فتحت عيوني شنو غيداء شنو تمارة
: ها اهلين خالة
تمارة: اهلين يمة اهلين وانتي وين جنتي
: بالبصرة
: يااا وجيتي لوحدج؟
: لا ابن خالتي وصلني
: عزااا ابن خالتج من البصرة لهنا جايبج؟
: ترا مثل اخوي
: بالدين مو هيج
: اي شيخ وسيم ادلل بس مرته واخوي جانو كاعدين ويانا خاف تريدين تحطين حطب ع النار لو شي
باوعت لحاذق ضايج طابك حواجبة بس مارفع عيونه من المبايل خرب امك ع هل تناحة
: اترخص طالعة ارتاح شويا
تمارة: مرخوصة مرخوصة
طلعت وتركتهم عذا شكد حقنة هاي اول مرة تشوفيني دصيري بيج حظ بس لا جايا من طرف هيل السوسة بعد
فتت لغرفتي شغلت الدوش وكعدت جواته المي يخبل اووف شكد احتاجيت لهل حمام طلعت انشف بشعري بالبرنص شفته ماهو يطبك طوب لو تضل سنة جوا ما اجيك والله
سشورت ولبست تراكي ونزلت بعدهن كاعدات وضحى وجها محتقن ضايجة منهن
اشرتلها اجتني
: ولج هاي منين اجت؟
ضحى: سكتي لو بالسحبة ما تطفر هيج زط بط اجت والله هاي ام صديقتي شجابها صديقتها والله تجذب
: هاي جم سنة لخاطر الله 5سنوات اني اعرفها حيصيرون 6وماسمعت عدها احد غير اخوها ومسافر محد جارعها
: اوف اوف اش اعرف وشكد حشرية يولي بكلشي مدخلة كل دقيقتين وكامزة على شي خلتني اشيل روحي والزكها بالكاع
: شوكت تولي؟
: تولي؟ هيهيي لا ماراح تولي لازكتلنا هاي كاعدة بنفس فرعنا ذاك هو بيتهم
: اهوووو
: كافي تعالي اكلي وجهج اصفر
: اي والله بالزور تريكت واجينا ركض حت نوم ما نمت عدل
: ها ليش؟
: ولج بيت خالي مصيبة يموتون ضحك رجاء ومتيم علكوها حطيلج كلب واضحكي
: ولج وهذ الطركاعة يولي
تقصد سلام
: اييي اسكتي والله يهفنا بخزرة يخلينا نطفر
: ها وعليمن خزرج؟
: وين يكدر اخوتي يمي والله ادم حاطني بحضنة ايدة على متني خل احد يحجي
فزت رجعت لي ورا عرفت راح انسحل غمضت عيني اجا جرني من شعري حجا من بين سنانة
: بحضن ادم؟؟؟؟
: اااااااخ اخوي معود
: واني شحجيييييت شكلت قبل؟ كتلج مااحب التمسح تتلزكين بي شكووووو؟
: ااااخ امعود تمسح شنو اخوي اخوي لا تتخبل شهل حجي؟
: وهم لغرفتج ادفنج هنا والله لغرفتججججججج
فلتني وطلع متعصب شكو لغرفتج لزمت راسي اذاني مكان ايدة الحقير اجتني ضحى حضنتني دفعتها والله مااخرب مودي تركتني وطلعت طبت هيل
هيل: يااا وهم خطية طلع الطلعة من خشمج تؤتؤتؤتؤ
: هيل اطفري من كبالي اتبرد بيج والله
: ههههههههه شكد حلوة الثقة العمية مو؟ شوفي اني يكلي خذي راحتج بكلشي الا انتي حت باخوج يشك
: دادا اني يغار عليا من كلشي حت من اخوي انتي اذا يشوفج نايمة ويا واحد مايهتم يلبسج ويمشي انما اني مايريد احد يطخني غيرة
تمارة: اقنعي روحج بنتي بهل كلام الموضوع موضوع ثقة مو غيرة منو يغار من اخو مرتة
: خالة رجائا هاي مواضيع عائلية
: اي وهيل مثل بتي من معزة غيداء والله
: اي خالة خلي المعزة بكلبج ورجائا اني وزوجي مانريد طرف ثالث بينا
: انتي مو الثانية؟
: اووووف امبلا خالة
: لعد انتي الطرف الثالث يمة
هيل: اي والله الطرف الثالث دائما مضر
: مثل حالج يعني
: لا مثل حالج انتي والله
اني مرته الاولى انتي بعدين جابج
: هيهييي اني حبة الاول والاخير حبيبتي انتي تلزكتي بي هيج خبطوج وحطوج ترا يارخيصة
: وهم انجبي لا اكوملج
: بنت ابوج وطخيني اقسم بالله اخلي الميشتري يتفرج عليج
تمارة: يااا ولج وهم فوك ما بايكة رجلها جايا تتعاركين وياها
ضحى اجت مادة بوزها بكل برود كالعادة
ضحى: هيل تعرفين انتي وضعج مثل منو؟ مثل صوفينار باغنية احنا الشباب
نفس الشي والجبار العزيز كلشي ماتفرق
تمارة: وشجاب هاي لموضوعنا يمة ضحى
: هيا الخربت حياتهم يعني سالفة وهم اخذت حاذق من هيل لاهاي غلط حبيبي وهم وحاذق 20سنة سوا
: الاعرفة بالعكس
كتلها لا خالة احنا مو هيج اليمج خربتنا لو ماهيا احنا جان هسة عدنا اطفال
: اممم الله كريم يالله خالة هيل اني رايحة مع السلامة
هيل: الله وياج خالة
كالتها وراحت توصلها للباب ايع شنو من انتقام ذولة
ماهتميت كعدنا ناكل اني وضحى وكعدت اسولفلها مرة الخ ع الصار لبارحة شافت الخيل وتخبلت الا تصعد هيا هم
ضلت تكلب بالصور مستغربة من دقتهن واني بعد ماجنت اعرف متيم هيج تصويرة حلو صح صورة الينزلهن هوا وكحيلة ثابتلت بس ذولي احترافيات
اجاني تاك من متيم ع الفيس بمنشور فتت شفته منزل صور من السفرة ممطلع وجوه بس مسوي32تاك وكاتب السفرة الزينة
كلت خرا راح يشوفها حاذق واتقشمر
ضحى: شدعوة ترا سفرة عادية
: فهمي اخوج
: خوب خبري متيم خل يلغي التاك
: والله متيم حقير يسويها عناد ما يلغي وها ليش اخوج بالبيت ماعندة شغل؟
: صاحب المحطة يريد يبيعها وحاذق ضاج واجا
: ما لكو مشتري؟
: لا
: خوو وعليمن يضوج اني اخذها
كلتها وباوعتلي مستغربة ضحكت استهزاء
: شبيج؟
ضحى: ولا شي بس يعني تشترين محطة
: عادي
: ماراح يوافق
: داخذها ليا شعلي
: ماراح يوافق والله تريدين تاخذيها خذيها بلا علمة حطي امام امر واقع
هيل: شتاخذين بلا ما تكليلة؟
: هم كمزت
: لا دشو دعرف شنو تريدين تحيبين للبيت بلا علم زوجي
: مااجيب شي للبيت لاتخافين مااجيب شي ولا اشتري شي ولا اخذ شي ولي من يمنا
: اوي صدك الكالته خالة تمارة
: وشكالت خالتج طهارة؟
: ماكالت شي
ضحى: ياخي البيوت اسرار عالم ليش تجي تحشر روحها ميصير
هيل: ها وهم ماراح تكولين شراح تشترين
: شحاطة حت اكطعها عليج
راحت تعوج بحلكها ناقصتج اني غير بطرانة
ضحى: صدك تريدين تشتريها؟
: اي والله ليش لا ولج اسمع مرات يحجي يكول ربحها زين
: وعندج فلوس؟
: امم عندي ذهب ابيعة
: لا لاتبيعين ذهبج ينتبهون والله بذات الهما جايبي
: عندي قديم الجابة ابو بتي
: والسوار البيدج؟
: لاااااا هذ من ادم ما ابيعة غالي عليا
: واو الله يخليكم لبعض وهم فكرة تديني من امج
: خل اكول لابن خالي عليها دشو تسوا اخذها
لعد بشو وين؟
: راحت لبيت صديقتها من الصبح هسة على جية
: مستعدة للدوام ولج؟
: كل حواسي ما مستعدة خايبة نجبي
: دتنتضمين ع العلاج ضحاوي؟
: اي والله
: تحسين اكو تغير بيج
: اممم من خكيت على ابن خالج حسيت
: معقول اي مشاعر تجاه الولد بكلبج
: والله جنت ما اجرعهم صراحة تلعب روحي منهم بس هسة لا اكو شويا يعني اشوفهم بس عيسى ميحب هيج
: هذ هم الكالة صرفة وكفيلي
: اي هسة يخليج
: عوفج منه هسة اريد المحطة
: انطيج ذهبي اذا تريدين سموحة ماتكدر تحجي وياي
: لا مااريد يبين عليج هسة اكول لادم هوا يمشيلي بيها
: وفلوس؟
: ادين من امي واخوتي
: واو والله اهلج كفو انطيج عشيرتي وتنطيني نفر منهم
: ههههههه نفر
: اي والله اي احد حت لو ادم
: هذ بالذات ماابدلة
كملنا اكل وغسلت الصحون طلعت لغرفتي وكمزت على ادم كلي ماراح يلتحق هسة بعدلة مدة كتله ع المحطة وراح يمشيلي بيها
شفت الفلوس العندي هوا جايبلي اياهن طلعن 6ملايين لا كلش راح اشتري راسلت امي ع الفلوس وكالت سهلة ول فديتكم انتو الاهل الكفوو
نمت ما كعدت للمغرب على بوسات بخدي وشفايفي فتحت عيني اريد استوعب شفته مدنك يبوسني
ضليت ارمش كلي ها رجعلج اللاك
: شجابك؟
حاذق: خو رجعت لبيتي عندج مانع
: هء بس ليش تارك باب الغرفة مفتوح باردة
: تعالي ادفيج ياعمري
: هسة دفيني منو نتف شعري قبل ساعتين؟
: منو نرفزت النتف شعرج؟
: ترا انت اوفر حيل قابل وين جنت هوا اخوي
: انتي ليش ما تستوعبين؟ وهم حت من اخوج اغار عليج مااريد احد يلمسج او يشوفج غيري
: بس هاي قلة ثقة تتسمة
: حرصي عليج مايعني مااثق بيج اني مهوووس بيج وهم مهوس لدرجة اغار من اخوج ومن عمج وابوج وكلهم حت من النسوان مااريدهن يشوفوج احس بس مالي محد اله حق بيج غيري
لو بيدي احطج بمزهرية واقفل عليج حت تبقين كبال عيني لوحدي
: واو لهل درجة؟
: واكثر بس بنفس الوقت مااريد احرمج من شي بنفسج اريد اخليج اسعد انسانة بالعالم اريد نطلع نتفتل نروح نرد نتسامر نشوف العالم حبنا بس اخاف عليج ياكلبي ولج من اشوف احد يباوعلج اشتعل انوب تكعدين بحضنه
: اخوي وييييي شكد جان يحضني ويبوسني وكدامك
: تدرين شنو جنت احس لو لا؟ اني تربيت انو انتي مالتي ماكو رجال بحياتج غيري
فجئة طلعلج اخوان واهل وتقبلت بس مااقبل احد يلمسج وهم ولج اشتعل اشتعللللللللللل
كالها وجر بلوزة بحركة اشك هدومي رجع كمل كلامة
: ما اتخيل احد يلمحج والله اتخبل اني اي كولي مجنون كولي مخبل كولي كلشي يجي ببالج
: وعلى هيل شو ما تغار ما تحاسبها
: مامعتبرها موجودة اصلا لا تشبهين
: حاذق انت اخوي تغار منه وانت متزوج عليا وهاي يومين انت وياها شو محجيت؟
: لا تشبهين وهم
: شني لا تشبهين مثل احساسك اني احس ومثل ما انت انسان تنقهر وتغار اني بعد نفس الاحساس ليش اني اتقبل وانت لا؟
سكت مارد كمت غسلت وجهي ودنزل لزمني كتله وخر
حاذق: شلونها البصرة؟
كالها ورفع تك حاجب
: هاا
: عحبتج مو؟
: اااا بكيفك
: ماكتيلي رايحة
: وداعة اخوي ماجنت اعرف
: ماعاقبتج على روحتج بلا علمي
كالها وجرني .....
