သွေးထိုးသူ မင်းသမီးကိုး
................................
လင်းကျန်က ဧကရာဇ်ကို ယခင်ဘဝတွင်ပင် မမြင်ဖူးချေ။ ယခုက သူနှင့်ပထမဆုံးအကြိမ်တွေ့ခြင်းဖြစ်သည်။ ယနေ့မတိုင်ခင်တွင် ဧကရာဇ်က ဝဝဖိုင့်ဖိုင့်ယောက်ျားကြီးဖြစ်မည်ဟု သူထင်ထားသော်လည်း မမျှော်လင့်ထားစွာဖြင့် အလွန်ပိန်ပါးသည်။ ဧကရာဇ်သည် မွေးကတည်းကပင် ကိုယ်ခန္ဓာတည်ဆောက်ပုံ အားနည်းသကဲ့သို့ နေမကောင်းပုံပေါ်သည်။ ထိုသို့ဆိုလျှင်ပင် သူက ဧကရာဇ်ဖြစ်နေသည့်အချက်ကို ပြောင်းလဲ၍မရပေ။ သူ၏ ဩဇာအာဏာက လူအများကို သူနှင့် မျက်လုံးချင်းမဆုံရဲရန်တားမြစ်ထားသည်။
"ထလို့ရပြီ၊ အိုက်ချင်းတို့။ ဒီပွဲဟာ မြို့တော်ကို အိုက်ချင်းယွီဝမ်က အောင်ပွဲနဲ့အတူ ပြန်လာတဲ့အတွက် ကျင်းပတာဖြစ်တယ်။ စစ်မြေပြင်မှာ ရဲရဲဝံ့ဝံ့ တိုက်ပွဲဝင်ခဲ့တဲ့ စစ်သူကြီးယွီဝမ်နဲ့တကွ စစ်သားအားလုံးအတွက် ကျေးဇူးတင်တဲ့အနေနဲ့ ငါကိုယ်တော် နိုင်ငံသားအားလုံးကို ကိုယ်စားပြုပြီး ဒီယမကာတစ်ခွက်ကိုသောက်တော်မူမယ်။ သူတို့သာမရှိရင် ဒီအောင်ပွဲကိုရမှာ မဟုတ်ဘူး။"
ဤသို့ပြောပြီးနောက် ဧကရာဇ်က ယမကာကို တစ်ကျိုက်တည်းသောက်လိုက်သည်။ သဘာဝကျစွာပင် အစိုးရအမှုထမ်းများနှင့် စစ်အရာရှိများလည်း ထပ်တူပြုလုပ်ကာ ချီးကျူးစကားပြောကြသည်။
ယွီဝမ်ထုန်က ယမကာအခွက်ရေအနည်းငယ်ကို တစ်ပြိုက်နက်သောက်ခဲ့ပြီးပထမပိုင်းပြီးသွားသည်။
ဤပွဲသို့ တက်ရောက်လာသူများထဲတွင် မရှက်မကြောက်လာကြသော ဝမ်ပြည်ထောင်စု၏သံတမန်များသာ အရှက်ကွဲပြီး ဒေါသဖြင့် မျက်နှာမည်းနေကြကာ ကြည့်ရဆိုးနေသည်။
ဤခန်းမထဲတွင် လင်းကျန်တစ်ယောက်တည်း စကားပြောကောင်းခြင်း မဟုတ်ချေ။ အစိုးရအမှုထမ်းများနှင့် စစ်အရာရှိများသည်လည်း ထေ့ငေါ့ရာတွင် ဆရာကြီးများဖြစ်ကြပြီး သူတို့ထဲမှအချို့မှာ လင်းကျန်ထက်ပင် လျှာစောင်းထက်သည်။ လူတိုင်းပါဝင်ဆွေးနွေးနေကြရာ ဝမ်ပြည်ထောင်စုမှ သံတမန်များမှာ ဒေါသကြောင့်သွေးအန်လုနီးပါးဖြစ်သွားသည်။ သို့သော် သူတို့က ထိုစကားလုံးများကို မျိုသာမျိုချနေရ၏။
လင်းကျန်က ဇဝေဇဝါဖြစ်နေသည်။ 'သူတို့က ဘာလုပ်ဖို့ စီစဉ်နေတာလဲ။ ဒီလိုနေရခက်တဲ့အခြေအနေမှာ ဘာလို့နေနေကြတာလဲ။ သူတို့က အလှောင်ခံနေရတာကို သဘောကျကြတာလား။'
ဝမ်ပြည်ထောင်စုမှဤအုပ်စု၏ရည်ရွယ်ချက်က မည်သည့်အရာပင်ဖြစ်စေ၊ ယနေ့ညတွင် ယွီဝမ်ထုန်စီစဉ်လိုသည့်ကိစ္စက စီစဉ်ထားသည့်အတိုင်း ဆက်ဖြစ်နေသည်။
ပွဲချိန်တစ်ဝက်ခန့်တွင် လူတစ်ယောက်က ယွီဝမ်ထုန်ကို တင်ပြစရာရှိသည်ဟုဆိုကာ ဝင်လာသည်။
လူတိုင်းက စစ်ဘက်ဆိုင်ရာအခြေအနေနှင့် ပက်သက်လိမ့်မည်ဟု ထင်နေစဉ်တွင် ထိုလူက တင်ပြသည်။ "အရှင်ဧကရာဇ်နဲ့ စစ်သူကြီးခင်ဗျ၊ သခင်လေးလင်းကိုလုပ်ကြံဖို့ကြိုးစားတဲ့ လူသတ်သမားကို မြို့တော်ဆီလုံလုံခြုံခြုံပို့လိုက်ပါပြီ။ လိုက်ပို့ပေးတဲ့အဖွဲ့က အပြင်မှာစောင့်နေကြပါတယ်။"
'လုပ်ကြံသူ ဟုတ်လား။' အရာရှိများအားလုံး အနည်းငယ်ဦးနှောက်ခြောက်သွားသည်။ သူတို့က လုပ်ကြံမှုအကြောင်း ကြားဖူးကြသော်လည်း ကောလဟာလတွင် လုပ်ကြံသူများ သေသွားပြီဟုသာ ပါသည်။ 'သူတို့တွေက အသက်ရှင်နေသေးတာများလား။'
"အိုက်ချင်းယွီဝမ်၊ ဘာဖြစ်နေတာလဲ။" ဧကရာဇ်က အမေးရှိသည်။
"အရှင်ဧကရာဇ်ခင်ဗျ၊ ထန်းယန်မှာမိတဲ့ လုပ်ကြံသူနှစ်ယောက်ထဲမှာ တစ်ယောက်က အဆိပ်လုံးကိုကိုက်ပြီး သတ်သေသွားလို့ ကျွန်တော်မျိုးတို့ မကယ်လိုက်နိုင်ပါဘူး။ တခြားတစ်ယောက်ကလည်း လျှာကိုက်ပြီးသတ်သေဖို့လုပ်ပေမဲ့ သူအသက်ရှုနေသေးတာကို ကျွန်တော်တွေ့လို့ မြန်မြန်ဆေးတိုက်ပြီး အသက်ရှင်အောင်လုပ်ထားပါတယ်။ ပြီးတော့ သူ့ကို ကန်ကျိုးက သမားတော်ဆီ ကျွန်တော်မျိုးရဲ့ သီးသန့်အစောင့်နဲ့ပို့လိုက်ပါတယ်။ ဒီလုပ်ကြံသူ သေမလား၊ ရှင်မလားဆိုတာ မသေချာတဲ့အတွက် ကျွန်တော့်ဘာသာဖုံးကွယ်ထားတာပါ။ အခုသူ့ကို မြို့တော်ဆီပို့လိုက်တယ်ဆိုတော့ ရှင်နေသေးတဲ့ပုံပါပဲ။ ဘယ်သူစေခိုင်းတာလဲဆိုတာ ကျွန်တော်ထွက်မေးလိုက်ပါဦးမယ်။ သိပ်မကြာပါဘူး။"
"ဒီကိစ္စက နန်းတွက်းအစောင့်တွေနဲ့ ဆိုင်တော့ ငါကိုယ်တော်ရပ်ကြည့်မနေသင့်ဘူး။ သူ့ကိုအထဲခေါ်ခဲ့။" ဧကရာဇ်ကပြောသည်။
