السلام عليكم أحبائي اعرف مقصره وياكم لان صار فتره كثيره موقفه النشر..لكن فيروزتي التمس منكم العذر على آخر حلقه نشرتها اندهوها صحتي و الله أعلم بما حصل إلي بوقتها حملي تهدد وهو بشهر الثامن ومگابله الدكاتره والمستشفى لحد ما ولدت عمليه وبعد شهر ونص فقط سويت عملية إستئصال ثانيه ومجرد فات إسبوع صار عندي ڤايروس من غير جهازي الي عطل والواتباد إلي ما يفتح
اليوم رجعت نشرت الحلقه هذه حتى تذكرون آخر الأحداث أضافه إلى اليوم بالتسعه ونص باليل أنشر الحلقه طويله وممتعه وأتمنى منكم التفاعل بيها
..........،،،
تحضى نـار قلبي
حلقة الستون
....
جعل لهفة گليبي بس الـك
يبعد الـ ما يحـن لغيـرك.
.
.
.......
تفاعلو على الفقرات فيروزاتي
.....
علية وگال
_ ساعة أچذب عليها تالي تضحكين هيچ؟
أبتسمت وحچيت
_شسويلك كلامك يضحك.
صفن علية لحضات بعدها تنهد وگال
_تغديلچ فدوة الضحكة وراعيها.
رديت بهدوء وخجل
_أسم الله عليك.
أبتسم و مط جسمة گال
_ميت جوع وشگد أتمنة أگلچ يا زوجتي العزيزة سوي أكل من أناملچ الحلوة بس ما أريد أجوع.
تمشى للدرج وصد علية گال
_ أول شغلة لوير أخذي راحتچ والغرفة الثاني الچ والبيت بيتچ ميحتاج تگعدين بلا شغل وخجل ومستحة وسوالف المايعات أريدچ نچرة وتغسلين المواعين بعد كل وجبة لان يا ست حضرة مرتي العزيزة الموقرة قررت أني أخذ الطبخ لحد ما أعلمچ على أكلي والنوب تنجبرين تسوين نفس الأكل الي آكلة لان بهذاك الوقت تتعودين.
هم گولي مو زين وياچ و صاير الچ عمة.
ضحكت ورديت علية
_لا مو عمة بس أم بيت سنعة .
رفع حواجبة و رد
_شلون تريدني أشوفها أم البيت شتسوي.
رديت بستفزاز
_يعني تأكد كلامي!.
عقد حواجبة وأرتاك على المحجر
_يا كلام يا طير الحمام؟
رديت بهدوء
_أنك أنتٕ أم بيت سنعةة
رد بستفزاز وخباثة
_البرابيك ما تسوي سوايتچ شلنفصي
ردت أحچي دك جهازة فتحة وهو مبتسم
مجرد حطة على إذانة فتح عيونة بصدمة وحچة
_ منو أنتَ ومنين عرفت رقمي؟؟
رغم وضوح ملامحة المنزعجة لكن كسرهم بضحكة
وگال
_ هلا هلا عرفتك شخباركم
دومكم إن شاء الله .
زفرت نفسي وصعدت للغرفة أخذت ملابس ونزلت للحمام.
سبحت بسرعة وطلعت لافة المنشفة على شعري.
طماطة وچاي
طلعت الخبز والبيض .
أقل الربع ساعة كملت البيض والطماطة .
نزل بنيامين وكف بباب المطبخ وگال
_عليچ ضلع الزهرة ريحة طيبة بشريني خو ما بيض وطماطة؟
أبتسمت بخبث وحچيت
_للأسف المستأسف هم بيض وطماطة.
شمر أيدة بالجو وگال
_بطني خاست گد ما أكلت بيض ما تخافين تبيضين كافي أكو غير شي لاتخليني أشك هدومي وأطلع بالشارع .
حضنت أديني وحچيت
_ليش أبيض واني عاجبني الآكل ترى غيرك مالاگي هيج أكل حرام تسوي هيچ .
زفر نفسه وحچة بعصبية
_ شكلي أدخل لجهنم بسببچ وحق سلابات الكح...
أنطاني ضهرة وگال
_تعالي وراي سدي الباب.
مشيت ورا وحچيت
_وين رايح ممكن أعرف
صد علية وحچة
_والله يا زوجتي العزيزة رايح لأقرب كافترية أشتري لفات على الاقل فلافل ولا بيض.
رديت بعفوية
_عوذة اي والله هاي على بطنك وهيچ سويت شبيك يحظي الناس توصل القمر وانت تطلع أنصاص اليل على مود لفات فلافل.
هز أيدة وگال
_ خصمي الكلام وگليلي تردين لفة لو لا؟
منال:لا ما أريد حلاتها الطماطة والبيض.
طلع من البيت
وسديت الباب ورا
رجعت للمطبخ گعدت آكل ومستمتعة طعم الآكل كلش طيب وبالأخص البيض عالم ثاني وهو يتقنعر بزر نستلة.
زودت بكثرة لدرجة أحس معدتي أذتني
أخذت كوب الچاي أحتسبتة وگمت نضفت المطبخ لحد مارحت على صوت الباب يندك..
طلعت فتحتة لبنيامين..
دخل گدامي للمطبخ بيدة الفات
مجرد شاف المطبخ گال
_اووو كهربي يسمع الكلام وخوش معزل ومنضف المطبخ.
وگفت بـ باب المطبخ وحچيت
_ على طاري التعزيل نفس الشطور والخوش واحد أنت تعزل الي توصخة لان نعسانة وأريد أنام.
صد علية رافع حاجبة
_والخلق آدم ما تنامين إذا ما أتعشة.
منال:يعني شمعة فگر ؟
خفة الأبتسامة إلي ضهرت وگال
_أنت الخيررر كلة كهربي
منال:همممم صدگت
گعد وطلع الفات وگال
_أشم ريحة أستهزاء بس تمونين.
ضحكت بستهزاء ومشيت من يمة
صاح وراي التفتت وحچيت
_ها بنيامين شتريييد؟
بنيامين:يبووو گامت تتعزز نصرة
ما تگليلي شبيچ مو ن... أختي
فتحت عيوني بصدمة وبحركة لا أرادية ضربت رجلي على الارض وحچيت بعصبية وقرف
_ايييع و الله بعد ما أحچي وياك شنو هل ألفاض ما تگلييي والنبي لعبت نفسيي
رد بعدم مبالا
_خلصتي لو بعدچ
تن.... ام السالفة بـ الاوع.
ردت أحچي سبقني يگول
_الملح من يمچ.
زفرت نفسي وأخذت الملح أنطيتهيا
ردت ألتفت سحبني علية گعدني بحضنة وأبتسم.
