بسم الله الرحمن الرحيم
اشرقت شمس الصباح
الساعة 5:00ص
الكل صاحي الشيبان طلعو للمسجد يصلون وضاري وفهد معهم ومستغربين وين ياسر مو موجود حتى سيارته مختفيه وعبد المحسن قلقان وخايف عليه
شافو نواف وجده وعمه وولد عمه بطريقهم سلمو عليه وتوجهو مع بعض ثم شافو وفلاح وشباب من الديره يدقون باب بيت سعيد (العريس) ويقول فلاح بضحك: يااااااسعيد قم وانا اخوك قم صلــــــــي ياخوك لاتلهيك النعم عن ذكر الله
الكل ضحك عليه وتوجهو للمسجد
تكلم صديقهم احمد،: ياسعيد قـــــــم وخل عنك الرفاله من اول يوم تترك الصلاه بالمسجد ترا الله مابيبارك لك في زواجك قووووم
وبدو يطقطقون عليه شوي وانفتح الباب وطلع وهو معصــــــــــــب منهم ولابس ثوبه بالمقلوب وتوجه تاركهم وراح للمسجد وهم فطسو عليه ضحك ولحقوه فلاح مسكه: البس ثوبك زي الناس وش بيقولون عنك الناس من اول ليله هبلت فيه وطلع حتى ثيابه مو عارف يلبسهم
سعيد بعصبيه: كله منكم يازفت انت وهو وش بتخسرووون لو فكيتوني منكم يوم واحد بس هاااه
فلاح ضحك: خلاص ارجع ارجع رحمناك يلا شباب نروح نصلي لانصير مثل بعض الناس "وضحك ومشى
سعيد رجع للبيت بسرعه عدل ثوبه وتعطر وكشخ وراح يصلي مع الناس
.
.
.
رنيد صحت وضهرها يوجعها بقووه: ااااه ياضهري
نزلت من السياره ولفحها البرد ضمت الفروه عليها وراحت تشوف مويه تصلي ماكان في الا قليل للشرب
لو توضت به مابيعرفو وش يشربون راحت تتيمم بتراب
وصلت وهي تستغفر وتذكر الله وتدعي الله يفرج همها بدت تقراء قرآن وتدعي بقلــــــب خاااشع
جاهلة عن الي واقف يراقبها ابتسم براااحه عجيبه سكنت قلبه من صوتها وهي تقراء قرآن
راح تيمم هو الثاني وصلى صلاته ثم جلس يشب النار يدفو روحهم شوي
رنيد عرفت انه صحى وراحت خلف السيارع سندت راسها للسياره وتبكي بوجع بطنها بيموتها من الوجع ماتدري ليه هو من البرد ولاوش وتدعي الله لايصير الي ببالها بتتورط فعلاء اسامه استغرب انها طولت خلف السياره وراح يشوف شفيها شافها تبكي ولامه بطنها جلس بخوف: فيك شي وش يوجعك
رنيد بس تبكي وتشاهق من الوجع
اسامه بقلق: رنيد وش بك وش يوجعك
رنيد ببكاء: بطني بيموتني
اسامه رحمها: قومي قومي عند النار تدفين
رنيد وقفت وهي منحنيه بسبب بطنها جلست قريب من النار وهي تنزل راسها بين رجولها وتبكي
اسامه تقطع قلبه عليها وقف داخل للخيمه
اما رنيد بطنها بجد يمغصها بشكل كبير يمكن برد وجوع وكل شي عمرها ماتعودت على كذا برد وكذا اكل حست بدفا يحيط فيها رفعت راسها وكان اسامه يغطيها ببطانيه ناضرته ولمت البطانيه لها وصدت تناظر عكس ماهو جالس اما هو جلس يسوي القهوه ومد لها فنجال
: اشربيه ودفي روحك بيكمد بطنك
رنيد ضحكت بهدوء وهي تذكر امها ذي كلمتها
اسامه ابتسم لضحكتها وهي اخذت الفنجال وبدت تشرب بهدوء وتتأمل شروق الشمس قالت بهدوء: جامح تدري انها اول مره اشوف شروق الشمس
اسامه بأستغراب: ليـه
رنيد ونظرها على الفنجال بدون وعي : ماخلاني اطلع لأي مكان
اسامه رفع راسه بأستغراب: منهو
رنيد استوعبت وتلعثمت : هاه اااا اقصد "سكتت ماعرفت وش تقول"
اسامه بهدوء: مابتقوليـن لي
رنيد ساكته
اسامه بتأمل: طيب وش اسمك
رنيد بعد ثواني رفعت نظرها لها: اسمي رنيد
اسامه نزل راسه وقال : بيجي وقت تقولين لي؟
رنيد هزت راسها اي
اسامه رجع يتأمل الشروق وفي باله الــف سؤال منهو الي تتحسب عليه ومنهو الي ماخلاها تطلع ووش اسمها
وكثير اسئلة تدور في باله وهو مايعرف الا شي واحد انه يتلخبط بقربها وكثير احاسيس تجتاحه.
