تحضى نار قلبي

حلقة: السابع والعشرون

تحضى نار قلبي
حلقة السابع والعشرون
.
.
.
.
.
.
.
. كل شي يزداد عند حده ينقلب ضده

. دنك علية وعض  اذاني بخفة وگال
_ تجرأ ولمسچ بيدة، وللعلم سيري الكدامچ مو گرن وأقبل يحچون على عرضي لو يتهمونة بقضايا كحا..

والله اذا ما اسجن نادية ام اللبن بتهمة ان....  فلا اطلع ياسين  اذا ما اخلي  العراق كلة يعرف بيها تك....  واختچ المن.... اشر سمعتها على الحبل اخلي الرايح والجاي يستخدمها لحاجاتهم.

بالهداوة انتقم من كل واحد  حتى خوالچ الكو...  حاسب حسابهم.

دفعتة وحچيت
_ ما الك حق لا تدخل بخوالي ياسيييين

رد
_اي مو كوا..  شلون ما تفازعيلهم.

سرور: هذولة أهل أمي ما مأذينك بشي ممنوع تتقرب الهم.

ضحك بستهزاء وأردف
_ وداعتچ  أكرهم كره الحية بالاخص هذا السرسري عليوان الي خابص نفسة ومسوي روحهة شي مهم وكل حچاية والثانية علويتي علويتي من  نار جهنم احتوتة وخلصتني منة
الكره الي بگلبي اتجاها مو طبيعي  من قبل لا اتزوجچ يبيع ثگل ابو الهلس.

فتحت عيوني على كلامة وحچيت بعصبية
_خالي ما عليك بي تغار منة  كلش احبة ياسين تعرف شنو احبة هذا بمثابة اهلي كلهم الوحيد الي يفهمني ويعرفني وما يضغط علية لان فاهم تفكيري وحياتي...
لحضات وما احس  غير رافع حنچي بيدة وملتهم شفايفي بقوة
بحيث حسيت بطعم الدم نتيجة العضة..
دفعتة بقوة  حطيت أيدي على شفايفي وحچيت

_مخبل والله  ليششش اكو واحد هيچ يبوس يالمشرحچي.

حط ادينة على وجهة وگال
_ لازم  أبو الحلگ الجايف يبوس  احسن

فتحت عيوني بصدمة وحچيت
_ياسييين شبيك

رد بهدوء
_البوسة بهل طريقة الذ.
لاتقارنيني بـ أبو حلگ الجايف سيري.

سرور: مشرحچي خبل وداعتك.

ياسين: عرفت الخبال بيوم الي تزوجتچ بي أم الاعشاب لا عبالچ ما أعرف ما تعبر  علية الحبة عقربتي..

رغم صدمتي حچيت
_ورب العزة كان سويت الاسوء لان مجرد الفكرة تخطر ببالي او يرجع المنضر ببالي مدي أخذ رووحك وداعتك.

بعد أيدة ورفع حاجبة باابتسامة ماكرة
_ وشنو الي تغير بهل وقت حتى وگفتي عنهن.

ركزت بعيونة  وحچيت
_لان انتَ مبتعد عني، وكان كل همي ما تتقرب لان انقرف من قربك.

أبتسم درجة وضحن أسنانة
تلمس حاجبة وأردف
_يخرب بيت صراحتچ، لهل درجة تنقرفين الي يسمعچ يگول كاتلني الكطل والجيفة تارستني.

رفعت حواجبي وحچيت
_بالعكس بهذاك الوقت اتحمل هل هل شكولات ولا أكابلگ لان جد انقرف  مجرد فكرة انتَ و نورس مسووين علاقة ايييع  التفكير وحدة يقرفني منك تصدك.

ياسين: من هجم بيت البانيا طلعي الي بگلبچ سيري

سرور: هو هذا وبس.

رفع نفسة و مط جسمة تلمس ذقنة وگال
_ هذا قبل  بزمن راح قبل سنوات وهسة القرف بعدة! لو اتغير..

نهة كلامة مشخص نضرة بعيوني

لهمت شفايفي  وبعدت نضري عنة حچيت
_تگد تگول أحترمتك.

_والاحترام شنو دخلة بالقرف والرغبة!!

سرور: ما اعرف.

دك جهازة  فتح خط  و الاول مرة أعرف عندة طلاقة بالانكليزي
لدرجة  مافهت  ولا كلمة منة يحچي بسرعة فضيعة طول ما هو يحچي صافنة علية ختم كلامة بـ حيـا ك الّلـه

فتحت عيوني وما گدرت ما أحچي
_شلون تحچي انكليزي وختمتها بـ حيـا ك اللّـه.

