: وين العطر؟
: هاا
: العطر وينه؟
: مووو.. مووو
: وجعو وينه؟
: هيل ذبته
فركت وجهي قوي هيا شافتني فتحت عيونها ونزلت ركض تخاف لا يجيها بوكسي لو دفرة
لحكتها وفاتت بغرفتها وقفلت الباب رحت لغرفة امي جانت ضحى بيها وحدها صحت بيها
: وينها؟
ضحى: هيا منو؟
: القندرة هيل وين؟
اشرتلي بصبعها على غرفتهن بكل برود جانت تبرد باضافرها
رحت افتح الباب مقفول
: بشرى افتحي لا اكسره
امي: شبيك انت تسودنت؟
: كلت افتحوووو
بشرة: خويا بس اهدء شويا خل نعرف نتفاهم
: اني مو كلت لاحد يطب لغرفتي اجمالة تفوت وتلعب باغراضي اليوم اموتج والله
امي: انت محرم عليها ما تفوت والله امشي روح
باوعت على غرفة امي جانت ضحى تبرد اضافرها مو يمها اصلا
طلعت لغرفتي مرة الخ كلت باجر اشتري من العطر هاهيا نذب بعد
وهم.
جسمي متكسر احسة ولازمتني الباردة كمت ارجف رغم دنيا ربيع الليل كله معرفت شنو النوم الوب من الوجع
نايمة بفستاني المنفوش اون بين الوعي واللا وعي صرت احس على اسراء تسويلي كمادات خطية هيا هم سهرتها وياي كل شويا يدك فونها وترد اسمعها شتحجي بس مابيا ارد
اسراء: الوو
مصخني حرارتة مرتفعة
على اسويلة كمادات والله ودحطله دهن شفتة مشقوقة
يعني ثمة مجروح(شفتها مجروحها)
لا لاتخاف عيني عليها بعيوني احطة
لا تقول هاكذ مابيناتنا هالكلام
لاتخلي بالك هيا تقعد واحكي معاها اغشع(اشوف) شبيها
امعود ادم اشبيك حالج نفسك هسة تفك والله مابيها شي
وين تجي بهل ليل معود انا يمها
يالله باي
ترجع تسويلي كمادات وتحاجيني
اسراء: وهم حبيبي تسمعيني؟
: بردانة بردانة داجمد
: اجالكي على غفلة هذيك اسع كنتي تغقصين (تركصين)
مارديت اجت حضنتني وتمسح راسي حسيت عليها تفك تسريحتي وتشيل الماشات
مانامت وياي خطية اني فقدت ما بعد احس
كعدت من الصبح جسمي متكسر وعلى كصتي للكمادات
شلتها ورحت للحمام اسحسل طبيت غسلت حلكي المر ووجهي اباوع ممسوح المكياج مسحته من جنت نايمة
بس الفستان ضايقني حيل واني لابسته حت بنومي رجعت لغرفتها على طارف اصابعي لا يكعدون اخوتها لكيت فرشة شعر مشطت بيها رغم ايدي توجعني بس عادي ما اهتميت هوا الجريتة اقوة لو ايدي
نزعت الفستان وفتحت كنتورها رغم تصرف مو حلو وكلش انزعجت منه بس شسوي
طلعتلي اول شي شفته كبالي تراك نيلي جان دالبسة ع المراية شفت العلامات الي بشفتي الحقير عضها واني ماحاسة
مجروحة والعلامة الي بركبتي السواها حاذق الله يشعلك كون جهنم تكب بصدرك يا عار
اشوف ايدي مزوركة من يم زندي وجوا الجف هاي شصار بحالي يالله
لبالة مثل هيل اني يسوي اليريدة بيا وارجع اتزوجة واسحل روحي علي هه بطران
صرت ابجي على موقف البارحة اموت وما انسى وكله بسببه للعار الله ياخذك
تذكرت اني تركت جنطتي والمبايل يالله هسة شصخم شلطم بروحي وجه الصبح لا ليل وينسهر ولا بيا ارجع انام وعمتي ما تدري اني ببيتها
رجعت تمددت بالفراش اشوف اسراء شلون منتجية ع التخت ونايمة حت مو متمددة مبين عليها التعب ضليت الوب الى ان غفيت
كعدت ساعة ب12 اهوو اليوم العكد مالتي هسة ابد مو وكته يالله
اخذت فون اسراء اتصلت بمرهم ضلت تسئلني
مرهم: شصار البارحة؟
: طاح حضي
: ليش شسويتي؟
: اني مااسوي شي هوا يجي لي يمي الحمدلله
: لا تجمرين كلبي حجي
: تعاي خذيني من بيت عمتج واحجيلج بالطريق
: اليوم العكد مالتج وهم
جاوبتها بحسرة
: اييي مو ناسية مو ناسية
مرهم: اجيبلج شي وياي؟
: لا بس تعالي خذيني
سديته وجانت اسراء تقرا طبيت عليها
: ما خليتج اداومين اليوم كله صوجي
اسراء: لا عادي ماعدنا كثيغ محاضرات اليوم وراسلتو صديقاتي قتولم يسجلولي الدروس
: امج ما تدري بيا هنا مو؟
: لا ادم جابكي بالسر انتي شفتي نفسكي اشون كنتي؟
: اممم
: اقول تعاي قليلي شصار البيحة(بارحة) ترا ادم والله غاح(راح) يتخبل الليل كلتو يدق علي اقلو نيمي
: اسكتي وخليها البارحة ردت اموت والله كلبي طك
: اعغف(اعرف) وحطيتولكي حباي تحت اللسان كنتي نيمي بس قليلي شكو واذا تغيدين ما اقول لادم لئنو صدق قطعتي قلبنا الليل كلتو تونين وحرارتي مرتفعة معغف شتحكين مع نفسكي وعلى غفلة تضلين تقولين عوفني واتركني
انتي شوداكي على هاكذ مكان بهل ليل هاا؟
باوعتلها ودموعي وحدهن ينزلن ردت كالت
: لا وهم والله مو قصدي ابكيكي دحقي (شوفي) اذا ما تغيدين تحكين لا تحكين شي ماشي
مسحت دموعي وحجيت
: حاذق اخذني لهناك يريدني افسخ خطوبتي
: وشعلينو؟ (اش اله علاقة)
: ضل يحاول وياي بكل الطرق ويكلي انهيج اذا قبلتي بهل الخطوبة وحاول
حاول يغتصبني
اني كلتها ولطمت وجها مصدومة اشوفها حت شفايفها بيض صارو
: اسراااء وهري شبيج؟
اسراء: اشون هاكذ
يعني كل عقلو حاول يغتصبكي
ولي اشووون
: هششششش اطشر العرض صوتج خزيتينا
: بس فهميني اشون
: جنا بحفلة شاهين ومحمد خطبني ووافقت كام اخذني غصبن عني بسيارته لبالي بس نمشي بيها او يحجي وياي واني جنت واثقة بي مياذيني ضل يفر بالسيارة واخير شي وداني للمكان الاخذني ادم منه حاول يحجي وياي حت اغير رئي وارفض محمد مايدري اليوم العكد مالتي ضل يهددني
: وليش غحتي كان اتصلتي بادم
: اخذ تلفوني
: خما سوالكي شي
: لا بس..
