تحضى نار قلبي
حلقة: التاسع والعشرون
.
.
.
.
.
كل شي على النيات وانتِ كل نياتي 🔥
.
ا أعرف شگد مر من الوقت بس حسيت على أيد محتضنة كف أيدي.
فتحت عيوني على كيف صار گدامي ياسين شهگت وگمت بسرعة رمشت أكثر من مرة ضحك بهدوء وگال
_الف مبروك على الحمل.
مجرد گال هيچ، فتحت عيوني بوسع وحچيت
_منين حامل؟؟
أبتسم رافع حاجبة
_من زرف الحايط تعرفي لو لا؟
دفعتة بقوة وحچيت
_لا تتقرب ياسين أبتعد عنيي
هز راسه وگال
_ شايفة هل طفل الي بداخل أحشائچ شگد سبع درجة أمة انطعنت بالسكين وهو باقي عفية والله.
ضحكت بسخرية وحچيت
_لا تضحك علية امشي منا بسرعة.
گمت وگفت وفتحت الباب ردت أطلع گال
_بيبيتچ انجلطت بسبب شوفتها لبنت عمچ.
صديت علية وفتحت الباب صتر خالي بوجهي مجرد شافني أبتسم وگال لياسين
_تعرف ياسر أبن خالة سلر؟؟
رد علية ياسين
_أكو واحد ما يعرف هل كو.... ليش شتسوي بي.
لهم شفايفه وأردف
_صار الوقت ترد الي الجميل ياسين.
ميل راسة وضر على صدرة بهدوء
_عد عيناك رغم كرهي الك.
فتحت عيوني وحچيت
_خالو لا تسوون شي مو زين عليك الله انتم الاثنين ابد مو طبيعي
ضحك ياسين بسخرية وأردف
_ بس قبل لا أطلع أريد منك تفهم بت أختگ على كم شغلة.
علي: وهيَ؟
رد ياسين وهو عينة علية
_حملها ما تصدك هيَ حامل.
صد علية خالي وگال
_ ليش ما تصدك هي حامل الها شهر.
شهگت بصوت وحچيت
_ شبيك خالو منين حامل لا تخبلوني.
رد ياسين بكل هدوء
_سبق وگلتلچ من زرف الحايط ليش ما تصدكين؟؟
التفتت وحچيت بذعر
_لاتخبلني ترا مو لهلدرجة مااحس بشي واذا حامل شلوون من طعنتني ما مات تكذبون علية والله تكذبون.
گعد على السرير وحط رجل على رجل وگال
_ لو ما أكو شي مهم كان فهمتچ بطريقة توصل لدماغچ بدون تفكير.
بس أريد أتخلص من هل دين لان بطبعي أطلب ما أنطلب.
صد على خالي علي وأردف
_بشر شنو الي ببالك.
رد خالو
_يحلم بحياتة يتزوج ويصير عندة أطفال.
صديت على خالي مصدومة معقولة خالي هيچ يسوي؟
التفتت علية من سمعت
ضحك ياسين بهدوء وماسد على ذقنة مركز علية حچة
_والله يا علي هي هاي غالي الموش غالي دقايق ويوصلك الخبر
وللعلم عندك بنت أخت أيدها والاعشاب ودفرات شلون مفوت وجودها يمك.
عقد حواجبة وأردف
_شنو تقصد؟
فتحت عيوني وحچيت
_صدكك شلون حامل منك واني ناطيتك أعشاب؟؟ وشغلة لخ اني جسمي و اوردتي عبارة عن تعاطي ومضادات؟؟
اذا على كلامكم حامل هل طفل مشوه.
تحولن نضرات ياسين من الاستهزاء للخوف عيونة ما فارقتني مركزة بعيوني واللمعة طغت عليهن..
گام وگف وحچة وية خالي
_ علي ناسي هل سالفة مضادات الاكتئاب اذا الحامل تاخذهن يسببن تشوه خلقي لازم أنواع معينة
بس التعاطي أقل شي يسقط الطفل لان الرحم مايتحمل الجنين واله أعراض جانبية.
أبتلع ريگة بقلق وأردف
_ دام بالمستشفى لازم تراجعين دكتور وتاخذين سونار حتى تتجنبين المؤذيات.
