بعد شهرين
حاذق.
احس كعدتنه فارغة من راحت وهم لليوم مشتاكلها موت وهي بس تنشر ستوريات وجها لو جسمها
ماتراسل ولا احنا نراسلها خاف اهلها ميقبلون لو تنشر لازمة ايد رجال وتسوي تاك لادم اخوها لو حاضنها وتابعته هو بعد يوجه تاكاتها ويكتب بنيتي
لو تنشر فيديو وادم عافس خدودها يبوس بيهن وهي تضحك واني انسمط من الحمس
نظر: يا والله وحشة على وهم
من سافرنا ماحاجي وياها
هيل: طبعا شافت كل هالفلوس تريد نضل ببالها كل عقلك انت تشاهد ستورياتها؟
كحيلة: هسة لا تضلوموها ما نعرف ضروفها
هيل: شجانت هل ضروف الي شهرين ماتخليها تتفضة تحاجي اصدقائها من الطفولة ولا رسالة ما دزت
: هسة كافي جبتلكم خبر بمليون
كحيلة: انت حامل؟
: ربي فدوة اكض لساني
هيل: هسة دحجي فضنا
: وج وهم جايتنا ليوم
هيل: جذاب
: شنو ولج جذب اصغر جهالج اني؟
كحيلة: اي لو ذاكرين 100 دولار جان اجت
نظر: عود خذيهن من وهم عدها هواي
: يالله فد شويا وراح تجي صارلها نص ساعة من كلتلي
هيل: وليش طولت نص ساعة لي ما تكللنا شنو جنت تتعطر دتشوف العينتين؟
: اي بالضبط موتي قهر انتي سنكل ومحد بحالج
باوعتلي نظرة ودارت عيونها تفر بحلكها
شويا وتوكف سيارة رانج بباب البارك ونزلت وهم منها اباوعلها متغيرة 180درجة الملابس المشي المكياج لدرجة بالبداية ما عرفناها
لابسة بنطرون كابوي وكافلته من الاسفل وقميص شيفون ابيض وبيدها السويج وجنطة نوب لابسة نضارات ودتضحك
اول ما اجت بقينا صافنين تاكدنا انها وهم رحت ركض عليها ماسيطرت على روحي حضنتها بقوة صار راسها يم كلبي صرت اشهك بعطرها
شالت راسها من صدري ابتسامتها نفسها ما تغيرت لزمت وجها بيديا ثنينهن بست خدها باوعت شافت الشلة
وهم: نظر ولك هاي شوكت رديت؟
نظر: من زمان والله بس انتي الماتسئلين على احوالنا ولا عبالك عندج ربع
هاي شنو سمعت طلعتي مليونيرة ولج شنو هالتغير هذ معرفناج
: شفت طيحان حضي
: ياريت حظي يطيح مثل حظج لعد
: لا يغركم المنظر ترا الشي الوحيد الصار زين من رحت لهسة اشتريت ايفون
هيل: ها ليش شكو؟
: من اول يوم طبيت لبيتهم تعاركت وياهم وكبت العيطة وللان ما متفاهمين سوا بس عادي ادم بضهري شكد اغلط يكول عوفوها هيهيي
حاذق: عيطة ويا منو؟
: ويا اخوتي واختي الكبار قيصر وحيدر وهرم ميحبوني الكلاب بس ادم خطية يحبني هواي مايصيحني الا بنيتي ويجيبلي شنو احب الباقين طبهم مرض ميهموني والله الحمدلله ماعايشين ببيتي
نظر: واو ماخذج الواهس زايد شو صار كل ذاك القصر بيتج لعد والباقين
: مو هما يكرهوني لان امي سجلتة هوا والشركة باسمي وهما ضاجو يكولون تعبنة بيها وانتي اخذتيها هما جذابين اصلا قيصر عايش كل عمره بالبصرة حت لمن جانو اهلي مسافرين وحيدر ما فايتها ولا يعرف مكانها وين وهرم وياهم وملتهية بالمرضة مالها
: اي وليش ما جاي نشوفج بالجامعة شنو نقلتي؟
وهم: لا والله تركت هالسنة
: لابربج لييييش؟
: اول شي كومة دروس بالبداية راحتلي من المشاكل الصارت شي ثاني امي رادت اترك هالسنة على مود سنة الجايا اقدم على الادارة والاقتصاد دروح قسم ادارة الاعمال حت من اتخرج ادير الشركة مالهم
نظر: انطيج اهلي وتنطيني امج؟
: خذها مااريد شي بدالها هههههه
: ولج كل الي تسوي علمودج وانتي هيج تحجين
: حقك انت ما عايش معاها ما شايفها بس نص ساعة اكعد معاها يوم واحد وشوف شلون عايشة
كحيلة: وليش جنتي مختفية شهرين بدون صوت
وهم
تربعت وياهم وبديت احجي
اول يوم من طبيت مسوين حفلة بالبيت وعازمين عالم بكد الدود لدرجة البيت والحديقة وطابق ثاني متلو بس اختنكت من الهوسة وامي خلتهم كلهم يروحون رحت لغرفتي داارتاح من الفر النهار كلة واني اتسوك
اجت مرهم تنام يمي لان اول يوم ما متعودة انام هناك وليل كله ما نمته بال12هم علكت الهوسة قيصر وامي تمالخو ع مود الشركة
وحلف بطلاك زوجته ما تصير باسمي لان امي تحب زوجته هي بنت صديقتها واخوها مع ذالك امي ما قبلت تكسر كلمتها وتخلي الشركة تتقسم بالعدل وكالتله طلكها يطبك مرض
وهوا عندة جهال 2 وهوا بدا يحجي ويصيح يكول هيا جاهلة ما تعرف تدير شركة وزعطوطة كل عمرها 17
داانزل بالبداية مرهم كالتلي ابقى لا تنزلين لان راح تنعلسين وتركتني ونزلت ركض واني اسمعهم شيحجون
امي تكول من باجر اغيرها نفوسها لاسمنا واسجل الشركة والبيت باسمها واذا بيكم رجال يكول اني زلمة ويوكفني
قيصر: بس احنا لنا حقوق حالنا حالها هيا مو وحد عنا
: حقوقكم شبعتو من كل عمركم هي ماشافت شي من العدنا انحرمت هواي ومااريدن احرمنها بعد وباجر اني اخذها ونروح نحول اسمها من وهم جبل الى استبرق صدام وبهل وقت انتو تتنازلون بالمحكمة عن حصتكم بالبيت والشركة وهي راح اخليها تتنازل عن حقها بالبيت الثاني والمزرعة وتقاسموهن انتو
: تريدين احنا 5ببيت ومزرعة وهي وحدها ببيت وشركة ما راح اسمح بهل شي
