تحضى نـار قلبي
الاربعـون.
.
.
.
.
.
.
. تفاعلو على الحلقة فيروزاتي 🥺🥺🖤
يآ نعمة النسيآن ، يآ رحمة الله !
ابتسمت لشكل نارفين تفتح بحلگها وتصد علية وتهز براسها..
دنك علينة وحچة بهمس
_غذريها يابة أمچ التهت بمشاغل الحياة وحرمتچ من ممتلكاتچ.
صديت علية وحچيت بستغراب
_يا ممتلكات تقصد؟
أبتسم بمكر وأردف
_ من الرضاعة الطبيعية أقصد لا يشطح بالچ.
رفعت حواجبي وحچيت
_ بربك أنت شلون عليك سوالف؟
أبتسم طرف شفتة واردف
_ أني وبنتي أنتِ شعليچ؟
_عفية عليك هيلگها وهيَ بعدها بگد الحباية.
رفع حواجبة ما عاجبة كلامي أخذها مني وگعد مقابيلي أنطاها الممة وهي ما كذبت خبر.
بعدها أجى خالي جايب أكل گعد وسلر سوتة.
وياسين أستلمهم تحشيش.
وكل شوية يگول سيدنا وسيد وخالي يضحك لان يعرف قصدة على سلر إلي غاطة بالاكل مسوية نفسها ما تعرف وهي خجلانة.
بعدها خلصنة أكل وأنجمعنة كلنا وصدمني كلام ياسين يگول
_ علي جديات دام أنت هنا أريد أفاتحك بموضوع مهم.
رد علية خالي
_ گول اسمعك خير إن شاء الله.
رد علية ياسين
_ كل الخير وداعتك بس كلامي لسرور حتى أنت شاهد علية وما تجي تعتب علية بيوم.
عقدت حواجبي وحچيت
_ أحچي ياسين شكو؟
رد بهدوء وهو عينة علية
_ سبق وحچيت من گلت بس وأنتِ راكبة راسچ وما معترفة بكلامي وتسوين إلي براسچ وكم مرة بمرة حاولو يغتالوچ وانت حتى ما تفكرين تحچين النة.
رديت علية باستعجال
_اي كمل.
تنهد وأردف
_بس لهنا وهايهية ما اگلچ عوفي أنتقامچ ولا أگلچ عوفي وضيفتچ بس أگلچ نارفين ومن ثم نارفين ومن ثم نارفين تأكدي بيوم إلي يمسها خطر بسبب أنتقامچ وقضاياچ أخذها منچ بدون ما يرفلي جفن.
تركت كل كلامة وركزت على أخر شي ما اتحملت حچيت بعصبية
_مو هو بكيفك اني أمها وما يحقلك تاخذها مني ياسين بالاخير القانون وياي لان طفلة رضيعة.
رد بستهزاء
_ ومن شوكت اعترف بقانون ؟؟
أني أگلچ لا أعترف بيچ ولا أعترف بالقانون الي تحچين بي كل شيء أگدر أسوي وبكل بساطة هم.
رديت بتحدي
_مو بكيفك بنتي هذة.
ياسين: حرسي عليها لعد، أذكرچ سرور أنتِ عايشة بمجتمع قذر هذة وحدة وثانيا توقعي يخطفوها أو حتى يغتصبوها بس حتى ينتقمون منچ لان خسرتيهم.
رديت بستهزاء
_شبيك ياسين صدك تحچي شنو يغتصبوها من كل عقلك ترى نارفين عمرها أيام.
ياسين: كلامي مو بس لهسة لا كلامي لطول عمرچ وأذكرچ بقضينچ إلي عمها أغتصبها لو لا؟
قلصت عيوني وحچيت
_و شمدريك بهل قضبة ياسين أني ماوحچيت لأحد عنها حتى لخالي ما حچيت وأنتَ تعرف و صدك أنتَ شلون عرفت مكاني ولا تگلي لگيتهن وياچ لان شخص مجهول أخذ كل المستندات مني.