ــــــــــــــــــــــــــــــــــــــــــــــ
الديره
رجعو من المسجد دخلو المجلس وحرفيا انشرحت صدورهم من ريحة المجلس البخور والقهوة مجهزه
وفحم في اخر المجلس مشتعل في مكانه المخصص عشان يدفي المجلس جلسوا وبدو يتقهوون وشو واجتمعو شياب الديره في المجلس وصار الجو ولااروع
سمعو الباب يندق بخفيف طلع ابو سعود ثم دخل وقال: حياكم الله للفطور وقفو الكل وطلعو وكان الحوش مفروش زوليات والفطور موزع بشكل مرتب والخبز الدافي والسمن والعسل والشاي وانواع الفطور موزع
جلسو والجد حب العيشه وحب الحياه في الديره وحب الجو ووده انه ماعد يطلع منها ضاري كان يشوف الأكل وابتسم وهو يتخيل ان البنت الي شافها طبخت مستحيل تكون تعرف تطبخ كون خواته مايعرفن كثير
وبدو يفطرون وهم مستانسين بالحيل للحياه هنا
داخل البيت سما رابطه شيلة سوداء على شعرها وتقدم الأكل لهم: حياكم. الله واعذرونا كان به اقصور
ام نايف بأعجاب: مابه تقصور وانا امك الله يكثر خيركم
سما: بالعافية عليكم
الجده: الله يسلمك ويعافيك
ام اسامه تخز مرام وسمر: ويكثر من البنات امثالك
سما ضحكت على وجه مرام وسمر
مرام بهمس: يمه شدخلنا الحين هاه!؟
ام اسامه ضحكت وكملو فطورهم
ولما خلصو الكل قام يغسل والرجال قامو طالعين لبرى البيت وضاري استأذن وراح شغله هو ونواف لأنه تأخرو على شغلهم
في الطريق ضاري بسيارته والكريق طويل وممل مد يده للمسجل يشغل له شي يسليه لين يوصل
بس نبض قلبه وابتسم مع الكلمات
ياكل عمري يابتهاجي يافرحي
يامن نبض لجله خفوقي بالضلاع
كل المشاعر فاقت احساس شرحي
ولاكان مثله اي شبيها في الاطباع.
مايدري ليه جت بباله نفض راسه من الافكار الي جت بباله
وكمل طريقه على صوت راشد الماجد وطيف سما!!!