: احجي لا تقطعين قلبي
: بس باس ركبتي وتركني
: وشفتكي (شفتج)
: لا هذول غيره ولج مرتين بنفس اليوم
كلتها وصرت ابجي
: انكفيناااا انكفينااا(نفجعنا)
: بس صوتج خزيتينا راح تطلع عمة تشك حلوكنا
: بس احكيلي
: مااعرف شلون اقتنع وشال راسة من ركبتي واني منهارة بس ابجي راح جابلي فوني واتصلت بادم وهوا من شافني هيج تركني وراح وراها بشوي شفت سيارات لبالي هما طلعو غير عالم هم حاولو وياي مكدرو ياخذون شي لئن بسرعة رجع الهم حاذق التهو يضربو واجا ادم تنافرو من شافو السلاح
: وشفتكي؟
: مو الي ضربو حاذق كدر يبوسني بس مدري شلون نجرحت
: الحمدلله عدت على شفتكي بس والله لو ما ملحقيلكي
: اعرف شنو جان حيصير بيا لا تكليلي
: وهسة اشونكي؟
: تعبانة
: لا تفكرين وهم
: شنو لا افكر داكلج مرتين بنفس الليلة جانو حيغتصبوني واكثر من شخص ذولك الناس جانو 6لوما لطف الله بيا احتمال ما تلكولي مكان
: اي الحمدلله عدت هاكذ الله لطف بيكي عاد من يوم وغيح (منا وجاي) اديرين بالكي مليح(زين)
: تعبت نفسيتي اسراء تعبت
: احنا كلتنا معاكي لا تشيلين هم ادم والله قيتل نفسو ديعغف اذا انتي بخير لو لا وهسة اخبرو واطمنو اقلو محد جي يمها بس هيا خافت
: والله؟
: اي والله لا تخافين وشفتكي اقلو انتي عضيتيها بس ارقبتكي خبيها لاحد يغشعا(يشوفها)
: والله انتي احسن مرة اخ والله
شوكت تتزوجون؟
: يريد ورا زواجة قيصر احنا نتزوج وقيصر مغتو بالسادس هاي كم سني بينو ما تطلع عاد
: وشعليكم بقيصر؟
: اش اعغف انا هم خل اخلص هالسني حت اتخرج واتزوج
: اليوم تجون غير ع العكد؟
: انتي اشون راح نهزمكي من امي؟
: لا تخافين هسة انتو تجون والله ماعندي احد من اهل ابوي ومااريد توافق تجي
: ما تصالحتي مع امكي هاي كم اسبوع انتم ما تتحاكون؟
: لا ولا اتصالح وياها كل مااشوفها اتذكر السوته بامي شموخ وحرمتها من الضنة
: صار ماضي وهم
: ماضي شوه المستقبل اسراء
السوته مو قليل الغلطة الغلطتها بذاك اليوم امي شموخ لهسة ضارتها لهسة ماعدها ضنة من وراها والصوج من ابوي بعد لئن ماصدك حبيبته
ما حجت بقت تباوعلي جريت حسرة وكمت رجعت للسرير جابتلي كريم حطيت منه على شفتي ونزلت جابتلي اكل ما جنت مشتهية شي بس جبرتني اكل
دزت امها تجيبلها اشياء بين ما جت مرهم وجابتلي ملابس مال طلعة عود جيت وياها كدام عمتي سلمنا ورجعت للبيت لكيتهم مجهزين كلشي للعكد
هوا العكد جان عكد شيخ ورا الامتحان نعقد محكمة
محضرات قفطان ابيض وقران كريم ومي ورد بطشت كالبين الصالة قلاب
صواني بيهن جكليت وصواني بقلاوة خواتي عدنا ونسوان اخوتي حت حيدر هذ هيج ما محسوب اخونا بس تكملة عدد
اول ما شفتهم عيوني غوركن مو مقهورة عليهم مقهورة لئن دصير باسم واحد ثاني هاهيا اتركي الماضي
صار الموضوع امر واقع اليوم تصيرين حلال رجال ثاني والشخص الخانج ودمرج وجان راح يوديج بمصيبة انسي البارحة راد يعتدي عليج تذكري هالحقد على طول
بسببه عشتي اسوء تجربة بحياتج بعد الخيانة ونحطيتي بموقف بشع اباوع بالوجوه ادم ماكو وكلها تهنيني حت ريام جايا
جريت نفس واني اشوف اهلي كلهم فرحانين لي والضحكة على وجه امي وهيا كاعدة شامخة على كرسيها الممنوع احد يكعد علي غيرها
طلعت لغرفتي فتحت الدوش وفتت جواتة ضليت بالعشر دقايق بس واكفة جثة هامدة والدنيا طالعة من عيني بس اسمع المي شلون ينزل من الدوش لراسي للارض
صحيت من صفنتي واستخدمت الشامبو وتليفت كلش زين
مع ما بديت افرك جسمي تذكرت البارحة شلون نفسة صار بركبتي كمت افركها
اتذكرته شلون لزم ايديني بطرق وحشية دعكتهن كلش
مكان عضاته فرجتهن حت الجلد حسيته نشلع
تذكرت ال6الورا شلون باسني من حلكي صرت اغسل حلكي بقوة بالليفة ادعكه
تليفت طكت دم شفتي وركبتي نشلع جلدها الا طلعت سالخة روحي
شفت جسمي بالمراية هيا المراية على طولي
شفت ركبتي وشعري وصدري وايديني وشفايفي
هذول كلهن جان حاذق يتمناهن بالحلال جان يتمنى اتسجل باسمة مو باسم محمد جان يدعي نصير لبعض محد غيرة اله حق بجسمي
حت اذا جان بعد اكو قطرة حب الك بكلبي مسحتها البارحة بعملتك الموقف الي نحطيت بي مستحيل انسا طول عمري والشعور الحسته خليتني معروضة للذياب تنهش بيا
سشورت شعري ولبست فيونكات عفته مفتوح واجت مرهم مشطته
خليت عدسات بلا لون حت ينفتحن عيوني اريد اطلع حلوة اليوم لئن دفتح لايف هم هذوا كلبي اذا فكر باحد بعد اشكه
خليت مكياج خفيف ولزقت رموش وايلاينر
جابو القفطان لبسته ولبست كعب صبغت اضافري الطولن مرة الخ
ضحكت شافتني مرهم وكالت خيرج
: هذولي لو اضافر اسراء جان كالت يول دادا اشون كنتو اقصكم لخاطغ ناس ما تستيهل
: ههههههههههههه شتعلتي وهم دتنصنفين ع البنت؟
: ولج لا والله بس لهجتها كيوت تحسيها راهمة لوجها الملائكي
: اي كيوت بس هيا ما طول اضافغها مثلج هههههه
: هههههههههههه انتي كمتي تصنفين هالمرة
: لا والله احبها واحب لهجتها هاي مرة اخونا المدلل
: المدلل الما اجا
: عوفي ملتهي هسة ما عرفت شصار البارحة مخبرني هذ ال.....
