تحضى نـار قلبي
حلقة الخمسون
تحسن الظن فتندم، خير من ان تسيئه فتظلم !
......
تفاعلو على الفقرات فيروزاتي
..
أبتلـع ريگة وگـال
_هسة مـال أنام على هل شكـل.
سرور: نام منو گالك لا تنام..
همهم ورفعني من حضنة وگام أتمدد على السرير ودفن راسة برگبتي وحاوط خصري بيدينة.
بادلتة الحظن بدون ما أحچي شيء لحد ما غفيت..
گعدت على صوت الجهاز يدك
أبتعد عني ياسين وأخذ الجهاز فتح خط وحچة بنعاس
_الوو
لحضات وكمز من مكانة وگال
_الى رحمة الله، جايكم مسافة الطريق.
مرتضى وين عرف بالي صار لو لا؟
، لا يمعود هسة أطلع وإن شاءلله أوصل من وقت.
سلم وغلق الجهاز.
صد علية گال
_ أبن خالة ضي توفة.
عقدت حواجبي وحچيت بتسائل
_النوب هاي منو؟؟
مسد على جبينة وحچة..
_خطيبة مرتضى.
فتحت عيوني بصدمة وحچيت
_عليك لعباس مرتضى خاطب!!!؟
عقد حواجبة وأبتسم بهدوء
_اي والعباس خاطب
شبيچ اليوم سكرانة أول تالي هيچ تحلفين.!
شمرت نفسي على المخدة وحچيت
_ خليني من البارحة واليوم دماغي افتر فرة هم سالفة برشة ومرتضى وهم أقاربكم.
حطيت ايدي تحت راسي وحچيت
_بس لا أروح وياك هم؟
رد وهو يطلع ملابسة من الكنتور
_براحتچ تردين أمشي واذا ما تردين لفي راسچ ونامي.
واني بالهواي باليل يمكم.
همم خوش لعد أني ما أروح لان تعبت من الطريق.
هز راسة ونزل يغتسل أقل الربع ساعة أجى مبدل وينشف بشعرة.
ملابسة كلهن مي
عقدت حواجبي وحچيت
_ليش لبست وانت مامتنشف زين شوف ملابسك.
گعد على السرير وگال
_ گومي طلعيلي ملابس سود لعد.
واذا على هسة قابل رايح بيهن غير على مود برشة خاف تطلع من الغرفة هم ما يصير وحرام.
رديت علية واني أگوم
_چان لفيت البرنص
باوعلي صفح وگال
_ برشة حساسة وأحتمال تفكر بندم لان أجت هل تتوقع عايقة راحتي لهل سبب هم البنية ماخذة راحتها وهم أني مرتاح لان ضامن بنت خالتي بـ امان.
تنهد وأردف
_سرور برشة تعذبت هواي من حسين واني شاهد علية شلون يعاملها بنذالة بس لان هيَ يحبها أخو.
زواج حسين وبرشة أكبر غلط صار بهل كون.
و زوج خالتي الله يسلمة ماعرف شلون يسيطر على الوضع وشاف زواجهم الغلط مناسب.
وأتذكر بفترة زواجي منچ من چنة بكربلاء هم أتزوجو وچنتي شاهدة على خلافاتي وياهم.
شگد وگفت ضد زوج خالتي وحسين ومرتضى على مود برشانة.
والف مرة سألتها يا برشانة أعرف بيچ مجبورة على هل زواج بس گولي ما أريد أخذچ من نص عيونهم وتسكنين ويانا وهي دائماً ترفض وترفض..
مرتضى يحب برشانة من هي وبالگماط وكلها تعرف برشة لروضي لدرجة محد يباوع علية أو يفكر يخطبها من الاقارب.
روضي عندة برشة فوك كل شيء بحيث موفر الها كل شيء وفنة إلي يحچي وياها.
بوقت إلي فكر مرتضى يخطبها وتصير زوجتة دخل بينهم
إلي ما يخاف الله وبرشة فضلت تنفصل عن روضي ولا تأذي..
و حسين فضل يزوج برشانة بحجة ستر وهل لطلطيات المالها داعي.
أتزوجو وخلصت بينهم روضي گدامي متعذب لدرجة طلع من البيت وهو ما يحچي ويا أحد غير أمة.
وبرشة هم تعاني بس مو نفسة.
حسين يعرف بمشاعرهم ولان علاقتهم ميئوس منها چان يضرب برشانة گدام مرتضى من يجيهم.
وهذة يجن جنونة ويحط أخو وينعل صفحتة.
أكثر من مرة أتدخلت بينهم وحاولت أفض سالفتهم بس عبث.
