تحضى نار قلبي

حلقة الرابعة ولخمسون.

تحضى نـار قلبـي.
الرابعة والخمـسون
.
.
.
.
.
.
.
.
........
تفاعلو على الفقرات فيروزاتي.

أبتسم وغمز وأردف بهدوء
_لا كهربي بس أعرف القاضي راح يجر  ويعر بيها لحد ما تطلع روحي على الأقل من هسة أحسن من ما بعدين وتطول زيادة..

و أهم شيء ممنوع السفر ولاتختبريني منال لان وداعتچ محد يلزمني أنسان طالع من الطريق.

واليوم تحچين ويا القاضي لان وحق ضلع الزهرة يا منال أذا ما تحچين ويا أعتبريني اليوم باليل أني بسطحكم.

قاطعنا صوت ياسين ينادي على سرور..
عقد حواجبة  وفتح الباب.
طلعت وراه  شفت سرور صعدت لغرفتها
دخلت للصالة سمعت يگولون واحد من ياسين مستشهد.

عزيت ياسين وطلعت لان أبويا أتصل علية.
رجعت للبيت  مالگيتة صعدت لغرفتي تجاهلت كل شيء ونمت..

خلص اليوم ودك المنبة.
سبحت وأرتديت ملابسي إلي مجهزتهن إلي.
نزلت من الغرفة لگيت أبويا گاعد.

أبتسمت بهدوء وگعدت يمة.
أتريكت قليل وطلعنة من البيت..

بعدها الشمس ما طالعة والهوا بارد.
صف السيارة ونزل أغراضي.
دخلنة للمطار  أني گعدت وأبويا تكفل بكل شيء
لحد ما دخلنة لصالة الانتضار.

خلصت النص ساعة بسرعة و ودعت أبويا وصعدت بالطائرة..
رغم الألم إلي أعتصر گلبي وروحي  أتجاهلتة
على گولت أبويا ألم ساعة ولا سنين..
نزلن دموعي مسحتهن بسرعة وحچيت بگلبي..
_ أسفة بنيامين بس أني مو حمل أعالج جروحك لان واثقة من خسارتي لنفسي..
لا أنتَ تحبني ولا أنتَ معجب مجرد تريد تنسى حبك إلي واثقة من عدم نسيانك..

سرعة الفترة القضيتها بتركيا  درجة ما حسيت غير راجعة للعراق..
لا أرتاحلي بال و لا أنجبر خاطر.

علاقتي بوالدي تمام التمام الحمدلله 
وبنيامين أنمحة من حياتي بس مرافق أحلامي..

مشت الأيام وأتدهورت صحتي لدرجة  أواخر الفترات ماگدرت أوگف على رجلية..
والسبب ألم قوي ببطني لكن أراجع يتضع عندي أنتفاخ بالقالون العصبي..

كل العلاج الي أخذتة ما جاب نتيجة وياي ضرري أكثر من نفعي..

وصلت مرحلة تبچي الغريب على شوفة حالي..
أبوية عينة ما تغفة أربعة وعشرين ساعة يمي وگدام عينيي..

مااكل اذا مو من أيد أبوية..
شكلي تغير كلش  درجة محد يعرفني..

ليلي نهاري نايمة بالصالة وبيدي المغذي.
قبل وفاة بنات سرور بأيام حولوني عملية لان أكتشفو المرارة ملتهبة وتفرز مادة للمعدة.

سويت العملية ونجحت الحمد الله.
وبعدها بشهرين بس سويت عملية للزائدة.
نفسيتي تطينت وروحي لعبت من كل شيء.

أفتح نت أنشر ستوريات وأطلع من الفيس.
وأغلب وقتي بحساب بنيامين..

أحياناً أغفة واني أگلب بالحساب بحيث أحس على أبوي يسحب الجهاز ويغلقة.

مرت الأيام  اني مبتعدة عن سرور وهي گذالك.
كل وحدة بينا بهم شكل..

هل فترة  جسمي يأذيني وتطلع بي تقرحات بنية غريبة مالية جسمي..

