تحضى نـار قلبي
السادسة والخمسون
....
.
.
.
.
.
....
تفاعلو على الفقرات فيروزات
_
من شوكت نامت؟
ردت علية الحجية
_ ساعة وأكثر عوفك منها خلها ترتاح الطريق طويل
شرايد خيرك؟ مو لـ الله تحچي وياي مصلحچي.
ضحك بهدوء و رد عليها
_لعد شسوي بيچ غير تنفعيني يا هشومة روحي.
ردت
_ساعة السودة إلي صرت بيها هشومتك
أحچي يمة شرايد؟
رد عليها
_ دربچ لبيتي ما يحتاج أوصيچ.
ردت
_ما يحتاج توصي خليها ترتاح كم يوم وأسوي عزيمة للگرايب.
بنيامين: هايهية لعد، ديري بالچ عليها يمة وخلي أخيل يقلل السرعة حتى لا تفز.
ردت علية
_مايحتاج توصي
مخليتها بنص عيوني حبابة ما ينسمع الها صوت.
بس تعال ولك شلون تخليها بلاية حجاب ولك ييمة الستر واجب وحرام على أبوها لان ماعلمها..
رد عليها
_ عوفچ من هل موضوع يمة بعدين نسولف بي، ما أجبرها على شيء هيَ راغبتة..
أستأذن منها وغلقة.
مسافة بسيطة و وگفت السيارة سمعت صوت أخيل يگول
_گعديها حجيتنا.
فتحت الباب وگالت
_لا عوفها على نومتها.
بقيت محتارة هسة أگعد هم يگولون تتصنت علينا..
لحضات كلش بسيطة وحسيت على الباب أنفتح وأيد تمسكت بيدي فزيت وأتحرك جسمي..
أبتسم بهدوء وگال
_هلا والله نورتي النجف كهرب..
رمشت أكثر من مرة
دنك راسة وكال
_تگدرين تنزلين لو أشيلچ؟
هزيت راسي برفض وحچيت
_أگدر أگدر أنزل ما يحتاج..
ضحك بصوت مرتفع وسحبني من أيدي
نزلت من السيارة
ودخلنة للبيت.
گعدنا بالصالة و أخيل طلع.
نزعت عبايتها على أكتافها وگالت
_شوفي يمة أني اليوم جبتچ وياي أريدچ نچرة مو ام دميعة بس أنفخ عليچ تطيرين.
أوكفي بوجة كل من يغثچ وماعليچ بـ بنيامين.
اذا بيوم من الأيام ضوجچ وزعلچ لا تعبين لسانچ ويا بس رفع جهازچ وخابريني إذا ما رجعتة الچ على الطريق المستقيم عتبي علية.
قاطعها بنيامين
_و عاد هشومتي شلون ماتريدلي عذر
ردت علية بتهديد
_رادلك گرصة إذن لا عبالك أخاف.
ضحك بهدوء وگال
_ كرصيها شگد ما تردين المهم منال هنا.
هاشميات: بعد كلبي هسة المهم هي هنا، هيچ صار الحچي.
رد عليها
_هسة شتردين بالضبط حجيتنا.
_أكرمني سكوتك حتى أعرف أحچي.
هز راسة بأبتسامة..
والحجية حچت وياي لحد ما گامت وگالت
_تعبتوني الله لا يشلع گلبكم.
طلعت گدام بنيامين وهي توصي علية.
دقايق ودخل واگف بباب الصالة حاضن أدينة لصدرة ومبتسم.
طولت نضراته وحرجني
أبتلعت ريگي وحچيت
_محتاج شيء؟
بلل شفتة وگال
_ما أريد أگلچ محتاجچ والنوب تتعززين علية وتعال أنشلع گلبك من جديد..
بس گومي سبحي وأرتاحي.
هزيت راسي وگمت وگفت وحچيت
_وين الحمام؟
أشر بعيونة ليگدام ألتفتت صاير گدامي
_دخلي للحمام بين ما أجيبلچ أغراض.
هزيت راسي ومشيت أتجاه الحمام.
دخلت وقفلت الباب نزعت ملابسي وفتحت المي..
غمضت عيوني لتلقي قطرات المي تنسال على جسمي.
أخذت شامبو غسلت شعري على النص سمعت صوت بنيامين يكول
_ اني رايح للحمام الثاني خليت الچ منشفة ودشداشة بالتعلاگة مجرد تفتحين الباب تگدرين تاخذيهن.
رديت علية
_اوك تمام.
غمضت عيوني وأغسل بشعري اريد أوخر الشامبو من شعري
رد عليه
_تحتاجين شيء لو أروح؟
مجرد گال هيج تذكرت كلامة من گالي محتفظ بـ أغراض مريم ما أعرف ليش گلبي أنكبت..
رديت علية
_منين الدشداشة؟
سكت لحضات بعدها أردف
_عندي موجودة.
رديت بغصة
_أعرف عندك بس ألمن و..