ضحكت بستهزاء وحچيت
_أنتَ الي تعرضت إلي مو!!!
ركز بملامحي وأردف
_من تفتحين أزرارات عمليتچ نرجع نفتح هل موضوع، ولو هوَ أصلاً ما انسد.
زفرت نفسي وحچيت بعصبية
_ ياسين احچي لا تفور أعصابي وعوفك من العملية عسى ما تفتح ميخصك.
أشر لـ سلر أنطاها نارفين و عدل گعدتة حط رجل على رجل وگال
_ تنصدمين.
غمضت عيوني بصبر وحچيت
_ ما يحتاج اگلك لاتفور دمي وأحچي.
تنهد ب، آه وأردف
_تذكرين من گلتلچ سرور خلينا نبدي من جديد عوفي الانتقام على جهة وأنتِ أخذتيني على گد عقلي گلتي هذة غبي وما يفهم وكملتي سوالف الانتقام وضليتي تبحوشين بسوالف أرفد و نادية وسلطان لحد ما عرفت بيچ وهم كررت كلامي وياچ وگلتلچ يا بنت الحلال عوفي الانتقام و هم أخذتيني على كد عقلي.
لحد ما بيوم إلي رجعنا من النجف بطريقي شفت واحد طفر من بيت أرفد الساعة أربعة الفجر.
بيت اخوي شما يكون حيوان بس من أشوف هيچ غيرتي تمشيني وتخليني أوكف هل حرامي.
وهنا أنصدم من وگفتة يطلع الحرامي ما محتاج فلوس لاا محتاج اوراق وتسجيلات تشيب الما متشيب.
وهم أمنا بالله وكملنة لعبتچ وهل مرة أني اخذتچ على گد عقلچ ومشيت اللعبة خليچ وكسرت غرورچ بخسارتچ للقضية.
تلاعبت على عقلچ.
لدرجة هنا قبل عرس بنيامين راسلتة گلتلة أستفزها بالاتصالات.
وچان عندي امل واحد بالمية تعوفين هل انتقام بس ويييييين سرور وما أدراك ما هيَ كذبتي بكل عين وقحة.
ثاني يوم ببيت بنيامين هم تلاعبت بعقلچ من أتصلت عليچ بأتصالة وهم كذبتي گلتي حچيت وية خالي وخالج بيومها كان جهازة مغلق لان عطل وأنتِ ماتدرين بالدنيا شنو.
طول ما هو يحچي أحس روحي انمردت بحيث گمت وتهجمت علية وحچيت بصياح
_حقييييير يعني كلة منك انت
بعدني عنة خالي وگال
_ أنتِ ردتي يحچي خلي يكمل وممنوع توگفي.
بقيت واگفة وهو كمل كلامة.
حذرتچ بكل وگفة النة سرور أذا صار شيء وأنتقامچ لاحني ما اسكت تتحملين رد فعلي وأنتِ توافقين.
بكل أتصال يتصلة عليچ أني أطلب منة وأستمتعت أشوف حيرتچ.
رجعنة ومشت الايام وسرور ولا گعدت راحة مطي.. الوضع.
وبأخر مرة ما خفتي على صحة هل طفلة وبكل عين نچرة كذبتي و رغم بس ردتچ تگولين باسين تعال وياي بس سرور هانم كذبت وطلعت.
تذكرين بيوم من الايام گلتلچ سرور يجي يوم تروحين للملاهي الليلية واني وفيت بوعدي خليتج تروحين برجليج عسى وعل تكرصي وتگعدين.
واني إلي مشيت وراج وأزيدچ من الشعر بيت أخذت تعبچ من گدام عينچ وطلعت حرگة گلبي بيچ وبمجرد فقدتي الوعي رجعت أخذتچ للمستشفى.
ضحكت بسخرية وحچيت
_لعد شگد نذل وحقير أنتَ، ابد ما توفعتها منك..
أبتسم وأردف بهدوء
_المفروض تتوقعيها أذكرچ لو نسيتي الطلقة الثارت مني بكتفچ لو الطعنة؟
او المفروض تركزين على طريقة كلامي والوحيد إلي يگلچ عشر دقايق وتعنجر.