خرب اصلك افتهم رجال مكينة شهل حالة هاي تركته نايم ع التخت فتت سبحت وطلعت دخل وراي بين ما بدلت وسشورت شعري حطيت ميكاب خفيف طلع
نزلنا دعمل العشا لكيت تمارة هالمرة اويلي ربع هيل ونظر بعد كاعد وياهم اخذت شال من غرفة ضحى ورحت وياهم افتهم مو جنتي هنا الضهر شهل لزكة
ضحى تباوعلهم بقرف حاطة شال على راسها ماراضيلها فتنا سلمنا وكعدت مو وكت طبخ هسة مو جوعانين
تمارة: ها وهم ما حبلتي لهسة عجب؟
خزرها حاذق صديقة كاعد فشلة
: امم خالة حبيبتي شنو ضرورة هالسؤال؟
: لا بس يعني الاعرفة زوجج تزوج حت يجي جهال
: كلشي بيد الله خالة شكرا على اهتمامج
: سمعت جبتي قبل
: ايي
: ووينه؟
: ماتت
: يااع ليش؟
: شبيج خالة؟
: لابس دعرف شكو
سماح: من اجت مريضة اسم الله
: يااااا لعد يمة اكيد بيج شي الخاطر جبتيها مريضة و هم مو طبيعي العندة مرة مثل هيل مايفكر بالزوج لغير اسباب
ضحى: لا تمورة الكل يعرف حب حاذق لوهم وهيا الاولى ترة حت اسئلي نسيبج
: اممم يمة ضحى انتي باي صف؟
ضحى: سادس
تمارة: التهي بدرسج لعد يمة
زين هيل يمة انتو حللتو؟
هيل: لا والله خالة ماصحلنا بس حاذق كال ديعالجني اكيد مانضل بلا اطفال
: اي يمة الله يطعمكم انشالله شكد ما تتمنون
ضحى: اي من باجر
سماح: اي كليله بلكت يقبل يعالجها ناطف كلبي على حفيد والله بس حاذق مايريد يخرب شكل هيل ووهم مايثبتون ببطنها
: ياااا صدك؟
: اي والله جابت بنت عليلة وماتت ووراها حبلت وراح الطفل باول شهر
تمارة: عزاااا لعد يمة مرتك خل تتعالج تضل طول عمرك بحسرة الجاهل هيج
نظر مدنك شهل سيرة لخاطر ربكم هوا هذ موضوع كبال الزلم كلبي جواني على سيرة اطفالي الماتو
دخلت غيداء جانت بالمطبخ حجت بدون سلام
غيداء: وهم مو جان عندج طفلة؟
: اممم الله يرحمها
: جبتيها مريضة يعني؟
: اممم
: ايي وسقطتي طفل وراها مو؟
جاوبتها بجزع
: امممممم
: يعني اكيد عندج مشكلة مو معقول تسقطين واحد والخ تجيبها عليلة ومابيج شي
باوعت لحاذق الدمعة واكفة على نفخة بعيني شفتي ترجف اريدة يسكتها كلبي جمر كمز نظر
نظر: غيداء لفي ماعندج بويا ايي
تمارة: يمة على كيفك بيها ماكالت شي دتسئل سؤال عابر عادي لئن هيا عدها جهال يجوز تحتاج مرة صاحبك نصايح هيج هيج
ضحى: وهم بعدها عروس خل نصائح بنتج لهيل اتوقع افرض
تمارة: او يجوز حاذق مايريد هيل تحبل عن لايخرب جسمها
: اممم ومايريد احد يدخل بحياته بعد وهوا مو مستعجل ع الجهال مايريدهم يلهونه عن وهم تعرفين 23سنة هما يتمنون بعض وسنتين الله يجازي من الجان السبب انحرمو من بعض غير يطلع العوض
حاذق طلع مبايلة مدري شدوس بي وسدة رجعت تمارة عدلت كعدتها وحجت وياهن لبسوني ولا جن كاعدة وياهن
اجت ضحى يمي تسولف لزمت ايدي تصبرني لئن شافت الباقيات تاركاتني وكمت افرك صدري بشرى خطية التهت بالضيافة حاذق ونظر يحجون
ندك الباب كام حاذق ديفتحة اشرلي الحكة رحت ويا ماعاجبني فتح الباب شاهين جا وجايب مها ويا الله ربك هاي صديقتي
سلمو وطبو حاذق حت سلام بالايد مايقبل اسلم شهل عقلية خرب امك
راح للمطبخ لحكته باوعلي واختنكت كمت ابجي
: بربك هاي سيرة تفتحها تمارة؟امعود سكتها كلبي خلص
حاذق: عيب اسكتهن اول مرة يجونا
كافي بويا لاتخلين بكلبج بدال الطفل نسوي 10 بس لاتبجين
: دروح لغرفتي لعد
: اجت مها ميصير اني دزيت عليها لخاطرج
: لعد اضل واسمع حجيهن والله يدق شكو بيها يعني وجبت بتي مريضة عبالك هالشي بيدي كل دقيقة بتج وبتج وسقطتي ومايثبتون ببطنج مدري شني
: كافي بويا
: اي حقك تحجي والله ما توجهلك شي انت يكلولك اطفالك ماتو بسببك
: وهم
: وخر حاذق
كلتها وندرت امسح دموعي صح تزوجت وتغيرت حياتي ولتهيت بامور بس بنتي بعدها ببالي مانسيتها بعدها سيرتها تفززني وانقهر عليها هيا اول فرحة الي شكد من اكبر، تبقى ببالي هيا السوتني ام
بذات انو لبارحة جنت يم كبرها كلبي خلص كمت افركة حضني من ورا
حاذق: شنو اليريحج؟
درت راسي علي
: خل يروحون
حاذق: اطردهم قابل؟
: لعد اطلع لغرفتي
: مو اني راسلت شاهين كتلة جيب مرتك وتعال حت تلهيج عن سوالفهم
: كللهم طلعت دتنام تعبانة اي شي فدوة والله كلبي ورم
: ديالله يابة براحتج طلعي
مسح دموعي ببهامة وباس خدي بدفو وبطء رجع باس شفتي صوت بشرى كالت احممم
كالتها وطفرنا كل واحد راسة بمكان
بشرى: عدنا خطار ترا يعني مو مال هاي سوالفكم افتهمنا مشتاكين لبعض بس اتوقعت طلعتو العوض
دمغها وراح رجع اجت علي مسحت خدي كالت لايضوجج كلامهم
: لا مااحط ببالي
بشرى: الله يكملج بعقلج ما اطبين مها تسئل عنج
: لا دروح لغرفتي تعبت
: لا وهمممم
: والله تعبانة ماليا واهس كعدة وسوالف وذولي سوالفهم دتشوفيها
: ها ديالله براحتج لا تخلين حجيهن ببالج
تركتها وطلعت لغرفتي مهضونة صح ماابينها بس تبقى بكلبي دموع تجمعت بعيوني حاولت اكضها مكدرت طاحن غصبن عني
بقيت ابجي بهدوء مااريد يسمعوني واشمتهن بيا يحققن غايتهن
ندك باب الغرفة مسحت دموعي بسرعة وكلت تفضل دخلن بشرى ومها وضحى
بشرى: شدعوة وجهج احمر هيج ولج؟
ضحى: حساسية زايدة
مها: شحجت غيداء؟ اكيد طوختها وياج
ضحى: اي حت انزعلها الغالي هيا سايبة لئن
: لا تكبريها ماكو شي
مها: والله غيداء سخيفة وتحجي بلا تفكير لا تحطين كلامها ببالج
: امم ما توجهلكم كلامها لئن تحجن هيج
ضحى: ديالله وهم نزلي دمعة النوب يالله فدوة والله انزل اسويها كربلاء بمحرم عليهم ابعج عيونهن
: لا هاهيا سكتت
اجن غيداء وهيل ضحكهن لوين واصل طبو مها ماعدها شي وياهن بس احنا الثلاثي كلبنا وجوهنا وفتحن كل سيرة تغث اكثر من القبلها
غيداء: اي وهم اتذكر اني بزواج واحد من اخوانج يمكن مات زوجج مو
: اممم بزواج ادم مات زوجي السابق
: اممم والعريس هم مات مو يالله الله يرحمة
: هههه لا حبيبي مامات احنا سوينا هيج زيفنا موته
: لييييش؟
: لئن الحاقدين كثار وكثار الي لاطيله زيفنه موته الى ان عرفنا منو جان سبب الصار ولكفناهم وخليناهم يكرهون عمرهم ع العملو باسو حت القنادر وهاي جزاة كل واحد خسييييس يحاول يدنا لبيت صدام الصياد
: اممم على كيفج قابل شكلنا ووينه هسة اخوج؟
: هياته
كلتها وطلعت فوني شوفتها صورة بحلقت عيونها بي جان واكف يم الخيل لو واكف يمي لو مخليني بحضنة او بوحة جانت واكفة على رجلتين وهوا صاعدها
شهكت وضحى صارت تخمس بوجها وتكول اسم الله
: قل اعوذ برب الفلق شبيج غيدو صلي ع النبي
غيداء: هذ اخوج هيج ضخم من صدك؟
: لا حاطيلة خمرة
شبيج غيداء؟
مها: صلوات ع النبي ماشالله هذ اصغر واحد
: اي هذ هيبتي فدوة لعمرة
ضحى: هيل هم عدها اخ بس مانعرف شنو الباقي
بشرى: مازين سمعنا بي
هيل: والله اخوي ملتهي ببيته وعيلته اكيد ما يتفضالي خو اخوها لا مرة ولا ولد ولا تلد
: هيهيي مو متيم متزوج وعندة طفل شو متفضيلي؟
قيصر هم عندة عائلة شكبرها خل اكله محتاجة شي يجيني ركض ما الحك اسد الفون الكي بوجهي
وادم ما يحتاج نحجي سمع بيا متخربطة على ثانية يترك الواجب وينزل يشوفني
خل افزع احد بيهم يتعنولي حفاي والله
هيل: وحيدر لو هذ مو كفو؟
: حيدر لاعشتو بالشمال وهم كفو غصبن عنج اخوتي كلهم هيبة
بقينا نسولف ونضحك على هيل وغيداء ضحى استلمتهم اكس مربع طلعوني من المود
فتحت سالفة اغاني الجنت اغنيها وهنا ضحى تشكلت ما تخليني حت ارد
ضحى: اي طبعا من نكللكم ضيم اخوي جوكر صدكو شوفي خلقة واخلاق وفلوس وصوت حلو
هسة تغنيلج تخليج تحضنين المخدة وتبجين خوب مثلكم الحمدلله الذي عافاني عما ابتلاك به ولو شاء فعل
غيداء: وشبيها اصواتنا بالله؟
: لا ولا شي بس انتي عندج حبلين صوتيات واحد مكطوع واللاخ يعلك