"အာ...ဟုတ်ကဲ့ပါ၊ အရှင်ဧကရာဇ်။" ယွီဝမ်ထုန်က ဧကရာဇ်ကိုပြန်ပြောကာ သတင်းပို့သူကို ညွှန်ကြားလိုက်သည်။ "သူ့ကိုသွားခေါ်လာခဲ့။"
ထိုလူက အမိန့်အတိုင်း သွားလုပ်သည်။ ခန်းမထဲ၌ လုံးဝတိတ်ဆိတ်သွားသည်။ လူတိုင်းက ဘာဖြစ်ပျက်နေသလဲဆိုသည်ကို ခန့်မှန်းနေကြသည်။ မည်သို့ပင်ဖြစ်စေကာမူ လုပ်ကြံသူများက နန်းတွင်းအစောင့်များဖြစ်နေသည်။ သူတို့၏ပစ်မှတ်က ယွီဝမ်ထုန်ကိုယ်တိုင်မဟုတ်သော်လည်း နောက်ကွယ်မှစေခိုင်းသူ၏ရည်ရွယ်ချက်မှာ စဉ်းစားစရာကောင်းသည်။ ထိုလုပ်ကြံသူများကို လွှတ်လိုက်သူက ဧကရာဇ်ဖြစ်ကာ လင်းကျန်ကို ပစ်မှတ်ထားသည်ဟူသည့်အချက်က ဖုံးဖိမှုဖြစ်ပြီး တကယ့်ပစ်မှတ်မှာမူ ယွီဝမ်ထုန်ဟု ထင်ကြေးပေးခြင်း အချို့လည်းရှိသည်။
ထိုသို့ထင်ကြေးများပေးသူမှာ ဧကရာဇ်၏တကယ့်သဘောထားကို ရိပ်မိသူများဖြစ်သည်။ သို့သော် ယခုအခါတွင် ဧကရာဇ်က လုပ်ကြံသူကို လူအမြောက်အများ၏ရှေ့မှောက်တွင် စစ်ဆေးမေးမြန်းရန် အမိန့်ပေးလိုက်ရာ သူတို့ ဇဝေဇဝါဖြစ်သွားသည်။
'ဧကရာဇ်က စေခိုင်းသူမဟုတ်တာများလား။'
တကယ်တမ်းတွင် ဧကရာဇ်က သံသယအဝင်ခံရမှုကို ဖယ်ရှားရန်အတွက် ပွင့်ပွင့်လင်းလင်းစစ်ဆေးရန် ဆုံးဖြတ်ခဲ့ခြင်းပင်။ သူက ယွီဝမ်ထုန်ကို သေစေချင်သော်လည်း ဤအချိန်တွင် မဟုတ်သေးသကဲ့သို့ ဤနည်းကိုလည်းသုံးမည်မဟုတ်ပေ။ အဘယ့်ကြောင့်ဆိုသော် ၎င်းကသူ့ကို အရှက်ကွဲအကျိုးနည်းစေလိမ့်မည်။ သူက ယွီဝမ်ထုန်ကို နန်းတွင်းအစောင့်များသုံးကာ အကြောင်းပြချက်ကောင်းကောင်းမရှိဘဲ ရုတ်တရက်သတ်လိုက်လျှင် တိုင်းသူပြည်သားများက သူတို့၏ဧကရာဇ်ကို မည်သို့ထင်သွားမည်နည်း။
ဧကရာဇ်က သံသယများတတ်သော်လည်း နာမည်ဆိုးမလိုချင်ပေ။
မကြာခင်တွင် လုပ်ကြံသူက ခန်းမထဲသို့အခေါ်ခံလာရပြီး အလယ်တွင် ဒူးထောက်ထားရသည်။ သူက စိတ်ပျက်အားလျော့ကာ မျက်နှာဖြူဖျော့သွားသည်။ "အပြစ်ရှိတဲ့အစေခံက အရှင့်ကိုအရိုအသေပေးပါတယ်။ ကျွန်တော်မျိုးရဲ့ပြစ်မှုကိုပြေဖို့ အကြိမ်သောင်းချီသေရင်တောင်မလုံလောက်ပေမဲ့ ကျေးဇူးပြုပြီး ကျွန်တော်မျိုးကိုသေဒဏ်ချပေးပါ။"
"အိုက်ချင်းယွီဝမ်ရဲ့ကြင်ယာဖက်လောင်းကို လုပ်ကြံဖို့ ကြိုးစားတာနဲ့တင် မင်းကသေဒဏ်အပေးခံရသင့်တယ်။ ဖြေစမ်း၊ ဘယ်သူအမိန့်ပေးတာလဲ။" ဧကရာဇ်က လေးနက်သောလေသံဖြင့် မေးမြန်းလိုက်သည်။
လုပ်ကြံသူက ဘန်းခနဲမြည်သည်အထိ မြေကြီးကိုနှဖူးဖြင့်တိုက်ကာ အရိုအသေပေးလိုက်သည်။ "ကျွန်တော် ဝန်မခံရဲပါဘူး။"
"အတင့်ရဲလိုက်တာ။ ဧကရာဇ်က မင်းအရှေ့မှာရှိနေတယ်လေ။ ဘာကိုမှကြောက်စရာမလိုဘူး။ မေးနေတာကို ချက်ချင်းဖြေ၊ မဟုတ်ရင်..." ဧကရာဇ်၏ဘေးတွင်ရပ်နေသောမိန်းမစိုးတစ်ယောက်က မောင်းမဲလိုက်သည်။
"ကျွန်တော်ဝန်ခံလိုက်ရင် ကျွန်တော့်မိသားစုဝင်အားလုံ အသတ်ခံရမှာကို ကြောက်မိပါတယ်။" လုပ်ကြံသူက ငိုကြွေးသည်။
"တစ်စုံတစ်ယောက်က မင်းရဲ့မိသားစုဝင်တွေကို သတ်မယ်လို့ ခြိမ်းခြောက်ပြီးဒီလိုလုပ်ဖို့ အကျပ်ကိုင်လိုက်တာလား။ အဲ့ဒါ ဘယ်သူလဲ။" ဧကရာဇ် မျက်နှာမည်းသွားသည်။ "မင်းရဲ့မိသားစုဝင်တွေအားလုံး လုံခြုံစေရမယ်လို့ ငါကိုယ်တော်အာမခံတယ်။ ဒီလူအားလုံးရဲ့ရှေ့မှာ အပြည့်အစုံဝန်ခံစမ်း။"
လုပ်ကြံသူက ဧကရာဇ်ကိုခေါင်းမော့ကြည့်သည်။ "ကျွန်တော့်မိသားစုဝင်တွေအားလုံး လုံခြုံစေရမယ်လို့ အရှင်ဧကရာဇ် တကယ်အာမခံပါသလား။"
"အတင့်ရဲလိုက်တာ၊ ဧကရာဇ်ရဲ့စကားဆိုတာ မင်းသံသယဝင်စရာအကြောင်း မရှိတဲ့ တော်ဝင်အမိန့်တော်ပဲ။" မိန်းမစိုးက သူ့ကိုထပ်မံအပြစ်တင်သည်။
လုပ်ကြံသူက စိတ်ဆုံးဖြတ်လိုက်ပုံဖြင့် သက်ပြင်းချကာပြန်ပြောသည်။ "ကျွန်တော် ဝန်ခံပါ့မယ်။ ကျွန်တော် လင်းကျန်ကို သွားလုပ်ကြံရတာက မင်း...မင်းသမီးကိုးရဲ့ အမိန့်ကြောင့်ပါ။ လင်းကျန်ကို ရသမျှနည်းနဲ့သတ်ပေးဖို့ ကျွန်တော့်ကို မင်းသမီးကိုးကအမိန့်ပေးခဲ့ပါတယ်။ မဟုတ်ရင် သူမက ကျွန်တော့မိသားစုဝင်တွေအားလုံးကို သတ်ပစ်မယ်လို့ခြိမ်းခြောက်ခဲ့ပါတယ်။"
"ရိုင်းစိုင်းလိုက်တာ။ မင်းသမီးက တော်ဝင်မိသားစုဝင်တစ်ယောက်ပဲ။ မင်းက အရှင်မင်းသမီးကို ဘယ်လိုလုပ်စွပ်စွဲရဲတာလဲ။" မိန်းမစိုးကအံ့ဩကာ မြန်မြန်ဝင်ပြောသည်။