منو صاحبتها؟
كملي وأگلچ هسة أريد أسبح
_ أحساس قوي بداخلي يگول دام تشرد من الاجابة يعني لمريم..
قفلت المي ودموعي نزلن
حقدت علية وماخليت حچاية ما حچيتها.
فتحت الباب أخذت المنشفة نشفت شعري وأنتضرت جسمي ينشف وحدة.
رجعت لبست دشداشتي.
وطلعت من الحمام
گعدت بالصالة بدون ما أسوي شي.
ما طول ورجع لابس برمودة رمادي وتيشيرت نصف ردان أبيض.
مط جسمة وگال
_ بالنسبة إلي ميت جوع على عشا البارحة إذا أسوي أكل تاكلين؟
قبل لا أجاوبة كمل طريقة للمطبخ وجاوب نفسة
_أكيد تآكل قابل بكيفها.
وگف يم الثلاجة ما أعرف شنو يطلع ويحچي وياي
_يالكهرب تعال أشتغل مو حلت الك الگعدة
كمت وگفت ورحت يمة وگفت بعيدة عنة بمساحة صد علية أبتسم وگال
_شلونچ بالفلفل الحار من النوع الأوي لو جرعة تاكلين؟
رديت بهدوء
_عادي آكل
طلع طماطة وبيض وفلفل أخضر.
حطهن على الميز إلي بالنص أخذ مثرامة وسچين وگف يثرم.
صد علية وگال
_طلعي طاوة من يمچ وراس بصل هم.
طلعت الطاوة خليتها على الطباخ وأنطيتة البصل.
ثرم بسرعة وكلش ناعم ثرمة.
حط البصل مجرد حمس ضاف الفلفل والطماطة.
غطة الطاوة وطلع قوري ضاف بي مي وهيل وعود قرفة والچاي
حطهن على الطباخ هم.
غسل المواعين إلي أستخدمهن
نشف أدينة وصد علية گال
_طلعي الخبز من الثلاجة.
هزيت راسي ورحت للثلاجة طلعت الخبز من الفريزر خليتة على الميز..
حسيت بـ بنيامين وراية بس أتجاهلت وطلعت الخبز من الكيس..
_ليش بقيتي على هاي ما غيرتيها؟
رديت بعدم مبالا
_شنو هيَ
_الدشداشة أكو غيرها؟
أبتلعت ريگي وحچيت بالگوة
_لان مرتاحة بيها..
رد بستفسار
_بس لان أرتاحيتي بيها هل بقيتي لو غير شي؟
بللت شفايفي وحچيت برجفة
_لان مرتاحة ماكو غير شي..
_مناال
رديت
_همم
_التفتي من أحچي وياچ لاتنطيني ضهرچ.
صديت علية وحچيت
_ها بنيامين؟
تقرب علية ما تفصلنة مساحة
حضن جسمة بدينة ومدنك علية بصفة هو طويل واني قصيرة مقارنة بي..
_أحچي الصـراحة أبد لاتلفين وتدورين وبيوم إلي تشكين بشي او تضوجين من شيء أختصري كل الطرق وتعالي سأليني وتأكدي يكون جوابي واحد بدون لف و دوران..
وبالمقابل أريد منچ تكونين هيچ.
هزيت راسي بهدوء بدون ما أحچي وهو كرر سؤالة
_ليش ما غيرتي؟
رفع راسي بطرف أصابيعة.
صارت عيني بعينة..
گلبي يدگ بقوة درجة أحس أختنگت..
رمشت أكثر من مرة وحچيت
_ما ألبس شيء بدون ما أعرف هو راجع ألمن.
أبتسم بهدوء وقلص عيونة
_ الدشداشة لمريم عندچ أعتراض اذا لبستيها ما أنتِ أخذتي خطيبها..
فتحت عيوني بصدمة من كلامة
أحس روحي أشتعلت بدون وعي مني دفعتة بقوة وطلعت من المطبخ ضحك بصوت مرتفع وركض وراي سحبني من أيدي عطت بوجهة
_شكوووووو خييييررررر شتريد منيييييي هاااا
_المن هل عصبية يا لوير قابل أني شنو حچيت..
دفعت أيدة مني وحچيت بعصبية
_ عوفني صوجي أني إلي قبلت بيك وماحچيت شي اني حقيرة وغبية لان وافقت عليك وهسة عوفني أريد أنطمرررر
التفتت ردت أمشي شالني وصعد الدرج.
ضربت على صدرة وحچيت
_وخررر بنيامين لاتكرهني بيك..
صد علية وهمس
_ليش أنت تحبيني
خزرتة وحچيت بغصة
_لا لا
رفع حاجبة وحچة
_ أنتضري بس خليني اوصل گلت هسة ألكاها ريشة أشو طلعتي چنچ البقرة شثگلچ.
فتحت عيوني وحچيت
_وتعرف زوج البقرة منو يالثور.
ضحك بصوت مرتفع وگال
_عمي إذا ما أگص هل لسان ما أطلع بنيامين.