أبتلعت ريگي وحچيت بهدوء مسطنع.
_أكرهك ياسين، وأتمنة ما أشوف وجهك بحياتي وبنتي ما الك دخل بيها أبتعد عنة.
گام وگف وبوس نارفين وگال
_سامعة بحلم أبليس يدخل الجنة لو لا؟
ما اتحملت صرخت بصوت مرتفع
_أطلع أطللللللع منا..
ضحك بستفزاز وحچة قبل لا يطلع
_أذكرچ بعدي أنتقامچ وسذاجة تفكيرچ عن بنتي لان ما أكفلچ تصرفي.
سرور: شورطني بيك الله.
رد بهدوء
_قزحيتي ا القدر هذا حط واحد بايع الدنيا گدامچ.
طلع من الشقة واني صرخت بصوت مرتفع.
گعدت على القنفة العملية هاجت علية وكصتي كذالك..
لحضات من الصمت قطعها خالي يگول
_ما ألومة بكل تصرفاتة تعرفين بياسين مراقب كل تحركاتچ خوفاً عليچ تدرين كم مرة بمرة عرض نفسة للخطر تدرين بي قبل فترة ليش أبتعد؟
أني اگلچ شوفي كتفة وزندة وبطنة الاأماكن الموجود بيهن وشم.
كلهن عبارة عن أثار طلق وطعن بسببچ.
سرور الولد تعذب هواااي من ورة راسچ اليابس وأنتِ گدرتچ أحضى ناري وماتعرفين تحققين مرادچ.
وأگلچ أخر شيء أنتِ خسرتي زوجچ حاولي تتمسكين ببنتچ
لان والله أذا هم ترجعين لسوالفچ وأشوف خطر على حياة هل طفلة ببدي أني أنطيها الة لان هو مصدر أمان ألها على الاقل عندة أستعداد يترك الاول والتالي لأجل عيونها مو نفسچ شغل وأنتقام ونار هاي حياتچ.
عافني وطلع من البيت بقت يمي بس سلر تحاول تهديني..
و اني عبث أحس روحي تطلع من گد ما أحترك گلبي ضربت على وجهي بيدية وهنا أحس روحي شاغت..
سلر: أحلف عليچ مخبلة خلقتچ العب بيها فلك.
سرور: عوفيني لا والله أذب حرگتي بيچ.
گمت وكفت أفتريت بالبيت وروحي لايبة هم ألم وهم شلعان گلب.
ما أعرف هل يوم شلون تعدى ومرت ويا الايام وصار إلي ١٥يوم من ولدت فتحت الازرار والتهيت بـ نارفين بحيث حتى للمكتب ما اروح.
سبحتها ونومتها وأتصلت على عمو طلبت منا يجي صدك اقل الساعة أجى.
گعد يمي وحچى وياي بخصوص ياسين وبعدها غيرت الموضوع و حچيت
_أگول عمو تذكر من سل، ر دخلت مستشفى وگلت الك عندي طلبين وأنتَ سويت واحد بقة واحد ما ناوي تسوي.
أبتسم بحيرة واردف
_عيوني ترخصلچ..
تحمحمت وحچيت
_خالي علي يريد يفاتحك على سلر بس خايف لاتتدهور علاقتكم واني الطلب مالتي موافقتك على خطوبتهم..
صفن بوجهي وغمض عيونة وأردف
_علي والنعم منا بس يا بنتي تعرفين بـ سلر هستوها طالعة من خطوبة فاشلة وما أعتقد تقبل ول أني موافق وعيوني الة.
سرور: أخذ رأيها عمو بالاول.
أبتسم وهز راسة گال
_إن شاءلله وهسة لازم أروح تعرفين مشغول..
گمت وگفت وحچيت
_ الله يكون بعونك.
باس راسي ومشى مسافة صد علية گال
_ نسيت أگلچ مصطفى وأخيراً قرر يتزوج.