مدد وحط أيدة على عيونة وگال
_بكل بساطة و ما راد الها تفكير ما أريدچ تسمعين إلي حچيتة وتعاجزت اغير مكاني.

رمشت أكثر من مرحة وحچيت
_لعد شكد حقير رحمة لـ اللّـه

رد بصوت متعب
_لعد شلون ترضيها أعوفها بس الچ!؟

تركتة وصعدت وماكو حچاية ما حچيتها علية بگلبي.
فتحت باب الغرفة مددت  على السرير وزفرت نفسي

تلقائي اجى ببالي عساف شصاير بي و رجع من بغداد لو لا!
غمضت عيوني قانعة نفسي
_بسبب غبائة صار وياي كل هل مشاكل.

صديت على الصفحة الثانية ارتاكيت بعدم انتباه  و روحي شاغت
گعدت  بسرعة واشوفها  ماطالع الدم  بس ألم.

تمددت على ضهري وعوزي  أبچي.
زفرت نفسي وحچيت
_دخيلك يا الله  تعبت حيل..

رجعت ذاكرتي ليوم عرسي من عساف
سولف كل شي لـ بيبيتي حسيت لازم تعرف بكل شي استثناء ياسة بنت أرفد وملك..

رغم تعرفني مو حابة هل زواج  لكن ماتركتني  وبقت تحچي  وياي..

زفرت نفسي بهدوء وادعيت الابتسامة.
قبلت راسها حجيت
_ربي يحفظج الي ما اعرف حياتي كيف تكون وانتِ مو بيها..

مسحت دموعها بشياتها
و ردت بنبرة بكاء..
_يبعد بيتي بخلافج ياهو الي، اتراجعي يبنتي الي تسوي غلط انتِ بعدج بعز شبابج لاتخربين حياتج يبعد بيتي بيتج.

تقربت عليها اكثر تلمست اكتافها مبتسمة.
قبلت عيونها الاثنين وحجيت

_يا روحي انتِ والله حبيبتي لاتخافين نامي وبالج صافي هل طريقة تخلصني من هل مكان وهم اگدر أخذج يمي بدون ما أحد يعترض على شي..

ردت
_ بنتي انتِ شتحجين غير اريد اشوفج گدام عيني اريد احط راسي على المخدة واغمض عيني مرتاحة.
مو افكر ببنيتي شصار ما صار وياها.

حضنتها بقوة وحطيت راسي برگبتها أتمنة كل الي امر بي حلم او وهم اوهم نفسي بي.

زواجي من عساف كان أبسط شي ونفس منگول واعي وكل همة حرص على أمانتة بس ياسين شخص ماعندة ذرة خوف وخجل او تأني  الي يريدة لازم  يحصل علية مهما حصل.

الشبة بين ياسين وعساف خرافي  بالاخص من العيون والجبهه..

زفرت نفسي بقوة أبعد هل أفكار الي ما الها معنى مجرد شاغلة حيز من تفكيري.

اخذت مخدة وحطيتها على راسي أجبر نفسي على النوم.
مر وقت وماحسيت غير غافية..

لليل حسيت على  ياسين يخابر يمي ويگول
_لا ما أگدر انتِ تعالي
لا يول باباتي شعندي غيرچ
هسة مانخلص من هل بچي؛
يابة تعالي لكربلاء واشوفچ بمكان مابي أحد بس اني وياچ وابن أمة الي يعرفچ بالاخير انت متغيرة وزايدة جمال.
ولچ خصمي الموضوع وتعالي  ما لچ دخل بيهم.
حياچ الله يبا.

غلق الخط وياها والي فهمت انو الي يحچي وياها بنت!؟
حسيت علية يصحيني

فتحت عيوني أشر  وگام.
بمعنا تعالي وراي..

ضغطت على أيدي بقوة وگمت ورا
نزلت الدرج  وگف بنص الصالة  دنك على الميز الي بالنص  وصد علية.
تقرب وگال 
_شلاحتچ من تسمعين الكلام سيري

رفعت حواجبي وهو دنك لرقبتي دفن راسة وهمس
_يحلوتي انتِ الي تسمع الكلام بنياتي.

لحضات وأحس على نغزة أبرة برقبتي  دفعتة وحچيت
_شبييييكككك تخبلت شنو هاااي!!!!