نزلني يم غرفة دفعت أدينة عني وهو بالمقابل أحتضن خصري وشد على قبضة أديني..
دنك وهمس
_بس عوفي شراستچ وشوفي بعينچ حتى يرتاح إلي بداخل جمجمتچ يالغيورة.
منال: مو غيورة أفهم.
_ هاي غرفة إلي چانت على أساس لمريم وإلي كل شيء يخصها بيها.
منال: و ليش جبتني الها هااا ليش هل درجة تستهين بمشاعري بنيامين
_يا روح بنيامين أنعل صفحة أهلة إلي يستهزء بيچ.
فتح الباب ودخل سحبني الة وگال
_شوفي بعينچ حتى توخرين هل وهواس إلي عندچ وتنكسر كل هل حواجز.
أنصدمت من إلي شفتة رمشت أكثر من مرة وحچيت
_تضحك عليه لو شنو؟
أبتسم وحچة بهدوء
_الشرط ألأول لهاشمين هو ما تبقى لو ذرة بهل بيت ذكرى من مريم.
وبيوم الحسيت نفسي فعلاً مستعد لأتخاذ هل خطوة أتخذتها وكل اغراضها والغرفة وديتهن بيد الحجية لأهلها.
ركزت بعيونة وحچيت
_من شوكت
_قبل وفاة أبوچ بفترة.
عقدت حواجبي وحچيت
_ولدشداشة لمنو؟
مسد على شعرة وأردف
_لوحدة من عشيقاتي الأربعين.
دفعتة من صدرة وحچيت
_أحچي بنيامين ألمن؟
سحبني من أيدي وطلع من الغرفة وگال
_ أول خليني أطلع وأشوفچ حتى تصدگين.
فتح غرفة ثانية ودخل أشر على السرير وگال
_هذني الچ دزيت ميادة تشتريهن لان عرفت من هاشميات ما ينفع تجيبين اسود.
على الاقل يمشنچ كم يوم
عدل روحة وأردف
_وهل غرفة الچ مجهزها هم.
بعدني على سكتي سحبني علية وعض شفتي بدون سابق أنذار..
دفعتة عني تمسك بخصري وحط راسة على راسي وحچة بلهثة
_ يعني بربچ حالف ما أتقرب على هل شفة بس لسانچ الزفر كسر حلفاني وهسة هم شلون چنت راسم فكرة تعالي هم كسرتها بسببچ.
رفعت حواجبي وحچيت
_ليش أني اجيت وگلتلك تعال عض؟
قلص عيونة وتقرب علية گال
_ چنچ مجربة البوسة وتعرفين الفرق بينهن!.
گلبت عيوني وحچيت
_ الأكل أحترگ عود.
هز راسة بهدوء ومسد بأبهامة على شفتي
حركة لا أرادية بللتها..
سحبني علية وتقرب أكثر..
دنك علية ولهم شفايفي بهدوء
غمضت عيوني تاركتة براحتة..
فصل البوسة وارتاك على گصتي و همس
_ننزل نآكل أحسن مو..؟
رمشت وهزيت راسي بقبول.
نزلنة للمطبخ لگيتة مطفي لطباخ والطاوة.
رجع شغلهن وضاف البيض بين ما هو واگف كملهن.
حطهن على الميز وصب الچاي
أخذ الخبزة وبدأ يآكل.
صد علية وگال
_لاتصيرين إلي نازكة أكلي ترى ما اعرف أحد كدام الأكل.
هزيت راسي وأخذت خبزة أكلت لفتين وشبعت كملت كوب الچاي و بنيامين أستمر يآكل..
كملنة الأكل وغسل المواعين وگال
_تعالي للصالة كهرب..
طلع گدامي وگعد فتح التلفزين على فلم وصاح
_تعالي لوووير.
رحت يمة گام وگف طفى الضو وگال
_ فلم لعبان نفس بس على الأقل أحسن من ما نسكت.
رفعت حواجبي وحچيت
_نعسانة أريد أنام أنت تابعة وحدك.
رد
_لعد بعد أحسن أمشي نصعد
راد يصعد التفت علية وگال
_شلون نسوى أروح أقفل باب الشارع وأجي أذا تردين صعدي.
طلع من يمي صارت عيني على الدشداشة أخذتها وغيرت.
ويا ما طلعت من الحمام صار گدامي أبتسم وهمس
_يلا عيني أني صاعد وأنت قفلي الأضاءة وصعدي هم.
ما رديت علية وگعدت على القنفة حاضنة جسمي.. بين الگاعدة والنايمة فزيت على صوت صياح ..
أحس نفسي تخردلت ونفسي سرع طلعت أركض لمصدر الصوت
وگفت بـ باب بيتنا الخارجي أسمتع
_خنيييث هوَ هذا إلي طلع منك وين تزوملتك وكلامك وتهديدك أشو فووووخةةة
رد علية بصوت متقطع
_أندمك بس أنتضرنييي مو أنتَ تخوفني..
