضرني اجيبها الضاهر نسيتي غيمار يمها
طلع قبل لا احجي
تقربت لبرشة الصافنة بالفراغ وحضنتها لحضات سكنت بين ادية وبس صوت شهكاتها ينسمع
بهل وقت حقدت علية لان حسيت برشة متدمرة
وعلى لحضة تسوي بروحها شي
فاجئتني من كال الي بصوت مخذول
- اريد انام نعسانة
حاولت ابتعد منها شدتني الها وكالت بشهكة
-محتاجة امي العافتني بهل دنيا اريد انام بحضنج واحس بحنيتج
دمعن عيوني على نبرة صوتها لان حسيت بتعب كلبها
اني هم بيوم حسيت بحاجتي لحضن امي
ابتلعت ريكي وحجيت بغصة
كومي حبيبتي نتمدد
كامت وياي تمددت وهي حطت راسها على ايدي واحتضنتي
غرست اصابعي بشعرها احركهن على كيف حتى تكدر تنام
وهي دموعها غركن ايدي وصوت شهكاتها لمخنوكة جنهن سجاجين تغرس بكلبي
لحضات معدودة وحجت بغصة
- جان يكلي يحرم علية اتزوج غيرج انت حمامتي الربيتها وتعبت عليها مو بس حبيبتي تالي كسر جناحاتي وخذلني وباول موقف اتخله عني
شهكت بحسرة وكملت كلامها
-جنت صغيرة حيييل من اتخلة عني تهموني بتهمة تكص ركاب وزوجوني اخو جبر وبقى كلبي متعلك بي ويريدة
سكتت ثواني و اردفت بخنكة
- جان يكلي ما اتمنى يصير النه بنيات لان انت بنيتي واخاف لا ياخذن معزتج مني مو يكولون ملتوحات
خدعني بكلامة الحلو خدعني بلهفتة خدعني بنضراتعيونة وغزلة خدعني وخدعني واستمر بخداعي تحت حجة اقنعج تقبلين بية تالي طلع حاطني على دجة الاحتياط وعلى ساعة يشمرني على اقرب مزبلة
تنهدت وحجيت
- عوفي مسلم بيد الله وشوفي شلون ياخذ جزاء
تجاهلت كلامي وكالت
- محتاجة ماما تطبطب على كتفي وتواسيني على فعله ابن اختها
امي حبيبتي هي الي ربت مرتضى وجانت تكول لخالتي ابنج محجوزلبنتي
ما جانت تدري حجزت كسرت ضهر وخذلان لبنيتها
بوقتها ماما ما متزوجة وبقت هل كليشة ترافقني درجةتعلقت بمرتضى موبس لان هو الي وياي وياي لان لان امي جانت تريدني اله
ابتلعت ريكها واردفت
-انت تحسين بيه لان اني وياج متساوين
انت واني ثنينة يتامة علي الما شافوالله وعلي بينة
اخر جملة كالتها واستسلمت للنوم
اختنكت حيل بكلامها فعلا يتامةعلي الما شافوالله بينة
ذكرتني بكلام ياسين من يكلي ثنينا كافلنا علي هو ابو اليتامة
نامت وشهكاتها مرافقتها حسبت من كلت بس على السبب
تنهدت وقريت على راسها ايات لحد ما قاطعني صوت جهازي الي يدك
سحبت ايدي من راسها وطلعت بعد ما غلقت لضوة
اخذت الجهازلكيتة ياسين يدك فتحت خط علية وكال
-بشري شخبارها برشة
رديت
-الله اعلم بيها منة حالتها ابد ابدمو تمام
تنهد وكال
-تحتاج دكتور
رديت لا خليها هسة من نرجع لبغداد انشوف خالي علي
رد عليه
-حجيت ويا كال خليها تشوف خذلانه الها حتى يكسر حاجزالتعلق وشوفوها الواقع الي واهمة الكل بي
