تحضى نـار قلبي
_٦٢_
.....
ملاحظة:النشر يومي الساعة تسعة
أتمنى منكم تتفاعلون على الفقرات أضافة بارت قليلة وتختم القصه
.. ياسين أفهمني ما أريد أئملها بوهم وثنينا نعرف وهم ما طلعت من هل أزمة لحد ما روحي طلعت ومتأكد بعدها عايشة برعب وخوف وقلق..
.. كلامك أبد مو مال واحد يفهم عليك دين محمد وين عايشيين ما تگلي هسة أروح أگللها يابة بنت الحلال شاكيين بأبوچ مسجون بسجن الح.. بتهمة غسيل أموال وتزوير!؟
خليها تعرف بي ميت ولا تعرف بي هيچ..
.. افهمني ياسين خليها بهل وهم لحد ما نعرف حقيقة إلي ديصير مستحيييل أجازف وأحچيلها هيچ على الأقل لحد ما اتأكد من صحة المعلومات لان منال قطعة مني مستحيل أجازف وياها.
.. أطلع من السالفة ياسين
منال لو عرفت تأكد ما تبقى وياي لان تمشي ورا أحساسها أبد ما تفكر بعقلها واني ما مستعد أخسرها
بعد كل هل أشهر..
بألف يا علي يلا أخذت على الوضع وياي.
سكت ثواني و رد بصياح وعصبية
_ من أنعل ساس ..... أطلع من السالفة لا تدخل لا أكفر بيك.
_اني ومرتي محد يتدخل بيناتنـا.
_أسكتتتتت أسكتتت لا تحچي واصلة وياي لخشمي لا تخليني أنعل أهلهم..
رگع الجهاز بالحايط وبقة يصيح بـ أسم آخيل.
كلامة وگف كل ذرة بجسمي
أبد ما متخيلة هل شيء
أبويا عايش!؟!؟
لا مستحيييل بيدي بيدي اني لزمت راسة..
دموعي تنزل بغزارة وجسمي يرجف
أختنگت وروحي لابت
بحيث ما گدرت اوكف على رجلية گعدت
وأشاهگ..
حسيت على سحاب تحاچيني
صديت عليها واني كل إلي ببالي كلام بنيامين..
هزتني من كتفي وگالت
_نمنمة شبيچ ليش تبچين و وجهچ أصفر؟
ما اعرف شنو أحچي وأگول
وهيَ صاحت على الحجية وبنيامين..
كلها أجت علية
ونضرات بنيامين المترقبة إلي
مجرد عيونة محاوطتني...
هزتني الحجية وگالت
_ولك يمة تعال شبيهة البت مساعة گاعدة يمنة
شسويتلها ولك..
طلع من يمنة بدون ما ينطق حرف واحد..
حضنتني الحجية وتقرأ على راسي
أخذت مي غسلت وجهي وگالت
_گومي يمة لاتشلعين گلبي.
كومني البنات واني ولا يمهن بحيث بس دموعي تشرح إلي صاير وياي..
دخلني للغرفة
تمددت بفراشي غطيت راسي وبچيت من كل گلبي
يعني حلم إلي اعيشة لو شنو أبويا عايش لو ميت
يا سجن ويا تهم يحچي عنهن بنيامين!!
معقولة كلامة صح
لا لا مستحيل أبويااا مو هيچ..
ما اعرف شگد من الوقت واني على نفس النومة.
أكثر من مرة أجني البنات نادني ورادن يعرفن شبية..
آخر شيء سمعت صوت الباب أنسد.
وصوت بنيامين يگول
_نمنمة گومي أحچي وياچ.
ما رديت علية وهو گال
_تركتچ من الصبح لحد هسة ردتچ ترتاحين حتى أحچي وياچ..
وهسة ما الچ عذر
أعرف بيچ گاعدة..
نزلن دموعي وهو أردف
_لا تسكتين هيچ أحچي نمنمة.
أبتلعت ريگي أكتم الشهگة..
سكت لحضات بسيطة
حسيت علية رفع الغطة وتمدد وراي..
أحتضني وهمس
_كافي زعل يابة..
بالگوة نطقت الحچاية بخنگة
_ وخرر بنيامين..
دفن راسة بعنقي وحچة بهمس
_ليش.؟
دفعتة بعكس أيدي وحچيت
_عوف الـ ليش
أريد أنام..
شد على حضنة وتمسك بكفوف أديني وحچة
_ يابة مو شلعتي گلبـي
كـافي مو نعلتي ساس الخلفني.
ما تعولين الچ زلة علية حتى تزعلين.
حسي بية منال لا ليلي ليل ولا نهاري نهار
عـايش بمنتصف دوامة تآخذني يمنى وترجعني يسرى كونيلي عون مو فرعون..
منال: تعبانة نفسيتي مو گادرة أتحملها والله.
تنهد بهدوء وحچة بهمس
_ ذبي حملچ علية
المن أني موجود إذا أنتِ تعبانة وما تفرغين تعبچ؟
نمنمة أني مو غريب عنچ
أنتِ زوجتي شرعاً وقانوناً
فضفضيلي وطلعي إلي تردينة.
وما بعد شيء وإن شاء الله يتم زواجنة بعد المن هل بعد؟
نمنمة خليها ببالچ اني أبعد بموعد زواجنة على مودچ
ما أريدچ مكتأبة او منزعجة أريدچ بكامل أرادتچ.
لان يانمنمة هذا زواج مو فرض عمل ولازم يتم بـ أرادتنا او لا..
بكل مرة تأجلين وأگول حقها يابة..
قبل لا يكمل كلامة حچيت بخنگة
_ بنيامين ما أريد أتزوج
اني ابد مو مناسبة الك ولا انت..
عم السكوت لحضات هادئة قطعها صوتة يگول
_ يصير تفسير؟
منال: بطلت ما أريد أتزوج..
_نامي بنتي الضاهر التعب أثر عليچ.
تملصت منة و التفتت علية وحچيت
_لا تعب ولا هم من يحزنون
بنيامين حس بية تعبت وما أريد اتزوج.
_أنطيني سبب واحد منطقي.
منال:كل شيء هنا يذكرك بمريم لاتسوي نفسك ما مهتم لان الي يحب مستحيل ينسى وانت ما ناسيها وبعدك تحبها واني مجرد وسيلة تلهيك عن التفكير بيها وهل شيء ما أتحمله.
وفوك كل هذا جاية من صالحك بنت إيناس وجسار مريم وانتَ ما فالح غير بس مرايمي ومرايم.
كلهااا تكول مريم بنت إيناس تشبة مريم واصلاً واضح الشبة ماكو داعي أحد يحچي.
و مو بس هذا
أنت ضام علية شيء يخص ابوية أريد أعرفة.
لاتشلع گلبي وگلي عايش لو هل كلام الي سمعتة مجرد تضييع وقت.
حط ايدة تحت راسة وحچة
_كملتي؟
يصير أحچي
رديت بأنفعال
_أحچي منو لازمك.
_لسانچ.
منال: شبي؟
_لازمني ما ينطي مجال.
منال: خلصتت؟
بنيامين: بالاول خليني أبدي.
المهم الدودة العندچ شوكت تگعد راحة؟
بنية ميتة وشابعة موت بكل وقت تذكرينها ليش
نمنمة أنتِ حاضري ومستقبلي وهل شيء يكفي.
ياهو أبداً الماضي او الحاضر والمستقبل!.
مريم شيء حلو صار بفترة معينة بحياتي والها أثر چبير بتغييري نحو الأفضل ما شفت منها شيء مو زين عرفت تحتويني بأتعس حالاتي بدون ما تذمر أو تهتم لكلام أحد.
منال: بعددك تحچي بيها وتجيب طاريهااا ليش ما تهتم لمشاعري؟؟؟
بنيامين: صار الچ ساعة يا مريم ويا مرايم هسة صرت ما أهتم لمشاعرچ؟
نمنمة فهمي باباتي شخص ممأذيني محترمني ومحتويني ومقدرني ما شفت منة الزلة الوحدة تريد بس راحتي ما همها شيء غيري حبيتها وبادلتها الأحترام لان كبرت بنص عيني.
ترديني هسة بعد وفاتها أجي احچي عليها وأگلچ هاملتني مو زينة وما حبيتها وما شفت الراحة وياها في سبيل أرضيچ وأكذب على نفسي بهل خزعبلات!.؟
گلتلچ يا بنت الحلال أنتِ حاضري ومستقبلي
متعلق بيچ بشكل جنوني
حصرة علية أگعد وحدي إذا ما أجيتي بنص بالي
و هسة تجين تگليلي بطلت ما أريد ليش هي لعب جهال وتبطلين؟!.