أبويا من أنتبة الهن  ضاج وأخذني للمستشفى
أكتشفت من بعض لفحوصات عندي خربطة بالعلاج ومتأثر..

طلعنة من يم الدكتور.
بالممر نمشي شفت أخيل أقارب بنيامين ويا بنية صغيرة شايلها بيدة.

تقرب علينة سلم على أبوية وعلية وحچة
_خو ماكو شيء؟

رد علية أبوي.
_حمد الله على كل حال
بنتي تعبت وأجيت أطمئن..

أبتسم بهدوء وأردف
_حمد الله على السلامة  خوية،  أتمنة ما أخذت من وقتكم.

رد علية أبوية
_لا ما بينة هل كلام أبني.

أستأذن أخيل وأحنة طلعنة حسيت بـأحساس كلش قوي بوجود بنيامين هنا..

وفعلاً  صعدنا بالسيارة شفتة واگف ويا رجال چبير ويسولفون..

غمضت عيوني وارتاكيت على الكشن..
رجعنة للبيت العصرياات لان أفتر بية رادني أغير جو.

بقيت نايمة بحضنة كل ما يريد  يتحركما أخلي وهو يضحك ويحضني..

تقريباً بالـ١٢ ونص  باليل تنهد وحچة بهدوء
_كل الفكرة إلي چنت ماخذها على بنيامين خطأ.

صديت علية وحچيت
_شلون؟؟

أبتسم بهدوء ومسد على شعري
_ الولد حباب وينحلف بي  بس ييقى مجروح وصعب معاشرتة.

هزيت راسي وحچيت
_أريد أنام بابا أقرا على راسي..

تنهد بهدوء وأردف
_غمضي عيونچ ولا تفكرين بشيء..

لحضات وردد سورة الفاتحة  أكثر من مرة لحد ما نمت..
صحيت الصبح على  صوت أبوية.

أنطاني الريوك وباس راسي وگال
_  أنطي فرصة لنفسچ بنتي لاتبقين هيچ خانكة روحچ بالبيت..

هزيت راسي وطلع..
بقيت بالبيت على نفس گعدتي..

الساعة ستة ونص المغرب
أندك الباب طلعت  اسحل بنفسي صحت منو محد رد علية.

فتحت الباب  على كيف شفت بوكس چبير مغلف أبتسمت وحچيت بگلبي

معقولة بابا دازة؟؟

سحبت البوكس كان ثقيل بعض الشي   وأكو ورقة مكتوب عليها
Surprise Manal

فتحت الشريط والتغليف كانت ممتلئة بالقش  دخلت أديني وتلمست حسيت فد شي خشن على  نعومة بملمسة...

طلعته وأنصدم صدمة عمري..
ماحسيت على نفسي غير صارخة وشامرة الرأس  من أيديي..

جسمي رجف وشهگاتي تسارعن أحس النفس نگطع ويا ما ركزت على الملامح المملية بالدم..

صارت عيني على أديني كلهن دم اي دم  حبيبي على أديناتي  حضنتهن لوجهي وأصرخ بصوت مرتفع.

••••••••

بهل أيام برشة تغيرت أكل قليل وتلعب نفسها وأربع وعشرين ساعة تشكي من بطنها  ساعة تكول بطني ساعة تگول معدتي..
وجهة أصفر وعيونها طامسة من أسألها تتشرد من الجواب وتكول طبيعي..

گعدنا اليوم  بعد الغدا صد عليها ياسين وگال
_برشانة مو ويانة هل أيام.؟

زفرت نفسها وحچت دفعة وحدة
_ قبل لا أحچيلك أريد منك وعد زلمة توكف وياي وماتصير ضدي ولا تاخذ عني غير نضرة..