الخوف والقلق الي لمحتهن بياسين فاجئني أكثر ما توقعت منة هل رد فعل..
هزيت راسي بنفي وحچيت
_أريد أروح يم سلر
صديت على خالي وحچيت
_ تگدر توديني الها؟
تنهد وأردف
_عمچ يمها.
أبتلعت ريگي وحچيت
_عادي أريد أشوفها شسويلة يعني.
ومن ترجع أرجع وياك.
هز راسة وأردف
_للعلم ما أضمن الچ أرجع اليوم وانتِ أخر شغلة أسويها تبقين هنا رجعي للشقة أئمن.
أبتسمت وحضنتة حچيت
_والشقة هم وحدي.
دير بالك على روحك يعمري ما بقالي غيرك ترى لا تسوي شي وتندم علية.
باس راسي وبعدني عنة تلمس كتفي وگال
_ تذكرين حچايتچ، راح تخسرها و للأبد؟
هزيت راسي بـ اصنات
تنهد وأردف
_ وهل مرة ما أريد أخسرها.
أبتلعت ريگي وحچيت
_خالو للعلم لاتنسة الي گالتة سلر اذا سمع عمو ممكن يجبرها بهل حالة..
أبتسم وأردف
_هوَ ملچوم لاتلچمينة زيادة.
رديت بأهتمام
_أسم الله عمري.
قاطعنة صوت ياسين الي يگول
_مو كأنكم تجاوزتو مرحلة الخال وبنت أختة؟؟
وشغلة لخ أبتعد عنها علي مو طرطور گدامك وتحضن بزوجتي.
هي الغبية ما تكفخك على دماغك وتگلك ما أحضن غير زوجي.
ضاع الشرف يالكح...
صديت علية وحچيت
_يبقى حبيبي وبطلي الاول.
حضن أدينة لصدرة وگال
_والثاني؟
أبتسمت بمكر وحچيت
_زوجي الثالث.
لهم شفايفة وأردف
_ علي اذا ما تلصمها على هل حلگ هسة اخذها من يمك وأعرف شلون أسكتها.
رد علية خالو علي
_مو تايهتلك.
ياسين: مو شغلتك يمي عليوي
اخذ أيدي بيدة وگال
_لاتنسا أطلبگ دين.
فتح الباب وطلعنة.
رحنة لغرفة الي بيها سلر دخلنة عمو موجود تجاهلت وجودة وگعدت يمها ميلة راسها على صفحة ودموعها تنزل بهدوء.
تلمست أيدها وضغطت عليها أبتسمت وحچت بدون ما ترفع راسها
_ الغي الخطوبة ما أريدة..
هيَ گالت هيچ وعمتي تنتفض عليها ضربتها على كتفها وگالت
_مو هية سوالف زعاطيط حتى يلغي الخطبة غصبن عليج تزوجين ابن اختي
شمقصر وياج اشو مال وجمال بعد شتردين هااا.
رد عليها عمي أبو مصطفى
_ عوفيها مو تشوفين حالتها ومن البداية واضح ماتريدة.
تقرب عليها مسد على شعرها وأردف بحنان
_الي تردي يجرالج يا نضر عيني شعندي غيرچن..
ردت عليه عمتي بصياح
_لا والله على جثتي يلا تلغون شنو تفشلون ابن اختي والله والله اذا تلغي تطلگني ما ابقة يوم يمك.
صد عليها بصدمة وگال
_عوفي الطفلة بحالها واليوم وبهل لحضة تتصلين على أختچ وگولي الها مالهم نصيب عدنا.
طلعت من يمنة عصبية بحيث ما قبلت تحجي ويا عمي.
سـلر زادت بالبچي بحيث ما سكتت الا انطوها أبر مهدئة.
عمي ما فارقها گاعد يم راسها وعينة عليها
لحضات من الصمت سادت لحد ما قطعها عمي بكلامة
_تعرفين شگد أعزچن أنتِ و سلر؟
انتِ من كنتي صغيرة بعمر السنة تعوفين الناس كلها وتحضنيني لو تجين تنامين يمي كنتي تفضليني على عمامچ ومن تشوفين أبوچ تبيعيني وتركضين لحضنة.
كنت أكره طاري البت أتخبل من البنات بس من مشكلچياتچ وحيالاتچ حبيتهن وتمنيت البنت لحد ما صارت سلر.