منال: لا تحچي علية
أعرف ما تحبني ولا تحبني وماكو داعي لهل كلام..
_ماعندچ منطق.
منال: عايفتة الك ابو المناطق.
هز أيدة وگام وگف
گال
_گومي نطلع تغييرين جو.
منال: ما أريدك بنيامين
_ و أني أريدچ بهل حالة شسوي؟
منال: طلگني..
_يابة شلون بية ويا الزعاطييط
ما تسكتين.
منال: لا ما أسكت وهسة تحچيلي شصار ويا أبوية وشنو السالفة..
زفر نفسة وحچة
_لا تعبين نفسچ ما أكو شيء.
منال: بنيامين أحچي شكو لو أسوي شيء ما يعجبك ولله..
أخذ المخدة مني حطها على راسة وگال
_سوي إلي ببالچ ويحلالچ كهربي.
كزيت على أسناني وضربتة على أيدة بقوة..
لحضات وما احس غير ساحبني علية ومعتليني
ماتفصلنة غير سانتمترات قليلة
ركز بعيوني وحچة
_شوكت تكبرين وتبطلين لطلطة؟
عقدت حواجبي وحچيت بعصبية
_وخرر عنييي
رفع حاجبة بستهزاء
وگال
_ليش بنتي ؟!.
منال: مو بنتك وبدون الـ ليش..
قوس شفايفة وقلص عيونة
تقرب مني أكثر وگـال
_هم صحيح أنتِ مرتي مو
دفعتة بقوة بحركات عبثة وهو شد على اديني وتقرب أكثر علية
منال: گلتلك وخرررر مني
ما تفهم الحچييي؟!!
همهم ودنگ علية أختلطت أنفاسنا من شدة قربة
ركز بعيوني وهمس بضياع
_ليش الله ما يجرعچ هيچ تشلين الگلب شل.
سكت ثواني وأردف
_اااخ يابة شنو هل سكون ما عرفتچ..
لحضات هادئة بسيطة قطعها بگرصتة لخاصرتي وبعدة عني وهو يحچي بنصر..
_لا تتقشمرين وياي بعدچ كتكوتة.
تلمست خاصرتي وحچيت بألم
_الحقااااارة تسرري بدمككك تعرف لو لاااا
مط جسمة وحچة
_من عرفتچ غيـر كهربي.
مشى خطوات بسيطة ورجع علية دنك وكرص خدي بهدوء
وگـال
_بدلي وطلعي وراي باچر إذا الله راد ميلاد مريم والبيت مخبوص بالگرايب لاتفوتين هل مناسبات.
طلع قبل حتى لا أحچي.
زفرت نفسي والتفيت بالغطا..
عضيت الغطة أكتم صرختي
بقيت على نومتي لحد ما سمعت صوت سحاب تگول
_يحلـوة مناوية تگعدين؟
ترى أعرف بيچ گاعدة وبنيامين دزني عليچ
لان اني وإينـاس وجنى راح نطلع ويا..
بعدت الغطة عن وجهي وحچيت
_طلعو أريد انام.
گلبت عيونها بملل وگعدت كدامي
گـالت
_ تقريبـاً فهمت إلي بيچ.
عقدت حواجبي وحچيت
_ليش شنو بية؟
أبتسمت وحچت بثقة.
_أعتبريني جاهلة وتحچي متفقين؟
هزيت راسي بقبول
وهيَ أردفت
_ أعرف شنو أحساسچ وكلش توضح على ملامحچ الضوجة والحزن من يجيبون طاري مريم.
منال: لا هل شيء خطأ..
سحـاب:من رخصتچ سكتي خليني أكمل كلام.
من ناحية ما أگلچ مريم انسانة ملاك ومالها أذية
لان جديات نمنمة اني وياها عمرنا ما صلحنة والمكان إلي نكون بي يعني نخربة وتوصل بينة للضرب.
لاهيَ تطيقني ولا أني أطيقها وكلها تعرف هل شيء.
حتى وصلنة لمرحلة المكان الي اني بي هي ما تتواجد بي والعكس وهل أمر من الحجية من گد ما تعبت من عدنا.
بعد رجوع بنيامين من السفر قرر يستقر هنا و أول شيء سوا رمم البيت مال أهلة.
بس بقى يروح ويرجع لحد بفترة قرر يتزوج مريم
اني اول الناس اعترضت وضجت لان مريم ما تناسبة ويستحق وحدة أحسن منها..
بس هل شيء محد يشوفة غيري
أحتمال لسوء علاقتنا.
وأزيدچ من الشعر بيت يا نمنمة
الوقت القضو سوا مو أكثر من سبوعين لان لا مريم ولا بنيامين أختلطو سوا قبل هل أسبوعين بحكم شغلة وعدم أستقراره هنا.
منال: بس بنيامين چان يحبها.
سحاب: واقع لو خيال تردين؟
منال: مافهمت؟
تنهدت بهدوء وگالت
_ إذا واقع، اشوف بنيامين يحبچ ومتعلق بيچ وعيونة ما تفارقچ من غير هاي هوَ يهتم لمشاعرچ يعني أبسط شيء هو ما عاف شيء يخص مريم ببيتة والسبب انتِ لان فكر بمشاعرچ أنتِ وتجاهل كل شيء.
وأني حچيتها لبنيامين حبَ لمريم وهم على وهم.
بس هيَ زرعت طيب بداخلة وعرفت تحتوي بهل فترة القصيرة..
و ولدنا كلهم على الاطلاق يقدسون مرور الناس بحياتهم خاصة إذا كـانن ممأذياتهم.
وإذا نجيچ على الخيـال
رسمي ببالچ مخطط إلي هوَ بنيامين يعشق مريم وبعده يحبها ودمري نفسيتچ وحياتچ و وهمي بنيامين وياچ بهل بهل خزعبلات.
نمنمة الحياة مو سهلة لا تخسرين بنيامين لان إذا خسرتي صعببب ترجعين الة شگد ما هو متفهم ومحبوب وشغوف
بالمقابل عصبي وصعب ينسى أو يتناسة وإلي ببالة يصير على حساب حياتة.
يحب ويتنازل ويقدم تضحياات خيرااات الله
مايمل بسهولة ويفوت السوالف لحد ما يحس بيچ أبتعدتي عنة والخطأ مو منة بعد ما يلتفت ويكمل حياتة من النقطة إلي توقفت وكأنو ما صار شيء..
والي دا أحسى أنتِ تحاولين تخسري بينما هوَ ديحاول ويكابر على مودچ.
مريم ماتت والله يرحمها خلصت قصتهااا لا تلتفتين الها.
وبشطارتچ تگدرين تحسسين بنيامين أنو هو موهووم بحبها مجرد تعلق ويطيير.
منال: الكلام سهل بس التنفيذ صعبب هواي..
سحاب: لا بالعكس أني من النوع إلي يحب يثبت نفسة بهيج سوالف وأحسچ أنت گدهاا وگدود.
وها للعلم ترى اعرف بيچ تحبي من زمان.
فكري لمرة وحدة أنو تدخلين هل معركة وتدافعين عن حبچ بدون ما تذكرين أسم مريم وشوفي.
منال: ما أگدر أدخل هل معارك..
سحاب: عذريني نمنمة بس أنتِ حيل ضعيفة بسرعة أستسلمتي.
ولعلمچ نمنمة من رأيي الحب مو مهم بكد الأحترام والتفاهم والتقدير
لان أني أشوف إلي يحترم ويقدر ويتفهم يگدر يحب بسهولة.
وأكـو يحبون وقصة حب سنووووووات بس حياتهم ايييع مقرفة ما بينهم أحترام ولا تقدير.
بس أكـو زواج تقليدي درجة ما شايفها غير بس بالعقد ومرات قليييلة وما بينهم تواصل
بس بعد الزواج تلگيهم أجمل كبلز بالأخص إذا احترام بينهم.
فكري من هل ناحية لاتخسرينة لان واضح يحبچ.
ضحكت وكملت كلامها
_على گولت هشومة
صيري نفس النسواان المبلبداات يعرفن شلون يتلوحن ويتمسكنن على رجولتهن مو نفسچ فاهية.
قاطعنا صوت بنيامين يصيح لـ سحاب.
ابتسمت بهدوء وحچت
_وداعتچ ما ميت علينة بس يريدچ تطلعين هل عزمنة
لا تكسرين خاطرة وتعالي
تلوحي علية تدلعي مو معبسة.
فري دماغة بطرف أصبعچ
وبادري نفس ما يبادر
ترى الزعل مايفيد ولا البچي يفيد ولا النحب يفيد.
