تحضى نـار قلبي
حلقة الثاني والثلاثون
.
.
.
.
.
.
.
في يوم من الأيام حُبك كان رحيق سحري لقلبي واليوم فقدان و ألم وحسرة..
..
ضغطت على عيوني لان قطرات مي لامست بشرتي..
رمشت أكثر من مرة وفتحت عيوني على أثر صوت ياسين يگول
_سريانتي أصحي فتحي عيونچ.
فتحتهن بعد ما صدر أنين مني..
لامس أيدة بخدي وگال
_ يروح ياسين وياي؟
هزيت راسي وحچيت
_ مابية شي..
سحبني لحضنة وتنهد
باس راسي وهمس بهدوء
_ ليش طاوعتي الحجية سرور انتِ مو مال عيب وفشلة واليضوج طبة مرض ومرضين هم صحتچ وصحة الجنين أهم من كل شي بحياتي..
غمضت عيوني مستمعة لكلامة
وهو يحچي بحركة دم
_تدرين من سألت عليچ وما لگيتچ لحگتچ للحمام.
وكرهت الساعة الي جبتچ بيها لهنا مردتي گلبي.
فورتي گلبي يسرور ليش هيچ تأذيني.
أبتسمت وحچيت
_ صايرة قنقينة ما أگدر اكل شي ريحة الأكل تلعب نفسي والحجية خلتني أكل لحم.
بعدني عنة وحچة
_قصدچ خلتچ تشيلين مفلطح من الله ملطحهم.
وداعتچ متحلف الهم يعني أكلت خر. وگلت يا هاشميات لاتشغلين أمة الرحمن وهيَ تتوقع شكل وللعلم محد يعرف بيچ حامل ومستحيل أنبة أحد اذا ما دخلين الرابع.
أبتسمت وحچيت
_شنو بس لا تخاف من العين سوالف العجايز.
رفع حواجبة وأردف
_ أني أنسان ما أئمن بالعين والحسد والسحر وهل خرافات بس مأمن بشغة كل شي تسكت عنة يصير بسرعة.
وللصراحة الحچية اذا سمعت وربچ تحبسچ هنا.
أبتسمت وحچيت
_ياسين راسي يوجعني.
تنهد وگام وگف گال
_ أروح أجيبلچ روبة تاكلين وتنامين.
غمضت عيوني وحچيت
_ما أريد ياسين.
مال راسة وگال
_والي تردي شنو؟
سحبت أيدة وحچيت
_أريد انام تعبانة.
قلص عيونة وهمس
_ تدرين بروحچ لوتية.
أبتسمت وحچيت
_الي يريد حضنك هيچ تگول.
تمدد يمي وأحتضني بقوة هامس
_ الحضن وصاحبة يغدن فدوة الچ.
غمضت عيوني بعد ما بادلتة.
تمادت أيدة وتلمست بطني بحيث حسيت بدفو
دفن راسة برگبني وهمس
_خطيبة أبن عمي ميادة دكتورة نسائية فحصتچ و گالت عندچ نزيف مجرد ترتاحين فترة و تصيرين أحسن.
حركت راسي وحچيت
_مو گلت محد يعرف بيچ حامل؟
عض اذاني وگال
_ميادة بنت عمتي وخطيبة أبن عمي.
هل أثنين علاقتي بيهم قوية تخيلي مؤيد دكتور وميادة دكتور ة والاثنين الوحيدين الي عانو يلا انخطبو عكس البقية حبو بعض وكال الولد خطبولي فلانة والف مبروك.
لان ما ينطون البنت خارج بيت عمها ولله كان وياهم هل حبب كل واحد بمحبوبتة وهاشميات تأيد الحب لان بين ولد ولدها وبناتها.
سرور: لعد وميادة ليش ما أيدت حبهم و وكفت وياهم؟
تنهد وأردف
_لان الغلط من زوجة عمي وعمتي.