رغم جمال اخواتچ وعمرهن بس ما تقربت الهن بسببچ انتِ وسلر اكو شي بيچن مميز وأحتمال لان بالايام الي انتِ يمنة من تشوفين الباب ينفتح وتدخل سيارتي تركضين علية.
وأحتمال لان قريبة من أمي.
والأكثر لان أبوچ يحبچ وهو أعز على گلبي.
بوفات أبوچ لو تذكرين ما نزلتي من حضني طول الفترة لحد ما صدموني بيت جدچ وسكتت لان أجدادچ موافقين.
يومية أروح على جسار أخذ اخبارچ منة لحد مازتوفة جدچ وشجعت بيبيتچ حتى ترجعچ النة بس الي رجعت مو سريانة مو لوعة أبوها الي تضحك للهوا لا رجعت وحده دومها منعزلة ما الها كلمة ويانة وتحچي كلام وللصدفة يتحقق هل شي خوفني عليچ.
أخذتچ لكذا سيد وبالاخير للأمير وهناك انصدمت بكلام بيبيتچ بس للصراحة من گلتي أعتذر منها اعتذرت والسيارة مشت.
بعدها بديتي بشغل ىغم تخوفي عليچ بس انت لا تسمعين حچاية ولا شي خليت الصانع مالتي هو يمشي وراچ لحد ما يوصلچ لمكانج ويبقة لحد ما ترجعين.
من هناعرفت بيچ تردين تاخذين حق أهلچ خاصتة بعد ما انهرتي گدامني وانت تگولين فلان وفلان وفلان وفلان هم قتلو أهلي.
بعدها فقدتي الوعي ومن صحيتي كنتي ناسية الي حچيتي
بيومها يلا عرفت الي قتلو أبوج يعني بفضلچ.
بعدها خطبچ ياسين وانتِ رفضتي وهل شي سعدني لان أبو قاتل أبوچ.
بزواجچ من ياسين رغم صدمتي بكلام أختچ بس ما صدگت لان مو سريانة الي تنزل راس أبوها بس سريانة هي الي أكدت التهمة عليها.
المبالغ الي طلبتيهن لو هو يعشقچ هم مينفذهن غيرة.
وهو موافق لحد ما حچيت وياچ وتأكدلي هل شي.
بعد فترة هو يتصل علية ويگلي بنت اخوك ما كاسرها ولا ماد ايدي عليها.
ثاني يوم اجى وسولف كل شي.
وعرفت مدا حبة الچ خاصتة بعد ما نقلچ وطلب واسطة.
يوم عن يوم اتأكد بياسين يحبچ ويريدچ.
بعد وفاتة انصدمت وبفترة سجنج وصل خبر قتلچ اله.
شگد حاولت اتواصل وياچ بس ماكو اختتفيتي لحد ما شفتچ بالمحكمة لان رغم صدمتي بس فرحت لان تاخذين حق الي ما گدرنا نسوي.
حتى لو تگولين انتم زلم ليش ما تگدرون أبقة أگلچ ثنينهم أخوتي وماعندي دليل غير كلامچ.
وللعلم تزوير شهادة الوفاة ما أعرف بيها لحد ما انتِ وعمچ گلتو.
رفعت راسي صارن عيوني بعيونة أبتسمت وحچيت
_بوقت أحتاجيتك وما لگيتك.
ضحكت ودموعي نزلت مسحتهن وحچيت
_تعرف بية مدمنة مخدرات لو تعرف بيه عندي أكتئاب او عوفك منهن ما تهتم بيهن تعرف بية احتاجيت أب وسند الي بس حتى يگلي اني يمچ بس هل كلمتين احتاجها بس تگول اني يمچ.
لهمت شفايفي وأردفت
_موتتني واني بالحياة، سويتولي گبر ههه كو ن من صدك يم أبوي مو بس رمزي حاطي.
شايف من رحت للمگبرة بس حتى أشوف أبوي لان جنت محتاجة حضنة الدافي وشفت القبر بأسمي ضحكت وضحكت وتمنيت صدك بي.
ضحكت وحچيت
_المهم أكلتها منكم انتم منافقين وهمكم أرواحتكم.