رفع حواجبة وقلص عيونة وگال
_شكد وگحة المن هل خنزورة بس فهميني!؟
_بكيفييي شعليك أنتَ
بنيامين:يمة گليبي خوفتيني على گيفچ وياي
_خبيييث مو بيدك.
أبتسم وقرب راسة علية وهمس
_خبيث ولا مسموم يالحية.
رفعت حاجبي بستهزاء وحچيت
_إذا اني حية لعد أنتَ عگرب.
لهم شفايفة وأردف بنبرة خبيثة
_تدرين العگرب شنو يسوي لو لا؟
هزيت راسي بنفي وحچيت
_شمدريني
أبتلع ريگة وركز بعيوني
فتح طرف المنشفة وسحبها وغرس كف أيدة بشعري مسدة ونزل على رگبتي وكمل كلامة بنبرة هادئة
_العگرب يگرص وكرصتة مو شلون ما چان لا يندل وينيشن يلا يگرص.
عفست ملامحي وحچيت
_عليك الله وشيگرص متگلي قابل قناص وينيشن
أبتسم بضياع و همس
_والله العظيم حسام الرسام گال يگرص
قابل من كيفي حچيت..
رفعت حواجبي بعدم تصديق وحچيت
_لا تتلوت وحسام شمدري يگرص؟
_مو گارصة .
رديت علية بعفوية وفضول
_ومنين گارصة ما عرفت!؟
_من المنطقة الح....
فتحت عيوني بصدمة
وحركة تلقائية مني دفعتة بقوة وگمت من يمة لان تمادة..
على أثر حركتي وگع ماعون المقبلات على الارض
زفرت نفسي ودنگت أشيل المقبلات قاطعني صوتة يحچي بهدوء
_سمرائي صبي نهدكِ الأسمر في دنيا فمي
نهداكِ نبع لذة حمراء تشتعل لي في دمي
متمردان على السماء على قميص المنعم
صنمان عاجيان قد ماجا ببحر مضمر
فكي الغلال وأحسري عن نهدكِ المتضرمِِ
لاتكبتي النـار الحبيسة وارتعاش الأعضم
نار الهوا في حلمتيك أكولة كـ جهنم
خمريتان أحمرتا بلضى الدم
محروقتا بشهوة تبكي وصبر ملجم.
رفعت عيوني علية مصدومة من كلامة
بس عيونة چانت مركزة على غير شيء
بحيث ما أعرف شصار بية بسرعة گمت ورفعت الدشداشة..
أحس ضيعت الطريق من كد ما خجلت
طلعت من المطبخ وهو يضحك بصوت مرتفع..
صعدت للغرفة دخلت ورديت الباب
وگفت كدام المراية دست وجهي حااار
صخنت من الفشلة...
صارت عيني على دلعة الدشداشة عادية مو دلع..
قنعت نفسي بـ اني ما متقصدة..
تمددت وكـ العادة بعد الف فكرة وفكرة يلا عيني أخذت نوم.
ويا ما نمت حلمت حلمي المزعج وإلي هو وفاة والدي مجرد تذكرت المنظر گعدت على صوت وطبطبات بنيامين على خدي و يحاچيني
_نمنمة گعدي تسمعيني؟!.
فتحت عيوني أشاهگ وزدت بالبچي.
مجرد شفتة گدامي شلون قلقان علية
حضنتة بقوة وأشاهك وأبچي وأحچي بعدم تركيز
بصوت مرتفع..
بچيت وبچيت لحد ما أرتاح گلبي من الغصة المكبوتة ..
رغم رخص دموعي بس أحس نفسي هسة يلا گدرت أطلع إلي داخلي..
طول ما حاضنتة هو يمسد على شعري وحاضني ويردد بهمس
_ أني وياچ لاتخافين
مستحيل أعوفچ بيوم..
طلعي إلي بگلبچ مو زين الكتم..
بعدت راسي عنة وحچيت بأنكسار
_أخاف من الدنيا..
رمش بهدوء ومسح دموعي بأصابعة
وهمس
_ليش الخوف منها
وگعن دموعي المچلبات بعيوني
وحچيت بخنگة
_تاخذ مني كل إلي أحبهم
أبتلعت ريگي وأردفت
_ ما عافت إلي أحد أخذت كل إلي أحبهم مني
أبتسم بهدوء وتنهد
سحبني علية أحتضني وباس راسي بهدوء وگال
_ مو أني وياج باقي على گليبچ
شنهي ما محسوب من التحبيهم!؟.
سكت ثواني وبعدها أردف بهدوء
_نمنمة راحتچ تهمني ما أريد أشوف الدموع بعيونچ..
أحچي وطلعي إلي بگلبچ والمضوجچ
لاتتوقعين مني أصد
لو أنطيچ ضهري بيوم..
أعرف بيچ دايخة وأحتمال أفكارچ متشوشة وتردين أجوبة لأسئلة تدور ببالچ والأكثر تردين تفسير للديصير.
الفترة السابقة مؤذية وأخذت كل راحة لتفكيرچ.
أبتلع ريگة وأردف بهدوء
_ خلينا نبدي بداية جديدة بعيدة عن بنيامين إلي عرفتي سابقاً.
مر وقت والهدوء عم على المكان مجرد أسمع صوت نبضات گلبة..
تنهد ومسد على شعري وگال
_ليش ساكتة ما تحچين
نمنمة أريد أكسر هل حواجز البينا لان ما الها كل داعي.
أبتلعت ريگي وحچيت بهدوء
_شنو فايدة أسالك وتجاوبني على النص ماتخليني أفهم زين.
بس أريد أعرف ليش بعدك وياي؟
ضحك بهدوء وابتعد عني عدل گعدتة وگال
_ دام بديتيها ب ليش بعدك وياي واضح گعدتنة مطولة.
أرتاك على طرف السرير وسحبني علية
جر الغطة علينة ثنينة وأحتضني
أخذ كف أيدي شابك اصابعة بأصابعي وگال
_ أنطيچ مثال دام الكلام ما يفيد وياج.
شايفة من شخص يتقرب عليچ بفترة أنتِ محتاجة وجود ناس تفهمچ وترسم البسمة على ثغرچ وتعالج جرحچ.
فجئة بدون سابق أنذار رب العالمين يباوع لحالچ ويدزلچ هل أنسان إلي محتاجة وجودة بحياتچ .
وسبحان الله مجرد دخل بحياتچ غيرها وگلبها ١٨٠درجة.
بحيث تعودتي علية
صرتي تردين تشوفينة
وتزعجينة بس حتى تلمحين عصبيتة وطنگورتة
تفرحين لفرحة وتحزنين لحزنة
من يضحك تحسين الدنيا ضحكت الچ..