سمعت صوت طكة قوية وصياح بنيامين
_ أبن أمك مو بس كلام شوفنييي أفعاااال يالنثيةةة
طلعت وأشوف بنيامين واگع من طولة والدم تارسة
شهگت وصرخت ب، أسمة ركضت ناحيتة گعدت بجانبة وهو رفع أيدة بتهديد وگال
_ لا تشوفني چهرتك الزفرة أبن الم....
يتنفس بسرعة ويلهث..
رد علية
_خوفاً على أخلاق اليمك أسكت لان مقدرك أنتَ واحد كو.. بايع وشاريوهيَ جنس لطيف مو مال تزومل وتگو..
فتحت عيوني بصدمة هاي يخاف لا أسمع. هيچ يفشر چا لو يريدني أسمع شيگول..
صارت عيني علية
شاب طويل هيئة ضخم ومتألق باللبس العسكري إلي صاير عبارة عن تراب.
مجرد ألتقت نضراتنة عقد حواجبة رفع نضارات شمسية أرتداها وصعد سيارتة شخطها ومشى..
أحس شايفتة من قبل بس ما أتذكر المكان والزمان..
گام بنيامين سحبني من أيدي ودخلنة للبيت.
غلق الباب وهو يفشر فشاير ما ينلبس عليهن ثوب
أنصدمت بي أول مرة أسمعه يلفضهن.
گعدت على القنفة وهو يفتر دوخني بفرتة
زفىت نفسي وحچيت
_كافي مو صرت أبو راسي بس تفتر مادخت؟
صد علية عاقد حواجبة وگال
_والله لـ أطلع حليب أمة من خشمة لهل المن... يمدأيدة علية لا وسفة تبقى صاحية كلة على بعضة خلگ نقيب لا يقدم ولا يأخر.
رفعت حواجي بأندهاش وحچيت
_نقيب ومايقدم ويأخر لعد يحظي منو إلي ينسمع كلامة وأوامرة ممكن أعرف يا بنيامين.؟
رد بعد ما نفض أدينة
_بكل سهولة بس المني.. واليكو.. ينسمع كلامة بهل بلد.
رمشت أكثر من مرة وحچيت
_ما تگول عيب هل ألفاض مو چنت ما تفشر هسة شجاك متگلي؟
نزع تيشيرتة وحچة
_ ببساطة يا كهرب أنتِ بالوقت الحالي بديتي تتعرفين على إلي وگعتي بحبة بدون ما تعرفين هوَ منو وأبن منو وأذا بي خير لو ميمي لو خرگة
بعدنا بالبداية شاهدي بدون ما تنصدمين بحقيقتي إلي محتصرها..
رفعت حاجبي وحچيت
_أنتَ غريب
بنيامين: يسوا ألف حبيب..
أبتسمت بهدوء وحچيت
_هاي شجابها هسة؟
ضحك بهدوء وحچة
_تدرين أنتِ فاهية بس شسواچ محامية ما أدري.
رديت بعدم مبالا
_إلي سواك سواني.
رد برفعة حاجب ويأشر على نفسية
_هسة اني فاهي؟
رديت
_مگلت فاهي.
هز راسة ودخل للحمام.
لحضات فتح الباب وطلع راسة گال
_صيري نچرة وسوي ريوگ يلزم الگلب
الثلاجة متروسة كل إلي تردي بيها.
سد الباب وشغل الدوش
گمت غسلت وجهي وسويت چاي وطلعت جبن مثلثات ومربى جزر.
بين ما خلص كمل الچاي وطلع بيدة الخاولي ينشف شعرة ويگول
_أگلچ أشو ماكو ريحة غير الهيل شنهي كملتي بعدچ؟
هزيت راسي برفض وحچيت
_لا كملت أنتضرك.
حط الخاولي على الكرسي وگال
_ليش شسويتي؟
رديت اني وأشر على الميز
_جبن ومربى.
بهتت ملامحة وحچة
_ لا بربچ تردين تموتيني من الجوع لو أتوبيني من سالفة الطبخ
رديت بصدق
_غير ريوگ و أكو جبن طلعتة
لاحضتة فاتح حلگة معاجبة الوضع
أحتضنت أديني وحچيت
_ليش أنت شنو تتريگ؟
رد وهو يفتح الفريزر
_بعد چلاويي أكلي الجبن والف عافية
وأذا علية الجبن أجيبة حتى العصريات لو بين الوجبات أسوي لفات مو أتريك وأنتضر الغدا.
رفعت حواجبي وعيوني مركزة علية شيسوي..
طلع كيس شفاف بي لحم حطه بطاسة بيها مي
وأخذ تختة وراس بصل وطماطاية.
صد علية و أشر بالسچين
_تعلمي باباتي.