ياسر واقف عند البحر قطع مسااااافه بعيده لين وصل للبحر نزل من السياره بتعب وجلس والماء يلامس رجوله غطا وجهه بيديه وفي قلبه شعور الضيق كاتم عليه مشتـــــــــــــــاق لها وحيـــل نزلت دمعة ضعف رفع راسه يمنع دموعه من النزول حرك شعره بضيق
وقام وهو يدخل للبحر لين مابقى الا راسه كتم انفاسه ودخل تحت الماء لعل الضيق يروح عنه
مرت دقيقه وثنتين
طلعت من الماء وهي تشهق وتاخذ انفاسها وهي دخلت للحمام اكرمكم الله ودخلت بالبانيو بعز البرد لعل الحر الي بجوفها يروح بكت بصوت مسموع: ورب البيت اشتقت لك ماعد اقدر اتحمل غيابك اااااااه ياربي
طلعةمن الماء وهو ياخذ نفس بسرعه ورجع يكتم انفاسه تحت الماء
وقفت من البانيو وملابسها مغرقه وجسمها يرجف من البرد طلعت من الحمام وهي بتتجمد توجهت لدولابها طلعت لها ملابس شتويه ولبستهم ودخلت تحت بطانيتها تدفي نفسها شافت جوالها مرمي بجنبها اخذته
وبلحظة جنون خرجت من غرفتها بسرعه وراحت غرفة ساره الي نايمه اخذت الجوال وراحت غرفتها وكتبت الرقم الي مستحيل تنساه وهي تدعي انه للحين رقمه ولاغيره
طلع من البحر وهو يرجف وتوجه سيارته جلس بالمقعد الخلفي وهو يرجف رجعها على ورا وصار كنه منسدح وغمض عيونه وجسمه يرجف
سمع تلفونه يرن فتح عيونه بأنزعاج ورجع يغمضهم
معتقد ان ابوه الي يرن عليه ازعجه الاتصال وقام للجوال
كانت ترتجف من الخوف والتوتر واللهفه دقت المره الاوله ولارد والمره الثاني ولا رد جربت المره الثالثه وانتظرت بس بدون فائده فجأه انكتمت انفاسها وهو يجيها صوته: همممم
ريم نبض قلبها بعنف وبلعت ريقها اكثر من مره
ياسر بتعب: نعم من؟
ريم اوجعها قلبه صارت تحرك فمها بدون صوت الحروف مو راضيه تطلع
ياسر بخمول: بتقول من ولابسكر ماني فاضي
ريم شهقت وسكرت الخط وقفلت الجوال
ياسر فز من سمع شهقه ناظر جواله رجع يدق الخط بس مغلق!! حاول مره وثنتين وثلاث مافي رد
تنهد وهي يفكر فجأه جلس برعب وهو يتخيل انها الريم الي متصله عليه اخذ جواله مره ثانيه بيد راجفه حاول يتصل مره ثنتين مافي رد حفظ الرقم بجواله وهو يدعي من كل قلبه انها ريم
ريم منسدحه تبكي وتضرب المخده بقهر: ليه ليه ماكلمتيه ليه
اااااه ياربي بموووت اااااه اااااه
" يا مَوقِدَ النارِ يُذكيها وَيُخمِدُها
قَرُّ الشِتاءِ بِأَرياحٍ وَأَمطارِ
قُم فَاِصطَلِ النارَ مِن قَلبي مُضَرَمَةً
فَالشَوقُ يُضرِمُها يا مَوقِدَ النارِ
وَيا أَخا الذَودِ قَد طالَ الظَماءُ بِها
لَم تَدرِ ما الرِيُّ مِن جَدبٍ وَإِقتارِ
رُدَّ المَطِيَّ عَلى عَيني وَمَحجِرَها
تَروِ المَطِيَّ بِدَمعٍ مُسبَلٍ جاري
يا مُزمِعَ البَينِ إِن جَدَّ الرَحيلُ فَلا
كانَ الرَحيلُ فَإِنّي غَيرُ صَبّارِ "
• قيس بن الملوح |
ـــــــــــــــــــــــــــــــــــــــــــــ
الجد يحلف: والله ان اشغالنا كثير وانا اخوك مير ان شاءلله مرة ً ثانيه ماتشوفونا الا عندكم وكثر الله خيركم كفيتو ووفيتو وجعل الافراح عامرة ببيوتكم
اختلفت الردود من اهل الديره: الله يحييكم بأي وقت الديار دياركم.....اعذرونا كان به اقصور
ابو اسامه: مابه اقصور الله يكثر خيركم ويجزاكم الف خير والله يسعد عرسانكم ويرزقهم الذرية الصالحه
ابو ضاري: والله إنــا في داركم كننا بديارنا الله يبارك فيكم ويحفظكم
