تحضى نـار قلبي
حلقة الثالث والثلاثون.
.
.
.
.
.
.
. يأتـي يوم لا تجد من يسندك ويواسيك بمصائبك فلا تصدم من بئس عالمنا.𓅙
_ رحيق لعد بنتچ رواء وين؟
تنهدت وحچت بهدوء
_يم أخيل..
ردت ميادة
_انتِ أمها رحيق، أخيل أبوها حرام هيچ تسوين لان تحرمينها من حنانچ وأهتمامچ وبنتچ مو صغيرة حتى تتقشمر تدرين بـ أخيل يركض وراها وهيَ تبچي تريدچ تگلة بابا ليش ماما ما تحبني ولا تمشط شعري نفس بنات عمو.
مو خطية حارمتها من هل شعور؟؟
رحيق أتذكري منو أخيل و رحيق تذكري منو الي وكفت بوجة أبوها في سبيل تحصد حبها بس تذكري الي عافت بيتهم الفجر أجت لبيت هاشميات
تگول الها أني أحب أبن عمي وأبوي يريد يزوجني لغريب
بس اتذكري هل أيام و بوقت حملچ بـ رواء شلون خبصتو روحكم وأحلى جهاز جهزتو الها هسة شصار رحيق
عوفي عقلچ فكري بگلبچ
تتحملين تشوفين أخيل مكسور بنص ولد عمة وعمتة لو تتحملين أنصاص اليالي يجي ينام يمچ يشم ريحتچ أنتِ ترضيها أحچي رحيق.
حضنت وجها بكفوفها وزادت بالبچي
بعد لحضات بسيطة بعدت أيدها وگالت
_ما أريده لا تجبروني لا تجبروني ترى والله گلبي تعبببب حسو بية كافي وين ما أگعد أطلع اني الموزينة والي مقصرة والماعدها شغل وعمل..
كامت وكفت رادت تروح وگفتها ميادة تگول
_شعليچ بالكلام الگال والگيل عمره ما يخلص لا تصيرين أنانية رحيق.
ضربت ضربات مبعثرة على وجهة وگلبها بحيث تلهث وتصيح لحد ما لحضات وأحتضنها أخيل بحيث قفل عليها وهيَ تضرب بي براسها ورجليها وهو مقفل عليها..
ما أعرف شلون ضربتة بحيث وگع شالها وتفرهد شعرها وأشرت بيدها وگالت
_ما أحبببكككككك أفهم أخيل ما احببك رحييييق ما تحب أخيل فهمتتتت ما احبك ما احبك فهمو تعبتوني ما احبك ولا احب احد رحيق انانيةةة ما تحبكم كلكم مجرد رادت تتخذك وسيلة مساعدة الها فهمممتتتتتتتتت أخيييل
وبنتك اذا تقربوها مني أذبحهااا والله أذبحهاااا
لحضات قليلة وما انحس غير أخيل متقرب عليها وحط أيدة على حلگها يمنعها من الكلام..
أخيل شعرة طويل لحد كتفة ونازل و رحيق جرت شعرة بقوة بحيث أنهلس شعر أخيل بيدها مجرد شافت الشعر أدينها رجفن وشمرت الشعر تحسس وجة أخيل برحركات لا أرادية..
بعدت شعرة خلف أذنة وتلمست خدة وتحچي بهمس ما مسموع بس الخوف واضح عليها..
و أخيل مبتسم بدون ما ينطي رد فعل.
أنتبهت لـ أخيل وضربتة لكمة بمعدتة وحچت بصوت
_ أخيل أنتَ حقيير.
ضحك بصوت وحچة
_مقبولة منچ بنت عمي وأم بنتي.
خزرتة و ردت بعصبية
_مو أم بنتك فهمتت لا تحچي من كيفك أخيل.
رد بـ أبتسامة
_عسا كلها تنسى أسمي غيرچ.
ضحكت بسخرية وأردفت
_لا حبيبي عسا الكون يا خذني وأخلص منكم كلكم و أولهم أنت.
رد عليها
_تعرفين شگد أتمنة ألطمچ على هل حلگ الحلو حتى ما تزيدين كلام؟؟ بس المصيبة بگلبي ما ينطي.