سكتت ما حجت حست على روحها جفصت ولحيت عليها تحجي
: كولي مرهم
مرهم: شكول؟
: منو المخبرج البارحة؟
: انسي
: مرهم منو كلت
: اهوووو المكحل
: وعليش يخبرج؟
: يسئل عليج
: وشكتيله؟
: كتله مااعرف شي وانتي وين فونج؟
: ماادري
: شصار لبارحة؟
: لفينا ما ليا واهس عود ورا العكد اكلج
: وهمم
: ورا العكد
دنسولف وسمعت السيارات شحطت بالباب باوعت من البلكون شفت محمد واهله جاين الا كلبي نقبض ردت اموت صرت افركة بقوة واختنكت
مرهم: شبيج وهم اهدئي
: راح اموت مداكدر اتنفس
: وهم اتنفسي شكو الزمي ايدي
: ولج اليوم العكد مالتي راح اصير على ذمته ولج كلبي ديتكطع نفس اريد نفس
: اي مو هذ قرارج؟
: صعب صعب مااكدر كلولهم بعدين خل يروحون
: شنو يروحون العالم جوا والشيخ جاي وياهم باعيلي باعيلي
رفعت وجهي بيديها نفخت علي وحضنتني تمسح شعري وصارت تهفلي
مرهم: كافي هشش كافي التريدي يصير شو باوعي بوجهي
هاي اكرب طريقة تكسرين الكسروج بيها وراح اردين الصاع صاعين عليهم هاي الضربة القاضية الراح تردين كرامتج وانتقامج منهم بيها ماشي
هسة تكومين مثل الشاطرة وتشدين حيلج انتي لبوة جبل ميهزج ريح انتي بنت ديانا وصدام وتربية شموخ وجبل
اخذتي الثقة من ديانا والقوة من جبل والصبر من شموخ والهيبة من صدام انتي حديد وهم
انتي مو مجرد انسان انتي امال للبعض وكوابيس للبعض انتي الراح تبنين حياتج على حطامهم مثل ما بنت حياتهم على حطامج وكفتي وصرتي اقوة هما لا بعدهم حطام
انتي دتعيشين حياتج ويا شخص يحبج ويحترمج ومشتريج كمليها لا توكفيها وهم هاهيا كملي حياتج مثل ما تحبين مع شخص يستاهلج
كلامها حفزني وشجعني اكثر اقاوم مو لخاطر احد لخاطر روحي جريت نفس ووكفت اشوفها تضحك بوجهي تشجعني
رشيت عطر ونزلت الدرج بثقة ورحت للغرفة امي لئنها كبال الصالة والصالة بيها الرجال والشيخ
فتحت حسابي بالايفون وفتحت لايف وحجيت شويا ويا المتابعين اتصنع القوة وكتلهم اليوم العكد مالتي عكد الشيخ التعاليق قسم يبارك وقسم يهني وهيج من هل حجي
كعدت ع الكرسي وخلن قران بيدي والبركع ع راسي ورجليا بالطشت بيها مي ورد
فتحت القران جانت سورة النساء اية 11
اخذولي كومة صور
حجا الشيخ شويا وقرا ايات من القران وسئلة انت موافق بوهم بنت صدام تصير زوجتك؟
محمد: قبلت
سئل قيصر لئنه وكيل عني وقيصر وافق ورجع سئلني كلي موافقة بنتي محمد ابن ساهر يصير زوجك
دك فون مرهم مرتين وفصلته
ما كدرت اجاوبة بقيت اصفن هسة شنو اكول هذ اليوم خططتله بس مو ويا محمد ويا
قبل ما اكمل كلامي مرهم دقتني وكالت استمري
: قبلت
سمعت الهلاهل امه وخواته وخواتي شفتهم كلهم ضحكو واسمع قيصر والشيخ يحجون انو يحجي الشيخ ويردد ورا
وتلفون مرهم الفرحة جانت بوجوهم ما تنوصف واني بعد كمت اضحك
مو فرح انما تخربطت احاسيسي ما كمت اعرف بشنو احس اضطراب صار عندي واني اضحك ودمعي يجري
باوعت للتلفون المشاهدات صعدت والتعاليق واو
جنت مسويا فوني عدم ازعاج بس فون مرهم ما بطل احترك من الاتصالات جانت بس تفصلة
بزعت منها من يمي رحت يمها خبته
: شبيج؟؟
مرهم: شنو؟
: ليش تخبين؟
: ماكو شي
: مرهم منو ديتصل ليش تخبين؟
قاطع حجينا ام محمد وهيا تهلهل اجت يمي باركتلي وبوستني بست راسها
ام محمد: مبروك يمة
: الله يبارك بيج عمة
: لاا منا وجاي اني اسمي يمة مو عمة
: ههههه ماشي يمة
: يمة شحلاتها من هل حلك الف مبروك وكلللللللليش
جنت اضحك وياها بالجذب وهرم تصورنا وتهلهل وتقرا التعاليق
شويا وكالن راح يفوت العريس اتغطن يا بنات
لبسن خواتي الحجابات اني مو محجبة وهوا اصلا زوجي صار طب انطاني باقة ورد وباس راسي وحضنة بعض
حاولت بكل طاقتي اتصنع الفرح جنت اضحك واسوي روحي خجلانة بينت انو ليلة البارحة ما اثرت عليا بشي
وكفنا شويا نتصور بتلفون خواتي وكامرة بعد جبنا صرنا نسوي حركات وفيكات
هرم تكله يحضني ويبوسني وهوا ما مقصر
قريت الكومنتات وسلمت وسديت اللايف
سوينا حركات جريئة شويا للتصوير بوس من الركبة والشفة وكذا من تكرب من ركبتي تذكرت حاذق حاولت انفر بس لزمت روحي