ومن يحچي تحسي بلسم على الجرح
وجودة مهم بحياتچ لان هوَ إلي رجعچ وحببچ بالدنيا بعد ما طلعت من عينچ وكرهتيها..
تحسين وجودة غلط وتحاولين تبعدي عنچ بكل الطرق
بس كل ما يبتعد تنجرفين الة بحيث توصلين مرحلة
تفكرين لو هو موجود بحياتچ من البداية چان عشتي براحة.
هوَ مو حبيب لان أخذ مكان ومعزة خاصة
بحيث تحسين الحب تافة مقانرنة بي
والأهتمام والأحترام قليلات بحقة
تسعين لشيء أكثر وأكبر من هيچ
تردين تكسبي بطريقة تخلي يتعلق بيچ نفس ما أنتِ متعلقة بي حد الادمان.
وأنتِ هيچ كهربي المُسكر..
من گد ما حبيت كلامة حسيت براحة فضيعة بحيث الضحكة أنرسمت على وجهي من غير گلبي إلي أحسة يريد يطلع من مكانة.
مجرد ختم كلامة عبست ملامحي أريد يحچي بعد..
صد علية وگال
_هم سكتي ؟
ركزت بعيونة وحچيت
_ليش رفضتني بطريقة سخيفة وخليتني أكرة سويسرا و شهر الـ١٢و الواحد ودخول السنة بحيث الناس تحتفل بالكرسمس وأني حاقدة علية.
أبتسم بهدوء وبلل شفايفة
و أردف
_ سويسرا والكرسمس والأشهر شعليهن اني إلي ضوجتچ.
عفست وجهي بستهزاء وحچيت
_فرحااااااان فوگاها؟
قلص عيونة وحچة
_أحچي لو الف راسي وأنام دام الله هاديچ علية؟
_أحچي اول.
زفر نفسة بهدوء وحچة
_ ليش رفضتچ ، بكل بساطة نمنمة أنت صغيرة و واضح ماخذه الحياة بلهو وأكدلي هل شي كلامچ.
حاولت وياچ يا بنت الناس فهمي ماعندي حبنچيات
ياعيني فهمي وأنتِ قافلة علية وأذكرچ قبل تلع الجوهرة منچ نبهتج تنبية أخير وأنت لا ابالي.
أطريت أحقر وياج حتى تضوجين مني وتنتهي.
أبتلعت ريكي وحچيت
_بس ما أنتهة شيء بالنسبة إلي..
بنيامين: و لا إلي.
_شلون؟
ركز بملامحي وحچة
_بقة شگلچ و رده فعلچ مرسومة ببالي
وألوم نفسي لان حچيت وياچ بهل طريقة بس بنفس الوقت أگول أحسن.
منال:بوقتها تحب بنت عمك.
أبتسم وحچة
_وأنتِ صدگتي يعني؟
چنت أريد أبعدچ عني هل أگلچ أحب بنت عمي مختصر أتحجج.
صدرت منة ضحكة عفوية سحلت گلبي سحل
كمل كلامة بعد ما تحمحم
_تدرين شگلچ أبد ما يروح من بالي من چنتي تجين تركضين والنفس مگطوع.
واللهفة البـ عيونچ تفوز بـ الطف شيء شفتة بحياتي.
رد فعل لا أرادي طلع مني
_ كلامك سحل گلبي.
ضحك بصوت مرتفع ورفع أيدي باسها وگال
_ الكلام وراعية يرحن لگليبچ فدوة.
غمضت عيوني بخجل وحچيت
_خجلللت لا هيچ
والله كارثة أنتَ..
بنيامين:هوَ ياهو اليجي يخجل عمي ليمچ وبس خجل ام الكوارث.
أبتسمت بدون ما أحچي شيء..
سحب نفس بهدوء وگال
_بعد عندچ أسئلة لو أنام؟
منال:ليش چنت بسويسرا و رجعت أستقريت هنا و أنتَ عايش هنا وحدك من شوكت؟ وشعجب بالنجف مو ببغداد
_ليش بسويسرا بسيطة لان چنت وما زلت أبحث عن تحقيق أحلامي والسبب طموحي للأحسن والأفضل.
و رجوعي ما جان دائم بس بعد الحوادث الصارن أستقريت هنا بالنجف لان بيت أهلي.
تثاوب وتمدد حط راسة على رجلي وعيونة علية مقلصهن.
أخذ أيدي حطها على راسة وهمس
_ضغطي راسي يوجعني.
مسدت علية وعيوني مركزة على ملامحة..
تنهد وهمس
_أنام لو بعد نمنمة!؟.
غرست أيدي بشعرة
وحچيت
_مريم ما جبت طاريها.
زفر نفسة و رفع نفسة
صاح بألم
_أنعل الساعة الفكرت أنام بيها على رجلچ
ب....ة گطعتي شعري هوَ هيچ.
رفعت حواجبي وحچيت بضوجة
_ إذا شعرك معطب أني شعلية وسالفة تعيط بحجة شعرك بطلها گول لان سألتك عن مريم.
گلب عيونة وحچة
_ثيمالا كهربي إذا أبقى يمچ نتناگر.
منال:مو أگلك تجاوب على النص متصدك.
زفر نفسة وحچة
_مريم حاچيلچ عنها ومفهمچ هي شنو چانت بعد المن هل زيادة الكلام والمغثة؟
عليچ دين محمد نمنمة نايم على رجلچ ومرتاح لأخر حبة تجين ت...... السالفة وتعال جاوب من جديد ولازم تعفسين هل وجة الحلو واني الغلطان لان گلتلچ يا بنت الحلال طلعي كل الي بداخلج خلي نعيش بسلام.
منال:ليش ما فكرت بمشاعري
من البداية وماخليتني اعرف منو هي مريم ولا انت خاطب وتوفت ولا أعرف بمدى عمق حبك الها وتقديسك الها؟!!.
ضغط على راسة وحچة
_ أول شي يا نمنمة رجعت شفتچ بعد وفاة مرايم وبسببها هم.
وأنتِ لو ذكية چان فكرتي أنو أني من فتحتلچ كل أوراقي وحچيتلچ عني وعن حبي تعرفين شلون تگلبين الموازين لصالحچ وبدل ما كل حديث تبسمريلي بطريقة غير مباشرة لو تطگيها طگ بطك.
اجيت ليمچ وگلتلچ أنتِ علاجي داويني ونسيني شي أسمة مريم.
نمنمة
بنيامين أختار عقلة على گلبة وسلمتچ الاثنين هم العقل وهم الگلب وأنتِ بدل ما تعزفين على الوتر تجين تدورين هل سوالف.