رحيق: ما أرجع لبغداد متفقين؟؟
زفر نفسة وأردف
_ أربيل هل مرة
أنتفضت وحچت
_ شايف أديني؟
تنهد وحچة بهدوء
_ليش تشلعين گلبي وگلبچ خصمي الموضوع وخلينة نعيش حالنة حال البشر ليش مخليتنة لا ليل ليل و لا نهار نهار.
رحيق: ما علية أني ، تعبانة أريد أرجع للبيت.
أخيل: تعرفين بيتنة ينتضرچ؟
رحيق: عادي خلي ينتضر أكثر..
أخيل: براحتچ بس انتِ تعذبين نفسچ وتعذبين بنتنة وياچ.
رحيق: وانتَ؟
أخيل: أفا عليچ شلون أتعذب أصلاً عايش بنص الفرح والأمل.
گلبت عيونها وتقربت علية تمسكت بيدي وگالت
_ رايحة وية زوجة ياسين خطية حامل وما تگدر تگابلكم، سوالفكم المالحة..
صديت عليها بصدمة
صارت عيني على أخيل تلمس ذقنة مبتسم وأردف
_على الخير يتربة بعزكم ودلالكم إن شاءلله.
رمشت أكثر من مرة وحچيت بضياع
_تسلم أخيل..
صديت على ميادة منزلة راسها وتضحك بهدوء..
التاف راد يمشي وصد للنص وأردف
_خوية زوجة ياسين أتمنة تحچين وية الي صاحبتچ وصدمتچ.
تركنة وكمل طريقة..
تقربت ميادة وحچت
_ هاي كذبتي على أخيل؟
ردت رحيق
_لا ما كاذبة وأبن عمتچ نفس أبن عمچ ما تذكرين ما قبل يگول حامل لحد ما خلصت أربع أشهر.
و زوجتة واضح عليها الحمل وللعلم حتى هاشميات منتبهة بس منتضرتكم تحچون.
ضحكت بهدوء وحچيت
_ تدرون أنتم كلش غريبين الاطوار.
رحيق: اوووووو بعدچ مشايفة شي ، رغم متماسكين ومحبين لبعض لكن كل كبلين ملطلطين درجة اولى.
ميادة: رحيق على كيفچ خو مو گبل تصدمين البت.
رحيق_ سويرة سمعي هن كلمتين
تردين راحة بال تعالي هنا تردين طلايب مصاگع تعالي هنا.
سرور: دوس الأثنين تعالي هنا.!
رحيق: هنا ماكو حقد وغل كلهم گلب على گلب ماعدنا عداوة لا من العمام ولا من الخوال لان خوالي هم عمامي الخوات متزوجات الاخوة وهيچ ماكو بينة غريب.
بس المصاگع والطلايب للكبلات يعني نفس علاقتي المسكرة أني و أخيل.
أبتسمت وحچيت
_ربي يديم محبتكم وألفتكم.
رحيق: تدرين حبيتچ بس أحسچ من البنات الي يبينن هن لطيفات وبريئات وداخلهن جمووح.
نهت كلامها بضحكة وميادة كرصتها وحچت
_لاتاخذين بكلامها أحيانا تخربط مو هيچ رحيق.
رحيق: ما الچ دخل بميادة شعوري وحچيتة ما غلطانة.
مشت گدامنا وعينها على السماء.
الدنيا هستوها فتحت وريحة الزرع و الهوا يفتح النفس ويحفز للجلوس.
مسافة قليلة و دخلنة للبيت من باب المطبخ.
مالگينة أحد فارغ دخلنة للصالة الداخلية وكلها گاعدة على سفرة وحدة.
صبحت عليهم والحجية گالت
_ تعاي مسرة گعدي هنا
أشرت بصفها..
أبتسمت وتقربت عليها گعدت بصفها من الجهة اليسرى و ياسين من الجهة اليمنى.
قربت علية طاسة روبة وزبد وگيمر ومربى ومسدت على كتفي وحچت
_أكلي يمة، عظم وجلد صايرة ياسين ما خذ عافيتچ.
رد عليها ياسين
_أي مو شايفتني ٢٧٠حتى أخذ عافيتها.
ضربتة على رجلة وحچت
_ولك منغولي هم الك عين تحچي أنتِ تاكل عامي شامي متعافي الا هل بنية متورطة وياك لاتاكل ولا تشرب من البارحة لليوم.