ساعة صارت 10وبعدهم موجودين شيريدون هذول وفحطنا جوع لابينا ننزل نطبخ ولا بينا نكعد متت ضحك وياهن ندق هيل لئن الضاهر مو بس اني مغثوثة منها
صاحلنا حاذق كال تعالو سوو الاكل جعنا نزلنا ننافخ كلتنا غيداء طبت ركض للغرفة وسحبت هيل وياها واحنا دخلنا المطبخ كل ما نضحك بصوت عالي يجينا صوت حاذق نخرس
كملنا العشا بدقايق وصبينا تعشو عدنا كل شويا تمارة تدعبل حجايا شنو الضاهر متفقة ويا سلبوح ع هالكلام
كعدو يتذكرون قبل ما اتزوج محمد شجنت من كل النواحي ويخلن رجلي يشيل روحة ويلزكها بالكاع
غيداء: والله وهم جنت اباوع لايفات التفتحيهن والاستوريات مالوتج عجب زوجج يقبل؟
تمارة: وين شو اني ما اشوفهن
: موجودات باليوتيوب
كالتها وطلعتهن اكو بعض الاستوريات مصممين عليهن حالات واتس اب عود صوتي حلو وكذا
هيل: ترا اني مو اي اكل اقبل اكله
ضحى: اي متعودة ع الذبايح واللحم بت خير
: اي ترا ماجنت داكول لو ما متاكدة الاكل نضيف يعني تلعب روحي من اظافر وهم
: من اظافر وهم؟ اظافري انضف من حلكج
حاذق: تاليي
خنسنا ثنينا
تمارة: يااااا ولج وهم هاي مو انتي شنو هاللبس؟ وزوجج جان معدوم الغيرة؟
طلعت صوري من جنت باسبانيا لابسة الشورت ومطلعة الوشم البرجلي مكدرت ابلع اللكمة من نظرات حاذق وعيونه تتكلب
ضحى: دهاك شوف تكول كيمر خالة لل تنقهرين كلشي قسمة شكو بيها اذا الله مفحمكم
يكلك ابليس مرة راح لمنطقة ما طلع الا خربها
تمارة: شقصدج اني ابليس؟
: لا حشا ابليس خالة اكول كلي وانتي ساكتة هاي الصور صارلهن زمان تركو وهم بحالها عاد لا تتنوعين لنعمة الله بوجها وتتحسرين
وهومة شغلي رقية قبل النوم
تمارة: زين وهم اخر سؤال هذ الي برجلج وشم لو لزقة؟
: خالة هاي امور شخصية مالج دخل
: يااااا شوف البت تكلي مالج دخل دتسمع صلافة مرتك يمة
ترا اني احجي بس لئن اخاف عليج يمة الوشم حرام
دنك لزم راسة
ضحى: خو وعليمن صلافة فعلا هذ شي خاص بيها محد اله حق وجانت عد اخوتها ويقبلون
هيل: لا هذ سوته باسبانيا
باوعلها حاذق خزرها سكتت والتهت تاكل
غيداء: يعني زوجج القديم جان يقبل هيج تلبسين وتوشمين؟ وجمالة تنشرين صورج ياااااا شوف نظر شوف اكيد رجلج مابي عرج عراقي شو غيرته صفر
خزرها نظر خنست ذبيت الخاشوكة بهدوء وبللت شفتي
: اي هيج جنت باسبانيا البس هيج وانشر صوري وسويت وشم حت جكاير شربت ولي قبل فترة يالله تركت النشر وها
اخوتي يعرفون وموافقين وزوجي يقبل وزوجي السابق الله يرحمة الي نبشتو كبرة نبش اليوم هم جان يقبل وما معترض على شي منطيني راحتي بكل قرار اخذة
من ناحية الحرام ماراح اطبن بكبري ومن ناحية العيب اني بالوجه انتو مالايحكم شي
اني مااحب احد يدخل بيا او يحط روحة مكاني فالتهو باكلكم لئن نريد ننام على وكت
كلتها وطلعت من يمهم والله ما الم يطبهن مرض خل هيل تبتلي هيا العزمت
طلعت على غرفتي اغلي اريد انزل اشرب من دمهم والله مال اخبرلكم ادم اخلي يجي يربيكم لوماعيب من نظر
تلفوني كومة اشعارات تجي مادرتله بال خليته ع الصامت اوي
ضليت كاعدة واصواتهم جوا خايبين دستحو على نفسكم وولو عاد اوووي
ماراحو لل12 وحاذق وياهم جوا كلبي يوجعني من حجيهم مبين ديحايلو عليا لبالهم مادري
عود هيل المسترة المحد شايف منها شعرة منو الجانت تلبس النص ردن وفتحت البلوز للصرة امي؟
شويا وصوت الباب نهجم دك بقوة ياستار شصاير طلعت اباوع من الطابق الثاني خليت شال على راسي شفتهم طلعو يركضون من الغرفة حت بلا احذيا
حاذق فتح الباب دخل متيم مخبوص يدورني وورا ادم ضايج ويدمغ متيم يكله ليش هيج ادك
حاذق: ياستار شكو؟
متيم: وين وهم؟ ادزلها ماترد
: غير افتهم شكو؟
ادم: ماكو شي خويا بس وين وهم؟ متيم لا تجلطها انجب
كالها ورفع عينه شافني بلع ريكة ما افتهمت شسالفة منضرهم يخوف نزلت عليهم ركض
: ها بويا شكو ياستار؟
ادم: لاتهبطين ماكو شي متيم حمار
: شني اهبط عليمن شكو؟ وليش هيج ادك الباب متيم هبطتنا
متيم: روحي لبسي وتعالي بسرعة ولج راح تودع وتريد تشوفج
ادم: متيم لا تهبطها شهل حجي ابن ال...
سكت ماكملها
: شكووو ولكم ليش تحجون هيج؟
حاذق بس يباوع مايكدر يحجي كبال ادم يخاف منه
تمارة: يااا هاي كل ماترحين هيج يجون ياخذوج ويروحون شنو هيا خاوة؟
متيم: هاي البقجة منين النوب؟
: ولكم شكوووو غير افتهم ادم بربك شصاير بهل ليل خوفتني منو ديودع
ادم: بس لا تخافين ماشي ماكو شي حرق بسيط بس هذ كلب
متيم: شنو لا تخافين انت صاحي؟ ولج بيتكم احترك وامج ببطنه
كلها وكلنا شهكنا فرد شهكة بعد مااكدر اوكف بعد تحجرت وكمت ارجف
لزم ادم ايدي بسرعة وخزر متيم الباهت
: خويا
ادم: بنيتي اهدئي
: امي ادم شبيها؟
: مابيها شي والله حروق بسيطة ابن الكلب هذ يتساخف
: خذني عليها فدوة
: ديالله تعالي
تمارة: وزوجج يقبل؟
باوع ادم لحاذق نص نضرة وكلي روحي بدلي طلعت اركض واسمعهم يحجون تمارة وتمساح وحدة ترفع وحدة تكبس ما هتميتلهن خل اروح اشوف امي شبيها
متيم كلبها مناحة جوا وادم يرزلة وهوا منطلق
متيم: احووووي يا خالتي الجريمة ام كليب الطيب الحاويتنا
يبوووو عليج يايمةةةة
ادم: سد حلكك راح اكسرة
: ولك امك هاي امك شكد قاسي خل جانت نغلة بس تبقى امك
ماسمعت الصار بس شكله اكل دفرة لئن متيم كله اتكسرت رجليك الهي
ادم: كافي شبيك نبحتتتتتت
متيم: راحت امج وهمممممم ولي امج راح يتسمم دمها سودة بوجهي جانت تكول جيبو وهم دشوفها قبل ما تدفنوني
يخليني اشيل روحي والزكها بالكاع نزلت ربع حاذق رايحين حت ماسلمت طلعت اركض واجا حاذق وداني بسيارته طلعو كدامنا
الدرب كله ابجي وهوا يهديني كلبي نار وادم يسوق كدامنا باريحية كل شويا نتجاوزة ونهدي يصلنا ونعبر
لبالي مستشفى لو طوارء على حجي متيم كلبها نجف لطم ونحيب شو وداني لبيتنا نزلت اركض ماشوف كدامي باب الكراج مفتوح
شفت البيت مابي شي من الواجهة عادي ما متضرر لعد ليش كال احترك فتت جانت امي بالصالة كاعدة وخالة خولة يمها تحطلها دهن على ايديها
تخبلت رحت ركض حضنتها وابجي هيا تفرك شعري ماحجت شي الى ان دخل متيم يحرب
متيم: يبوووووو
: وجع وقزالقرط بكلبك
: والله ما انسالج هيا دندونا ماانسى الصالة هاي شكد حويتيني بيها ابتليتي بيا جنتي حاويتني اويلي عليج خالةةةةةة
: وخلخالة تخلخل عضامك ابن الاثول اشبيك؟
: دسوي بروفا من هسة
: عليمن ول قذر والله اتدوسك
شبيج ماما هذ ابن القندرة رعصني اجا يهوس ويلطم
امي: مابيا شي يمة حروق بسيطة
: وين الحروق شو مااشوف شي
: بغرفتي السبلت ذاب وايرة وصار التماس وجت بي النار
: شوكت هاي
: ماصارلها زمان الحمدلله تلاحكو خوانج يمة ماصارلي شي
: وين الحروق؟
: بيدي بس
شلت ايدها بستها حطتها على راسي حاذق وادم منتجين بالباب
:والثور هذ شجابة؟
متيم:ايا بت الثور يا قرجية على نيتي جيت دزور بيت خالتي حنيتلها
:حنيت لايام الصالة والتطفر
:اي وداعة شموسة شلون ايام تخبل جانت لمن نخبث سوا هههههههه
: اي وتبوك سويجي وتطفر من الصبح معرف شوكت تكعد
: هسة عوفج منها ايام نكسة مثل وجهج
: توتها جانت تخبل وجه شموسة
: نعل ابوج منو وجه شموسة ولي شعشبونة؟
: لا تنعل ابن القشمر بربي اخليهم يسحلوك
: تخلين منو يسحلني مخربطة منو يكدر يفص كبال متيم
: ادمممم
: متيم يكدر يفص كبال منو ترا اني بوخة لا تصدكين
بس عجبتيني خالتي طلعتي من نص النار تكول فلم تنانين الجزء الثالث اويلي كلت هسة اشوفج قوزي
حاذق: حمدلله على سلامتج عمة
امي: الله يسلمك يمة شلونك
: الحمدلله بخير مادام وهم يمي مااريد شي بعد
: الله يهديكم يمة
ولك متيم هاي شمسوي بالبت جبتها مخترعة؟