أستمرو هم ومشاكلهم لحد قبل فترة خطب مرتضى ضي بنت عمة لان أبوها متوفي من زمن صدام وهيَ عايشة يم أخوها إلي هسة توفة سابقاً راد يزوجها لأبو صديقة.
ومتأكد لو ما برشة گالت الة شوف حياتك اني كملت حياتي ويا حسين وتام زواجهم.
ما كان مرتضى خطب لو ما گالت الة هيچ برشة.
وللعلم ضي وبرشانة چانن صديقات مقربات..
والبارحة تسودن أبو السوادين وخاط الامة العربية لان سامعها مدري شحاچية..
هزيت راسي بموافقة وهو بدل وطلع بدون ريوگ..
صارت عيني على الساعة ثمانية ونص.
دخلت للحمام أغتسلت وطلعت غسلت مواعين البارحة وحطيت القوري وطلعت دجاجة تبلتها وخليتها
وصعدت بدلت ونزلت كملت الچاي طفيتة ونضفت البيت طلعت للطارمة صار هوااي ما غاسلتها رغم هيَ صغيرة.
غسلتها ودخلت قفلت البوب وأخذت الملابس المغسولة
لغرفة نارفي فتحت الباب على كيف على مود برشة
بس لگيتها گاعدة حاضنة جسمها وصافنة بالفراغ.
تنهدت وتحمحمت
_صباحو يا عسل
صدت علية وأبتسمت مجاملة، حچت بهدوء
_صباح النور..
بادلتها الأبتسامة ونزلت الملابس من أيدي وحچيت
_ دام أنتِ گاعدة گومي نتريگ سوى.
هزت راسها بهدوء وگامت تريد تطلع حچيت
_برشة أخذي راحتچ ونزعي حجابچ ترى ياسين طالع وبس أني وياچ هنا.
نزعت حجابها وگالت
_أريد أسبح عادي مو؟!
أبتسمت وحچيت
_اي عادي قابل أمنعچ واني سبقتچ هم
أنتِ أغتسلي بين ما أسوي الريوگ بس أكو شي ببالچ لو لا؟
هزت راسها بنفي وگالت
_لا عادي ماعندي كل فرق..
طلعت من يمها وهي وراي دخلت للحمام طلعت الها منشفة جديدة وديتها للحمام ورجعت أسوي ريوگ.
بين ماكملت تگلا طلعت برشانة من الحمام.
تريكنة بهدوء لا أني بادرت ولا هيَ
غسلت المواعين وحطيت الدجاجة بالفرن.
سويت تمن وأخر شيء طفيت النار عنهن وطلعت من المطبخ.
أخذت جهازي لگيت ياسين متصل علية مكالمتين قبل ساعتين.
أتصلت علية رد وگال
_ رجعتي نمتي مو؟
رديت: لا وين أصلاً من طلعت لحد الان منايمة.
تهمهم وأردف بهدوء
_ هيچ ما تگدرين تنامين الا على أيدي؟
رفعت حواجبي وأبتسمت
_ ليش شعندي غيرك ها أصلاً ما تغمضلي عين لان أنتَ مو يمي.
ياسين: يا بعد بيتي بيتچ هسة أعوف الفاتحة وأگابلچ وأكعد لا شغل ولا عمل المهم راحتچ قزحيتي.
ضحكت بهدوء وحچيت
_بس لاتنسى نارفين وياك جيبها لان بالي يمها.
رد بنبرة مختلفة
_ اتأخر برجعتي لان أول يوم فاتحة.
_ها خوش لعد.
ياسين: اي، صدك سرور وصي على من المطعم الي بالركن ترى برشانة بطنها أهم من كل شيء الله وكيلچ اذا ما تاكل متسكت.
_ليش أدز مو بعينك أني مثلاً سويت دجاجة مشوية بالصلصة وتمن بالزعفران وطفيت الطباخ هم.
ياسين: افا عليچ أم نار هذا يا أغبن مو بعينة أنتِ دولة وعلم واثق منچ بعد عافيتي بس توقعت تعبانة..
_يولن حياتي بعد ما يفيدك المدح، وللعلم حتى البيت كملت شغلة.
ياسين: هذة الحچي الزين، يلا حبيبتي لازم أروح صبو غدا و ما أوصيچ ديري بالچ على نفسچ.
_ان شاء الله وأنتَ هم.
سديت الجهاز من ياسين صليت ونزلت سويت زلاطة وطلعت الطرشي وصبيت الاكل بس حسبت حساب ياسين تركت الة حصتة.
