بسم الله الرحمن الرحيم
بَردٌ وَلَيلٌ.. يَا هُمُومُ تَلَطَّفِي
أخشَىٰ عَلَىٰ قَلبِي بُرُودَةَ مِعطَفِي
مَطَرٌ وَحُزنٌ.. لَا مِظَلَّة هَا هُنَا
تَحمِي الرُّؤُوسَ مِنَ الخَيَالِ المُسرِفِ
كُونِي بقُربِي يَا حَبيبَةُ لَم يَعدُ
هَذا الشِّتَاءُ لِعَاشِقِينَ بمُنصِفِ
• إبرَاهِيم حَمدَان |
طلع من المحل للملابس الرجالية وهو مغير ملابسه بالكامل وماخذ له جاكيت دخل سيارته وهو يعطس وصار مزكم بقوة توجه لأحدى الصيدليات واخذ له فيتامين c وتوجه لكوفي وطلب له قهوه وجلس ينتظر لطلبه سرح بفكره وملامح التعب والحزن مرسومه على وجهه بأتقان سند ضهره على الكرسي وغمض عيونه ورجل على رجل ومتكتف جاهل عن الفانز الي تصوره من بعيد وهي تقرب عليه وتصوره.
جاء طلبه اخذه بهدوء وهو سرحان بفكره وحزين جدا من قصة حياته الي ابد ماجت على مايتمني
بدأ يرتشف من قهوته بهدوء اخذ جواله بكل هدوء ودق على الرقم الي سجله شوي وجاه الصوت: الو
ياسر: السلام عليكم
ساره بأستغراب: وعليكم السلام منو؟
ياسر يسمع الصوت يبي يتأكد اذا هي ريم: انتي اتصلتي لي الصباح بالفجر
ساره: وجع تراها طريقه مرررره قديمه للتشبيك طس بس
وسكرت بوجهه
نزل الجوال من اذنه: استغفر الله بس ناس فاضيه تتصل وتجحد ااااه وين راح فكرك ياياسر ريمك اختفت
كيف بتتصل لك يارب وكلت امري اليك.
وقف ودفع الحساب وطلع وهو متضايق من الناس الي تصوره مايحب يجامل وهو متضايق والضيق زاد عليه (كثير علي يادنيا تاخذين اخوي ودنيتي نايف وتاخذين زوجتي مو كثير كل ذا علي مااقدر اتحمل كل هذا يادنيا مقدر)
رکب سیارته وتوجه لفندق ینام ویریح للحین مواصل مانام
وصل لفندق وحجز غرفه وطلع لها وهو یقلب بجواله حس انه ضرب شي رفع راسه وسمع شهقه : یمه انت المشهور
ابتسم ياسر ومشی وهو مـــــــــیت نوم دخل الغرفه وعلی طول توجه للسریر نام بکل تعب
اما البنت کانت تناقز من الفرحه وطارت لأختها الجناح فتحت الباب بدفاشه: عبيـــــــــــــر فااااتک نص عمرک فااااتک وش شفت
عبیر بملل: وش شفتی
هدیل: شفت ياسر النقاشي المشهووور ذاک
عبیر تعدلت: احلفي
هدیل بحماس: ورب الکعبه شفته وحفظت رقم جناحه بعد
عبیر بحماس: قومی قومی علمینی بسرعه
هدیل راحت معاها بحماس
وراحو متوجهین جناح یاسر وجوالاتهم معاهم
ـــــــــــــــــــــــــــ
على المغرب
اسامه جالس بملل وهو يدعي ان ابوه يفقده ويدوروه الأكل والمويه قرب يخلص وقها بيموتون جوع وعطش طلعت رنيد من الخيمه وجلست بعيد شوي ثم قالت: الحين بنبقى هنا لين متى لازم نسوي شي عشان نطلع قبل يخلص الأكل والمويه
اسامه وكل هموم العالم فوق راسه ويهز رجله بقلق: شدراني اتصال والشبكه مضروبه مابيضبط وبنزين ومخلص واكل ومويه شوي ويخلصو
وش اسوي بلله
رنيد: جامح احنا مو لازم نستسلم قوم نروح ندور شبكه
اسامه بقلة حيله: وين والدنيا كلها بر بنضيع
رنيد بفكره: وش رايك ناخذمعانا عصا ونخط بالرمل ولما نرجع بنمشي على الأثر
اسامه: صح والله فكره اجل لحضه بشوف الجوال ان شاءلله مايكون مخلص شحن
وقف وراح للسياره وطلع الجوال من الدرج وشغله وكان الشحن 49: الشحن 49 يكفي ان شاءلله مايطفىء وقفت الرنيد وهي تشد الغتره على شعرها: ماعندك غتره غير ذي
اسامه حك شعره: لا ماجبت شي
رنيد هزت راسها بيأس: ابي افهم شي واحد انت وش مطلعك البر
اسامه ضحك وهو ياخذ عصا وبدو يمشو يدورو تغطيه ويسحبون العصا وراهم عشان الأثر
ولما ابتعدو عن الخيمه والسياره بكثير
بدا اسامه يشل بصوته بهدوء:
عليك ارسل مراسيل الغرام بلهفة الاشواق
واتوق لرد يذبح طاري الفرقا ويحييني
وانادي يافلان اقراء الرسايل طالبك يافلان
حبيبي شف غرامك ويش سوى في شراييني
ثم تنهد وقال: تدرين ان اليوم كان بالنسبه لي يوم مهم جدا
رنيد بهدوء وهي تناضره: ليه؟!