: غصبن عنك والا اتبرى منك بالقانون وما تاخذ شي
واني على صوت الحجي عليا والمسبة من قيصر ماخلى اي قصور ابد ضل يحجي عليا ع اني جاهلة وطفلة وطماعة اني ما تحملت ونزلتلة ولساني رداح
: انت شنو محد مالي عينك جاي تصيح وتهوس براسنا شمالك؟
قيصر فتح حلكه وعيونه باستهزاء مستغرب مني
: انتي جاي تحجين وياي ولج؟
: لا تكلي ولج مو جاهلة اني هم انت منو انطاك الحق تكعد تحجي عليا بهل طريقة اني مااريد شي منكم لا فلوس ولا بيت ولا ابد انتو الجيتوني احب اذكرك بس
مرهم تحاول تسكتني وطلعني لغرفتي بس ما تحملت حجيه نرفزني
وهو تصنم من حجي ويا بحكم هوا الاخ الاكبر وتربا بالبصرة
قيصر: كصري صوتج لا اكطعه من الدنيا بكبرها
: تكطع صوت منو بابا بس لا مصدك روحك
كلتها اهز بيدي باستهزاء شو قيصر شال ايده ودايضربني راشدي
عاد قيصر ضخم وعمره بالاربعين ايده اكبر من وجهي لمن راد يضربني اني غطيت وجهي خايفة حت لا انطخ بس صادفت وفات ادم مسك ايده بسرعة عاط
ادم: هااي شبيييييك؟
قيصر: شنو شبيك لسانها اطول من كصيبتها يرادله كص
: تكص لسان منو قيصر
دير بالك ها تفكر تمد ايدك عليها انت الا اي احد ثاني
: انا اخوك الجبير لك
: على راسي بس خواتي خط احمر ما تدناله مية مرة حجيت لا انت ولا الاكبر منك شحده احد يحاجيهن
ندار عليا ادم وكال خمو سوالج شي؟
هزيت راسي يعني لا
ادم: خوش لعد يابة طلعي لغرفتج نامي هسة واذا احد ضوجج اتصلي عليا بس
هزيت راسي يعني اي وطلعت لغرفتي وكفت ع الدرج
كمت ارفع حواجبي لقيصر بابتسامة نصر حسيت خليته يكفر وحسيت انو ادم سندي بهل بيت هوا ومرهم وديانا
وثاني يوم رحنا لمكانات كومة وخلتني اوقع كومة ورق حت دااخذ الشركة مع اني ما ردتها ورادت تغير اسمي كتلها مااغير اسمي لاستبرق ما حلو ثكيل
وشي ثاني اسمي راهم ويا خواتي هرم ومرهم ووهم يعني نطلع نايس واقتنعت امي بس غيرت الباقي رجعت للبيت تالي وكت ومنا ورا الاكل ثاني يوم جاية مرة تعلمني الاتيكيت اجيت يم مرهم الافر بحلكها
: منو هاي؟
مرهم: مدام سعيدة
: وشتريد؟
: تعلمج الاتيكيت
: وليش يعني؟
: هيج طخ ببال امج
والله لو تشوفين شسوت بيا هاي حت من رحنا لاسبانيا لحكتنا عجوز البان الا تعلمني الاتيكيت خلت حلكي يتشعوط بالجاي تكلي لاتشفطيه لعد شسويله
: يااا
: اي والله لوعت كلبي وما عتقتني الا تعلمته ولا تحجي فصحى على اساس مثقفة صخلة لابسة حجل
: اجيب حقج من عيونها بس صبري
كلتها ورحت يم امي
: منو هاي مام؟
ديانا: مرة من الطبقة المخملية اسمها سعيدة من المغرب
: واني ضايجة من العصر عاااااا
مرهم رادت تخبي ضحكتها بس ماكدرت
سعيدة: هذ الصوت الخرج من فتحت فمك لا تقومي به مرة اخرة
: حاضر ايها المتنبي
مرهم فحطت بعد ما تكدر
سعيدة: يا سيدة ديانا ابنتك تحتاج ل5سنوات حتى تتعلم الاتيكات
: خالة اعرفي كوليها عدل اول
امي كزت ع سنانها: وهممممم
: يمة صدك جذب جايبة وحدة تعلمني الاتيكيت شنو بالعصر الاموي احنا جايا اعيش بقصر سندريلا اني؟ احط كتب على راسي وامشي فد نوب
امي: مجرد بعض الحركات حت لا تنحرجين كبال احد
: ماانحرج كبال احد واساسا تصرفاتي ماابدلهن الخاطر احد والله
: دجربي بس مرة وحدة ع الاقل
باوعت لمرهم تضحك وتاشرلي كملي كملي
اول شي سوتة المرة جابت قماش صغير ورمتها بالارض وكالت
: كيف تحملينها من الارض اريني
عاد اني والله ما قصرت شفت مرهم تضحك كلت خل اضحكها بعد مبينة طايحة بنصهم جيت يم القماش ومسكته برجلي وصعته لي يم ايدي تناوشتة
اباوع لمرهم ضربت كصتها وتضحك وسعيدة حسيتها تريد تنجلط فاتحة حلكها ومتصنمة
: هاج خالة منديل مالج
سعيدة: هل بهذه الطريقة تمسكين بالقماش؟
: اسهل حبيبة
: انه ليس منديل يا بنت
: اي خالة لعد راية جاي تشوفي جف ايد قيصر اكبر منه
: اول شيء لا تقولي لي خالة قولي السيدة سعيدة
: رضي الله عنها
: والشيء للثاني هوا ليست هذ الطريقة الصحيحة لتمسكي القماش هذ بها
: اكلج خالة رحمة لاهلج انتي الله مسلطج عليا
: ياسيدة ديانا انا لن اتحمل اكثر من ذالك
: يامدا كودساي
امي: شنووو؟
: لا ولاشي
: الخاطري تحمليها تعرفين الضروف والعالم التربت عدهم همج
: لااااا لهنا تكفين اني مااسمح ترا تحجين عليهم هاا كلشي اله حدود
: احنا اهلج
: وان جنتو لا تحجين عليهم
سعيدة: ساحول لاخر مرة
كلت بروحي والله لاشيب حت رموشج شكد تبقين اذلج اكثر
علمتني شلون الزم المنديل يمكن خليتها تنزل 10مرات يالله بردت كلبها ونطتني الدرس الثاني شرب الشوربة جابت صحن بي مي وخاشوكة
سعيدة: بهذه الطريقة نشرب الشوربة
: بس هذ مي
ما ردت عليا بس جانت نضرتها صاروخ واني سكتت وهاي شربت بالخاشوكة كالت
: اريني طريقتك
عاد اني جلطتها شلت صحن المي وشربته بالصحن ومن كملت سويت اححححح