گمت بااتجاه الباب وگف گدامي وگال
_بنتي سرور والله العظيم معزتچ معزة سلر..
صديت علية وحچيت
_اذا صدك تگول ندمان أريد منك ثلاث شغلات واذا سويتهن أرجع نفس قبل وياكمبس ما اعتبرك بمثابة أبوي.
غمض عيونة وهز راسة حچيت
_شوگت تطلعون سلر؟
أبو مصطفى: باچر العصر ليش؟
رديت
_أريدها تجي يمي بشقة خالي.
صفن بوجهي لحضات وحچة
_تعالي يمها.
هزيت راسي وحچيت
_لا أريدها يمي، واذا على خالي هوَ يبقة يم مصطفى.
تنهد وهمس
_عد عيناچ بعد؟
خقيت الفرحة الي بگلبي وحچيت
_تفسخ خطوبتها ومحد يتعرض الها والصلح وية خوالي
والثالث مو هسة بعدين تعرفة.
أبتلع ريگة وحچة
_لعيونچ بوية.
أبتسمت وحچيت بهدوء
_تسلم عمو.
تقرب علية سحبني لحضنة حضني وباس راسي بهدوء.
أبتعدت عنة وحچيت
_ صار لازم أروح..
تنهد وحچة
_ براحتچ وباچر من تطلع تجي عليچ.
هزيت راسي وحچيت
_شكراً.
طلعت من الغرفة لگيت خالي واگف
تقربت علية وحچيت
_خالو اريد ارجع للبيت.
رد بهدوء
_ تعالي وراي.
طلع واني وراه وصل يم سيارتة فتحت الباب گعدت
واجة ياسين يسولف وياه بس عينة علية ومندمج بالكلام مع خالي.
اكثر من النص ساعة يحچون أخر شي خالي ابتعد عن السيارة وشمر السويچ لياسين واشر اله.
وياسين أشر على راسة وتقرب على السيارة صعد بدون ما يحچي
شغل السيارة ومشى ما تحملت حچيت
_شكوو شصاير؟
رد بعدم انتباه
_كل الخير، لا تهتمين.
سكتت بدون ما أرد علية وگف يم محل مأكولات نزل
أقل العشر دقايق رجع بيدة كيس أسود.
كمل طريقة للمجمع صف السيارة
نزلت وهو هم نزل كملت طريقي للشقة ردت أفتح الباب مقفولة تفاجئت وين المفتاح؟؟
صديت على ياسين وحچيت
_ا المفتاح يم خالي يمكن.
طلع مفتاح من جيبة وگال
_هذة نسخه فتحيها.
أخذت المفتاح وحچيت
_شتسوي بالنسخة؟
أبتسم بدون كلام..
أشر على الشقة بعيوني.
فتحت الباب ودخلت شمرت روحي على القنفة بعدم أهتمام صاح علية
_يارب الكح... طفل بداخلچ وتشمرين روحچ هيچ خيلة عاقلة.
صديت علية وحچيت
_مصدك روحك يعني؟؟
رفع حواجبة وأردف
_غصبن على راسچ هم، صيري عاقلة وبلا هل خبال لان هل طفل ابنچ هم.
گلبت عيوني وحچيت
_بالاول أعترف بي.
ولحد الان ممصدگتك.
گعد گدامي وگال
_ أشرح الچ شلون صار هل طفل لولا؟؟
رفعت حواجبي وحچيت
_ بدون شرح أفضل.
أبتسم وگام وگف گدامي تقرب ودنك علية گال
_ليش طلعتي بوخة.
غمضت عيوني حچيت
_اذا صدك حامل فـ هل طفل حرام لان اني متزوجة.
زفر نفسة بملل وگعد قريب علية أرتاكعلى القفنفة وگال
_أول شي عساف محرم عليج ويحرم دام تشمين هل هوا
واعتبر اني زوجچ ان شئتي او أبيتي، وهل طفل مو حرام بالعكس أبو الحلال بأصله وفصلة.
ضغطت على راسي بقوة وحچيت
_شلون فهمني، بأعتبار انت هاجرني ياسين..