سرور: شلون؟
ياسين: ميادة و مؤيد نفس العمر من كانو أطفال أم مؤيد رضعت ميادة لان أم أبوها متوفية.
وعلى حسب كلامهن يصير أخوها وحرام وهل لطلطيات
ومن هذاك يوم وهذا يوم و٣٥سنة صارت أعمارهم وثنينهم حلفو ما يتزوجون اذا مو بعض.
وبعد استفسارات اتضح لازم ١٥رضعة بدون قاطع بينهم وشرط الاثنين يعني مبادل أم هذة ترضع هذة والعكس.
وانفكت چبستهم وصار الهم شهر من أنخطبو وأحتمال هل شهرين العرس بس مؤيد ما يريد هسة لان عندة سفر لـ بريطانيا أعتقد يبقى تسع أشهر يلا يگدر يرجع لهنا و ميادة تأيد لان بالنهاية نجاح مؤيد يعود لميادة والعكس.
وهذا أضبط زواج لان الأثنين أعمارهم ٣٥ وعلى زواجهم يدخلون الستة وثلاثون.
زواجهم مثالي ولو أخيل عمرة٣١ و رحيق ٢٤سنة وهل ثنائي ينكطون عسل متفاهمين.
بالاخير الأعمار أبد مو مقياس.
وميادة أحترمها لان حافضت على نقاء حبهم.
رغم لطلطية مؤيد
دفن رأسة برگبتي وأردف
_وعلية، باچر ما أگدر أخذچ لبغداد وبنفس الوقت ما أريد أبقيچ هنا لان الأكل ثقيل على معدتچ و هاشميات عدها ألف إختبار الچ ومو بعية باچر تدز عليچ تعالي خبزي على تنور الطين وتنسمطين.
سرور:معقولة؟
رد بتثاوب
_وداعة نضر عيوني، وأزيدچ من الشعر بيت هنا العباس چابسهم ما ياكلون الخبز البايت كل وقت بوقتة لازم خبز يعني حالة حال الريوك والغدا والعشا.
أبتسمت وحچيت
_الصمون شمقصر وياهم؟
سحب نفس وأردف
_ ليش أكو ألذ من شفايفچ وخبز تنور الطين؟
ضحكت بهدوء وحچيت
_ مااحب الخبز بس الصمون كلش طيب بالاخص اذا بي سمسم وطاسة عنبة.
بدون وعي مني تلمست گصتي وما أحس غير ياسين يضربني على أيدي بخفة ويگول
_عمت عينك يا ياسين طمغتي طاسة العنبة وصمون أبو السمسم بگصة الطفل؟
بربچ مو خطية ما لگيتي غير هل مكان ما تگولين اذا بنية وعدها طمغة شتگول امي تنست بية عنبة؟
خاب أكو أماكن ماينشافن متغطيات طمغيلچ هناك مو بالوجة.
اتملصت منة وحچيت
_وانتَ مصدك بهل خزعبلات؟؟
هز راسة وگال
_سوالف العجايز كلهن عندي ومأمن بيهن لا تحاولين وياي.
رفعت حواجبي وحچيت
_متخلف وداعتك مشرحچي ومتخلف الف حمد الله والشكر.
گلب عيونة وگال
_ اذا ما طلعت طاسة عنبة وصمونة ام السمسم شتردين أنطيچ.
جريت أيدة ونمت عليها مغمضة عيوني.
تمدد قريب علية وعضني من أيدي تلمستها وحچيت بانزعاچ
_شبيك ياسين والله توجع عضتك.
أبتسم بطرف شفتة وفتح عيونة وأردف
_ أحب لحمچ.
رمشت أكثر من مرة وحچيت
_لا تخبلت.
ضحك بصوت وأردف
_لا وربچ بس لحمچ ينطي أيعاز للمقابل يتناولة بكثرة.
رفعت حواجبي مستنكرة
_ وهل أيعاز ما يخلص؟
أريد أنام تعبانة وأحس رجلية مكسرات.