اسامه: قدمت على برنامج واقعي واليوم بيرسلون لي اذا انقبلت ولالا بس شفتي كيف حظي دبوور جيت للبر وعلقت هنا
رنيد عقدت حواجبها بأستغراب: برنامج؟
اسامه ابتسم: ايه كان بالنسبه لي فرصه كبيره احقق احلامي بس حضي واعرفه شطحت وجيت البر بس يلا لعل فيها خير عشان اقابلك لاتموتين هنا بالبر
رنيد نزلت راسها
اسامه رافع يده يحاول يلقط شبكه بس مافي
قال: تدرين ان عمي مشهور يمكن تعرفيه
رنيد: وش اسمه
اسامه وهو يرفع الجوال : ياسر النقاشي
رنيد جمدت ووقفت
اسامه التفت بأستغراب لما ماسمع لها رد استغرب من وضعها: وش فيك؟
رنيد رفعت راسها ويدها ترجف بقوه: ا. ا اانت وش اسمك
اسامه عقد حواجبه: وش فيك
رنيد بأنفعال : ووش اسمك؟
اسامه بأستغراب: اسامه ناصر عبد المحسن النقاشي
رنيد خلت يدها على فمها بأرتجاف
اسامه عصب: انتي وش بك تكلمي
رنيد تهز راسها بولا شي وهي تبعد شوي ودموعها تنزل
اسامه كتم غيضه منها وغموضها ورسل لأبوه رساله بس فشل الأرسال مافي شبكه
حاول يرفع الجوال يمين يسار مافي رما الجوال بعصبيه وقال بصراخ: قســــــــم بلله ان ماقلتي وش قصتك لمشي واتركك هنا
رنيد بصراخ مثله وهي تبكي: مالـــــــك شغل مالك شغلك تبي تروح روح وخلني اموت هنا
اسامه مسح وجهه بغيض: وش بك اختبصتي يوم سمعتي اسمي تكلمي
رنيد ماردت
اسامه عصب واخذ وجاله ورجع ماشي على الأثر
تاركها
لين وصل للخيمه شاف الدنيا بدت تظلم رما جواله بالسياره بعصبيه وراح لها قبل يجي الليل
وصل وشافها تبكي بخوف وترتجف
جلس عندها بهدوء: قومي انا اسف بس انزعجت منك ومن غموضك قومي
رنيد ماردت
اسامه بحنيه: رنيد قومي خلاص ما عدني سائلك
رنيد رفعت راسها: اوعدني
اسامه تنهد: وعد قومي
رنيد وقفت بتردد: بجي يوم وتعرف ياجامح
اسامه يمشي: قولي اسامه خلاص هذاك عرفتي اسمي
رنيد هزت راسها لا: انت جامح مااعرف الا جامح
اسامه يشوفها بأستغراب كبير وحيره وكملو مشيهم للخيمه وصلو ودخلت بسرعه للسياره وتلحفت بالفروه وهو راح يصلي مغرب ودخل للخيمه وهو يفكر فيها ويتوقع وش قصتها ومغبوون على الفرصه الي راحت عليه
----______----____--
ياسر صحى على المغرب وهو يقوم يتوضئ ويصلي مغرب ويلبس جاكيته عشان يطلع سمع رنين جواله اخذه ورد: هلا هلا والله اخبارك
عناد: هلا بك زود الحمد لله انت علومك؟
ياسر: علومي تسرك الله يسر حالك
عناد: اسامه ناصر قريبك
ياسر يلبس ساعته: الله الله
عناد ابتسم: يارجال اتصل له من اليوم مايرد مسكر جواله
ياسر: خير اللهم اجعله خير ليه وش تبي فيه من وين تعرفه
عناد: انقبل ببرنامج(꧁꧂) ولازم يجي بعد يومين للمقابله والتصفيات
ياسر بفرحه: الله يبشرك ياانه بيفرح ذا النذل ماكلمني انه بيقدم بلبرنامج
عناد ضحك: يمكن يبيها سبرايز