عقد حواجبة وحچة بهدوء
_السالفة چايدة الواضح، أحچي يابة شكو شصاير؟

لهمت شفايفها وحچت
_تذكر بيوم إلي أخذت سرور فتحتو الخياط اذا تذكر بوقتها من تخربط غيمار؟

هز راسة بقبول وحچة
_شلون أنسة كملي

أبتلعت ريگها وحچت
_بوقتها مرتضى هنا چان

رد عليها
_اي صح كملي لاتضلين تنگطين كلمة كلمة

نزلت راسها وحچت
_مرتضى  شسمة اااا أقصد مرتضى

رد عليها ياسين بعصبية
_رحمة لـ الله شبي خر*الچلب  لا  أتلفين أعصابي برشانـة..

زفرت نفسها وحچت
_هسة على كيفك مو هوَ بالطريق.

ياسين: هلا بي كملي شكو؟

برشة: من  أجى هو وخالة حچو وياي حتى أرجع وياهم لكربلاء  وما قبلت وأصريت على الرفض.

و قبل شهر هيچ شيء مرتضى أتصل علية وو گال..

سكتَت وتنهدت بهدوء أكملت
_يريد أستمر ويا بعلاقة وو بعد ما يفسخ ويا ضي يخطبني

بس أني رفضت هل شيء وسرور تعرف زين السبب  بس هو ديلح هوااي وشلع گلبي  من کد ما حچة وياي واليوم فتح الموضوع ورجعت سديت بس هو كام يصيح ويعيط وسد الجهاز بعد ما گال أنو يريد يجي لهنا ويحچي وياك..

ركز عليها ياسين وحچة براحة
_لو تدرين الأفكار السودانية إلي رسمتهن ببالي تگولين الله يساعد بالك.

ضحكت برشة وگالت
_بس لا عبر تفكيرك على الترابي؟

هز راسة بضحكة وأردف
_أصدك برشانة ما حچت فد سالفة لو زلة وخلت الولد يتسودن؟

قوست شفايفها وحچت
_ليش تعرفني اني أحچي شيء بدون ما أفكر؟

رفع حواجبة  بشك وحچة
_بنت خالتي كلامها موزون مو بالحيف  تزل بحچاية وتسودن المايسودن.

ضحكت بصوت مرتفع  وحچت
_ مجرد  شفيت گلبي بي.

رفع حاجبة وهز راسة.
گامت من يمنة وأخذت غيمار وياها..

زفر نَفسة وصـد علية گال
_ شوفي الشفية شلونها اذا ما طلعت مطينة عيشتة ما أنحسب على الزلـم.

عقدت حواجبي وحچيت
_ليش مامعقولة

ضحك بستهزاء وأردف
_   بنت خالتي  مو هينة تشوفيها لغيوي الفاهي  كبتت وكبتت وأنفجرت أستقوت بجروحها.

گام وگف ومط جسمة وحچة
_ نص ساعة أنام بين ما يجي الخبل.
واذا ما أجى لا تگعديني خليني أكمل نومي..

هزيت راسي وهو تقرب علية  كرص خدي وصعد.

ضليت گاعدة وحدي قريب الساعتين ونص بعدها أندك الباب..

طلعت فتحت الباب لگيت بنيامين واکف  من شافني أبتسم ودخل بعد ما سلم..

كعدنا بالاستقبال  حچيت ويا و رجعت للصالة   أتصلت على ياسين رفضة و أقل الربع ساعة دخل يمة..

أستأذنت منة وطلعت.
ما طول هواي  وراح..

گعد يمي ياسين شكلة مو طبيعي أبد
طول السكوت وخصمتة بسؤالي
_شعجب اليوم يمنة بنيامين؟

واضح  صافن وفد سالفة ببالة لان حچيت وما رد.

تنهدت بهدوء وحچيت
_ياسين وين صافن مو أحاچيك!.

ما رد علية زفرت نفسي بملل وحچيت  بنبرة صوت أعلى
_ يــاسييين مو أحاچييييك.

فز من مكانة وحچة
_ ها يابة
شكو
شبيچ؟

رفعت حواجبي وحچيت
_سلامتك ماكو شيء بس صار إلي ساعة أحچي وأنتَ تتصفن.