ခန်းမထဲ၌ရှိနေသော အစိုးရအမှုထမ်းများနှင့် စစ်အရာရှိများအားလုံး အုတ်အုတ်ကျက်ကျက်ဖြစ်သွားသည်။ 'မင်းသမီးကိုးလား။'
ဘုရင်သွမ်က မတ်တပ်ထရပ်ကာ ဝေဖန်သည်။ "ခမည်းတော်၊ အထင်လွဲတာတစ်ခုခုဖြစ်ပါလိမ့်မယ်။ ညီမလေးကိုးက အမြဲတမ်းစိတ်သဘောထားကောင်းတဲ့လူပါ။ ဒါကို သူလုပ်တာမဖြစ်နိုင်ပါဘူး။ သူက စစ်သူကြီးယွီဝမ်နဲ့ ဘယ်လောက်ပဲလက်ထပ်ချင်နေပါစေ အပြစ်ကင်းတဲ့သခင်လေးလင်းအသတ်ခံရအောင် လုံးဝလုပ်မှာမဟုတ်ပါဘူး။"
"အစ်ကိုသုံး၊ ညီမလေးကိုးက စစ်သူကြီးယွီဝမ်နဲ့လက်ထပ်ချင်တယ်ဆိုပြီး လုံးဝမပြောဖူးပါဘူး။ သူ့ကို အသရေမဖျက်ပါနဲ့။" ဘုရင်ဟွေ့ဟုဘွဲ့နာမည်ရသော မင်းသားလေးက ဤလုပ်ကြံမှုနှင့်ပက်သက်၍ မင်းသမီးကိုး မလွတ်မြောက်နိုင်ခင် နာမည်မပျက်စေရန် ခုခံပြောဆိုပေးသည်။
"ညီမလေးကိုးအတွက် ကာပြောပေးစရာမလိုပါဘူး၊ ညီတော်လေး။ ဒါက သူရှက်ရမဲ့ကိစ္စမျိုး မဟုတ်ဘူး။" ဘုရင်သွမ်က ယုံကြည်ချက်ရှိရှိပြောကာ လုပ်ကြံသူထံလျှောက်လာသည်။ "ဟေး၊ ငါမေးဦးမယ်။ မင်းက အမိန့်ပေးတဲ့လူက မင်းသမီးကိုးလို့ပြောပေမဲ့ မင်းမှာသက်သေပြစရာတစ်ခုခု ရှိလို့လား။ မင်းဆီမှာသက်သေမရှိရင် မင်းသမီးတစ်ယောက်ကို စွပ်စွဲမှုနဲ့ငြိပြီး မင်းမိသားစုဝင်အားလုံး တစ်ခါတည်း ကွပ်မျက်ခံရလိမ့်မယ်။"
"ဒီလုပ်ကြံသူက အကွက်ဆင်နေတာ။ သူ့မှာ ဘယ်လိုလုပ် သက်သေရှိမှာလဲ။ ညီမတော်ကိုးက တော်ဝင်နန်းတော်ထဲမှာနေနေတဲ့ မိန်းကလေးတစ်ယောက်လေ။ သူမက သူ့ကိုလူသတ်ဖို့ စေခိုင်းမှာကိုထားဦး၊ တွေ့တောင်တွေ့ဖူးမှာ မဟုတ်ဘူး။ ဒီလုပ်ကြံသူက သေချာပေါက် သူမကိုစွပ်စွဲဖို့ကြိုးစားတာပဲ။ အစောင့်တွေ၊ ဒီလုပ်ကြံသူကို ချက်ချင်းဆွဲထုတ်သွားပြီး သေတဲ့အထိကြိမ်ဒဏ်ပေးလိုက်။" ဘုရင်ဟွေ့က အလျင်စလို ထောက်ပြသည်။
"ညီတော်လေးက ဘာလို့တအားစိုးရိမ်ပူပန်နေတာလဲ။ မင်းသမီးကိုးက အပြစ်ကင်းတယ်ဆိုရင်တောင် တရားခံကတစ်ခြားတစ်ယောက်ဖြစ်နေပြီး ဒီလုပ်ကြံသူက အဓိကသက်သေပဲ။ မင်းက သူ့ကိုသေတဲ့အထိ ကြိမ်ဒဏ်ပေးလိုက်ရင်...အဟင်း၊ ညီတော်လေးက အပြစ်မကင်းစိတ်ရှိနေပြီး ဒီလုပ်ကြံသူဆက်ပြောမဲ့ဟာကို ကြောက်နေတာများလား။" ဘုရင်သွမ်က သံသယများကို ဘုရင်ဟွေ့ထံ ဦးတည်လိုက်သည်။
ဘုရင်ဟွေ့မှာ ထိတ်လန့်ကာ ဒေါသပုန်ထသွားသည်။ "အဓိပ္ပါယ် မရှိတာ။"
"တော်လောက်ပြီ။ မင်းတို့နှစ်ယောက်လုံး ပါးစပ်ပိတ်စမ်း။" ဧကရာဇ်၏မျက်နှာက ရေသေတစ်ကန်ကဲ့သို့ အေးစက်နေသည်။ "မင်းတို့ ပြန်ထိုင်ကြ။ ဒီလိုလုပ်ရပ်မျိုးက မယုံကြည်နိုင်လောက်အောင် သိက္ခာမဲ့တယ်။"
ဘုရင်ဟွေ့က လက်မလျှော့သေးချင်သော်လည်း ရွေးစရာမရှိဘဲ ပြန်ထိုင်လိုက်ရသည်။ ဘုရင်သွမ်က သူ့မျက်နှာပေါ်မှ ကျေနပ်အားရမှုကို မည်မျှထိန်းထိန်း၊ ထိန်းမရပေ။
ဤကိစ္စတွင် မင်းသမီးကိုးပါနေမည်ဟု သူလုံးဝမထင်ထားခဲ့ပေ။ ယင်းက သူ့အတွက်များစွာအကျိုးရှိသည်။ မင်းသမီးကိုး၏နောက်ခံဖြစ်သော ဘုရင်ဟွေ့ပါ အပြစ်ရှိလျှင် သူပို၍ကျေနပ်ရလိမ့်မည်။
လင်းကျန်က တစ်ချိန်လုံးစောင့်ကြည့်နေသည်။ ယွီဝမ်ထုန်က ဤလုပ်ကြံသူကို နန်းတော်ထဲသို့ခေါ်မလာခင်ကတည်းကပင် အမှန်တရားကို သေချာလေ့လာစိစစ်ပြီးသားပင်။ လုပ်ကြံရန်အမိန့်ပေးသူမှာ အခြားလူမဟုတ်ဘဲ မင်းသမီးကိုးဖြစ်သည်။
"ကျွန်တော်မျိုးဆီမှာ သက်သေရှိပါတယ်။" လုပ်ကြံသူက ရုတ်တရက်ထပြောသည်။ "ကျွန်တော် စွပ်စွဲနေတာမဟုတ်ပါဘူး။ ကျွန်တော့်မိသားစုကို ကျေးဇူးပြုပြီး သက်ညှာပေးပါ၊ အရှင်ဧကရာဇ်။ ကျွန်တော်က မင်းသမီးကိုးဆီမှာ တကယ်အကျပ်ကိုင်ခံရတာပါ။"
"ဒါဆို ငါတို့ကိုသက်သေပြစမ်း။" ဘုရင်သွမ်က သူ့ကိုစိုက်ကြည့်နေသည်။
ဘုရင်ဟွေ့က ထရပ်ကာတစ်ခုခုပြောမည်ပြုစဉ်တွင် ဧကရာဇ်ကသူ့ကိုစူးစိုက်ကြည့်လိုက်သဖြင့် ပြန်ထိုင်လိုက်ရသည်။
"ကျွန်တော်မျိုး မြို့တော်ကနေမထွက်သွားခင်မှာ မင်းသမီးကိုးရဲ့လက်ပါးစေတစ်ယောက်က ကျွန်တော်မျိုးဆီကိုလာခဲ့ပါတယ်။ သူအာရုံမစိုက်ခင်မှာ သူ့ခါးပတ်မှာဆွဲထားတဲ့ ချပ်ပြားကို ကျွန်တော်ခိုးယူထားလိုက်ပါတယ်။ အဲ့ဒါက မင်းသမီးကိုးရဲ့နန်းဆောင်ထဲကိုဝင်ဖို့ လိုအပ်တဲ့ လုံခြုံရေး အမှတ်အသားပါ။ အဲ့ဒီနေ့မှာပဲ သူကအဲ့ဒါကို ကျွန်တော့်ဆီမှာ ပြန်လာရှာပါတယ်။ ကျွန်တော်က အဲ့ဒါကိုလုံးဝမတွေ့ဖူးဘူးလို့ ညာလိုက်ပါတယ်။ အဲ့ဒါကို ကျွန်တော်ယူထားမှန်း သူ မသိပါဘူး။ အဲ့ဒါက ကျွန်တော့်ရဲ့အင်္ကျီရင်ဘတ်ထဲမှာ ရှိပါတယ်။" လုပ်ကြံသူကပြောသည်။
