جان قيصر يصب نار وادم واكف باب الصالة وصلت يم ادم من شفت قيصر نعدل ختلت وراه ضعت حت خالي جان كاعد اويلي اطشرت
قيصر: سولفي يالله
ادم: لاتخافين بنيتي احجي
: ش ششحجي خويا؟
قيصر صرخ: منو الجان معااااااج منووو الدخلتي عليج
: والله ما دخلته والله
: لا تحلفيييييين
كالها واجا ديضربني وكفت ورا ادم دفعة عني كله ايدك ما تنمد عليها وصارو يتصايحون
قيصر: شتسوي بعد وتقتنع انها عاااار
: وانت واشكالك العار ايدك تنمد عليها والله ما يصيرلك طيب
: راسها اجسرة والله ادفنها هسة ماعاش ولا جان الينزل راسي
: وهم بحياتها ما تنزل راس احد بدال ما توكف وياها انت اخوها
: شنو اوكف وياها على سواد وجها اني لو حرمتي تسويها والله اذبحها اخلي جيلة براسها
: ديالله خل احد ياذيها وعلي احسب الله ما خالقة اي اكبر شارب ازينة اذا تدنى يمها
: داكلك اختك غلطتتتتتت
: ما سوت شي اختي وبنيتي انا اعرفها شنو من شي
خالي: زلمتها ديكول شافة طالع من غريفتها
نتر: زلمتها كال انه ضالمها واذا صدك انا الاحسابها مو انتم
خالي: شنهو انت التحاسبها ناوشني اياها انا اربيها اجسر العصي عليها
: اي وعلي الي يوصل صوبها اطشر دمة
خالي اجا تقرب ويدفعة ادم رفع ايدة دايضرني دفعها وهوا يتهدد بيهم
ادم: احفر كبر اليوصلها والله
خالي: ولك هاي سوت مصيبة الله مايرضاها
: وعلي توصلوها اطشر دمك وحك دم الرضيع وروحها لمرتي اي واحد بيكم يجيها اموته خلاص لو بيها اعدامي هم اموته
: تجسر حجايتي ولك؟
: واكسر ضهرك بعد من الموضوع يتعلق بوهم ماكو جبير بعيني ورجلها بلسانه كال وهم مضلومة انا سمعتة
: جيبة نشهدة
: عليمننننن ولك اختي هاي اختي
قيصر: اختك الذبح حلال بيها والله لو ما عندج جهال اذبحج اذبحج
: اي وانت رجال صدك وتكول انا حوك كربلها يالله اي وحك داحي الباب والعباس ابو فاضل ما يلكولك لشة
رتبتي ادوسها وشاربي مايتخلة على الزلم اذا خليت بواحد بيكم شي صاحي
يدفع بيهم ويحجي يريدون يكضوني خالي راد يضربني لزمة ادم اجت الضربة بذراعة اني بس ابلع بريكي واكللهم ماسويت شي والله وخالي يصيح نقيم عليج الحد غير لو يستقر يزيد بن معاوية
بالزور والموت خلصني منهم حلف خالي وقيصر ما ابقى بلبيت ويتبرون مني طلعت ركض على جهالي شلت جود ولزمت ايد سومة دطلع هاهيا ما ابقى هنا ماادري حت وين اروح بس خل اطلع منا اعصابي تلفت
حت اغراضهم ما لميتها كبل شلتهم وداطلع طبت عليا خالة ما خلتني
ادم واكف بضهري قيصر طلع هوا وخالي متعصبين وكال مادام اخترتو وهم خل هيا تنفعكم
مابعد يجينا وراسي برد من هل ناحية بس لازم اخذلي بيت
ادم جاب بشرى مرة ثانية بس ما كمت اشوفها وجهي بلا مكياج احط الكونسيلر اكثر من طبقة حت لا يبين مضروبة حت نسيم ما خليتها تحجيلها
الحمدلله كملت علاجي كله بعد ما احتاجه ودعت الدكتورة ورجعت للسوك دشتري فستان او شي لخطوبة جوانا بنت حيدر ما عجبني شي ورجعت للبيت متسوكة بس اشياء لجهالي لعابات وحلويات وملابس
عندي فستان اسود يصير كصير شبر وكلوش التنورة مالته حرير والفوك قماش وعلي كيبورد ناعم وخرز ردانة ثلث وكيبورد
اجت كحيلة اليوم عدنا ووياها استبرق صارلها شهر ما جايتنا واستبرق وتوافق وياها اجو طلعنا لغرفتني نتونس
دنقرر اني وكحيلة وبشرى شنلبس بشرى عدها كومة ملابس بس هيا اخشن من ثنينا كحيلة رادت تلبس فستان عادي لونة بنفسجي ومحتارة بالشال ايما لون اسود لو بنفسجي وبشرى تلبس بنطرون وشال بيض وبلوز وكعب اسود
اني احترت بلون الشال بيجي الا احمر ما ادري داقرن بالالوان ولبست الشال الاحمر تجريب جان تطفر استبرق كالت كلمة خلتني اتخذ قرار ثاني بحياتي ادري راح يحطم حاذق وراح اشبع انتقادات من الكل بس ميخالف
استبرق: ههههههه راسي راحة اني لا افكر بلون شال ولا اطخم ويا الكب اجك الفستان واجي
باوعت بالمراية دالف بشالي صفنت شويا وشلت الدنابيز البي
شلت الشال من راسي وفكيت القراصة نثر شعري على كتافي
صاير اطول من نص ضهري بسبب الادوية الي جنت اخذها قللت نمو شعري بس ميخالف بالريش
باوعت لروحي شعري حلو واكيد بلا شال شكلي احلا ابتسمت وعدلت كدلتي كلت هيج اني احلا وباوعتلهن
استبرق ضحكت بتك خد عرفن بشنو دافكر كحيلة استغربت بس بشرى اعترضت
بشرى: شقصدج وهم؟
: شقصدي قابل؟
: تنزعين الحجاب ؟
: اممم شكلي هيج
: لا وهم
: ااا بشرى
: حاذق ماراح يقبل
: خو وطبة مرض انشالله شعلي بيا
: وهم لا تدعين علي شجاج هذ اخوي
: اخوج الوصلني للموت مو هوا نفسة؟ ما اتوقع غيرة
بشرى لا توكفيلي ع الكلمة مااحب هيج
تركت البيدها وطلعت ما عاجبها ادعي على اخوها من النار الشبت بصدرة الهي
استبرق: هههههههه دترجعين وهومة العرفتها اول مرة شويا شويا
: اممم ذيج الوهم جانت مرتاحة وراح ترتاح هسة بعد
كحيلة: وهم انتي متاكدة من قرارج؟
: اي كحيلة قررت هاهيا شكداتني بعد خل اعمل الشي الاحبة منو ابو باجر
ما اعترضت بس لمت شفتها لداخل حلكها استبرق طارت من الفرح وفعلا حضرت الخطوبة بدون شال
الكل شافني واستغرب مني شلون بلا شال بس عادي مادرت بال طبهم مرض
اكثر شي يضوجني ملحة نسيم على ابوها حنتلة تخليني اريد اموتها والزم روحي عن لا اضربها ومرات افقد الزمها اضربها اريد اموتها ويخلصوها مني
وراها اتندم لئن ضربتها من اشوفها تصرخ وتكول اريد بابا مااريدج انتي تسويني واوا تخليني اشيل روحي والزكها بالكاع اروح اصالحها وما ترضى
نفس طبعي بكلشي من تزعل تريد تنام وما تقبل تنام يمي تنزل ع الصالة تنحشك بالزاوية مال ديوان وتنام لو يم ادم تروح تختل جوا بين ايدي ويلفها بحضنه
مرات من اضربها وما اصالحها انزل عليها اسمعها نايمة وتون ينحلج كلبي عليها اروحلها ابوسها واحضنها تكعد زعلانة مني
: كافي امي تعالي نامي يمي
نسيم: ما ما اجي تضربيني
: لا امي ما اضربج كافي تعالي
: ماااا ما تحبيني انتي صايرة وحش
: كافي امي كافي تعبيني انتي بعد
: ما تحبيني وما تحبين جود وما تحبين بابا بعد
: ابوج هم ما يحبني
: لا يحبج هواي ويبجي عليج
: وانتي شعرفج؟
: هوا جان يحجي معايا كلي اني احبكم واحب ماما وجيتي اخذتيني منه
هاي جانت تحلم يالله هسة شكللها وتسكت
: ماما خل نرجع لبابا حبابة والله بعد مايسويج واوا
: نسيم امي شتذكرين انتي شجريت وتكليلي هيج؟
تتذكرين نسيم لمن تريدين اطبين عليا وما يقبل لو لا امي تذكري ما كتلة اريد سومة وكلي ما تشوفيها؟
: بس هسة صار زين
: تعالي نام بغرفتي ماما كومي
: ما ما احبج
: يالله هيا ضلت عليج ميخالف بس تعالي امي تعالي
: لوحي
نطتني ضهرها سوت روحها نايمة اوف ربي هيا ناقصة حيل زعلج
حاذق ردنا نطلك بس كال كبال القاضي مايريد يطلك ولغا المحكمة خلاني اتخبل كل مرة اطلع مع محكمة يكلة مااطلكها واخوتها يريدون نطلك خلى اخوتي يكتبون تعهد ما يتقربولة نجنو
ايست من طلاكي خلي هوا يبزع ويطلك عود اني بمكاني وهوا بمكانه طبة مرض
بشرى موتتني امها تريد تشوفني اني وجهالي قبل ما تموت صل شيموتها وجنت رافضة رفض نهائي اروح اشوفها ابد مستحيل اقبل
هيا سبب لوعتي هيا الخلتني اكتئب واتخبل حت جهالي كرهتهم بسبب كرها مستحيل اتقبل اشوف وجها
الايام تمر ما احس بيها اساسا جود يريد يتعلم يكعد يموت ضحك هوا نقطة نوب يكعد متيم يكول جعلي راس شاحنة اصلي