رفعت حواجبي وحچيت
_ حلوو إن شاء الله خير وربي يتمم على الأثنين.
أبتسم وطلع.
باليل حچيت وية خالي وهو ما معبرني زعلان عود.
ثاني يوم خالي أخذ خوالي وبيبي وراحو خطبو إلة سلر بس من رجعو من بيت عمي خبصو الجو علية لان ما قابلين.
نارفين مساهرة ليل نهار گاعدة اقصى حد لنومها ساعتين وهل شيء أبد مو صحي.
وأعاني منة..
يومين و عمي رجع خبر القبول.
وبالثالث يوم راحو عقدو سيد و رجعو.
باليل صدمتني سلر تتصل علية وتبچي وتصرخ حچيت ردت وياها بس عبث وكل توقعي خالي غثها.
والافندية غلقتة مني ضليت أحوس بالشقة للفجر ونافين مامقصرة بس تبچي على حظي.
أتصلت عليها ما ردت علية أخر شيء أتصلت على خالي وحچيتلة الصار وهو هم ما قصر بدل ما يگلي شكو غلقة بوجهي.
أخر شي شمرت الجهاز لعبت نفسي.
طرت الشمس وأني على گعدتي أحس عيوني طفن ونارفين تبچي حرت شسوي وياها أنطيتها رضاعة وغسلت الها وگمطتها وهيَ تبچي.
للسبعة إلا ربع أنفتح الباب توقعت خالو بس إلي أجى ياسين أخذها مني بدون ما يحچي وأقل الربع ساعة الشيطانة غفت بحضنة وأني الليل كلة سهرانة أفتر بيها بس أريدها تنام ما تقبل.
تمدد على القنفة حاطها بحضنة.
أستغليت وجودة وأغتسلت لان صار إلي خمس أيام مو مغتسلة بسبب نارفين لان ماگدر اعوفها وهي ما تنام.
طلعت من الحمام دخلت للغرفة مشطت وكملت وطلعت للصالة لگيتهم نايمين بسابع نومة.
و كـ العادة فاتح الكماط إلي هو بالاسم لان مجرد الحضينة لافتها بدون شد.
وأيد نارفين متمسكة بقميص ياسين بحيث قميصة أسود وأيدها بيضة كطن شكلها ينگرط.
وراسها مقربتة من صدر ياسين وتحرك بشفايفها للحضة تخيلت ياسين يرضعها ضحكت وأبتعدت أخذت غطة غطيتهم بي وتمددت على القنفة لمقابلة.
هل فترة صايرة كل وقتي بالصالة أنام أگعد أكل بيها.
مجرد تمددت غفيت من التعب.
حسيت من النوم على طكطكة بالمطبخ.
و ياسين ونارفين ماكو.
رحت للمطبخ لگيتة حاطها على دوشك وهو يشتغل ويحچي علية
_أمچ حايرة بس بالانتقام وعايفة المطبخ بوصخة شوفي المواعين وصخة بكل مكان من غير الثلاجة واصلة مرحلة ما بيها غير بيذنجانات ثنين والمي خالص بس ربع دبة.
والاضرب يابا الخبز ماكو شتاكل ما تگليلي لا بالشغل تنفع ولا بيچ وأنتِ زايدة منچ تخليها براحتها سويلها كرصة أذن.
رفعت حواجبي وحچيت
_والله يا عيوني اذا انتَ أم بيت نادرة مو بالازم أكون مثلك وعوفك ببنتي لا تعلمها على الگال والگلت من هسة.
صد علية ويأشر بالسكين
_ أمشي لا أطعنچ بهل سچينة الجديدة.
حتى سچايچن نفس الخلق ما عندچ وهذا دليل على انتِ فاشلة كـ أم بيت.
سرور: عايفة الطبخ والنفخ الك ما يحتاج تعلمني اوك؟
ياسين: شگد فاشلة.
سرور: مو أني ياسين وما ادري.
خزرني والتفتت يكمل.