أبتسم بطرف شفتة  وأردف بهدوء
_ هم حچيتي ويا منال؟

هزيت راسي برفض وحچيت
_لا ما حاچية
خو ما بيها شيء؟

رفع حواجبة وأردف
_سلامتچ ماكو شيء بس سؤال لا أكثرو لا أقل.

أندك الباب گام  يشوف منو
لحضات ودخل ويا مرتضى  هنا تأكدت برشة مسويتلها فد سالفة  لان واضح شكلة فاير دمة..

سلم علية وگعد بالبداية حچو بمواضيع عادية بعدها مرتضى تحمحم وأدف
_تذكر شچنت أگلك گبل اسنين عن حمامتي؟

رد علية ياسين
_طير كل ذنب سجنة حلاتة.

جاوبة
_بس الوگت طورة وصار ذنبة لسانة
وبرشة لسانها مترتين ونص حتى أطول منها
لهل برميل النفط.

أبتسم ياسين وحچة
_ بنت خالتك تعرفها اذا تدك بابها تسمع جوابها اني يمي  هي واذا أحچي بكلام ما يعجب تسمعني جواب واني الممتن منها..

زفر نفسة مرتضى وحچة
_ما حاجة أگلك شگد أعزها وشنو أعتبرها..

رد علية ياسين
_بس شنو الفـايدة من حبك بنص الطريق تركتها لاتنسة صارت زوجة أخوك أنزفت گدام عينك لخوك.

لا تتعذر وتگلي أنجبرت لا خوية زلمة ما يجبرة غير ربة ويا مرتضى أعرفك خوش معرفة أنتَ والخوف مخاصمين

إلي يدخل  على أخو ويدگة كتل بس لان نزل دمعة حمامتة هذة ما يعرف الخوف ولا يمتنع بعد أخوك.

مرتضى: وياهو الگالك أخاف؟ لـو أنجبر خاب مو أنتَ شاهد شصار بية؟

حمامتي شيبت راسي وطلعت الدنيا من عيني وگلت تمون شعندي غيرها..

بس كسرت كلامي ومشت ورا راسها اليابس هاي واكفة.

ياسين بالعين لو بالعقل تروح توگف ويا واحد  الدنيا زايعتة خلق بلا أخلاق يعني فوك التلث مرات لزمتها واگفة ويا بالباب وعديتها وفهمتها يا بنت الحلال ما ترهم وگفتچ بهل مكان ويا هل نگـ. س  وهيَ تگلي بعد ما أطلع اله..

وتنعاد مرة ومرتين وتلاثة واربعة واني أعدي وأفهم بيها بس مال تطلع من  نص مدرستها وتصعد بسيارتة وتفتر ويا لنصاص الليالي واگفة هاي.

رد بهدوء
_مرتضى طفلة لاتحكم عليها وأنتم ما شاء الله كسرتوها وهل شيء مو جديد سبق وحچيتة..

زفر مرتضى نفسة وأردف بعصبية مكتومة
_من أنعل صفحة أبوي أذا  كل طفل يسوي هيچ.
ياسين  بنت خالتك تعرفها خوش ما حاجة أطلع المستور..

أكتفي بـ برشة كسرتني قبل حتى لا تكسر نفسها
مراهقة گشرة  ناعلين صفحتها  ومكسرينها تكسر ومن أعرف هم لاگينها قبلي وأتعارك وياهم وأكسر الأيد إلي أنمدت عليها تصدمني.

من يخيرها أبوي ال منعول  بكل برود أعصاب يگول الها  يومين ومرتضى يعقد عليچ  الغبية تگلة  ما أريد روضي أخاف منة.

وأبن الكلـ. ب  من مكانة يگول كدام الكل اني أستر عليها.

وحق من أنزل الرحمة كسرت أسنانة بحلگة على هل حچاية فوك ما هوَ طلع السالفة  صار يستر.

وخالك بعد عيني طردني من البيت واللغيوي الفاهي  وافقت على حسين يعقد عليها ولا أني صارت تتخوف مني الله يرحم كم مرة ختلت ورا ضهري لو لزمت أيدي.