مسد على شعري وأردف
_غير طريق طويل وهاشميات أم اللبن ما خلتچ ترتاحين الي يگلك سرور سبع صنايع ماتدري بيها افويهية بس لسان أستداية.
رفعت حاجبي وشخصت نضري علية حچيت
_أعتبرة مدح، ذم؟؟
فرك عيونة وأردف
_تعلمي ياسين ما ينطيچ الحق الكامل لو على كص رگبتة لان بس أكول حقچ تركبين على راسي والنسوان بطبيعتهن بس تكول هن الصح يصيرن أمهات الراهي.
فتحت عيوني وردت أحچي بس سبقني
تمددت وحط أيدة على حلگي عضيت أيدة بقوة
بعد أيدة وحچة
_اخخ يول
رديت بأبتسامة
_أحب لحمك ياسين.
رد بسرعة
_مو حيوان وتحبين لحمي.
بس الحيوانات تاكل اللحوم النية.
رفعت حاجبي وحچيت
_ولازم شنو اگول الك هسة مساعة تحب لحمي وهسة تغلط.؟؟
بالمناسبة غلطت على روحك هم بدون ما تعرف.
فتح عين وغمض عين وگال
_تدرين بروحچ نذلة لولا؟
التفتت على الجهة الثانية محتضنة جسمي.
زفر نفسة بقوة وأحتضني بحيث ما أگدر أحرك أديني.
قرب رأسة يم أذاني وهمس بهدوء
_بگد ما هل طفل لزمچ و عقلچ الي بگد ما أستعجل.
تصدكين لو بغير ضرف ما أقبل بوجودة؟
سرور ما أريد أتندم او اتأذة وية هل طفل لان مستحيل أتحمل.
هاي نومتي يمچ عبالچ مرتاح ومو على بالي هم؟
صدكي ياسرور انتِ تنامين بسابع نومة بس أني أبقة مساهر الليل لان بكل بساطة أعرف هل راحة مجافية الي.
وماتدوم لازم تتبحوش بشغلة زفرة وتنگلب السالفة.
وكل مرة اشوف طفل اگول معقولة أكون أب مناسب وأگدر أوفر كل أحتياجات أبني وزوجتي لو أقصر وياهم؟
او الاكثر تتردد ببالي من أمي تحچي عن عمچ كدامي وگدامة تدللة نفس المي بالصينية وهل شي شبة عقدني وهوسي من المجهول
وتبقى فكرة زوجتي ما أريدها تحچي بضهري أريدها تحمد الله لكوني زوجها مو تدعي علية ولا من تسمع صوتي تكتئب وييتغير مزاجها لشوفتي.
هل شغلات رغم بساطتهن لكن ماخذات حيز كلش كبير بداخلي.
سرور أتمنة بيوم الي تضوجين مني ما تكتمينها بداخلچ وتجين تحچين وياي وتگولين ياسين ضوجتني أو كتمت على نفسي.
كوني صريحة وبعيدة عن المجاملة.
أبتعدت بهدوء والتفتت علية حچيت
_وشنو داعي هل كلام هسة؟
حط راسة على راسي غمض عيونة وحچة
_ الة داعي حتى ما تتعوق علاقتنة بشي.
عقدت حواجبي وحچيت
_يعنيي
تنهد بخنگة وهمس
_ أريد أعوضچ عن كل الي صار لان عن نفسي ما متقبل كل هذة.
أبتلعت ريگي وحچيت بهدوء
_لعد ليش تسوي؟ غير تكون قادر على التحكم بتصرفاتك !
والي أفهمة منك يعني متندم على هل طفل.؟؟!
ياسين: لا مو المقصود هذا
قاطعتة وحچيت
_كلامك يگول هيچ أنتَ أنتبة لطريقة كلامك وأستخدامك للكلمات.
زفر نفسة وأبتعد عني
گام وكف أفتر بالغرفة بعدها وكف كدام الشباك مرتاك بأيد وحدة.