وهاي العجوز فاتحة حلكها وعيونها وتصفن بوجهي ومرهم ميتة ضحك عاد اني هم صفنت بوجها ضلينا وحدة صافنة بوجه الثانية تقريبا دقيقة بس هيا مصدومة واني كوة لازمة الضحكة
سعيدة سدت حلكها وتركت الخاشوكة بكل هدوء وكالت
: لا اقدر على هذ الحمل سيدة ديانا
: خالة يا حمل احسج شلتيني
امي تحاول تهدي بيها وهي تعتذر ما تكدر عليا اني راسي يابس عود بحاجة اتيكيت مالها اني
امي: امسحيها بوجهي
سعيدة: اخر مرة ياسيدة
: والله اخر مرة
: ساعلمك كيف تلكلين البطيخ
: قابل احطة بخشمي واسمة ركي البطيخ هذ اصفر
سعيدة لزمت الشوكة والسكين وكعدت تشرح
: لازم اول شي اذا كان بدون قشر لا تمسكيها بيدك ممكن ان كانت بقشرة وتاكدي من اخراج جميع البذور قبل وضعها في فمك وان اكتشفتي بعد الاكل ان هناك بذور فيها لا تبزقيها ولا تضعيها في يدك
: لعد ابلعها؟
: تخرجيها بالشوكة
: قصدج جطل
سعيدة تعصبت وكالت
: للكلام ايضا هناك اتيكات
: خالة عليج ضلع الزهرة احجي عدل شمالج شنو اتكات
: اريني كيف ستاكلين البطيج
عاد اني ابد مو عنودية وردت اضوجها شلون تضوج مرهم هاي اخيتي
تشكلت بيديني ثنينهن هاي المرة تشوفني وتصفن على حركاتي كسرت جزء من الركية وحطيتها بحلكي وضليت امضغ بيها واخير شي طلعت الحبوب مثل الكلاشنكوف ههههههههه
هاي المرة احسها نجلطت وطلعت ركض حت ما حجت ولا كلمة
امي ندارت عليا وعاطت
: وهممممم
اني طفرت لغرفتي بدون ولا صوت ما حس الا روحي طابة للغرفة وعفت الضيم لمرهم
نظر: واو تراج مو هينة
: امعود اسكت اني سويت هيج وكبت العيطة بالليل
نظر: ليش شصار؟
: امعود لفنا سالفة ونكضت مو جيت دجي مشاكلهم اني عساهم بالجفن انتو شكو شماكو اخبار اهلي
هيل: شو حت حجيج اختلف ولج؟
: ولج قيصر يحجي هيج عاد اني الكط منه كلمات
كحيلة: والله لا تزعلين بس قيصر ما جرعته
: ولا حت اني هههههه
حاذق: واضح من حياة الاكشن هناك متذكرتينا
: يا ليش اني انساكم اساسا بس احجي بيكم هما يحجون ع الدول الفروهن اسم الله الكرة الارضية ما ضل شبر ما داسينه
: شو لهجتج تغيرت؟
: اي والله من الكعدة وياهم كل شويا طافرة كلمة من محافظة شكل لا الحلو جونا ناس من نينوى يحجون مصلاوي متت عليهم
هيل: شلون يحجون يعني؟
: هنا ثنين خوات اسراء وامل حجيهن مصلاوي طوووخ وكالن شويا كلمات مثل الخاشوكا معلقة والجدر يسمونة دست والملابس يسمونها حواس وكومة كلمات خليتهن يعلمني واعتقد عدهن لدغة بحرف راء
كحيلة: هذني حت التكول راح شرفي ما عيب هههههههه
: سدي حلكج ههههههه ويكولون نكفينا يعني نفجعنا يربك لهجتهم كلش كيوت بعكس قيصر اذا يحجي تحسينة يريد ياكلج
نظر: هذني البنات حلوات؟
: يااا وانت شعليك؟
: هسة ليش تكطعين رزقنا؟
: عوف بنات عمتي لك بس للامانة هنا حلوات وها اجيت دااعزمكم على تخرج اختي
حاذق: تعزمين منو؟
: كلكم
حت شاهين وزاهر واهلي كلكم تعالو القاعة مال بيت عمي بناها جديد وراح يفتتحها بتخرج اختي
هيل: بس مو كانو حيكونون كثار زملائها واهلج وكذا؟
: لا هاي الحفلة بس لاختي خصوصي عمي هداها هيا ماعدا تخرج دفعتها راح نسوي حفلة ثانية خاصة الها
: وامج مقتنعة بجيتنا؟
: وامي شكو هيا مرهم كالت اعزمي ربعج واهلج لئن ماراح تعزم العشيرة كلها بس بيت عماني حت خوالي ماراح يجون
حاذق: الله كريم لي وكتها
كالها وسكت
ضلينا ساكتين والشلة بالبداية ما حسو على دمهم اريد ابقى ويا حاذق وحدي رفعت تك حاجب لهيل كتلها روحو يالله اخذت كحيلة ونظر
: اي حاذق اخبارك بدوني؟
: الشي الي مصبرني ستوريات انستا مالج وها دا اخذلهن سكرينات حت لا ينحسبون حرام بس اتوقع لازم تبطلين نشر عاد شعلتيني اكيد مو بس اني اخذلهن صور
: مو حرام خذهن وخذني
: وهذ الطويل
: اندومي شبي؟
: اندومي؟
: اي ارنوب اخويا ادم ادلعه اندومي مشتق من ادومي وكذا المهم شبي
: ستورياتج وياه يبوسج ويحضنج ومدري ايش
: اي اخوي حبيبي هذ والله شكد حلو لمن يحضني احس بامان الدنيا كلها بيدي
: ترا وهم مدا تراعين مشاعري شنو يحضنج ويبوسج اغار اني اغار
: اخوي واااي تغار من اخوي يالله لا تضوج باجر بعده تاخذني ومانشر هيج
: تقبلين اخذج امشي على بيتي دشوفج الطيور
: يا عزاا
: هوا بعيد عن التدخل بالخصوصية وكذا بس ترا ملابسج مااحبهن صاير
: ليش شبيهن
: اي ما جنتي تلبسين هيج يعني كصير وضيك ترا مااحب هيج تغيريهن لا اكسر رجليج
: يطبك مرض شسويلك؟
: شهل حجي لج السانج طول هالمرة مرة الخ ينكص
: كص لساني وادم يكص راسك ههههههه + غير رجلي لازم اخذ راحتي بالحجي وياك
: وتكولين لرجلج طبك مرض؟
: حلكم ما تفتحة افتهمت لو لا ترا اموتك اهنا لا تحسب صرت اتيكيت وكذا ترا اني طباكات وما اتحمل وانت تعرفني
بقيت ساعة اخرط بالحجي الا عاط
حاذق: شبيج يرجلي؟
كالها وصفنت بوجهه