أخذ اديني بين ادينها ضغط عليهن بهدوء وأردف
_ليش اني بيوم نفرتچ أو طلگتچ او تاركچ وحدچ يم أهلي حتى هاجرچ أذا لان ما بينة علاقة هذة بسببچ لا ردت أمتلگ گلبچ وروحچ وكيانچ وكل ذرة من جسمچ
رغم قربچ يچوي روحي وگلبي
شايفة من عندچ قطعة من الشوكلا نوع المفضل وانتِ كنتي تحلمين بيها لحد ما بيوم صارت بين أدينچ بس بشرط ما اتقرب منها تگدرين تبتعدين عن هل شوكلا لو تأكلينها؟
حبي الچ هيچ بين أديني ومقيد بس أحرك بگلبي بسببچ.
سرور عوفي الحرام اني حتى للسيد رحت وسألت ونفس كلامي گال وبالاضافة اذا بيوم لا سامح الله أطلگچ كل الزلم تگدرين تزوجين منهم الا عساف محرم عليچ.
وأبد ما يحقلچ تختاري بيوم من الايام.
طول ما هوَ يحچي متمسك بأديني رفع راسة ركز بعيوني أبتسم بهدوء مكمل كلامة..
_شگد رفضتيني وشگد أبتعدت بس القدر هو الي جمعنة
للصراحة أول مرة أمن بالقدر لان مبقيچ يمي.
قلصت عيوني وحچيت
_خوش لگيتها انتَ.
أبتسم بمكر وتقرب علية أكثر بلل شفايفة وأردف
_تصدگين من عرفت وشفت عساف مامتقرب عليچ اتمنيت أفتح گلبي وأحبسچ بي لا من شاف ولا من درة.
الخوف الوحيد ااي كان بگلبي وحلفت أنعل ساسة أذا متقرب عليچ لان مجرد شي يخصك وصار لغيرك يراد الها صبر..
وسيري اني انسان حبَ تملك يعني أندمچ على لساعة الي گلتي بيها أحبك.
رفعت حواجبي بهدوء وأردفت
_شوكت صار بينة علاقة أبد ما أتذكر؟
_تذكرين بيوم الي تقربت الچ بالصالة من حقنتچ وانتِ ركضتي اتقيئتي؟
رديت بهدوء
_اي اتذكر كمل
_بهل يوم فقدتي الوعي واذا تذكرين اني غلسلتلچ ومن صعدت ردت أغير الچ الملابس وبهل وقت رغم النار الي بداخلي ما فكرت أسوي شي.
بس الملعونة انتِ مجرد ردت أنزلچ على السرير ما قبلتي أبتعد أحتضنتيني لدرجة جبرتيني أمدد يمچ و نمتي على صدري صدمتني حركتچ من بعدتي راسچ وقبلتي شفايفي معترفة كلمة وحركة وحدة گدرن يكسرن ألف حاجز حديدي بينة وأنتها الامر بهل طفل الي مال عض هوَ وأمة.
مجرد كمل كلامة أحس روحي غرگت من گد ما خجلت أبتلعت ريگي وحچيت بگلبي
'الله يلعنچ سرور
قاطع تفكيري قربة مني وهمسة يم أذني
_تدرين شنو گلتيلي
أبتلع ريگة وأردف ،
_أختصرتي بعد المسافة بـ أحبك ياسين
حبي وأمتلاكي الچ برضاتچ سيري ما سويت شي من وحدي انتِ الي ردتي كل الي صار ينيتي.
بحركة لا أرادية حركت راسي و طخيت بي
ما أحس غير ساحبني لحضنة ومحتضني بقوة.
دفن راسة برگبتي مستنشق حركت كتفي لا أرادي
أبتعد للحضات وتقرب علية ملتهم شفايفي أبتلعت ريگي عضهن بقوة دفعتة بقوة وحچيت
_شبييييك أكو واحد هيچ يسوي؟؟
أبتسم وقلص عيونة هامس
_ألذ
عقدت حواجبي وحچيت
_مصدك كلش؟؟
هز راسة وسحبني وتمدد بعد ما همس بتعب
_يصير أنام مرتاح هل مرة؟
ما رديت علية وهوَ أحتضني بدون ما يعرف جوابي
لحضات وأبتعد عني دنك على بطني الي لحد الان ممينة وما حاسة بداخلها جنين..
باسها وماعرف شنو بالضبط حچة وأبتعد عنها محتضني.