لحضات وبدون مايصد علية گال
_عمرچ ما تفهميني صارساعة أكل تبن وطلعتيني ما أفهم.
وطلع من الغرفة بدون ما يصدر صوت.
زفرت نفسي و سحبت المخدة أحتضنتها وحاولت أنام بقيت أتگلب بالفراش و أصوت الضحك مرتفعة
ضغطت على اذاناتي في سبيل ما أسمع تالي ما اتحملت
لحد ما سمعت صوت ينادي بأسم ياسين
زفرت نفسي بقوة وكمت وكفت گدام الشباك توقعت روحي أشوف كل شي بس الي صار گدام الشباك مسافة قليلة وغرفة مدري شنو
يصير فراغ بين الغرفة الكاعدة بيها وبين الثانية والطابق الارضي.
هزيت أيدي واني الي توقعت أشوف كل الي ديصير.
رجعت گعدت على السرير واهز برجلي
لعد مساعة ياسين شنو كان يشوف من واكف.
يحضچ يا سرور.
زفرت نفسي بضيق وتمددت نصف جسمي على السرير..
كلامة محير ساعة أريد وساعة دا أريد الي يسمعة يگول هوَ وبس ولا يكلك أكو الف واحد أحس منة.
عوزة يتفيك براسي هل مشرحچي.
صفنت على كلامي وحچيت
_شنو هل أعذار رحمة لـ الله.
من گد ما فكرت أحس راسي أفتر.
حاولت أنام ما گدرت أخر شي گعدت وأحتضنت جسمي أحس أريد أرجع للشقة.
عيوني طفن يريدن ينامن بس التفكير موگفهن.
مددت بالمكلوب وحطيت المخدة على راسي بعد محاربة دامت مع التفكير يلا گدرت أنام..
صحيت من النوم على صوت ياسين الي صاح بية.
فرگت عيوني وحچيت
_خييير حلمان بية؟
زفر نفسة وأردف بضوجة
_ليش نايمة هيچ مو الصخام الصخمني يختنگ ما تگولين أخاف أموتة أكو عاقلة هيچ تسوي؟؟؟
رحمة للكائنات المحمدية أنتبهي.
رفعت حواجبي وحچيت بسخربة
_يعني انتَ مگعدني على هل صوت المزعج ول شنو الطفل الي ما تريدة تخاف علية لا يموت؟؟؟ مصدگ نفسك ياسين.
أبتعد عني وعقد حواجبة أشر بيدة وگال
_سالفة الثارات أبتعدي عنها، وعوفي أرفد ونادية على الاقل فترة حملچ.
غمضت عيوني بقوة وفتحتهن وحچيت
_ هسة شتريد؟
ألتفتت على الجهة الثانية وگال
_ يطلع الفجر ونطلع.
رمشت أكثر من مرة وحچيت
_ليش هسة بيش الساعة؟
رد بدون مايصد علية
_١٢ونص باليل.
شهگت وحچيت
_ بربك لحد هسة ما صار النهار أشو أحس صار هواي نايمة؟
رد مستهزء
_ اي صح صار الچ قرن.
ضحكت بستهزاء وحچيت
_تضحك هواي.
صد علية وحچة
_سرور ما تلاحظين مزودينها؟
_شلون؟
مسد على ذقنة وأردف
_زعاطيط ونتعارك، لا انتِ تفهمين غايتي ولا اني إلي عندي صبر أشرح الچ وباقيين نفس غرفة مقفولة وبيها فار وبزون وتعال يا السبع لاتتعارك.
خلينا نعقد هدنا مدتها يوم واحد وبس.
نرجع منا والي تردي يصير وبشرط تبتعدين عن أرفد وك..
ركزت بعيونة وحچيت
_بشرط تگول شبيك ليش گلبت هيچ علية؟
زفر نفسة وأردف بهدوء
_ عوفيهن الچ الصافي بس أريد منچ تبتعدين خليني مرتاح.