لـ راحتچ أنتِ كل غرض وديكور لمريم شلتة من البيت
ما أهتميت لمشاعر عمي ومرتة او ليش عمي إيناس أختها ما أهتميت الها وكدامها كلت للحجية شيلو غراضها أخذوهن لبيت عمي.
كل هذا وبنيامين علية أكس.
شنو إلي أسوي حتى تگولين يهتم لمشاعري ؟
و علية نازل أتسمم حتى العشا ما تعشيت بسبب حضرتچ.
دار ضهره ومشى بأتجاة الباب
_للعلم ما جنت قاصة هيچ و رد فعلك ينرفز كلش.
التفت وزفر نفسة
_ولچ گطعتي شعري وتصيحين ردت فعلك تنرفز؟
_شسوياك إذا شعرك معطب ولا يكلك المشط موجود.
رفع حواجبة وأردف
_متشابك يالفهيمة وللعلم خلي ببالچ
بس هل أسبوع أنتِ هنا لا هاشميات تريدچ يمها منا لحد ما تمر سنة وتطلعين من بيتها.
يعني أمني تخلصين مني لمدة أشهر لا أكثر ولا أقل.
ضجت من طريقة كلامة حچيت
_مو تريد تزقنب متروح أحسن من ما تحچي؟
رفع حواجبة وگال
_أزقنب!!هيچ صار الحچي ؟
بلل شفتة وكمل كلامة
_ مشكورة.
طلع من الغرفة وسد الباب بقوة درجة فززني..
زفرت نفسي وتمددت
غطيت نفسي واني أفكر بكلامي
مو مال أگلة روح أزقنب هفف
ما تحملت أبقة گمت وطلعت من الغرفة
لگيت باب غرفتة مفتوحة ومتمدد على بطنة وفوك راسة المخدة.
نزلت للمطبخ نضيف
فتحت الثلاجة طلعت بيض گليتهن وياهن بصل وسويت چاي.
حطيتهن بصينية وأخذتها ليفوگ.
رغم ترددت أوديهن بس أستخطيتة..
دخلت للغرفة حطيت الصينية على الميز وتقدمت علية
حچيت
_گوم بنيامين.
ما رد عليه
رجعت كررت أسمة وأحچي وهو ما يرد.
سحبت المخدة من على راسة لگيتة نايم وعاقد حواجبة.
أبتسمت لشكلة ولا يم البرائة رغم إلي ينامون تضهر برائة ملامحهم..
صارت عيني على رقبتة بيها وشم صغير رأس صقر
و كتفة واشم بس الوشم أبد ما مفهوم لان خطين عاموديات ومتوسطهن كتابة ما أعرف بيا لغة بس لواضح كلمات.
من چان يمي لابس تيشيرت بس هسة لا..
نزيتة من كتفة أكثر من مرة ما رد.
زفرت نفسي ونزيتة بقوة وحچيت يم إذنة
_بنيامين الحجية جوا تنتظرك ومتعصبة لان ما ترد على مكالمااتها
فز من نومة ويفرك بعيونة بحيث جر التيشيرت ويريد ينزل
ما تحملت طگيتها ضحكة على شكلة
وحچيت
_بنيامين بنيامين
أوگف چذب والله أني أريدك تگعد.
صد علية فاتح عين وغامض الثانية.
رفع طرف شفتة وحچة
_بيچ شيء؟ليش مگعدتني؟
أشرت بحواجبي وحچيت
_سويتلك زق ااا أكل مو ما متعشي.
رفع حاجبة وصد على الصينية.
أخذ كوب الچاي خاطة وأحتساه مرة وحدة وگال
_حتى بهاي تأذيني
رحمي بحالي خيستي معدتي من البيض.
وفوگلها نمت المن مگعدتني ؟
زفرت نفسي وحچيت
_لان گلت ما ماگل سويتلك.
رد بمقاطعة
_قصدچ گلت ما متسمم وأنتِ أختصرتيها بزقنبوت.
شتت نضري عنة وحچيت
_المهم أكل .
تعداني ومشى
_أخذي وياچ ومشكورة لان أشتغل الاحساس.
التفتت فاتحة عيوني على وسعهن
شمر نفسة على السرير وأردف مكمل كلامة
_طفي الاضوية وياچ.
منال:جوعانة أريد أكل وياك .
رفع راسة وگال
_الف عافية أكلي.
منال:يلا لعد گوم حتى ناكل سوى .
گام گعد أرتاك على طرف السرير وگال
_جيبي لصينية وتعالي .
شلت الصينية وگعدت مقابيلة
أكل لفتين وهو ولا أكل شيء
صديت علية وحچيت
_شو ما تاكل ؟
_ما أشتهي.
منال: ليش
_نعسان.
همهمت وگمت شلت الصينية ونزلتها
صعدت للغرفة تمددت وتركتة.
مو مال عيني وأغاتي يتقنعرر علية.
ما حسيت على نفسي غير نايمة..
ثاني يوم بنيامين يحچي وياي على گد السؤال والجواب..
ومر الاسبوع وعرفت زعل بنيامين مكروه كلش بحيث يكره المقابل بنفسة.
رغم كل وجبة ينبهني على العلاج والأكل هو يسوي بحيث بس أكل.
خلص الأسبوع والحجية لحت بشكل مو طبيعي أروح يمها.
وفعلاً باليل أخذني بنيامين لبيت الحجية.
طول للثنتين ونص آخر شي الحجية گالت
_يمة تبات هنا لو ترجع لبيتك؟
رد عليها
_لا أرجع .
_لعد ييمة ما تشوف الوكت
مو من عوايدك تبقى لهل وكت.
ضحك آخيل وگال الها
_ والله يا حجية سألي نفسچ شسويتي وشتلتي يمنا.
_يتعلم بس اول ايام
ما أعرف آخيل شنو همس لـ بنيامين
وضحك بقوة بحيث أخذ أجهزتة والسويج وگام وكف گال
_ يلا أرتاحي هشومة رايح .
ضحكت وگالت الة
_نام هنا لو ما نعجب
رفع حواجبة وگال
_أبد ما تعجبوني أروح أشوفلي فد دفو حتى أنام
ضحك آخيل وگام وياه أخذه وطلعو ..
بقينة بس اني والحجية گاعدين.
صدت علية تنهدت وگالت
_شوفي يمة لا تضوجين مني بس اني أريدلچ الزين
حالچ حال البنيات كل وحدة بيهن انزفت بالبدلة واريد إذا الله خلاني عايشة أزفچ لوليدي وافرح بيكم.
ثنينكم ما شفتو الراحة والتعب جابكم من هذاك يوم وهذا يوم.
أبقي هنا معززة مكرمة و ويلة إلي يمسچ بحچاية.