: اي يمة والله خلاني اذب العافية اجا يلطم ويصيح امج احتركت
ادم: ماكو اريد اهديها وهذ تكول ديولد يصرخ ويدك ويلطم
متيم: عود انت ما ولدتني بدفرتك هاي كسرتلي سويتلي تمزق بجعب الرحم
: هاي شني ول انت تخترع اسماء مدري منين جم سنة صارلك بالعراق للان ما تعلمت تحجي؟
: نجبي قوندرة عود شكد انتي تعرفين تحجين
حاذق بس يباوع ماعاجبة واحنا ما نسكت نحرك بي دهاك كلها اليوم افحمك اكثر ما انت مفحم ابن السلبوح
اجن خواتي نفس الفلم مسوي بيهن متيم مخبرهن وكالبها سودة مرهم بطنها كدامها خطية
متيم: هيهييي قشامر بربي ينصب عليكم بكلمتين
: ول ابن الخرا ناصب علينا شبيك مستلمنا اليوم؟
ضلينا نمنا ببيت امي اليوم طلعت الغرفتي اويلي شكد مشتاكتلها كبل طفرت ع الجرباية مالتي حضنتها
اغراضي مثل ماهنا ما تغيرن اويلي ع الراحة طب عليا رجلي يضحك
: شبيك؟
: والله اخاف افطنج
: لا خليني ساكتة امعود بربي على ياساعة انزل ادفنهن وهاي غيداء حركت دمي
: خل تولي معليج بيها نظر افتهم السالفة خبرني يعتذر وراح يربيها
: مااريد يجونا بعد حاذق
: شنو اطردهم؟ لاتخافين مايجون شاهين تولاهم
: احسن كفو منه والله حركو دمي وكلبي سوالفهم بايخة وسخيفة
: وهم؟
: هممم
اخذ دقايق وكال جنتي تحبي
: منو؟
: محمد
: حاذق
: سئلتج جاوبيني
: كافي حاذق لف ماعندك ونام بلا هالسيرة الرجال الله يرحمة صارلة سنة من مات وانت هسة جايني تكلي تحبي
: هاهيا لاتجاوبين براحتج
درت وجهي عنه ماجا تمدد بصفي بكيفك وين من تريد تروح روح
نزلت جوا مرهم بالصالة ويا ادم يسولفون كعدت تعللت وياهم مانزل والله دشعل اهلك دكفلي
فرشنالنا وكعدنا بقينا كل ضحكة نطكهة حت الجيران يسمعونا طلعنا اكل وكمنا ناكل
نزلت اسيل تتمخطر حامل هيا مدورة وحبلت طلعت كرة سلة مبعوجة
ماحاجتنا بس اكلت ويانا قيصر مهددها وملتحق ادم تمدد بالصالة وغمض راح بالنوم سودة عليا تعبان رحت يمة سحبت ايدة تمددت عليها جرني لحضنة باس راسي وحط ايدة الخ على عيونة ونام
اسمعه يون بس بصوت ناصي شهل وراثة البينة حضني دفيت رحت بالنوم يمة
كعدت الصبح على حاذق وهوا يزاورني ويعت بيا لكيت روحي صايرة بكد الجف بحضن ادم وخاضني بثنين ايدي غاط بالنوم
تزحزحت من يمة وكمت هسة تكلب كربلاء براسي
جرني يعت بيا كلي غيري ملابسج دنولي
: دنيا صبح
: خرب شكلج بدلي دنرجع
: انت هاي غيرتك العامية عليك امعود بطلها لاتضل خانكني
: هااا لازم حنيتي من سوالف البارحة للحرية ذكرتي الماضي
: وخر حاذق هاي هم قسمتي وخر
: فضيني دنصل على وكت
: اي اي بس وخر
لبست البشت وحطيت الشال دنرجع للبيت كعدت امي ماخلتنا نطلع بالبادية عارض وكللها مستعجلين بس لمن كعد ادم وصاح بي كله كالت امي ماترحون يعني ماترحون خنس
كعدنا نتريك ويسولفون بالزور يبلع اللكمة من يشوف ادم يوكلني عيونة تقلب جمالة يكمل علي يبوسني ويحضني يكوم يكفر
صفنت اني جيت وجيت خل استغل مستحاته من ادم
: مامي وين اللامبر مالتي؟
كلتها وغص بالجاي صار يكح
: اسم الله اسم الله حبيبي اشبيك؟ اي ماما وين سيارتي؟
امي: بمكان ما تركتيها يمة مالعبنا بيها
: ما تحتاجوها؟
: لا وعليمن عدنا غيرها هواي
باوعت لحاذق اضحك وهوا شاد قبضة ايدة عيونه براسة
ادم: صدك لويش تاركتها هنا ما تاخذيها؟
: هاا موو زوجي ما يقبل
: وعليمن ما يقبل هيا سيارتج وباسمج وبس مصفوفة لويش تاركتها؟ كومي خذي سويجج يالله بغرفتج
باوعت لحاذق دشو شيكول بس طابك حواجبة
ادم: ها وين رحتي؟
: موو زوجيي....
: شبي زوجج؟ حاذق تقبل غير؟
يحجي مع بنبرة تحدي يعني اذا زلمة كول لا بس باوعلي اعرف ما يقبل كمت نزلت السويج وافر بي باوعلي صفح
رحت ع السيارة نضيفة الحمدلله تعالي ياكلبي انتي فديتج كتله ارجع بسيارتك واني بسيارتي اويلي النضرات على ساعة ويشكني
رجعت مكيفة بالسويج هوا ما يتحاجة شافونا خواته وكتلهن ع السيارة ضحى حطت ايدها بحلكها وصوفرت كالت هاي النسوان المعدلة
مر اكثر من شهرين واحنا نفس الموال ماكو اي احداث البنات رجعن لمدارسهن وضحى سجلت بدورة تقوية تروح 3ايام الاسبوع ب2 الظهر
ادم اشترا المحطة وسجلها باسمي بلا علم زوجي وكتله ارباحها يخليهن يمة يوفي الفلوس الدفعهن ويجمعلي الباقيات لئن انطا فلوس من عندا
مشاكل اني وهيل بسيطة تفض براشدي ع الماشي ما هلكد اتاذا اني بس هيا المسحولة
كل مرة اروح ازعل بيت اهلي ويجي يراضيني بالتواسيل طبعا مخبل يضربني الظهر يتوسل العصر يخليها تكفر ومرات ماروح ابقى بلبيت بس طباكات علي يبوس حت ايدي حت ارضى علي
اسلوبة حيل تغير صح مشاكلنا بسيطة واحنا نكبرها بس مدري اجاله يحبسنا ثنينا ويكعلنا دك بذات هيا
من يخلص من كتلنا يجي يحضني ويتوسل بيا هيل تطحن هوا ساحكها مرات ارضا بسرعة مرات اروح لاهلي اسبوع واكطع عنه اخباري يجيني ويعتذر بس كتلاته صايرة فد مرة زايدة
سماح كل كلمة او سحكة تكلي انتي بتج ماحافضتي عليها بسبب اهمالج تخليني انشك
ماكو سالفة ماتجيب بتي بيها كل حركة كالت وصارت بتج تخليني اشيل روحي والطها بالكاع لئن كلامها جدا مؤلم
مرات اسحكها مرات تدك بكلبي اضل ابجي عليها الا حاذق ينزل يتعارك وياهن وما يبطلن
تكول عنها مرات جان هسة داتحجي لو دتمشي هيا اكبر من ابن شاهين والطفل صاير حلو ومدنفش ينوكل
جمالة تمارة تكمل وياها يكولن لو بتجج عايشة جان ماكدرت تاكل كلشي بسبب مرضها وتضل بحجمها الصغير والله يدري بيا ماراح اكدر احافظ عليها اخذها
خواته ابتعدن شويا لئن دوام صار بذات ضحى هاي جانت حاجز الدفاع مالي التهت بالدرس ماتلحك خطية الصبح مدرسة الظهر معهد اني بعد ما اطلع من غرفتي لئن جزعت من سوالفهم وتمارة المدري من شوكت هنا ربع وياها
وسماح خلت حاذق يقسم الايام لاعشتو تخاف من الحرام على ابنها طبعا قسمهن مثل ما اني اريد وشحدة يعترض خليتلها السب والاحد لئنهن ايام غثيثة مثلها وخل يروحلها بغير ايام والله اشكه
كاعدين كلتنا اليوم سبت حاذق مامداوم سوالف عادية لاتخلو من المشاحنات ونظراتنا لبعض اني وهيل
هيا غبية تفتح سيرة لبالها انكتل وحدي بس هم تاخذ المقسوم
حاطين جبوس ونساتل كاعدات ناكل اني وبشرى وضحى وساحكين الباقي
ضحى تباوعلي وتبتسم تكلي اكلي اكلي بالعافية مافهمتها غلست كملت ورحت جبت صحن الفواكه كعدت اكشر واكل خلص سويت عصرونية
هيل: شدعوة هيج وهم؟
: ها شني؟
: توتج شلتي ماعون الفواكه لحكتي تجوعين؟
: امم وشكو بيها خمو داكل من خيرج؟
: خير رجلي
: رجلها تقبل اكل؟؟
حاذق: الف عافية بويا
ضحى: هيل هاي معناتها لاتسودين وجهج
هيل: حاذق سمعتها؟
سحكها يلعب بفونة واني كملت اكلي اوي والله مااجوع نفسي لخاطركم
ضحى ببرود بصيغة سؤال
: وهمممممم؟
: هااااااا؟
: بربج ياضيم اخوي دسئلج
: كولي عيوني
: شوكت انتي وحاذق اعترفتو لبعض بحبكم؟
كالتها وتذكرت دنكت راسي مبتسمة هوا بعد نفس الشي
ضحى طبكت ايديها سوا طكت اصابعها تضحك
: اويلييييي
حاذق للان مامسامح ضحى وهيا ما تحاول تبررة او تحجي ويا كل حجيها توجهه الي
جلسات علاجها ما خلصن اوديها بكل موعد بس اكو اشياء متغيرة بيها الحمدلله نشوف نتيجة
حاذق: تتذكرين وهم؟
: هيا هاي هم تنسي
ضحى: سولفي خل نعرف
باوعت لحاذق مبتسم وبديت احجي
: جنا بالاول ابتدائي وكتها اثنينه جهال ونروح للمدرسة سوا جانت مختلطة فمرة هوا راح واني لا جنت مريضة صار يبجي بالصف والفسحة واتصلو بعمو راح اخذة
من اجا من المدرسة اجا عليا ببيتنا جنت متمددة اجا حضني كلي ليش غبتي ماتعرفين اني اداوم على مودج
ضحى: اويلييييييييييييييي
بشرى: واو ولك حاذق من انت وصغير هيج متعلق بيها