اتذكرت عمو أعتقد بالبيت مو بالشغل اليوم..
أتصلت علية لحظات رد علية وحچيت
_هلا عمو شلونك..
رد بهدوء وحنية
_هلا بيچ بوية حمد الله برحمة الله أنتِ شخبارچ و نارفين شلون صحتها.
_يروحي عمو حمد الله زينة وتسأل عن جدها شلونة.
أبو منال: ههه ربي يحفظها ويقر عيونكم بشوفتها أحسن حال ومال.
_تسلم ياغالي بس سؤال أنتَ بالبيت لو بالشغل؟
أبو منال: والله يا بنتي اليوم مشيت بالتقاعد ورجعت قبل ساعة.
_كل ما تحچي بالتقاعد تضوجني خسرناك والله وصعب نتعوض بشخص غيرك..
أبو منال:أكو أحسن مني بنتي والعمر الة حوبة خليني أرتاح الباقي من عمري..
_أسم الله عليك عمو و العمر المديد إن شاء الله لا تفاول روحك وأنت بعز شبابك..
ضحك بهدوء وحچة
_يا بوية تضحكين على منو بينا ثنينة نعرف الشيب تارس راسي.
رديت بعتراض
_ الشيب يزيدك وقار ومو عمر أكو شباب ومشيبين وأكو كباار وما مشيبين.
هسة عوفك من هل كلام تگدر تجي علية من الباب؟
أبو منال: بهذة صدقتي،خو ماكوشيء؟!
سرور: سلامتك يعمري بس رايدتك.
سديت الخط منة وحضرت صينية بسرعة من الأكل ويا ما خليت الخبزة بالصينية دك الباب
ضحكت واخذتها وطلعت فتحت الباب مديت راسي وحچيت
_يا هلا بـ أبو منال الگاطع.
ضحك بهدوء وگال
_باچر باليل يمكم أريد أشوف ياسين.
قلصت عيوني وحچيت
_ها ها مصلحة ويا نسيبك موو
أبتسم بتنهيدة وگال
_لا بوية شعندي غير بنتي وسيب يا گلبي سيب ولا شوفتك يالنسيب جايكم على مود وفاة أقاربة.
ضحكت بقوة وحچيت
_والله كفو هسة يجي نسيبك وأگلة.
وعلى فكرة يا عمو سيب يا گلبي سيب ولا كعدتك عند النسيب مو شوفتك للنسيب.
رفع حاجبة وگال
_هساع مافهمنة منچ شيء بعد مانحچي گلنة ما نحچي و أعترضتي.
أبتسمت وحچيت
_أتشاقة وياك عموو
مديت الصينية وحچيت
_أعرف بيك ما تدخل للبيت لان ياسين مو بي والدليل وگفتك بالباب لهل سبب عزلتلك غداك لان منالهانم تتأخر..
تنهد ولمعن عيونة
_ ليش اتعبين روحچ يا بوية المطاعم تارسة الدنيا..
سرور: وياهي أقرب بنتك لو المطعم مو عيب هل كلام لعد ألمن تسميني بوية وأني ماأقدم الك أبسط شيء.
مسد على راسي وأخذ الصينية وگال
_مو بالحيف بوية أنتِ ما مقصرة بشيء وأريد رب العالمين ينطيچ على كد نيتچ الصافية والله يرحمة لأبوچ على هل خلفة.
أبتسمت وحجيت
_ شما أسوي ما أجازيك هوايي تعبتك وياي.
أبو منال: واني أبد ما أنتضر منچ مقابل خليها ببالچ
، يلا بوية دخلي وکفتچ بالباب موحلوة هيچ.
أبتسمت وحچيت
_ مع السلامة
أشر بيدة وطلع
سديت الباب ودخلت أخذت الصينية وصحت لبرشة وگعدنة نتغدة بهدوء وبدون كلام.
أخذت المواعين غسلتهن وطلعت يمها گعدت بالصالة وأثناء لكلام سألتني منال
_هذا أبوچ إلي أجى مساعة؟
سحبت نفس وحچيت بهدوء
_بمقام أبوية ليش؟
برشانة: ما أعرف توقعتة أبوچ.
_والدي منطيچ عمرة من زماان ما تذكرين من چنت يمكم.
برشانة: ما چنت أسأل عنچ مكتفية بالي أعرفهن.
أبتسمت وحچيت
_مسالمة چنتي.
ضحكت بهدوء وحچت
_ليش وهسة أدور عركات
مجرد حچت هيچ أتذكرت دخلتها علينة ضحكت وغمضت عيوني هزيت راسي بنفي
برشانة: لا هل ضحكة وراها شيء أحچي شكوو
تحمحمت وعضيت شفتي حتى أسكت
_ دخلتچ الخنفشارية البارحة تحچي غير شيء.