بعت ذهبي وبيتي مااكدر اطبه بعد بحكهن وشتريت من امي اسهم بالمعرض ومن فلوس المحطة اشارك وياهم بالدخل حت تطلعلي نسبة
طبعا شكد كبر اسهمي لازم ازيد بالدخل بس ميخالف الربح يعوضني
اسمع بالصدف بشرى من تحجي بالتلفون لو لادم تشكيلة على امها مرة تتحسن مرة تسوء وتاهت
مااريد اشتفي بيها بس مو بيدي احس هاي حوبتي طلعت بيها حوبة لوعة نسيم وبجيها على ابوها وجود الى للان ما شافة
ادري بحاذق متلوع بعد وادري بي محروك عليهم يبرد كلبي ميخالف خل يضل يتشعوط وبحسرة شوفتهم
حت ضحى ما تشوفة صورهم بس ماادري من ناحية بشرى
ضحى تزوجت وعزمتنا ع القاعة ماكلت لا رحت واخذ جهالي بعد طالعة تجنن هيا بلا كلشي حلوة نوب مكياج وتسريحة وع الرموش والايلاينر طلعت فد شي فدوة البدلة تخبل عليها
طارت من الفرح لمن شافتنا ماجانت متوقعة نروح حضنتني وتبجي خطية ما شفتها من طلعت من بيتهم شالت نسيم وتركص وياها عماتها موجودات وخالاتها بس امها ماهي
كعدت شويا ما طولت سلمت على زاهر ونطيتها الواجب ورحت اخذت بس جود ضلت نسيم ويا بشرى جابتها من جت ضحى تحبها هواي تموت عليها
قررت استغل شهادتي عليمن ماخذتها ومرفوعة لعد المن كل ذاك الدرس والمدير مال معرض تعب استقال واني صرت بمكانة
طبيت للمكتب اول مرة اجيت لهنا جانت اول واكبر خيبة من حاذق لمن خاني ويا هيل
اول كسر بكلبي وبداية الجحيم لحياتي بذاك اليوم لمن تجاوزته بالزور ورديت ذبيت روحي بنفس النار
اشتريت ملابس رسمية كومة سترات وقاطات قسم تنورات قصيرة وقسم بناطير صرت من صدك ادارية
بكل مرة اطلع من البيت بيها بشرى تباوعلي متحسرة اخوها ما جان يقبل البس هيج خوب وطبة طوب خل يحترك هوا الوصلنا لهنا خل خبالة يفيدة الا اسوي وصلتين والله
رجعت افتح لايفات واطلع وجهي واسولف واغني ونوب حسابي صعد مليون المشاهدات تصير بالالفات استقبل ناس وياي عشت حياتي بالطول والعرض
تعرفت على ناس جدد وصار عندي اصدقاء وربع نونس بعض جود كبر وصار يلغي هواي فدوة يخبل ما قصرو اهلي بشي وياي من كل النواحي ولا احد يضايقني بشي رجعت وهم شلون لمن جنت بعدني بنية نوب محد يحاسبني على شي طغيت
دنيا باردة مرة ثانية براس السنة اخذت جهالي ورحت لتركيا بقيت اسبوعين حيل تونست ما خليت مكان ببها ما رحتلة
اسطنبول تقسيم انقرة ومكانات سياحية مكانات تصوير اخذ يمها صور اني وجهالي وع الكورنيش نوب نسوي حركات نسيم وكحة وتسوي فقرات للتصوير نوب لمن اسوي شفة البطة تكلي شهل حركات الكرنج
عمتج ضحى شترجى منج بعد
رجعت للعراق وقررت اتعلم اشياء جديدة تفيدني واني كاعدة بالمكتب اتعلمت شويا لغة التركية لئن بتركيا تبهذلت ويا المترجمين من يجيني شغل اسد الفيديوهات
امي رادت تفتح فرع ثاني للشركة بالبصرة تشاركت ويا خالي خنجر ورحنا للبصرة على مود الموقع والاجرائات رحت ويا امي وادم
مرينا ع المزرعة بيها الخيول نوب مشتري جلب شكبرة
شفت بوحة وعجبني اعيد التجربة وفعلا ما قصر ادم اش ما اكلة يكلي صار فديته
صعدني على بوحة ونفس ذيج المرة لفني بيدي ورجلي وانطلق الهوا بارد ومطر خفيف رذاذ يخبل
بقيت سبوع بالبصرة بفترة بقائنا قررت اتعلم ركوب الخيل نوب الوضع ممل بالبداية خلني على حصان صغير بس من اشتدت ذراعي لا صرت اصعد خيول اكبر واقوة
ربح المعرض صاير يجنن كمنا نصدر للبصرة وللشمال بعد ما سويت اعلانات للمعرض وعروض للسيارات
صفنت بوضعي وين جنت ووين صرت جنت بسجن ويني عن كل هالحرية عن الحياة هاي وين اني جنت حابسة روحي هاهيا نفكت جناحاتي
صحاني من شرودي ادم وهوا يكول يالله
ابتسمت ورحتلة ركض جلبت بذراعة وهوا لفني بحضنة باس راسي وطلعنا رجعت لبغداد
ثاني يوم اجاني اتصال من امي شموخ جنت بالمكتب داشتغل واحسب الفائدة ع الاقساط فتحتة
: هلو مامي
: هلا يمة شلونج؟
: الحمدلله بخير انتي شخبارج؟
: بخير يمة شو ماكو من قبل راس السنة شفناج واحنا بشهر2
: ههه قبل سبوع جنتي يمي
: لا انتي مداتجين يمة لبيتنا
: شيجيبني يمة ما تعرفين عذري
: يمة مو تجاوزتي انتي هاهيا
: يمةة
: تعالي ماما ابوج شتاكلج يريد يشوفج انتي وجهالج جيبيهم وتعالي اليوم والله مكانكم وحشة
: هسة اشوف اذا كدرت اجي ما اوعدج
: اي يمة حاولي بربج
: خوش هسة اشوف شعندي يالله باي حبيبتي
: مع السلامة
سديتة وفتحت جدولي ماعندي بس موعدين اليوم مال اقساط واحد كاش والثاني لازم اخذ شيك منه يالله عندي سكرتيرة هيا تقوم مكاني خليتها تخبرهم وتكللهم مايجون اليوم
حسيت روحي بمسلسل تركي واني طالعة من المعرض وجكيت السويج صعدت سيارتي فكرت لازم تتبدل هاي عاد جهالي وين احطهم وهيا مقعدين بس
رحت لبيتنا شافتني بشرى كالت الكوة
: الله يكويج حبيبي وين جهالي؟
: نسيم دتاكل وجود اخذة ادم يحلقله على جية صارلة زمان رايح
كالتها وطب ادم كال لا اصلا وصلنا شوفي طلع خليجي
رحت ركض علي حضنت ذراعة وهوا باسني يضحك
ادم: شو هنا
: ها تطردني
: اي ههههه البيت ما يعوزة ضوا
: اويليييي
: اسم الله عليج من الويل يابة
: تكدرين ولو ازحمج بشو بس تسبحي بين ما ابدل لسومة
بشرى: ها على وين؟
: على امي شموخ تريد تشوفهم
: وهم فدوة..
ادم: بشرى يابة لا تفتحين سوالف
سكتت واني بعد سكتت بدلت لنسيم وبشرى سبحت جود وجابته ينكرط ابني يخبل طلعت بالسيارة رحت لبيت امي شموخ
نسيم نزلت كتلها ما تعبر الشارع انتضرتنا لزمت ايدها وعبرنا سوا واني استرجع ذكرياتي بهل منطقة الكئيبة
اتذكرت لمن طلعت منا لبيت ديانا صرت بنت الصياد ولمن رجعت من اسبانيا وحضنته لمن طلعت اركض منها وسمسة مخنوكة هوا شالها وراح قبلي
لمن دخلتها عروس والهلاهل ترست الفرع ولمن طلعت منا تجرجر واني حامل بسبب امه وصوت ضحى لوين وصل وهيا تصرخ
تحمحمت ووصلت بيت امي طبيته سلمت وكعدت بنصهم ابوي لازم نسيم تبوسة وامي شالت جود
كعدت اشويا ابوي كال لامي يالله هزتلة راسها وكامت انطتني جود وراحت
ما فتهمت شصار جابت اوراق واحت كالت وقعي
: شنو هذ مام
اخذته قريته دشوف شمكتوب طلع عقد بيع وشراء بيت جبل مجدي لوهم صدام
: شنو هذ امي
: هذ عقد يمة
: اي داشوف لعد داكلج جواريب لليش هذ
: امي احنا مادنعيش اكثر ما عشنا وماعدنا وريث لا ولد ولا تلد منو النا غيرج احنا كتبنا المبلغ واصل صار ماصار البيت الج
: امي شهل سيرة هاي الخاطر الله ماريدة لا تفتحون هيج موضوع
: وهم امي سمعيلي
: ماريد
: امي كلشي كامل سجلنا باسمج بعد صار الج يا روحي
ضحى.
يوميا اروح اشوف اش محتاجة وارجع مع اني مااريد هالشي بس زاهر يجبرني
طلعت وشفت وهم بالطريق انصدمت شجابها لهنا شافتني نسيم وصرخت ضحى وهم ندارت شافتني ضحكت واجتني
شبكنا بغض بالشارع واو صايرة تخبل صح اشوفها بالستوريات واللايفات التفتحهن بس بالواقع بهواي احلا
: شجابج لهنا ولج؟
وهم: هسة درجع
: دكولي والله مرتين دتعالي ولج مشتاقتلج مشي لبيتي
: لا مستعجلة والله تركت المكتب واجيت امي خبرتني واجيتها لو ماهيا ما اصل والله هاي المنطقة
: حقج يابة ماتشوفين امي؟
: لاء
: ههه تعالي شوفي حوبتج شمسوية بيها
: صدك عود بيها كانسر
: اممم بالعظم الليل متنامة من الوجع
: ولج لا تتشفين بامج مايصير
: مداتشافة بيها اتوجع مرات وابجي عليها من اروحلها اشوف نفس التعامل ونفس الاسلوب ما متغير بيها شي ولا ندمانة ع السوتة ارجع احقد تعالي بربج
وهم.