زفرت نفس وحجيت
-تتاذة اذا هيج
رد
-على الاقل ساعة ولا كل ساعة
رديت بحيرة
-سوي الي تشوفة صح والاحن لبرشة
رد
-ان شاء الله محتاجة شي راح نطلع
-لا سلامتك
سديت الخط ردت اترك الجهازوصلني اشعار على الواتساب
دخلت علية كاتب
-لازم انصفي حساباتنة سوى لا تتوقعين اسكت على الي سويتي وياي باجر الساعة بالهدعش ونص انت بمنطقة ال اذا ما تجين حسبي حساب جزائج يمس عائلتج لبغداد بديناها بكربلاء وننهيها بكربلاء احسن مما نوصل لغيمار
لزمت راسي وحجيت بكلبي
- ماكو غيرك يا عساف تتوقعني ما اعرفك يا حيوان
بيوم الي اجينا لكربلاء دزلي رسالة تحتوي على
-صخمتي كربلاء يا ست محامية الغفلة
وبيومها باليل دز
- اشتت عائلتج وارجع الج الصاع صاعين وكولي ما كال
زفرت نفسي ودزيتلة
- تحلم تلمحني مو اني الي اتهدد
رد بستفزاز
-انشوف ام الفلافل وناهيها بضحكة طويلة وهنا تاكدت من عساف
لحضات دزصورة لياسين شايل غيمار و واكفين يسولفون
وكاتب جواها
- احرمج من وجود غيمار بحياتج اذا ما تجين وانت بمنطقتي تتوقعين تضيعين عني
ذبيت الجهاز
و ورة نص ساعة اجى ياسين
اخذت غيمار غسلتله بدلت له ونومتة
رجعت للصاله لكيت جهازي يدك استغرب ومشيت اخذه و ياسين كال
- من اجينة ولحد الان رقم يدك ويفصل فتحت خط علية ما يحجون
عقدت حواجبي مستغربة اخذت الجهاز واشوفة نفس رقم عساف
فتحت خطوصلتني ضحكتة المستفزةوكلامة المقزز
-اووو عذرينة محاميةالغفلة قطعنة امسيتكم الرومانسية حقة لياسين مجلب بيج غير صايرة ثلاثينية جادة شلون جسم وو
تقززت منكلامة قطعت الخط وياسين كال
- منو ما عرفتي
-هزيت راسي برفض وحجيت
-مااعرف منو
وصلتني رسالة واتساب فتحتها صورة الية من كفاي وكاتب عليها
-بس كوليلي ياسين شمسويلج هل هيج متفح ال...
حذفت المحادثةورفعت راسي على ياسين الي مركز وياي
سبقني ياسين و هوَ يگول
-تهديد؟
صفنت بوجهه وحچيت
-لا ماكو صوت..
رفع حاجبة وأبتسم
-اهاا
هزيت راسي وتحمحت
مغيرة الموضوع
-ماگلتلي شسويت من رجعت لمرتضى
تنهد وگام وگف بدون ما يحچي شي بس رمقني بنظرات غريبة
-صاعد أنام وراي گعدة من الصبح.
قبل لا أجاوبه صعد
گعدت على القنفة لازمه راسي وصافنة بالفراغ
أحس طاقتي خلصت أبد ما عندي أستعداد أدخل معركه ثانيه
وعساف رجعتة أبد مو خيره بالأخص ياسين محيرني أتواصل ويا..
خايفه لا يسويلي مشاكل بغنى عنها او يأذي غيمار
عساف أبد مو هين كل شغلة سكتاوي فجاة يطلع شكل
من گد ما فكرت راسي صدع وفات الوقت.
صارت عيني على الساعه ثنتين ونص
زفرت نفس وگمت صعدت للغرفه مجرد تمدد يم ياسين
ما أحس غير ساحبني اله ودافن راسة بعنقي ويگول
-وين چنتي طول هل وقت؟
رديت
-جوه ليش!