ضحى: اي بربي سودة عليا لاحسة مخة
: اي ومن طبت طلعت برا وجاني بيدة وردة كلي اني احبج ومن تكبرين نتزوج ما تصيرين لغيري
ضحى: اووووووي عشك البريء شكد حلو
: اي كبرنا كبال بعض وجنت اجي لهنا ويجي لبيتنا بس كبال الوادم احنا ربع امي جانت تعرف نحب بعض وما اعترضت
بشرى: دوم المحبة يارب
ضحى: يعني ذكرة سنويا وكذا ما حافضة
: لا والله جنا اطفال بس هيا بهيج وقت من السنة يعني هم جان بيها برودة وبداية عام دراسي
ضحى: يعني ممكن يكون ذكرة سنويا بهل ايام
هيل: هسة قلت المواضيع تحجون بطفولتكم؟
: وانتي عليمن محروكة؟ السؤال توجه الي واني جاوبت شعليج؟
ضحى: ضايجة من الجواب مو من السؤال ياضيم اخوي او لا والله ضايجة بسبب اختلاف طريقة التعارف بينكم
: والله اليعمل بيدة الله يزيدة ما جانت تعرف هيج راح تنشحط
: والله كلشي تعرف لبالها يتغير شي ويا الوقت همدا
حاذق: كافي انتو الاثنين
بشرى: ليش خفت على مشاعرها خويا؟
: اي خل اخوج يمسح جروح
ضحى: اليوم سبت بعد ماتعرفن تفكرن
سماح: انجبو وكومو كلمن لدرسها وانتي يالصفرة يالله على مواعينج
كملو اكل واني وخرت والله ما الم
هيل: شنو تلكل وتتاخرين كومي شيلي الصينية
: شتفضلتي يمة؟ اليوم المطبخ عليج انتي تلمي
: لا والله اني عندي غير شغل
: بعد الدنيا عصر هيلة تلحكين يالله غسليهن مثل الشطورة
: والله ما اغسلهن
: والله ولا اني اليوم دورج لاتنسين لو بهذ التقسيم تتلخبط معلوماتج؟
: حاذق كللها
: حاذق وربي مااغسل صحن
: دتسمعها حاذق
: يالله دشو احجي
حاذق: كافييييييي انتو الاثنين شكد تلحن اكوم اني اغسلهن؟
: والله حبيبي بكيفك صحن مااغسل
هيل: انتي اكلتي نص الصينية
: دتسمع زوجي مرتك عينها ع اللكمة
هيل: وانتي جن جايتنا من مجاعة تاكلين بكدنا
: منين جايتكم يمة؟ جيتج من نصصصصص الخير ولج سيارتي اغلى من كل احشائج اذا تبيعيهن واعضاء اهلج
: والله عيني مليانة اني زوجي ممقصر بشي وياي
: حشا من القصور بس انتي عينج فارغة مايسدها الا تراب
: وهم المواعين تغسليهن
: والله ماعون مااشيل
حاذق: وقزالقرررررررط
فزينا ثنينا اويلي الله صاح بيا اشيلهن
: والله ما اشيلهن
: شيليهن كلت
: والله ماا اشيل ما بكيفك ماعون دشو واها اني ما منطيتها شغلي هيا هم لاتنطيني شغلها
حاذق: هيل كومي شيليهن خرب شكلكم انتو الاثنين
: دكومي يالله
هيل: لا تضل باطل
حاذق: شنو ولج؟
شفته كام ردت افلت هذ مو مال عناد هيا اخذت دفرة نطخت بيا كمت ركض عن لا يلكفني بس عليمن جعلي زئبق لحكني
كال ما بكيفي هاا هم اجتني دفرة بطارف رجله طخني على ضهري وكعت على ايدي وكمت اصرخ وهوا نخبص بيا لباله سكطني مايعرف بالريش اي والله اسودنك اسودنك ما ردت اصير اعلامية من بلاش
: اااااااااخ يمة ضهري نقسم ولك حاااااذق
اجا شال راسي حطة بحضنة
بشرى: جم مرة حجينا بيها ياخوييييي
حاذق: ولج والله مو بقصدي وهم بويا فدوة والله مو بقصدي شو شوفيني
ما اذاني بس شلون اكدر بلا دراما كمت اصرخ وابجي منين يطلعن الدموع ماادري والله لازم اقدم على نقابة الفنانين العراقية اخذ دور البطولة لازمة ضهري وانحب واتلوة
: ضهري حاذق اااخ كسرتة كسرتةةة
كلتها وسويت روحي ابجي
بشرى: ضل بعصبيتك هاي فد مرة تسكط وحدة منهن
ضحى: لا شدعوة اذا وحدة راح تتسكط هيا وهم ترفة هيل مايصيبها شي
حاذق: بس رفعي راسج وهم باعيلي
: مااطيك مااطيك
هاي شبيا تخبلت
حاذق: تكدرين تكومين بويا؟
اشرتلة براسي اي ديكومني دفعته اجت ضحى كومتني ولزمت اسفل ضهري عود يوجعني كتلها اريد اروح لغرفتي
طلعت لغرفتي وقفلت الباب كالت والجبار العزيز ذيبة
: بنفسي فد مرة اعمل شغلة ما تلكفيني
: ولج اني ضحاوي الورد ضد الحرارة والبرد تريدين سولفج تعبر عليا؟
: شلون عرفتي؟
: ليش هوا طخج انتي جنج تفلة تزحلكتي
: لعد ماشفته حاسب هيل ليش بس اني؟
: لعد الدفرة التسببت بكسر5 اضلاع وانزلاق بالحوض هاي منو اكلها ابوي؟ الله يعينه عليكم انتو الاثنين
: مامجبور يخلينا ثنين هسة اروح لاهلي
: شوفي لا كل يومين دروح لاهلي هيج يبزع اسمعيني ابقي بس احركيهم
: شلون؟
: تدللي تمخطري وتنغوجي شويا يعني اه ضهري وكذا يعني
كالتها بمياعة خلتني صافنة رجعت كملت
ضحى: لا تنزلين تتعشين معانا اني اجيبلج الاكل واحطلج زيادة عود مريضة ما تشتهين انتي اكلي
:شكد ديهتم اليوم مايصلني يومها وها ترا جوعانة
رفعت ايدها تحلف
: والجبار العزيز ماينام الا بحضينج اليوم
اي وليش لا خل نحسب اليوم ذكرة السنوية لاعترافة بحبج قبل جم سنة؟ 15؟
: كل عقلج؟
: خدي الكلام من ضحاوي سويتلج شي وطلعتي خايبة فد مرة؟
: نشوف تاليها
: انتي هم تصرفي ها لا تضلين خوثة
نزلت تضحك واني مابيا شي شصخم هسة ملل ومبايلي جوا دقيقة وطلعت انطتني هوا كالت اعرفج تملين
: ولج اريد امسكج اهريج بوس
ضحى: لا نجبي داتوب وانتي توسوسيلي اللهم ابعدنا
شوف الله شوف هيا تتحارش
: امشي على درسج مشيي
نزلت بقيت وحدي لي الليل فعلا ما نزلت تعشيت جابتلي اكل بس ما سمعت كلامها اكلت الماعون كله جوعانة اوي
طلعت دتاخذ الصينية هزت ايدها كالت حيل تفكيري غلط
: شقصدج؟
: كم يوم واعرف
: لا بربج كولي
: ولا شي والله خل اتاكد
طلعت وتركتني شويا واجا اخوها باوعتله ماراضيلي عود اذاني اجا يمي كال شلون صرتي
: لو يهمك جان ماضربتني
: ترا بس لمستج انتي طرتي ريشة
: انت تحسها لمسة غير قسمت ضهري
: ترا اصبعي بس لاحج
: اذيتني يا اذية
: تاذيتي هواي ولج؟
كالها بهدوء كانما نادم والله اشعل العراق عليك اليوم
: اي والله وهواي انت تاذي كلبي ونفسيتي وجسمي وتجي تكلي تاذيتي هواي بربك
: اسفين بويا مااعيدها
: مثل اول حزام اكلته
: لاتضلين نحسة يالله ارضي دروح
كالها لو شك كلبي اي وداعة اخوي فلا تنزل
: ليش يابة وراك شغل لعد ما اعطلك امشي روح
حاذق: وهم
: مشي روح انت اذية انت حقير اني صوجي وثقت بيك وتزوجتك
: لسانج لا اكصة ترا دافوتلج هواي
: والله ماعليا روح عني مااحبك انت خاين مااريدك
: شبيج وهم هذ نضام ماشين علي
: انت فرضته عليا روحلها حاذق روحلها ما اعطلكم
كمت ابجي
: انت اضربني كسرني وروح احضنها ونام حت ع العشا ما سئلت عليا خليتني وحدي وكاعد وياها
ضليت ساعة اخرط وابجي وهوا يتوسل ارضا الا هوا هم بزع رحت غسلت وجهي وبقيت واكفة اباوعلة
حاذق: شيرضيج
: مايرضيني شي توكل
: اكول نامي نامي لاادفنج نامي
: اي انام وانت تروحلها
: ما اروح انخدمي خرب قسمتي
ابتسمت ورحت يمة
كلبي شايل منه بس والله فلا اخلي هالليلة تعدي على مزاج هيلة يروحلها
الحب يرادلة تنازلات شويا اعرفة يريدني انام دينزللها والله فنكم
كمت اخمش ضهرة بهدوء
حاذق: كافي تتحارشين
: شسويت قابل ويي
صرت امشي اصابيعي على ضهره العاري والله مانام اليوم واخليك بحيلك
صعدت ايدي على شعرة احكة بيدي شفته لابسني هسة شسوي
حاذق: كافي نامي
: مداكدر
: ليش؟
كالها بملل وجزع يريد يخلص مني بس
: دتوجع
دار وجهه عليا عاكد حاجبة مستغرب
حاذق: شيوجعج بويا؟
: اسفل ضهري
كلتها وزفر ضايج تكربت علي فتت بحضنه هوا بعد حضني قوي
رفعت راسي باوعت بعيونه دنك باوعلي هوا هم وابتسم
: تحب تشوفني اتبهدل؟
حاذق: ههههههههه اي
: لعد بهدلني
كلتها بمكر ونص ضحكة باوعلي بطرف عينة ومبتسم صعدت لي فوك عضيته من شفته ببرود وضحكت
حاذق: ضحكي ضحكي شوراج
: احد كايلك قبل حلكك طيب
: هااااااا
: والله انزل وكلني
نزل راسة وباسني
: تعال ماشبعت
: شكد صايرة تاكلين لخاطر الله
: تعال وكلني تعال
خلاني جواتة وحجا بمكر
: ولج انتي ناويتيها اليوم مو؟
ضحكت واني لاوية حلكي كلي دكليها لعد لاتبجين تالي
...