گومي غيري جو على الاقل حتى ترتاحين وتغييرين النفسية ودوسي ببطنة بدلعچ.
شبييييچ يحظي اني اعلمچ تگومي ويانا
وخلي هو الورط روحة.
نهت كلامها بضحكة ماكرة وغمزة
ضحكت على كلامها
مدت ايده كالت
_يلا فكيها عاد.
مديت ايدي سحبتني وگالت
_اليوم يشوي على أذاني بصل طولت يمچ وهو كال خمس دقايق..
طلعت من الغرفة واني مجرد اخذت اسلامية وشال لبستهن وطلعت.
غسلت وجهي وعدلت الشال على المراية..
أجتني سحاب گالت
_أمشي البنات طالعات وبس اني وياچ هنا.
حچيت ويا الحچية وأنطيتها علم راح اطلع أبتسمت وگالت الي
_روحي يمة داعت الله.
طلعنة اني وسحاب
لگيتهن كلهن صاعدات ورا
ركضت سحاب فتحت باب الورا صعدت وغلقت الباب
فتحت الجامة گالت
_ عيني عايفيلچ الگدام.
صعدت وساق بسرعة.
ما نزلنة مجرد وكف يم نفس الدلة إلي اشترا منها الگهوة
وهل مرة أشترالنة كلنة
ونفس العادة طلع الفلوس للطفل حطهن بجيبة وسلم واجى صعد يمنة.
ساق السيارة وحچت جنى
_عمو هاي الگهوة هيچ غالية.
رد عليها
_لا ليش؟
جنى: شگد سعرها؟
بنيامين: الف ونص شنو تردين تدفعين فلوسها؟
ضحكت وگالت
_لا مو عيب ادفع وأني طالعة وياك المفروض بس أقطك ما انطيك..
بنيامين: شلون حچاية وگفت بطرف لساني.
جنى: عيب عيب عمو
بس صدك ليش انطيت خمسة وعشرين وأنتَ اخذت ٦كوابة كهوة إذا بـ الف ونص يعني ست اللاف للستة تبقى النصاصة كل ثنين الف يصير تسعة اللاف مو خمسة وعشرين الف.
بنيامين: عيون لو قناص شمدريچ هل گد اني انطيتة عشرة الف لباقر والبقية للگهوة خو ما ناخذ بلاش وهو على باب الله.
صديت على بنيامين لان هل مرة الثانية اشوفة ينطي ٢٥ ومو عشرة..
غير الموضوع من حچة ويا إيناس
_أگول خنفوسة محتاجة شيء لباچر لو لا؟
إيناس: لا ابد كل شيء جهزتة من فترة.
سكت وكمل الطريق وگف يم محلات اشترا حلويات وعصاير وبعدها رجع للبيت
وگف السيارة ولزم أيدي وگال
_خنفوسة گولي للحجية منال بقت وياي.
إيناس: يا سهولتها يلا مع السلامة
نزلن البنات وهوَ ضاغط على أيدي.
ساق السيارة وهدها.
لا اني حچيت ولا هو بادر.
وگف وصف السيارة يم مجمع
صد علية
گال
_ نزلي ناخذ هدية لبنت إيناس.
هزيت راسي ونزلنة.
أول مادخلنة عجبني بيت صغير وبي باربي..
ابتسمت واشرتلة علية.
أخذها وگال
_تردين لعبة؟
ضحكت وحچيت.
_لا شسوي بيها
قلص عيونة وتخطاني.
التفتت علية أخذ باربي والأمير صغار.
أنطاهن للرجال وگال
_ القصر غلفة وهذني وحد اريدهن.
بعدها اخذ لعابات تلاثة وكيتار صغير.
حاسب واخذهن وطلعنة.
صعدنا بالسيارة وساق بـ اتجاه بيتة
صديت علية وحچيت
_ هذا مو طريق بيتك؟
صد علية بطرف عينة وگال
_ قصدچ بيتنا.
مسافة بسيطة و وگف بباب البيت.
نزلنة ودخلنة للبيت
أتعجب شلون يبقى هيچ نضيف حتى تراب ماكو.
گعدت على القنفة وحچيت
_ليش بيتك هل گد نضيف؟
هز راسة وگال
_أمني محد ينضفة غيري.
تركني وحدي وصعد
ماطول هواي ونزل
گعد گدامي وتمسك بيدية
گال
_صيري حبابة وقيسي هل ثوب.
مد الكيس الي وگال
_يعجبج لان قريب الذوقچ.
أخذتة منة ورحت قستة
الثوب حيل حلو لون غامق..
طلعت گدامة أبتسم وگال
_حلاتچ بحلاوة گليچة العيـد
رمشت أكثر من مرة
وحچيت
_شعجب الكليچة؟ الضاهر أنتَ جوعان وصاير غزلك عبارة عن آكل..
ضحك بصوت مرتفع
و گال
_شگد شلنفص أنتِ
لسانچ زفر صاير.
منال: من عاشر قوم اربعين يوم أصبح منهم واني الي وياكم أكثر من أربعين يوم..
بنيامين: لعد يحظي شبيچ ما تتلطلطين ويا البنات.
منال:لاتحچي عليهن.
بنيامين: اوي يابة.
غيرت الثوب ورجعت يمة.
گاعد حاط أيد ورا راسة ولثانية بيدة الجهاز.
رفع عيونة علية وگال
_ما تصيرين خوش مرة وست بيت وتسوين أكل
لو تدرين بية شگد جوعان چان گلتي الله يساعدك.
رفعت حاجبي وحچيت
_ليش مو أكلت؟
بنيامين: الله لا يعوزني عليچ
تذليني ذل على ما تگومين.
گام وگف شمر جهازة ومشى بأتجاه المطبخ.
هزيت راسي وحچيت
_ليش تجاوب نفسك بنفسك؟
ما جاوبني وبس صوت الطكطكة بالمطبخ.
تمددت على القنفة وأخذت جهازة فتحتة ما بي رمز..
دخلت على الفيس گلب بي و ليتني ما گلبت
داخل بكروب عجيب غريب سوالف ما ينلبس عليهم ثوب.
تعجب على إلي شفتة..
النوب معلق بمنشور يخص ليلة الدخلة وهوَ شارح كل شيء بحيث من الطاء طاء للسلام عليكم..
خرجت من الفيس و اني بحالة صدمة
يعني أنسان كارثة عجيبة سوالفة..
كتلني الفضول أدخل للماسنجر
وشلون أگدر على روحي وأمنع نفسي.
دخلت لگيت كومة محادثات ويا أصدقاءة ما دخلت عليهن طلعت منهن ودخلت على الاستوديو.
ما أعرف نفسي شنو أريد مجرد أگلب بالصور
بنيامين يفوز بـ أكثر أنسان مغرور بنفسة عندة صور أكثر مني.
أخذني الواهس ودخلت على اليوتيوب تابعت أكثر من مقطع..
سمعت صوتة يناديني
گمت وتمشيت لحد ما وصلت للمطبخ
ارتاكيت على الحايط أشوفة شنو يسوي..
و كـ العادة ناداني حتى آكل.
ريحة الآكل تشهي ومو مال أرفضها.
گعدت أتناول بهدوء
كمل آكل وگام
گال
_خلصت قبلچ وعليه أنتِ تغسلين المواعين وترتبين المطبخ.
ضحكت وهزيت راسي
وحچيت بـ أستفزاز
_أنتَ ست بيت مرتبة وسنعة درجة ما راح أتعب بغسل الصحن والكاستين.
رفع حاجبة وحچة
_ سالفة تستفزيني بطليها وكملي حتى أشوفچ فد شيء.
طلع من المطبخ قبل لا أحچي.
بعد ما خلصت غسلتهن وتركتهن على السنك عناد بي.
رحت يمة لگيتة مندمج بالجهاز.
بقينة گاعدين لحد ما هوَ گام وگال كومي نامي باچر تعب.
صعدت نمت وما حسيت غير الصبح على صوت الباب يندك بقوة ويگول
_لووووووويرررر مناااااال گومييي تريگي..
اخذت المخدة حطيتها على راسي وحچيت
_ شبيككك بنياميين مغبشش أريد أنااام
رد وهو يدك على الباب
_فوك ما أريد حضرت جنابچ يآكل هيچ تصيحين.
تگومين لو أجيبلچ بطل مي باردة على هل وجه اليطرد النعمة.
زفرت نفسي وشمرت المخدة
حچيت
_صار وجهي يطرد النعمة موو
هز راسة وگـال
_للأسف الغير مستأسف اي.
عابسة الخلقة چنچ جريذي ولا يكلك أنثى.