မကြာခင်တွင် နန်းတွင်းအစေခံတစ်ယောက်က ထိုလုပ်ကြံသူကိုရှာဖွေပြီး ချပ်ပြားကိုတွေ့သည်။ ၎င်းက တကယ်ကို မင်းသမီးကိုး၏နန်းဆောင်အတွက် လုံခြုံရေးအမှတ်အသားပင်။
"မင်းလိမ်နေသလားဆိုတာကို ဘယ်သူသိမှာလဲ။ မင်းက အဲ့ဒီလက်ပါးစေရဲ့ချပ်ပြားကို တစ်နေရာရာမှာ မတော်တဆရှာတွေ့ပြီး သူ့ဆီကနေခိုးထားတာလို့ တမင်ပြောတာလည်းဖြစ်နိုင်တာပဲ။" ဘုရင်ဟွေ့ကထောက်ပြသည်။
"သူမကိုမေးလိုက်ရင် အမှန်တရားကိုသိရမှာပါ။" လုပ်ကြံသူက လုံးဝမကြောက်သောလေသံဖြင့် ပြန်ပြောသည်။
ဧကရာဇ်က ခက်ထန်စွာညွှန်ကြားလိုက်သည်။ "အစောင့်တွေ အဲ့ဒီလက်ပါးစေကိုဖမ်းပြီး စစ်ဆေးလိုက်။"
"ဟုတ်ကဲ့ပါ၊ အရှင်ဧကရာဇ်။"
ပျော်ရွှင်စရာကောင်းသောပွဲက ဤအခြေအနေဖြစ်သွားရာ လူတိုင်းစားချင်စိတ်မရှိကြတော့ပေ။ ဤလုပ်ကြံမှုအကြောင်းပြောရလျှင် လင်းကျန်က သေခြင်းမှကပ်သီးလေးလွတ်မြောက်လာသူဖြစ်သော်လည်း ခန်းမထဲမှ အစိုးရအမှုထမ်းများ၊ စစ်အရာရှိများက သူ့ကိုအာရုံမစိုက်ကြချေ။ သူတို့၏အကြည့်က ဘုရင်ဟွေ့၊ ဘုရင်သွမ်၊ ဧကရာဇ်နှင့် ယွိဝမ်ထုန်တို့ကြားတွင်သာ လည်နေသည်။ သူတို့အားလုံးက သဲလွန်စရှာရန် ကြိုးစားနေကြသည်။ ဤအတွက် သူတို့အတော်အားထုတ်ရလိမ့်မည်ဟု လင်းကျန်ထင်သည်။
ဧကရာဇ်အမိန့်ပေးပြီးနောက် နန်းတွင်းအစောင့်များကချက်ချင်းလုပ်ဆောင်ကာ မင်းသမီးကိုး၏လက်ပါးစေကို စစ်ဆေးမေးမြန်းရန် ဖမ်းလိုက်သည်။
ဤအခိုက်အတန့်တွင် မင်းသမီးကိုး၏နန်းဆောင်မှလူများ ဒွိဟဖြစ်နေကြသည်။ ကနဦးတွင် ဤည၌ ကြိုဆိုပွဲပြီးနောက် မင်းသမီးကိုးနှင့် ယွီဝမ်ထုန်တို့ 'မတော်တဆတွေ့ဆုံမိရန်'အတွက် လက်ပါးစေများက ကူညီပြင်ဆင်ပေးနေကြခြင်းဖြစ်သည်။ သို့သော် နန်းတွင်းအစောင့်အချို့က အခန်းထဲသို့ ကျူးကျော်လာပြီး မင်းသမီးကိုး၏ သီးသန့်လက်ပါးစေကို ခေါ်သွားသည်။
မင်းသမီးကိုး မျက်နှာပျက်သွားကာ ဤသို့လုပ်ရသည့်အကြောင်းရင်းကို မေးလိုက်သည်။ နန်းတွင်းအစောင့်တစ်ယောက်က သူမကို အသိပေးသည်။ "လင်းကျန်ကိုလုပ်ကြံဖို့ကြိုးစားတဲ့ လုပ်ကြံသူကို ပြန်ခေါ်လာကြပါတယ်။ သူက မင်းသမီးနဲ့ ဒီလက်ပါးစေအကြောင်းကို ဖော်လိုက်ပါပြီ။ ကျေးဇူးပြု၍ ဒီနန်းဆောင်ထဲမှာပဲနေပြီး အရှင်ဧကရာဇ် ထုတ်မဲ့ညွှန်ကြားချက်တွေကိုစောင့်နေပေးပါ၊ အရှင့်သမီး။"
"ဘာ၊ မဖြစ်နိုင်ဘူး။ လုပ်ကြံသူတွေ သေသွားပြီမဟုတ်ဘူးလား။" မင်းသမီးကိုး၏မျက်နှာက ရုတ်ခြည်းဖြူဖျော့သွားသည်။ သူက လုပ်ကြံသူနှစ်ယောက်လုံး သေသွားပြီဟုသတင်းရ၍ ကျောက်ဟွာဘုရားကျောင်းမှ ထွက်လာခြင်းဖြစ်သည်။ 'အဲ့ဒီလုပ်ကြံသူက သေရာကနေဘယ်လိုပြန်ပေါ်လာတာလဲ။'
ထိုနန်းတွင်းအစောင့်၏အတွေးကို မည်သူမှမသိသော်လည်း သူက ထိုလုပ်ကြံသူမည်သို့ အသက်ရှင်ကျန်နေခဲ့ကြောင်း ပြောပြလိုက်ရာ မင်းသမီးကိုးမှာ ချက်ချင်းလဲကျပြီး သွေးဆုတ်သွားသည်။
"အရှင်မင်းသမီး၊ ကျွန်မတို့ ဘယ်လိုလုပ်ကြမလဲ။ အစ်မရှန်းသာ မင်းသမီးကို သစ္စာဖော်ကသွားရင် ကိစ္စတွေရှုပ်ထွေးသွားပါလိမ့်မာ်။" သူမ၏ဘေးမှလက်ပါးစေက အလောတကြီး ထင်မြင်ချက်ပေးသည်။
မင်းသမီးကိုးက စူပုပ်နေသောမျက်နှာထားဖြင့် ပြန်ပြောသည်။ "သူ့ကိုခေါ်သွားကြပြီမဟုတ်လား။ ငါက ဘာလုပ်နိုင်ဦးမှာလဲ။"
"အကယ်၍ သူက အရှင်မင်းသမီးကိုတကယ်သစ္စာဖောက်သွားရင် အရှင်ဧကရာဇ်မေးတဲ့အခါကျ အရှင်မင်းသမီးက ဒီကိစ္စအကြောင်းဘာမှမသိပါဘူးလို့ပြောပြီး အစ်မရှန်းကိုအပြစ်ပုံချရမယ်နော်။ အစ်မရှန်းက စစ်သူကြီးနဲ့မတော်တဆတွေ့ပြီးကြိုက်သွားလို့ စစ်သူကြီးနဲ့ လူတစ်ယောက် စေ့စပ်ထားတယ်ဆိုတာကိုကြားတော့ အရှင်မင်းသမီးရဲ့နာမည်ကို ကာယကံရှင်မသိဘဲအသုံးချပြီး နန်းတွင်းအစောင့်နှစ်ယောက်ကို လုပ်ကြံခိုင်းလိုက်တယ်လို့ပဲ ပြောလိုက်ပါ။" လက်ပါးစေက စိုးရိမ်ကြောင့်ကြစွာ အကြံပေးသည်။
♥♥♥♥♥♥♥♥♥♥♥♥♥♥♥♥
ေသြးထိုးသူ မင္းသမီးကိုး
................................