هزيت راسي بدون ما أحچي لان مستحيل أبتعد عنة..
بقة گاعد لحد ما طلعت الشمس وگال
_گومي تعالي وياي لان هاشميات سألت عليچ وگلتلها تعبانة وهيج وقت گاعدين.
قبل لا أجاوبة طلع من الغرفة صفنت بالسگف بدون تفكير..
قاطع شرودي صوت الباب اندك وانفتح بنفس الوقت.
صديت شفت بنية كلش حلوة وشكلها يضحك تقريباً بالعشرينات يطلع عمرها..
تقربت علية سلمت وگالت
_ أني بنت عمة ياسين ميادة، دزني عليچ حتى أنطيچ ملابسچ وتجين وياي.
من صدمتي بهتت وبس أرمش توقعت ميادة شكلها كلش چبير ومن نوع الدكاترة ما يتحاچن والأكثر شبهتها بنادية.
قاطع شرودي بيها أيدها تحركها يمين ويسار.
أبتسمت وأردفت
_أستعجلي سرور.
هزيت راسي بدون ما أحچي وهيَ نزلت الملابس على الفراش وطلعت.
گمت وگفت صديت على الي لابستهم مو الي عقدت حواجبي غيرتهن لملابسي.
طلعت من الغرفة سألت على الحمام أشرت على جهتة.
اخذت الدشداشة الي كنت لابستها غسلتها وطلعت
وميادة أخذتها من أيدي بعدم رضة.
شرتها وگالت
_هذا القطعة الچ، ياسين ماقبل ياخذ ملابس من عدنا وهو گال عدها بالسيارة.
أبتسمت وحچيت
_تعبتكم وياي..
هزت راسها بخفة وأردفت
_لا بالعكس مسوينة شي وصار زمان على هل جمعة الي صارت بسببكم.
تحمحمت وأردفت
_اذا خلصتي تعالي.
سرور: ماعندي شي.
طلعنة ثنينة حديقة صغيرة تفصل بينهم.
دخلنة للمطبخ ميساء گالت
_صابين الريوك ننتضرچ.
قاطعتها ميادة
_اليوم عاجبني أخذها لجهة البستان نتريك سوا اذا حابات تعالن ويانا؟
ميساء: لا خية عن نفسي ما اگدر أترك البيت شوفن رحيق خطية من البارحة غاطة وياي.
ميادة: هسة أشوفها وين هيَ حتى أخيل سألني عليها.
ميساء: والله ما أعرف بس شكلها متغيرة كلش واليوم تگول شعري وكع نصة و للصراحة وجهة أصفر كركم.
ردت ميادة بخوف
_ أگلچ أن شاء الله ماكو شي.
ردت ميساء: ميادة هيَ رحيق راجعت على أخر فترة لو لا وأخيل أخر مرة من أخذها لبغداد يعالجها ما گال سبب مرضها.
تحمحمت وأردفت
_ لا ماكو شي لاتخافين، وهسة أخذها ويانا تتونس وتنفه عن نفسها.
صدت علية ميادة وحچت
_تعالي وياي حبيبتي.
مشت واني وراها وگفت يم غرفة دكتها وفتحتها
دخلنة ثنينة لگينة شاب محتضن رحيق ودافن راسة برگبتها وب صوت البچي طالع..
ردنة نطلع وگفنة صوتة يگول
_ تعالي ميادة طالع اني.
صارت عيني علية فرك وجهة بقوة وطلع..
راحت ميادة حضنت رحيق وصوت شهكاتها مرتفع..
كلام ما مفهوم تحچي بس تبچي بصوت بحيث أحس روحي أحترگت..
عيوني صارن على ضهرها عبارة عن شعر ملتصق بملابسها..
أبتعدت عنها ميادة مسحت دموع رحيق وگالت
_كافي بئس يلا شوفي زوجة ياسين أجت وياي حتى نطلع سوا.