أخذت نارفين وهذة بدت تصرخ لعبت نفسي من گد ما بچت وصرخت وهوَ أخذها يبوس بيها ويحضنها لصدرة وهيَ تهدئ.
وصلت مرحلة افكر السبب مني هل نفر من نارفين لو شنو بالضبط؟
بعدها نملة ومشيطنة.
اليوم إلي أربعين يوم على ولادتي بـ نارفين تقريباً هل أيام المريت بيهن أسوء أيام عشتها من ناحية النفسية بس نارفين ترست دنيتي ملتهية. بيها لدرجة أنسى أكل شيء.
أول مرة أئمن بـ البنات حيالات لان نارفين حيالة بشكل مو طبيعي متعودة على حضني ليل ونهار شايلتها وأفتر.
وصايرة عبارة عن نفاخة خدود كبرانة بزيادة وبشرتها بلشت تغمق وأضافة لعيونها
والصدمني عيونها كانت لون سمائي فاااتح بس بمرور الايام اغمق اللون وصار عسلي فاتح.
أحياناً يجي ياسين علينة أو بالاحرى يومياً يجي يشوفها إلي على أنو يجي يوم وياخذها وأني أتجنبة.
وخالي واگف وياه بشكل مو طبيعي.
نورس هم أنخطبت وبفترة أسبوعين تزوجت بس اني ما حضرت.
و أرفد ونادية هم أستقرو بتركيا.
بهل فترة كلهم أستقرت أحوالهم إلي اتزوج والي نخطب والعاش لعائلتة.
والوحيدين إلي لا بيوم أستقرو ولا كملو حديث إذا ما تعاركو همَ أني وياسين..
رغم حقارة أخر موقف بينة كل ما اتذكرة أنشعل نااار..
لان بعد فترة من أعترافة بالحادثة مالتي أجى للشقة الصبح بوقتها كنت گاعدة وية نارفين وهو دخل بيدة المستندات والاشرطة والفلاشات مختصر كل الادلة.
گدام عيني حرگهن بيدة وگالي
_لو تبحثين بعد لعشرين سنة على مستمسك يخص نادية لو أرفد لو عمامچ ماتگدرين لان نضفت سجلاتهم وأختصرت الطريق وياهم وكل واحد يعيش لنفسة ويستقر خليچ أنتِ الوحيدة إلي لا حضت برجيلها ولا سيد علي.
التاف و وصل للباب صد علية وأبتسم بثقة وگال
_ أنتِ أنسان حالچ حال البشر يجي يوم تخسرين وتنزلين راسچ وكسرتة لخشمچ الشامخة بي وخسرتچ أهم قضاياچ ويجي يوم أخذ بنتي منچ وينتهي كل شيء بينا.
بيومها ترك الشقة وطلع ما اعرف ليش ما أنطيت رد فعل ولا بچيت.
بحيث صنم طلع ولا كأنو صاير شيء أكتفيت بحضن نارفين لصدري وغمضت عيوني دخلت بسبات عميق..
بعدها بأسابيع حسيت نفسي ما اگدر أذا ما أشغل بالي لهل سبب رجعت أشتغل..
ونارفين بحضانة قريبة على الشركة مالتي.
طلعت اليوم من الشغل من وقت أخذت نارفين وتمشيت يم حديقة عامة..
حضنتها لصدري وصافنة على الاطفال يلعبون وأفكر معقولة يجي يوم و نارو تصعد وتلعب نفسهم؟؟!
بنص تفكيري وسمعت حمحمة التفتت على الشخص إلي گعد يمي و صدمني..
ضحكت بهدوء وحچيت بستغراب
_اووو اليوم منو بغداد.
أبتسم طرف شفتة وأردف وهو صاد على الاطفال
_ مريت لياسين وخطرتي ببالي.
رفعت حواجبي بستهزاء وحچيت
_ لياسين وخطرت ببالك لا ترى أستغربت حييل.
هز راسة وشابك أصابيعة ببعض أردف
_ حمد الله على السلامة و نار ياسين المصغر أني سامع الزوجة اذا تحب زوجها تطلع علية خلفتهم والضاهر أنتِ تعشقي..