أبتسم وهمس بفحيح
_ابث الادمان بدمچ واخفف منه جرعات متناسبة مع حالتچ.

رمشت أكثر من مرة بحيث  صدمني كلامة شنو من انسان عديم الروح؟

ركزت بعيونة وحچيت
_شگد أناني رحمة لـ الله.

أبتسم وغمز
_ أكبر أناني بواحة كبرياء حبة.

ضحكت بستهزاء وحچيت
_مصدك نفسك وفوگاها كبرياء يا ما شاء الله على هل كبرياء الفاشل.

والله احتار وياك بس انت حقييييييير على هل سالفة.
ياسين انتَ مريض نفسي.

تهمهم وأردف بسخرية
_طبيعي لعيونچ أروح أتعالچ يم خالچ المتفزلك.
لج باباتي ماتسكتين ليش هل كلام.

عفية عراقيين لو مسحور يم أم جبار لو مريض نفسي ليش ماتگولون هو هيچ طبيعتة هيچ  يابة لاتتعذرون لان ماكو شي أيمة مريض نفسي ومسحور ولازم الكل سواسي.

گولي أكو مستحوويين.

رفعت حواجبي وحچيت
_ والنوع الثالث يضبط عليك انت.

رد بهدوء
_ ليش أني سيري وما أعرف!

لحضات وألم بمعدتي وبطني  حسيت بلعبان نفس
ركضت للحمام تقيئت.

غسلت وجهي و رجلية وطلعت.
لگيتة وأگف ينتضرني  مجرد شافني گال
_أغتسلي احسن.

باوعتلة صفح وتعديتة.

شمرت نفسي على القنفة ودموعي نزلن احس شراييني تتمزق والخنگة بنص روحي أريد أبچي وأصرخ بصوت عالي..

حضنت جسمي وضعية الجنين ودموعي تنزل بهدوء عكس الي بداخلي..

رجفة وبرودة مو طبيعية بجسمي
لحضات حسيت علية  غطاني

دفعت الغطة  بدون كلام.
اقل الدقيقة وگال
_ست هانم گومي عوفي النعوصة، وراي طلعة.

اتجاهلتة ما رديت علية و لحضة ما احس غير ضاغط على الازرار من شوغتي صحت بصوت عالي
_ شبيك يالله.

رفع حاجبة وحچة بعدم رضا
_لا تاكلين تبن، وگومي مالي نفس اناقشچ.

رديت بستهزاء
_لا عليك الله  لا أشو الا تتناقش  ما أقبل بغير هيچ.

ما أهتم الي  سحب أيدي وفتح الضماد  صد على الميز
فتح علبة  بيها سائل شفاف حطه على القطن وتقرب  تمسك بمعصمي وحط القطن على أيدي  سحبت أيدي منة   ضغط عليها بقوة

ما تحملت حچيت
_مو كافي لعب شبيك  ترا تأذيني بشكل مو قانوني  شايف الضربني و بكا وسبقني واشتكا انت هيچ فوك شينك گواتها لعينك.

رد بستهزاء
_ليش يايبا شايفتني شمسويلچ!

أبتلعت ريگي وحچيت
_ تعاقب وتلاطم بالاشي.

رفع حواجبة أردف
_الي  يسمعچ يگلك  معاقبچ وحاطچ  . الحمار الإسباني تخيلي  تگعدين علية  وهو عبارة عن سكاكين صغيرة و انتِ ومجرودة من كل ثيابچ وشرط معلگين برجليچ اثقال تخيلي شلون  تنقسمين اثنين.

فتحت عيوني وحچيت
_لا والله مخبل رسمي

كمل كلامة ما مهتم لكلامي
_لو ختان تخيلي سابقاً كانو يعاقبون البنات بالختان في سبيل يقللون الرغبة وهذا عقاب دارج بلأونة الاخيرة.

سرور:  وشنو يستفادون الله يقصفهم  لعبان نفس والله

رد بعدم اهتمام
_ادوات قديمة ونتيجة هل ختان هو مشاكل لحد ما بنهاية الامر تموت.

هذا بسيط  مقارنة بـ منجل الاثداء  يصير شكل شوكتين حجم كبير مستدقتين ومتناظرتين  يستعملن لبتر الاثداء تماماً من الجسد  واغلب الاحيان يسهلون عملية البتر بتسخين الشوكتين
  وهل شي يساعد على تشويه الجسد ويستخدمون هل  عقاب لكل أمراة تحمل خارج اطار الزواج او الخيانة الزوجية وحتى ممارسة الج.. تخيلي انتِ تزوجتي غيري وهل عقاب يناسبچ بس أكو أضبط هم عقاب وهم فائدة.