التفتت علية رحيق ملتهمة شفايفها وتمسح بدموعها
صفنت على جمالها بيضاء البشرة بخدين محمرين وملامح ناعمة وبريئة درجة تحت عيونها لون أحمر وعيونها سماء صافية ممتلئة بالدموع..
شكلها كلش حلو ملامحها ناعمة وعيون كالسماء الصافية.
وشعرها عبارة عن لو أصفر توقعت صبغ بس الواضح لا هيَ لوحة فنية لرسام فقد المثابرة لأكمال خصل شعرها وروحها..
تقربت مني حضنتني وبوستني وحچت بصوت ناعم
_ أتشرفنا بيچ سرور.
طلعنة واني ماجاوبتها أحس لساني أنعقد.
ميادة أخذت صينية من خوص بيها الريوك..
مشينة مساحة قليلة ومدت حصير وحطت الصينية گعدنا تلاثتنة رحيق أكتفت بكوب الچاي الي تحتسي منة ودموعها سايلة..
ميادة سألتها
_ رحيق لعد بنتچ رواء وين؟
تنهدت وحچت بهدوء
_يم أخيل..
ردت ميادة
_انتِ أمها رحيق، أخيل أبوها حرام هيچ تسوين لان تحرمينها من حنانچ وأهتمامچ وبنتچ مو صغيرة حتى تتقشمر تدرين بـ أخيل يركض وراها وهيَ تبچي تريدچ تگلة بابا ليش ماما ما تحبني ولا تمشط شعري نفس بنات عمو.
مو خطية حارمتها من هل شعور؟؟
رحيق أتذكري منو أخيل و رحيق تذكري منو الي وكفت بوجة أبوها في سبيل تحصد حبها بس تذكري الي عافت بيتهم الفجر واجت لبيت هاشميات تگول الها أني أحب أبن عمي وأبوي يريد يزوجني لغريب
بس اتذكري هل أيام و بوقت حملچ بـ رواء شلون خبصتو روحكم وأحلى جهاز جهزتو الها هسة شصار رحيق عوفي عقلچ فكري بگلبچ
تتحملين تشوفين أخيل مكسور بنص ولد عمة وعمتة لو تتحملين أنصاص اليالي يجي ينام يمچ يشم ريحتچ أنتِ ترضيها أحچي رحيق.
حضنت وجها بكفوفها وزادت بالبچي
بعد لحضات بسيطة بعدت أيدها وگالت
_ما أريده لا تجبروني لا تجبروني ترى والله گلبي تعبببب حسو بية كافي وين ما أگعد أطلع اني الموزينة والي مقصرة والماعدها شغل وعمل..
كامت وكفت رادت تروح وگفتها ميادة تگول
_شعليچ بالكلام الگال والگيل عمره ما يخلص لا تصيرين أنانية رحيق.
ضربت ضربات مبعثرة على وجهة وگلبها بحيث تلهث وتصيح لحد ما لحضات وأحتضنها أخيل بحيث قفل عليها وهيَ تضرب بي براسها ورجليها وهو مقفل عليها..
ما أعرف شلون ضربتة بحيث وگع شالها وتفرهد شعرها وأشرت بيدها وگالت
_ما أحبببكككككك أفهم أخيل ما احببك رحييييق ما تحب أخيل فهمتتتت ما احبك ما احبك فهمو تعبتوني ما احبك ولا احب احد رحيق انانيةةة ما تحبكم كلكم مجرد رادت تتخذك وسيلة مساعدة الها فهمممتتتتتتتتت أخيييل
وبنتك اذا تقربوها مني أذبحهااا والله أذبحهاااا
لحضات قليلة وما انحس غير أخيل متقرب عليها و يتبع كافي تركيز عيونكم تتعب هيچ.
_توقعاتكم للحلقة القادمة
_رأيكم بالحلقة
_رحيق و أخيل رأيكم بيهم يحلوين
علاقتهم بعيدة عن كلام ياسين عنهم مووو
_ ميادة و مؤيد
وأخير شي خبااال سرور و ياسين