زفرت ورحت وياها اريد اشوف شصاير بسماح بعد السوتة بينا خل اشوف انتقام القدر
رحت لبيتها نسيم بيد ضحى تبوس بيها واني شايلة جود طبينا جان اشوف سماح مو وحدها
هيل بعد وياها كاعدة تبجي وذيج تباوعلها وضايجة ضحكت بشماتة حيل لمن شفتهن وحدة مابيها نفس والثانية بس تبجي تكللها تبهذلت خل يرجعني
: هههه واو شكد حلو تشوف حوبتك ما تخطتهم
باوعولي ثنينهم هيل مسحت دموعها بسرعة وسماح نعدلت نسيم نزلت من ايد ضحى ووكفت وراي
سماح: نسومة تعالي حبيبتي اشوفج
نسيم: ماااا
كتلها لا تصرخين ماما اني واكفة يمج
سماح: يمة وهم
: ابد لا تكولين يمة هاي كلمة ما ترهملج انتي الطلعو من بطنج ما رحمتيهم
: وهم سمعيلي والله داموت اريد اشوف احفادي جيبيها
: احفادج؟ لا هذول جهالي مو جهالكم منو الجانت تصيح بتي نغلة منو الكالت انها مو بت ابنها مو انتي؟ منو الكالت لحاذق اني داخونة ويا سهر مو انتو اكلوها تستاهلون
: حقج يمة شتحجين حقج والله وما تنلامين بس اريدج منج شي واحد لا تخليني اموت واني بحسرته
ماجيت رفعتلها راسي بس كالت اريد تسامحيني
: اسامحج؟ ههه على ياهي بالضبط اسامحج على شنو؟ على كسرة كلبي الانكسرها ع الموت الشفته واني بين ايدين ابنج بسببج؟ على حرماني من بتي ايام اتوسل بي دشوفها وما يقبل؟ على طعني بشرفي كباله على ياهي بالضبط اول كسرة بحياتي صارت بسببج لمن خليتي ينام ويا هيل بالحرام حت يتزوجها
مو مال اعذرج صارن هواي
: سامحيني وهم
: هء ما اسامحج ابد ومشكولة ذمتج ليوم الدين اي والله لو تحتركين كبالي وبيدي كلاص مي اشربة وما اناوشة الج
كلتها وباوعت لهيل كلت لنسيم تروح على امي ضحى اخذتها واخذت جود وطلعت
وكفت هيل كبالي عيونها مدري شبيهن ماادري شيحجن
: هه هسة حاذق طلكج شستفاديتي لمن خربتي علينا كلنا؟
تدرين لوما مسويتها احنا وين جنا حنكون هسة؟ جان انتي متزوجة محمد وعايشة باسبانيا جان بعدنا صديقات
جان محمد عايش وعدج منه كومة جهال جان حياتج حلوة هسة يولي
جان ما تغيرت صداقتنا جان لكيتيني بضهرج شوكت ما تريدين انتي خربتي حياتي وحياتج وحياتنا كلتنا حاذق ومحمد ولبالج ماادري بافعالج؟
بشرى انتي الخربتي عليها ترا كلشي اعرف كل الرسائل شفتها كل تسجيلات الصوت سمعتهن لمن تكولين لرجلها طلكها هاي عاكر ما تخلف تالي طلع هوا العقيم
لبالج ما اكمشج لااا عرفته كلته حت من قبل مااجيب نسيم منو الجان يدز الصور المدحت؟ انتي حت يرجع ياخذ بشرى من طريقج ويضل يكللها انتي العاكر واني مابيا شي
ادري بكل سوالفج وياها وويا غيداء تقنعيها تجيب خطابة للبنات دتفتكين منهن ولزكو بزردومج
هههههه نسيتي اخت منو اني؟ ياروحي حساباتج كلهن فتحتهن يمي تلفونج صار باللابتوب مالتي كلشي شفت حت الرسائل الماسحتهن رجعتهن
هههه جنتي تفتحين كامرة ويا محمد لعد؟ جنتي تركضين ورا وانتو الاثنين متزوجين لبالج ما راح ادري مو؟
تقنعي يهجرني لئن زوجج هاملج وراح تطلكين وترجعيلة صح؟
اني احجي وهيا فاكة عيونها عليا تريد تستوعب شداحجي
: مصدومة مو؟ ههه مو كلشي تدرين انتي بس متيم هكر ياروحي جابلي كل سوالفج
جنتي مشبعة محمد منج ع البعيد والله مو هوينة طلعتي هيلة
: وهم فدوة سمعيلي
: همم كولي
: وهم الصار كله ماضي
خل نفتح صفحة جديدة فدوة خل نرجع مثل ما جنا صديقات تتذكرين شكد جنا نحب بعض
: هههههههه اي لئن دستي على رجلي كسرتيها تكليلي انسي الماضي
: اني متاكدة انتي ماراح ترجعين لحاذق ومتاكدة بعد مايردني اله
ماضلي احد وهم ماضلي احد اني فدوة ساعديني انسي الماضي حاذق طلع من حياتنا ثنينا نكدر نرجع
: كل احنا تاثرنا باعمالج كل هالمصايب هاي وهل مشاكل بينا هالتعب هالبجي هالاذية بسببج انتي
اني عانيت هواي بسببج هواااي عانيت
زوجي الاول كرهني وابني مات وهوا ببطني خليتي ابو اليكتلة
شبعت ضرب وتكسرت عظامي احتركت تشوهت وصلت للموت دخلت غيبوبة بسببج بتي طفلة بقت عدج جتني مزوركة كل جسمها طبعات ليش؟؟
تكابت تخبلت صرت اخاف من ضلي حاولت انتحر بسببج
جهالي نحرمو من ابوهم صارو بحسرة كلمة بابا تنكال بحلكهم
حاذق واني وجهالي حت سماح حت سهر خربت حياته من افعالكم كلمن شافج خربت حياته
لبالكم اسكت عنه لااا ادم ديدورله وانتو تعرفون ادم من يخلي احد براسة وراح يلكة وراح يطيح حضة وحضكم سوا
اوووف ياهيل لو تدرين شكثر جنت احبج والله اعتبرتج اقرب الي من خواتي ليش هيج كسرتي بكلبي وخاطري لمن خنتيني ويا حبيبي
عموما الحجي ميفيد هسة راحت بعد كلمن كعد بمكانة اني ما نضريت هواي حاذق تركته عادي ماراح اموت اصلا صرت اقوة صرت احسن ما موتت روحي عشت
عشت لجهالي الله عوضني بيهم ضحكتهم تسوا الدنيا بعيوني حت اربيهم بدون ما احتاج لاحد وفعلا صرت هيج
شوفي لوين وصلت شوفي بعينج شنو صرت صرت مديرة صاحبة املاك ونفوذ عالم تتحرك باشارة مني انتي شنو صرتي؟ صرتي نكرة
محد بحالج مو ببال احد شدتاكلين شد تشربين وين دتنامين ويامن؟ الله واعلم
: بس اني هذ كله ماردته ماردت ااذيج ماردت محمد يموت ولا ابنج
اني بس ردته يحبني بس ردت اتزوجه ونعيش مثل اي زوجين انتي الدخلتي حياتنا ترا
: اني دخلت حياتكم؟ هيل جان حبيبي حبيبييييي
جنا نحب بعض شهدتي على حبنا انتي
انتي جنتي تساعدينا نلتقي شنو اني الدخلت لحياتكم؟
بس تباوعلي بدون ما تحجي الحقد والقهر مزيج بوجها ضحكت بتك خد واني اتاملها وهيا متحطمة كتلها تريدين اساعدج مو
فتحت جنطتي دورت بيها ماجان بيها هواي فلوس بس 50 الف مديتهن الها
: هاج ذني والله ماشايلة غيرهن مااكدر اساعدج بغير شي
اخذتها تباوعلها بكسرة درت راسي دطلع شفته واكف جامد كبالي صافن بيا شلون سافرة ونوب بنطرون وسترة
جمد الدم بعروكي احس حرارة تطلع من اذاني حاولت شكد ما اكدر اسيطر على روحي عن لا اضعف كبالة
دقايق مرت صافنين ببعض وهيل خاتلة يم سماح تحمحمت ورحت يمة وكفت بمحاذاة صدرة رفعت عيني لعينة كارهته حيل كارهته
هوا على لحضة ويبجي شفته ترجف نضرة يتراوح بين عيوني كتلة طول عمرك متسرع
همس وهم
: هالمرة مو بالريش
: رحميني
: كل عمري ماانسى السويته بيا
ما حجا لم شفته لداخل حلكة عدلت نضراتي وطلعت من بيته حلفت انها تكون اخر مرة اطب لهذ البيت طلعت منه طلعة اخيرة مستحيل رجلي تخطي هالعتبة
طلعت تختلف عن باقي طلعاتي كل مرة اطلع مفطور خاطري وابجي هالمرة طلعت رافعة راسي ولو كلبي جمر وروحي مخنوكة
اخذت نسيم وجود من امي ضحى ما مفتهمة السالفة تسئلني شصار اني مو يمها بس ردت اخذهم واطلع بغداد كلها ضاكت عليا
خليتهم بسيارتي بس اريد اطلع ما اريد ابقى نسيم تحجي ما اسمعها رحت بوجهي لبيتنا ماادري الدرب شلون يوديني ماادري شلون حت اسوق
باب الكراج مفتوح نزلت نسيم قبلي وجود يباوعلي شلتة وايديا يرجفن طبيت للبيت اريد اي احد كدامي ياخذ جود بس
صار ادم كبالي كيفت من شفته رجليا يخبطن استغرب من شافني رحت علي بسرعة مديتلة جود اخذة واني طلعت لغرفتي طبيت بيها
بيا صرخة تشك الكاع بيا هم جبال ما تحملة بيا وجع جن طبكن السمة والكاع على كلبي
فتت للحمام اريد شي يبرد كلبي مليت البانيو مي وكعدت بداخلة اخذت شهيق ودخلت راسي بالماي صرخت كل حيلي الا خلص الهوا من ريتي
بقيت بالمي الا ختنكت فد نوب طلعت راسي جريت شهيق عصرت عيوني صورته براسي ماريد افكر بي
الباب ندك مال الحمام ودخلت خالة خولة كالت شبيج يمة
تنهدت: ااااااااخ مابيا شي خالة
: ديوجعج شي؟
: لا ليش شكو؟
: ادم كال وهم بيها شي دزني عليج
: لا خالة بس ضايجة شويا
: يمة لا تخلين شي ببالج ماشي