لفني اله وهمس بهدوء
-گليبي أفتقدچ
بعد گذلتي من وجهي وگال
-ليش هل خوف بعيونچ اليجدحن نار
تدرين بضهرچ اني إلي يمسچ بحرف أرجعه ب....
سيري لا تتصورين أترك إيدچ بيوم
على الحلوه والمرة سوى لحد آخر لحضة بهل دنيا
لاتنسين إلي صار ويانا بالفتره السبقت
شفنه النبي عربي بألف يا علي يلا گدرنا نتخطه المرينة بي
ختم كلامه بطبع بوسه رقيقيه نهاية شفتي..
إبتلعت ريگي وحچيت
-لا توهوس ما كو شي صاير وياي
غمض عيونه وأرف
-أحاول أصدگ لسانچ الي لو مدري شيصير ما أصدگة
ضحكت وحچيت
-ليش عيني شبي ؟
قربني اله وعضني من كتفي وگال
-لان خداع ينطق شي وعقل سيري يسوي شي
تهمهمت بضحكه وهوَ أردف
-سيري ليش ما تكملين دراسه حتى تاخذين شهاده وتدرسين كليه بالمهنة إلي حابتها.
عقدت حواجبي وحچيت
-شلون يعني؟
رد
-بدل ما تمارسين المحاماه تدرسين كليه محاماه واني أشوفلچ واسطه
أبتسمت وحچيت
-شعجب إجى هيچ ببالك
رد
-حتى تلتهين عن كل شي
فهمت قصده شنو
وحچيت
-حتى أنتَ !
رفع حاجبه وحچة بثقه
-مرجعچ لهل حضن يبعد گليبي
هزيت راسي وحچيت
-نعسانه.
مسد على شعري وگال
-نوم العافيه
غمضت عيوني لحد ما صدك نمت
تقريباً نصف الليل حسيت على طكطكة
فتحت عيوني صار ياسين گدامي بيدة جهازي
چنت واثقة من هل شيء لان قبل لا أنام حذرني بطريقه غير مباشرة..
تنهدت وأستسلمت للنوم
حسيت الصبح بالتسعة
ياسين يريد يطلع من واگف يلبس بساعته
صد علية گال
-اتأخر اليوم بالرجعه لا تنتصروني
عقدت حواجبي وحچيت
-وين رايح!؟
رد بحزم
-شغله صارت الي
هزيت راسي بدون ما أحچي وهو طلع
بعد ما صحصحت نزلت لگيت خاله حاطه غيمار توكل بي
شافتني گالت
-يا صباح الخير شحلاتكم اليوم أصبح بوجوهكم الي ترد النفس
أبتسمت وحچيت
-صباح النور
تسلمين خاله
گعدت يمها وحاولت تقنعني أرجع لكربلاء واني ملتزمه الهدوء
صارت 11 استأذنت منها وصعدت غيرت ملابسي ونزلت
شافتني أستغربت وگالت
-ها خاله خير إن شاء الله
أبتسمت وحچيت
-اروح لصديقتي ربع ساعه وأرجع
ما حچت شي
واني طلعت أخذت تكسي للمكان الگال عليه
وصلت نفس المكان لي التقيت بي
بس الفرق كان كافتريا وحاليا مطعم
والمنطقه الفقيره صايره راقيه..
سبحان مغير الأحوال الأماكن والناس تغيرو هل يا ترى الگلوب هم تغيرت!
هل منطقه تذكرني بأتعس أيام حياتي
دخلت للمطعم گعدت أنتضرت عشر دقايق أتصل
فتحت خط
صوفر وگال
-خر* بالم***** شلون صايرة
ما تگليلي شتاكلين على هل جمال الزايد
رديت بقرف
-انت خبل شي'؟
أذكرك على شنو أجيت لو لا
رد بستفزاز
-اوبسسس انستي الجميله
طلعي من الممر الي گدامچ لحد اخره على اليمين دخلي بالغرفه
غمضت عيوني وحچيت بحده
-وحق الخلقك يا عساف اذا ما تجي لأطلع منا و شيصير يصير
لا عبالك أمشي ورا تهديداتك وأخضع الك ما عاش إلي ينزل مني فهمت.