قاومت بكل ما اوتيت من قوة حت لمن باسني لخاطر التصوير روحي لعبت بس ما بينتها
همسلي
: ركبتج مزوركة هاي شكو البارحة ماجان بيها شي؟
لا يالله هسة شكله
: ااا هاي عضتني حشرة
محمد: حشرة؟
: اي
: والحشرة تطبع مكانها هيج؟
: هاا ااا مو جلدي ترف ما يتحمل وهسة نضفتها بالليفة هواي نجرحت
: اممم
مبين من ردة ممصدكني ورجع كال
محمد: تر اني احب اشعر الكصير
تذكرت حاذق شلون جان يكلي كصي شعرة منه حت اكص راسج ابتسمت و سرحت شويا وكلي
محمد: ترا مو اجبرج تكصي
: لا لا حبيبي مو يمك تذكرت شغلة بس
: امم
كملنا التصوير عزمني على مطعم ما اكلو شي من التحضريات السوتهن امي رحت بدلت القفطان ولبست بنطرون وقميص طلعنا بسرعة ورا العكد
رحنا تغدينا بمطعم بسيارته جان كولش فخم بس كلبي بي نغزات كل شويا يوجعني احس صاير شي
كضيتها ويا وهوا جان طاير من الفرح او اني حسيته هيج مع ذالك كلبي لاجمني على حاذق صرت افكر بي ديتاذة هسة
يشغل اغاني رومنسية ويركص اني بس جسد يمة
وراها رحنا للمتنزه وع السينما شغلنا فلم تيتانك
كضيتها بس ابجي من بدت العالم تموت للنهاية كض ايدي وكال
محمد: مااعوفج ابد
كضينا النهار كله سوا وبتالي الليل رجعت ذبني باب البيت باوعت للداخل كلبي نقبض وراح ماقبل يدخل
طبيت واشوف الوجوه متتفسر هاي شصاير يالله
امي ضايجة ومرهم لازمة ولد هرم لئن راحت ع المستشفى
: هاي شكو شصاير
امي: شصاير هااا؟ شصاير دتكليلي؟
: اي شمدريني ما جنت حاضرة
مرهم: تعالي وهم شيلي سامر ولحكيني
اخذت الطفل وطلعنا فوك
: اكلج ترا ولد هرم كبار مو مال ممة
باوعتلي بغضب وكملت مشيها هيا شايلة واحد واني الثاني استغربت حركتها بس لحكتها طبينا للغرفة خلت الاطفال بالارض وصارت تخور اني كاعدة ع السرير اباوعلها شلون تفرفر وحاطة ايدي على خدي اشوفها
يالله صار وكت تطلع من خشمي ونسة اليوم هوا اني تعودت
: ما تركحين عاد راسي داخ واني اباوعلج
باوعتلي وكملت فرها
: هسة راح تحجين لو اولي لغرفتي شبيج تخورين؟
مرهم: انتي كل عمرج تصرفي هيج ابد لا تترحمنين
: غير تفهميني بشنو غلطت؟
: باللايف
: شسويت؟
: الي جان يتصل بيا بوكت العكد مالتج العينتين حاذق جان يشاهد اللايف ومن طلعتو اجا لهنا
: شنوووو؟
: اجا لهنااااا وضل يصيح ويتعارك ويهدد انهار بالباب ماضل بس يجيب بيكيسي ويرمي
: ها شوكت شلون لا تجننيني؟
: من طلعتي ويا محمد
: ووينه هسة؟
: وقفو اجا قيصر اخذة خل يتربة شويا يوميا هاد
:شنو يتربا مرهمممم
:يعني كافي سكتنالة هواي مرة يضربج بالموكب البارحة خاطفج اليوم يجي يهد علينا كافي زادت حيل
: شلون عرفتي جنت ويا البارحة
: هوا كال قبل ما يكسر سنانه قيصر
كالتها وطلعت ركض اريد بس اصل غرفتي داخذ السويج دشوف هذ المجنون شراح يسون بي يالله معقولة يضربو لو ياذو لا يالله فدوة لاحد ياذي عليك النبي محمد
نزلت اركض صارت بوجهي امي ما خلتني اطلع
حاولت اطلع سدت عليا الطريق
: ماما وخري
امي: وين دتروحين بهل وقت هاا؟ رايحتله للمركز انتي عاقلة مجنونة شلون تروحيله نسيتي شسوا بيج؟
: وخري دروح اشوفة انتو شنو مسوين بي
: ما سوينا بي شي غير اليستاهلة حت يحرم بعد يشوفج او يتكربلج
: شسويتولههه؟
:نترت بوجهي: صوتج نصي
ديري بالج تعلي بوجهي اكطعه وهذ بعد ما تشوفي ولا تحجين ويا اليوم العكد مالتج صرتي باسم رجال ثاني وعلى ذمته اركحي عاد واكرصيها للدودة عيب عليج
هيا تحجي واني نار شابة بصدري اريدها توخر دطلع ما تقبل قافلة
توسلت بيها بس اشوفة وارجع ما تقبل
: يوم الله عليج الله يخليج بس اعرف شسوله
: لو تموتين ما اخليج هسة اذا تحركين روحج كبالي والله ما اخليك اطلعين كافي عاد سكتتلج هوايا وانطيتج مجال وحيل حيل كبر راسج
تطلعين على غرفتج هسة تنطي بلوك من كل مكان من الرقم ومن المواقع ومن كلشي وتلتفتين لزوجج ولحياتج ولدراستج هاهيا ماعندي غير هالكلام لا هالمرة صدك اخلي امرج بيد قيصر هوا ينجاز بيج
وخارج هالباب اذا طلعتي قسما عظما اتبرا منج وروحي عود لطي راسج بمليون حايط افتهمتي لو لا