صد صفح و رد عليها
_هاشميات الباحة أبوي الي شيلها مفلطح وهي رجيجة لايغرچ لسانها وشكلها.
هزت أيدها وگالت
_من عاب هل حلگ شوف هل رجيجة شلون توكفك على رجل وحدة وگول هاشميات گالت.
ياسين: بهذا صدكتي لانها موهينة.
ردت الحجية
_مو چانت رجيجة صارت موش هينة
رد عليها
_حيرة وياها ماتفهمين حبها وشغفها لشنو كل الأحتمالات تفشل أمامها..
رغم هيَ رجيجة.
أبتسمت وعيونها لمعت بعدها حچت
_دوم عمري متمنية أشوفك مرتاح وهل جية تختلف عن باقي جياتك كل مرة تضحك بالچذب حتى ما الگفك بس اليوم أنتَ تحچي وتضحك من گلبك والأهم تحچي بيها وعينك گوية.
صدت علية وحچت
_بيوم ردت أخطبلة وحدة من بنات عمومتة وهوَ رفض بس گالي أحب وحدة وهيَ تحبني وعلاقتنة زينة وأنتضرها تخلص دراسة وأخطبها.
رغم حزت بية لان غريبة وأنه دايماً أكول الغريب ذيب ماله صاحب صحيب.
بس سكتت وأنتضرت أشوف الي رادها بس حتى أشمت بي وأگلة ها ياسين هذة الغريبة لوعت گلبك وكرهتك بالزواج.
بزواجة منچ أجى للنجف گعد گدامي وگال
هاشميات إلي أحبها ماتحبني ولا تريدني وتكره شوفتي.
بهل يوم عرفت بي چان يچذب و بوقت الگال أحبها وتحبني بس حتى ما أضغط علية.
حطيت عيني بعينة وحچيت وياه
لاتورط بنات العالم وياك تحبها وما تحبك أدفن هل حُب بگلبك ولا تطلعة لاتخرب مستقبلها وحياتها وياك.
وعبالچ سمع مني لاا مو ياس الي يسمع زعل مني وطلع وچنت متأكدة راح لأبو والدفان كرابتنا أتصل على الوليدات وگال الهم أبن عمكم بالمگبرة والساعة وحدة ونص باليل.
ماغفتلي عين غير من تأكدت وصل أهلة.
وبعد أشهر من زواجكم هم أجى وهل مرة الفرحة بعينة طافية ما حچة ولا گال شي و ولد عمومتة تخبلو ياس لا ضحك ولا حچة وعرفت السبة انت وعن الحلال والحرام صرت أتخبل من طاريچ لان أبن أبني تغير.
وصارت جيات ياس تكثر بس مو ذاك الي يقشمر.
لحد قبل أيام أجى علينة والفرحة ماسايعتة وعيونة تضحك ودعيت الله ما يكون على علاقة بيچ بس اجاني وگال رجعتلي سرور.
طول ما هيَ تحچي عيوني مدمعة وقاطعها أخيل صدينا علية گال
_بهل يوم هاشميات قتلت فرحتة لان گالت اله هيَ مو الك وهم تعوفك واذا بقيتو سوا أكص أيدي.
عوفها و أزوجگ أغاتها والاحسن منها وشي أكيد طنكورنا تحده هاشميات وطلع من البيت وهذيچ الوحدة يا يابا طلعت گعدتنا يمها زقووم معسل بالليمون على من لحمنا وعافنا على مود الغريبة وثنينهم گلبو هل وجوه الحلوة وبعد ما تحاچو لحد لبارحة تصالحو وكربتچ كربة لا اله الا الله طلعت هل سنوات من عيونچ.
نهه كلامة بضحكة وكلهم ضحكو وياه..
صديت على ياسين الي مسمتر ياكل ولا كأنو شي..
تحمحم وحچة مؤيد
_يابة شوفو هل أبتسامات وهذاك الوحد الي مسوي روحة ولا مهتم وهو الي كان مستقتل أستقتال و...
قاطعة ياسين بكلمة وحدة
_ألصم.
ضحك مؤيد وأشر على شفايفة وحچة
_سكتنا أبو السوس.