ابو سعود: الله يطول بعماركم والله ان جيتكم اسعدتنا ورحم الله ولدنا وولدكم نايف الي جمعنا على الخير ووصل بين الرجاجيل المطاليق
الكل: الله يرحمه
الجد وهو يوقف: اجل احنا نستودعكم الله
وبدو يسلمون على بعض ورسلو واحد من البزران يبلغ الحريم
سما تضم مرام وسمر:والله اني بشتاق لكم جو مره ثانيه امانه
مرام وهي تضمها: ان شاء الله وانتي عاد لو طلعتو لنا قلتي لي ولااتصلتي لي هاك رقمي
سما بأحراج: ماعندي جوال بس عطيني رقمك بتصل لك من عند البنات او خواتي
مرام تكتب لها رقمها بورقه ورقم سمر وتعطيها
وسلمو على بعض ونفس الموال عند الحريم توادعو
وطلعو
وكان الترتيب في السيارات
ناصر وابوه وامه وزوجته
وابونايف وام نايف ورانيا الي جت مسرعه ودخلت السياره هي وولدها واستغربو حسبوها بتقعد عند اهلها بما ان اخوها عريس بس ماقالو شي
وفي سيارة فهد سمر ونهى وغصون وهاجر ومرام
غصون وهاجر متحاشرين بالقدام ونهى ومرام وسمر بالورا وكان مرام عند الدريشه
وفهد متشقق فرحه ان مرام معاه
وبدو رحلتهم بعد ماودعو الكل
غصون: فهود شغل لنا شي
فهد: قدامك شغلي
بدت هي وهاجر يقلبون وكل وحده تغير لين وصلو عند شيله قال فهد بسرعه: خلووها "ومد يده ورفع الصوت"
كنا صغار ونلعب ونرتاح لما نتعب
مافيه حاجه تصعب الا وهي محلوله
العب معاه صغير سواء نروح نسير
مافيه شي يحير وامه هي المسؤاله
وشوي وشوي بعد شويه
كبر كبر وصار بنيه وامورنا عاديه
والي بغينا نطوله
بعد لبس له برقع
ان جيت بجلس يطلع
واكلمه مايسمع
كيف اعترف واشكو له؟!
صار الحياء عنوانه
ونقاب فوق عيونه
والقلب زاد جنونه مذهول من مذهوله
مرام صارت يدها ترجف وهي تعرف انها المقصوده غمضت عيونها بقوه وهي تذكر يومه يبكي ويشد عليها
نزلت راسها وسمر تدقها من خفيف وتغمز وتستهبل مرام توترت واخذت علبة المويه تشرب تخفف التوتر
قال فهد: غصون
غصون: هلا
فهد: قد سمعتي بالحب من الطفوله
مرام شرقت وصارت تكح وفهد ضحك ماقدر يمسك نفسه
وسمر تمسح على ضهرها: بسم الله عليك وش فيك
مرام وشوي وتبكي من الأحراج هي تدري انه يلمح لها من لما ركبت وهذا غير نضراته الي موترتها
همسو لسمر: بنزل بسيارة ابوي
سمر تقرصها وبهمس: قسم ماتنزلين بلا استهبال انا فرحانه اننا بنسافر مع بعض طنشيه وخلينا ننبسط
مرام تفرك يدها صار لها كثير من جلسه مع فهد وسوالفه
نهى بخبث وضحك: الا اقول فهد شفت لك خطيبه تجنن
غصون معاها وبمزح: اي وربي انها تهبل بسم الله عليها
هاجر وبغمزه: تخيل كانت ترقص بالزواج وماخذه كل الأضواء انصحك تخطبها قبل تطير
مرام بتمووووت من القهر والغيره قالت بدون وعي: لو سمحت وقف بنزل مع ابوي
فهد رفع حاجب: تكسي انا
مرام ودموعها بدت تنزل وبغصه: لو سمحت بنزل مع ابوي
فهد استغرب صوتها: طيب بس يوصلون عندنا بوقف
غصون وهي ناويه تجنن مرام : ها وش رايك اكلم امك وامي يخطبونها لك
فهد ابتسم: لا مابيها مستكفي
مرام طلعت جوالها وكتبت لأبوها رساله بدون محد ينتبه وسمر كانت تقرص غصون وهاجر ونهى: بطلو سماجه بليـــز
شوي وسمعو ناصر يدق بوري خلفهم عقد فهد حواجبه ووقف على جنب او ماوقف نزلت مرام بسرعه وراحت لسيارة ابوها
سمر شهقت ولحقتها
فهد كان فاتح الباب استغرب وزعل وعصب سكر الباب بقوه وحرك وهو معصب
شوي وضحكت غصون وهاجر ونهى