: لا هسة اسبح واطلع بس جهالي جاعو خالة وكلوهم
: ديوكلهم جدهم يمة
خلت وطلعت واني سبحت بالدوش منظرة ماديروح من بالي سبحان الله شلون دارت الدنيا بيهم واحد واحد الله مايضيع حوبة احد
سماح شعرها باقي يمكن 50شعرة براسها وهيل منعول اهل اهلها ماعدها مكان تروحلة الا حاذق حت ضهره منحني
حسيت بفرح وحزن بنفس الوقت مادري شلون اوصفها
طلعت من الحمام لبست تراك ولفيت شعري سمعت هوسة جوا نزلت وشفت جايب التيم كلة
مرهم ومتيم جوا وهوا راح ع الموصل ما ودعته نقهرت بشرى كاعدة وياهم سلمت عليهم وكعدت اصفن
بشرى: شبيج وهم
هزيتلها راسي ماكو شي
: شرادت امج؟
: سجلت البيت باسمي عقد بيع وشرا
متيم: طكوووو
: ووجع هوا هالكداتة عود شكبر بيت
ضليت كاعدة بنصهم روحي رايحة بس هم فرحانة متشفية بيهم حوبتي طلعت فززني متيم لمن كال
: هذ الزمال ليش مفتوح اربطو
: انجب حيوان
بشرى: صدك وهم مبين عليج حيل
: شنو
: مو طبيعية ديوجعج شي؟
: لا والله بس لئن ما سلمت على ادم
كحيلة: سالفة مو سالفة ما سلمت على ادم لا بيج شي والله
: ضايجة شويا كلبي مقبوض
مرهم: يراد شي يطلع الطاقة السلبية منج هاا؟
متيم: يمي
كالها وكام بث ع التلفزيون من مبايلة وطلع ساجدة عبيد وكال حركن طولجن واحنا ما كلنا لا نكثنا شعرنا ونغني كلنا بصوت واحد
من بين ايديا وراح مني
المن بعد اسهر واغني
من بين ايديا وراح منييي
المن بعد اسهر واغنيييي
كافي ياروحي الملامة
الغايب يعود بسلامة
والمن بعد زيدت وني
المن بعد زيدت ونييييييي
بشرى بس تباوع عين تضحك وعين تبجي تحن لاخوها الشفية
الحمدلله طلعت من مود الحزن ومنو اليستاهل احزن علي اصلا حاذق الصدك اول شي شافة وكسر عضامي الا هيل الشفت الويل بسببها
جت نسيم من الباب ع الهوسة تفر بشعرها يمين ويسار متونسة كعدت يم متيم هوا يطكلها اصباعة وهيا تكركر ويا ميتين ضحك
متيم: ولك سنود بابا تعال
سند: يس دادي
: تعال اركص ويا هاي البرغي لاكاعد لوحدك
ماكال لا اخذها ووكفو بالوسط يركصون
: ولك متيم ابنك شايب صاير
: مو سنة التجي سنة الخ بالاول بالاول ابتدائي حيوانة
: ياااا والله دنيا تركض ركض ذاك اليوم جنت رني الصغيرون
سند: اي عمة ياليت الشباب يعود يوما
: من شابه اباه فما ضلم والله ياوليدي ابن متيم شترجة منك تطلع
نمت بالصالة ويا متيم وكحيلة الضحك ماله والي ضحك على سوالف الجهال سند ونسيم يلعبون سوا يموتون ضحك يلعبون بيت وبيوت عود هيا الام وهوا الاب وجود ابنهم
نسيم: تعال ثند
: ها حبيبتي
: باجر نلوح ع المنثور
: لا ع الدورة
: لا تضل تبيع فكور
متيم: هاك استلم بت وهم نفس اللسان كلاشنكوف مال امها
: لعد وابنك صدك فكور تكله منصور يكللها دورة
: وبتج انشالله متعودة ع المنصور وزيونة مو؟ شو البتاوين هواي عليكم انتي والفكر بتج
: دطير والله جدها موجود مدللها مايجيبلها الا من احسن مكانات
: بت العفريت لعد اني قوندرة هنا مو ادمية والله
: لا حبيبي انت الكل بالكل من بعد ادم
: بنت كلب مو بيدج
: لا والله اتشاقة
: نجبي زعلت
: لا والله اتشاقةةة انت تعرف شنو انت بالنسبة ليا ما سميتك خويا من لا شيء انتو سندي يول
: اوووووي عود دتاثري بيا
: لا والله مابنيتي ااثر بيك هذ الواقع غير مستندة عليكم بكلشي انت وادم لو ما انتو اموت اني
: ديالله دروح وانتي توكلي
: وجهالي انت تربيهم؟؟
: الارض تربي حنطة وشعير ما دتربي هذول الفروخ
بشرى راحت ثاني يوم لبيت امها وكت زيارتها رادت تاخذ جهالي وياها ديشوفهم ابوهم ورفضت
بشرى: وهم ابوهم
: وابوهم شسويله
: جهالة خل يشوفهم هيا يوم خل بالليل يجي احد ياخذهم يرجعهم الج
: بشرى حبيبتي هاي امور لا تدخلين بيها جهالي ماريدة يشوفهم
: شنو ما يشوف جهالة وهم بكيفج ترا اذا فد مرة راح يشتكي عليج
: اذا زلمة خل يسويها
: هاا
: اي والله خل يشتكي اذا بي حظ عيب عليا اذا ما اطيح حظة اكثر ماهو طايح ما تعرفين وهم شنو تكدر تعمل بعد بشرى والاحسن ما تعرفين
: ماشي وهم براحتج اني كتلج
راحت ورجعت بعد يومين ما تتحاجة وجها ثكيل
: ها بشو اخوج اشتكى لو لا؟
ماردت رفعتلها حواجبي يعني هيج احسلج
بشرى: وهم كافي فدوة الدتسوي تريدين تجلطي؟
: لا حياتي ما دجلطة بعد اكو اشياء ممسويتها بي راح اخلي يتمنى الموت وميطولة
: ليش كل هالحقد
: عكب السوا بيا الراح يشوفة صدكي ماشافة انسان
ماراح يعرف الضربات منين تجي قبل ما يستوعب الضرية اهفة بالثانية
اخوج راح يوصل مرحلة يمشي ويحاجي روحة
مااخلي يطول سمة الا كاع واوكفي وشوفي وهم شراح تسوي كلتها قبل وطبقت وهسة بعد اكولها وهم راح اطبقها
: تغيرتي هواي تغيرتي صرتي متوحشة ما بكلبج رحمة
: اليعاشر امج يصير انجس لئنها مجردة من الانسانية
ضاجت وراحت من يمي هه والله خوش تريدة ارحمة دولو
ثاني يوم سمعتها تحجي ويا ادم ع بيع بيت مدري شلون ماجانت نيتي اتسمع عليها الا ان كالت
: حاذق يريد يبيع البيت حت يعالج امي يرادلها عملية وما عندة مبلغها.... ماادري والله كتلة ادينك ما قبل يكول اني ما ادين حت ضحى كالت ابيع ذهبي وعارض. ماقبل والله كتله اعتبرهن دين عندي هواي.... الله كريم بس عرضة للبيع يم دلال.... يكول اكعد ايجار شسوي... الدلال قدرة ب45 مليون
ههه يريد يبيع بيت ابو لعد مو سهلة
رحت على خزنتي دشوف شبيها فلوس اكدر اشتري اي والله اذلك اذلك دوكفلي انت وامك الا احركم حرك
دورت ما لكيت عندي هواي بس ذهب هسة شسوي والله اشتري اشتري لو بخسارة نزلت على امي دتشرب جاي بدون مقدمات حجيت
: يمة اريد فلوس
امي: شكد تريدين؟
: فد اااا شسمة
: كولي
: 40مليون
كلتها وغصت بالجاي باوعتلي كالت تسودنتي
: لا ماما ما اسودنت دشتري بيت
: يمة عندج بيت لليش اللاخ؟
: اريدة هذ البيت اذا ما اشتريته اموت لازم اخذة
: وهم يمة هسة جايا على بيت شلج بي
: اريدةةةةةةةة
: شنو اريد ما كل ماتحطين عينج على شي تاخذي تفتحين عيون العالم عليج وحلك الدولة
: الدولة شعليها؟
: شني شعليها يمة هاي كلها ضرائب تنحسب عليج وماصارلج شي من اخذتي بيت شموخ
: مادفعت بي شي
: مايعرفون بهل حجي الدولة
: اوووووف
: وهم يمة شنو فكرتج غير افتهم
: اريد اشتري مستحيل اخلي يروح لاحد غيري
: اي وخل الضرائب تتراكم براسج السيارة وبيت شموخ هسة اخذي بيت ثاني عفية عليج
: امي اذا ماتريدين تساعديني كولي
: اريد اساعدج يمة شعندي غيركم بس مو هيج
: هذ كله تالي لجهالي خمو شصاير واردهن والله
: هسة اشوف شنو اكدر اسويلج بس والله كل هالمبلغ ماعندي هسة تعرفين حطيت فلوسي ويا خنجر اشترينا الكاع
: اي خذي من اخوتج اختج اي احد
: شنو اخذ منهم نسيتي اني حصتي راحت من انفلصنا بسبب قيصر؟
: اخوتج ميدينوج؟
: استحي اطلب منهم والله طلبت هواي منهم
: هسة اشوف شلون ادبرها لو اعرف ابيع شي من العندي هم داخذة حت لو سيارتي
: لا يمة تخسرين
: لعد شلون؟
: لها الف حل
دخل ادم يضحك فدوة فتح ايدي بحركة حضن رحتله ركض تعودت على هاي الحركة جلبت بذراعة وهوا يبوس راسي كال شنو هاي الي لها الف حل شمحتاجة
: فلوس
ادم: يا جنج على فلوس كولي شكد تريدين؟
: هواي والله
: يعني شكثر
: 40مليون
: اويلي شنو هاي شداسوين بيها؟
: اشتري بيت
: موعندج؟
: واحد ثاني
: ديالله هسة اشوفلج شلون تدبر خل اشوف شكد عندي
: اي فدوة والله دين ارجعهن بسرعة
: دنجبي شكو ترجعهن بسرعة
اكوم ارتاح انا واشوفلج شلون عود ادبر الفلوس
: بسرعة حباب
: اي يابة
متيم طب وجا كال ها يالثولة دتجدين روحي الله ينطيج
: لا يا عار يا سكط
: شكو شتريدين؟