رد
-اوي عيني الموناليزا وما أدري
غلق الخط مني فتحت تسجيل صوت لان ما عندي ادنى ثقه بي
لحضات معدوده اجى وگف گدامي وگال
-أهلا سرور
رديت
-لا هلا ولا مرحبا
ضحك بصوت وگعد كدامي گال
-أدخل الچ بالمفيد
تعوضيلي والدتي وبنتي وكل المر بهذاك الوقت أبتعد عنچ ول لا أعتبريني ماخذ حيفي ونص من عيونچ
سرور:أصحح بنتها لأختك أنت ربيتها على خطاك الخاطئ
ياسمين أكبر غلط تربت على إيدك لان البنيه غلط عاميها عمي لا تفهم بالكلام ولا بشي مهم
درجة فضلت شخص ما تعرفة على المفروض أبوها الرباها
لا عبالك ما أعرف بياسمينة الأمورة شردت ويا أبن عمي مصطفى وعقدوًوانت ما تگدر تحچي لان عمي وبيبي متحلفين ااك..
شبه إلي أنصدم من كلامي لكن تدارك الامر وگال
-بعدها ثغره بداخلچ وفاه نارفين بنتچ
يا ترى عرفتي خاطفها منو و إلي أغتال ياسين
كلامه نفس الساعقة وضربتني براسي
بالگوه گدرت أنطق هل كلمه
-شمدريك بخطفها؟!!!
ضحك بيتفزاز وحچة بحماس
-شلون ما أعرف واني من خطفها من حضانتها
و أصارحچ
ما نويت أرجعها لحد ما شفت حالتها اتدهورت ومن أخذتها للدكتور وسوو فحوصات أتضح مصيرها الموت
رجعتها الكم مو لان شفقت لا يحلوة رجعتها حتى تموتين بنار عذابچ عليها
وموت أختها وياها جابن خوش نتيجه..
طول ما يحچي سكتت أريده يعترف عن كل الب سوى ويانا
استمر يعترف بغباء
-ليش هيج سويت ويانا بالله اني لان صرحت عن بنت عمي الي انت ماخذها بدون ما نعرف بعني خاطفها
ياسين صديقك من سنوات ليش هيچ تأذي ؟
ردبحقد
- ياسين المان إلي مجرد ما رجع وعرف متزوجچ حرك الكافتريا وخسرني بمشروعين وفوك هذا نكر صداقتنا كلها لأجلچ
وأصدمچ بالمان مالتچ لو تدرين شسوى هوَ وإبن عمه بعمچ العزيز أبو منال
أستغربت من جاب طاريهم و انصدمت بوجود ياسين إلي سحبني من إيدي وگال
-الضاهر أنتَ ما توب مني كم مره گايلك يا م.... الصفحة أبتعد عني وعن عائلتي وأنت ت... بصفهم
قبل لا يجاوب سحبني ويا للسياره غلقت التسجيل وهو طول الطريق ساكتًلحد ما وصلنا للبيت دخلنه
بعدني بالباب صاح بية
-شحچيتت انييييي
كم مره منبه عليچ يا سروررر
كم مره گايلچ حسبي الف حساااااب قبل لا تتخذين خطوه
بكل مره تثبتيلي شگد انت متسرعه وما تهتمين لأحد
مصيرچ تودينه للهاويةةةةة
يوم أنتقاااام يووم حق يوم تهديد ما تملين عليچ إبن البدويه
تركت كل كلامة وحچيت
-شنو الي سويتو انت وبنيامين لعمو ابو منال وهو شسوالكم
صفن بوجهي لحضات وگال
-أبو منال.....يتبع
-توقعاتكم للحلقه القادمه
-تصرف سرور صح برأيكم
-رأيكم بالأحداث
حسابي الانستا الجديد org_bl