كل هل سنين تركتهن هباء  ما غزرن بعينها.
وعمك النذل أستغل  الأسبوع إلي التحقت بي.
بيوم نزولي براس الفرع  فرحان نازل أشوف حمامتي وإلي يكسرك بالكشن إلي بصفي بي هدية  وكيكة أريد أفاجئها  لان عيد ميلادها فات واني بالدوام..

زفوها گدام عيني لخوي إلي مفروض يگون سند إلي.

أيااااااااام ولياااالي ما شفت  النوم بيهن خايف عليها بعدها صغيرة وينها وين الزواج كلها على بعضها مراهقة ما تعرف تتصرف كل كلمة والثانية شسمة..

شهرين بالهواي ورجعت للبيت بس زيارة لان أمي اتخربطت وهنا عرفت  النذل الله لايرحمة ولا يشممة ريحة الجنة متزوجها بس على الورق وما يوصل للبيت.

هنا شبة أرتاحيت بس يا راحة البال تجيني وهية مو يمي.
كل ما أسمع صوت صرختها  أتعارك وأضرب أخوي گدامها خاف تگول لو تفكر بينها ما بين نفسها مرتضى تركها لنص الطريق..

عاملتها كـ بنت إلي حذفت فكرة حبيبة روحي والنبض إلي ينبض بگلبي ولا الشريان إلي يبث الدم لگلبي..

خفت من الحلال قبل الحرام وياها نضرة تعرف شنو نضرة  ماعندي عليها  ما فد يوم شفتها غير بنتي بس عندي أمل برب العالمين يجمعني بيها مو بالدنيا بالآخرة  ولحد آخر نفس هل أمل موجود عندي..

برشة مو شخص عادي برشة روحي والجسد بلاية روح شفايدتة؟

بس هل روح كسرت كل خلاية إلي بية من گالت الي روح أتزوج زواجي تم من أخوك..

ليت حركتني بنفط ولا گالت هل حچاية..
ما جاوبتها ولا صدگتها لان مستحيل هي هيچ.

بس بنت خالتك كسرتني بچذبتها گدام الناس..
مرتضى يحب ضي وناوي على زواج.
الكلام وصل لأهلها والدنيا أنخبصت على ماعدنا بنات يحبن ويتحبحبن..

من كل عقلي أگول ضي كذبت هل كذبة بس أخوها صدمني من گالي الحچي مو من عند بنتنا إلي ربيتها حچت هيچ.

و فعلا تأكدت من هل شيء وبنت خالتك جبرتني أخطب ضي لان البنية مالها دخل وأنكتلت فوك ما بطلوها من المدرسة وحرموها من كل شيء..

دفعت ثمن چذبة حمامتي.
بيوم الي وصل خبر وفاة حسين أچذب أذا أگلك ما فرحت أصلا طرت من الفرح لان حمامتي تحررت من هل علاقة وكلامها جمد خلايا جسمي  وصار أمل جديد عندي..

بس كلام إلي أنحچة عليها ما أتحملت أسمعة وطينت عيشة كل واحد حچة عليها.

بس أحمر ويوم دفنتة واگفة.
لا كلام ولا أفعال فادن وياها عيشتني بصدمة  قبل لا أطلع من يمها.

والصدمة العضمة مكالمتك إلي والرزالة وعرفت حمامتي أخذت حقها وأنطتني أمل   بطريقة غريبة.

تركتها على راحتها رغم دوامي هنا وأوگف بباب بيتك وأطلع وياك بس ما تقربت الها.

و أول شوفة الها بيوم  وفاة بناتك تصدك لو ما تصدك أتمنيت أحبسها بقفص بس حتى أضمنها إلي.

أبد ما تجرأ لساني يحچي وياها الصمت لان ابد ما تخيلت ترد علية..

بس أم لسان هي البادرت وهلت بية بيوم إلي أتخربط أبنك.
اليل هنا ماگدرت أنام  ضليت أنتضر وأنتضر لحد ما صحت من نومها وحچيت وياها  وهي رفضتني رفض قاطع ما گلت كافي وبقيت أتودد الها.