: هوا منو رجل منو شبيك ضربن
اشرتله بيدي يعني انت نجنيت
: ولج شنو هالحركة هاي انتي اليوم ناوية
: اي انت تكلي يا رجلي غير انت الراح تصير رجلي
: جوز مااصير رجلج شعرفج بتصرفاتج هاي
: ماكو ماتصير رجلي ما بكيفك اني نهيت عليك
: شسويتي يمة؟
: نهيت عليك افتهمها
: شنو نهيتي عليا ابن عمي انتي
: والله هاهيا هذ العندي انكتم صوتك مااهيسة
: من نهيتي عليا يعني لازم اتزوجج؟
ثم كافي تحجين مثل اخوج
: اي بالضبط واحجي بكيفي لا تجادل
تقربلي وكال دمشي ندخل
: عزا بعينك وين ندخل امشي من يمي لا الم العالم عليك
: اي غير نهيتي عليا
: اي نهيت عليك اتزوجك غصبن عن الكل بس مو هسة
: اي عيني كبعيني وخذيني منو يكلج باطل مشي هسة نعقد وندخل
: بس ماكو شيخ
: مالازم هنا عباية وعكال نلبسهن لنظر وتفض
: اي هوا الدين على مزاج امك لان
اتصلت هيل وكالت ما كعدنا شاهين انتي جاية تعالي وسويها مفاجاة
: وراكم احنا جاين ركض
كلتها سديت التلفون كتلة مشي اوصلك
حاذق: ترانا نمشي
: لا بالسيارة هياتها
: اووي كامت ماتمشي خطوتين بلا سيارة جنا نروح للكلية مشي
: اي يابة تطورنا مشي خل اوصلك حت نصل بسرعة قبل لا يكعد شاهين
وصلنا بسرعة ونزلنا فتت لبيتهم سلمت على امه وفتتله لكيته نايم على وجهه جيت يمة كلت باذانا
من هوا ربك
هذ وخر وجهي وندار كتلهم طفو الضو وسكتو
وما قصرو طفو الضو واني جيت فتحت فلاش التلفون وكلت مرة ثانية من هوا ربك من هوا نبيك هذ فتح عيونة ديستوعب وكلتها بصوت عالي من هوا ربك ولك
شو هذ طفر بالغرفة ويصيح الله ربي الله ربي ويركض
الشلة كلها ماتت من الضحك على منضرة لي ما استوعب شويا وفرك عيونة دايشوف شكو صفن خطية جمد بمكانه
شاهين: لج وهم هاي انتي؟
: ههههههه جيت دقبض روحك ايها العبد القذر
: شتعلت عشيرتج على اهلج على كرايبك على دي.....
: لا تكفر ولك توتك جنت دتموت
: بشرفج هذ مقلب؟
: اي انت حمار وين اكو ملاك يفتح فلاش تلفون ويكلك من هوا ربك ولك؟
كحيلة: ملاك متربي بالبصرة هذ طافر من جتف قيصر ههههههههه
شاهين خطية كل شويا يبلع ريكة من الصدمة الصارت بي يفرك وجهه وعيونه مامستوعب
: يالله بالريش تعال اسلم عليك تعال
شاهين: يا سلام العافية نخرطت مني
اتقربت منه واني ميتة ضحك والحمار مسكني من ركبتي دايخنكني اجا حاذق يسحبة واني اضحك ويكلي موتيني خوف اعتذري واني اكبار ويرد يكلي اعتذر
: ماضل بس تكلي اذكري هبل العظيم
حاذق سحبة وكله على كيفك بيها لعد الجنت تسوي بينا ميخالف كو**
شاهين: اي ماموصلكم لها مرحلة
حاذق: اسكت كافي بكيفها خل تموتكم تقبض ارواحكم
: زاهر وين محضرتله مقلب اقوة
كحيلة: خاف شاهين كعد يحرب ترا زاهر يموت بمكانه كلبه جبان جعلي دجاجة والله لو مسويا هذ المقلب جان بمكانه ودع
: واشلون هسة؟
شاهين: شنو جايا متحلفة بينا انتي؟
: جا غير مشتاكتلكم يا بعد طوايفي
: هاي شنو النوب؟
كحيلة: اسكت طلع اخوها يحجي بصراوي وهي تخمط منه كلمات
رحنا لزاهر جان كاعد من النوم حرامات ردت اسوي بي مقلب بس ما صارت سلمنا على بعض وسولفنا للعصر اني يمهم ونسة فول
رحت لاهلي اول ما دخلت ضايجة بس تماسكت على كد مااكدر لمن شفتهم وتذكرت سوالفهم وحال وابوي زين صار راحت الضوجة
ارتميت بحضن ابوي واني ابجي واناشغ هوا بعد عيونة مدمعات وراها امي بوست ايديها وراسها وهيا بعد تبجي وتعتذر
ووصيتهم يجون للتخرج وانطيتهم عنوان القاعة الي اساسا ما شايفتها وطلعت ودارجع لبيتنا ودعتهم وذكرتهم بالحفلة ورجعت
اول ما طبيت بيت قيصر عدنا سلمت على مرته وولاده عنده بنت عمرها بي14وولد اصغر
قيصر: وين جنتي؟
: ويا ربعي
: ربعج منو هما ربعج خل اتحرى عنهم
: ترا اعرفهم قبل مااعرفك بس اتذكر هالشي
امي: كافي انتو الاثنين من شهر ما واحدكم صم حلكة
قيصر: يمة شوفيها طالعة من مصباح الله خير ويا ذولاك الوادم
امي: اترك اختك قيصر
اني على اعناده اجيت وكعدت كبال وجهه وميكدر يحجي
حجيت اكثر ويا مرته وبنته حبتني وطلعت لغرفتي لكيت حاذق مراسلني
حاذق: الحلو نايم
: ماتستحي ماعندك خوات
: لا والله شسوي
: خبثت على قيصر هههههه
: ولج اخاف يضربج
: ياا دخل ايمد ايده عليا عيب عليا اذا مااطمش علي العراق كله هم امي وادم بضهري والله يشحطونه
: اني مااحب اخوتج بس ادم
: اني هم والله هههههههه ولك ادم صدك هيبة هواي يحبني
: ترا اغار
: ترا اخوي
: مامتعود هيج وهم
يعني فجأة اخوة طلعلج يحضنوج ويبوسوج
اي شلون اتقبل
: من اخوتي حاذق شبيك
ثم والله ماهلكد بس ادم اي يحضني هواي
: ذلفي نامي يالله وباجر تعالي عليا
: اجي اذا ماعندي شي بس ليش؟
: مو نهيتي عليا يعني هسة اني رجلج عيب تضلين بعيدة عن رجلج تعالي خل نتكاثر
اني مستغربة من حجية يعني جان يحجي قبل بس مو هل ثخن
: خل انام باجر نتشاوف عود وها جيب كحيلة عليا دنطيها فستان رادت