نهة كلامة بضحكة

شديت على أعصابي وحچيت
_ اشك بالعقل عندك.

تهمهم وأردف بمكر
_التعذيب الج... والاغتصاب  هذا عقاب لطيف  وخفيف متعة وتسلية بس هاا من نوع آخر و أضمن الچ الاستمتاع شرط ما تقاطعين ولا تحچين.

يعني صم بكم.

غمضت عيوني وحچيت
_ هستوني تأكدت بفشل العراق.

ياسين: يعني!

هزيت رأسي وحچيت
_لان ملفين مشرحچي نفسك.
انتَ المفرض بمستشفى الامراض العلقية.

ياسين: شنو تترجين من شخص مگابل الموتة وگاعد لو بيدة  حاط مشرح ويشرح!  حالات بس الله يعلم بيهن بيدي شرحتهن.

عوفچ من التشريح زين من توگفين وتشهدين ب،  أعدام شخص كانت الدنيا كلها تخاف وتهاب منة وفجئا هل قوي زمانة وگف عد عداد الموت وبدأ العد التنازلي لحياتة.

بهل وقت تنعرف
الحياة مجرد لهو ألهو  وافعل كما تشاء وبالاخر عزرائيل يرحب بيكم في دار السلام.

سرور: شدعوة هل گد قاسي ما عندك رحمة ولا حياء

ياسين:  هو إلي يشوف  الي ربا گدام عينة ينفذون الحكم علية تبقى بگلبة رحمة!

تخيلي واگفة حتى تشهدين على اتمام الحكم بالشرع والقانون مابي مخلفات  وهل شخص الي محطوط گدامچ هو إلي رباچ  وبأواخر سنوات صار يتملعب بذيلة تحنين علية! اكيد لا

لان بنت أخو هيَ سعت لـ أعدامة.

بهتت ورمشت أكثر من مرة
أبتلعت ريگي وحچيت
_ييعني انتَ انتَ هم جنت موجود!!
اني ماقتلت مجرد أخذت حق أهلي  منة مو هو الي قتلهم  ليش ما يتحاسب  بس يحاسب وكل قوي لزمانة.

ضحك بصوت مرتفع وأردف
_تصدگين اتمنيت أسمع منچ هسة تگولين  اخذت حقك انت وأهلي بس دومچ انانية ماتصيرلچ چارة.

گام وگف ودخل للغرفة مقابل الصالة.
زفرت نفسي بضيق هذا والله يتملعب زايد.

رجعت مددت على القنفة  لحد  ما غفيت
حسيت على صوت جهاز يمي يدك.

اخذتة من على  الميز  وگمت، تمشيت للغرفة دخلت  فارغة  وية ما ردت أطلع  صار بوجهي.

أبتعدت عنة  وحچيت
_جهازك صرعني بس يدگ...

أخذة مني ومشخص نضرة علية.

بعدت نضري عنة صارت عيني على كتفة واشم الثور المجنح شكلة يشد لان غريب نوعاً ما..

وأيدة من العضلة واشم شوائك على دائر الايد
وبمنتصفها  عامودي كاتب كتابة مامفهومة.

غمضت عيوني  وطلعت بدون ما احچي شي.
مجرد صرت خارج الغرفة غميت نفسي.

صعدت لغرفتي  مددت وغلقت الاضاءة.
ماخليت حچاية ما حچيتها علية.

زفرت نفسي وحچيت بضجر
_ليش اخلي نفسي بهل غباء يا الله.

ما أعرف شگد مر من الوقت وسمعت صوت الباب الخارچي يندك
نزلت  لان. شكل ياسين يريد يطلع قبل لا أصعد

مشيت لباب المطبح شفت ياسين فتح الباب ودخل منها مرتضى.
رفعت حواجبي بستغراب معقولة  يعرف بياسين عايش!؟

هزيت أيدي وحچيت
_واحد زاني والثاني عينة على زوجة أخو لا هايهية شلون ثنين والله اشك بـ عساف هم عده سوالف لان ما معقولة الي يصادق هذولة ما ينحرف.