: فلوس والله اريد محتاجتهن وماعندي هالمبلغ
: شكد ولج؟
: 40مليون
بحلقلي مصدوم فتحتلة عيوني وهوا صافن طكيت صباعة يم وجهه ديفتح
: هووو شبيك علكت؟
: ولج هذ المبلغ من الله استحي اطلبه
: اني ما استحي
: شتسوين بي؟
: اشتري بيت
: مو عندج بيت شمو
: اريد واحد ثاني
راحت امي دتنام وادم ما نزل من فوك ضليت يم متيم كال احجي
: شحجي؟
: شوفي مال تشترين بيت ب 40مليون بس هاي ما تفوت بعقل المطي وما دتمشيهن على عمو متيم فسولفي احسن
: شسولف ماكو شي
: ايما بيت هذ التريدي
: بيت عادي
: شوفي ما ادوسين تختة بوش انتي اعرفج كلش زاين حافظج حفظ فسولفي لا اعرف وحدي وهذ مو لخيرج ترا
: اي انجب هسة اسولفلك بس ماريد احد يعرف
: افااا واني اخوج سولفي
: سماح دتموت
: وانتي تريدين تجددين اشتارك الها؟
: لا اريد اذل ابنها
: ها هاي بيها خباثة سولفي
: شوف المحطة مالتي وهوا محاسب بيها راح ارجعة موضف عادي هوا مايدري هيا مالتي يرجع موضف عادي لئن هواي علي محاسب واشتري بيته منه وهوا مايدري هاي اني
اخلي كاعد بي وبعد فترة يشوف منو صاحبة بيته وشغلة التنطي راتب يعني بالمختصرررر
: عايش بخيرج
صفكت ايديا واشرت يعني بالضبط
: وعلي ذيبة
: تربيتك يول
ثاني يوم الوب اريد الفلوس دشتري مستحيل اعوفة يروح من ايدي اني الك حاذق اتصلت بالمحطة كتلهم ينزلو من سالفة المحاسب هوا مو كدها وما كالو لا
اتعمدت اروح لكحيلة وتخبر اخوها كبالي كعدت يمها خبرته واني كلتله شكو ماكو اخبار حاذق
: اووف والله شكلج هسة تكولين لوهم
باوعتلي وكالت لا ما اكول همست لئن كاعدة يمج
شاهين: والله مدمر منتهي ماشايفة هيج قبل ابد اني
جان لمن تركته وهم اول مرة انكسر بس هسة كسرته اقوة عليها وعلى جهالة
: والله كل الصار بيدة
: والله الندم طالع من اذانة النوب اليوم كايلة ما يصير تضل محاسب خلو مجرد عامل بيها يشيل روحة ويلزكها بالكاع ضاكت علي
اشرتلها ليش وسئلته كلتلة ليش
شاهين: شنو ليش امه محتاجة عملية تريد تسوي وهوا ما عندة شي يبيعة غير بيته وسيارته ما يقبل يبيع السيارة ديبيع البيت
: بس يبيع السيارة افضل ع الاقل البيت بي سكف
: شعرف بشنو ديفكر خلي مروح فلوسة كلهن ع الجكاير والله ماشايفة واصل لهل مرحلة ابد شكد جان يحلج روحة لمن تزوج هيل ويتعذب بس هسة لا مو مثل ذيج المرة هالمرة اضعاف وجعة يكول جنت بوهم صرت بوهم وجهالي للان عطر نسيم بيا لمن تبوس خشمي صوتها باذاني وهيا تصيح بابا وتحط ايدها على شفتي تخليني ابوسها
: يعني يريد جهاله مو امهم
: ولج انتي شكد بلا احساس حت ضهرة نحدب شوكت ما تباوعيلة صافن لو يباوع للتلفون لصور بته وفيديوهاتها نوب يكول الولد اني حت وجهه ما شايفة لاشايلة ولا لاعب ويا لمن طهرو ماجنت يمة
هوا يحجي واني كلبي يرجف مادري فرح مادري حزن متيم تحمحم وسدته كحيلة كلتله بعدين اخبرك
جانت عيون متيم بيها شي يريد يحجي شي بس سكت ما حجا كال دبرنالج الفلوس
: صدك والله
: امم ونطيتهن لادم حضرهن
: شوف خلي عندك ذهب ومن اوفيك رجعة
: وهم حبيبي حطي نعال بحلكج
كحيلة: وكلي جهالج يولي جاعو
: هسة اوكلهم بس نطيني شويا صبر اخبر ادم
رحت من يمهم خبرت ادم كال باجر امشيلج بيها يصير الج رجعت لجهالي رضعت جود ونسيم سويتلها ممة شكبرها صارت وبعدها ع الممة نام جود واخذتهم درجع للبيت كالولي ابقى بس ماردت وصلت وسمعت هوسة فوك
بشرى.
مابيها بعد مجال للتالي مو يوم ويومين احنا متزوحين هاي سنة وقصور وللان اخوة شسالفة ماكو وحدة ترضاها
اني كلت اعوفة على راحتة بس شطلعت هاي اني مو ميتة ع قربة ولا ببالي بس ليش احس اني ناقصني شي مخليني مو واثقة من روحي ببعدة
هاهيا بعد لازم يتقبلني بحياته
اجا للبيت ما علي تربان الحمدلله قلت روحاتة ع النجف صار كل كم يوم يروح
طلعت لغرفتي لبست سيت وتحضرت ع الاخر جن عروس خليت مكياج دزيتلة رسالة تعال اريدك دز اوك
بقيت افكر بردة فعلة اكيد راح ينهزم لو يصيح ويصرخ وممكن حت يضربني ممكن كلشي يسوي بس لازم اواجه
بقيت ابلع بريكي واطك باصابعي الى ان نفتح باب الغرفة ودخل جان يعدل بردانه كال ها بشو رحت سديت الباب وشلت منه المفتاح
: احمم ادم
رفع راسة باوعلي وتغيرت ملامحة ممصدك مو مستوعب شديصير ضل يباوعلي كال بخفوت شدتسوين
تكربت منه وصارت عندي جرئة رفعت روحي بسته بشفته بعدني عنه يباوع لعيوني ممصدك احسة يرجف
همست حلالك اني
ادم: ابتعدي عني احسن ما ااذيج
: ماتكدر تاذيني اني مرتك
: ماراح اضعف بهذ الكلام احنا بينا اتفاق مشي علي احسلج
: ادم انت زوجي ترا حت حرام هيج تعاملني حرام هاجرني اني زوجتك على سنة الله ورسولة
: انتي بس كبال الوادم مرتي غير هالشي لا تطلبين مني والباب ينفتح لو اكسرة هسة
: اكسرة فدوة الك بس لمن يسئلوك ليش كسرتة شتكول؟
: ليش هيج دتنزلين روحج ليييش؟
: انت رجلي ما بينا مستويات
تقربت منه هوا يدفعني ويدور رالغرفة مدري منين جتني هالجرئة دتقرب منه وهوا اصلا رافضني حيل مو متقبلني ابد لبالي يضعف كبالي بس بعرض الحايط
: ادم لازم تسوي حد لهل شي عاد
: شسوي بشرى الحجي هذ مو هسة نحجي شكد صارلنا من عكدنا من وكتها بيناتنا اتفاق لا تخربي
: شنو بيناتنا اتفاق احنا متزوجين والديصير بينا حرام اني مو راضية علي
: انا الشايل الذنب انتي مالج بي شي وخري خل اطلع وبعد هاي الحركة تتكرر مايصيرلج زين
: لا ما تطلع وتتركني مستحيل اقبل بعد اني مو حيوانة جايبني وراكني هنا
ولازم اتعود واتعايش انك للان تجيني عليك تراب من زوجتك الاولى وتبجي وتون عليها
جم دوب فهمني جم دوب من قبل طلاكي الاول هيا توفت وللان انت دافن روحك جم سنة جم سنة جانت وهم حامل بسمارة بعدها ابن متيم عمرة اربع اشهر جان وهوا سنة الخ يصير بالمدرسة شكد تنتضر بعد
: مالجا دخلللللل هذي حياتي وقانع بيها
: اني مو قانعة ولا راح اقنع جنت اسكت بس هسة لا اني مرتك ليا حق عليك انت مجبور بيا ما تزوجتك دتنام بغرفة ثانية بعيد عني
اريد اعرف شنو النقص ومن منو متقول انت بهاي هيبتك وطولك العالم كلها داخلة انذار من وراك ما تكدر تقرب لمرة؟
كلتها وطكك عيونة اني بس اباوعلة
ادم: شكلتي؟
: والله لسمعته
: اني مو رجال قصدج ولج؟
صرت ابلع بريكي بس اباوعلة بغضب هوا يريد ارد علي صاح
: قصدج مو رجاااال
: مو هيج
: لعد شنو فهميني
يحجي وعيونة تريد تطلع من العصبية يتقرب عليا واني ارجع لورا وارجف
: ادم لازم تحس بالداحسة
: بشنو تريدين احس بالضبط هاا هذ مو اتفاقنا من اخذتج شنو الجديد الصار؟
: ادم لو جان هذ شرطي عليك جان انت قبلته؟
: تقارنين وضعج بوضعييييييي
: اي واقارن وضعي بوضعك ما انسان اني ما عندي كلب ماعندي احساس اباوع لرجلي متزوجين من اكثر من سنة ونص وللان ما يقبل حت يباوع لوجهي لو الوضع مختلف جان قبلتها انت جان قبلت اضل مبتعدة عنك ومااخليك تقربلي ليش هيج دتسوي ادم اصحى اسراء ماراح ترجعلك
: اسكتييي
: ماتت اسراء ماتت هاهيا هيا بالكبر وانت دافن روحك دتتعذب وتعذبنا وياك
: كافي بشرى اسكتي لا ااذيج كافيييي
: ما اسكت اني مرتك وماراح اقبل اضل مجرد ديكور وكبال العالم اني مرتك انسى اسراء انساها
: بسسسس
كالها وضرب الباب ببوكس من قوتة نطعج وهوا لزم ايدة يلوب اني اباوعلة بجمود بس كلبي برجولي كال جيبي القز القرط دولي
: ما تطلع منا اليوم ادم
: شتريديييييييين
: اريدك انت اريدك تصير رجلي من صدك مو بس كلام انت لخاطر اسراء تزوجتني لخاطرها كمل حياتك مايصير هيج مايصير تحسسني بالنقص تحسسني بيا شي مو طبيعي
وهم.