بقيتچ يم بنيامين هل أيام حتى تتالفون ومن تجين يمي ياخذكم الشوك.
لاتشوفي لسانة طويل بلاية گلب وداعتچ
ضحكي علية بكلمتين يرضى.
كملت كلامها وگامت كالت
_تنامين يمي بغريفتي لو يم بنت بنت مسار ؟
أبتسمت وحچيت
_يمچ أفضل .
بادلتني الأبتسامة مشت
وحچت
_گومي وياي.
دخلت لغرفة قريبة على الصالة
مجرد توگفين ببابها تشرفين على الكل من المبخ والصالة والغرف والدرج وصالة الطابق الثاني.
مكان الغرفة يرهم للحجية فضولية كلش.
بيها سرير أبو النفرة وكنتور وجلسة عربية صغيرة.
تمددت وگالت
_أخذي راحتج راح اناملي چم ساعة.
نامت بشيلتها وجواريبها.
و اني تمددت على الدوشك .
كلها نايمة بس آخيل طالع ويا بنيامين.
أخذت ديباج من نضدة الفراش
تغطيت واخذت الجهاز
شفت جهازي ما مراسلني .
ضليت اتلفت لحد ما نمت.
گعدت على صوت الحجية تقرأ دعاء بصوت مرتفع .
گمت غسلت وتجددت واجيت صليت وياها.
كملت ورجعت تمددت
ماحسيت على نفسي غير نايمة.
گعدت الصبح على صوت الهوسة
لبست الحجاب وطلعت
لگيت الحجية گاعدة وتسبح بالسبحة والباقيين ملتمين دايرها ويسولفون.
غسلت وجهي و رجعت للصالة
أشرت إلي الحجية
گعدت يمها
أبد ما حسسني غريبة عنهم
البنات حيل حبابات بالأخص مسار..
جابنها بالسوالف عن الدراسة
صدت علية بنية وگالت
_منال أنتِ مكملة دراسة؟
ابتسمت بمجاملة وحچيت
_اي مكملة..
ضحكت وكالت
_عليچ الله مكملة واني البارحة الليل كلة أحلف بالائمة أنتِ عمرچ ١٨سنة.
ثاري أكبر من هل عمر.
انزين أكول شنو أختصاصچ؟
منال: لا مو ١٨ ومخلصة قانون..
قوست شفايفها وحچت
_شكلچ وأسلوبچ ولا يم القانون
شايفة المحاميات إلي أعرفهن
هزت أيدها وكملت كلام
_لساناتهن متر ونص من غير العيارة والوكاحة
وأنتِ حبابة بالگوة ناخذ الحچاية منچ.
أبتسمت رديت بهدوء
_مو كلهن سوا أكو هادئات وأكو لا
بكل أختصاص موجودين أنواع من الناس والشخصيات والأنماط.
_ وأخيراً سمعنا صوتچ
هو كلامچ صحيح..
رادت تحچي قاطعتها الحجية
_كافي تحچين مو شليتي بالي بنت المسموط.
_يااااع يمة شحچين
الحجية: أگلچن اشو حلت الچن الگعدة ما تگومن تكملن شغلچن.
_والله ييمة مكملين شغلنة بس أنتِ ترديلچ حرشة علينة.
الحجية: والله لـ أنعنع ضليعاتچ على هل لسان وين الله ويجي مسموط الصفحة الياخذچ ويخلصني من لسانچ الزفر.
_اشو أريد أبقة على گلبچ احمض تحمض وخلي مسموط الصفحة مرتاح بمكانة.
ردت عليها مسار
_ جنى كافي حبيبتي كومي كملي دراستچ..
گامت وگفت وتخوصرت
_ شعندي غير الدراسة والرزايل مال هشومة قابل احبل أجيب.
شمرت عليها السبحة وصاحت بعصبية
_بنت المسموط ما تلزمين لسانچ
نوب علية تحبل وتجيب وهي ما فالحة بقرايتها..
جنى: شگد أحب أضوجچ
ضحكت بصوت مرتفع وصعدت.
هزت راسها الحجية وتنهدت..
لحضات ونسمع جنى تصيح بصوت مرتفع
_ هشومة الحلوة ترانة اليوم أروح يم أخوي.
غمضت عيونها وسكتت لحضات وحچت
_محروسة بعين الرحمن.
بقت گاعدة لحضات بعدها كامت لغرفتها.
مسار هزت راسها والبنات حچن
_هسة ضيغم ليش مكبر الموضوع ما يجي يمر.
ردت عليها الثانية
_لا تحچن علية حقة ما يجي الشافة مو قليل
وضيغم تحمل زيادة فا عوفن السالفة.
_ هم دافعت الة ما تسكتين هو لا خلق ولا أخلاق
الله تعب نفسة بي.
ردت نفسها البنت
_أستغفر آلله العظيم
لا تضلين تحچين هيچ حرام عليچ لان أحنة ثنينة نعرف منو ضيغم وما تطلع العيبة منة أشو اخلاق انطيني واحد من ولدنا نفسة.
بس أحنة الزين ما نمدحة لان اختلف على شيء ويانا.
گامت البنت من يمنا ضايجة..
ردت مسار
_ليش تحچين هيچ انتِ مو صغيرة.
ردت عليها
_أحلف عليها تحبة واكص أيدي إذا ما تطلع عدها علاقة ويا صايرة محاميتة.
مسار: شعليچ بيها كافي هل كلام.
كامت مسار ضايجة وشوي شوي كلهن گامن.
البيت ابد ما يفرغ كوووم بنات بي.
وما اعرف منو اهل البيت بالضبط.
اخذت جهازي لگيت رسالة من بنيامين كاتب بيها
_ تريكي واخذ العلاج لا تنسي.
رديت علية
_أكلت واخذتة.
شاف الرسالة بدون ما يرد علية.
تعودت أشوف هل رسالة بكل وجبة.
مجرد ارد علية يشوفها وما يرد.
مر على گعدتي هنا شهر كامل
بدون ما أشوف بنيامين..
حيل أشتاقيت لكلامة وگعدتنة سوى رغم ماعندة ستوب
بس أحس أكو فراغ بمكانة..
أختنگت مجرد أشوف منشوراتة كلها صور وطلعات ويا أصدقائة.
وكل يوم باليل همة مجموعين ببيت واحد من الولد
وبيوم إلي صارت جمعتهم هنا أجى بس اني ما چنت اعرف
وهو سائل مسار عني وگايلتلة نايمة..
كعدت الفجر صليت وتريگت وياهم
كعدو يحچون واني فتحت جهازي
طلع ستوري لبنيامين قبل أربع ساعات
ديسوق ومشغل أغنية ويدندن وياها كالعادة بس هل مرة الاغنية تخلف مو عد وانا أعد
تفاجئت لان مغيرها مو نفسها تعودت علية يسمعها بكل وقت ومناسبة.