تركتهم ودخلت للصالة.
تقريباً ربع ساعة بالضبط وصار صياح بينهم
طلعت من باب المطبخ  اتصنت عليهم ماواضح كلامهم
تدنيت اكثر  نهاية ممر المطبخ على الحديقة وحاولت أركز وياهم  لحضات وأنصدم بكلام مرتضى

_ولك عضيدك هذا مو من يوم ويومين علاقتنة من سنواااات  ناكل ونشرب ونفرح ونحزن سوااا تالي هسة هيچ تسووووووي بي ولك حراااام حرام على مود بنية  هيج تسوي

شنو عفت للجهال اذا انت العاقل  مالتنة  گتلت صديقك وعضيدك  شنو الي اترجا منك   بس اذا عدها عقل سرور ماتبقى ويا واحد ماعندة  رحمة

  وگدر يگتل صديقة الي اتربا وياه وأبو الي ربا  وأخو من أمة  حسافة عليك ياسييين حسافة طلعت نذر ومستحوش  ماعندك ذرة رحمة   لدرجة تعاطي زوجتك على انو تعاقبها

ولك لو صدك تحبها ما عفتها  وادعيت موتك، اذا بگلبك القاسي ذرة من الرحمة اترك سرور لان حرام الي تسوي تموتها على البطيئ، التعاطي يدمر ويموووووت مو يضعفها ويخليها خاضعتلك يا أفندي.

ياسين: اذا خلصت تفظل برا.

طلع مرتضى  وسد الباب بقوة درجة فزيت.

دخلت للصالة وگلبي يرجف اني الي جنت متوقعة  هو يعالجني تالي يعاطيني!
ابد مو ياسين هيچ ابدد

لحضات دخل ياسين شكلة ما بي ذرة رحمة
عصبي لدرجة بياض عيونة أحمرر

ما اتحملت ما أحچي
أبتلعت ريگي وحچيت
_ اننتتَ ما قتلتتَ صحح..

ركزت بعيونة أريد يجاوبني بـ اي بس الي صار أبتسم وتقرب علية  حچة بصوت واحش
_ بيدي قتلتة  أخذت حقي منكم مو ياسين إلي يترك ثأرة.

أبتعدت عنة وحطيت أيدي على حلگي  وجسمي يرجف
_كذذب والله تكذب انتَ ما تقتل بس تخوفني مو اي بس تخوف  ياسين ما يقتل.

تمسك بـ أكتافي بقوة وحچة
_لا يقتل  وياخذ حيفة هم.

حاولت أدفع بي واحچي بصياح
_ عوفني اخخخ أيدي ياسين أيدي عووفني انت مو طبيعي والله  أبتعد

ميل راسة خازرني  تمسك ببكفوفي بـ ايد وحدة وقرب أيدة الثانية من وجهي تلمس دموعي وحچة

_هل دموع كلهن على مودة!!
تحبيي احچييييي  تحبييي ليش هيچ تبچين علية  أكيد شلون ما تحبي وانتِ تزوجتي.

   تلمس فكي وضغط علية بقوة وحچة بفحيح
_تمنيت هل دموع ألي تمين أشوف حبچ الي تمنيت تحبيني تعرفين شنو يعني تمنيتت تعترفين بحبچ الي بس لا ست سيري تنقرف مني مو هيچ لو لا احچييييييي

تمتمت بغباء وحچيت
_اي اي انقرف منك لا عبالك انسا الي صااار

دفعني بقوة على الحايط  وطلع من جيبة    سكين ياي
ضغط وضهر السكين  حطة مقابيلي ويمشي تقرب علية ميل راسة وگال
_هسة أشوفچ الي ينقرف مني شيصير بي.

أبتلعت ريگي وانفاسي متضاربة  وحچيت
_يياسسين لا هيچ   يياسس.

بعدني ممكملة أسمة وما احس بي غير متقرب علية وضربني بالسكيت من شدة الألم صحت بصوت گدر يخترق الحيطان..

نضراتة الشيطانية عبارة عن لون أحمر وخازرات  وشد أعصابة واضح..

سعلت  وهو  ابتعد عني
وگعت على الارض حاطة أيدي على بطني الي اخترقتها السكين  انتفض جسمي وذاق نفسي غوشن عيوني والحرارة احتلت جسمي بعد ماحسيت على شي حسيت هذه هي نهايتي يتبع..

_توقعاتكم للحلقة القادمة

_رأيكم بالحلقة.

حسابي الانستا organza _3
او اورجانزا الطائي يطلع الكم أول شي 🖤

شكراً لكلامكم وطرح رأيكم بالفقرات