ردت بعدم أهتمام
_لچ عيني ناس مو مال أحترام يعني يعرفون بيچ تسودنين من هل إنسان ويردوچ تحزنين وتحدين الة يابة هو شنهو غير إلي برجليني أنگطع وغيرتة؟؟
رفعت حاجبي وحچيت
_يعني تردين تغيري؟ موو
ضحكت بصوت مرتفع وحچت
_الله وگيلچ ومحمد نبيچ والعباس كفيچ يا سرور روضي حبة مزرووع بنص گلبي ومستحيل يطلع بس على سوايتة بية البارحة لـ أحط گاز وأحرك حبة وأنعل ابو لابو لهل حيوان البشري.
شگد تحملت منهم بس كااافي هواي ضگت وشفت وقسمت البارحة زواج ما أتزوچ لو أعرف أگود هم بس مال أتزوج لا والله لان سالفة أگلچ ناسية روضي چذب لان أتزوجت ومن سنوات ومناسيتة مو يوم ينسيني وبعد قسمت على نفسي لا حب ولا زواج هم من مرتضى وغيرة شحلاتها الگعدة بالبيت وبدون الزواج والقرف مالتة.
سرور: ما يصير تقسمين لان ما تعرفين إلي يصير بعدين يمكن تنجمعون بيوم من الأيام..
ضحكت بستهزاء وحچت
_ مستحيل أفكر اتزوج او أتقرب منة وهوَ مسجل بأسم صديقتي نفسي چزت منة بيوم خطوبتة.
الله ما قاسمنة لبعض وإن شاء الله ضي تعوضة وتملي گلبة بحبة الها وينساني ويطلعني من بالة لان مستحيل وماكو أمل لو واحد بالمية أرتبط بي بعد.
خليني أشوف روضي إلي يحاميني وساندني الضاهر رب العالمين راد يشوفني البارحة حتى بعد ينزل كلش من عيني.
سرور: كملي دراستچ وأتوضفي وعيشي لنفسچ ورب العالمين يدزلچ الأحسن..
برشانة: لا ما أكمل دراسة راحت وفاتت بعد بس أريد أستقل نفسياً وجسدياً ومادياً.
ومجرد يطلع الأربعين أطالب ببيت أبوية بالأخير اني الوارث الوحيد لان لا أخ ولا أخت عندي..
_لاتنسين أني وياسين يمچ وتأكدي ما تحتاجين هل شغلات وأنتِ وحدة منا وبينا والأحسن أنو أكو فد ونيس وياي بالبيت أبن خالتچ يتركني ويطلع وأبقة وحدي..
ضحكت وگالت
_ هو اني باقية على گلبكم وداعتچ صمغ أمير..
_أحلى صمغ وداعتچ.
برشانة: صدك من البارحة أسمع بـ أسمع نارفين ونارفين تالي لحد الان ما شفتها.
ضحكت وحچيت
_يم بيبيتها
عقدت حواجبها وگالت
_أمج مو ميتة؟؟
_أقصد أم ابوها شنو نسيتي!
برشانة: شنو والله نسيت خالتي بيبية ولو لو تشوفيها تگولين بنت ١٥سنة ولا چن أبنها دخل بالعمرين..
ولو عمي يا عمرين وهو بعدة شباب ومن الصباحيات يسبح ويطلع
نهت كلامها بمكر فهمت قصدها وحچيت
_شوف التفكير وأنتِ شمدريچ سابح الصبح ها
ضحكت بصوت مرتفع ورفعت شعرها گالت
_والله يا حبيبتي ويا ما فكرت أنام سمعت صوت الدوش أنفتح وطار النوم من عيني لحد ما سمعت صوت الدوش مرة لخ وهذة دليل على أنو ماگعدتو راحة باليل وفوگاها نارو مو يمكم شد يابة.
سرور: لا والله أنتِ كارثة بشرية أبد مو برشة القديمة.
برشانة: اووو دا كاااااان زمااان
خلص النهار وحل الليل تعشينة خفايف وگعدنا نتابع فلم مددت لان ضهري موتني من الالم.
برشة گامت وسألتني گلتلة لا أبقى هنا أنتضر ياسين.
راحت للغرفة وأني بقيت بمكاني لحد ما غفيت..
ما حسيت غير على ياسين يريد يشيلني فتحت عيوني أبتسم ورفعني عن الأرض.
توسدت على صدرة ورجعت نمت.