سديته ونمت كعدت ثاني يوم الدنيا محتركة جوا صوت الصراخ والمدري شنو استغفر الله هذول مو صاحين
نزلت واني لابسة برمودة وبلوز نص ردان مال نوم وشعري منكوش نزلت وافرك بعيوني وكفت ع الكسرة مال درج يم مرهم جان ماراضيلها
واشوف جوا كومة زلم كلها لابسة غترات ملابس عرب وشيوخ ومدري شنو
: منو ذولي؟
مرهم: بيت خوالج من البصرة واذا نزلتي وشافوج بالبرمودة ونص ردان يخلون قيصر ينحرج
: وادم ينزعلهم
: الفاضج
: قصدي الحزام يعني اكيد ماراح يغتصبهم
صفنت شويا كالت
: تصدكين ببالي قصدح ينزعلهم الحذاء
: ياريت وجهي بصفى نيتج اني كبل تشطح
ندك الباب فتحتة خالة خولة طلعت كحيلة جايا سلمت وطبت من يم الصالة وشافت كلهم كاعدين شيوخ بيت خالي وهيا بلا حجاب كلهم شافوها دنكو
كحيلة: يااا هيج اني هيبة متكدرون ترفعون راسكم بوجودي
مرهم ضحكت كالت منو هاي ام لسان
: اسكتي هاي مصيبة لسانها
: منها تعلمتي سلوبج ويا قيصر مو؟
جت وهي رافعة راسها وتضحك
: شبيج يمة؟
كحيلة: ولج من طبيت الصالة بيها 20زلمة كلهم دنكو حسيت روحي وزيرة خل انزل اخليهم يدنكون مرة الخ
سمعنا صوت واحد منهم صاح فززنا
: ولك قيصر تعال شوف حريمات بيتك طالعات بلايا حجاب مفرعات
مرهم طلعت لغرفتها واني وكحيلة مثل الثولات وحدة تباوع بوجه الخ فاتحات حلوكنا
صاح مرة ثانية
: بعدجن اهنا روحن غطن نفجسن بذات انتي يالصفرة لا اجسر العصي عليجن
اني عقلي بكد السمسم تشكلت
: تكسر شنو على منو عيني شنو ما ملكي احد يردك انت منو اساسا؟
: ولج حسج عالي اكتمي وروحي اتحشمي كون تحشمتي بجفن
: اسم الله عليا من الجفن انشالله اليكرهوني ليش يابة كاعد تصيح براسي ناقصتك اني ع وجه الصبح ترا اني ببيتي اخذ راحتي انت مالكا حق تدخل
دخل قيصر على صوت العيطة وشافني لابسة هيج كبال هذ الشيخ مدري شنو هوا يعرف هذ لبسي ومن اطلع برا هم البس هيج بس يريد بيناتنا ميريد اهل امي بالديرة يعرفون هيج نلبس ويكولون علي بلا غيرة
الشيخ: داتهيس صوت هالحرمة؟
قيصر: صعدي الغريفتج عساج بالتكطع
: ترا ببيتنا اني قيصر وين مااحب اروح
كحيلة: هذ قيصر؟
: اي
: اني استاذن
كالتها وطلعت تركض
: خزيتوني كبال صديقتي الله يخزيكم كون
قيصر صار مثل الثور واجاني طاير الدرج يطبك بايتين بايتين اني بقيت بمكاني ما تحركت بس كلبي وكع برجليا كمشني من شعري
قيصر: شحجيت توني مو كتلج لغريفتج اليوم رجليج اكصبهن
حاولت ادفة بس خشن وعملاق اني شنو يمة صحت
: تكصب رجلين منو بويا دتخلي شايب الاحول هذ يمشيك ويجيب بكلمة شنو مو رجال ماعندك كلمة انت عربانة؟
كلتها وهوا عت شعري صاك على سنانه
: ولج كضي لسانج لا ابتلي بيج جلمة ما تطلع من حلكج بعد لا اجسر سنونج روحي لغريفتج روحي اندفسي ولبسي شي مال اوادم فضحتيني
: دعوف شعري والله لاشكيك لادم واخلي هذ الماخذ اجازة من عزرائيل يتربى ااااخ حلكي
: ولج انكتمي فضحتينا جدام الوادم وانا اعلمج تهدديني بادم؟ طبعا انتي تربية شموخ وديانا ما تخلينا نفص كبالج شمشيخج غيرهن اليوم تطلعين محملة
صاح الشيخ: قيصر تعالي
: لا تواخذها شيخ راسي جاهلة ما تفتهم شتسولف
: ماتقصر بس تعال هسة دك للوالدة خليها لا تستعوك وجيب هالشفية حدر جدامي
قيصر ماكال لا سحبني من فروة راسي ورماني يم رجوله تقحطلت هوا جان واكف باب الصالة رفعت راسي علي وجهه يكطع النعمة من البيت خلى العصة جوا حنجي ورفع راسي
: منهو انتي داترفعين حسج بوجهي؟
: انت مثل النسوان تموت على المشاكل والهياهي يا عجوز الفكر
ما احس غير قيصر دفر ضهري برجله كلبي نشلع من بين ضلاعي ووكعت نكطع نفسي
متت طك كتفي برحله بس الحمدلله صادفت ويا دخول ادم وشافة لمن دفرني تخبل فتح عيونة
كل ما يكتلني يفوت ادم هههههه
قيصر لمن شافه رجع لي ورا اجاني ركض كعد كبالي يحجي مخبوص
ادم: خويا وهم
خويا تسمعيني بيج شي بنيتي جاوبيني
مكدرت احجي بس الوب وابجي واون هو يريد يسيطر عليه
ادم: بس سمعيني صوتج يابة وهم حاجيني خويا جري نفس جري نفس
: خويا مدااكدر اخذ نفس مداكدر احسه خلع ضلعي ااااخ
كلتها وكمت ابجي هوا نخبص مايعرف يرفعني شلون
الشيخ: عسا بالجسر
ادم: انشالله كلبك ليش على اختي؟ اسم الله عليج يابة بس عيني اكومج
كالها وندار على قيصر
ادم: وانت ما راح افوتها الك والله فلا تعدي
قيصر ما حجا شي بس بدت علي معالم الغليان
الشيخ: ماتشوف اخيتك شلابسة وطالعة المجان مليان رياجيل وزلم معكلة واخوها زلمة شكبرة واكف
: بيتها وشمتسوي بي بكيفها مالكم صالح ومو زلمة اليضرب مرة افتهمت لو لا
لزم ايدي وكومني كوة اسحب النفس ونتجيت على جتفه واني ابجي ماكدرت انعدل
: ااااخ ماكدر ماكدر ادم
: بس اهدئي امي على كيفج تنفسي على كيفج كومي عينيني
: ماكدر ادم ماكدر عوفني عوفني