فتحت عيوني وصحت بصوت
_بنيااااميييين شبيك من الصباحيات هاااا
والله بعد ما أبقى وياك ما اريدك
طلكنييي فهمتت طلگنييي
بنيامين: ما أطلگج لو موت لومو رغبتج
آخذ عليج اثنين واخذ غرفتج.
منال: لا والله
هايي شنوو، هاا
ضحك بصوت مرتفع وگال
_ نازل قبلچ سنعتي.
طلع من الغرفة واني شمرت نفسي على السرير
غمضت عيوني أريد أنام.
بقيت لحضات على هل وضعيه بعدها نزلت وغسلت وجهي ورحت يمة.
صبلي الچاي وگال
_أكلي حتى تصير بيچ لحمة كافي هيچ مسلوعة.
رفعت حواجبي وحچيت
_للعلم وزني هذا هوـ ما يحتاجة زيادة.
ترك الأكل وشابك أصابعة وگال.
_شگد وزنچ وطولچ؟
منال: ١٦٣طولي و وزني ٦٥ ما يحتاج أسمن او أضعف.
بنيامين: حاسبة نفسچ طويلة؟
منال: لا طويلة ولا قصيرة طولي مرضي.
رفع حواجبة بدون ما يحچي شيء.
خلصنة ريوگ ومر الوقت هدوء بينة
لحد ما المغرب لبست الفستان
لان نرجع لبيت الحجية..
نزلت من الغرفة لان نسيت الشال جوة.
سمعت صوت بنيامين يسولف ومندمج
_مرايمي الحلوة اليوم شطالعة أميرة من أميرات الكون.
ضحك بصوت وگال
_خنفوسة شبيچ أشو أحسچ مو على بعضچ؟
ما أعرف شنو ردت علية وهو گال الها
_الله يرحمها يابة لاتضوجين نفسچ بهل يوم
و اني أخذچ باچر للمقبرة لاتهتمين..
،، لا يمعودة عادي قابل شمسوي حتى تحز بخاطرها اني أفهمها لا تهتمين لهل سوالف.
ضحك وأردف
_اي اي لعد شعبالچ.
أخذت الشال ومشيت بحرگة
صارت مشيتي بيها صوت التفت من شافني عقد حواجبة وگال
_يلا يابة أخذي راحتچ.
حياچ لله.
غلق الجهاز وگال
_محتاجة شيء؟
رمقتة بنضرة مستفزة وحچيت
_لا ما أريد منك شيء روح كمل مكالماتك.
رفع حاجبة وکال
_أكملهن ليش لا
بس لشوكت تبقين هيچ متنگة بخلقتي؟
شمرت الشال بنتر وحچيت
_ما أريد أروح للعيد ميلاد وانتَ هم ما تروح.
بنيامين: فسريلي كلامچ؟
منال: بلا تفسير
مانروح وخلص وأنتَ ممنووووع تشيل مريم وتلاعبها أنسااااها.
وممنوع تروح للمقبرة.
بنياميين: گدامچ طفل وتمنعي؟
منال: مااا والله اذا تروح للمقبرة ما أبقى يمك وأعوفك.
بنيامين: لا تتولدنين وعقلي يابة.
أنتِ حاضري ومستقبلي.
مرايم ميتة والله يرحمها لا تخلين عقلچ ويا روح مفارقة الحياة..
رديت علية بأنفعال
_ من عساها تعذبت بنار جهنم روحها وخلصت تعبت تعببببت كافي كل حچاية واللخ مريم ومريم
اني ما أگدر ما أگدرررر أستمر وياك انت گلبك يم روحها وعساك لاحگها حتى أخلص منك ومنها.
الله يشلع گلبكم نفس ما شلعتو گلبي
تعبتوني
كافي
كافي بكل شي مريم ومريم..
حچيت وحچيت لحد ما تعبت وهو
حاضن أدينة بدون مايحچي شيء
بعد ما سكتت وهدئت حچة
_ كافي تعذبين نفسچ بنفسچ وحرام عليچ الكلام الحچيتي بس أگلچ الله يصلح حالچ ويرد عقلچ.
طلع من البيت بقيت بس اني.
بچيت وضربت نفسي لحد ما گلت بس.
تقريباً ساعة يلا رجع للبيت وگال إلي
_بسرعة رتبي نفسچ خلينة نطلع.
هزيت كتفي وحچيت
_ما أروح لكل مكان.
مسد على ذقنة وفرك عيونة بقلة صبر.
أشر إلي بيدة يريد يحچي دك جهازة.
نفض أيدة بالهوى وحچة بعصبية
_اللهم صبرچ ياروح
أدعيت عدم الأهتمام وهو فتح خط وگال
_ها يوم؟
سكت ثواني بعدها رد عليها
_مسافة الطريق وتلگينة يمچ.
، لا يابة على شنو نتعارك قابل أكو شي يسوى وأتعارگ؟
شد على أسمي وأكمل كلامة:
لو منـال عقلها عقل جاهل على كل شي سوت الها زعل.
.. والنعم بالله يوم يلا ما بعد شي وأوصل.
محتاجين شي؟
.. الله يسلمچ ويديمچ
حياچ الله.
سد الجهاز وصد علية يأشر بتهديد..
_قسم بعضمة الكون إذا ما أشوفچ طالعة گدامي تخسرين هواي و أولها صبري وياچ.
گلبت عيوني وحچيت
_قابل راح يأثر إذا خسرتة؟؟
فتح عيونة بقوة صارن عبارة عن لون أحمر..
أوردتة ضهرت و واضح علية العصبية.
فززتني ضربتة لـ أيدة بالحايط و صوتة المرعب
_قسم بعزة الله إذا ما تگومين تخسريييييين وهواااي هم.
صاح وعاط لحد ما أخذ كوب مي أحتساء.
رجع جهازة دك فتح خط وعاط
_لاتخبليني أحچي وياها لان وصلت عندي.
شمر الجهاز على القنفة وگال
_تسمعچ أحچي..
لحضات سمعت صوت الحجية تگول
_منال يمة وياي؟!.
رديت بهدوء
_ايي..
الحجية: شبيكم يا يمة ما تگلولي عين الماصلت على النبي، البارحة شحلاتكم، هاي عين بني آدم تكتل كتل.
ردت أرد بس سبقني بنيامين
يگول
_لا والله مو عين بني آدم، كل شيء يصير وتطلعنة عين ما تگولن سوء تصرف وغباء.
ردت علية الحجية بحزم
_بنيامين لا تحط نفسك عوفني ويا الطفلة.
رد عليها بـ أنفعال
_شنهيي ياهي طفلة شبيچ يمة تضحكين علية لو عليها ترى عمرها أبد مو يم الطفولة هم رونق فاهمة أكثر منها.
الحجية: ليتك يمي وأكص هل لسان
كصر صوتك مو شايخ علية
لا عبالك كبرت وشخت ومحد گدك
لا ييمة أكسر راسك وشيختك إذا ما تمشي عدل.
بنيامين: لا أنتِ فرعون بحد ذاتـة.
الحجية: من تتطاول وتتصرف بولدنة لا تتوقع أصيرلك عون.
بنيامين:هي هاي الناقصتني هي هييي
گام دخل للمطبخ والحجيةگالت
_تسكت لو أسكتك لاترفعلي الضغط.وتخليني أكسر فرحة هل طفيلة.
رديت عليها
_مو هنا طلع للمطبخ...
ردت علية بـ أقناع
_الأخبن ما يرضى يگلي شصار بينكم وليش هيچ صايرين.
بس يا يمـة أنتِ بعيدة عني
شمعرفني شيسويلچ وهو عصبي
أفترضي يمد أيدة لا سامح الله تعرفيني أسكتلة وأمشيها؟
نعلي الشيطان وتعالي يمي هنا تگلبي علية وتزعلي شگد ما تردين.
عوفچ منة بايع عقلة بفلس ونص.
ويا ما ردت أحچي سبقني صوتة يگـول
_ الله يساعدك يا ضيغم شلون چان متحمل كيدچ.
الحجية: وجعة فوك وجعة يالناقص تربية.
رد عليها
_حجية ترباتچ هاي.
صاحت علية وگالت
_عمت عينك ولك أغبن طالع عليمن ما تگلي؟
هم عمامك چانو شايليني بالصلوات..
رد عليها
_ على جـابر هشوومةة.
سكتت لحضات بعدها حچت
_لاتجيب طاري عمك عوفة بگبرة نايم..
ضحك بسخرية وحچة
_من أحترگت روحة بنارر جهنم گـولي آمييين هشومة.
_عساك لا شفت الراحة على هل كلام.
رد عليها بعصبية وإلي يكلك گدامة واگفة
_وينها وييين الراحة اني والراحة أعداء ياما أگول هايهية أرتاح گلبي تطلعي لچمة.