رد عليهم جسار
_ ها دكتور مؤيد بس هوبزة أنت والاخ؟
مؤيد: مو بالحيف لكن يا عمي فاعل خير وما نأذي ناسنا.
ياسين: ليش أني جسار المختار ذو الاخلاق الرحيمة إلي ناطر رحمة الله بدون ما يتحرك.
جسار: رحمة الله على عيني وراسي بس الجدم هم يرادلة حركة والله هم گال أسعو والحمد الله.
بعد ما ختم كلامة سمعنة صوت هلاهل التفتنة على
أخيل يهلهل أبتلع ريگة وأردف
_لو أعرف كان رفعت الصوت بس المهم النية و على كلامك نفرح بيكم؟
و أم راس يابس وافقت؟
رد جسار
_أولاً هلهولة لو طرگاعة هم النسوان ما يلحگن بيها وثانياً ما بعد شي وأخير شي منعاً باتاً تجيب طاريها هيچ.
رد ياسين: مو على عينها حاجب ما تسكت رحمة للأنبياء شنو نسيتها مربينها على ادينة خنفوسة أم خشم.
أخيل: تذكرون شلون أجانا جسار متروس روبة و ما ينشاف شكلة.؟
رد مؤيد: عوفكم من الروبة ما تذكرون شلون الله سترة وما احترك بالتشريب ول خنفوسة غركتة بي.
أخيل: وأنتَ هم الك عين تحچي ماتذكر دگة عمتي وخالتي بيك شلون خلوك تاكل تبن رايحات متندرات ومرضعاتكم تالي كمشنها خوش لگوة انتم أخوان.
مؤيد: سوولي عقدة من الرضاعة على هل سالفة.
جسار: ما يگعدن راحة أبد.
ياسين: الا أخيل مرتاح بحبة عسل وسكر يا محلى
غص أخيل بالچاي أحتسى الماء وأردف
_أصلاً العسل والسكر يحسدوني.
ضحك جساس بصوت مرتفع وأردف
_ تذكرون من أخيل يكعد ويقنع بهاشميات بس حتى تقبل وهيَ تکلة روح شوف عمك حازم وعمة قافل لصديقة.
رد أخيل
_من حگهم يتدللون يابا عمي وعمتي على راسي شلون شلعو گلبي تالي قبلو وطلعوها من الروح كل يومين و رايد يفسخ.
ياسين: معسلين ياب.
هاشميات: أخذتو مجال تعيرون واحدكم ما خلصتو أريد أحچي وأفهمكم.
ياسين: منو يگدر يحچي بعد
صد على أخيل وگال
كمل أخيل شنو حچيت
صدت علية بصدمة وهو ضحك وحچة
_يابا هاشميات على راسي بس غير أحبچ وأجاكرچ لو حرام؟
هزت راسها باابتسامة وحچت
_جسار نحدد موعد المشية والعقد؟
أبتسم وأردف
_يوم قبل باچر.
بانت علامات الفرح على وجها وحچت
_خير بيها إن شاء الله واليوم دام مجموعين كلنا ندز خبر حتى نروح الهم وأبن أمة اليرفض هذا جسوري.
صدت على ياسين وکالت
_ما الك حجة اليوم مشية أبن عمك وجسار يريد وكفتكم وياه.
صد علية أبتسم لأبتسامتي وأردف
_كدامكم كلكم حتى ما أطلع مو زين
سرور نبقى هنا للعقد لو أوديچ و أرجع.
أبتلعت ريگي وحچيت
_عادي ما عندي مانع مرتاحة هنا..
رفع حاجبة بتأكيد هزيت راسي بهدوء أبتسم وحچة
_لعد هايهية أهم شي راحتچ.
رد جساس
_هلا والله لو ما أريدكم تحضرون كان گلتلك هاي منو الي يگول مو رجال يمشي بكلام زوجتة.
ضحك ياسين وأردف
_بالمهلي، تالي حچيتها بس أگلك مو رجال الي ما يهتم براحة زوجتة المن حاط الشوارب الاحسن يزينهن.
رد أخيل
_الله حيو هذة الكلام اليفتح النفس.
جسار: صدكت وحق من أنزل الرحمن.