فهد بعصبيه: دقاااااق الي يدق حنكك انتي وهي ارتحتو الحين
غصون مو قادره تمسك الضحكه وتصفق هاجر وتضحك
فهد عصب بزياده: انقلعو ورا انتي وهي ماترتاحون الا لما تخربو علي هاااه
غصون بضحك: قسم بلله انكم مهابيل اول شي احنا نمدحها هي وهههههه ثاني شي نقصدها تخطبها بس لاانت ولاهي صاحين وسمر ههههههههههه سمر داخله وساطه هههههههههه
فهد رجع بتذكر الي قالته غصون ثم عقد حواجبه وبغيره: شلون يعني رقصت وماخذه الاضواء
غصون بدت: تخيل خطبوها كثير حريم
فهد: نعـــــــــــم وش الي خطبوها
هاجر وهي تدق غصون: بس انا وغصون كنا نقول هي مخطوبه لزينة الشباب وملحهم وقبلتهم فهود ولد حمد بن عبد المحسن النقاشي
فهد رفع حاجب: بتقطعين هويه انتي
نهى تتقدم بيم وسطهم وتقول: شف كيف كنا ندافع عنك ولانخلي احد يقرب منها بلله مانستاهل توقف بنا عند محطه ننزل ناخذ لنا كذا شبسات وكذا عصيرات ها وش رايك
غصون وهاجر: اي اي صادقه
فهد: تعقبو ولاماانزل وحده تحارشونها ويبون انزلهم بعد
غصون تقلب عيونها: مااالت وين يسوري بس
نهى: الاجد وين ياسر
فهد: مدري صحينا وهو مو موجود
هاجر: عجيب امس كان موجود
فهد مركز على طريقه وتفكيره عند مرامه
اما مرام وسمر كانو بأخر السياره
مرام بقهر: شفتي الوقحات يضغطووون ولافهيدان مكيف على السالفه
سمر: طنشيهم تعرفينهم لااجتمعو
مرام: حتى نهى الكلبه معاهم
سمر تأففت: اووووف اللحين بنوصل واحنا مااستانسنا
مرام تطلع جوالها: تعالي بنصور وننزلهم سناب
سمر بحماس: يلا
وصلو لنص الطريق وقال ناصر بحنان: ها بابا تبين شي من هنا انتي وسمر
مرام وسمر بحماس: اي اي
ناصر ضحك هو والجد عليهم ووقف بجنب محطه
ونزلو بحماس داخلين يشترون لهم
وهم يصورو ويستهبلو
غصون شافتهم وكانت بتموت قهر هي وهاجر ونهى: فهددددد نزلنا شفهم نزلو
فهد: قسم بلله ماتنزلون" وكمل طريقه"وهم مغتاضات منه
سمر ومرام رجعو السياره. وبدو يصورو الاغراض ويرسلوها لغصون وهم يغيضوهم
وبعد تعب وصلو للبيت على وقت الغداء واخذو غداء جاهز ومرام وسمر نامو الثنتين بدون غداء وغصون راحت غرفتها تنام وهاجر ونهى كل منهم الى غرفتها
*****في البر
اسامه يضحك: مو كذا؟
رنيد بقهر: لا مو كذا خربت الرز وش ذا
اسامه يكتم ضحكته: اسف طيب سويها انتي
رنيد: قد خربتها والحين تبيني اسويها كيف؟
اسامه تنهد: اجل مالنا الا ناكلها
رنيد شوي وتبكي: اووووف والمويه شوي وتخلص انت من لعب براسك وقال اطلع البر ليش طلعت؟
اسامه يناظرها: يمكن عشان اشوفك
رنيد تغير الموضوع: يلا الحين كله والخبز لي "وراحت لأخر السياره تدور خبز وكان في شوي اخذت لها واحده وراحت غمستها في قدر الرز وبدت تأكلها وتتغصب فيها
اسامه سوا مثلها وهم يبلعونه غصب!!!!
وكل واحد يناظر الثاني متى يتكلم وعلى وجههم رياكشنات غريبه من الطعم
شوي وانفجرو ضحك الاثنين على تعابير وجيههم
رنيد: الله يكرم النعمه لو ماني جوعانه والله مااكل
اسامه بضحك: طبخي لاتسبيه
رنيد كشرت: الحين هذا تسميه طبخ اااه بس يالقهههر
اسامه رجع يضحك صار يضحك كثير يحس انه مبسوط بوجودها وكثير مبسوط مايدري ليه ليه كذا يكون فرحان معاها
قولي بربكِ كيف أنسى مهجتي
بل كيف أنسى منبع الإحساس
(ما لاح برقٌ أو ترنم طائرٌ)
إلا ذكرتكِ دون كل الناس
• راضي الدوسري |