الراحة راحت من بعد عينهم..
أشتد الكلام بينهم وبنيامين شبة فقد أعصابة او بالاحرى فقدهن يضرب على راسة بقوة ويصيح م
خفت علية لدرجة گلبي وجعني على منضرة.
سد الخط وشمر الجهاز فلشة..
يتنفس بسرعة جنونية
راح للمطبخ سمعت صوت المي..
دقايق ورجع أخذ كلينس نشف وجهة وصد علية گـال
_ أمشي گدامي منـال.
هزيت راسي وحچيت
_أنتضردقايق.
صعدت للغرفة حطيت مكياج خفيف و لبست الحجاب
نزلت هو واگف ينافخ.
طلعت گدامة.
صعدنة بالسيارة.
ساق السيارة بسرعة وشغل أغنية
عد وانـا عد ونشوف
يـاهو اكثـر همومَ
من عمـري سبع سنين وگلبي مهموم
راحـو
ويلـي
راحو بعد مـا ردو احبـابي
عندي واخاف عليك وتدورك امـك
موش بسواد العين بصبيها اضمـك
ويلي راحـوا
راحوا بعـد ما ردو احبـابي..
الأغنية ضوجتني لان حيييل حزينة.
زفرت نفسي وهوَ منطلق ما طولنة وصلنة للبيت.
صف السيارة ونزلنة سحب نفس بقوة وزفرة.
أدعة الأبتسامة ومشى بثقة.
دخلنة للبيت تمسك بقبضة إيدي بدون ما يصد علية.
أنصدمت بوجود سرور ما توقعتها تجي.
سلمت على الحجية ورجعت يم سرور
أبد مو نفسة بنيامين إلي خبص الامة، أنسان مختلف لدرجة يضحك ويسولف ويتشاقة.
عجيب أمرة شلون يگدر يخفي عصبيتة ويدعي الراحة..
اني إلي شهدت على عصبيتة لو ما شايفة البراكين چان گلت يهنيالك على هل راحة.
بنت جسار لزكت بي بحيث تحچي مكسر وتأشر الة.
كلامهم أفعااهم خنگتني.
خاصتة من سمعتة يحچي ويا جسار وياسين
_ باچر رايح للمقبرة تجون وياي؟
رد علية يـاسين
_شتسوي؟
طول بسكوتة بعدها حچة
_يعني شتتوقع؟
زفر نفسة جسار وگال الة
_ بعدك تذكر؟
ياسين: شكو شنو يتذكر.؟
رد بنيامين
_ ميلاد مريم ومتفق ويا إينـاس أخذها
تجون ويانا لو لا؟
رد ياسين
_ صدك تحچي أنتَ
بنيامين لا تخرب عليك الحبلين.
رد
_ليش إذا نويت أكمل حياتي ويا أنسانة ثانية لازم أنكر عشرة وزينات الاولى؟
أكون واقعي وياك ياسين
مريم ما أذتني ولو بكلمة وحدة وبينة زاد وملح ولحد آخر يوم بحياتي أذكر زيناتها ومستحيل ينمحن.
ياسين: شكلك نسيت بعد فترة قصيرة زواجكم؟؟
رد علية بعدم أهتمام
_وشنو اليفرق؟
ما مريم بنت عمي قبل لاتكون خطيبتي.
جسار: كافي سدو السالفة گعدتكم ما تخلص براحة لازم تتعاركون.
أمشو دخلو.
ياسين: أبن عمك ما يعرف يتصرف.
كل هاي بچفة وكلام أقاربهم بچفة أحسها هدمت كل شيء بگلبي.
ما تحملت أبقى گاعدة گمت وطلعت للحديقة
مجرد لامس بشرتي الهوى نهرت دموعي تنزل وحاطة إيدي على حلگي أكتم شهكاتي.
عقلي متشوش لدرجة غريبة
الرفض أستحوذ على بالي درجة رفضت وجودة وتقبلة بحياتي..
لهنا وخلص مستحيل أگدر أكمل ويا..
حسيت على أيد نمدت على كتفي شگد تمنيت تكون إيد بنيامين بس عبث التفتت وشفت سرور..
حضنتها و زدت بالبچي.
أنصدمت من گلتلة أريد أرجع وياكـم بس هذا الواقع گلبي ما يتحمل.
رغم كلامها وأقناعها إلي بس ما إلي خلگ لشيء..
صاحها يـاسين
طلبت مني أغسل وراحت.
زفرت نفسي ودخلت للبيت من باب المطبخ
محد موجود البيت فارغ كلها بالديوانية ملتمين.
دخلت لغرفة الحجية أخذت دشداشة وخاولي ورحت للحمام.
سبحت وطولت جوا الدوش أحس أريد أنام تعبانة حيييل
نشفت وبدلت وطلعت.
دخلت للغرفة بدون ما أمشط تمددت وغطيت راسي بحيث خنگت نفسي وجبرت روحي أنـام.
وأتعس نوم هو إلي يكون شاردة من واقع يأيس والشهگة بنص بلعومچ..
حسيت على أيد تمسد على وجهي وتگول
_يمة بنيتي شو گعدي..
فتحت عيوني صارت بعيني الحجية
مدنكة علية وتمسد على راسي..
أبتلعت ريگي وحچيت
_محتاجة شيء؟
تنهدت وحچت بهدوء وحنية
_لا يمة بس أسمعچ تونين ومصخنة.
أحاچيلچ بنيامين يآخذچ للمستشفى؟
هزيت راسي برفض وحچيت
_لا هسة تروح الحرارة بس أنام.
زفرت نفسها وگالت
_گومي صلي ونامي.
هزيت راسي وهي گامت وتمددت بمكانها.
مجرد خليت راسي على المخدة غفيت.
ما حسيت غير صوت سرور تگعدني.
مطيت جسمي وحچيت
_نعسانة ولچ.
ضربتني على كتفي وحچت
_گومي ام العيون المورمة هم أنتِ وهذيچ تكابرن وتسون روحچن فد شي واليل شاهد على دموعچن
كافي ترى تعبتني أمسح الچ الها.
تثاوبت بنعاس وحچيت
_منو الثـانية؟
_أكو غيـر برشانة.
عقدت حواجبي وحچيت
_ليش؟؟
زفرت نفسها وحچت بـأنزعاج
_مرتضى عازمنة على خطوبتة مدري عرسة.
فتحت عيوني وحچيت
_والله العظيم الزلـم أكبر نغولة على وجة الأرض مو قبل فترة گلتي أجاكم ورادوها اله وهو گتل نفسة عليها؟؟
سرور: ايي والبارحة عازمنة.
هزيت أيدي وگمت
صديت على سرور وحچيت
_أكو أحد بالبيت من الولـد.
هزت راسها بنفي.
أخذت الشال أحتياط وطلعت
غسلت وجهي وگعدت يم الحجية بعد ما صبحت عليهم..
بقينة على گعدتنـا لحد ما الحجية أقترحت نطلع للحديقة.
كليتنة طلعنة
گعدت يمي سحاب من جهة واللخ سرور..
والحجية گدامنة تسولف وشايلة غيمار تشم بريحتة وتگول
_ما بقت بنفسي شيلت وليد ياسين..
وهل مرة حتى رحيق يمنة.
أثناء گعدتنة جابو طاري الزواج
والحجية عافت الكـل راحت على سحاب وتگول
_ كل بنياتي عارفتهن ما يفشلني ويسودن وجهي الة وحيدة ما أمن أزوجهة تروح تفضحني وتسودن الزلمة.
ردت عليها رحيق
_منو قصدچ.
ردت الحجية
_شمالچن هي كم سحابو عدنا هل بنية آخر وحدة أزوجها وادعي كون ميتة ولا أشوفها معرسة.
ردت عليها سحاب
_ يحظي وبختي بيچ
هسة خلي يحس على روحة ويجي يخطبني وتعالي گولي هل كلام
وداعة عيونچ يهشومة لـ أتزوج واحد تشوفين دم سنونچ ولا تشوفي وشرط أخليچ تزفيني بيدچ وتشمرين وراي سبع حصوات چي أزوجت وسودت وجهچ.
ردت الحجية بعصبية
_مسودنة مابيچ حظ هل تفكرين هيچ
يالعثرة هاي بدل ما تگولين أرفع راسچ.
ضحكت و ردت عليها
_ليش أخليچ تتأملين بية وأني أعرف نفسي أسود وجهچ؟
ردت عليها بأنفعال
_والولد يلوموني من أگـول هل بنية فلتت من أيدي ومو تربيتي.