وفات للحمام حاولت اغفي ماجتني النومة لبست روب وطلعت داكل شفت هيل من فوك متحضرة الحمرة والمكياج ولابسة روب طويل ولج والله لو تموتين مايصلج
رحت طبيت للحمام جان يسبح فتتله اكو بردة ويا الدوش رفعتها
حاذق: شنو جايا؟
: دليف ضهرك بويا
: صايرة تحجين مثلي هااا
: امممم
: دهاج
كالها ونطاني الليفة صرت افرك ضهرة واني اصلا لابسة بس الروب
باوعلي وضحك
: لا تضحك
: سكتت
فتت جوا الدوش صحت
:يح
باوعلي بستغراب
: شبيج بويا؟
: تنكعت وعضتاتك لجعتني
: شو خل اشوفة
نداريت ببطء حت ما ازحط وجر الروب من ضهري صوفر من عضاته
: حاذق
: هاا حبيبي
: بوس الواوا
: هههههههه ولج صارلي ساعة ماشبعتي بوس
: بست كلشي الا الواوا
فات جوا الدوش واني كمت اطكطك عضامي شفته وهوا يسبح شافني اباوعلة ضحك وكال لا تباوعين لعرض العالم
: عرض العالم ماشايفة نفس قدرته اني
: كلشي بيرادتج
: اي هوا انت تتقاوم جكليتة دير بالك لا تذوب جوا المي
كلتها وطلعت من الحمام ولج هيلة كل لبالج اعوفه الج والله فنج
كمت فتت سبحت بسرعة اباوع بالمراية يالله كالب ركبتي مجزرة افتهم متزوجة جريدي شدعوة كل هالعض
الا شفتي شصاير بيها يابويا كل جسمي كالب خرايط ونقوش وكتابات مسمارية ههههههه
الله يرحمك محمد ماشفت منك شي خليت منشفة وطلعت نمت يمة فتت بحضنة ادور دفو هوا هم حضني وباسني رجع كمل نومتة
كعدت الصبح كالعادة على بوساتة بوجهي وشفتي رجعت نمت كعدت ورا ماهو سبحان وطالع الوكت متاخر صايرة ب10 اوف شدعوة
لبست دشداشتي ورحت غسلت وجهي
نزلت جوا شفت هيل بالمطبخ صرت اتثاوب واحك شعري عود توني كاعدة
طبيت فتحت الثلاجة بالمطبخ طلعت كيك ودسوي هوت جوكليت
هيل: الخاطر الله متكليلي شبيج؟
باوعتلها باستغراب شتريد هاي
: شبيج ولي؟
هيل: ولي بعينج
: شكو من الصبح؟
: يعني صايرة تاكلين بمكان 4
: وعينج على لكمتي انتي؟ مو من خيرج من كتاف رجلي
: والله اذا بقيتي هيج تسحكين راح نموت كلنا من الجوع
دخلت ضحى للمطبخ حطت صحن فارغ وكالت لهيل تغسلة
باوعتلي وضحكت
ضحى: اوف وهم
: شبيج انتي الخ؟
: ماعرفت انام من وراكم افتهم خلصت المكانات رحتو للحمام شنو بث مباشر للشياطين؟
: ولي لسانج ثم تعالي شعرفج انتي؟ وشغلة الخ وين ميريد اخوج اروح ويا يدلل عليا
: اي هوا صاير فوك غرفتنا وغير هالشي صوت طكطكت عظام حاذق من الصبح اسمع ركبته من يمي تسوي طررررق
بس اني وحدي استاهلك
يابو الدلال مدللك مدللك
استاهلك
هيل: دكافي قرف
ضحى: لا بربج ماعندج افهى من هل صوت؟ هيل شنو سمعتج تحاسبين وهم ع الاكل
هيل: مداحاسبها بس صايرة تاكل هواي
: مو من شيب الخلفج خل تاكل من ذراع رجلها
كالتها وباوعتلي مثل التذكرت شي وكالت تعالي وهم اريدج
رحت لحكتها وكالت
ضحى: ماردت احجي كدام هيل لئن اعرفها عكربة
: شبيج ولج؟
: بصراحة اكلج هذ يذكرني لمن جنتي حامل هم جنتي هيج تاكلين معقولة انتي هسة حامل؟
بحلقت بعيونها صدك من جنت حامل هيج جنت اكل
صحتني من شرودي لمن فزت
ضحى: حامل ولج؟؟
: ولج والله صدك يمكن حامل اني وكتها من 10ايام وماجت
: اي اي يمكن والله جنت اشك من فترة من شفتج تاكلين الاخضر واليابس بس كلت ما احجيلج لا يروح يخيب ضني شوفي لاتكولين لاحد بذات لهيل هاا هسة تنب** من تسمع تاكدي وتعالي كولي لحاذق اول شي
: مااعرف خل اسوي التحليل اليوم واكلج
: زين طلب
: امري
: ارد اروح لبيت صديقتي بعيد وحاذق طالع وراح اتاخر ساعة صارت10
: هسة اكول لحاذق بس اجك العباية واجيج
كلتها وصعدت للغرفة يا صدك واطلع حامل واسد حلك سماح وهيل ياربي صدك ويصير عندي نسيم واتخطى لجعة سمسمي يارب
خبرت حاذق وقبل بالزور 100حجة طلعتله والسيارة مضللة ابو الامروة يالله اقتنع
لبست البشت وشال حطيته من جذب عليش الترتيبات شو السيارة ومضلله وماراح انزل
لبست الشحاطة ونزلت لكيت ضحى واكفة بالمطبخ تضحك وتغني
ضحى: كل سنة حبنا نعيدة
بس طفل منك اريدة
احلا شي بالدنيا يمكن يجمع اسمي ويا اسمك
هيل: ضحى انضبي
: وانتي منو جا يمج اني اجت ببالي الاغنية وغنيتها عاد عينج على حلوكنا وهم لاتاكل واني مااغني مو؟
: والله لاحبل والله واجيب طفل يشبه ابو واسد اكبر حلك بيكم
: اي من باجر والله لبارحة اعتبر الذكرة السنوية لاعتراف حاذق لوهم هاي الاغنية ترهم عليهم
ضحى استفزازية وتكره هيل لدرجة وهاي بسرعة تتعصب
تحمحمت وكلت يالله طلعت ضحى وهيا تغني
ضحى: دورني اعيش بداخلك
بس اني وحدي استاهلك
يابو الدلال مدللك مدللك استاهلك
طلعنا وصلتها لبيت صديقتها ونزلت رحت مريت ع الصيدلية والله فشلة وهم صدام تنزل بهل شكل تكول طالعة تهريب
صحت ولد صغير ونطيته فلوس راح جابلي تحليل اخذته ورجعت للبيت اول ما طبيت جانت بشرى كاعدة تدرس جايا من الكلية وسماح وهيل وحدة تصد والثانية ترد ووياهم طهارة تمارة
دطلع لغرفتي صاحولي وهيل تضحك شمتانة
تمارة: ع الاقل سلمي يمة
: سوري خالة والله تعبانة ومانتبهت
: ليش وين جنتي؟
: وصلت ضحى
سماح: اي وصلتيها بسيارة قابل مشي
تمارة: يمة وهم اجيتج بشغلة
: كولي خالة اذا اكدر اعملها بعيني
: شوفي اكو دكتورة مضبوطة هاي كا احنا نروحلها ونريد ناخذ هيل ويانا
: واني شكو؟
: كلنا اذا تحبين تجين خاف عندج جرثومة لو شي الخاطر الاطفال هيج يصيرون بيج
سماح: ايما جرثومة تلكين بيها مرض والله
: شكرا مااريد اروح عن اذنكم
عمتي: لعد ابني يضل طول عمرة بحسرة الجاهل؟
: عمة مابيا شي عليمن يضل بحسرته؟
: والله مااكدر اني اتحمل اشوف ابني كل يوم دافنلة واحد
: ياستار يالطيف عليمن يدفنهم عمة شبيج
: والله هذ البيج انتي مو ماتت بنتج؟
: استغفرالله خل هيل تجيبله اني مااخلف
: اكيد هيل تجيبلة لعد انتي الي كل واحد يصير ببطنج يروح
: عمة شبيييييج؟
: صوتج لا يعلى لج
تمارة: لا يمة وهم ميصير تعلين صوتج
: هسة عليمن كل هالحجي مااريد اروح والسلام خالة شو انتي يوميا هنا ماعدج بيت؟
سماح: واني مو ميتة دخليج تحبلين واعرف مايضل لو يسقط لو يموت
: ترا بتي ماتت لئن...
: لئن ما حافضتي عليها
: لا لئن اجت قبل وقتها جبتها ع السابع
: شوفي شلون شوفي تجيب ع السابع وتريدهم يبقون
شوفي لج جزاة كلامج ع الدكتورة ماكو روحة وضلي هيج عاكر
: ع تهدديني؟ اني ما اريد اروح وشغلة ثانية ما عاكر اني حبلت قبل الصوج مو مني
: يااااااا شوف طولة اللسان يعني ابني مو رجال قصدج ولج
: مو هيج ترا حبلت قبل
: لعد شنو قصدج من كلتي هالكلام رجلج ذاك كدر يحبلج وابني لا يعني ابني فشوش
: ترا حبلت من ابنج هم عمة كافي تعبت
ضلت تحجي عليا وعلى سمارة الا كلبي شاب منها ونترنت
: شكد تلحين الخاطر ربج ملجة
عمتي كامت لحيلها واجت ضربتني راشدي اويلي صفنت بيها شهل صلافة ولج سلبوح انتي تضربيني اشعل عشيرتج اليوم
باوعتلها بصدمة بعدين بغضب فقدت عصبية عاد اني ما الزم روحي ردت اي شي كبالي شفت مزهرية شلتها ونزلتها براسها صارت تصرخ ولزمت راسها تدعي عليا
افتهم راس بقرة كل هالضربة نجرح نقطة جعليها كشاطة غير ردته يتفلش
صارت تدعي تدعي تدعي ما خلت احد بحالة حت على اهلي دعت وعلى ابوي وصلت لمرحلة دعت على بتي بكبرها وتدعي الله يحرك كلبي بجهالي
تركتهن وطلعت لغرفتي مهضومة
حت دموعي مايرضن ينزلن بذاك اليوم سمعت صوت الباب الجوا عرفت هذ هوا الجا وماليا واهس اتجادل هسة عبت كلبة عليا شراح يخلصها اليوم انسحل انسحل
شويا وبدت الاصوات جوا تعلة امه وهيل شكلها طهارة رايحة واني روحي كارهتها لو بيدي هسة انتحر واخلص
سمعت صوت رجلينا ع الدرج صاعدهن تكول مداهمة ع السريع ماتحركت من مكاني
دخل دفر الباب صاح بيا اجا لزمني من فروة راسي ونتر
حاذق: الحجي الصار جوا تمام؟
: والله شعرف امك الباطلة شحجت وشتيلت عليا عاد
: داسئلج جاوبيني وهم تمام الصار لو لا؟
: شجاوبك اكيد امك والمسعدة حطن كل اللوم بيا وحدتهن سم
: عليمن اشتعل اصلج امي سم؟
كالها وضربني راشدي كال لسانج اكصة
: هوا انت مكدرك بس عليا
: لا انتي شكلج جلدج يحكج ما تسمعين الكلام الا تنضربين صايرة
كالها ونزع الحزام
حاذق: تريدين تموتيني لو شنو احجيييييييي
: انتو تكفرون بالواحد وتريدو يضل بعقلة اني ما غلطت امك باطلة وانت انجس منها
ضربني راشدي ثاني وكعت سوا الحزام طبكتين اجا يمي حاولت انهزم بس جان اسرع مني ضربني اول ضربة جلدي انشلع منها
بالحزام 3ضربات ضربني بالضربة الثالثة نكطع الحزام من قوة الضربة خلتني اشيط واصرخ شعوطتني خلت جسمي ينتفض
كمت اكمز وابجي من وجعي اشيل روحي واذبها بالكاع الوم بي هالحض وهل ورطة الوكعت بيها مستحيل انت نفسك حاذق الحبيتك وعشت وياك العمر كله
ما توجعت هيج ابد ضهري كله تشعوط اكمز املخ روحي اريد يخف الالم ماكو تذكرت محمد مامد ايدة عليا صح المدة البقيتها ويا قليلة بس مااتذكر زعلني بشي
من انكطع الحزام بيدة ذبة ولزم راسة كانه ندم فرك وجهه قوي
حاذق: ااااخ ولج انتي تخليني اتخبل غصبن عني اتصرف وياج والله انتو تريدون تسودنوني تريدوني انجلط تريدون اموت
تكومت بالزواية وكمت ابجي بحركة واشهك تركني ونزل جوا كمت نزعت البشت والبلوز شفت ضهري بالمراية شلون صاير
يالله كله شبسرعة ازرك هالمرة مو احمر والضربة على طول ضهري حت ركبتي نطخت وبي دم جارحني الله ينتقم منكم
نزعت بلوزي لئن يلجمني وراها من برد ضهري لبست بلوز كصير وعريض شعوط يطلع ضهري احسة والحزام مكطوع بالارض ماخدر المي
وتمددت على ايدي نمت من دوخة راسي والدموع مانكطعت من وجهي نمت على روحي
بشرى.