هوسة فوك شسالفة اباوع لامي ما مفتهمة شي دقايق ونزل ادم من العصبية يرجف ما حجيت ويا دار راسة وطلع بسرعة بدون اي كلمة
جود نايم بيدي ونسيم مغفية تفتح وتغمض وتبجي ع النوم اخذتهم لغرفتي وخليت كل واحد مكانة وطلعت لبشرى
دكيت الباب وفتت لكيتها تلم بملابسها تحطهم بجنط
: هوب هوب شبيج شكو
: والله ما اضل هنا لازم يلكيلي حل
: شنو سبب الخلاف البينكم بشرى ضربج؟
: لا بس اني ماليا كعدة ويا بعد هاي مو حالة ابد مو حالة مو حديد اني
: غير لو تفهمني
: وهم شكد صارلها اسراء من ماتت
: اممم تقريبا 6سنوات شكو ليش
: من ذاك الوكت ادم للان ما يشوف مرة غيرها
: انتي ماتعرفين هالكلام يعني
: ولج ميشوفني ميشوفني للتالي احنا سنة ونص متزوجين للان ولا مرة ما تقربلي عايشين خوان
طككت عيوني عليها نصدمت
بشرى: صدمة مو؟ اني لبالي يتغير بس والله ما يتغير ابد خلي يضل عايش بذكراها واني دروح لاهلي وينجاز بامرة خلي يضل طول عمرة جاتل روحة لخاطرها
: بشرى اهدئي شهل سيرة بهل وقت يجي وتفاهمو
: لا والله وهم عذريني مال اتحمل اني بعد ما اتحمل شوفي لشنو جبت روحي وهوا مو يمة اتحضر واتمكيج والبس ممقصرة بشي وهوا كالت سيرتي وحجت سيرتي
: زين اهدئي هسة ماشي حقج تحجين بس ما تستوجب تروحين انتي تعرفي لادم مو جديد عليج تصرفة
: بزعت الى متى وهم الى متى
: هسة من ديكلولج ليش زعلتي شتكليلهم؟ لئن ما ينام وياي؟
: الموضوع مو بس انه ما ينام وياي وهم تدرين بشنو داحس
: كافي الخاطر الله كافي مو حمل زعلج انتي بعد ابقي بشرى كم يوم وتفاهمو
: هه كم يوم
: شوفي من يلتحق روحي خوش لخاطر جهالي امعودة مايطيكون بلاكم كلكم
ما كالت لا كعدت بس تغلي خطية حيل نقهرت عليها طلعت وتركتها حت ترتاح وتهدء لي 12اني بالصالة وحدي اقلب بالفون ماكو شي اعملة وما جايني نوم افكر بحركة حاذق
خل يستاهل والله لو يحترك كبالي ما اطفي ع الجريته منه ما انسى ابد احساسي لمن كعدت لكيت روحي مشكلة بكومة اجهزة ولا انسى الحالة الوصلتلها لمن اخاف من اخوتي
نفتح الباب باوعت دخل ادم شافني كمتلة فتح ليدي رحت حضنته باس راسي
: شلونك بابا
: لحكتي تشتاقيلي يابوي
: اني اشتاقتلك حت واني بحضنك خويا
وين رحت؟
: كملتلج الفلوس ما ردتيهن
: شكرا ادم ما قصرت
: ولو جم بنية عندي؟
: شهرين بالجثير وارجعهن الك والله حت خذ هذ الذهب خلي يمك بين مايصير عندي فلوس
: خايبة نجبي
: ادم اريد منك شغلة بس
: كولي بنيتي عيوني الج
: مااريد بشرى تعرف اني اخذت منك هالمبلغ
: واذا سئلتني ليش نطيتج الفلوس؟
: والله حلوة عاد خل تحاسبني لئن اخذت فلوس من اخوي
: لا بابا مو هيج
: لعد هاهيا فدوة لا تكللها
: اي ماشي يابة ماكللها
: اريد باجر ادزك تشتريلي البيت فدوة
: هم انا
: منو الي غيرك ياذراعي
: يالله بعد ذراعج فدوة
دنحجي ونزلت بشرى تجر بجنطتها لابسة صاية وشال
: ها على وين؟
بشرى: اني مليت وجزعت مستحيل بعد اقبل اضل هنا اني ما ناقصني شي عليمن اتحمل بعد اطلكت مرة واطلك مرة ثانية بس اروح عد زلمة يقدرني ويعرف قيمتي مو راكني على جنب وعايش بذكرة مرته الاولى
اريدة يرد ساكت يباوعلها ببرود وهيا بس دموع تجري
: خويا كول شي
ما حجى حك طارف حاجبة واشرلها بيدة ترجع
بشرى: لا ما ارجع ولا اخضعلك بعد
ادم: بشرى رجعي لمكانج
: تريد ابقى ابقى بس ما اتحمل الدتسوي تريد ابقى تسوي الاكلك علي
: تعرفين كلش زين ما اطيك
: اي واني مااطيك ابقى وياك بعد توصلني لو اروح
: بشرى
: توصلني لو اروح
: نزلي اوصلج ونعل ابو اليردج بعد
: بعد احسن
كالتها ونزلت راح اخذ جنطتها وطلعو اريد اهديهم ثنينهم قافلين بقيت صافنة يالله تخبلو
طلعت لغرفتي نسيم كاعدة ولازمة سجل تريد تتعلم حروف مثل سند
: امي انتي صغيرة سند جبير
: لا مامي اليد اتعلم اتب
: خوش لعد شنو تريدين تتعلمين تكتبين اول كلمة
: بابا
اختفت ابتسامتي بوجها وبلعت ريكي
نسيم: ها مام وينج؟
: احممم ما تريدين غير كلمة امي
: لا اليد اتب بابا
لزمت السجل وكتبت بي لسومة حرف ب كتلها تنزلها جان اسمع نغمة مال اغنية بصوت عالي حيل يالله شسالفة صوت جاي من كدام البيت طلعت باوعت من البلكون داشوف شو شكو
السيارة مصفوفة باب بيت الكبالنا ومنتجي عليها حاذق ايدي بجيوبة عينة بعيني ماداستوعب شسالفة بدت الاغنية جانت قديمة بس كلامها تدك بكلبي
كفاك غياب يالي عذبت حالي
مو كلبي ذاب وماحنيت يالغالي
حياتي مااحس فيها انا من دونك
يرخص الراح فدوة لشوفة عيونك
انا المشتاك اشوف عيونك الحلوة
ترا الفراك هدني وضيع القوة
جنت اسمعها وهوا عينه بعيني ما شالها دموع وحدهن ينزلن من عيوني كلبي نشك احسة
من ابعد عنه ارتاح افكر بس ااذي اريد اموته بس من اشوفة كلبي يرجف احس بي ماادري شلون افكر وشنو الاريدة تناقضت افكاري
مانطيت اي ردة فعل هوا صح بعيد بس اكدر اشوف ملامحة فصلت عن العالم واني اباوعلة كارهته وحاقدة علي بس مشتاكتلة حيل متلوعة اني بعد بس والله فلا اضعف يا حاذق
حك كل ليالي التعب العشتهن اي لو صرت النضر لعيوني اعميهن وما ارجعلك
دموعي وحدهن ينزلن اباوعلة شلون يباوعلي بترجي
اجت نسيم صعدت ع الكرسي ومدت راسها تباوعلة صاحت
نسيم: بابااااا
صحيت على صوتها تمد ايدها نزلتها وهيا مجلبة الا تصعد تشوفة
: نسيم طبي
: اليد اسوف بابا
: نسيم طبييييي
: لا مااليد اليد بابا ماليدج
: كافي امي كافي طبي الخاطر الخلقج كافييي
اسحب بيها وثنينا نبجي
حاذق.
اليوم اجازة بالمحطة وين اروح كالعادة اكعد كبال بيت ديانا على امل اشوف جهالي
جود للان حت ملامحة ما اعرفهن على وصف خواتي يشبهني اسمر ورموشة طوال
اتخيلة وابتسم بلا شعور اتذكر بتي لمن جانت تلزم خشمي وتبوسة واتذكر سوالفها وطفراتها لمن تصور سلفي وسنابات تسوي حركات
نوب اباوع للايفات مال وهم وكلبي ينمرد بولا لايف ما مطلعة جهالي حت اذا من الكاعدين يمها يكلولها خل يطلعون ما تقبل تدفعهم ادري دتسوي هيج حت ما اشوفهم
بعد ما حظرتني من كل الحسابات سويت حسابات جديدة اراقبها منهم اشوف ستورياتها لمن تنزلهن والنزلتهن قبل كم يوم لمن جانت بتركيا ما منزلة ولا صورة لجود ولا حت لنسيم
التنزلهن لو حاطة شي على وجه الاطفال لو ممطلعة بس ايدهيهم وهيا لازمتهم
كلبي مجمر عليهم ثلاثتهم شفت سيارة ادم طالعة من بيتهم وهوا ديسوقها دققت وهم ماهي
حركت سيارتي وصلت لباب بيتهم نزلت بسرعة متلهف داحاجيها وتوقفت لمن وصلت الباب تراجعت
اباوع للباب وابلع بريكي غرفتها ضوها مشتغل بيها صوت بس حيل بعيد بالدوب ينسمع حت ما يتميز
صفيت السيارة مقابيل بيت جيرانهم وشغلت الاغنية التشرح معاناتي لمن اسمعها احسها توصف شعوري تكول الكلام الي ما اكدر اكولة
خلصت كلتها واني اباوع للبالكون مالها مضلل بس فاتحة بابة مدري شلون تحركت ولا اعرف شتصرف عليت الصوت كله وبثيت من التلفون طلعت من السيارة وفتحت بابها لمن شتغلت الاغنية
شفتها ثواني وطلعت من غرفتها باوعتلي بصدمة بعدين استغراب هزت راسها لا
بقت تباوعلي وانني اباوعلها الحسرة تاكل من جسمي واني اشوف نضراتها ودموعها الواضحات
: يا ضيمي شكد متوجع عليج
اووووف شكد لجعات بروحي خالة
دقيقة وطلعت نسيم صاحت بابا
: ياروحة لابوج
وهم فزت وحاولت تفوتها لجوا وهيا متلوعة ما تدري شلون تحركها وذيج تتنافر
: غصة صرتو بين ضلوعي
تركيها خل اشوفها على امل الهوا يجيب شي من عطرها
نسيمي يا عمرة لابوج ياتالي صبرة نحنى ضهري عليج يابوي
طبت وسدت باب البلكون اسمع صوت نسيم بعيد بس واضح دتبجي
كلبي احسة يون لاجت روحي بالزور وكفت على رجولي صعدت بالسيارة بقيت مشغل الاغنية ما طفيتها الا خلصت سديت المسجل وحركت السيارة رجعت لبيتي
بشرى.