လင္းက်န္က ဧကရာဇ္ကို ယခင္ဘဝတြင္ပင္ မျမင္ဖူးေခ်။ ယခုက သူႏွင့္ပထမဆုံးအႀကိမ္ေတြ႕ျခင္းျဖစ္သည္။ ယေန႕မတိုင္ခင္တြင္ ဧကရာဇ္က ဝဝဖိုင့္ဖိုင့္ေယာက္်ားႀကီးျဖစ္မည္ဟု သူထင္ထားေသာ္လည္း မေမွ်ာ္လင့္ထားစြာျဖင့္ အလြန္ပိန္ပါးသည္။ ဧကရာဇ္သည္ ေမြးကတည္းကပင္ ကိုယ္ခႏၶာတည္ေဆာက္ပုံ အားနည္းသကဲ့သို႔ ေနမေကာင္းပုံေပၚသည္။ ထိုသို႔ဆိုလွ်င္ပင္ သူက ဧကရာဇ္ျဖစ္ေနသည့္အခ်က္ကို ေျပာင္းလဲ၍မရေပ။ သူ၏ ဩဇာအာဏာက လူအမ်ားကို သူႏွင့္ မ်က္လုံးခ်င္းမဆုံရဲရန္တားျမစ္ထားသည္။
"ထလို႔ရၿပီ၊ အိုက္ခ်င္းတို႔။ ဒီပြဲဟာ ၿမိဳ႕ေတာ္ကို အိုက္ခ်င္းယြီဝမ္က ေအာင္ပြဲနဲ႕အတူ ျပန္လာတဲ့အတြက္ က်င္းပတာျဖစ္တယ္။ စစ္ေျမျပင္မွာ ရဲရဲဝံ့ဝံ့ တိုက္ပြဲဝင္ခဲ့တဲ့ စစ္သူႀကီးယြီဝမ္နဲ႕တကြ စစ္သားအားလုံးအတြက္ ေက်းဇူးတင္တဲ့အေနနဲ႕ ငါကိုယ္ေတာ္ နိုင္ငံသားအားလုံးကို ကိုယ္စားျပဳၿပီး ဒီယမကာတစ္ခြက္ကိုေသာက္ေတာ္မူမယ္။ သူတို႔သာမရွိရင္ ဒီေအာင္ပြဲကိုရမွာ မဟုတ္ဘူး။"
ဤသို႔ေျပာၿပီးေနာက္ ဧကရာဇ္က ယမကာကို တစ္က်ိဳက္တည္းေသာက္လိုက္သည္။ သဘာဝက်စြာပင္ အစိုးရအမႈထမ္းမ်ားႏွင့္ စစ္အရာရွိမ်ားလည္း ထပ္တူျပဳလုပ္ကာ ခ်ီးက်ဴးစကားေျပာၾကသည္။
ယြီဝမ္ထုန္က ယမကာအခြက္ေရအနည္းငယ္ကို တစ္ၿပိဳက္နက္ေသာက္ခဲ့ၿပီးပထမပိုင္းၿပီးသြားသည္။
ဤပြဲသို႔ တက္ေရာက္လာသူမ်ားထဲတြင္ မရွက္မေၾကာက္လာၾကေသာ ဝမ္ျပည္ေထာင္စု၏သံတမန္မ်ားသာ အရွက္ကြဲၿပီး ေဒါသျဖင့္ မ်က္ႏွာမည္းေနၾကကာ ၾကည့္ရဆိုးေနသည္။
ဤခန္းမထဲတြင္ လင္းက်န္တစ္ေယာက္တည္း စကားေျပာေကာင္းျခင္း မဟုတ္ေခ်။ အစိုးရအမႈထမ္းမ်ားႏွင့္ စစ္အရာရွိမ်ားသည္လည္း ေထ့ေငါ့ရာတြင္ ဆရာႀကီးမ်ားျဖစ္ၾကၿပီး သူတို႔ထဲမွအခ်ိဳ႕မွာ လင္းက်န္ထက္ပင္ လွ်ာေစာင္းထက္သည္။ လူတိုင္းပါဝင္ေဆြးႏြေးေနၾကရာ ဝမ္ျပည္ေထာင္စုမွ သံတမန္မ်ားမွာ ေဒါသေၾကာင့္ေသြးအန္လုနီးပါးျဖစ္သြားသည္။ သို႔ေသာ္ သူတို႔က ထိုစကားလုံးမ်ားကို မ်ိဳသာမ်ိဳခ်ေနရ၏။
လင္းက်န္က ဇေဝဇဝါျဖစ္ေနသည္။ 'သူတို႔က ဘာလုပ္ဖို႔ စီစဥ္ေနတာလဲ။ ဒီလိုေနရခက္တဲ့အေျခအေနမွာ ဘာလို႔ေနေနၾကတာလဲ။ သူတို႔က အေလွာင္ခံေနရတာကို သေဘာက်ၾကတာလား။'
ဝမ္ျပည္ေထာင္စုမွဤအုပ္စု၏ရည္႐ြယ္ခ်က္က မည္သည့္အရာပင္ျဖစ္ေစ၊ ယေန႕ညတြင္ ယြီဝမ္ထုန္စီစဥ္လိုသည့္ကိစၥက စီစဥ္ထားသည့္အတိုင္း ဆက္ျဖစ္ေနသည္။
ပြဲခ်ိန္တစ္ဝက္ခန့္တြင္ လူတစ္ေယာက္က ယြီဝမ္ထုန္ကို တင္ျပစရာရွိသည္ဟုဆိုကာ ဝင္လာသည္။
လူတိုင္းက စစ္ဘက္ဆိုင္ရာအေျခအေနႏွင့္ ပက္သက္လိမ့္မည္ဟု ထင္ေနစဥ္တြင္ ထိုလူက တင္ျပသည္။ "အရွင္ဧကရာဇ္နဲ႕ စစ္သူႀကီးခင္ဗ်၊ သခင္ေလးလင္းကိုလုပ္ႀကံဖို႔ႀကိဳးစားတဲ့ လူသတ္သမားကို ၿမိဳ႕ေတာ္ဆီလုံလုံၿခဳံၿခဳံပို႔လိုက္ပါၿပီ။ လိုက္ပို႔ေပးတဲ့အဖြဲ႕က အျပင္မွာေစာင့္ေနၾကပါတယ္။"
'လုပ္ႀကံသူ ဟုတ္လား။' အရာရွိမ်ားအားလုံး အနည္းငယ္ဦးႏွောက္ေျခာက္သြားသည္။ သူတို႔က လုပ္ႀကံမႈအေၾကာင္း ၾကားဖူးၾကေသာ္လည္း ေကာလဟာလတြင္ လုပ္ႀကံသူမ်ား ေသသြားၿပီဟုသာ ပါသည္။ 'သူတို႔ေတြက အသက္ရွင္ေနေသးတာမ်ားလား။'
"အိုက္ခ်င္းယြီဝမ္၊ ဘာျဖစ္ေနတာလဲ။" ဧကရာဇ္က အေမးရွိသည္။
"အရွင္ဧကရာဇ္ခင္ဗ်၊ ထန္းယန္မွာမိတဲ့ လုပ္ႀကံသူႏွစ္ေယာက္ထဲမွာ တစ္ေယာက္က အဆိပ္လုံးကိုကိုက္ၿပီး သတ္ေသသြားလို႔ ကြၽန္ေတာ္မ်ိဳးတို႔ မကယ္လိုက္နိုင္ပါဘူး။ တျခားတစ္ေယာက္ကလည္း လွ်ာကိုက္ၿပီးသတ္ေသဖို႔လုပ္ေပမဲ့ သူအသက္ရႈေနေသးတာကို ကြၽန္ေတာ္ေတြ႕လို႔ ျမန္ျမန္ေဆးတိုက္ၿပီး အသက္ရွင္ေအာင္လုပ္ထားပါတယ္။ ၿပီးေတာ့ သူ႕ကို ကန္က်ိဳးက သမားေတာ္ဆီ ကြၽန္ေတာ္မ်ိဳးရဲ႕ သီးသန့္အေစာင့္နဲ႕ပို႔လိုက္ပါတယ္။ ဒီလုပ္ႀကံသူ ေသမလား၊ ရွင္မလားဆိုတာ မေသခ်ာတဲ့အတြက္ ကြၽန္ေတာ့္ဘာသာဖုံးကြယ္ထားတာပါ။ အခုသူ႕ကို ၿမိဳ႕ေတာ္ဆီပို႔လိုက္တယ္ဆိုေတာ့ ရွင္ေနေသးတဲ့ပုံပါပဲ။ ဘယ္သူေစခိုင္းတာလဲဆိုတာ ကြၽန္ေတာ္ထြက္ေမးလိုက္ပါဦးမယ္။ သိပ္မၾကာပါဘူး။"
"ဒီကိစၥက နန္းတြက္းအေစာင့္ေတြနဲ႕ ဆိုင္ေတာ့ ငါကိုယ္ေတာ္ရပ္ၾကည့္မေနသင့္ဘူး။ သူ႕ကိုအထဲေခၚခဲ့။" ဧကရာဇ္ကေျပာသည္။