عافني مخبوص ميعرف شلون يديرني اجا على ايدي الثانية كوة كدر ينهضني تجاني علي
: خذني للمستشفى فدوة كسر ضهري
: اذا خذتج يسكطوج يابة
: نكسر ضلعي ااااخ
: هسة اسوي الج يابة
طلعني لفوك دخلني غرفتي كلي تمددي تمددت ع التخدت على بطني واني ابجي
نطاني غترة بيضة كلي عضيها خليتها بحلكي وغمضت وادس ضهري
ادم: هنا الوجع يابة
: هء
داس لي جوا شويا وصرخت
ادم: مابيج شي بس الضربة قويا شويا صارت ارتاحي وانا اتفاهم وياهم واعلمهم شون يجون صوبج
: والله احس رجله اخترقت ضهري خويا
: بالكسر اللهي خلي يصبرولي
طلع وتركني شويا ودخلت مرهم تنهج
مرهم: سودة بوجهي ياعمري شسوالج
: كسر ضهري بشرفج مربين ثور غير تكليلي داطلع وياج تركتينا وطفرتي؟
: اي شعرفني وهم لبالي شايفة اهل البصرة
: ليش ذولة من البصرة؟
: لعد ما انتبهتي للهجتهم تشبه لهجة قيصر؟
: شعرف اني لبالي كرايبكم
: هذا خالي شبيج؟
: خالج خالج؟
: لا خالي بالدين
شبيج؟
: لا صدك هذ شايب الفكر خالج؟
: وخالج هم هذ اخو ماما وهاي تصرفاته ويا الكل لازم من يجي هنا حت لبس ماناخذ راحتنا ولا نطلع ونكضي نهار كله بغرفنا جان قبل معترض ع الخدم هم يريدنا احنا نشتغل
: شكد حقنة هالزلمة؟
: لا يسمعج قيصر والله يذبحج يحب خالنا اكثر من ابويا
: ليش عود؟
: غير تربى على ايده لعد عبالج من جان قيصر بالبصرة تربى بالشارع لا تربى على ايد خالج
: ادم شلون عرف واجا كل ما دنطك هوا يجي عبالك كلبه يدله فديته
: لا حبيبتي هاي مال كلبه يدله بس بالمسلسلات تصير
اني اعرف لسانج متبري منج وقيصر ما عصبي كل ما داشوفها تعلك اتصل على ادم ذيج المرة من صارت العيطة خابرته حت يجي يسكته بس ما لبالي دتنزلين تهرولين عبالك سباق الخيل وهالمرة من شفت خالي هم خابرته كتله تعال بسرعة خالك اجا وما ناوي على خير
: هذ المدحوس عليش اجا؟
: قيصر خابره حت يقنع امج ترجع تاخذ البيت او الشركة منج ويتوزع بالتساوي علينا بس امج مبينا قافلة
: والله اني مااريد احرمكم من شي ووعد راح اقسمها عدل بينا اني مااريد شي والله
: ترا اعرف والله بس قيصر يريد امي التكتب كلشي بالحق مو على شي بس حت ديرضي الجاهلة مالته
: بس مرته مبينة مو طماعة وذيج المرة سمعتها تكله اختك نحرمت واحنا عدنا بيت ما نحتاج
: مو مرته ولج اذا على مرته احنا باحسن حال
: لعد بنته؟
: ولا بنته.. لاتشوفي عمرة بالاربعين ورتبته تحسبين راكز ترا يحب وحدة عمرها 15ساحلة عقله ويريد يخطبها وامي قافلة تكله بكد بتك
انصدمت من حجيها وفاكه حلكي وعيوني اريد استوعب يحب وحدة بعمر بنته ويريد يتزوجها زين هاي البنت اهلها وين هيا وين تفكيرها
مرهم: هي اجينا لبغداد شافها جدها صاحبة وجم مرة وداها ويا بنته للمدرسة وريام الله يهديها تحجي جانت ع الشركة وع البيت وتكبر بينا تكللها بيت جدتي قصر3طوابق وكل غرفة شكبرها وبيها حمام
ومدري شكعدت تشرح سوتنا اغنى عالم وهاي الجاهلة شاطت وحاولت الى ان كدرت تاخذ رقم اخوج وراسلته كعدت تحجي ويا ما عرفت عن روحها الا تعلق بيها كلتله اني حفيدة صاحبك الشيخ واحبك وهسة هوا ميت بيها حت مرته شكد ياذيها بسببها
: بشرف امج هذ صاحي ويتصرف هيج؟
: شنسويله المهم ميكرب صوبنا بس انتي عنودية هواي وتجادلي
: انتي شلون تاقلمتي ويا اني شهرين متحملته
: كتلج تربى بالبصرة جنا نشوفة بس بالدوام هسة يالله نامي وارتاحي حبيبي حت العصر تحضرين روحج دا نطلع للمول محتاجة اشتري غراض للحفلة الي مسويها عمج
فعلا تمددت وحطتلي كريم لضهري واخذت مسكن ونمت وكعدت وحضرنا وطلعنا رحنا بسيارتها للمول صعدتها وطلعنا
حاذق
ابوي: حاذق بابا تعال اكو شي اريد اكوله
: بويا تعبان والله اليوم جان عدنا دروس ملختنا
: الموضوع الي داكلك علي اهم من الدروس مالتك تعال لازم تعرفه
: ها يابة كول
تحسر دنك وحجى
: امك اتصلت اليوم
سكتت شويا ما رديت اختنكت بالعبرة
: احممم وشتريد؟
: تكول مشتاكتلك وتريد تجي تشوفك
: اني لا مشتاكلها ولا اريد اشوفها لا تجي احسن
: بس ابني هاي امك
: وان جانت امي جان لازم تفكر بهل شي قبل ما تعوفنا وتروح اني اساسا مامعترف بيها وبقت يمك اذا تريد تشوفها لو لا ووين الكرن الي اخذته
: تكول مات بمرض ومااعرف اذا صار عدها جهال منه وتكول ضلت بحسرتك طول هالسنوات
: بيدها سوت هالشي وحدة مكانها ما تعوف زوجها وابنها الي عمرة اقل من سنة وتروح تتزوج وتسافر لخاطر اشياء تافهة اني ما مستعد ارجع اشوفها واحجي وياها
دايحجي وسكته
: مااريد اشوفها او تجي ناحيتي
كلتها وتركته وطبيت لغرفتي كعدت افكر بيها شلون تركني وامي جنت طفل وتريد ترجع عمري ما يقارب 20سنة
: حنت لابنها يكلي لعد لويش عافتني واني جنت طفل
قاطع تفكيري نغمة التلفون ما شفته الى ان خلصت النغمة ودك مرة ثانية وثالثة وما فتحته بالرابعة فتحته
وهم.