شميت نارو وبوستها وحچيت
_اي كلششش شعبالك لعد غير أبو نارو.
ضحك بهدوء وگال
_ هاشميات سألت عنچ وتريد تشوف نار.
رفعت حواجبي بحركة سريعة وحچيت
_سمها نارفين للعلم.
رد بتذمر.
_وأزيدچ معنا القدر و ياسين سماها خاف تتوقعين ما أعرف.
رديت
_لا شلون غير أبوها صديقك.
گام وگف وکال
_ عن أذنچ زوجة أخوي صار لازم اروح وإن شاء الله الايام الجاية شوفاتنة أكثر.
سرور: على راحتك.
تحمحم وحچة بهدوء
_محتاج رقمچ ام نارو
أبتسم وحچيت
_قصدك نارفين.
انطيتة كارت أخذة وأشر بي وراح..
ما زيدت الموضوع أهمية ورجعت للشقة ولا كأنو صاثر شيء.
ثاني يوم داومت ومر أسبوع أداوم وبيوم الثامن أتصلت علية السكرتيرة گالت أكو رجل من طرف أبو نارفين وما قبل يگول أسمة وهو ناطي علم بجيتة.
طلبت منها تدخلة وأنتضرتة يدخل.
ارتاكيت على الكرسي وندك الباب دخل نفس ما توقعت وحچة بهدوء
_فرصة ثانية لقائي بيچ.
هزيت راسي ودخل سلمت علية وحچيت
_تفضل بس بشنو أفيدك.
گعد وحط رجل على رجل وحچة
_محامية وما ينفع وياها الخسارة.
ضحكت وحچيت
_اوو أول مرة أعرف للصراحة.
أبتسم بطرف شفتة وگال
_ لحمد الله من عرفتي لعد..
تحمحم وأردف بهدوء
_ أختصر المقدمات وأگلچ جيتي إلچ مو خالية أريدچ تتوكلين قضيتي وترافعين بيها.
عقدت حواجبي وحچيت بجدية
_عن شنو هيَ؟
رد بهدوء مصطنع
_ أول شيء جاوبي ب، اي او لا وبعدها تعرفين.
ضحكت بسخرية وحچيت
_ وين لاگيها أقبل القضية قبل ما أعرف عن شنو؟
أرتاكيت على الكرسي وحچيت براحة
_شكلك اول مرة توكل محامي.
هز حواجبة وگال
_لا وربچ بس أريد أختصر الطرق و أخذ كلمة منچ.
سرور: أحچي اول و الله كريم.
_ربح العراق، لا تتعذرين برب العباد.
سرور: للعلم أني أبد مو فارغة وأريد اطلع هم.
_ عرفت القاتل إلي قتل مرهمي وأريدچ توكفين وياي حالياً رافع علية دعوة.
سرور: بهل حالة اني موافقة بس تكون ضامن ألي الناس مو مجرمين.
ضحك بهدوء وأردف
_عليچ دين محمد هوَ إلي يقتل روح شخص ممأذي هذا مجرم لو لا؟
سرور: لعد أستبعدني رجاءاً.
تنهد وسحب نفس بقوة وگال
_وإلي يكفلچ حياتچ؟ وإذا على كلام ياسين بخصوص بنتچ تأكدي ما يتقرب الها وأضمن إلچ الأمان.
گمت وگفت وحچيت
_كل هل كلام ما ينفع عندي للأسف تريد تجي وتجيب إلي كل الأدلة إلي تثبت كلامك و أشوف ما بيها ضرر على الشركة أخلي صديقتي تتوكل بمكاني.
أبتسم و وگف گال
_كلام أخير سرور..
بادلتة الأبتسامة وحچيت
_للأسف بنيامين يتبع..
.....
_توقعاتكم للحلقة القادمة
_رأيكم بالحلقة ٤٠
_تتوقعون سرور توافق على القضية لو الرفض نهائي.