حسيت علية من حطني على السرير وتمدد أخذني لحضنة ودفن راسي برگبتة..
عطرة مريح للأعصاب أستنشقتة وتنفست براحة
أبتلعت ريگي وحركت راسي برگبتة.
ضحك بهدوء وتمسك بية بقوة وهمس
_حبيبي الملعون گاعد
ضحكت بهدوء وحچيت
_اي گاعد، نارفين وين!؟
باس راسي وگال
_نايمة بسابع نومة ومتغطية هم.
تهمهمت بهدوء وحركت خشمي برگبتة
رفعت أديني حضنتة وعضيت رگبتة بهدوء.
ضحك وحرك راسة
_ حبيبي أكعد راحة لا ما تسلم مني اليوم.
تقربت على رگبتة وحچيت بهمس
_أحب لحمك أحس هيچ مال عض.
ضحك بقوة ورفع راسة عني أعتلاني ودنك علية مبتسم ركز بعيوني وكال
_أبد مو راحة صايرة
گلبت عيوني وحچيت
_أحب لحمك هي گوة؟
رفع حاجبة وگال
_ بس الحيوانات تحب اللحم النيئ قزحيتي.
دفعتة بيدي وحچيت
_وخرر وخرر هم صوچي اني إلي كعدتلك.
ضحك بصوت ورفع أديني فوك راسي وگال
_ يابة اسفيين عذرينا.
رفعتة حاجبي وحچيت
_روح نام حبيبي الحلو
قوس شفايفة وقرب راسة يم أذني وهمس
_ فات الأوان بعد دام أنتِ إلي علتي تتحملين نتائجچ.
حسيت علية عض شحمة اذاني بعدت راسي عنة ودفن راسة برگبتي.
شدني لحضنة وطبع أثار ملكيتة علية.
ويا ما فتح دگم القميص إلي مرتديتة گعدت نارفين تبچي
صد عليها وگال
_أنعل أبوچ يا بعد طوايف أبوچ مالگيتي غير هل موعد.
ضحكت بصوت مرتفع ودفعتة وحچيت
_يولن حبيبي بنتك أهم مو لو مومو
ياسين: بنتي ما تحس غير بس وقت ألزم أمها چن موصيتها علية.
صديت علية رمقتة بنظرة صفح وحچيت
_ نام يحلو لان سهرتنة للصبح.
ياسين: بس اليوم وداعتچ وأريد أشوف شلنفص تجيبها للغرفة بعد .
رفعت حاجبي وحچيت
_لعد وين أوديها غير صغيرة.
رد بهدوء
_برشانة أختارت غرفة نار بس هيَ ما تدري بمعنى هل غرفة لازم الليل هي تسهر وياها.
رفعت حواجبي بستنكار ورديت
_مو ماخذها فصل حتى تسهرها.
ضحك وحچة بمكر
_بنت خالتي مشيطنة وأكيد تساعد أبن خالتها حتى يسرعون عملية الأنتاج.
تقربت على نارفي شلتها لحضني وشغلت تيب اللامب غيرت الها ملابسها وگعدت أرضعها صارت عيني على ياسين غافي أبتسمت ونزلت عيني عليها لگيتها نايمة مددتها ونمت بينها وبين ياسين.
حسيت الصبح على صوت منبة فتحت عيوني بنعاس شفت ياسين گام.
صديت علية وحچيت
_شنو وين رايح؟
تقرب علية باس راسي وگال
_نامي لاتگعدين ، خلصت الاجازة ولازم أرجع أداوم.
رمشت أكثر من مرة وحچيت
_الساعة بيش؟!
گام وگف وتثاوب بنعاس
_تقريباً أربعة ونص هيچ شيء..
عقدت حواجبي وحچيت
_شو من وقت ليش!
أبتسم وحچة
_حسب أكو أيام من وقت وأكو لا والله بالسبعة.
هزيت راسي وگمت نزلت.
سويت ريوگ بين ما سبح وصعد يبدل.
نزل تريكنة سوا وبالخمسة ضبط طلع من البيت.
مشى اليوم طبيعي لحد ما رجع ياسين شكلة مو تمام تفاجئت لان ما أعرف شنو بي..
تغدا وصعد للغرفة.
نارفين بقت يم برشانة واني صعدت لگيتة حاط أدينة تحت راسة وصافن بالسقف
تقربت علية گعدت يمة وحچيت
_بيك شيء؟
هز راسة بنفي وسحبني علية أحتضني ودفن راسة برگبتي وگال
_تعبان هسة أنام وأرتاح.