اتفاجأت من رد عليا بسلوب نتر
: شتريدين؟
: وعليكم السلام
: شبيج وهم شتريدين عليش دا دكين عليا؟
: يابة اعتذر ازعجتك ما ببالي ميصير ادك عليك
: من الاخير اختصري
: مااريد شي باي
سديته بوجهه رجع اتصال علي ما فتحته دك مرة ثانية
: ها شتريد؟
: تسدي بوجهي وهم؟
: اي انت عطت عليا شتريد اسويلك مثلا اركصلك؟
: اذا عطت تغلقين بوجهي واسلوبج عدلي احسن ما افرك حلكج
: دفرك حلكي وافزعلك ادم شوف شلون يفركون الحلك عدل
تعرفني اتحمل هيج اسلوب ثم تفرك حلك منو يابا شبيك اليوم؟
: وهم لا تخلين الجنون يطلع عليج ترا ع دقيقة ويضربن
: جنون منو هذ اليطلع عليا انت واعي لروحك شدا تحجي حاذق فتح عينك شبيك عليا؟
تحسر وضل ساكت فترة
: مااريد اضوجج والله
: صاير شي؟
: سلامتج ماكو شي بس خنكة شويا
: اسوبك مو مال ماكو شي عيني شبيك
: صارت شغلة هسة وضوجتني ومااريد احجي بيها
: شنو تعاركت ويا احد؟
: لا ماتعاركت
: جايتك
: وين تجين؟
: جايتك بس لا تطلع لمكان اقل من ساعة واني يمك باي
كلتها وغلقت التلفون
رحت ركض بدون ماتمكيج صعدت بالسيارة كتفي تشنج شويا بس تحملت حركت ايدي وسقت بسرعة
فعلا اقل من ساعة ووصلت دكيت الباب طلعلي ابو ابتسم بوجهي
: هلو عمو
نجاح: هلا عمو شلونج بابا؟
: زينة الحمدلله وانت
: مرتاحة بابا ببيت اهلج محد مضوجج؟
: لا عمو كلشي تمام هناك ومتفاهمين بس من رخصتك حاذق وين؟
: لحك كلج؟
: ليش شصاير؟
: ماصار شي بابا تعالي فوتي
فتت للبيت توجها لغرفته هوسة وملابسه مطشرة فارش الملازم بس مبين مدا يدرس رفع عيونه شافني ابتسم بكسرة
حاذق: تاليتج هنا
: ابقى يم قيصر احسن
ابتسم بس ابتسامته مكسورة وحسيته مخنوك
: حاذق حبيبي بيك شي؟
اجا تقربلي وحط راسع على كتفي اذاني كتفي بس بلعتها ما كتله اكلت دفرة حسيته شايل هم على كلبه مسحت على شعره بيدي بس ينفخ نفسة حار
حاذق: مخنوك شويا بس
: اسم الله عليك من الخنكة عمري
باوع بوجهي شويا شوف
كلتها ولزمت وجهه منا ومنا بيديني ثنينهن
: اني وياك ما راح اتخلى عنك ابد لومهما يصير واعرف اني بضهرك واي شي يصير وياك او تحتاج شي لا تتردد ولا تفكر
حرك عيونه وصار يتنفس بصعوبة شويا بياض عيونة تشخط بشراين حمر
حاذق: امي اتصلت اليوم على ابوي
: اي وشتريد؟
: مشتاكلة لابنها وتريد تجي تشوفني
: مااعرف شكلك والله
: مااريد اشوفها ولااريد اسولف لاحد عنها
كالها وكعد لزم راسه رحت يمه جريته لحضني همست
: ريح كلبك حبيبي
صار يشكيلي منها تقريبا نص ساعة شلون عافته وهوا طفل واشلون نطاها كلبها بي وبابو ويكابر لخاطر لا اشوفه يبجي بس عيونه جانت حمر وتلمع الدمعة واكفة على شعرة
: اهدئ عمري
: لا تتركيني وهم
: ماتركك والله ماتركك
: دوخت راسج بمشاكلي اني بعد
: لا تكول هيج اذا مو اني اسمعلك منو يسمعلك شلنا غير بعض ياعمري
: بس انتي همج مو قليل وهومتي
: حاذق انت وكفت وياي بكل لحضات حياتي وسالفة اهلي والكلية وكلشي انت متخليت عني واني مراح اتخلى عنك بعد واي قرار تتخده اني وياك واذا اتريد تشوفها كلي اجي وياك واذا تريد تشوفها على انفراد هم اكدر اساعدك باي شي تحتاجة من ناحية مادية ومعنوية كلبي انت
كلتها وابتسمت
حاذق: مااعرف وهم حاس روحي بين نارين
: حاذق هيا تبقى امك ميصير تتخلى عنها
: اي بس هي تخلت عني واني جنت طفل مامأذيها جنت بامس الحاجة الها حرمتني من طفولتي مثل اليتيم واني امي عايشة اشوف الكل مع امهاتها واني امي مو موجودة يمي بغير دولة واذا صار عدها جهال من ذاك الرجلال متربين بين امهم وابوهم وماخذين كلشي اني محروم منه
مارديت علي يحجي بحسرة وغضب يرجف وعيونه تقدح اكتفيت بنضرة ومسحت عيونة دفع ايدي حت لا اشوفة يبجي بس غصبن عنه نزلت دموعه وعكض وجهه
مسحتها بيدي وهوا ما سيطر ع نفسه شهك وحضني وبدا يبجي بحركة اول مرة اشوف حاذق يبجي
: اشتكتلها وهم اشتاكيتلها والله
: كافي اني يمك
: مااكدر انسى الي سوته بيه وشون نحرمت منها
اني بس افرك على راسه وهوا يبجي بحضني بقى هيج فترة بقيت يمه حاضنته اسمع نفسه واشوف جسمه من يهتز
الى ان نام على رجلي صارت ساعة بال11 وندك باب غرفته ودخل ابو وكال عمو وهم تعالي طلعت يمه
: ها عمو
عمو: بابا وهم شبي حاذق؟
: مابي شي عمو حجا شويا ونام
: اعرف حجالج كلشي كليلي شكال؟