سحاب: يا هشومة الحلوة المحبوبة الدمها ينگططط گيمر عرب
كل خواتچ يگولن ماخذة لسان وشكل هاشميات وأنتِ ما يعجبنچ عبن نفسچ.
_يا مصخمة شبهتچ بية؟
دك جهاز سرور
سكتت الحجية والكـل هم.
فتحت خط وحچت ويا ياسين
قارب ما يسدو گالت الة
_لا عيني تسلم ما محتاجة شي.
سدت الخط وحچت سحاب
_وصلوها لخطيبي المستغبلي ما أقبل بي إذا ما يتصل بية كل وقت والآخر.
ردت الحجية
_عسى متعثول بجهنم قبل لا ينظلم بيچ.
بقن يتناگرن سوى لحد ما الحجية دزت برشة للغرفة.
صدت على سرور وگالت الها
_ أگلچ يمة بريشة تقبل تتزوج؟
ردت عليها سرور
_مـا أعرف بس ليش؟
ردت عليها الحجية
_ناوية أخطبها لواحد من وليداتي.
ردت سحاب
_ دلالة نسوان والكعبة
هذا ياهو من ولدچ هو غير كلهم عرستيهم على إيدچ بقى بس بنيامين وهاي مرتة شنهي ناوية تثنيلة؟
شمرت عليها الكوشة وگالت الها
_ عمت عينچ على هل حچاية يامسودنة يا عاقلة تحچي هيچ.
أندگ البـاب والحجية صاحت على سحاب تفتحة.
تذمرت وتأفئفت وگامت.
البنات گامن كلنا توقعنة الولد..
اني حجابي يمي بقيت گاعدة بس خليتة على راسي.
و سحاب راحت تمشي وتدردم فتحت الباب
بقت واگفة لحضات بعدها أبتعدت ودخل
شاب أول مرة أشوفة
سحاب عينة علية ولا وخرتها أكلتة آكل.
والحجية شكلها مصدوم وأنگلب وجهة بحيث حتى الدموع لمعن بعيونها..
وگف گدامنة وگال
_ شلونها إلي تتسمة بيبيتي؟
رجفن شفايفها وما حچت شيء..
أبتسم ورمقنة بنضرة بعدها ثبت نضراتة على باب المطبخ..
فضول أجتاحني شنو شاف وهيچ يباوع.
ألتفتت لمكان إلي مشخص نضرة علية
شفت برشة واگفة بيدها علاكة الدوا
نزلت راسها وأجت بأتجاهنا أنطت العلاج للحجية وهو عينة عليها.
سألت الحجية إذا محتاجة شيء او لا و راحت.
گامت الحجية گالت
_ضضيغم أمشي للديوان..
هز راسة ومشى بأتجاه الديوان.
صديت على سحاب مصدومة من الاسم إلي سمعتة
أشرت الها وحچيت
_هوَ نفسة؟
هزت راسها وتقربت علية گالت
_اي ولچ هوَ هوَ بشحمة ولحمة..
نزلن دموعها وحچت
_نمنم أدعي گون ما تصير مشاكل بينهم.
بعدنا نسولف دخلو الولد.
وگف گدامي ياسين أشر بمعنى شكو
ردت علية سحاب
_ثالثكم هنا.
عقدت حواجبة وأردف
_منو؟
سحاب: ضيغم أبن عمي جابر.
فتح عيونة بوسع وحچة
_وينة راح مو؟
ضحكت بستهزاء و ردتوعلية
_لاشكلة ناويلة على. شيء لان گال للحجية بيبي ودخل للديوانية أنصحك تستعجل وتروح يمهم لان أشو حاسة ما يرحمها.
رد عليها ياسين
_لسانچ سحااااب.
هزت كتفها بعدم مبالا..
اجى بنيامين شايل مريم وتمشي ويا إيناس
نقبض گلبي من شفتهم لان عرفت سوى إلي براسة.
وگف گدامنة گال
_شكو هنا؟
ردت علية سحاب: والله يا بنيامين وأكفين هنا نشوف طولنة لضيغم أبن عمك المصخم.
رفع حواجبة و رد
_دخلن وأنتِ لسانچ مصيرة يعم عليچ ويسويلچ سالفة.
هزت أيدها ودخلنة للبيت
مسار سألت ونفس الشيء جاوبتها سحاب والوجوه تصوفرت.
بقو گاعدين لوقت طويل بعدها طلبو غدا..
وگعدو تغدو.
للعصر ياسين وسرور رجعو
سحاب قنعتني أبقى نفس كل مرة.
مر أسبوع كـامل وصارت ذكرى وفاة أهل بنيامين.
من الفجر رحنة للمقبرة.
شگد ضجت من شفتة گاعد بين گبرين أهله.
ومنزل راسة بس من گالو يلا نرجع لان عازمين على. ثواب غدا.
وگام راح لگبر مريم.
أحساس الذنب والشفقة على نفسي لازمني.
عينك عينك گدامي ولا يكلك اني واكفة.
حتى ما گال شنو أحساسها من تشوفني..
رجعنة من المقبرة وهوَ بقى.
أحس حرارة تطلع من جسمي والرجفة فضيعة.
مجرد واحد يگلي بز أبچي.
صارت الـ١١ونص بدينة نصب الثواب لل١٢ضبط مدو السفر وكلها أنجمعت.
شگد حاولت أجامل وآكل وياهم بس ماگدرت.
گمت من يمهم ورجعت للمطبخ.
ماطولو هواي والبنات بدن يجيبن المواعين.
التمينة كلنة نغسلهن لان هوايي..
وحدة من بنات عمتة حچت
_اليـوم على شوفتي لبنيامين شلـون گابل گبر مريم ثقيت الحبُ عظيم ومستحيل يتكرر وينعطي.
يهنيالچ بي منـال لان بنيامين ما يتعوض.
كلامها خنجر ونبت بگلبي.
سحاب ردتها وهذيچ طلعت من المطبخ.
ما أعرف شلون صبرت وبقيت أشتغل وياهن.
بعد ما خلصت رحت لغرفة الحجية. مجرد گعدت بچيت على حظي المزفتت.
تفاجئت بدخول رحيق.
أبتسمت وگعدت يمي گالت
_ لاتگليلي هل دموع بسبب ست الحياية
ضحكت وحچيت
_لا
تنهدت وگالت
_صح ما أگعد وياچ هواي بس اني حيييل حابتچ.
منال أنتِ حساسة بشكل عجيب وللصراحة أتعجب من أسمع بيچ محامية وبنت قاضي مهم.
دوم تطرح ببالي افكار معقولة ما أخذتي القوة منة؟
المفروض تصيرين قوية لان دنيتچ الضعيف ما يعيش بيها.
ينگال بلحمة.
ونصيحة لوجه الله فكيها ويا بنيامين ترى هوَ يحبچ الچ و واثقة من هل شيء بس للأسف ما يعرف يعترف لنفسة حتى يجي ويگلچ.
ولعلمچ حتى آخيل منتبة على هل شيء والبيت كلة أصلاً.
منال لا تسوين إلي سويتة اني.
حاولت أبعد آخيل عني بكل الطرق بس بكل مرة أني إلي أتعذب وأتعب وأحترگ..
تمسكي بحبچ وثبتي نفسچ للمجتمع كلة أنو الحب مو سهل بس ربحتي.
وشغلتي گلب أنسان مجروح ومهموم.
كوني المرهم إلي يعالج گلبة.
لاتصيرين فرعون الة.
ولعلمچ گليبه معلول صار اله دهر مو من زمن مريم
بنيامين يكابر رغم متأذي من وفاة اهله..
رديت عليها
-قصدچ وفاة مريم..
ردت
-لا نضحك على أنفسنا كلنا نعرف إسبوعين قبل خطوبتهم يلا عرفها لمريم ول هي لا ملاك ولا هم من يحزنون
إذا ما تصدگين بكلامي سألي آخيل ياسين ثنينهم يعرفو كلش زين.
رديت عليها
_ زين ليش جاية تسولفيلي هل كلام؟
أبتسمت وًحچت بأمتنان
_لان بنيامين هم أجاني وحچة وياي وگالي
رحيق سوالفچ هاي ما تبعد آخيل عنچ بالعكس تجذبة إلچ أكثر وتعذبي أكثر بدل ما تخلي يضوج منچ.
عيشي هل أيام نفس ما أنتِ تحبين وتتمنين وآني مشيت على نصيحتة وأرتاح گلبي..
ولهل سبب حبيت أرجع هل راحة لبنيامين وأكيد كلامي لازم يتوجة الچ أنتِ بالذات.
أنتِ وبنيامين مكملين لبعض وأحسكم لايگيين كلش.