كملت المشكلة وصوته فوك وعلكت للضالين هوساتهم امي وهيل يضحكن
سمعت صوت ضربات بالحزام جلدي كزبر منه وصوتها كامت تصرخ من يمي تشعوطت دقايق ونزل حاذق يردم حيطان وطلع
فتت ع الغرفة هيل وامي يضحكن متشمتات
: ترا ميصير السويتو
امي: ليش شسوينا قابل كلنا الكلام الكالته وشوفي جرحتني
: يمة يمةةةةة مايصير حرام شبيكم ويا المرة لخاطر الله
هيل: اي بشرى قابل شسوينا ياعيني هوا راد يعرف الصار وكنالة
: الكلام الكلتو جذب بجذب
امي: انجبي لج شنو جذب جاهلة كبالج اني
باوعتلهن بغضب يالله ذني وتالي وياهن ماراح يرتاحن الا يجننون البنت
تركتهن وطلعت وينج ضحى تقفلين ملفهم هيا مال دياحة هسة
طلعت على وهم خل اشوف شبيها ميتة طيبة والله صوت ضربة وصراخة يخوف
طبيت للغرفة جانت نايمة وتون شبسرعة تنام صحتها ماردت بس صوت ونها شعلاته
لمحت ضهرها منضرة يخوف وعلى بلوزها اكو دم اخ الله من يمي تشعوطت
نزلت اريد انفجر بوجهم لكيتهن سادات باب الغرفة عليهن ويتابعن مسلسل كلت احجي واعيط بس مااريد اشمت هيل بوهم
امي: ها الشفية شبيها ميتة لو لا؟
: يمة اعتقوها لخاطر ربكم
هيل: حرضتج على امج ونزلتي؟
: البنت نايمة وترا ممضوجتكم بشي ولا حجت وياكم انتو التعديتو ترا
كلتها وطلعت من غرفتهم رحت لغرفتنا لي الليل اني بيها اقرا
اجا حاذق وضحى جايبها من بيت صديقتها وكف باب البيت يم الدرج كانما حس على شي وطلع ركض فوك ضحى جت عليا عيونها بيهن سؤال وكالت حجيلي
وهم.
حسيت علي المغرب طب للغرفة ماتحركت ولا فتحت عيني بس جان بلوزي مرفوع شويا
حسيته اجا ع الجرباية رفع البلوز بيده وجر حسرة قويا هواها لاح وجهي مع ذالك ما تحركت شوف نفسك شمسوي بيا
دنك جر نفس من ركبتي وبعدين باسني من يم اذاني بطارف شفايفه وتمدد يمي
صار يتلمس بطني وخصري بطارف اصابعة ودنك باسة ورجع يجرني ببطء لحضنة عن لا اكعد سحبني على مهلة من بطني
صرت بنص حضنه ضهري من طخة لجمني حس عليا فزيت تركني بسرعة
من تاكد مني نايمة رجع تقدم عليا هو بس على مهله حت لا يطخ ضهري وصار يلعب بشعري بحنية ويزفر من كل كلبة يرجع يطبع بخدي قبلات متعددة
لعد حنيتك وين لمن كطعت الحزام على ضهري ابن الحية
شال ايدي وباسها بوسة طويلة رجع حضني من ورا لف ايدة على خصري دفن راسه بركبتي يمكن لباله غايبة عن الوعي الي اخذ راحته هيج
ماافتهمت اجاله هالفترة ساعة يصير وحش يكتلنا الا نموت بيدة وساعة يصير حنون ومايرضا الاذا ليا بذات
يجرحني ويجيبلي العلاج يالله هذ مو طبيعي ماجان هيج بداية الزواج اشغيره
شال راسة مال ركبتي وحرك شعري من وجهي وباس خدي
حاذق: اووووف ياضيمي اوف والله مااريد ااذيج
كام من يمي ماتحركت واجاني ورا ثواني جرني من ايدي فتحت عيوني يريد ينزعني البلوز اي هذ الانت شاطر بي تضربني وتجي تاخذ التريدة وتروح
دفعته مااريدة يمي ما دارلي بال
: حاذق عوفني وخر
: لا تعيلن كلبي
: وخر اريد انام روح على هيل
: جبتلج مرهم لضهرج بويا
: مااريد منك شي
: بس ادهني بي ضهرج حبيبي
: مابيا شي كلت وخر تحسب جرح السببته يطيب بمرهم حاذق كل عقلك مااريد شي منك روح على هيل
: وهم
: حاذق الله يخليك روح على هيل روح اطلع روح تزوج روح اخطب روح ويا ربعك بس اتركني وحدي
: وهم السويتي مو قليل
: اي مو قليل حاذق اني غلطانة واعتذر وحقكم عليا وباجر من الغبشة اروح لاهلي بس عوفني هسة اريد انام يابشر تعبانة
: وين تولين ما تطلعين من هنا وكافي معاندة انزعي دحطلج الكريم
: روح كلت روح لا تضل يمي مااريدك خليني بس انام ومااريد احط كريم روح ولي
لزمني من فكي قوي بس مااذاني وكال من بين سنانه
: تشترين الاذية انتي شنو تريدين اسحكج؟
: عود اني عايشة هسة تعتبرني؟
: وهم والخلق جتال مرحب راح الحكج ببتج
هوا كالها لو حرك روحي سممني بهاي كلمته
ترك فكي مسح وجهه وحجا بامر
: انزعي البلوز دحطلج كريم واولي يالله
نزعته غصبن عني وعيوني تصب من القهر ضربني وقلل احترامي وذكرني ببنتي هذ شمالة عليا هيج متسودن
مددني على وجهي وجر شعري من ضهري حطلي الكريم جان بارد وضهري يطلع نار لجعني ضل يفركه واسمع حسراته كل زفرة يطلعها تشك الكلب ويستغفر حط لضهري كله
مغمضة وابجي ما حجيت ويا ولا درت وجهي علي هوا يتلمس ضهري
تكرب مني وباسني بخدي وطلع صرت ابجي واناشغ محد سمع وني بس رب العالمين
: ربي ارحم بحالي انت ارحم الراحمين فدوة تعبت وداعتك
بشرى.
نزل حاذق ضايج من فوك عرفت تلاغو اي طبيعي يتلاغون صوت ضربات الحزام مال العصر لهسة باذاني
باوع وفات للغرفة بيها امي وهيل وضحى رحت لحكته
اشر لضحى تروح لغرفة الثانية وهاي دينها العناد تكله ترا اليفرق حايط لو تحجون مراسلة هم اسمعكم
حاذق: شنو الصار اليوم؟
امي بدت تعيط بس سكتها
امي: هيا كالت انت معيوب
حاذق: يووووم احجيها من بدايتها
: اني كتلها اريد حفيد يشيل اسمك تكلي اني جايبة كبل العيب من ابنج واكبر دليل هيل صارلها شكد يمة ما حبلت ومن جنت عد رجلي القديم كدر يحبلني ابنج ماكدر
ابني طلكها خل تولي هاي ماتخلف وما تحترم طكتني فتحت راسي لوما ام غيداء موجودة
: حبلت قبل يوم
: ووينه هسة؟
: اني الكتلته شبيكم نسيتوووو؟
: والبنت الصارت قبله؟ يمة افهمني البنت مريضة ماتخلف واذا خلفت مايثبت ببطنها شفت وحدة ماتت وحدة سقطتها اسمع مني عالج هيل خل تجيبلك جهال واشلون تقبلها تطك امك وتسكت ولك؟
باوعلها ببرود ورد باوع لهيل
هيل: اي ورب العالمين صدك تريد اطب ايدي ع المصحف بعد
حاذق: كون عماج المصحف بكد ما اطبين علي ايدج
كالها وباوعلي
حاذق: بشرى
: هاا
: صدك هذ الصار؟
يعرف ماراح اخبي لئن حرام بس هم ما اكدر اكول امي تجذب ولا بيا اسكت ما رديت
صاح فززني
: صدك هذ الصار؟
ضحى ببرود قاتل واستفزاز حجت
: ترا من اكبر الكبائر شهادة الزور بشو
باوعتلها ما عاجبني طريقتها وكلامها وهيا بايعة ومخلصة تلعب باضافرها بكل رهاوة
حاذق: لعد انتي ضحى لا تشهدين زور
ضحى: اي ما اشهد زور اني ماجنت موجودة بس الاعرفة والله وهم ما تحجي هيج بلاش او يجوز كالتها بساعة عصبية
امي خزرتها وردت ضحى
ضحى: اي شنو تخزرين اني ما اجذب انتي وجنتج ادوسون بالمعجن واذا صدك وهم سوت هيج تحمدون الله انها اكتفت بهيج بس بدالها اني احركم ترا اكيد جفصتو جثير الخاطر خليتوها تحجي وها حاذق على كيفك بالبنت لئن داخلها روح هاا ووالله سموح راسج ما مجروح حرامات المزهرية
خلت وراحت تدرس بقى حاذق يباوعلهن دنكن روسهن
حاذق: بشرى احجي
: مااعرف
: والله ما تعرفين؟
سكتت مارديت لئن جنت حاضرتها من بدايتها اني وامي متعدية صح وهم نزلت المزهرية براسها بس ما تاذت بس هذ الحجي شيفهمهم اياه
باوعلهن بتوعد ورجع طلع لفوك
وهم.