"အာ...ဟုတ္ကဲ့ပါ၊ အရွင္ဧကရာဇ္။" ယြီဝမ္ထုန္က ဧကရာဇ္ကိုျပန္ေျပာကာ သတင္းပို႔သူကို ၫႊန္ၾကားလိုက္သည္။ "သူ႕ကိုသြားေခၚလာခဲ့။"
ထိုလူက အမိန့္အတိုင္း သြားလုပ္သည္။ ခန္းမထဲ၌ လုံးဝတိတ္ဆိတ္သြားသည္။ လူတိုင္းက ဘာျဖစ္ပ်က္ေနသလဲဆိုသည္ကို ခန့္မွန္းေနၾကသည္။ မည္သို႔ပင္ျဖစ္ေစကာမူ လုပ္ႀကံသူမ်ားက နန္းတြင္းအေစာင့္မ်ားျဖစ္ေနသည္။ သူတို႔၏ပစ္မွတ္က ယြီဝမ္ထုန္ကိုယ္တိုင္မဟုတ္ေသာ္လည္း ေနာက္ကြယ္မွေစခိုင္းသူ၏ရည္႐ြယ္ခ်က္မွာ စဥ္းစားစရာေကာင္းသည္။ ထိုလုပ္ႀကံသူမ်ားကို လႊတ္လိုက္သူက ဧကရာဇ္ျဖစ္ကာ လင္းက်န္ကို ပစ္မွတ္ထားသည္ဟူသည့္အခ်က္က ဖုံးဖိမႈျဖစ္ၿပီး တကယ့္ပစ္မွတ္မွာမူ ယြီဝမ္ထုန္ဟု ထင္ေၾကးေပးျခင္း အခ်ိဳ႕လည္းရွိသည္။
ထိုသို႔ထင္ေၾကးမ်ားေပးသူမွာ ဧကရာဇ္၏တကယ့္သေဘာထားကို ရိပ္မိသူမ်ားျဖစ္သည္။ သို႔ေသာ္ ယခုအခါတြင္ ဧကရာဇ္က လုပ္ႀကံသူကို လူအေျမာက္အမ်ား၏ေရွ႕ေမွာက္တြင္ စစ္ေဆးေမးျမန္းရန္ အမိန့္ေပးလိုက္ရာ သူတို႔ ဇေဝဇဝါျဖစ္သြားသည္။
'ဧကရာဇ္က ေစခိုင္းသူမဟုတ္တာမ်ားလား။'
တကယ္တမ္းတြင္ ဧကရာဇ္က သံသယအဝင္ခံရမႈကို ဖယ္ရွားရန္အတြက္ ပြင့္ပြင့္လင္းလင္းစစ္ေဆးရန္ ဆုံးျဖတ္ခဲ့ျခင္းပင္။ သူက ယြီဝမ္ထုန္ကို ေသေစခ်င္ေသာ္လည္း ဤအခ်ိန္တြင္ မဟုတ္ေသးသကဲ့သို႔ ဤနည္းကိုလည္းသုံးမည္မဟုတ္ေပ။ အဘယ့္ေၾကာင့္ဆိုေသာ္ ၎ကသူ႕ကို အရွက္ကြဲအက်ိဳးနည္းေစလိမ့္မည္။ သူက ယြီဝမ္ထုန္ကို နန္းတြင္းအေစာင့္မ်ားသုံးကာ အေၾကာင္းျပခ်က္ေကာင္းေကာင္းမရွိဘဲ ႐ုတ္တရက္သတ္လိုက္လွ်င္ တိုင္းသူျပည္သားမ်ားက သူတို႔၏ဧကရာဇ္ကို မည္သို႔ထင္သြားမည္နည္း။
ဧကရာဇ္က သံသယမ်ားတတ္ေသာ္လည္း နာမည္ဆိုးမလိုခ်င္ေပ။
မၾကာခင္တြင္ လုပ္ႀကံသူက ခန္းမထဲသို႔အေခၚခံလာရၿပီး အလယ္တြင္ ဒူးေထာက္ထားရသည္။ သူက စိတ္ပ်က္အားေလ်ာ့ကာ မ်က္ႏွာျဖဴေဖ်ာ့သြားသည္။ "အျပစ္ရွိတဲ့အေစခံက အရွင့္ကိုအရိုအေသေပးပါတယ္။ ကြၽန္ေတာ္မ်ိဳးရဲ႕ျပစ္မႈကိုေျပဖို႔ အႀကိမ္ေသာင္းခ်ီေသရင္ေတာင္မလုံေလာက္ေပမဲ့ ေက်းဇူးျပဳၿပီး ကြၽန္ေတာ္မ်ိဳးကိုေသဒဏ္ခ်ေပးပါ။"
"အိုက္ခ်င္းယြီဝမ္ရဲ႕ၾကင္ယာဖက္ေလာင္းကို လုပ္ႀကံဖို႔ ႀကိဳးစားတာနဲ႕တင္ မင္းကေသဒဏ္အေပးခံရသင့္တယ္။ ေျဖစမ္း၊ ဘယ္သူအမိန့္ေပးတာလဲ။" ဧကရာဇ္က ေလးနက္ေသာေလသံျဖင့္ ေမးျမန္းလိုက္သည္။
လုပ္ႀကံသူက ဘန္းခနဲျမည္သည္အထိ ေျမႀကီးကိုႏွဖူးျဖင့္တိုက္ကာ အရိုအေသေပးလိုက္သည္။ "ကြၽန္ေတာ္ ဝန္မခံရဲပါဘူး။"
"အတင့္ရဲလိုက္တာ။ ဧကရာဇ္က မင္းအေရွ႕မွာရွိေနတယ္ေလ။ ဘာကိုမွေၾကာက္စရာမလိုဘူး။ ေမးေနတာကို ခ်က္ခ်င္းေျဖ၊ မဟုတ္ရင္..." ဧကရာဇ္၏ေဘးတြင္ရပ္ေနေသာမိန္းမစိုးတစ္ေယာက္က ေမာင္းမဲလိုက္သည္။
"ကြၽန္ေတာ္ဝန္ခံလိုက္ရင္ ကြၽန္ေတာ့္မိသားစုဝင္အားလုံ အသတ္ခံရမွာကို ေၾကာက္မိပါတယ္။" လုပ္ႀကံသူက ငိုေႂကြးသည္။
"တစ္စုံတစ္ေယာက္က မင္းရဲ႕မိသားစုဝင္ေတြကို သတ္မယ္လို႔ ၿခိမ္းေျခာက္ၿပီးဒီလိုလုပ္ဖို႔ အက်ပ္ကိုင္လိုက္တာလား။ အဲ့ဒါ ဘယ္သူလဲ။" ဧကရာဇ္ မ်က္ႏွာမည္းသြားသည္။ "မင္းရဲ႕မိသားစုဝင္ေတြအားလုံး လုံၿခဳံေစရမယ္လို႔ ငါကိုယ္ေတာ္အာမခံတယ္။ ဒီလူအားလုံးရဲ႕ေရွ႕မွာ အျပည့္အစုံဝန္ခံစမ္း။"
လုပ္ႀကံသူက ဧကရာဇ္ကိုေခါင္းေမာ့ၾကည့္သည္။ "ကြၽန္ေတာ့္မိသားစုဝင္ေတြအားလုံး လုံၿခဳံေစရမယ္လို႔ အရွင္ဧကရာဇ္ တကယ္အာမခံပါသလား။"
"အတင့္ရဲလိုက္တာ၊ ဧကရာဇ္ရဲ႕စကားဆိုတာ မင္းသံသယဝင္စရာအေၾကာင္း မရွိတဲ့ ေတာ္ဝင္အမိန့္ေတာ္ပဲ။" မိန္းမစိုးက သူ႕ကိုထပ္မံအျပစ္တင္သည္။
လုပ္ႀကံသူက စိတ္ဆုံးျဖတ္လိုက္ပုံျဖင့္ သက္ျပင္းခ်ကာျပန္ေျပာသည္။ "ကြၽန္ေတာ္ ဝန္ခံပါ့မယ္။ ကြၽန္ေတာ္ လင္းက်န္ကို သြားလုပ္ႀကံရတာက မင္း...မင္းသမီးကိုးရဲ႕ အမိန့္ေၾကာင့္ပါ။ လင္းက်န္ကို ရသမွ်နည္းနဲ႕သတ္ေပးဖို႔ ကြၽန္ေတာ့္ကို မင္းသမီးကိုးကအမိန့္ေပးခဲ့ပါတယ္။ မဟုတ္ရင္ သူမက ကြၽန္ေတာ့မိသားစုဝင္ေတြအားလုံးကို သတ္ပစ္မယ္လို႔ၿခိမ္းေျခာက္ခဲ့ပါတယ္။"
"ရိုင္းစိုင္းလိုက္တာ။ မင္းသမီးက ေတာ္ဝင္မိသားစုဝင္တစ္ေယာက္ပဲ။ မင္းက အရွင္မင္းသမီးကို ဘယ္လိုလုပ္စြပ္စြဲရဲတာလဲ။" မိန္းမစိုးကအံ့ဩကာ ျမန္ျမန္ဝင္ေျပာသည္။