أندمج يدندن ويا روحة
عد وانا عد ونشوف ياهو اكثر هموم
من عمري سبع سنين وگلبي مهموووم
راحو ويلي راحو بعد ما ردو احبابي
عندي واخاف عليك
وتدورك امك موش بسواد العين بصبيها اضمك
ضل يردد بكلمات الأغنية وبالأخص هل مقطع لحد ما خلص الثرم وشغل الطاوة ضاف زيت قليل وبعدها البصل المفروم لحد ما تشوگر وضاف اللحم جزت نفسي لان ضافة بدون سلگ ما أتحملت أسكت حچيت
_ بنيامين بربك وين أكو واحد يسوي هيچ غيـر تسلگ اللحم ما يصلح هيچ..
صد علية صفح وگال
_على كيفچ ام الصلح ترى اللحم أول ما أجيبة من الگصاب أسلگة وأقسمة بالأكياس وأخلي بالفريزر حتى أخذ منة وجبات ومالي خلگ أنتضر وقت السلك هل أختصر الوقت.
رديت بدون ما أنتبه
_ام بيت سنعة..
حمسهن وصد علية گال
_أم الگطل ياهو أم بيت سنعة شنهي مو بعينچ الـ.....
وإذا ماتصدگين الكلام أسويلچ أفعال حتى تبقى ببالچ بعد چبدي.
عطت بأسمة وحچيت
_لا لا مستحيل معقولة أنت بنيامين المؤدب والحباب هيچ تفشر لعد شنو عفت للهمجي
رد بعدم مبالا
_ شنهي خايبة شايفتني ماشي گدامچ عاري وطلعت مو مؤدب بعد چبدي من أسمة شاب غسلي أيدچ منة لان الشباب مابينهم ستر كلة واااط وطك بطك ماعدهم مستور وماكو مؤدبين ومايفشرون.
هزيت راسي وصبيت الچاي
گعدت آكل وهو رجع أندمج ويا نفسة بالشغل وكرر أغنية عد واني أعد.
گعد گدامي وأخذ خببزة سوا لفة وأكل
رفعت عيوني وحچيت
_على كيفك مو تگول الجبن بس للعصريات وبين الوجبات أشو هسة تاكل؟
أخذ الكوب مالتي وگال
_ شبيك كهرب على كيفك هوا جبن.
نهة كلامة بضحكة وگام
جاب الطاوة وحطها گدامنة وگال
_بس ذوگ هل أكل وأذا ما غميت نفسك أعتب علية.
أخذت لفة صغيرة أكلتها كلشش طيبة
رفعت عيوني علية وحچيت
_تلومني من أگول أم بيت وأنتَ تعرف تطبخ أحسن مني.
رفع جسمة وتلمس برمودتة وكال
_شكلچ قافلة تردين تتأكدين شني موجود..
عطت بـ أسمة وحچيت
_شبيك والله تخبلتتتت
گلب عيونة وگال
_مصيرچ تشوفي المن المستحة بعد چبدي.
رديت بنفرزة
_والله خبييييث
غسل أدينة ورجع گعد گدامي كص خبزة وگال
_لا تتطاولين وياي ولا تدوسيلي على طرف حتى ما أنرفزج و أستفزچ.
رديت بعفوية
_ ولساني شلون بي؟
بعد اللفة إلي كانت بيدة
و بلل شفايفة بعد ما قلص عيونة
وأردف
_ببساطة وسهولة أعضة حتى ينبلع.
منال: شگد متعب إلي ربا ك.
أبتسم طرف شفتة وهمس
_ الحجية ربتني شترديني امام جامع
منال: مصيرها تجي وأگول الها حفيدچ يگول مو زينة تربية الحجية.
ضحك بهدوء وأردف
_لچ بابا شگد أرتتح من أداهرچ.
رفعت حواجبي بستهزاء وحچيت
_قصدك تعارك وتسوي مشكلة.
هز راسة وحچة
_ الاكشن يمشي بدمي اني والرمنسيات ما نتوالم تأكدي بيوم نويت أسوي مفاجئة فشلت و لهل سبب گعدت وسكتت لان الرومنسية معناها دراما وشلون گلبي يحب الدراما إلي بحياتي كافين و وافينن.
گام وگف غسل أدينة وصد علية گال
_عوفچ من هل حوار وگومي جهزي نفسچ
_ليش وين
بنيامين: شگد صار الچ مزايرة؟
منال: زايرتمن؟
بنيامين: شلون أجتني أحچاية شكبرها بس أمشيها الچ
منال: فهمني أزورمن عوف حچاياتك
بنيامين: كـافل اليتيم أبونا ثنينة الامام علي علية السلام لاتگليلي ماتعرفي.
رديت بسرعة
_شلون ما أعرفة والنعم منة.
بنيامين: طلعيها للجوهرة وگولي شگد صار الچ مزايرة.
منال: والله ما أتذكر بس آخر مرة ويا أبويا..
بنيامين: الله يرحمة، يلا لعد حضري نفسچ نزور الامام علي حسبي حساب لليل يلا نرجع.
منال: أحسن شغلة حچيتها وسويتها من البارحة واليـوم.
بنيامين: الف رحمة تنزل على گبر أبوچ سويتيني فد مرة.
گومي گومي أمري لـ الله.
تركني وصعد للغرفة.