الدرب كله كلبي يوجعني دمعي ينزل وغضب مسيطر على جوارحي وصلني وكلمة وحدة ما فتح حلكة نزلت ورحت لبيتنا هوا حرك سيارته وطلع
الباب مفتوح طبيت على امي شافتني نصدمت كال شجابج
ما تحملت انهاريت وكمت ابجي وامي بعدها بطبعها ما تغير بيها شي نفس الحقد حت لا تبجين ما كالت بس تباوع كمت اصرخ
: كلكم علي كلكم علي شسويت اني واستاهل هيج يصير بيا شسويا يالله
ماشفت شي حلو بحياتي من احد لا ابوي لا اخوتي ولا الزلم الي الله ذابهم لدربي ماشفت شي حلو من احد بيكم حت انتي امي ماشفت منج شي حلو
منو واكف وياي بكل هالعالم منو؟
امي: شكو بشرى احجي
: شحجي يمة رجعتلج المرة الثانية ارجعتلج راح اطلك
: تطلكيينن؟؟؟
: اي راح اطلك راح اقابلج واكعد
: ماكو ما تطلكين شتريدين تجلطيني ترجعين تكعدين بوجهي
باوعتلها مصدومة
: يمةة شبيج اني بتج حسي بيا
: ما تطلكين خبري رجلج خل يجي ياخذج يالله
: ولج يمة داموووووت داتكطع حسي بيا شنو خبري راح اطلك راح اطلك
: ما تطلكين مستحيل تطلكين مرتين ورا بعض العالم شدتحجي
: ولج يمةةة اني بتج يمة بتج معقولة اني سحبوني من يم كلبج داكلج راح اموووت
كلتها وطلعت من يمها لغرفة وهم طبيت وقفلت الباب ضليت ابجي الا حيلي خلص
حاضنة رجولي وكاعدة ع التخت اشهك وابجي اتذكر شلون جنت لمن اسجد اطلبة من ربي شلون بجيت علي
اشلون جنت ادعي بكل حيلي انجمع ويا ماتصورت هيج يصير بيا
افكر مرات من ورا دعواتي ماتت اسراء لئن تمنيت يكون الي وبس بس بعدين اتذكر ماليا ذنب بهل شي هذ قدرها مكتوب عليها
بقيت كاعدة الا نفتح الباب ودخل حاذق باوعلي مستغرب غصبن عني شفتي رجفت فتحيلي ايدة بحركة حضن رحت ارتميت بي بسرعة
همس شصابج خويا؟
: تعبت خويا تعبت
: هششش كافي
: والله اكثر من طاقتي الصار وياي بحياتي محد حبني من صدك اذا امي الهيا اميي ما تحبني
: اني احبج كافي احبج هواي
: خويا ماكعد حضي بيهم
: باوعيلي خويا
رفعت راسي اباوع بعيونه ذبلانات
: وين جنت؟
: هه بهل دنيا خويا
: جنت واكف يم بيتهم مو؟
: امم هالعيلة هاي حالفة يمين يموتنا
: غلطنا ناسبناهم
: لا خويا مو غلطنا لئن ناسبناهم
يجوز انتي بس اني ما غلطت من اخترت وهم
اني غلطت معاها مو بيها وهم ماكسرتلي حجاية اني كسرتها كلها
: بس خويا..
: شنو مشكلتج انتي؟
: ادم ما يحبني يحب اسراء
: منتهين منها لهاي
: ببرود ماخذها؟
: جنت اعرف هالموضوع مبين على ادم من قبل ما يخطبج اعرف مو اليوم والبارحة وكتلج خويا هذ عاشك لا تتاملين بس لحيتي
: خويا واصل مرحلة
: ادري هيج اني بعد عاذرة
ابد ما حبيت هيل رغم حاولت وياي شكد وتنازلت شكثر في سبيل احبها بس جان كلبي متعلك بوهم
: بس خويا انت وهم عايشة وهم تتنفس هذ ميتة وهيج
: ادري انتي ما تعرفين ادم اني اعرفهه من زماااان من جان عمري 19اعرفة وباوعليلي هسة شكد عمري
تزوجت واجتني بت ادم يموت على اسراء يحبها اكثر ما يحب وهم وراحت من ايدة دفنوها وماكدر ينقذها
شفتي لمن وهم دخلت بغيبوبة شصار بيا نوب هذ ماتت كبال عينة
وهم اني الوصلتها لذيج المرحلة وحقها ما تسامحني
: بس خويا مااكدر فاض صبري علي
: التريدي حيصير خويا
كالها ونزلت جوا شفت ضحى كاعدة تباوع لفونها تتراسل ويا وهم سلمت عليها وكعدت يمها
شوية واشتغلت الاغنية الحاذق جان يسمعها رجع ادمن عليها كامت ضحى من يمي طلعت فوك شويا ونزلت
وهم.
نسيم موتتني لي قبلت تنام كل شويا تبجي تريد ابوها واني كلبي خلصان ماكو احد بلبيت وهيا تصرخ وتبجي تصيح بابا
: ولي امي دنامي عاد
: ماااااا اليد بابااااااا
: بعدين يجي بعديين
: لاااااا انتي ما تخليييي
: امبلا اخلي والله اخلي بس اسكتي
: بابااااا تعال خذني
: ولي كافييي دكافيييي مو كصيتي كلبي دكافييي
هيا تصرخ وتبجي محموسة تريد ابوها ومن حركة كلبي صرت ابجي اني بعد ثنينا تكابلنا وننوح
: كافي امي كافي مو شلعي افادي كافي
: اليد بابااااااا
: ولج دكافي اسكتي
: ما تحبين بابا انتي ما تحبي
: نسيم
: ما تحبيييي
: ولج شلون ما احبهةةة شلون ما احبة مو عيوني بيضن علي نشك كلبي لي ما اخذته وكفت بوجه الكل الخاطرة جريت منه معاناة محد متحملها
انتي شفهمج بس كليلي شفهمج ودتحجين هيج ليش تريدي ليييش
: هذ باباااا
جود فز وصار يبجي حسيت روحي بدوامة نسيم من جهة وجود من جهة كلبي خلص والاغنية مشتغلة بعدها وكلماتها ادك بكلبي دخت حيل
شويا وسكتت الاغنية وصوت السيارة حركت نسيم سمعتها وصرخت تبجي تصيح بابا
سديت اذاني بقوة اريد امنع اصواتهم انها تدخل دماغي
ضلو يصرخون واحس كلبي ذاب بس اباوعلها وهيا تصرخ وتكول بابا
تعبت احس روحي دتنسحب راحت تكترت بالزاوية وتبجي وتحجي عليا بلغتها بس حجيها بهواي اكبر من عمرها
: انتي ما تحبيني لو تحبيني تخليني اسوف بابا
استاكيتلة اليدة يسوي امااح لايدي اليد اسوي اماح لخسمة
ماحجيت كلشي بس اباوعلها بجمود وهيا تحرك بروحها تشوفني ما ارد تتخبل حت لطم تلطم انهاريت صرت اصرخ وهيا نرعصت
: كافيييييي كافي اسكتتتيييييييي ووجع ومووت اللفج وجعععع ولج سكتي صوتج ديدك براسييييييي وخنكككككككك عليمن تلطمين عليمننننن مو مات مومات من يموت الطمي
تباوعلي بصدمة ودموعها تجري ترجف
: اسمعي نسيم والله صوتج يطلع ادفنج والله بالحديقة ادفنج اخلي ثاندر يعضج اسكتي هص هص
ما تحجي بس تشهك وترجف وجها احمر دم تباوعلي وصوت جود يصرخ هوا الثاني باوعتلة محموس ومتعصب
فركت راسي وباوعتلها شفايفها يرجفن ودموعها ينزلن فاتحة كل عيونها فتحتلها ايديا حركة حضن رحت يمها فزت وكامت من يمي تمددت يم اخوها لاجت روحي
حطت وجها ع المخدة واختفى صوتها بس تنتفض تبجي واسمعها تشهك
جود يخبط ويحوص يبجي رحت شلته وكلبي خلصان حاولت ارفعة ايدي ما تعيني تركته يبجي ويصرخ ونزلت جوا
طلعت خالة خولة الدرج كالت شكو يمة شبيج
: خالة الله يوفقج سكتيهم والله كلبي ذاب
: اي يمة تعالي نزلي شبيج ترجفين
: مابيا بس طلعيلهم فدوة
طلعت عليهم واني كعدت بالصالة روحي رايحة اصواتهم ادك براسي ومنضر ابوهم بين عيوني سديت اذاني مااريد اسمع اي صوت
شويا هدت الاصوات ونزلت خالة مسحت دموعي وهيا طبت للصالة
خالة: شبيج يمة شصاير؟
: اشوكت ترد امي من البصرة خالة؟
: مادري والله يا يمة
شبيهم جهالج يمة ثنينهم يبجون وانتي بعد
: اوووف خالة اوف نسيم ضلت تصرخ على ابوها وجود جان نايم وفز على صوتنا
: يمة وهم ما دادخل بيكم اني بس ترا مايصير تضلين مبعدتهم عن ابوهم
: شسوي يا خالة ارجعلة مثلا والله الشفته منه ما ينحجي
: لا يمة مو ترجعيلة بس مو تحرمي من جهالة وتحرميهم منه جود للان ما شايف وجهه ونسيم متعلقة بي هوا هم هيا ما صغيرة تفتهم عمرها حيصير 4سنوات تشتاكلة وتريدة ولا تنسين هيا متعلقة بي
: تنسى
: ما تكدر تنسى هذ ابوها يمة ما تنسى الا يجي ببالها لمن تشوف الجهال ويا ابهاتهم هيا بعد تحن لابوها وتريدة
: بس ممقصرة عليها بشي اني الا خوالها
: امي مو سالفة تقصير بس تضل مكان ابوها فارغة
: هوا هم لوعني عليها بالله اتوسلت بي دشوفها وماخلاني
اجتني رسالة من ضحى كاتبة هلو
: من رخصتج خالة
: خذي راحتج يمة
راحت ورجعت اسولف ويا ضحى
: شلونج ولج
ضحى: اهلين ام عشلة شخبارج
: الحمدلله بخير وانتو
: معضمنا بخير وحشتج
: اممم الله يجعل معضمكم
: شفت بشرى اجت لاهلي جيت اني وراها شسالفة؟
: متعاركة هيا وادم ماادري
: اختي ثولة ميفيد شلون الجهال
: نايمين اخوج اجا ذب قنبلة وراح باريحية واتحملي الضيم وهم ما يمة الموضوع اصلا
: شكو؟
: نسيم شافته وتخبلت تريدة
: يااا سودة عليا
: ذوبت كلبي وهيا تبجي وتصيح بابا هوا بابا اصلا مو بحالها
: حاذق مو بحالها؟
: والله اتوقع ما نجي ببالة وعليمن يفكر بيها اصلا
: هذ كولج؟
: اي
دزتلي فيد وفتحته جان حاذق كاعد بغرفتي وهيا دتصورة بدون علمة مشغل الاغنية ويردد وياها بصوته