ياسر بفرحه: اي ايه الا انت وش بتقدم في البرنامج
عناد: شف بيني وبيتك بمسك فقره فيه بس مابي يطلع العلم الا يوم يبدا البرنامج
ياسر: ياانه بيطلع برنامج شي
عناد: تعال قدم فقرات في البرنامج
ياسر: بشوف والله لأني مرتبط بأعمال ثانيه
عناد: الله يعينك اجل في امان الله لاتنسى ماتبلغ اسامه
ياسر: ابشر ودعناك الله
وقف طالع من الغرفه وهو يدق على اسامه الي مغلق جواله شاف ثنتين بنات مرتزحات على الجدار بتعب وملل فزو اول ماشافوه قالت وحده بلعثمه: اااا ممكن نصورك اذا مافي ازعاج
ياسر ضحك عليها لما تذكرها: اي اكيد مافي مشكله
هديل بفرحه عطته الجوال: خذ تصور
ياسر اخذ الجوال وتصور وهو مبتسم
عبير بدفاشه: والله صار لنا يمكن ساعتين او ثلاث واقفات ننتظر تطلع
ياسر ابتسم بهدوء وهو يحمد الله على محبة الناس
وطلع من الفندق بعد ماسلم المفتاح وتصور مع كذا شخص
وراح للبيت عشان يشوف وين اسامه
وصل البيت بعد ثلاث ساعات. لبعد المنطقه الي كان فيها ودخل على الساعه10 م
شاف ابوه بالصاله جالس بتعب تقدم منه وسلم عليه وباس راسه وراح بيطلع الدرج
عبد المحسن: ياسر يابوك تعال بكلمك
ياسر تنهد ورجع جلس عنده
عبد المحسن: عساني اموت يابوك دامي سبب ضيقك
ياسر فز يبوس راسه: جعلني فداك يبه لاتقول كذا
عبد المحسن بحزن: سامحني يابوك لكن ماكان بيدي شي راشد خبيث وكان مهددني بأشياء بتعرفها يبوك قريب وبتدري اني كنت مجبور
ياسر تنهد: يبه ليش ماتتكلم وتعلمني نبلغ عليه والشرطة بتتفاهم معاه
عبد المحسن هز راسه بلا: ماهو وقت يبوك ماهو وقت باقي في راسي شي لازم انه يصير ثم بعدها بعلمكم
ياسر باس راس ابوه: الي تشوفه جعلني فداك روح نام الحين يبه وارتاح معي كذا شي بخلصه وبرجع البيت
عبد المحسن يوقف: بروح انام الحين بس كنت انتظرك
ياسر ابتسم بحب: جعلني ماخلا منك وسامحني يبه على كلامي
عبد المحسن ابتسم بحزن: ماعليك يبه انا مسامحً لك دنيا واخره انت الي سامحني كسرتك مجبور
ياسر: الله يسامحك يبه مافي قلبي شيً عليك انت ابوي وتاج راسي
عبد المحسن راح متوجه لغرفته ينام وهو يفكر بولده ياسر
ياسر طلع للفله الثانيه لخوه ناصر دخل وكانت مرام جالسه بالصاله تطقطق بجوالها شافته ووقفت تضمه: هلا هلا والله بعمي المزيون امانه تكفى اطلع ورجع ادخل وانا اصورك تكفى مشاهداتي ذي الايام واقفه ابي انشطها
ياسر ضحك على هبالها وطلع من الباب وهي تثوره يوم يدخل ويفتح يديه لها عساس بيضمها
مرام غلى طول رسلته تيك توك وهي تكتب: عمي الغالي عسى ربي مايحرمنا منك يالقلب الحنون
ضحك ياسر عليها وهو يصكع راسها: وين اسامه
مرام بأستغراب: ماتدري وينه صار له اربعة ايام مدري ثلاثه بالبر مع اخوياه
ياسر يطلع جواله ويدق على اسامه: وقته هو والبر
مرام: ليه وش فيه