صاحني مشيت قريب على الدرج مد جسمة وگال
_كهرب المشاغب ملابسك بغرفتي عودييين
رديت عليه
_كمل وأصعد.
صفن علية لحضات وهز راسة.
تركتة ومشيت گعدت بالصالة أنتضرة ينزل.
نص ساعة عدل يلا كمل نزل من الدرج على أخر حبة إلي يشوفة يگـول عندة عرس مو يزور.
گعد گدامي فتح جهازة وحط رجل على رجل.
كل تحركاتة هادئة ومتزنة من يوم يومة هيچ..
صعدت للغرفة فتحت الباب ودخلت طلعت ملابس لگيت صايات ثنين وحدة فيت على قياسي وياها شال جرجيت.
لبست البنطرون والبدي وفوگاهن الصاية والحجاب خليتة على راسي بـ أهمال..
أخذت جهازي ونزلت
مسافة بسيطة تفصل بينا
گـام وگف صفن علية وعيونة حاوطني..
أبتسم بتنهيدة وحچة
ليقولوا ما يقولوا فليس هناك شيء أجمل من سترك اللعين..
رفعت حواجبي وحچيت بهدوء
_متشكرة.
بلل شفايفة وتقرب علية
سحب الحجاب ونفضة بعدها طبگ مساحة صغيرة
ورجعة على راسي..
مساحة من جهة قصيرة والجهة اللخ طويلة
لف الحجاب وعدل اطرافة بتماسك.
نضراتة وترتني لدرجة أحس أختنكت من گد ماتنفست..
تلمس خدي بأصابعة الدافية وهمس
_الحجاب الة أحترامة لو ينلبس بالشكل الصحيح بدون ماتطلع شعراية وحدة منچ يا بلا.
العيون من تشوف تحفظ ومو بعيدة تمرين على بال بوقت أبد مو مناسب وهل شيء يعتبر مشاركة بالحرام.
ركزت بعيونة وحچيت بهدوء
_يعني شلون!؟
أبتسم وعض شفتة بمكر..
تقرب علية أكثر وهمس يم إذاني
_بوقت الرذائل والـ....
بس تخيلي قرف الموقف.
أبتعدت عنة فاتحة عيوني بصدمة من كلامة والفاضة
أبتسم وهمس
_طريق ورانا هم يلا نطلع.
طلع من الصالة واني بعدني على صدمتي بكلامة..
طلعت بعد ما سمعت صوتة يناديني.
صعدت يمة بالصدر وهو ساق بعد ما شغل أغنية عد وانا أعد.
طول الطريق يدندن ويا الأغنية
تمسك بقبضة أيدي وصد علية گال
_ليش صافنة!.
صديت علية وطفرن دموعي من عيني
بالگوة حچيت
_أريد أروح للمقبرة..
قوة على مسك أيدي وگال
_والدچ مدفون بكربلاء مو هنا.
رديت بخنگة
_صدك؟
تنهد بهدوء وحچة
_وداعة عيونـچ الماليتهن الدموع.
سكتت ما حچيت شيء ويا
مشى مسافة وگال
_شتگولين من نرجع من الزيارة أخذچ لـ أهلي و وعد مني باچر الفجر نطلع ونروح لكربلاء هم نزور الامام والمقبرة سوا.
هزيت راسي بقبول وحچيت
_ مو تخلف
أبتسم وحچة
_ولو أكره دخول المقابر بس لعيونچ تهون.
رديت
_أني چنت هيچ بس هسة أختلف الوضع..
بنيامين: من زمان أتخبل من المقابر لان أخذت ناسي والعام زاد كرهي الها أضعاف.
صديت علية وحچيت
_يعني قبل ما چنت تروح للمقبرة؟
صد علية بحركة سريعة وگال
_تردين الصدگ لو أبن عم أبو!؟
أبتسمت لكلامة وحچيت
_أكيد الصدك.
بنيامين: قاطع صلة الرحم والمقبرة مادخلت رجلي الها غير بوفاة مرايم وبنات ياسين وآخر مرة بوفاة والدچ.
ركزت على ملامحة وحچيت
_تحبها؟!.
صد علية بحركة سريعة وگال
_شگد تحبين تغثين روحچ لخاطر محمد.
رفعت حواجبي وحچيت
_ليش؟
رد بدون ما يصد علية
_لان تعرفين الأجابة وتسألين.
رديت بخنگة: يعني تحبها بعدك مو؟
زفر نفسة وأردف
_ نمنم كل واحد يگول الحب الاول ينسي هذة يبيع مسقول خاصة إذا چانت ما مفتعلة ضرر.
وأرجع وأكول الچ
أنتِ روحي وعقلي وكياني
كل شيء بيا رادچ وتمسك بيچ.
والدليل تركتچ مدة وتأذيت درجة ما أفكر بغيرچ
راسمچ ببالي ومتعلق بيچ لدرجة ما تتخيليها.
و برأيي التعلق أفضل من الحب بألف مرة.
أنتِ قسمتي ونصيبي وفالي الحلو.