مؤيد: استنتج من كلامكم شوكت العرس اذا باچر العقد؟
ردت هاشميات
_ خمس أيام كافيات للتحضيرات؟
أحسن ما نجر طول وعرض وتالي نفس حضرتك سنة يلا تزوج.
جسار: عين العقل حجية.
مؤيد: جسار وخنفوسة فارغين ماعدهم شي واني عندي هل سفر مهم و مستحبل أگدر أجلة.
هاشميات: يعني أهم من ميادة؟
مؤيد: ماكو شي يعلي على ميادة ومتفقين من هل ناحية لان مستحيل هيَ او اني نكون سبب خراب بعض.
ردت الحجية بستهزاء
_هجم بيت البانيا شگد تنفخ
لو على كلامك مايعلى على ميادة كان هسة أبنكم بطولكم وأقل شي أربع جهال عدكم.
مؤيد: دام صار بيها تنفخ وينفخ وجعويل أسحب نفسي أضمن إلي.
رد علية واحد من الولد إلي أبد ما دخل نفسة بالكلام
_ليش حضرت جنابك ماتريد أطفال؟
رد مؤيد
_بالضبط هل فكرة حاذفها لان أبد مو وقتها.
والاطفال بكل وقت موجودين.
رفع حاجبة وحچة بعدم رضا
_ رحمة ونعمة ربك على ساعة بس اذا هل رحمة والنعمة دفرتها برجلگ تحلم تگدر توصلها لان ربك أنطاك الفرصة وأنتَ ما أستغليتها بشكل صح.
وأعتقد كذالك تفكر بمواضيع بعدها على گولت الحجية شعلت العطبة قبل الشعلة.
مؤيد: كل شي بوقتة حلو تركو هل موضوع وشو فو شوگت انمشي على خنفوسة.
تحمحم ياسين وأردف
_ بنيامين اليوم عليها؟
رد الشاب الي رد على مؤيد
_نأجلها للأحسن كل تأخيرة بيها خيرة.
أبتسم ياسين وأردف
_إلي تهوى بنيامين.
رد علية: على راسي أبن عمي.
ميل راسة وحچة
_سالم يالعزيز.
قاطعتهم الحجية بعصبية
_شو ما حاسبيني بينكم؟
أحچو شكو شصاير وأنتَ بنيامين ألمن هل تأخير ربك گال أسعو ما گال أخذ خيرة.
أبتسم وحچة بهدوء
_ السالفة إلي ببالچ هيَ.
عقدت حواجبها بتفكير بعدها أبتسمت وحچت بصوت
_بالعباس ماصارت نيتك وروح جدك وأميمتك اليوم مشيتك وغصبن عليك.
غص ياسين بالچاي گام من يمنة بأتجاه المطبخ
وضحك أخيل بصوت مرتفع گال
_اللهم لا شماتة عفية هاشميات أنتِ حوك زوجيهم لا يشرودن.
قاطعة بنيامين
_هوب هوب أسكت عبرت على الترابي.
رد جسار بمكر
_ حجية تدرين حفيدچ يريد...
أشر بيدة وصافر بمعنى سفر.
و الحجية ضربت على صدرها وگالت
_لا وروح حاكم غصبن على روسهم اليابسة يتزوجون وأريد أشوف رجال يگلي لا.
و أنت بنيامين أذا ما تقبل على كلامي لا أعرفك ولا تعرفني ومن هل يوم مو أمك.
أبتسم وگام تقرب عليها باس راسها وگال
_ شنهي هيچ تتهاونين بية؟
بانت علامات الحزن على ملامحها وحچت
_أريد افرح بيكم لاتلوعوني.
تنهد وأردف
_مو بالحيف ألوعچ أخذيها مني اليوم مشيتي ويا جسار بالتالي هنَ أخوات.
أبتسمت وحچت
_ تلوگلك وتوالمك.
هز راسة بدون ما يحچي شي بس أنتابني أحساس غريب وأجت ريحة الكافور بخشمي.
حسيت راح يصير شي يخص بنيامين..
أختنگت وذاق نفسي ما اتحملن گمت وگفت
مشيت أتجاه المطبخ حاطة أيدي على صدري وبالگوة أتنفس..
صار بوجهي ياسين و وحدة من البنات يسولفون بس واضح الاندماج بينهم..