ياسر: الحيوان مقدم على برنامج (꧁꧂) ولاقال لي وانقبل بعد والمقابلات بعد ثلاث ايام
مرام صرخت بقوه: قوووووول قسم
ياسر انفجع: وجع وشبك ايه انقبل
مرام تصارخ بفرحه وتحاول تدق على اسامه وهو مُغلق
مرام بغبنه: يالــــــــيل وقته ذا يسكر جواله ياربي بروح اصمم له عشان يجيه تصويت لالا بتصل لسمر بخبرها
ودقت على سمر تخبرها ان اسامه قدم ووووو وقالت لها يبدون يصممو فديوهات عشات يعرفوه الناس وفعلا بدو الثنتين وياسر ميت ضحك عليهم
ويحاول يتصل لأسامه بس لاحياة لمن تنادي
ياسر: وين ابوك
مرام: برا ماهو بالبيت
ياسر هز راسه وطلع وهو يدق على ناصر
ناصر: هلا
ياسر: السلام عليكم
ناصر: وعليكم السلام هلا ياخوي
ياسر: هلا بك وين ولدك طاس مايرد
ناصر: في البر
ياسر: ادري في البر بس مع مين من اخوياه
ناصر: ليه عسى ماشر وش صاير
ياسر: مابه شر بي القناه متصلين ويبونه انقبل بلبرنامج وهو مايرد
ناصر: الحمد لله انقبل والله انه بيفرح
ياسر: انت تدري
ناصر: ايه ادري كلمني
ياسر: طيب والحين كيف!؟
ناصر: انا بدق على اخوياه كلهم يكلموه يرجع يمكن جواله مخلص شحنه
ياسر: يمكن يلا اتصل لهم ولاعطني ارقامهم بتصل لهم
ناصر: انا بتصل ماعليك
ياسر: يلا فمان الله
ناصر: بمان الكريم
ناصر خرج من الشركه وهو يدق على خوي اسامه بعد ثواني جاه الرد
ناصر وهو يدخل السياره: السلام عليكم يابوي شلونك
عايض: وعليكم السلام هلا ياعم الحمد لله انت وش اخبارك عساك طيب
ناصر: الحمد لله بخير الا وينه اسامه ادق عليه مسكر جواله
عايض بأستغراب: والله مدري ماهو عندي انا بالأستراحه انا والشباب
ناصر بخوف: وشلون ماهو عندك انتو ماطلعتو البر
عايض خاف: لا والله هو دق علينا وقال لنا بيروح البر بس اعتذرت كان عندي شغل ومن يومها ماقد كلمني
ناصر ارتجفت يده خوف على ابنه: قبل كم؟
عايض: ثلاث ايام ونص
ناصر سند راسه على المقود بخوف: يلا يلا فمان الله
وسكر بوجهه
عايض فز: شباب قومي اسامه مختفي له ثلاث ايام
الشباب: وشوووه
عايض: قومو ندوره
وفعلا كل واحد راح لسيارته
ناصر دق على ضاري: ضاري وانا عمك الحق ولد عمك مختفي له ثلاث ايام ونص
ضاري فز من مكتبه: وشلون مو تقولون في البر مع اخوياه
ناصر وصوته بدا يختفي من الخوف على ولده: هذا الي قال لي بالرساله بس اخوياه يقولون ماهم معاه ونتصل له وهو مغلق
ضاري يهديه: ياعم هو رجال ماعليه خلاف اكيد انه حاب يقعد بروحه ولامسافر مع احد من اخوياه انت ماتعرفه بس ماعليك ارتاح انا باخذ لي دوريه وندور عليه لو تبي نطلعه من تحت الأرض لاتشغل بالك
__________________
نوف جالسه بملل في السطح طلعت جوالها من صدرها وهي توقف وتسكر الباب وتجلس دخلت على رقم نواف ورسلت له
(أبطّت مراسيله عسّى مابه خِلاف .)