كالتها وفاتت للصالة ورجعت كعدت على كرسيها شامخة
هذ الكرسي مخصص الها محد يكعد علي غيرها من تكعد شامخة معناتها سوت انجاز او كدرت لاحد
رحت حاولت افتح الباب مكدرت قافلته لاجت روحي كعدت يم الباب وكضبت اليدة مالته اناشغ وابجي يالله احنا بشنو ذنبنا وهيج دتعاقبنا
بحياتنا ما سوينا شي غلط ما تعدينا الحدود ابد شكثر اختلينا وشكثر ضلينا وحدنا ابد ما سوينا شي غلط ولا فد مرة مطاول وياي بشي ولا اذنبنا بشي اثنينا نضلمنا
حسيت ايد على كتفي باوعت هاي مرهم عيونها حمر دم شفتها زدت بالبجي دنكت حضنتني بس دموعها ما نزلن بقت مسويا منضر الغاضبة
ذبيت كل حملي على كتافها مابقى بيا حيل واني ابجي
كومتني وودتني لغرفتي وطلعت بدون ما تحجي شي واني كمت الوب
هسة اخبرة؟ لا منين يكدر يرد؟
لا اخبر اخته
بس خاف مايعرفون بي بالمركز واخلي بالها هسة اخبر منو وشنو اتصرف يالله رحمتك
بقيت اخور اخور اخور اريد اركد مااكدر افرك بكلبي احس النفس ثكل عليا متت اريد اكون يمة اريد اخفف عنه اني عرفت بي شي حسيت من كلبي نغزني
هسة اني شسوي يالله المن اتصل المن اشكي وين اولي
جا ببالي متيم طلعت الايفون واني ارجف ادور على رقمه ولكيته اتصلت علي بالزور رد
متيم: ها باربي
: متيم الحكني
: شكو ولج؟
: حاذق اعتقلو
شنووووو؟
: اعتقلو نسجن هسة ديضربونه متيم الحكله الله يخليك
: شنو الحكلة شسويلة اني ثم تعااي انتي هم شعليج
: بس تصرف اي تصرف حباب بس لا يضربو والله داموت من الوجع
: هسة اشوف شنو اكدر اسوي
كالها وسدة بقيت الوب اطك اصابعي اطب للحمام واطلع فرفحت بيومها هسة اني اش اعمل اتصل بمنو بعد
لزمت فوني واتصلت بشاهين دك مرتين وفتحة
شاهين: هلو وهم
: شاهين شاهين لكحكلي الله عليك
: شكو؟
: حاذق
حاذق توقف
: شلووون
: حاذق سجنو لئن هجم على بيتنا روح الحكة حبابة والله كلبي نار علي
: اي اي رايح باي مركز هوا هسة
: ماادري بس قيصر الاخذة
: ديالله رايحلة كافي تبجين مابي شي
: طمني عود
: ماشي
كالها وسدة واني كمت الوب روحي لاجت بنتضار اي خبر اي كلمة تجيني من احد بس يطميني انه مو مضروب ما ماذينة
شويا ونفتح باب غرفتي باوعت مرهم فايتة ع اطرف اصابعها عجب هيا ما تضل لهيج وقت عدنا
باوعتلها اني مستغربة والدموع بعيني ضلينا نباوع لبعض اقل من دقيقة
تباوعلي بعتب تنفست بصوت عالي وطلعت من صدرها مفتاح ومدته علي وكالت
مرهم: لا تخليها تحس عليج
كالتها لو فتحتلي باب الجنة بجيت ورحت ركض حضنتها وكالتلي
مرهم: لا تتاخرين ولا تروحين بسيارتج بيها صوت عالي
اخذت مفتاح البيت والسويج وطلعت
نزلت على كيفي حت امي ما تحس عليا وطلعت من البيت الحمدلله سيارتها صافتها برا مو داخل الكراج
صعدتها ورحت عدل ع المركز اسوق وامسح بدمعي مدري شجاني ابجي بدون توقف احاول اهدء روحي ماكو
وصلت للمركز ما شفت سيارة متيم معقول بعد ما وصل لا صارلة فترة يمكن اجا ورجع يالله هسة اشنو شسوي
نزلت من السيارة وفتت للمركز ركض العالم تباوعلي المساجين والضباط والجنودي مو ببالي فتت سئلت الضابط الكاعد حجيت ويا بلهفة
: عمو عمو الله يخليك
: على كيفج بابا شبيج؟
: عمو جابولكم اليوم واحد
اعتقلتو واحد اليوم اجا لهنا
: بابا هواي يجون لهنا منو قصدج؟
: ااا ااا اسمه حاذق اي حاذق نجاح عموو اليوم
: هاا هذ الجابو اليوم اي هاجم على بيت الرائد ادم
: مقدم مو رائد
: اي هذ
: اي عمو وينه؟
: بنتي لا تكولين عمو صيحيني سيدي
: بس كلي وينه الله عليك
: رهيف ما تحمل الكفخ اخذو للمستشفى
كالها لو موتني كلبي نغزني علي يالله كل الصار بسببي اكيد دايتاذة هسة الا ليش اخذو للمستشفى
: وين رحتي؟
: اي مستشفى اخذو؟
: مالنا حق ننطي اي معلومات
: اني اخت المقدم ادم والعميد قيصر سيدي اتوقع اكدر اعرف الشخص الهجم على بيتي وينة وشنو الدوافع الخلته يسوي هيج
من عرف باخوتي ومنصبهم تحمحم ووكف لحيلة واجا كلي
: اعذريني عيني ماجنت اعرف حضرتج وانتي ميصير تكفين هنا بنص المجرمين والقتلة تعالي معاي
: اريد بس تكلي مكانه
: بمستشفى ال......