كل ما يخلص الستوري أرجعة وبالي كلة يم
صوتة يدندن
مرات ياخذني الهوى لايامك الراحن واجن ؛!
شفتك حلم كل العمر
يالوالمتني من الزغر
شوگي الك ليل وسهر بيدر محنه
ياصبر حن
قاطعني صوت آخيل يگول
_ يمعودة جينات بنيامين شجابها عندچ
مو والله عرفنة تحبي وتعيدين الستوري الف مرة.
نهة كلامة بضحكة
خجلت من كلامة بس نقذتني الحجية من كالت
_ياهو الحارگ حمامك انتَ
عبن ما مگلبتك صرت تخورب بين اليحبون.
رد عليها
_اوووو ياما شابع من هل سوالف لو ما البستان وعيونچ شاهادات.
غيرت الموضوع الحجية
كالت
_ وليك بنيامين ماهو لا خابر ولا كال
رد عليها آخيل
_مو هنا
صار الة يومين من راح لبغداد.
تفاجئت بسفرة لمفاجئ بس ما بينت..
الحجية هزت راسها بعدم قبول وحچت
_هل بنيامين رادلة ضبة من أول وجديد.
تعلم على الدياحة ومانعرف أراضي وين
مايخاف لا سامح الله يتعرضلة المايخاف لله
ضحك آخيل وكال
_ليش مكبرة السالفة يايمة قابل شني هيَ لا تقلقين رويحتچ.
هزت راسها بدون ما تحچي عرفتها ما راضية على كلام آخيل
لان ما تهز راسها و هيَ مدنگة وتسبح بدون ما تناقش.
من تحچي تفرض نفسها وحچايتها على الكل
رغم ما تقلل من واحد
وقت الشقة شقة و وقت الرزالة رزالة غسل ولبس
بس من تريد ترزل واحد من الولد تاخذة لغرفتها وإذا مكالمة تطلع وتروح لغرفتها.
أحياناً تحچي عليهم
بس خلي وحدة من البنات تحچي عليهم وتعدي سلامات.
أتذكر جنى حچت على آخيل كدامنة
ندمتها على الساعة الفكرت تحجي بيها.
فهمت أطباعها وتصرفاتها.
خاصة لان أنام وياها.
رغم بنت مسار و جنى أقترحن أنام يمهن بس حسيت الأفضل إلي يم الحجية.
أضافة إلى أنو بنيامين من جابني گالي أبقي يمها وأخذي منهن أكثر من ماتنطيهن.
زفرت نفسي وگمت
رجعت للغرفة تمددت بمكاني.
فتحت الجهاز دخلت على حسابة گلبت بصورة الناشرهن.
ستايلة كلش حلو
أحسة نازل من كوكب مختلف
أكثر لبسة ستايل اوربي
جاكيتات هاينك بناطيل قماش قمصان ومن هل منوال
الوانة محدودة وحلوة.
اتذكر قبل فترة سألتة عن لون الأسود يحبة لو لا لان عندة بكثرة.
وكان جوابة غريب
_ بالنسبة لهل لون ما عندي مشكلة ويا لكن أشيك وانسب لون من ناحية الالفات.
يضيف كاريزما ورقي وحضور طاغي.
بس كـ لون مفضل لا.
لان ما أفضل.
بنيامين أغلب الالوان ألي يكثر أرتدائهن
هنَ الالوان الغامقة وتدريجاتهن.
وأضافة الابيض والبيج.
نشط كلش على السوشل
وهل شيء مزعج.
زفرت نفسي وهزيت راسي
طلعت من حسابة وبقيت متمددة.
لحد ما أجت جنى تحچي وياي
وكلامها كلة عن أخوها ضيغم
رغم كلامها حسيتة أنسان لطيف
بس الكلام إلي ينحچي عنة مختلف.
صابني الفضول سألتها عنة
_جنى هوَ وين ساكن اخوچ وشعجب ما يجي لهنا.
صفنت بوجهي وتنهدت
_ضيغم عايش ببيت بابا الله يرحمة..
وأكو خلافات بينة وبين الحجية وعمامي ما يتحاچون.
زفرت نفسها و وگعن دموعها وحچت بضحك
_تدرين أتمنى يتصالحون سوى أحس حيل حلوة تصير علاقتهم..
ولو من يومي مشايفة غير الكرة بعيون ضيغم لعمامي بس ما أعرف الصوچ بـ بابا لو بالحجية وعمامي لو ضيغم.
ضيغم كل ما أسألة يگلي لاتلهيچ هل سوالف حيري بدراستچ.
مسحت دموعها وحچت بتغيير موضوع
_أگلچ نمنمة شلون تعرفتي على بنيامين؟
والله فضووول يقتل
يعني أسمع عنچ كلام هووواي بس ما چنت أشوفچ
وآخييل دائما يجيب طاريچ گدام بنيامين
وبآخر فترة سمعتة يحچي ويا الحجية عنچ
بس المصيبة أعرف عن حب والدوخني منين عرفتي؟؟
إذا هوَ يگول أعرفها أكثر من خمس سنوات
وهو ما أجى للعراق غير قبل سنتين.
تربعت واردفت
_اني ربطت الاحداث وانت محامية وآخيل يبسمر ببنيامين
عمي كل شي يمشي بحجة القضايا.
لو كل محامية محامية لو ما تنراد.
وأحيانا يكول لويرك لو ابو اللوير.
إذا نفسر معنى لوير محامية
وهو آخيل يجيب طاري محامية يعني صح.
وأستنتاج هل شي أنتِ إلي اشتغلتي بقضية
بنت عمو صح لو لا؟
منال: اي اني رافعت.
صفگت أدينها أيد بـ أيد وگالت
_والله عرفتتتتتت
هلا هلا هو ياهو اليجي يشغل مخة.
رجعت صفنت بوجهي وگالت
_أشو أگلچ ما مبين عليچ يعني كتكوت صغير أنتِ.
اوووووي كزكززززت عليچ كلششش حبيتچ بنص الگلب تنحطيييين.
حضنتني بعفوية واني ضحكة على تصرفاتها..
بادلتها وهي بقت يمي وللضهر راحت لدوامها.
خلص اليوم وثاني يوم والافندي يذكرني بعلاجي وبالاكل وبالچذب ما يگلي شلونچ.
صار أسبوع لوجودة ببغداد والحجية گعدت اليوم تلوب
وتحچي ويا آخيل.
_أخيك يريد يودينة بتايهة ما يگول حبوبتي شلون بيها
لو هل بنت إلي علگها بي
ماعندة مسؤولية ولا التزام
شيصخم ببغداد مو صار الة بيت.