ခန္းမထဲ၌ရွိေနေသာ အစိုးရအမႈထမ္းမ်ားႏွင့္ စစ္အရာရွိမ်ားအားလုံး အုတ္အုတ္က်က္က်က္ျဖစ္သြားသည္။ 'မင္းသမီးကိုးလား။'
ဘုရင္သြမ္က မတ္တပ္ထရပ္ကာ ေဝဖန္သည္။ "ခမည္းေတာ္၊ အထင္လြဲတာတစ္ခုခုျဖစ္ပါလိမ့္မယ္။ ညီမေလးကိုးက အၿမဲတမ္းစိတ္သေဘာထားေကာင္းတဲ့လူပါ။ ဒါကို သူလုပ္တာမျဖစ္နိုင္ပါဘူး။ သူက စစ္သူႀကီးယြီဝမ္နဲ႕ ဘယ္ေလာက္ပဲလက္ထပ္ခ်င္ေနပါေစ အျပစ္ကင္းတဲ့သခင္ေလးလင္းအသတ္ခံရေအာင္ လုံးဝလုပ္မွာမဟုတ္ပါဘူး။"
"အစ္ကိုသုံး၊ ညီမေလးကိုးက စစ္သူႀကီးယြီဝမ္နဲ႕လက္ထပ္ခ်င္တယ္ဆိုၿပီး လုံးဝမေျပာဖူးပါဘူး။ သူ႕ကို အသေရမဖ်က္ပါနဲ႕။" ဘုရင္ေဟြ႕ဟုဘြဲ႕နာမည္ရေသာ မင္းသားေလးက ဤလုပ္ႀကံမႈႏွင့္ပက္သက္၍ မင္းသမီးကိုး မလြတ္ေျမာက္နိုင္ခင္ နာမည္မပ်က္ေစရန္ ခုခံေျပာဆိုေပးသည္။
"ညီမေလးကိုးအတြက္ ကာေျပာေပးစရာမလိုပါဘူး၊ ညီေတာ္ေလး။ ဒါက သူရွက္ရမဲ့ကိစၥမ်ိဳး မဟုတ္ဘူး။" ဘုရင္သြမ္က ယုံၾကည္ခ်က္ရွိရွိေျပာကာ လုပ္ႀကံသူထံေလွ်ာက္လာသည္။ "ေဟး၊ ငါေမးဦးမယ္။ မင္းက အမိန့္ေပးတဲ့လူက မင္းသမီးကိုးလို႔ေျပာေပမဲ့ မင္းမွာသက္ေသျပစရာတစ္ခုခု ရွိလို႔လား။ မင္းဆီမွာသက္ေသမရွိရင္ မင္းသမီးတစ္ေယာက္ကို စြပ္စြဲမႈနဲ႕ၿငိၿပီး မင္းမိသားစုဝင္အားလုံး တစ္ခါတည္း ကြပ္မ်က္ခံရလိမ့္မယ္။"
"ဒီလုပ္ႀကံသူက အကြက္ဆင္ေနတာ။ သူ႕မွာ ဘယ္လိုလုပ္ သက္ေသရွိမွာလဲ။ ညီမေတာ္ကိုးက ေတာ္ဝင္နန္းေတာ္ထဲမွာေနေနတဲ့ မိန္းကေလးတစ္ေယာက္ေလ။ သူမက သူ႕ကိုလူသတ္ဖို႔ ေစခိုင္းမွာကိုထားဦး၊ ေတြ႕ေတာင္ေတြ႕ဖူးမွာ မဟုတ္ဘူး။ ဒီလုပ္ႀကံသူက ေသခ်ာေပါက္ သူမကိုစြပ္စြဲဖို႔ႀကိဳးစားတာပဲ။ အေစာင့္ေတြ၊ ဒီလုပ္ႀကံသူကို ခ်က္ခ်င္းဆြဲထုတ္သြားၿပီး ေသတဲ့အထိႀကိမ္ဒဏ္ေပးလိုက္။" ဘုရင္ေဟြ႕က အလ်င္စလို ေထာက္ျပသည္။
"ညီေတာ္ေလးက ဘာလို႔တအားစိုးရိမ္ပူပန္ေနတာလဲ။ မင္းသမီးကိုးက အျပစ္ကင္းတယ္ဆိုရင္ေတာင္ တရားခံကတစ္ျခားတစ္ေယာက္ျဖစ္ေနၿပီး ဒီလုပ္ႀကံသူက အဓိကသက္ေသပဲ။ မင္းက သူ႕ကိုေသတဲ့အထိ ႀကိမ္ဒဏ္ေပးလိုက္ရင္...အဟင္း၊ ညီေတာ္ေလးက အျပစ္မကင္းစိတ္ရွိေနၿပီး ဒီလုပ္ႀကံသူဆက္ေျပာမဲ့ဟာကို ေၾကာက္ေနတာမ်ားလား။" ဘုရင္သြမ္က သံသယမ်ားကို ဘုရင္ေဟြ႕ထံ ဦးတည္လိုက္သည္။
ဘုရင္ေဟြ႕မွာ ထိတ္လန့္ကာ ေဒါသပုန္ထသြားသည္။ "အဓိပ္ပါယ် မရွိတာ။"
"ေတာ္ေလာက္ၿပီ။ မင္းတို႔ႏွစ္ေယာက္လုံး ပါးစပ္ပိတ္စမ္း။" ဧကရာဇ္၏မ်က္ႏွာက ေရေသတစ္ကန္ကဲ့သို႔ ေအးစက္ေနသည္။ "မင္းတို႔ ျပန္ထိုင္ၾက။ ဒီလိုလုပ္ရပ္မ်ိဳးက မယုံၾကည္နိုင္ေလာက္ေအာင္ သိကၡာမဲ့တယ္။"
ဘုရင္ေဟြ႕က လက္မေလွ်ာ့ေသးခ်င္ေသာ္လည္း ေ႐ြးစရာမရွိဘဲ ျပန္ထိုင္လိုက္ရသည္။ ဘုရင္သြမ္က သူ႕မ်က္ႏွာေပၚမွ ေက်နပ္အားရမႈကို မည္မွ်ထိန္းထိန္း၊ ထိန္းမရေပ။
ဤကိစၥတြင္ မင္းသမီးကိုးပါေနမည္ဟု သူလုံးဝမထင္ထားခဲ့ေပ။ ယင္းက သူ႕အတြက္မ်ားစြာအက်ိဳးရွိသည္။ မင္းသမီးကိုး၏ေနာက္ခံျဖစ္ေသာ ဘုရင္ေဟြ႕ပါ အျပစ္ရွိလွ်င္ သူပို၍ေက်နပ္ရလိမ့္မည္။
လင္းက်န္က တစ္ခ်ိန္လုံးေစာင့္ၾကည့္ေနသည္။ ယြီဝမ္ထုန္က ဤလုပ္ႀကံသူကို နန္းေတာ္ထဲသို႔ေခၚမလာခင္ကတည္းကပင္ အမွန္တရားကို ေသခ်ာေလ့လာစိစစ္ၿပီးသားပင္။ လုပ္ႀကံရန္အမိန့္ေပးသူမွာ အျခားလူမဟုတ္ဘဲ မင္းသမီးကိုးျဖစ္သည္။
"ကြၽန္ေတာ္မ်ိဳးဆီမွာ သက္ေသရွိပါတယ္။" လုပ္ႀကံသူက ႐ုတ္တရက္ထေျပာသည္။ "ကြၽန္ေတာ္ စြပ္စြဲေနတာမဟုတ္ပါဘူး။ ကြၽန္ေတာ့္မိသားစုကို ေက်းဇူးျပဳၿပီး သက္ညွာေပးပါ၊ အရွင္ဧကရာဇ္။ ကြၽန္ေတာ္က မင္းသမီးကိုးဆီမွာ တကယ္အက်ပ္ကိုင္ခံရတာပါ။"
"ဒါဆို ငါတို႔ကိုသက္ေသျပစမ္း။" ဘုရင္သြမ္က သူ႕ကိုစိုက္ၾကည့္ေနသည္။
ဘုရင္ေဟြ႕က ထရပ္ကာတစ္ခုခုေျပာမည္ျပဳစဥ္တြင္ ဧကရာဇ္ကသူ႕ကိုစူးစိုက္ၾကည့္လိုက္သျဖင့္ ျပန္ထိုင္လိုက္ရသည္။
"ကြၽန္ေတာ္မ်ိဳး ၿမိဳ႕ေတာ္ကေနမထြက္သြားခင္မွာ မင္းသမီးကိုးရဲ႕လက္ပါးေစတစ္ေယာက္က ကြၽန္ေတာ္မ်ိဳးဆီကိုလာခဲ့ပါတယ္။ သူအာ႐ုံမစိုက္ခင္မွာ သူ႕ခါးပတ္မွာဆြဲထားတဲ့ ခ်ပ္ျပားကို ကြၽန္ေတာ္ခိုးယူထားလိုက္ပါတယ္။ အဲ့ဒါက မင္းသမီးကိုးရဲ႕နန္းေဆာင္ထဲကိုဝင္ဖို႔ လိုအပ္တဲ့ လုံၿခဳံေရး အမွတ္အသားပါ။ အဲ့ဒီေန႕မွာပဲ သူကအဲ့ဒါကို ကြၽန္ေတာ့္ဆီမွာ ျပန္လာရွာပါတယ္။ ကြၽန္ေတာ္က အဲ့ဒါကိုလုံးဝမေတြ႕ဖူးဘူးလို႔ ညာလိုက္ပါတယ္။ အဲ့ဒါကို ကြၽန္ေတာ္ယူထားမွန္း သူ မသိပါဘူး။ အဲ့ဒါက ကြၽန္ေတာ့္ရဲ႕အကၤ်ီရင္ဘတ္ထဲမွာ ရွိပါတယ္။" လုပ္ႀကံသူကေျပာသည္။