ما حچيت شيء تركتة على راحتة أقل الربع ساعة غفة.
ما طول بنومتة وصار يون بصوت مرتفع گعدتة ما گعد وأرتفعت نبرة صوتة هزيتة بقوة رفع جسمة ويتنفس بسرعة حاجيتة ما رد علية گعدت مقابيلة وحچيت
_ياسين تسمعني أحچي وياي..
صفن بوجهي لحضات بعدها گال
_ صاحي صاحي.
گام ونزل غسل وجهة ورجع راد ينام گعدتة وحچيت
_ گولي شكو يلا تنام.
زفر نفسة وحچة بسرعة
_اليوم چان عندي أعدام واحد مجرد شكلة ما راح من بالي وهو يتم علية الحكم وبس.
شهگت بخفون وحچيت
_ عليك الله تشهد مدري تنفذ على قضايا هيج؟؟
زفر نفسة واخذ المخدة خلاها فوك راسة وگال.
_والله اذا يطلع حرف ثاني منچ أنزل أنام بالاستقبال.
ضحكت بستهزاء وگمت من يمة.
مرت الايام وأستمرت هل فترة لحد ما مر الاربعين على وفاة حسين..
اليوم ياسين طاگات عندة وعازم بيت عمي وخالي علي وعمو أبو منال
كلنا أجتمعنا لان تحدد عرس خالو علي وسلـر بعد أسبوع..
برشة ملتهية بنارفين واني أشتغل بالعشا
ياسين بالدوام وتارك كل العزيمة براسي.
تقريباً بالخمسة ونص رجع من الشغل ويا السمچ.
عمي وعائلتة موجودين وخالو هم ويا بيبي وخالي الچبير وزوجتة.
صبيت الأكل وأنجمعنة على سفرة وحدة كلنا وطغى الفرح علينة ياسين يحشش على سلر وخالي.
وبيبياتي يسولفن متعجبة شلون يسولفن وهن بينهن سوالف الحبنچيات وحسب مافهمت من خالو علي أنو جدو أبو أمي و بيبي ام أبوية جانو يحبون بعض بس أهل جدو ما قابلين وبيبي حالفة الا تاخذ بنتة لواحد من ولدها وفعلاً من صارت امي بعد معاناة وافق جدو وهو جان متخوف من سالفة انو بيبي تحط عقلها ويا امي وتنتقم منها بس بيبي رادت تقوي هل علاقة.
بعد ما خلصو العشا أخذت المواعين وغسلتهن ساعدتني سلر وخلصنة بسرعة
أخذت الچاي وديتة الهم وگعدت يم ياسين.
خالي صد علية وگال
_ علويتي بس لاتردين هل طفل يطلع على ياسين.
أستغربت كلام خالو بس ضحكت وحچيت
_ها خالو رجعتو علية بعد ما خلصت سلر منكم.
ضحك ومسد على لحيتة گال
_ هم راجعتي بعد لو لا؟
عقدت حواجبي بتسائل وحچيت
_بشنو؟
ردت علية سلر
_قصدة الحمل هم چيكتي وضع البيبي عرفتي شلون صحتة...
قاطع صوت سلر كحة ياسين إلي غاص بالچاي..
صديت علية عيونة حمر و وجهة محقون بحيث گام من الاستقبال وراح للمطبخ..
ما أستوعبت كلام خالي لحد ما گال
_ بس لا ياسين مايعرف بيچ حامل؟
شهگت وفتحت عيوني بتذكير على صدمة وحچيت
_عليك الله خالو نسيت ما كايلتلة
.......
منال..
جر سلسلة البجعة من رگبتي ودفعني.
حسيت على حرگة برگبتي صحت بصوت مكتوم وتلمست رگبتي بألم..
مسحت شفايفي بقوة بيدي وحچيت
_اييييع شهل قرف الله ياخذك.
رفع حاجبة وحچة بستهزاء
_مو چنتي كاتلة نفسچ بس حتى ألتفتلچ.
ضحكت بصدمة على تفكيرة وحچيت
_ تعرف شيء كرهت نفسي لان بيوم من الأيام فكرت بيك وچنت أتمنة بيوم تعترف بمشاعري.
لان واحد نفسك ما يستحق حبي الة لان يا أستاذ بنيامين أنتَ شخص تهمة الشهوة والغريزة وما يهمك الحٌب والمفروض أعرف هل شيء من دورت ستايلات.
حسافة على كل لحظة نزلت دمعتي عليك وحسافة على كل يوم ذكرتك بي وحسافة على الأيام إلي چنت أركض بيهن للمترو بس حتى أشوفك.