يا رب العالمين چذب حلمي.
رد عليها آخيل
_يمة المن هل خوف مو گلتلچ هنة بس هل يومين ويجي المن هيچ شاغلة بالچ..
الحجية: أمشي عني لا تحرك گلبي زيادة.
طلع آخيل بعد ما طمنها علية..
بقيت بمكاني لحد ما حسيت الحجية غفت.
او بالاحرى مثلت النوم حتى ما تحچي ويا أحد.
للعصر طلعت يم البنات ساعدتهن بالعشا.
التمينة كلنا وبعدها آخيل گال
_راح نروح للأمام علي منو يروح ويانا؟
كلها گالت تروح بس الحجية مسار ما قبلن يروحن.
سألني آخيل رفضت اروح فضلت ابقى يم الحجية.
و الحجية ما قبلت گالت
_روحي أتونسي المن حابسة نفسچ بهل بيت.
رديتت عليها
_لا والله ما اريد مالي واهس..
_براحتچ وإذا على بنيامين مالج بي.
منال: لا والله مو قصة بنيامين بس ما اريد.
هزت راسها بدون ما تحچي شي..
ربع ساعة كلهم كملو وطلعو بالحديقة.
الحجية دزتني على مي
رحت للمطبخ أخذت بدولكة
وقفني صوت آخيل يحچي بأنفعال
_ بنيامين كافي عاد أرجع لگبر أختفى والله اعلم منو السبب والواضح إلي گتل المرحوم حر طليق والدليل متعرضلك..
سكت لحضات بعدها اردف
_يخوي شتحچي وين تلكاه
عاجبك البنية تخسرك فوگ ما خسرت والدها
كافي لهنا سويت العليك ودورت عنة وما لگيتة.
ولهنا كافي ارجع لا عبالك ساكت خوفاً منك
صدك خايف عليك يعني لو ما الله سترك چان هسة أنتَ بدل ما تدور عن الكبر لاحك أبو مرتك وأحنة ندور على جثتك وكبرك...
زفر نفسة وحچة بعصبية
_الله يطيح حضك انت وياسين عود هذا الفاهم من اهمداكم اي والله ولكم فكرو بنسوانكم الرجال مات افهم مات والله يرحمة ليش تخلون نسوانكم أرامل ما تفكرون هل نذل يرجع عايكم ويگتلكم نفس ما كتل أبو مرتك.
.. والله العظيم يا بنيامين إذا ما ترجع أحسب حساب كل السالفة بحلگ الحجية وهي تصرف وياكم يالجهلة.
.. امشي ولك لا تضل تسودن علية وروح شوف حالك شدسوي.
... أبشرك ترى ما تگلك عفية بالبطل تعال أنطيك جطعة.
.. أنعل شرفك خاف عندك شرف وغيرة.
غلق الخط وصاح بصوت عالي
_وين صرتننننن
كمل طريقة وصعدو بالسيارات..
كلبي وگف من گلامة خفت حيل
يعني بنيامين راح لبغداد على مود ابويا.
اني بنتة وما أريد يعرف منو الي قتلة..
أخااف والله اخااف اخسر شخص ثاني.
بعدني داخلة بصدمة ودوامة
صحيت على صوت الحجية تگول
_منااال يمة وينچ؟.
رحت للغرفة انطيتها الدولكة اخذتها وكالت
_شبيچ يمة هستوچ ما بيچ شيء.
هزيت راسي وحچيت نعسانة.
تنهدت وگالت
_نامي نامي.
أبتسمت ورحت تمددت فتحت جهازي
وهم لگيتة ناشر ستوري بس هل مرة بس كاتب
_ قلل كلام وكثر أفعال.
طلعت من لحساب حاولت أنام بس عبث ما گدرت
مر وقت ورجعو من الزيارة وكلها راحت لغرفها.
فاجئتني جنى وبنت مسار جايباتلي حلويات وأسوارتين .
رغم بساطتهن بس حيل فرحت بيهن لان ذاكراتني.
ما طولن يمي صعدن لان خافن لا تگعد الحجية
صارت بالوحدة باليل حيل ضجتت وأختنگت درجة بچيت بدون سبب مجرد اريد أرتاح.
نشرت ستوري صورة إلي و لأبوية بوقتها حاضني لان چنت أبچي بعيد ميلادي..
كتبت عليها
وجودك بجانبي رحمة وراحة لگلبي
رحمك الله أميري
وهل ستوري اول مرة أنشر بعد وفاة ابويا.
شافها بنيامين و رد علية
_السهر مو زين نامي حتى العلاج ياخذ مفعولة.
رديت علية
_ مجاييني نوم.
رد بنفس الوقت
_تركي الجهاز من أيدچ وغمضي عيونچ تلقائي تنامين لان ماكو شي يشغل بالچ.
رديت
_حتى لو أتركة أبقى افكر وأتگلب.
شاف الرسالة وما رد تقريباً ربع ساعة
و أتصل علية.
مجرد شفت أسمة رجف گلبي فتحت خط
گال
_يتهنى الشاغل بالچ.
غمضت عيوني وحچيت بهمس
_اييي
أبتلع ريگة و حچة
_ شسويتي هل أيام خو ما ضايجة لو غاثيچ؟
رديت عليه
_گاعدة ماعندي شيء
محد ضوجني وحييل حبابين..
تهمهم واردف
_الحجية گاعدة لو لا؟
_نايمة ليش؟
تريد تحچي وياها!!
.. لا بس سؤال
عم الهدوء للحضات وسمعت صوت هورن
وبنيامين يگول
_ بس الك..... صارت تسوق
منعول الصفحة.
حچيت بفضول
_أنتَ وين؟
كأنو مو بالبيت
رد
_اي طالع من البيت.
همهمت وحچيت
_شوكت ترجع للنجف؟
.. الثلاثاء احتمال
خوش خلصتي مني لدرجة بالچذب رسالة ماكو
ماتگولين أحتمال مات وكع بسالفة سوى حادث.
أبتسمت وحچيت
_منو يكول خلصانة منك؟
وأعرفك ماتموت بعد على شنو هل كلام وأعتقد المفروض أنتَ تبادر مو لو مو مو
رد بضوجة
_اي حقچ مو عار شلون أموت هيچ تقصدين وإذا على المبادرة عمي مسموط الصفحة كل يوم و وجبة يراسلچ ام المو.
ضحكت وحچيت
_لا حشى
شوف أنتَ إلي تجيب هل مسطلحات لنفسك وتثبت التهمة علية.
.. تدوم طلعت السنون بوية.
منال: تسلم تسلم.