سكتت بدون ما أرد علية
لان إذا أحچي أچفص بالحچي ولهل سبب فضلت السكوت..
صديت على الجامة وشردت بصفنتي لحد ما قاطعني صوتة يگول
_نمنم
رديت بعدم مبالا
_همم
بنيامين:شبيچ أنخلستي
منال: ماعندي شيء أحچي.
همهم وزاد السرعة مسافة قليلة كلش و وصلنة.
نزلنة من السيارة بعد ما صفها بالگراج وتمشينة مسافة
وگف بنيامين يم محل و أخذ منة رداء صلاة
حاسبة ورجع علية
أنطاني الرداء وگال
_ ما يقبلون تدخلين تزورين بدون عباه
من تدخلين يم التفتيش لبسي الرداء حتى ما يرجعنچ.
أخذتة منة وهزيت راسي..
مسافة كلش بسيطة وصار گدامنة الامام علي علية السلام تلقائية رجف گلبي ونزلن دموعي..
برودة أجتاحتني درجة أطرافي رجفن..
حسيت على دفو أيد بنيامين متمسكة بيدي
صديت علية وزادن دموعي..
أبتسم إلي بطرف شفتة وهمس
_امشي للكشوانية حتى نزور.
هزيت راسي وتمشينة لكشوانية النساء
بعد ما أخذ الرقم ردت أدخل التفتيش حچة
_لاتنسين الرداء لبسي حتى ما يحاسبنچ
واني أبقى هنا أنتضرچ خاف يستمطن ويرجعنچ.
هزيت راسي بدون ما أحچي و دخلت للتفتيش.
لبست الرداء وفتشني ماكو أزدحام قليلين الناس الموجودة..
تمشيت واني أتلفت الريحة تاخذ الروح بحيث أستنشقتها لحد ما حسيت ملت ريتي منها..
دخلت من باب تودي للامام
ما طولت و وصلت للشباك
مجرد خليت راسي علية وتمسكت بي بدية نزلن دموعي بغزارة..
ما حچيت ولا دعيت مجرد حسيت براحة وكأنو دموعي هيَ التشكي..
بچيت بشهگات لحد ما أنقطع النفس وحسيت على فد شيء على راسي..
أبتعدت عن الامام وتلمست راسي سحبت منة علك لون أخضر مشدشد مغطيني.
التفتت صارت گدامي مرا مو كلش چبيرة گالت
_هذة من الامام الچ وكع من على الشباچ عليچ.
فتحي العگدات وگولي
العگدة المابيها أذية ينفرج همة لان أنتِ غريبة وماتعرفين أصحابهن يگولون ربچ يفرج همة من تنفتح هل عگدة..
هزيت راسي وحچيت
_خاف مايقبلون أخذة!؟.
أبتسمت وحچت
_أني أشتغل هنا أخذي حبيبة ما يگولون شي.
تركتني ومشت
لميت العلگ حجمة چبير نوعاً ما..
رجعت زرت ومسحت العلگ بالامام وطلعت قريت الزيارة وصليت وطلعت من الامام.
مشيت مسافة صار گدامي بنيامين گاعد بيدة الجهاز.
وگفت يمة و حچيت
_كملت زيارة..
رفع راسة وأبتسم
_مقبولة الزيارة..
رديت: شكراً.
تحمحمت وأردفت بهدوء
_وأنت شوكت تزور؟
بنيامين: حمد الله زرت و أنتضرتچ.
صد على العلك وگال
_منيلچ هذة؟
صارت عيني علية أبتسمت وحچيت
_ أندثناء ما أزور وگع علية والي تشتغل بالامام گالت أخذي هذا الچ.
هز راسة وگال
_سامع من هاشميات تگول بي أشارة مدري شنو بس ربج راح يحقق الي تردي..
صديت علية وحجيت
_بس اني ما تمنيت شي ولا حتى دعيت..
صفن بعيوني وحچة
_أحتمال نية أكو ومن هل قبيل..
تحمحم وأخذ أيدي ومشينة.
دخلنة لسوگ كلش چبير صد علية وگال
_ إلي محتاجتة وتردي كولي لانما أضمن الچ جية ثانية لهنا.
هزيت راسي ومشينة.
وگف يم محل ملابس نسائية وگال
_ تاخذين لو أختار بكيفي؟
رديت بعدم مبالا
_أنت أختار.
_ما أضمن أختياراتي أحذر من أنذر.
هزيت راسي وحچيت
_واثقة بذوقك اختار أنت.
أبتسم بخث وأفتر وحدة بالمحل
ويأشر والولد ينزل.
سمعتة أنطة قياس أصغر من قياسي خجلت أگلة قياسي أكبر..
كمل وأخذ الأكياس وطلعنا من المحل.
رجع دخل لمحل ثاني وكرر سؤالة
_نمنم شتگولين تختارين لو أختار؟
رديت: أنتَ أختار.
وما كذب خبـر أفتر بنص المحل وأختار هوَ بحيث أحسة مختص گعد ينسق بين لقطع رغم هن لون أسود.