كالها وطفرت من يمة رحت اركض صعدت بالسيارة طلعت مكان المستشفى بالجي بي اس ورحتلها الدرب كله عيني ع الجهاز ما ركزت بالطريق فد نوب وكلت من تفض اتطلك من محمد وارجعلة هاهيا مستحيل اخلي بعيد عن عيني اوف شكد وجعتك
وصلت واني ميتة خوف علي طبيت وسئلت السكرتيرة وكالت على غرفته
طلعت اركض عليها ومن وصلت للمر الي هوا بي شفت امه وخواته وهيل واكفات ينتضرن ومعاهم شاهين ومتيم
وكفت بمكاني جمدت واني اشوف الخوف بعيونهم طلع الدكتور حجا وياهم واسمعها تكله شبي زوجي متت من منضرها
كافي وهم اصحي شهل حركات انتي تزوجتي بعد شنو اتطلك شنو اعوفه
اجا الدكتور سئلته على حاذق ما قبل يجاوبني بالبداية كتله اني من عيلته ما صدك
كتله صديقة يالله كلي انه عندة كسر بيدة وندبات بوجهه وانزلاق واحتمال يضل نايم فترة هم الضرب قوي على صدرة جان بي كدمات مو مال ضرب بيد مبين ضرب بعصى
يالله كل هالطك هذ شلون تحملته وانت جنك شوكة
انتجيت ع الحايط وكعدت بالارض ابجي واسمع صوت هيل وامه يحجن ويدعولة وهيل تكول ربي استودعك زوجي
كلبي نشك من كلامهم واني صار لازم اتقبل الامر كل مرة اكول اتقبلي الواقع اتقبلي الواقع هاهيا انتي قويا انتي كدها ما يستاهلوج او دموعج
مايستاهلون كالحركة ميستاهلون كالتصرف وميفيد ارجع اضعف واحن اله ولتصرفاته ولحجيه وغيرته
كمت لحيلي واني اسمع الدكتور ينادي الممرضات لغرفته وراحن ركض يعني اكو شي خطير طلعت من ورا الحايط امشي ويا الممرضة دروحلة يالله هذ راح يموت
شافني متيم واجاني ركض لزمني من زنودي وكالي ارجعي
: شبي متيم؟
: وهم لا يشوفوج
: شبي متيم هدني دروحله
: ارجعي وهم اذا شافتج سماح تموتج
: متيم ديموووووت
: عايش مثل الصل اطلعي بس
جرني لخارج المستشفى واني ابجي اعصابي متشنجة واتوسل بي ادخل ما يقبل يكلي تتاذين من سماح وهيل
: عليك الله متيم اشوفة من بعيد
: اتصل بيج واعرفج اخبارة اول باول والله بس روحي لا يسنلج شي وهم اعرفي انو هوا بخير مادام انتي بخير وماراح يرضا انج تتاذين من قبل امه انتي صيري قويا وروحي وتذكري اليوم تزوجتي ماشي
كالها وتركني وطلع بقيت اطحن يالله شسوي هسة اطب لو اروح لو شنو
مالكيت كدامي غير هالطريقة رغم تعاقبت عليها ودفعت ثمنها بس شسوي جانت خطوة مهمة اسويها
بقيت بالمستشفى افتر بيها اطب واطلع واروح للطوارء هوا بيها اشوفهم من بعيد مخبوصين
حت عليا حجو ومتيم يسكتهن
هيل: كله صوجها الله ينتقم منها
متيم: الله ينتقم من الوصلهم لهل حالة
شاهين: مو وكت مناكركم
سماح: اي هيا المادري شسوت وشافها وهيا تكول موافقة وتسودن والله وراس ابني هاي ساحرته
متيم: والله بس اليمشي بهل درب يحجي بي
طلعت برا لئن اختنكت من حجيهم وتصرفاتهم ودعواتهم عليا
كعدت وادعي ربي اترجة ودموعي تنزل وادعي ماخليت احد مانخيته لانبي ولا ولي ولا امام مادعيته
تنخيت بابو الفضل وابو عبدعبدالله وحت دم الرضيع ترجيت يطلعة من الهوا بي
جنت حاطة راسي بين ايديا ومدنكة سمعت صوت شاهين حجا باستغراب
شاهين: وهم؟
رفعت راسي بسرعة شفت نظر وشاهين كبالي يباوعولي بستغراب
انهاريت واني اتذكر وكفتنا وحجينا قبل وهوا بنصنا يضحك خليت ايديا على عيوني وصرت اشهك وابجي
نظر اجا حط ايدة على راسي وشاهين سحبة
نظر:شاهين
شاهين: تعرف طبعه
باوعتله باستغراب واني امسح بدموعي مافتهمت شنو معناة حركته
شاهين: مايقبل نامسج
دنكت راسي وصرت ابجي بصوت مسموع وهما بس واكفين ماحجو شي نطوني كلينس مسحت بي وجهي وبقيت كاعدة بالحديقة منتجية ع المسطبة
عيني ع المدخل انتضر احد يطلع يكلي حاذق مابي شي ماكو
دقايق تعدي دهر من عمري وماكو خبر الا ان طلع نظر يركض من شفته وكفت لحيلي
نظر: الحمدلله وهم الحمدلله استقرت حالته
من كالها فقدت دفعته وفتت ركض للمستشفى دشوفه
اركض بعدني بالممرات نسحبت من ايدي جنت دوكع ندرت وشفته
: جنون انشالله هيج تلزمني؟
شاهين: وين فايتة طايرة انتي؟
: شنو وين فايتة اكيد دشوفه
: لا تشوفين احد ردي ارجعي لبيتكم
: هوا ياهو؟
: ارجعي لبيتكم سماح وهيل هنا والله متخلفات بيج يريدن ياكلنج
: والله ما يخوفن جلبي
: بس يخوفونج وحاذق ميريد اذيتج
: يدري بيا هنا؟
: ليش هوا كعد
: انت كلت استقرت حالته
: اي بس ما صحى بعدة نايم رغم ماجان بي شي خطر ترا هنا جم ضربة من ايد قيصر تكول دينصور بس هوا لوزة ما يتحمل
: وخر دشوفه
: ماكو طبة وهم حت متيم من كثر لغيهن راح سماح كلبتها مناحة ولطم تكول مات
: يمة اسم الله علي فدوة شاهين بس اشوفه من بعيد والله من بعيد ما اتكرب ولا احجي شي بس اشوفه مااريد شي ووراها اختفي من حياته هاهيا بعد بس اشوفة
تحسر ويحرك بعيونه كلتله بترجي
: الله يوفقك من بعيد والله
شاهين: شلون ادخلج يعني؟
: معرف دبرني
دك جهازة طلعة كحيلة دتصل كال
شاهين: اختج نبشتها
: اختي شكو؟
: اختج عدها رقم اختي ماغيرها وامج حست بيج طالعة من البيت كامت اتصلت بيها حت تتصل بيا
: اكلت قندرة مو؟
: عوافي مقدما
: يعني هم ماراح اشوفه
كلتها وصرت ابجي مسح دموعي وكلي روحي
: شاهين اريد اخبارة منك
: بعيني
: لا تخبي شي امانة
: مااخبي شي والله كلشي حيصير اكولج علي بس روحي هسة
باوعت لمكان غرفته من مكاني والحسرة شكت كلبي دنكت واني اشهك هوا هم تحسر ويباوعلي
شاهين: اتمنى اكدر اخذ شويا من حملج
: محد يكدر
كلتها وطلعت خيبتي طالعة من عيوني واني اباوع للارض وافكر بحاله هسة شلون صار وراح يديرون بالهم علي لو لا
نسيت الضيم الينتضرني ببيتنا من ناحية امي الا قيصر والا مرهم حت ادم ما ادري شنو حيكون ردة فعله يصف وياي وياهم