مجرد شافني تعداها وتقرب علية وحچة بخوف
_شبيچ سيري؟
فتحت عيوني وحچيت بخنگة
_ما أعرف.
أتلفت وسحبني من أيدي وطلعني من المطبخ مجرد تعدينا الباب شالني وأبتعد..
غمضت عيوني بنعاس ومر گدامي بشكل سريع سيارات وناس كثيرة وبعدها أصوت مرتفعة وينتهي بصوت العياط والتابوت...
نزلني على الأرض ضرب على خدي مجرد عيوني بعيونة وألم فضييع بجسمع أحس متجمد عن الحركة..
ما أعرف شگد مر من الوقت وتلقائية جسمي أبتدا يتحرك..
بس تعب فضيع.
لحضات وما أحس غير ياسين ضاربني راجدي بحيث أحس خدي نار
دفعتة عني وغمضت عيوني.
سمعت صوتة يضحك ويبعد أديني ويحچي
_عمي وداعة هل خد چنة تفاحة ما اقصد الاذية بس خوفتيني لان زدتي دقيقتين.
عقدت حواجبي وحچيت
_ دقيقتيش هاا
گعد گدامي وأحتضني وحچة
_ سيري ماكو داعي تخفين شي عني لان أعرف عنچ.
تنهدت وحچيت
_شنو تعرف؟
هز راسة وحچة
_گولي شنو إلي شفتي أو إلي صار؟
زفرت نفسي وحچيت
_مايهم.
ياسين: لا مهم بالنسبة إلي لان هل شي راح يصير.
صفنت بوجهة للحضات نسيت كل إلي شفتة تلمست رقبتي وحچيت
_اشتميتت ريحة كافور وأختنگت.
ركز بعيوني للحضات وحچة
_ أگدر أعرف التفاصيل.
رديت بهدوء
_ما أگدر تعبانة ونسيت كل شي لا تلح علية.
هز راسة لكن نضرات الشك واضحة.
گام وگف وأردف
_ تگومين؟
هزيت راسي ومد أيدة تمسكت بيها ورفعت نفسي.
تمسك بيدي وتمشينة بأتجاه البيت بهل أثناء طلع بنيامين شكلة ضايج لكن مجرد أنتبة ألنة أبتسم ولا كأنو صاير شي.
تقرب علينة مسد على كتف ياسين وگال
_ يابة گولو أكو ناس معزبة، خفو علينة
نهة كلامة بضحكة
رد علية ياسين مبتسم
_ بشر شصار
مسد على ذقنة وأردف
_اليوم المشية وباچر العقد وأبشرك أمي ءتصلت على عمي وأنطتة علم وماعافت ميت بگبرة ما گالت الة اليوم بتلاثة ونص نروح الهم.
هز راسة وگال
_جنك استعجلت يا بنيامين.
أبتسم وأردف
_كل شي ولا زعلها.
وعوفك من هاي غير شوفتك أنتَ و ريحانتك ترد الروح وتحفز للزواج اليوم قبل باچر.
رد ياسين
_ جنك وکعت وما الك مجال تنسحب دام هيچ.
بنيامين: يمعود ثمن سنوان دافن هل حب بنص گلبي عليش ساكت وعرفت بيها تهواني .
ياسين: تهواك على عيني وراسي بس لازم أنتَ تفاتحها مو بس هيچ سمعت هبَ تريدك ولاتنسة هيَ تخاف منك مو تشوفها أنتَ شلون بس تلمحك تروح لصوب.
صح لو غلط يا أبن عمي.
أبتسم ولهم شفايفة وأردف
_حشى من الغلط نشوف الي بي خير ربك يقدمة ولا تنسى عمك كل شي ولا سعادة بناتة يعني كون على ثقة أذا ما عدها مشاعر أتجاهي ترفض وعمك يأيد.
هز راسة وأردف
_صدكت بهذة
ولا تنسة كلامي ضدك بالعكس أريدلك كل الخير.
أبتعد عني وتمسكة بقبضة بعض واليد الثانية على كتف كل واحد بيهم وحچة بنيامين
_عضيدي وروحي أنتَ.
رد علية ياسين
_ضلعي الماينشلع.
أبتعدو وبنيامين سلم وتعدانا.