تنهد وحچة بهدوء
_نمنمة
_ همممم
أبتلع ريگة وأردف بهمس
_مشتاق لشوفتچ ونعوصتچ.
أبتسمت وحچيت
_أني هم والله.
بنيامين: شنو أنتِ هم؟
_مشتاقة لطبخك.
ضحك وگال
_ مبربگة مو بيدچ
خيستي معدتي بالبيض والطماطة إلي تسويها.
حچيت بعد رضا
_ها وهسة صرت مو زينة.
_أريد أشوفچ نمنمة
عقدت حواجبي وحچيت
_شلون؟
بنيامين: گومي فتحيلي الباب.
رديت علية بستغراب
_يا باب تقصد شبيك بنياميين
_باب الخارجية مال البيت اني واگف برا.
يلا بسرعة أنتضرچ.
منال: صدككك عليك الله
_هههه اي والله
منال: جاية جاية.
طلعت من الغرفة بهدوء واتجهت للباب الخارجية
ركضت مسافة الطرمة
إلي بين باب البيت الداخلي و الباب الخارجي..
فتحت السرقي والباب وابتعدت ورة ا
مجرد شفتة گدام عيني مشيت بسرعة و أحتضنتة
ضحك بهدوء ولف ايدة على ضهري.
باس راسي ودنك يم إذني وأبتلع ريكة
و همس
_مشتا ك وضلع الزهرة.
شديت على حضنة وحچيت بخجل
_اني هم والله..
بعدني عنة بهدوء وهو مبتسم.
بلل شفايفية واردف
_ ابتعدي منا أريد أدخل السيارة.
هزيت راسي وأبتعدت.
فتح الباب على وسعها ودخل السيارة
صفها يم سيارات الولد ورجع يمشي بأتجاهي.
وکف مقابيلي عيوني على وجهة أحس حييل مشتاقتلة..
ميل جسمة وشابك اصابعي بأصابعة.
وحچة
_ أمشي ندخل.
هزيت راسي ومشينة سوى أتجاه البيت.
ردت أكمل طريقنا لداخل البيت بس هوَ سحب أيدي وگال
_للمضيف أحسن.
قبل لا أجاوبة كمل الطريق وفتح الباب.
دخلنة وقفلها.
التفتت علية وصفن بوجهي لحضات وحچة بتنهيدة
_ بعدها اللهفة بعيونچ رغم ورمهن.
أبتسمت وغمضت عيوني
تلمس خدي بأصابعة وسحبني من أيدي گعدنا على الديوان.
سحبني لحضنة ودفن راسة بعنقي.
تنفّس بهدوء وأردف
_نمنمة شمسويتلي بس فهميني؟
حتى زعل ما أگدر أزعل منچ.
راحتي وسكينتي يمج.
أبتعدت عنة بحركة سريعة وطخيت كتفة
صدمني من همس بألم
_اااااخ
عقدت حواجبي وحچيت
_شبيك؟؟
أبتسم بخفة وأردف
_سلامتچ.
لا عليك الله أحچي شبيك ليش بس طخيت صحت؟
ابتعد عني وتمدد نص جسمة.
رفع ايد وحدة حطها ورا راسها.
وأيدة الثانية تركها مستلقية.
شكيت يأيدة لان حتى من حضني بيدة وحدة وابد ما حركها.
تقربت علية وبدون تردد
لزمت ياخة قميصة وفتحت اول زر
لزم أيدي وگال
_مو عيب باباتي اني أبن عالم وناس.
رفعت حواجبي وحچيت
_لا تصيرلي شريف براسي.
ضحك بصوت مرتفع وگال
_ليش شنو شايفتني فرخ وماادري؟
لا تتلوت مو هذا قصدي.
قلص عيونة وأبتسم
وگال
_لعد بس لا گ...
فتحت عيوني بصدمة وحچيت
_ما أقصد هيچ
شوكتتت ناوي تبطل فشااار؟
تحمحم وحچة
_ جاية تعتدين علية وفوكاها تتطلبين مني لا هنا واكفة.
ضجت من كلامة وبحركة لا ارادية دفعت ايدة بقوة وانضرب كتفة
صاح بعياط
_أنعل شيب الخلفك عمي.
ضحكت على كلامة وحچيت
_ماادري بيك لا تاخذ موقف..
هز راسة وحچة
_بس تقربي علية وشوفي شسوي.
تجاهلت كلامة ورجعت اريد افتح الأزرار
لزم فكي بيدة وأبتسم بخبث
سحبني علي ورفع راسة عضني من خدي بقوة
من كد ما روحي شاغت ضربتة على كتفة بقوة.
ابتعد عني مغمض عيونة بألم.
صد علية وگال
_م..... وحق ضلعچ يالزهرة.
فتحت عيوني على وسعهن وحچيت
_ليش ما عندك حياء.
نضرلي صفح وگال
_عايفة الچ عيني.
صارت عيني على كتفة يحركة على كيف..
تقربت علية ولزمت أيدة وحچيت
_عليك الله گول شبيك
والله احس أيدك بيها شي.
وللعلم ترى سمعت كلام آخيل وياك.
بنيامين: لعد يحضي بالچذب رفعي الجهاز وگولي بيك شي لا.
منال: عوفك من هل كلام وگلي شبيك لا تشلع گلبي.
زفر نفسة وفتح اول أزرار القميص طلع كتفة ملفوف بالشاش..
دمعن عيوني وحچيت
_شصاير وياك
هذا بسببي موو
سمعت آخيل من حچة وياك على الحادث بس ما جنت متوقعة هيچ..
نزلن دموعي مسحتهن وحچيت
_عليك الله عوف الگبر والله اني روحي وگلبي ويا بابا
أدعي واحچي وياه بدون فد شي رمزي الة..
بنياميين عليك الله لاتدور عن الگبر والي قتل بابا
خليك انت الي
گلبي بعد ما يتحمل والنبي محمد
خسرت أبوية وماعندي الطاقة أخسرك انت هم..
تنهد وسحبني علية أحتضني بيد وحدة وگال
_ليش هل دموع يبعد الما يحن لغيرچ..
رفعت راسي وحچيت
_عوف الگبر..
رفع حواجبة برفض وگال
_إذا أعوف الگبر يعني اعوفچ و روحي متعلقة بيچ.
ما أريد اخسرك فدوة عوفةة.
_أقل شغلة أگدر أسويها ومستحيل أعوفها..
وعدتچ و بنيامين ماينكت بالوعد يتبع..
_حلقة كلشششش طويلة ثمنتالاف وخمسميت كلمة لعيونكم.
_توقعاتكم للحلقات القادمة
_تصرفات منال صح لو خطأ
_بنيامين وتصرفاتة الغريبة.