بس هذ ما همني المهم حاذق مابي شي وراح يصحى
شغلت السيارة وعدلت على بيتنا قبل ما افوت للفرع دزيت رسالة لمرهم
: الوو
مرهم: وينج يولي الله يورطج مثل ما ورطيني
: شوفي منو بلبيت؟
: امج واخوتج حت حيدر
: ومابيهم احد راح يفزعلي مو؟
: حت ادم ضايج منج ترا
: انسحل انسحل
: بالضبط
: افتحي باب الحديقة لثاندر
: هاا
: خل ثاندر يطلع بالحديقة ولا تكليلي ليش
: وهم شنو دتسوين؟
: خلي يطلع بالحديقة بس وجايتكم
: ماشي
انتضرت دقيقتين ووصلت بيتنا عندي مفتاح باب الكراج فتحته وفتت جان ثاندر متمدد وباسط ايدي مغمض
: يعني تفضل
الان يعني تفضل استاد علاء وياي انت يعني تفضل يعني تفضل يعني هسة احنا تفضل
قلبت العزيز مع احمد البشير بس ميخالف
من شافني اجا ركض عليا
: تعال تعال حبيبي والله بس انت كفوو
ثاندر: هو هو
: شوف اني احبك واوكلك ماشي واخذك افرفرك اليوم اريدك توكفلي لئن اذا ما تكف وياي انسحل ويودوني للنجف
ضل صافن يباوعلي ما افتهم
: حقك تصفن والله هوا اني مدافتهم على روحي المهم هسة انت وياي مو؟
: هو
: كفو والله بس اليوم افزعلي وباجر اجيبلك طوق جديد راح افوت وانت اكف كدامي اذا رادو يسولي شي عضهم
: هو هووو
: اني هم هيج كلت يالله خل ندخل
شلته ودخلت فتحت الباب دفوت على مهلي وطلعت العائلة كلها بالصالة امي واخواني
امي على كرسيها المقدس كاعدة والباقين دايغلون بالعادة ادم يوكف بوجهم بس هالمرة هوا وياهم عليا لا نسحلت
: بس خن اخدمكم
امي: تعالي وهم طبي
: ماا
: وهم طبي داكلج
: ما والله دتضربوني ادم احجيلك شي حباب
باوعلي بخزرة ودار عينه يالله هيا بقت عليك التمت قيصر وكف لحيلة خليت ثاندر بالكاع وكتله تاهب تهديد
ثاندر مد ايدي ورجع راسة لورا وضعيت الهجوم وصار ينبح على قيصر
قيصر خاف ورجع خطوة لورا اشوف ادم ابتسم مثل اليشوفنا جهال
: وحق الله اذا تتكربولي اخلي يعضكم
حيدر: وهم شنو هذ؟
: جلب
حيدر: ادري قندرة توجهي علينا؟
: لعد تريدون تكتلوني واسكت لا والله اخلي ثاندر يكتلكم ويعضكم
ادم: ثاندر تعال يمي
ثاندر باوعلي وراح يم ادم لا يا خاين هاي عود ردتك فزعة
لزمني قيصر من فروة راسي وباوعلي ادم ورافع تك حاجب
ادم: هو هذ الي تختبين ورا خوف من خوانج؟
قيصر: محد طلع عينها غيرك انت ادم
: اااخ قيصر عوفني نتفت شعري معود ادم
لزم فكي وداسة قوي راد ينشلع بيدة اباوع لادم يريد يحجي وميريد ما فزعلي هالمرة
قيصر حجا من بين سنانه
قيصر: انتي فد يوم راح تخليني اموتج بلا ما اسئل على احد
: ااي امعودة اشبيكم؟ ادم على بختك خويا ما تحجي شي شبيييييك؟
حيدر: انتي لازم راسج نفصمة شنو تسوين بهل وقت ما تكولين ورايا احد تطلعين وكت ما يعجبج وطبين وكت ميعجبج شنو احنا اهنااااااا؟
: انت اصلا ما اشوفك بالسنوات مرة اااخ شعري شعري
: اضل اخوج الجبير غصبن عنج تحترمين وتسمعين كلامي
قيصر: جا سمعت كلامي وانا اكبركم دتسمع كلامك انت الماتشوفك كل وين وين؟
كالها وداس فكي اكثر ادم دنك وصار ياكل بشفته
: ااااااااخ قيصر راح تكسر حلكي امعود هدني بويا ادم
قيصر: انتي طلعتي عن الدرب فد نوب
: ترا متزوجة وزوجي قابل
: زوجج ما يعرف حت وين جنتي
: ثاندر هجوم
كلتها وثاندر راح من يم ادم اجا ركض عض قيصر من رجله جان لابس بسطال ماتاذا هواي
: ولك انت اثول هم احد يعض من هنا دعض ركبته
قيصر ضرب ثانر بدفرة على حلكة خطية صار يعوي متاذي ادم كاملة ركض اجا علي لزم حلكة
: سودة عليا تاذا جلبه واني اخته راح ينكسر حلكي مادار بال هوا هذ عشمي بيك كفو
داس بعد فكي حسيت سني نكسر اصابعة راح ينطبكن بوجهي صحت بالم ادري ناوي على حلكي انت اليوم
ادم: كافي قيصر هدها عاد
قيصر: لا والله مو اهدها اليوم لو انا لو هيا جزعتني هاي من اجت لليوم لا تسمع كلام ولا تلبس عدل اجمالة تبات مستشفيات بتوالي الليل شرحتي تسوين ولج احجيييييي
: ااااخ امعود هدنيييي
ادم: قيصر كتلك كافي هدها
: كسر حلكييي
ادم: قيصرررر داكلك هدها هدهااااا
: اااااااخ
: كاااافي قيصر
: الله ياخذكم كلكم مابيكم سند
كلتها واجاني راشدي من قيصر لازم شعري بيد وكفخني بيد الثانية حسيته حولني
لزمت وجهي وكمت ابجي هوا مو يمة يعت بشعري وهالمرة حت ادم ما كدرلة
قيصر: انطكي عااااد
كمت احجي وابجي بتوسل ديهدني والشعر امتلة وجهي حت ما شفت احد منهم لئن شعر غطا عيوني
: شتريد بس كلي
: ليش رحتي للمستشفى؟
: اعرف احد هناك مريض
: بلا جذذذذب
ضربني راشدي الثاني اقوة من القبلة هذ صدك حولني ما عرفت اكف لحيلي وكعت يم رجولة وكومني من شعري
ادم: قيصرررر شبييييييك اتركها لحيت لاتشوفني ساكت امعود وهم يابة؟
قيصر: لو تموت ما اعيفها اليوم والله لاعيد ترباتج لعد ترحين للمركز وتكليلهم انتي اختنا؟
اخت الضباط شتسوي بالمراكز توالي الليل لوحيدها ويا المساجين ولج احجييييي
يحجي ويكمخ بيا صرت اتوالة بين ايدي شبعت تكفخ بذاك اليوم
ادم: قيصر اتركها داكلك مو هيج اتركها انا اتفاهم وياها امعود
اجا يسحبني من ايدة ما نطا مسكة دفعة وثاندر بقة يعوي مو يمة
امي: قيصر اني مو جبتك لهنا دتسوي هالشكل اتركها
حيدر: لعد شنو يسوي يتركها على حل شعرها وتروح وين ماتحب مرة مركز مرة مستشفى ما تريدين اطلعين للخارج فد نوب وهم حاولتي تسويها مرة
: دعتقونييييي لخاطر الله شبيكم طوق على نفسي انتو شرايدين مني محد اله حكم عليا مو طفلة اني
هالمرة قيصر ترك شعري وضربني راشدي
من قوتة طيرني مترتين نضرب راسي بالدرج وماحسيت على شي وراها
مرهم.