ما أعرف شگد مر من الوقت وحچة
_ تقريباً عمري ست سنوات و أختي سنتين من والدي أنقتل
لحد هل لحضة أحلم بقتلة لان كنت شاهد والدي أنقتل على أيد أعز صديق لگلبة أنقتل مغدور من صديقة وعضيدة.
صادف يوم ممطر كئيب بوقتها رجعت من بيت جدي دخلت للبيت وشفت وسمعت الكلام الصار بينهم.
بوقتها والدي ما يعرف أمي والقاتل على علاقة حب وأبوها جبرها على أبوي لان أبن عمها.
والحقد والغل بقة بگلب صديقة لحد ما بهل يوم أعترف بحبة لأمي وقتلة گدام عيوني اني وأمي.
بس الصدمني امي خافت على القاتل.
بهل وقت گعدت ميساء وهي يمهم بچت بصوت عالي ومن شافت والدي گدامها زادت بالبچي دخلت للصالة حضنتها أمنعها وأحاول أسكتها.
بهل يوم ياسين أنكسر وانهدم وانذل.
والصدمة الكبرى سبب وفاة والدي هو حرامي طفر على بيتنة.
بعد مدى هل شخص يجي للبيت وأمي تنفر منة لدرجة بأخر مرة هددها بية وذبحني من رگبتي لو ما أمي توافق على الزواج منه بعدني.
بسبب هل فعلة فقدت صوتي ما يقارب الثلاث سنوات وبعدها رجع من وحدة بس حقدت وكرهت أمي.
بهل وقت أمي تزوجت عمچ القاتل أبوي وعاشت وياه عيشة هنيئة.
ما فكرت بية او بأختي مجرد حصلت على حبها.
فكرة موت والدي قتلتني وشلت كل افكاري
سادس أبتدائي دخنت جگاير و ثاني متوسط أوكف بالباب اتحرش في سبيل أهدم سمعة عمچ.
سادس أعدادي احتسيت المشروب ومشت حياتي لحد ما صرت بالكلية أبتعدت عن كل هل مكسرات بس بقن متعلگات بية.
ميساء كبرت وشكلها تغير وبدت أجمل وبهل وقت شهدت تحرش عمچ بيها بس الي كان طفل واغتالو أبو وما گدر يسوي شي
هل مرة گدر ياخذ حق أختة كسرت أيدة.
وندمتة على الساعة الي فكر يتحرش
و الي صار ابن عمي خطبها وعمامي أصرو ياخذوها
للصراحه اقتنعت حتى أبعدها عن عمچ.
بعد ما تأكد من عدها ما تحب أحد وافقت وقنعت جدي اقل سنة تم كل شي وتزوجت واستقرت بس بعد سنة و أقل من زواجها عمچ قتل زوجها وگدام عينها.
ومن هل يوم بعد ما شفنة ميساء حلفت ما تدخل البيت.
استقرت عد عمامي هي وعائلتها.
كل يوم أشوف روحي بالمراية المح أثر الذبح الي لحد هل لحظة خاط.
تذكرين بيوم گلتلچ أول قضية الي كنت اقصد تاخذين حق والدي.
ثنينة أغتالو أهلنة.
سكت ما زاد كلمة وحده بس حسيت رگبتي أبتلت..
غمضت عيوني للحضات وبادلتة الحضن.
ابتعد عني ورفع شعر ذقنة شوفني اثر الذبح دموعة المبللة وجناتة كسرن گلبي مسحتهن بيدي وبوست أثر الذبح
ضحك بصوت وسحبني لحضنة
_ لو اعرف هيچ تتعاطفين كان من زمان مسولف الچ
دفعتة وهو ضحك بزيادة وحضني بقوة باس راسي بقوة وگال
_افييييش ياريحتچ يا ترياق سمي
أبتلع ريگة وكال
_تدرين ليش الله مطيح حظي وياج؟؟
أبتسمت وحچيت
_لا ليش؟
تنهد وسحب نفس من شعري وگال
_ لان كل شي على النيات ترزقون وانتِ كل نياتي يتبع..
_توقعاتكم للحلقات القادمة
_رأيكم بالحلقة
تتوقعون شنو الطلب الثالث لسرور؟؟
_سريانة
_ياسين
_علي
_سلير
أتركم بأمان الله 𓅙🖤