မၾကာခင္တြင္ နန္းတြင္းအေစခံတစ္ေယာက္က ထိုလုပ္ႀကံသူကိုရွာေဖြၿပီး ခ်ပ္ျပားကိုေတြ႕သည္။ ၎က တကယ္ကို မင္းသမီးကိုး၏နန္းေဆာင္အတြက္ လုံၿခဳံေရးအမွတ္အသားပင္။
"မင္းလိမ္ေနသလားဆိုတာကို ဘယ္သူသိမွာလဲ။ မင္းက အဲ့ဒီလက္ပါးေစရဲ႕ခ်ပ္ျပားကို တစ္ေနရာရာမွာ မေတာ္တဆရွာေတြ႕ၿပီး သူ႕ဆီကေနခိုးထားတာလို႔ တမင္ေျပာတာလည္းျဖစ္နိုင္တာပဲ။" ဘုရင္ေဟြ႕ကေထာက္ျပသည္။
"သူမကိုေမးလိုက္ရင္ အမွန္တရားကိုသိရမွာပါ။" လုပ္ႀကံသူက လုံးဝမေၾကာက္ေသာေလသံျဖင့္ ျပန္ေျပာသည္။
ဧကရာဇ္က ခက္ထန္စြာၫႊန္ၾကားလိုက္သည္။ "အေစာင့္ေတြ အဲ့ဒီလက္ပါးေစကိုဖမ္းၿပီး စစ္ေဆးလိုက္။"
"ဟုတ္ကဲ့ပါ၊ အရွင္ဧကရာဇ္။"
ေပ်ာ္႐ႊင္စရာေကာင္းေသာပြဲက ဤအေျခအေနျဖစ္သြားရာ လူတိုင္းစားခ်င္စိတ္မရွိၾကေတာ့ေပ။ ဤလုပ္ႀကံမႈအေၾကာင္းေျပာရလွ်င္ လင္းက်န္က ေသျခင္းမွကပ္သီးေလးလြတ္ေျမာက္လာသူျဖစ္ေသာ္လည္း ခန္းမထဲမွ အစိုးရအမႈထမ္းမ်ား၊ စစ္အရာရွိမ်ားက သူ႕ကိုအာ႐ုံမစိုက္ၾကေခ်။ သူတို႔၏အၾကည့္က ဘုရင္ေဟြ႕၊ ဘုရင္သြမ္၊ ဧကရာဇ္ႏွင့္ ယြိဝမ္ထုန္တို႔ၾကားတြင္သာ လည္ေနသည္။ သူတို႔အားလုံးက သဲလြန္စရွာရန္ ႀကိဳးစားေနၾကသည္။ ဤအတြက္ သူတို႔အေတာ္အားထုတ္ရလိမ့္မည္ဟု လင္းက်န္ထင္သည္။
ဧကရာဇ္အမိန့္ေပးၿပီးေနာက္ နန္းတြင္းအေစာင့္မ်ားကခ်က္ခ်င္းလုပ္ေဆာင္ကာ မင္းသမီးကိုး၏လက္ပါးေစကို စစ္ေဆးေမးျမန္းရန္ ဖမ္းလိုက္သည္။
ဤအခိုက္အတန့္တြင္ မင္းသမီးကိုး၏နန္းေဆာင္မွလူမ်ား ဒြိဟျဖစ္ေနၾကသည္။ ကနဦးတြင္ ဤည၌ ႀကိဳဆိုပြဲၿပီးေနာက္ မင္းသမီးကိုးႏွင့္ ယြီဝမ္ထုန္တို႔ 'မေတာ္တဆေတြ႕ဆုံမိရန္'အတြက္ လက္ပါးေစမ်ားက ကူညီျပင္ဆင္ေပးေနၾကျခင္းျဖစ္သည္။ သို႔ေသာ္ နန္းတြင္းအေစာင့္အခ်ိဳ႕က အခန္းထဲသို႔ က်ဴးေက်ာ္လာၿပီး မင္းသမီးကိုး၏ သီးသန့္လက္ပါးေစကို ေခၚသြားသည္။
မင္းသမီးကိုး မ်က္ႏွာပ်က္သြားကာ ဤသို႔လုပ္ရသည့္အေၾကာင္းရင္းကို ေမးလိုက္သည္။ နန္းတြင္းအေစာင့္တစ္ေယာက္က သူမကို အသိေပးသည္။ "လင္းက်န္ကိုလုပ္ႀကံဖို႔ႀကိဳးစားတဲ့ လုပ္ႀကံသူကို ျပန္ေခၚလာၾကပါတယ္။ သူက မင္းသမီးနဲ႕ ဒီလက္ပါးေစအေၾကာင္းကို ေဖာ္လိုက္ပါၿပီ။ ေက်းဇူးျပဳ၍ ဒီနန္းေဆာင္ထဲမွာပဲေနၿပီး အရွင္ဧကရာဇ္ ထုတ္မဲ့ၫႊန္ၾကားခ်က္ေတြကိုေစာင့္ေနေပးပါ၊ အရွင့္သမီး။"
"ဘာ၊ မျဖစ္နိုင္ဘူး။ လုပ္ႀကံသူေတြ ေသသြားၿပီမဟုတ္ဘူးလား။" မင္းသမီးကိုး၏မ်က္ႏွာက ႐ုတ္ျခည္းျဖဴေဖ်ာ့သြားသည္။ သူက လုပ္ႀကံသူႏွစ္ေယာက္လုံး ေသသြားၿပီဟုသတင္းရ၍ ေက်ာက္ဟြာဘုရားေက်ာင္းမွ ထြက္လာျခင္းျဖစ္သည္။ 'အဲ့ဒီလုပ္ႀကံသူက ေသရာကေနဘယ္လိုျပန္ေပၚလာတာလဲ။'
ထိုနန္းတြင္းအေစာင့္၏အေတြးကို မည္သူမွမသိေသာ္လည္း သူက ထိုလုပ္ႀကံသူမည္သို႔ အသက္ရွင္က်န္ေနခဲ့ေၾကာင္း ေျပာျပလိုက္ရာ မင္းသမီးကိုးမွာ ခ်က္ခ်င္းလဲက်ၿပီး ေသြးဆုတ္သြားသည္။
"အရွင္မင္းသမီး၊ ကြၽန္မတို႔ ဘယ္လိုလုပ္ၾကမလဲ။ အစ္မရွန္းသာ မင္းသမီးကို သစၥာေဖာ္ကသြားရင္ ကိစၥေတြရႈပ္ေထြးသြားပါလိမ့္မာ္။" သူမ၏ေဘးမွလက္ပါးေစက အေလာတႀကီး ထင္ျမင္ခ်က္ေပးသည္။
မင္းသမီးကိုးက စူပုပ္ေနေသာမ်က္ႏွာထားျဖင့္ ျပန္ေျပာသည္။ "သူ႕ကိုေခၚသြားၾကၿပီမဟုတ္လား။ ငါက ဘာလုပ္နိုင္ဦးမွာလဲ။"
"အကယ္၍ သူက အရွင္မင္းသမီးကိုတကယ္သစၥာေဖာက္သြားရင္ အရွင္ဧကရာဇ္ေမးတဲ့အခါက် အရွင္မင္းသမီးက ဒီကိစၥအေၾကာင္းဘာမွမသိပါဘူးလို႔ေျပာၿပီး အစ္မရွန္းကိုအျပစ္ပုံခ်ရမယ္ေနာ္။ အစ္မရွန္းက စစ္သူႀကီးနဲ႕မေတာ္တဆေတြ႕ၿပီးႀကိဳက္သြားလို႔ စစ္သူႀကီးနဲ႕ လူတစ္ေယာက္ ေစ့စပ္ထားတယ္ဆိုတာကိုၾကားေတာ့ အရွင္မင္းသမီးရဲ႕နာမည္ကို ကာယကံရွင္မသိဘဲအသုံးခ်ၿပီး နန္းတြင္းအေစာင့္ႏွစ္ေယာက္ကို လုပ္ႀကံခိုင္းလိုက္တယ္လို႔ပဲ ေျပာလိုက္ပါ။" လက္ပါးေစက စိုးရိမ္ေၾကာင့္ၾကစြာ အႀကံေပးသည္။