حسااااافة على كل شيء أنذكرت بي.
بس لعلمك الواگفة كدامك مو لوير منال إلي كرست أشهر من حياتها بس حتى تلمحك..
لا هسة وحدة غييرر يا بنيامين.
عقد حواجبة وقلص عيونة ظهرت أبتسامة مستفزة على مبسمة وحچة بهدووء
_كل ماهو صعب محبب للقلب.
ردت أحچي سبقني وگال
_ عوفچ من اللغوة الزايدة، باچر أني يمچ.
عدل سترتة وغمز بضحكة وطلع من المكان.
رمشت أكثر من مرة وزفرت نفسي.
رجعت گعدت على الكرسي مغمضة عيوني وگلبي يدگ..
أبد ما تخيلت هيچ رغم القرف إلي صار بس ما معقولة هذة بنيامين مغيرينة بدون سابق أنذار..
رگبتي حرگتني أخذت جهازي فتحت كامرة وشفتها صايرة حمرةة ودم قليل ضاهر..
سبيتة بداخلي وطلعت من المكتب صارت سرور گدامي أبتسمت وحچيت
_لا للعمل
ممنوع تطلعيلي بشغلة لخ
عليچ الكعبة تعبتتت
حضنت أدينها ورفعت حواجبها وحچت
_ صارلچ ساعة گاعدة ويا بنيامين وهسة تعبانة ست مناال.
ضحكت بصوت مرتفع وهي كرصتني من أيدي
سحبتها وحچيت
_اووي أيدي ليش هيچ قاسية.
غمضت عيونها وحچت بعصبية مكتومة
_اللهم طولچ يا روح، هسة صار بيها قساوة مو!؟
رمشت الها أكثر من مرة وحچيت
_أمني أمني سرور.
ضحكت على ردة فعلها شلون عوجت حلگها.
تركتها ومشيت وهيَ واصلة مرحلة بالعصبية.
طلعت من المكتب ورجعت للبيت.
باليل أبوية أنتبة على رگبتي وحچة علية لان گلتلة بدون ماانتبة من غيرت التيشيرت سحبتها ويا.
الوقت بسرعة يركض وبنت سرور أنخطفت
حال أمها يكسر الگلب أشوفها وأرجع.
ياسين طلب مني المساعدة حتى يگدر يثبت موقع و أستجواب الي مسؤالة عن نارفين.
فترة بسيطة و وصلني خبر ياسين متعرض لطلب ناري لان الذكي سابق الدوريات.
بالگوة طدرنا أنلتمها ونسد الموضوع.
أيام ونارفين سائت حالتها وسرور لاليلها ليل ولا نهارها نهار گضتها بالمستشفى لحد ما طلع ياسين ونارفين وطلبت مني أبقى يمها.
بيومها خالها علي طلب يخلي فراش ببيتنة وأحنة نعبرة لبيت سرور لان ماعدها.
طلعت من البيت ودخلت لبيتنة.
أخذت الفراش وعبرتة من الخلفية وللحظ بنيامين هو إلي أستلمهن مني.
ما أعرف شلون خلصت ورجعت لبيت سرور.
باليل أغتسلت ورجعت لبيتها دخلت لغرفة نارفين وأمنت الكل نايم.
گاعدة مندمجة بالجهاز أكنك راسلني بنيامين وطلب يشوفني گلتلة ما أگدر دز علامة اوك.
تركت الجهاز تأكدت من نارفين مابيها شيء هستوني اريد أقفل الباب نفتح ودخل بنيامين.
تفاجئت من شفتة حچيت
_هاا بنيامين.
ركز بملامحي لثواني معدودة وحچة بهدوء
_من تردين تشوفين أو تعرفين شيء يخص حيـاتي أختصري المسافات والتسائلات وتعالـي إلي لان حياتي مبهمة للجميع.
. لهمت شفايفي وحچيت
_يعني.!
ما فهمت قصدك.
تنهد بهدوء وأتعداني.
گعد على السرير وحچة بأمر
_گعدي عشر دقايق و أطلع أجيت أشوفچ شيء تارس فضولچ لـوير.
عقدت حواجبي بتسائل وتقربت علية گعدت بعد مسافة وحچيت
_شنـو!؟
فتح جهازة وگلب بي عيوني علية مجرد يحرك اصابعة تنهد بهدوء
و وجة الجهاز ناحيتي صديت علية شفت بنية كلش حلوة وملامحهة بريئة لدرجة أبتسمت وحچيت
_منو هل حلوة!؟
رمش بهدوء وصغر الصورة.