وعلى گلبي إلي يگول مديونه اله ورجعته حتى ما يفضل عليه
منال: إن شاءلله.
گامت وگالت
_بالمناسبة رونق حيل تحبچ وأسمها تحچي بيچ وبضفايرچ..
شكـراً لوجودچ بحياة بنتي وأضافة الها بهجة.
أتمنة دائماً تتواجدين يمها وماتخلينها تحتاچ أحد وتبقى ضفايرچ مزينة شعراتها والبهجة خاطة على ملامحها.
صدگي ما أشوفها بس أحس فرحانة گلبي يضحك ويفرح..
منال اني خبزتي خلصانه من الدنيا ومنتضره تنزل ورقتي وأرجع لخالقي وبنتي حابتچ لا تكسرين گلبها .
طلعت من يمي وهي تتلمس
لحد ما آخيل لزم أيدها وكمل الطريق وياها..
انطوني گفاهم
هيَ مرتاكة على چتف آخيل وتمشي..
غمضت عيوني وأندعيت الها رب العالمين يريح گلبها..
لهيت نفسي لحد ما جبرت نفسي أنام.
وبعد مدة قصيرة أسمع صياح يبو والعياط بـ أسم رحيق..
ركضت للديوانية وأنصدم برحيق مسلمة روحها بحضن آخيل..
بنتها تگمز وتصيح ماماااااا
حضنتها ودفنت راسها ما أريدها تشوف المنظر..
رجلية وگفت ما أگدر أتحرك..
وآخيل بعدها عنة ويضرب بوجهة ويصيح
_لا تكسرينيييييي رحيقققققق
دموعة تنزل بغزارة وهو ما مهتم يضرب بخدها ويهز بيها بقوة..
ويگول
-كسرتچ توجع يا بعدها لروحيييي
رفعها وحضنها بقوه لصدرة
ورفع راسة ليفوك وحچة بصوت مرتفع مكسور..
ليش يا أميررر المؤمنيييين أخذتها الك حتى تريح روحها وتشافيهاااااا مو
تعجل موتهاااااا
حضنها بقوة وما يتجاوب ويا أحد..
وبس يگول
-يا بعدها لروحي كسرتچ ما تتجبر
هديتي حيلي يبعد عيني الما تشوفچ
بنيامين دفعة وهزة
وحچة بصياح
_أصحى آخييييل وگوم ناخذها للمستشفى..
هز راسة برفض وگال
_ماااتتت ماااتتتت عافتني وراحتتت
الوعدتني تبقالي رچوه عافتني وراحت.
بعد كلام وأقناع من بنيامين والولد أخذوها للمستشفى.
دموعي تنزل بهدوء
شكلها أبد ما راح من بالي وتمنيت نفس هذيچ المرة مايعة روحها..
بس إلي صار عكس هل شيء والعصر جابوها للبيت
بس أجتنة بالچفن بنص التابوت..
آخيل ولا يكلك هذاك الشخصيتة قوية..
حطو التابوت على الارض وهو گعد حضنة ويعاتبها
_ليش بوية مو أتفقنة مانفترگ ونكبر بنتنة سوى
شو بنص الطريق عفتيني ومشيتي ما گلتي هذه مشلوع الگلب المن باقي وحدة.
بوية ما فكرتي ببنيتنة منو الها
مو گلنة نرجع لبيتنة ولدفو عائلتنة.
بنتچ بعدها صغيرة محتاجتچ يبعد الما يرف لغيرچ..
ولچ بويه كسرتينييييي وهديتييي حيلييي يبعد حيلييي
عتب من گال بس..
أمها والگرايب كلها تبچي عليها.
شگد إلي يمهم ما شفت منها أذية.
أخذوها وطلعو.
والبيت كسا الحزن..
جابو ملة وصارت الفاتحة..
بنت رحيق عذبتني
تبچبي وتصرخ على حطت الوحدة.
وهي مو صغيرة وينضحك عليها..
أحچي. وياها وهي تزود ما تنقص.
مرت أيام الفاتحة وكلها تحچي بموت مريم.
وأقاربهم يقارنون آخيل بـ بنيامين يڪولن
_هم چان گاتل نفسة ويدك ويلطم وحلف ياخذ ثارها تالي على السنة جاب محامية.
وهذا تلگو زين منة إذا بقى ورا الاربعين وهم يروح يجيبلة وحدة منا منا.
و رجعت هل سالفة أشتغلت بينهم.
وبكل لحضة أتمنى تجي سرور حتى أرجع وياها.
اليـوم السبعة وياسين وسرور يجون
ردت بس أشوفة ماكو.
راسلتة ما رد علية.
زفرت نفسي بخنگة وحچيت بگلبي
_يا الله راح أمووت إذا أبقى هناا
تعبت من گد ما أفكر وأسمع كلام..
الضهر دخلت سرور سلمت عليها عينها علية
دخلنة لغرفة الحجية وأكتفيت بـ
_تعبانة أخذوني وياكم أرتاح فترة.
وهي وافقت وگالت
_بنيامين يعرف مو؟
هزيت راسي بنفي وحچيت
_لا ما يعرف ملتهي بالفاتحة..
سرور: هسة أحچي ويا ياسين حتى يشوفة.
هزيت راسي وگمت طلعت.
أشتغلت بالبيت ويا البنات لحد ما صار العصر أجتني سرور تگول
_منال ما قبل بنيامين تجين ويانا يگول أني أجيبها الكم من أفرغ..
ميلت راسي وحچيت
_مختنكةةة سرور فدوة خلي يحاچي بنيامين..
سرور: حاچيتة والله گالي عوفيهم هسة الوضع متوتر.
أخذت جهازي بدون ما أحچي وياها أتصلت وأنتضرت لحضات بعدها حچيت من فتح خط
_وين كلامك مو گلت اني أخوچ وبس تحتاجيني رفعي جهازچ وأتصلي هااا
طلعت بس كلام من صار الصدك تگول الوضع متوتر.
رد علية بهدوء
_على كيفچ يابة، عليمن هل عصبية.
گليلي هل روحة ويانا
زيارة عادية لو خلاف بينكم؟
منال: وشتفرق قابل المهم عندي أرجع لبغداد.
زفر نفسة وگال
_يابة. تفررق الزيارة على راحتكم وما أتدخل أنتم حريين بس إذا على خلاف وتردين تجين هنا الحچي يختلف وغصباً على أكبر راس أوافق.
أبتلعت ريگي وحچيت بخنگة
_تعبت ياسين ما أتحمل أبقى هنا نفسيتي متدمرة واني وأبن عمك وصلنة طريق مسدود أتمنة توگف وياي وتاخذني عليك روح أبوك..
سكت لحضات بعدها تنهد وگال
_أحچي ويا؟أخذچ فترة ترتاحين!
منال: أتمنة أرجع بهدوء
هسة فاتحة وخبصة عوفني أني أگلة بس أحسب حسابي وياكم..
ياسين: يلا لعد أحچي ويا لان ربع ساعة وأرجع.
سديتة من عندة
وأتصلت على بنيامين فتح خط بس ما لحگت أحچي ويا لان نادو وگـال
_بعدين أتصل مستعجل.
حچيت بستعجال
_بنيامين راح اروح ويا يايسين.
رد بخصم للموضوع
_ممنوع منـال.
غلق الجهاز بوجهي
ضربت رجلي بالگاع وزفرت نفسي.
سرور؛: شگـالچ؟
صفنت عليها لحضات بعدها حچيت
_براحتچ يگـلي.
هزت راسها وحچت قبل لا تطلع من يمي
_لعد حضري نفسچ ياسين مستعجل.
طلعت من يمي واني حضرت نفسي وغراضي وطلعت سلمت على الحجية.
أقل الدقيقتين طلعنة من البيت.
ياسين مستعجل لدرجة يسوق بسرعة جنونية..
حچت سرور بخوف
_على كيفك يمعود.
قابل منو راكض ورانا.
رد عليها
_مستعجل سرور لازم أوصل من وقت.
التزمت الصمت وهو بقى وحدة ساعة يخابرساعة يحچي ويا نفسة.
أستغربت حالتة لان غريب أمرة..
وصلنة بغداد بعد طريق شبة طويل وگف السيارة يم باب البيت گال
_نزلن.
سرور: وين رايح هسة انت؟
ياسين: من أرجع سرور.
نزلنة وهو ساق حتى قبل لا ندخل لبيت.
دخلنة للبيت كل وحدة حايرة بنفسها الا سرور عينها على الباب..
مشن الأيام هادئة بين غيمار وسرور وبرشة..
ياسين ماقبل أرجع لبيت أبوية حلفني ما أطلع بهل فترة.