انتضرت الرد وبعد مده جاها الرد
(أتذكرين قُبيل الفجرِ مجلسنا؟
كأنما النجمُ عقدٌ بين أيدينا
نبوحُ لليلِ عن أسرارِ قصّتنا
بِتنا نسلّيهِ والذكرى تُسلينا
لم يبقَ شيءٌ من الذكرى نخبّئه
إلا الحنين ودمع في مآقينا
كنا بوصلٍ فأمسى الوصل أمنية
متى سنبلغ يا قلبي أمانينا ؟)
نوف ابتسمت
(مو قلت بتجي تخطبني وش فيك مرت شهور ولاجيت)
نواف ارسل:
(ورب البيت انك على بالي على طول وكلمت جدتي وبس منتظر يعطوني اجازه اجي الديره واخطبك وتصيرين حلالي كل شي صار جاهز )
نوف مغصها بطنها بفرحه وغطت وجهها بيدها وصارت تضحك
سمعت رغد تدق باب السطح: نوووف تعالي بكلمك
نوف صمتت الجوال وخلته هزاز ودخلته بصدرها وعدلت الجاكيت وطلعت لرغد: هلا
رغد سحبت يدها وراحو للصاله: اجلسي بسولف معاك وربي طفشت ماكن عندي اخت اسولف معاها
نوف جلست: ليه وين خالتي
رغد: امي نامت ماتعرفيها تنام بدري
نوف: وانتي وش مصحيك بالعاده تنامين بدري وبعدين وراك مدرسه
رغد قلبت عيونها: تكفين اسكتي ياحضك نايمه ومرتاحه لامدرسه ولاشي الا صح وس بتدخلين من تخصص ماشاء الله نسبتك مره حلوه
نوف ابتسمت بفرحه وهي تتذكر نسباها الي مرررره مررره حلوه 97٪رغم كل الضروف وكل الصعاب الا انها تخطت وتجاوزت قالت بفخر: مدري ذي السنه برتاح وافكر والسنه الجايه بشوف وش ادخل
رغد: واذا رفض ابوي تدخلين جامعه
نوف: ان شاء الله مايرفض "وفي نفسها (هههههه بكون متزوجه اصلت نواف المسؤول عني)
رغد بحماس: الاصح ابوي قال اذا تخرجتي بيجيب لك جوال تذكري؟؟
نوف بهدوء: اي اذكر
رغد: بكلمه بكره يشتري لك
نوف تنسدح بملل: مابترضى امك
رغد: ماعليك ابوي اوعدك اكيد مابيخلف وعده لك
نوف هزت راسها بتسليك حست بجوالها يهتز بصدرها على الخفيف وقفت بسرعه: اااا بروح الحمام
دخلت نوف الحمام وهي تطلع الجوال
( وين رحتي ههههههههه استحيتي ولاوش)
نوف ابتسمت وكتبت
(لا ليش استحي المهم انا الحين بالحمام اكلمك بروح انام تصبح على خير وانتبه لعمرك وكل زين وتدفى زين)
نواف
(وانتي بألف خير ابشري وانتي بعد انتبهي لعمرك)
نوف ابتسمت بحب وقفلت الجوال وطلعت وشافت رغد بفراشها منسدحه وتشوف الجوال
انسدحت جمبها: وش تشوفين
رغد توريها: شوفي البنت الي قلت لك جو بزواج رحاب بنت ابو سعود عمها مشهور وهي صورته شوفي كم عندها ناس يكتبون في التعليقات
نوف بأستغراب: وش ذا التطبيق الي معاك
رغد: تيك توك ماتعرفيه
نوف بسخريه: ومنين اعرفه
رغد ضحكت: رسلته من هند وسويت لي حساب واشوف فديوهات
نوف تفكر: هممم
رغد بحماس: بكلم ابوي بكره يشتري لك جوال وبرسل لك التيك توك تمام
نوف راحت فرشها وانسدحت: تمام
_____________
رنيد جالسه في السياره وهي تبكي
وتشوف البر كيف يخوف ولافي نار مثل كل ليله ولاشي
طلعت بهدوء من السياره وراحت للخيمه
دخلتها بهدوء شافت اسامه نايم وواضح انه نايم بعمق
تقدمت منه شوي وهي تتأمل ملامحه تنهدت ووقفت وطلعت من الخيمه راحت للسياره اخذت جواله واخذت لها السكين ولبست الفروه وربطت الغتره على راسها بأحكام وبدت تقراء المعوذات وبدت تمشي مبتعده عن الخيمه والسياره والسياره كل مالها تختفي عن نظرها تشجعت وهي تكمل طريقها وتسمي بلله وهي متأكده هذا القرار الصــــح اختفت السياره تمامآ عن نظرها
وكملت طريقها وهي مو عارفه وين بتروح وين بتكون وجهتها كل مامشت خطوه تمر في بالها ذكرى ويمر في بالها طيفه وضحكاته وتدعي الله يحفضه ويطول بعمره
ــــــــــــــــــــــــــــــــــــــــــــــــــــ
انتهاء البارت