فتحت عيوني بصدمة من شفتة وياها ومتمسك بـ أدينها وعيونة مركزة عليها.
أبتلعت ريكي وبللت شفتي
ركزت بملامحة وأحس کلبي يريد يطلع من مكانة.
حسيت بهاجس أنو تكون هل بنت مريم زوجتة.
أبتسمت بمجاملة و أخذت الجهاز من أيدة و أگلب بالصور حتى بدون ما أستأذن منة.
صورة عن صورة تقهرني زيادة و وضياتهم بالصور واضح الحُب والأندماج بينهم..
وصلت لصورة كاملة الهم واضح عقدهم لو حنتهم..
واگف وراها ومحتضن خصرها و دافن راسة برگبتها أحس أختنگت بالگوة سحبت النفس..
گلبت الصورة الثانية قريبة علية لدرجة مو طبيعية.
محتضنها و وجهة مقابل وجهة.
گمت وگفت ومسدت على وجهي إلي الحرارة تطلع منة.
شمرت الجهاز علية وحچيت بخنگة واضحة
_هذه مريم مو؟
هز راسة بدون ما يحچي وعيونة مركزة بملامحي.
ضحكت بقهر وحچيت
_ و ليش تشوفني صوركم!؟ شنو معناها ها!
غمضت عيوني أحاول أتدارك وضعي بس عبث.
أنطيتة ضهري ونبتت أضافري بيدي بقوة.
وبالكوة أخذ النفس.
أسمعة يحچي بس ما رديت لان اعرف بروحي أصخم الأمة أذا أرد علية.
_مريم ملاك أنسانة بكـل وقت ألجئ الها لان عرفت تحتويني رغم الفترة القصيرة إلي تواجدت وياها.
حتى واذ كنت بقمة غضبي وعصبيتي مجرد أسمع صوتها أهدئ عرفت تعزف على الوتر بحيث يومي ناقص أذا ما أسمع صوتها.
من أكون عصبي تخليني على راحتي أحچي وأصيح وأخرب الامة وبعديها تحچي وياي بحيث أحس نفسي الغلطان لان رفعت صوتي عليها.
مريم مرهم لگلبي الله سواها بس هل مرهم إلي داوه جروح گلبي العميقة فجئة أنقطع قبل لا تكمل علاجة..
وبدل ما يتشافن هل جروح تعمقن وألتهبن بشكل مو طبيعي..
رجف كلبي على كلامة وأحساسة من يحچي أحس وصلني.
سكت وماكمل كلامة
لحضات وسحبني من أيدي خلاني أصد علية وترك أيدي وگال
_ مو أحچي وياچ.
كزيت أسناني وهزيت راسي على لحظة توگع دموعي..
نزلن عيونة على أيدي
عقد حواجبة وسحب أيدي إلي منبتة اضافري بيها
ضغطت أقوة وركزت بوجهة المحتقن.
صد علية وحچة بعصبية
_شبيچ يابة تخبلتي علينا أيدچ يا اللوير الفاهمة.
رفع حاجبة وگرص أيدي بقوة صحت علية ودفعتة حچيت
_شبيك أيديي
ضحك بستهزاء وگال
_ما بية شيء ليش؟
هيچ كاتل نفسي عليچ.
فرگت أيدي بقوة وحچيت
_مو غريبة عليك أذكرك لو ناسي قبل فترة شسويت هاا؟
عقد حواجبة وگال
_ليش شسويت!؟
رديت بعصبية
_ها نسيت مو هيچ صار الحچي؟
أبوية آلي جرح رگبتي بالسلسلة
وصدك وينها!؟
صفن و أبتسم بوجهي هز راسة وگال
_موجودة بالحفظ والصون.
رفعت حواجبي وحچيت
_لا حفظ ولا صون أريدها.
حضن أدينة وحچة بهدوء
_ يعني تردين تشوفيها هسة!؟
رديت
_اي طبعاً غير إلي.
رفع ردان اليشيرت وضهرت السلسلة بزندة محتضنة عضلة أيدة..
رمشت أكثر من مرة وحچيت
_ليش گاطعها هيچ!؟
قوس شفايفة وگال
_ هيچ يعجبني وحافظت عليها أكثر منچ كهربي.
بعدني على صدمتي كرص خدي وطلع من الغرفة يضحك.. يتبع..
_رأيكم وتوقعاتكم
_شنو تتوقعون ىد فعل ياسين من عرف بحمل سرور
_برشة هم ترجع لمرتضى!؟ او مرتضى يترك ضي ويرجع لبرشانة!؟
_حسابي الانستا 3_organza
تابعو حسابي الواتباد umkno22