دخلنة للبيت لگيناهم مخبوصين على رحيق إلي فاقدة الوعي وأخيل حاطها بحضنة..
صاح بيهم ياسين
_المن خانگيها هيچ أخيل أخذها لغرفة الحجية ومحد يوصلكم.
صد على ميادة وگال
_خيتي شوفيها.
أخيل شبة الفاقد بس ساكت ومدنك عليها مغطي وجها بشعرة النازل.
تقرب علية ياسين ودنك علية حچة وياه بصوت هامس وأبتعد عنة.
شالها أخيل ودخل الغرفة وميادة لحگتهم أو بالاحرى كل الموجودبن لحكوهم بس وگفهم صوت الحجية تگول
_فلك طرچن مو نسوان طرگاعة شعدچن لاحگاتهم لاتخافن توصلچن الگالة.
گعد ياسين وأردف
_ هاشميات هيَ دواچن.
ردت علية وحدة من النسوان
_ ومحد خلاك تتطاول على عماتك غيرها لهاشميات.
رد ت عليها
_ها يميسون خاف ما عاجبچ أبن الغالي كرميني بسكوتچ والگي حل لچنتچ.
رد ياسين
_اللهم أني بريئ ملاك ونازل من هل سما أنتم تتحارشون گوة.
صد على بيبيتة وكمل
_ويا هاشميات ترانة أحب ميسون هذة عزيزة الروح.
ردت ميسون
_سبع فدوات تتراوح على طولك يروح عمتك خلك هيچ نچر.
هاشميات:وينة أبوك عنك سوالفة كلهن عندك لا تنطي بعمتك ولا تنطي بية.
کام وگف وتقرب عليها باس راسها وگال
_ لا بارك الله بواحد ينكر التعب ويستحيل أنكر تعب أهلي وياي سبق وگلت الكم أنتم مو أهل أبوي لا أنتم أهلي وأعز هم يمكم عرفت معنى العائلة.
ردت ميسون
_لك عيني خف علينة مو تدري دمعتي مچلبة بطرف عيني بس تريدلها عذر.
ضحك ياسين وأردف
_ سالفتكم سالفة راح أبقى أبوس بهذا وبهذاك في سبيل أرضي خاطركم أحلالي أكعد يم سريانتي.
هاشميات: على گولت المثل الك..... غلب الد.....
فتحت عيوني على وسعهن وياسين ضحك بصوت مرتفع وأردف
_هاشميات عقل سريانتي أبد ما واصلة هل كلام وأنتِ فجرتي قنبلة.
ميسون: يمة عيب منا البنية شتگول علينة.
هاشميات: چنكم خايفين عليها من المثل قابل مچذبة ليش ياسين ما.....
ياسين: هاشميات چني راح أخذها وأرجع منين ما أجيت زودتيها وعبرتي على النهر هم مو الترابي.
ميسون: لا هايهية أذا أجت علينة بعد أكص أيدي.
هاشميات: اهمدا خايب من دون ربعة.
ضلين صافنة عليها كلامها يوگف العقل ماعدها أستوب أبد وختمت الكلام وياهم بغمة لنفسها.
سحبني ياسين من أيدي وحضن أكتافي وحچة
_سرور هل مرة تصير أخت أبوي بس مو أي مرة لا هاي مقامها ومعزتها غيررر.
وبنفس الوقت تصير أم زوج ميساء أختي.
ردت على ياسين
_دومك مرفوع الراس يروحي أنتَ والله العظيم مو گدامك دوم أگول لخيتك أنت بمكان المرحوم.
ضحك وأردف
_أگول عميمة أشو أختي الوحيدة إلي كرطت زوجها الا ولدنا يگرطون نسوان.
ميسون: لعمر بيد ربك يعميمة مو بكيفنة نموت ونحيي.
هز راسة وأردف
_ يلا أني أروح لـ بنيامين وجسار.
سلم وطلع..
گعدت ورجع يمي ياسين مد أيدة بيها الجهاز أخذته منة وفتحتة لگيت خمسة وعشرين مكالمة من خالو علي أتصلت علية فتح خط سبقني قبل لا أحچي
_عمچ أجى على سلـِر وشافني بالبيت خبص الدنيا يتبع..
_توقعاتكم للحلقة القادمة.
_رأيكم بالحلقة والاحداث.