كفاك غياب يالي عذبت حالي
مو كلبي ذاب وما حنيت يالغالي
حياتي مااحس فيها انا من دونك
يرخص الراح فدوة لشوفة عيونك
ضحى: هاي الاغنية جنا كل يوم نسمعها قبل ما تتزوجون
ورا الزواج بعد ما يسمعها ابد ما طلعها بس هسة مجلب بيها رجعلة الادمان عليها مرة الخ
: امم هيا نفسها الشغلها وخلى نسيم تتخبل ورا
: وهم
: همم
: احم شسمة مو كافي
: شدتكولين ضحى
: انتقمتي بما فيه الكفاية ارحمي والله ميت عليكم
:هوا الوصلنا لهنا
: شيسويلج بعد؟
:ليش هوا شسوا اساسا ضحى ترا ما حاول يصالحني ابد
:صدك ما حاول بس والله تعب مل هلكد انهد اني اشوفة ولج حت ضهرة نحدب يباوع للايفات مالج ويتحسر باكيت الجكاير يخلصة بكعدة ساعة
كل سوالفة عليكم نوب يلزم العاب نسومة ويشم بيهم على امل يلكة عطرها والله
:والله ضحى ابد ما قصرت بشي اني ويا
انتي جنتي شاهدة ع الجريتة بربج شذكرلة
: ما توكف بعينج كل سنينكم القديمة وهم؟
: ما وكفت بعينة تضحياتي وتعبي ويا
ما وكف بعينة اهلي حاربوني بي اني تخليت عن حياتي لخاطرة وهوا يعرف
كلشي تحملت منه غيرته عصبيته خبالة جنونة جريت ويا الحلو والمر اشكد اكلت منه شكد سمعت رزايل دست على كرامتي وقبلت بي وهوا عندة مرة لئن احبة
ابني كتله ببطني ما لحكت اعرف بي وهم سامحته شهادتي جنت اكدر اصير اي شي اريدة بواسطة اخوتي تخليت عن هالشي في سبيل ابقى ويا بشنو جازاني بشك
: والله وهم اش ما تحجين حقج بس واحد يكولها كد العذاب الجسدي العشتي ديعيشة نفسي والله انتي ما تشوفي شلون يباوع للشاشة لمن تفتحين لايف يريد يسحبج من التلفون ويشم عطرج
: خلي تفيدة لمن كسرني
: عذا حاقدة
: ضحى
: بكيفج وهم ما اضغط عليج اسبوع الجاي احنا رايحين لكربلاء تعالي
: انتو منو
: اني وزوجي وزوجج
: ضحىى
: هاهيا
: مااكدر اجي الدنيا بارة ودنبني انوب
اجا ادم ودخل ع الصالة ضايج باوعلي
ادم: شو هنا بويا؟
: اووف ضجت من غرفتي
: امم
: ادم خويا راضيها
: مااريدها اصلا خل تضل
: لا خويا خطية ترا حقها
: تعرف ضرفي ووضعي ووافقت علي
: بس هم بزعت وخلص صبرها
: شسويلها قابل؟
: لا تكسر خاطرها خويا خطية تحبك والله
: ادري تحبني
: انت هم لازم تحبها
: لعد واسرااااء
: خويا جم دوب عيش حياتك امعود
: ولج اسراء لو موجودة جان هسة جهالي بطول ذراعي
: ماتت عاد الله يرحمها شتسوي بعد تكتل روحك تهون عليك نفسك ياخويا
: بس وهم
: خويا انت تحب بشرى وما يهون عليك زعلها ادري بيكم والله بس ما تريد تعترف
: مااحبها
: لو ما تحبها جان مهتميت لزعلها
: ما مهتم
: بكيفك بعد خويا باجر اريد تشتريلي البيت
: خوش
كالها وطلع ورا نص ساعة اني طلعت بعد على غرفتي شفت نسيم نايمة وتون سودة عليا رحت عليها حضنتها وابوس بخدودها شكد ناعمات فدوة
جود نايم بالمهد واللهاية بحلكة بس نسيم على تختي فاتحة حلكها ونايمة دمع مبلل رموشها ومرخيا ايديها
شلتها خليتها علي صدري وتمددت اني بعد دموعي تجري بس حاضنتها بقوة صار تحجي هيا ونايمة تحلم
نسيم: بابا تعال
: سومة امي
: لا تعوفني بابا ابجي عليك بالليل اني
يالله شكت كلبي بكلامها وضلت تحجي مستمرة ما سكتت
: بابا تعال علينا ثويلي امماح جود ماشافك ابد
اني احبك انت ما تحبني تعال شيلني
: كافي امي سومة دتحلمين كعدي نسيم
كلتها وفزت باوعتلي بتعب رجعت غمضت ونامت اوف شكد اذيتني واذيتها
ثاني يوم راح ادم اشترى البيت وسجلة باسمي حسيت روحي متغلبة علي اني عندي قوة هالمرة هوا لا اني اكدر اغلبة واكسر ضهره
مر اسبوع تقريبا ادم ضايج ماايحجي بس ادري انه ديحس شي ناقصة واكيد بشرى شايفة هالنضرة بعيونة على اسراء
اتصلت بمتيم كحيلة بايتة يم اهلها هلا كتله تعال بات يمنا وما كال لا
بهل اسبوع بديت الاحظ على جود اشياء مثل التعب هدوء صوته ناصي احسة يدوخ
على غفلة وجهه يصير اصفر ودائما بارد اشوكت من دلزمة ايدي ورجلي ثلج
يفتح عيونة مرات بس مبين تعبان نوب يبتسم من يسمع صوتي يشلع كلبي
اجا متيم شافني شايلته اخذة من ايدي باسة بوسة قويا ودغدغة بلحيته رفع وجهه جان يضحك ولام ايدي لحلكة فدوة لعمرة
متيم: فدوة جن حرمساية
: امدا امك ع هل تشبيه
: ولج شو هذ جان اسود ليش اصفر؟
: اول شي ابني اسمر مو اسود يا جلب ثاني شي ماادري والله اني بعد بالي يمة
: امم باجر اخذة للمستفى لا يروح يضل هيج لونة ويطلع يشبهج نوب ما تكفينا بتج نوب هذ البطريق
: حيوان لا تصنف على جهالي
: ديالله شلون جهال عود روحي نيمي
: ولك تتذكر قبل مدري جم سنة لمن جنا اني وانت عزاب جانت الصالة مكانك انت تنام بيها
: اييييي جانت العشك نوب اكعد على صوت رجولج وانتي تطفرين من الدرج وتجي خالة مسويتلج ريوك ملكي
: وتاكل نصة النوب تاخذ سويجي وتفلت اريدلك اثر ماكو تالي تطلع ماخذ كحيلة تفتلها
: اي الرانج الجانت عندج تخبل هسة وين لامبر
: راح ابدلها لا تكر خل اطلع انيم ابني وانزلك
: لا تنزلين تلعب نفسي
: تفووو مو مال احترام مال نعال وعلى حلكك
طلعت على غرفتي وخليت جود بفراشة فدوة العينة شلون يباوعلي ويرضع باللهاية مالته
نضراتة حصرت كلبي شايفتها قبل مدايجي ببالي وين بعيد عن عيون ابو بس نظرتة شايفتها مرة وحدة بس ما داتذكر
نام ونسيم نايمة بفراشي دنكت بست راسها وايدها بسرعة فزت كالت بابا
: اسم الله عليج امي شكو
باوعت حواليها تدور ورجعت باوعتلي همست لشعرها
: شبيج امي؟
: بابا وينة؟ بابا جان هنا ديلعب وياي وسوا لايدا اممماح
بقيت اباوعلها كلبي ذايب هيا بعينها النومة رجعت راسها ع المخدة وراحت بالنوم
تحسرت ونزلت جوا جان ادم صافن ومتيم يباوعلة شعري هالعلاته كشوشة ومفلول رجعت راسي لي ورا واحركة يمين يسار وكمت اغني شعري يتحرك وياي
: لاكعد توالي الليل واذكر وليفي
وبحجة الحلمان ابجي على كيفي
متيم صار يلطم على كيف ويهز راسة وياي ويغني
متيم: لاكعد توالي الليل واذكر وليفي
وبحجة الحلمان ابجي على كيفي
: مابيا اون ونيت ليلي ونهاري
من كثر نوحي عليك ملاني جاري
: مابيا اون ونيت ليلي ونهاري
من كثر نوحي عليك ملاني جاري
ادم: انجبو لا الط راس براس
: ها ادم ها هاي عليا؟
متيم: تركي خويا تركي تعالي عليا اني الحضن الدافي الامن الج
: اي انت لوحدك خويا هوا ما يحبني يريد يلط راسي براسك
متيم: والله ادم ما حبيتها منك شنو تلط راسي براس وهم يصير بيا كمل
: يا ابن النعال
كلتها ورحت يمة رفع ايدة حضني نباوع لادم ندري بي استفكد بشرى
: متيم تحبني؟
: لا
: لعد عليمن حاضني
: الرفق بالحيوان واجب
كالها وعضيته من صدرة بس ما تاذى هواي لابس كومة ملابس بس كفخني على اذاني وطفرت على ادم
: ااااخ ادم طرشني
ادم: مو جنتي مختبية ورا مني خل ينفعج
كالها وبرطمت كتلة مو صوجك اني الاحتمي بيك
ضحك ودمغني لفني بحضنة باس راسي هم رجع لزم ايدي باسها حاولت اسحبها ما يخليني
: ادم ترا دتحرجني
: خو اول مرا ابوسهن
: كل مرة اسحبها ما تخليني
: ولا راح اخليج لاخر يوم بعمري ابوسهن
نزلت نسيم تفرك بعيونها باوعتلنا واجت على ادم بعينها النومة
فتحلها ايدي كعدت بحضنة النوب تكترت ونامت وهيا بطول النقطة ضاعت بيدة لفها وسحب البطانية من متيم غطاها عدل
متيم: هووو شكو تكشفني استر عليا وهم اخوج ديغتصبني
ادم: خل تدفة حبيبة جدو هاي بنت الدلال
: واني ابن النعال خل اجمد؟
دضحك على سوالفهم وكلبي نغزني تذكرت نضرات المرة الوحيدة الشفت هيج نضرات بيها يوم الانخطفت سمارة
لمن اخذتها لبيت فردوس هيج باوعتلي جن جاي تودعني كلبي انحصر بسرعة عيوني دمعن طفرت فوك بسرعة تركتهم ما فاهمين شي متيم يصيح شكو
رحت للغرفة فتت بسرعة جان نايم بس وجهه اصفر حيل شلته من المهد احاجي
: جود ماما جود
حبيبي جوجو دتسمعلي يا امي فتح عيونك فتحهن يابعد امك ابني
لاتنسون تصويت⭐⭐⭐⭐⭐
اسراء العزاوي
💜💜💜💜