بنيامين أبد ما أتصل علية بهـل أيام مجرد ينشر ستوريات منهن اغنية مروان خوريبعشق روحك
بعشق روحك والكلمات
بعشق إحساسك بالذات
كيف بتمشي وكيف بتحكي
قلبي بيشتقلك بجنون
ما بعرف مع غيرك كون
ولا بقدر مع غيرك أحكي
من أول مرة تلاقينا
إحساسي من جوا تغير
حبيتك ما بقدر قلك
لو بعرف بوصفلك أكتر
إنت مش بس بتعجبني
نظرة منك بتدوبني
بعيش حبك وبموت
أنا لحظة عنك تبعدني
ولا ممكن يقدر يتصور
إنت بعدك بيعذبني
ما في منك اتحرر
طول ما اسمع كلمات الاغنية احس توصفنة بس الفرق بنيامين ما يعشقني
وآخر ستوري شفتة إلا هو كتابة على صورة كزاز مكسور.
لا أستطيع التحـرر منـك ولا أستطيع التحـرر مني
ولا تسألني كيف حـالي...
قاطع صفنتي صوت ياسين يگول
_أشوفچن گاعدات لحد الان مو گلتلچن بالثنتين نطلع.
ردت سرور
_المن تلحون على هل طلعة ماتگلولي
رفع أدينة ياسين وگال
_برشة تلح عليها.
ردت علية برشانة
مو بالحيف عرس أبن خالتي وما أحضرة؟
عن نفسي محضرة نفسي وماعندي شي انتضركم.
حچت سرور بأنزعاج
_دوسي على الجن وگولي أسم الله
ليش تردين الشلعان الگلب لنفسچ بس فهميني
أبن خالتچ طز بي وعشرة نفسة.
ترى روحتچ ما تأذي غيرچ.
گامت وگف وگالت
_كلامچ ماينفع وياي يحلوة.
طلعت من يمنة ويـاسين گام وگف وگال
_ لاتسبقين الاحداث گومي هم أمر لأمي و هم أزوركم.
هزت راسها وگالت
_بنت خالتك تدمر نفسها بيدها.
رد عليها
_عدها عقل وهي كفيلة تصرفاتها
بحكم وعيها.
ضحكت بستهزاء و ردت علية
_شايفة هل روحة من بدايتها عزا بس أهونها وأگول أحساسي يخيب.
رد عليها
_أم الاحاسيس گعدي راحة رايحين بطريق.
هزت راسها بعدم رضى وگالت
_أستهزء على كيف بالك.
ضحك وصعد لغرفتهم.
صديت على سرور وحچيت
_خلي ببالچ شغلة، ترى ما أروح وياكم
واليوم أريد أروح لبيت أبوية.
رادت تحچي قاطعتها برفض وحچيت
_ ناس غربة عني شعندي رايحتلهم زحمة والله.
زفرت نفسها وگالت
_ ديري بالچ على نفسچ وأبالچ تفتحين الباب لأحد او تطلعين خارج البيت على الأقل لحد ما نرجع.
هزيت راسي بدون ما أحاچيها.
رحت لغرفة الجهال
دگيت البـاب ودخلت
لگيت برشة تلف بالحجاب
التفتت علية أبتسمت وگالت
_ يلا بدلي.
أبتسمت وحچيت
_ما أروح وياكـم.
عقدت حواجبها وگالت
_ليش شكو؟
هزيت كتفي وحچيت
_والله يا طويلة البـال نـاس غربة لا أعرفهم ولا يعرفوني المن رايحة الهـم؟
هزت أيدها وحچت بعدم أهتمام
_اووو عبـالي شغلة بيها حظ
يولي أنتِ منا وبينا أعتقد فوگ ما صداقة أبوچ وأبو سرور وياسين وياكـم.
تكونين خطيبة بنيامين إلي هوَ أبن خالتي.
يعني قرابة قرابة الله يچفيچ شرهم.
نهت كلامها بضحكة.
منال: أبقو أنتو أني عوفوني.
هزت كتفها بعدم أهتمام وكملت
نص ساعة تقريباً و دز علية ياسين حچة وياي على ليش ما تجين ويانة.
تعذرت منة وراحو.
للعصر قفلت الباب وطلعت.
تمشيت مسافة بسيطة وفتحت باب بيتنة.
دخلت من باب الشارع احس حتى النفس مختلف..
سحبت نفس وزفرتة.
نزلن دموعي لشوفة الحديقة يابسة والشجر كلة ميت.
التربة محجرة والزرع نازع اوراقة
بيت مهجور أكثر من سنة..
التراب تارس الارضية بحيث تطبع أثار المشي..
صارت عيني على المرجوحة إلي بنص الحديقة واگعة من جهة.
اتذكر بابا كان يحب هل اشجار وبكل وقت فراغ يسقيهن واذا عندة شغل يكعد هنا بالحديقة
واني مقابيلة بالمرجوحة وتبقى عين علية وعين على شغلة
ذكرياتي ويا ابويا كثيرة وابد مااكدر اوفي لو نص تعبه وياي
صار الام والاب وكل شي بحياتي
مسحن دموعي الي نازلات و تقربت للباب الداخلي فتحتة ودخلت لفحتني ريحة أبوية..
غمضت عيوني وزادن دموعي
دفعت الباب وكملت طريقي
الصالة هواي جمعتنة
أكلنة شرربنة جلساتنة كلها هنانة
حتى مرضتي هنا مفاجئات بابا وعيد ميلاديهنا هم
غمضت عيوني وهمست من بين دموعي
-فراكك صعب يالغالي وراك انهدم حالي
فتحت البرادي حتى تسمح بدخول الضو..
و التفتت على الجهة الثاني
مشيت وصلت الباب التفصلني عن الغرفة
دفعتها ودخلت..
ضوء كلش خفيف يمر من خلفي.
تقربت على البردة سحبتها انفض التراب خنگني.
حطيت أيدي على صدري واسعل..
لحضات معدودة وينفتح الضوة بالبيت.
تفاجئت والتفتت على المصابيح كلها مضواية..
رجف گلبي بخوف وطلعت من الغرفة بسرعة
للصالة بيها أضوية هم.
رغم ياسين گـالي فاصلين الكهرباء عن البيت من المولد.
تمشيت للاستقبال هم بي أضوية.
تجاهلت هاجس الخوف الي اخترق كلبي وحجيت بتبرير
_ماكو غيرياسين أتصل على أبـو المولد..
حاولت أقنع نفسي لحد ما أقتنعت بهل كلام.
نزعت شالي ولفيت شعري كله
رفعت البيجامة لفوگ وأخذت مكناسة.
گعدت أنضف بالصالة.
أندمجت بالتنضيف والتراب وكل همي أخلص تنضيف حتى أرتاح..
سمعت صوت باب الصالة الي تطل على غرفة ابويا تنفتح على كيف
التفتت مالكيت شي
رغم الخوف طمنت نفسي بهوى دفع الباب
لحضات رجعت انضف اخر شي بقى من الصالة وتنركع باب الغرفة بقوة
من خوفي شهكت وصحت
منو هنااااااااااا
انتضرت احد يجاوب ماكو شجعت نفسي ودخلت للغرفة مالكيت احد
سديتها ومشيت للاستقبال
فتحت البردات وطلعت القنفات سحل.
ومن غبائي رجعت وصخت الصالة وكل تعبي بالصالة راح هباء لان رجعت تراب.
بعد ما كملت كنس طلعت أريد أجيب ماسحة.
أنصدمت بالبنكات مفتوحة..
وباب المطبخ كذالك.
من غير الشبابيك وزاد خوفي من شفت شباك السطح مفتوح بردتة تهف
واني واثقة من نفسي ما صعدت ولا وصلت الدرج.
گلبي خاف لدرجة تمنيت بابا يمي..
رجعت للاستقبال بعد ما الخوف امتلك كلبيي و روحي والدمعة وصلت بطرف عيني
من غير كلبي المرتعد واني أردد
_اني مـا أخاف.
منال أنتِ متخافين
هاي اني فتحتهن ونسيت...
اي اي شبيج هاي انت لبيت محد بي غيرج
بقيت اردد بهل تلث عبارات وشلت القنفة
وما اسمع غير صوتة يكلي
_يـابة منـال
وكعت من إيدي القنفة على رجلي وشهگت بصوت مرتفع ااااااااااااااااا
والتفتت بخوف جسمس يرجف حجيت معقولة!!! يتبع..
_توقعـاتكم للحلقات القادمة.
_تتوقعون منو إلي تلاعب ويـا منـال.
-ومن الي اجاها الي تتوقع صح الها بارت مخصوص وغش من القصة