بس إلي صدمني حجم القطع إلي أخذهن أكبر من قياسي.
صد علية وحچة أثناء مانطلع
_تردين شيء لو نكمل طريقنة؟
رديت: لا نكمل بعد ما أحتاج شيء.
هز راسة ومشى ما عدة هواي محلات و وگف صد علية گال
_شنهي كهرب تردين تطلعين حافية للشوارع؟
بعدني ممجاوبتة سحبني من أيدي ودخلنة محل أحذية وهل مرة ما تعب نفسة ويسأل
أختار أحذية ثنين كعب متوسط و وثنين رياضي وفلات.
مجرد قستهن وطلعنا.
مسافة بسيطة وصعدنا بالسيارة حط الاكياس ورجع صعد ساق مساف. وصد علية گال
_ أگلچ ما نسينة شيء مو.؟
رديت: اي.
كمل الطريق و وگف يم مطعم نزلنة تغدينة و ويا خلصنة الآكل طلب مشروب غازي هستوني أحتسيتة وگال
_ شلون تگولين ماكو بعد شيء وما عندچ داخليات؟
مجرد نهة كلامة غصيت بالمشروب درجة أحس طلع من خشمي وهو يگول
_أسم الله شبيچ.
الناس كلها أنتبهت علية غصت بنص ملابسي من الخجل..
گعد بعد ما انطاني المي..
تقريباً ما طولنة وطلعنة وکف يم مجمع طبي
صد علية گال
_حاجز الچ يم الدكتور حتى أطمئن على وضعچ.
أول ما دخلنا للعيادة فحصتي وانطتني تحاليل سويتهن وللعصر يلا كملت أنطتني علاج وطلعنا.
رجعنا للبيت المغرب نزلت گدامة فتحت الباب ودخلت.
تمددت على القنفة أحس ضهري أنكسر
لحضات ودخل للبيت محمل الاكياس حطهن على الارضية وتخوصر
_ عليچ دين محمد هل ملابس أني ألبسهن لو أنتِ؟
رديت: اني، ليش
رمقني بنظرة صفح وگال
_لعد ليش عيني ماتجين تشيلين وياي؟
حضنت أديني وحچيت
_ منو إلي أختار هاا؟
محد ضربك على أيدك وگالك روح أشتري.
رفع حواجبة وگال
_مو شكل أحترام وحق الكح..
هزيت راسي وهو طلع ينافخ تنيفخ.
ضحكت علية. بقيت بمكاني.
لحضات ودخل نزل الاكياس وگال
_من بعد حضرت جنابچ المني.. ممكن تصعدينهن للغرفة.
رديت: اي ممكن.
هز راسة وأخذ منهن صعدهن للغرفة
واني كملت الباقي وصعدت لگيتة مبدل ملابسة.
صد علية وگال
_اني طالع أسوي عا مصاريني گاعد تتگطع كملي ونزلي.
هزيت راسي وهو نزل.
طلعت الملابس حطيتهن بالكنتور وصارت گدامي دشداشة مو كثير قصيرة تحت الركبة لنصف الساق.
اخذتها ونزلت لان أريد أسبح
صديت على جهة المطبخ الاخ منطرب على أغنية عد يدندن وياها وخابص نفسة.
دخلت للحمام علگت الملابس وفتحت المي
غسلت وخليت شامبو لشعري غسلتة وغمضت عيوني بهل أثناء سمعت صوت شهگة خفيفة وغلق الباب بقوة وگال
_ شوكت نزلتي رحمة للكح..
رديت علية
_ليش أنت دخلت علية؟؟
رد بعصبية
_لا على ك. أمي.
فتحت عيوني بصدمة من ألفاضة وغسلت شعري بسرعة.
نشفت ولبست الدشداشة وطلعت لافة شعري.
لگيتة گاعد ويكنك بالجهاز صد علية وگال
_أسبح ونتعشا الأكل صار.
هزيت راسي وهو دخل للحمام.
مشطت شعري ورفعتة
گعدت بالمطبخ أنتضرة
ماطول كثير ورجع گعد وگال
_بربچ أحمي الچاي.
هزيت راسي وحميتة
طلعت لخبز وگعدنا ناكل
أخذت كوب الچاي أحتسيت منة
صد علية وگـال:
_ يوم توقف الحوار بين نهديك المغتسلين بالماء
وبين القبائل المتقاتلة على الماء
بدأت عصور الإنحطاط..
أعلنت الغيوم الإضراب عن المطر
لمدة خمسمئة سنه..
أحتسى الچاي وأبتسم بعدها أردف
_لم أعلم ولن أفكر بجمال نهودك حتى رأيتهن بأعيني..
غصيت بالچاي وهو ضحك بصوت مرتفع وگال
_الله يساعدچ على حملهن يتبع..
_رأيكم بالحلقة وتوقعاتكم للحلقة القادمة.
_ها عيني شخبار السكر
_ تفاعلو على الفقرات فيروزاتي.