جنت اناشغ بالبجي كل الجرا اليوم مو قليل بزعت روحي منهم اريد ارجع لبيتي يم امي جانت اداريني ومدللتني مااريد اضل عدهم
كمت افكر مثل الطفل بذاك اليوم الي يريد المكان اليكدر يلعب بي ويخرب براحته
اني ابجي والباب نفتح مسحت دموعي بس جذب اذا نكطعن بس نطيت ضهري للباب
من صوت خطواتة وعطرة عرفت هذ هوا طب للغرفة نزع بلوزة اجا بصفي دنك حاولت ابعدة
بس ميفيد دنك عليا ردت ابعدة لزم ايدي وباسني بخدي بوسة قوية ما حجيت احاول ادفة ميفيد ماسك ثنين ايديا بيد وحدة
حاذق: حقج عليا بويا
هم ما رديت علي سحبني خلاني على صدرة العاري اريد اكوم من يمة ميخليني محاوطني بيدي ونتجة ع تاج التخت ومنيمني فوكة
حاذق: كافي تراوغين
: وخر عنييييي
: كافي بويا كافي انشالله ايديا تتكسر بعد اذا ضربتج والله اغلى من ماي عيني انتي
: دعوفني
: وين اعوفج يضيم الله خليج هيج بحضني
: وخر مدا اكدر اتنفس خنكتني
: ميخالف موتي وادفنج بحضني
مارديت بس ردت افك منة ماكو حيل اقوة مني خصوصي اني حيلي راح من البجي
استسلمت بعد ما اقاومة من هديت شد قبضته عليا وباسني من فروة راسي ما حجيت شي بس جنت انهج بتعب اسمع حسرته شعلاتها يحرك اطراف اصابعة على كتفي وصل للجرح لجعني فزيت كال يوجعج مارديت
حاذق: لاتضلين مجاهلتني
: شتريد؟
: اذيتج ؟
مارديت غمضت عيوني ودمع يصبن على صدرة زفر وشدني لحضنة اكثر يبوسني
حاذق: والله مااريد ااذيج
: بس اذيتني وهواي
: اموت اني
: انشالله
: ههههه اهون عليج؟
: هنت عليك
: والله ماهنتي ولا راح تهونين والله وجعج يدك بكلبي والخلق جتال مرحب اعشكج ياضيم الله
: ضهري اكبر دليل على عشكك
: لاتضلين نحسة وهومتي اعتذرت منج
ضليت بحضنة تعبانة مااريد اقاوم شال ايدي وباس اصابعي وحطهن على كلبة صرت احرك اصابعي على صدرة من الملل
حاذق: دتتحارشين
: هشش
: شنو هش هاي شطفي هيجتينا بعد تعالي ولج مشتاكلج
: هشش اسكت تعبانة
مارد ضل يحرك اصابعة على كتفي شويا وحسيت علي نام لئن رخت قبضته حاولت احرر روحي منه فز ولزمني
حاذق: وين؟
: انت نمت
: وليش كايمة
: حت تاخذ راحتك
: راحتي بيج لا تكومين ضلي
: مااريد اني ما ماخذة راحتي هيج
كلتها ودفعت ايدة رحت فتت للحمام غسلت وجهي وباوعت للمراية جوا عيوني اسود وعيوني حمر دم الى متى ياربي اضل هيج اني
بقيت فاتحة المي اصفن بوضعي باوعت لضهري رجعت جريت شعري ورا اذاني جلب بالحلقة مالتي
باوعتلها وكمت افكر معقولة يجي يوم وانزعها معقولة حاذق يتخلى عني لا مستحيل هوا يحبني
صاح صوت فززني
حاذق: نمتي بالحمام؟
سديت المي وجريت نفس عدلت وجهي وطلعت جان متمدد وحاط ايدة على عينه ردت اطلع صاحني
حاذق: تعاي تعاي
: شرايد؟
: تعالي اكلج
زفرت بتعب وكتله باجر كلي كملت مشيتي دنزل على ضحى انام يمها اليوم وصلت باب الغرفة وحسيت علي جرني وسركة الباب
اني الجمود محاوط كل جوارحي باوعلي متخصر واباوعلة ببرود
فرك وجهه حيل وكلي
: وتالي وياج؟
: شبيا؟
: حشاج انتي تسوين شي انتي اصلا تغلطين انتي معصومة
مارديت علي ابد درت وجهي ورجعت تمددت ع الجرباية منطيته ضهري هوا ضل واكف يزفر غمضت عيني
سمعت صوت القفل نفتح باوعت شفته لابس وطالع يالله بعد احسن ماليا واهسك خل انام هسة وفعلا نمت
فتحت عيني جنت مقيدة بكرسي بغرفة ضلام بيها دامس يادوب ضو بسيط مدري منين مصدرة
شفت روحي ملفوفة عليا زناجيل سود وحلكي مسدود مكدر احجي
شفت هيل وسماح وجهن يخوف واكفات كبالي ثنينهن وديذبن عليا شي اصفر ريحته تكتل
شفت حاذق من بعيد يدور على شي مادري شنو هوا اريدة يلتفتلي يشوفهم مايمة بس جان مخبوص ويدور واكو زلمة ماركزت بملامحة زين واكف ويا هيل
مااعرف هالمادة شنو يذبنها عليا ولا ليش اني مكلبجة بسلاسل هيج ولا سبب حيرة حاذق بس جان الخوف مسيطر على جوارحي
صرت اسمع صوته يصيحني
حاذق: وهم
وهممم شبيج بويا فتحي عيونج هوووو
فتحت عيوني لكيت روحي بغرفتي بين ايدين حاذق يفرك شعري يباوعلي بخوف وقلق ويلهث جنت بحلم الحمدلله
باوعت بتعب بعيونه المكحلات الماليهن قلق ولحنجرته الي كل شويا يبلع ريكه تتحرك رمشت بعيوني واني فاتحتهن ع النص تعبانة
نفخ براحة ولزم ايدي باسها من بطنها بوسة طويلة ما حجيت ويا شي لئن احس جسمي متحطم والنعس غالب عليا رفع راسة
حاذق: شبيج حبيبي؟
: تعبانة
كلتها وغمضت عيني واني بحضنة حط ايدة على خدي
حاذق: ديوجعج شي؟
: هء
: متاكدة؟
: امم
: حبيبي فهميني شبيج والله ممعوز
: شبيك انت ليش دتحجي هيج؟
: جنتي تونين
كالها وباوعتله بستغراب
: ليش دون هوا جنت نايمة؟
: نزلت دشرب جكارة بالمطبخ سمعت من الدرج صوت ونج طلعت لكيتج تونين بقوة بلا انقطاع
رجعت راسي بحضنة وكتله بنفي
: مااتذكر
: شنو جنتي تحلمين؟
: يمكن
: شجنتي تحلمين الخاطر هيج ونج عالي؟
فتحت عيوني تذكرت الحلم بس ماليا واهس احجي كتله ما اتذكر
ضل يفرك شعري بحنية واني ماليا اي واهس رفع حنجي بيدة ضل يباوع بعيوني واني اباوعلة باسني من شفتي بهدوء
تذكرت الليلة ليلة هيل
باوعت علي وكتله
: نزلت تشرب جكارة جوا هاا؟
حاذق: اي
: لا نزلت على هيل
كلتها وعوج حلكة يعني صدك نازللها نفرت من يمة وكمت
: ولج وين؟
: انت هم كوم
: وين بهل ليل؟
: انت روح لهيل واني دنام يم ضحى
: هاي شنو؟
: يالله كوم
: مجنونة
: كوم كلت
: شبيج نجنيتي؟
: ليش طلعتلي جان خليتني نايمة مو احسن
: سمعت صوتج وطلعتلج
: بلا جذب
: اصغر جهالج اني وتكليلي بلا جذب
: حجي الواقع
زفر وكلي
: اي نزلت لهيل بس مكدرت اعمل شي لئن شربت جكارة اول دروح وسمعت صوتج وجيتج
نطاني ضهرة وطفا الضو يالله جت منك عفته ونزلت دكيت الباب على ضحى وسماح من غرفتها كامت تحجي
سماح: شجابج ولج
: جيت على بتج
: دطلعي لغرفتج اطلعي
سحكتها رحت لغرفة ضحى فتحت عينها شافتني رفعت فراشها واشرتلي اتمدد يمها فعلا تمددت وتغطيت ببطانيتها صارت تفرك بشعري
بعيني النومة مااكدر اضل كاعدة حسيت بسماح طلعت من غرفتها تزافر وضحى تفرك شعري رحت بالنوم
احلامي كلهن صارن رعب لو اختنك بمي لو احترك لو حية تلتاف عليا كضيتها من حلم لحلم بثواني اتنقل بين الاحلام
فزيت على نغزة بيدي وجعتني حيل فتحت عيوني لكيته حاط ايدة على حلكة يباوعلي بقلق ومها تحطلي كانونة بيدي
مها: حمدلله ع السلامة عيني
ماحجيت بس هزيتلها راسي
مها: وهم شدي حيلج ميصير كل يوميا توكعين هالوكعات هاي اي خطية زوجج ماضل بي حيل
حاذق: جيب اليفهم
كالها وباوعلي سلمت مها وطلعت اجا تمدد يمي وباس راسي رجع حط راسة على بطني وحاوط خصري وحجا
حاذق: شلون تحسين روحج؟
: امم
: اوووف ماشيبتي حت رموشي
باوعتلة ماعاجبني وغمضت باس بطني ورجع حضني بقوة لدرجة ضلاعي وجعوني
: اااخ على كيفك معود
حاذق: شهل سلوب؟
: اذيتني
: خمو شسويتلج ترا بس حضنتج شبيج ماتكليلي
: مابيا شي عوفني اريد انام
كام من يمي مستغرب يباوعلي بغضب ما درتله بال نطيته ضهري
حاذق: شكد صايرة تنامين؟
: وين نمت؟
: شنو وين نمت من البارحة انتي نايمة
باوعت بالساعة بعدها 9
: اي الساعة بالتسعة بعد عوفني
: اي تسعة بس تسعة بالليل
باوعتله باسغراب فتح الباب صدك الدنيا ليل يعني صارلي من البارحة بال1اني نايمة
سحب ايدي قوي وخلاني بنص حضنة وصار يبوسني
: امعود تعبانة والله مابيا حيل
: دسكتي شويا بس وين اكو تعبانة تلغي كل هاللغي شو خل اشوف ضهرج
كالها ورفع بلوز نزلته ماعاجبني زفر وفات للحمام
تذكرت التحليل كمت اخذته من الجنطة ورحت استخدمته بدون اي واهس
ماجنت انتضر شي بس ردت اعرف اذا صدك جنت حامل لو لا كل فرحتي تلاشت
دقايق مرت طلعت النتيجة جريت نفس وباوعتلها
لاتنسون تصويت⭐⭐⭐⭐⭐
اسراء العزاوي
💜💜💜💜