جنت اباوعلهم شلون يعاملها قيصر ومو مهتمين حت ادم ما كدر على قيصر تعجبت لئن قيصر حامي فول اليوم
صار قيصر يضربها حسيته معبي من ناحيتها اكيد هاي اسيل الفاشلة هيا تعبي براسة عليها تكرها من يوم الخطوبة
ادم وامي حاولو بقيصر بس مو يمة الا ان ضربها وراسها اجا ع الدرج ما طلع منها صوت
شفتها جمد الدم بعروكي وقيصر ماتحرك يمكن خاف لا ماتت بس ادم طلع ركض من الصالة اجا عليها شال راسها ووخر الششعر عنها الله واكبر شلون منضر
نص وجها ازرك نيل وعينها وارمة وكصتها مجروحة وحلكها بي دم منضرها بشع معقولة بهل سرعة بين بيها
ادم: وهم
وهم تسمعيني فتحي عيونج ولج اتنفسي بنيتي
وهم فتحي ولك قيصر شسويت وهممممم
ماكو صوت انتهت بيدة يريدها بس تجاوبة لو تطلع صوت نفس ماكو رجليا ما بعد تشيلني اريد انزل اشوفها رجليا ماتن
امي صوتها تكول لادم
:امي ولك شبيها؟؟
ادم: مادتفتح مادتفتححححح وهم يابة بس سمعيني صوتج فدوة ولكم ماتتت وهم خويا عليج الله لاتتركيني
قيصر: وكعت من حالها والله موقصدي
ادم: صارلي ساعة اكلك هدها هدها مفيد ارتحت هسة
مرهم وخريي سرعةةةةة لحكينيييييي
كالها وشالها بيدي هيا نقطة يمة وهوا صلوات شلونة عملاق طلع وداها لغرفتها اجا حيدر يمي نطيته ايدي نهضني ورحت لغرفتها ارجف بالدوب امشي لي ما وصلت غرفتها
ادم حاطها بجربايتها ويلوب يمها والجلب مالها بعد بس يعوي صوت امي تصرخ جوا تريد انكللها كلمة وقيصر يتوعد ولاجت روحي حسيت روحي بدوامة
كل الاصوات اجتمعت اجا ادم سحبني وكال شوفي تحتاج مستشفى
: ما دكتورة اني
ادم: مرهم دبريني مااعرف شتصرف بيها نفس لو لا؟
باوعت بوجهه قلق خوف مدري شنو محتار حت ما ديكدر يوكف تعصبت من شفته فقدت اعصابي
: شكد ستنجدت بيك مادرتلها بال
ادم: اااااخ يالله
: واخذت ثاندر من كدامها بعد عود جانت محتمية بي جاي هسة خايف عليها
: كافي مرهم
من حجاها جان صوته متغير مخنوك كالها وداس عيونه قوي
اجيت جانت تتنفس بس وجها متشوها تقريبا
انتبهت على نفسها طبيعي بس جرحها ينزف الضربة اجت بكصتها
: ما اتوقع تحتاج مستشفى
ادم: هاا
: ما تحتاح مستشفى هيا يجوز داخت من قوة الضرب بس ونص وجها هذ الي بسببكم ما يوم صفا كل جم يوم ماخذة ضربة منكم هسة شيقنعها يروح بسرعة
ما حجا دنك راسة
: بالله هيا عروس اليوم العكد مالتها هيج تعاملوها لخاطر الله انتو هم بشر هاي عود المفروض انتو اهلها تذكرلكم هيا بالمستقبل تكول عود بالعكد مالتي نضربت الا تشوه وجهي
باوعلي بحركة مدري شلون كدرت احجي ويا هيج لو منين اجتني الجرئة واحجي ويا هيج اني وادم علاقتنا حيل قويا ونحب بعض بس ماكدرت اتحمل شوفة اختي هيج يصير بيها بهل يوم بالتحديد
تركني ونزل مستعجل لبالي طلع دنكت على وجه وهم الصايرة عجينة ما تحس وصوت ونها لوين
حبيبتي والله ما تستاهلين كل هذ صوجي نطيتج المفتاح دتروحين
بس مكدرت اشوفج تلوعين واعرف الشي الوحيد اليبرد كلبج انج تشوفي وهاي تاليها
اسمعها صارت تون لاجت روحي عليها لدرجة صرت ابجي
سمعت اصواتهم جوا بدت تعلى وصوت تكسير اترددت اروح لو ابقى بس تالي نزلتلهم
نصدمت لمن شفتهم
لاتنسون تصويت⭐⭐⭐⭐⭐
اسراء العزاوي
💜💜💜💜
حالة
لاتنسون تصويت⭐⭐⭐⭐⭐
اسراء العزاوي
💜💜💜💜