بس اليوم واگفة منها كلامها لان هيَ أذتني أضعااااف بكل مرة أگول حمامتي بجانبي تالي أنطعن منها..

وهسة بكل برود تگول
_والله لو رجال وگد كلمتك ما تخطب ضي ولا تصير ضدي  وتساندني حتى لو أذيك.

يابة فهموها كلامها  أبد ما راهم لان هيَ بكل مرة  تطلعني الغلطان أوگف وياها وتالي تطعن بية وتگول هو السبب.

أنفعال مرتضى وكلامة إلي تتغير نبرة صوتة من حنان لحزن لأنفعال دمع عيوني لان ماچنت أتخيل هل درجة يحبها..

رد علية ياسين
_وداعتك گالت إلي شفيت گلبي بي تالي بس هل حچايتين گايلتهن وشافية گلبها طلعت هم بوخة بنت خالتي..

رد بأنفعال
_وحق العباس  لسان دلالة  أكلتني ورمتني وهي خوف تعرف كلامها  وغبائها وگعها الله وكيلك.

ياسين: غير أفهم شنو حاچية؟

مرتضى: لسان بنت خالتك ينگط عسل مغشوش.

ضحك بصوت مرتفع وأردف
_ الله يساعد گلبك.

زفر نفسة وأردف
_ياسين أني رايد برشة..

رد علية ياسين
_ماتصير على ضرة ولا تنحط عليها ضرة.

رد علية
_هوَ إلي عندة حمامتي يفكر بغيرها؟

ياسين: و خطيبتك؟

مسد على شاربة وأردف
_ضي أكو من يهواها وبسبب حمامتي ضرتنا أحنة الأربعة.

عقد حواجبة وحچة
_يا أربعة  تقصد

مرتضى: اول شخص أنضر هو ضي لان هيَ تحب عمار وعمار لحد قبل وفاة بناتك هم طلب مني أطلگها  وأخذت وعد منة يكون الها سند لان تعرف المشعوذ أخوها مات.

بعد مالها كل حجة حمامتي وقبل لا أگللها  عمار حچة وفضينا السالفة ويا أخوها وطلگتها وأجيت لهنا  قذفت قنبلة كلامها علية..

رد علية ياسين بصدمة
_أنتَ طلگت ضي؟ شو ما أدري هاي شوكت!

رد مرتضى
_اي خوية طلگت.

ركز بعيونة بهدوء وهز راسة بموافقة..

سمعت صوت غيمار يبچي صديت لناحية الباب وأشوف  برشة واگفة مصدومة  حطت أيدها على وجة غيمار تمنعة من البچي..

ركضت بأتجاه الغرفه..
گمت وگفت أستأذنت منهم ورحت للغرفة ولـ  أول مرة من بعد هل أشهر أدخل الها..

برشة واگفة وحاضنة غيمار ودموعها تنزل بهدوء..
وگفت گدامها وحچيت بهدوء
_برشانة شبيچ؟

هزت راسها برفض وحچت
_هواي حچيت علية..

أبتلعت ريگها وأردفت بهدوء
_ تذكرين وفاة حسين باليل  حلفت أضوجة..
ومن دخل مرتضى  أنس أستفزيتة وتقصدت أشگ الملابس و أتهم مرتضى وهو من شاف هيچ ردة فعلي تخبل وضربني..

فتحت عيوني بصدمة وحچيت
_لييش هيچ سويتي؟

هزت راسها وحچت من بين دموعها إلي أنسالت بهدوء
_ردت أغثة والله.
وأخر فترة كرهت نفسي من گد ما يگول حالچ حال بنتي ما أنضر الچ بغير شي..

سمعناصوت صريخ برة طلعنا نركض للشارع  وأنصدم بشوفة منال.. يتبع..
.
.
.
_رأيكم بالحلقو والأحداث.

_تصرفات برشة صح بنظركم؟

_ رأيكم بـ مرتضى!.

_تتوقعون منو صاحب الرأس.؟
_و كـل عام وأنتو بألف خير سنة جديدة وحياة جدية إن شاء الله... ♥