: والله عمو ماادري شحجي يعني انت تعرف كلشي وتعرف حسرته يعني
: والله عمو اعرف بس شطالع بيدي هيا خابرت اليوم حت مااعرف اشلون جابت الرقم
: عمو والله اني مابيدي شي اسوي
: شوفي انتي تكدرين تاثرين علي يعني تقنعي بحجاية منا منا
: والله عمو الي تريده كلي واسوي
: اريدج تقنعي يشوفها ويحجي وياها
: عمو مااكدر اتدخل اني هاي امور عائلية ولا اكد اجبره على شي هوا ميريده واني نتبهت شكد نفسيته تعبانة من هالموضوع ومقهور منه ومااريد اني اضوجه بشي
: عمو انتي هم من العائلة ماكو امور خاصة بينا بس هي امه وتريد تشوفه حقها
: والله عمو تريد تشوفه اني شبيدي اسوي؟
: ع الاقل حاولي واني اعرفج ماتقصرين لازم يرجع علاقته ويا امه اني مو دايمله
: بعيد الشر عنك عمو طولة العمر
: اي عمو حقج متعرفين شي هسة يالله رادة لهلج اخلي يوصلج؟
: لا والله تاخر الوقت هم هو تعبان خلة نايم ودزيت شات لاختي كتلها دبقى ببيت بابا جبل
: تعبج بحجاياته مو؟
: لا عمو شسالفة
: ضوجج؟
: بالريش بالريش يمون على نبضي
رحت لبيت اهلي دكيت الباب وفتحته امي سلمت عليا سئلتني اذا جوعانة اوشي كتلها لا بس دانام طبيت لغرفتي شفت هيل كاعدة
: هاولج وهومتي
: ها حبي شلونج؟
: من شوكت اهنا؟
: مو هواي صارلي ساعتين جنت يم حاذق
: اي يمة السهر والسوالف يم حاذق واحنا تنامين بوجهج
: لا ماجايا انام جايا استفسر كلشي مااعرفه عنج اريد اعرفه
: مثل؟
: شفتج تدرسين اسباني
: امم اها
: اطلعي بالنضيف يالله
: حبيبي المجهول عايش باسبانيا ولازم هاي للنفر الكبالج تعلم تحجي مثلهم حت من تسافر تعرف تحجي وطلعت مثل النعجة ولا كلمة ماتعرف تكول هولي بدال اولة مرحبا بالاسباني
: بس لو اشوفه جان برد كلبي
هيل: تشوفي كليلي هسة شعندج ويا حاذق وهم؟
: شبيج بنتي ترا اعرف اتصرف مو جاهلة وينضحك عليا وحاذق واثقة بي لابعد درجة احط ركبتي بيده واني مطمنا هم جان شويا ضايج وحجينا سوا نام واجيت خل انام هسة كومي عن تختي لا افرك حلكج يالله اخذتي اهلي وتختي
نمنا وكعدنا من الصبح طلعنا برا شفنا نظر كاعد يتريك ساعة 9
: صباحوو
نظر: صباح النور خويا شلونج
: الحمدلله وانت
: بخير اكلج اليوم مو دوام؟
: امبلا طبعا ليش؟
: بيت عيالج ولا واحد ما طلع منهم
: وانت هنا شنو موقعك تراقب؟
: حراسة
: جلب
: راح احط راسج بقوري الجاي اذا ما نلصمتي
: لا صدك شنو محد طلع؟
: والله شبيج المفروض قبل ال8واني هنا من ال6ونص كاعد ماشفت احد بيهم طلع
رحت على بيت حاذق دكيت الباب 3مرات لي ما طلع عمو
: عمو وين حاذق
: والله عمو حرارته مرتفعة الليل كله ما نمت وهوا مصخن واسويله كمادات
: عزا بعيني ليش شمالة ياربي؟
كلتها ودكيت على صدري فتت ركض على غرفته واول ما فتت جان نايم سودة عليا ووجهه احمر ويصب عرك
: ياااسودة بوجهي يا عمري اشمالك حاذق؟
قست حرارته مرتفعة احترت بروحي شسوي
: عمو خل اودي للمستشفى فدوة شيلة وياي
: لا بابا مابي شي هسة يطيب هي صخونة
: عمو اشلون يصير باع وجها احمر دم وحرارته عالية فدوة عيني خل اودي
: عمو مابي شي والله هسة يطيب عود اتصل بيج اذا صار شي لو احتاج مستشفى
: تتصل بيا؟ لا ما اتحرك خطوة منا اضل يمه
: منريد نغلبج عمو
: لا عمو ماكو غلابة انت روح لشغلك اني راح ابقى يمه ماعندي شي
راح عمو وبقيت ويا اني وامي اسويله كمادات واقيس حرارته كل شويا وطلعت طرق لعلاجة باليوتيوب مشا اليوم عادي واني ببيت اهلي وارد ارجع علي ويا امي ماصار بي شي
خليت نظر يجيبلي حلويات وعصاير اكلهن بالنهار بس بالليل اجا ابو رحت ببيتنا ماكدرت انام ساعتين انام وافز للصبح
كعدت الصبح من وكت ورحت ويا طلعة ابو من البيت سئلته علي
عمو: ارتفعت حرارته وبقى يهلوس ويحجي مافتهمت شجان يكول بس سمعته جان يصيح امه ويحجي باسمها حطيتله كمادات
: شجان يكول عمو؟
: يحجي بيها
تركته راح رحت لحاذق بعده يهلوس تكربت منه سمعت شيكول
: ليش عفتينا مو اني ابنج شلون كلبج نطاج تتركيني
عمو: اني اباوع لحالته مستغرب هذ شماله بس لا يصيرلة شي وضل يحجي طول الليل بيها واني حاط كرسي يم سريره سهران يمة انطي علاج واغير كماداتة الى ان بطل هلوسة ونخفضت حرارته يالله كدرت انام حطيت راسي ع السرير ونمت
فتت لبيته ويا الصاير ساحة قتال هوسة منعول اهل اهله
حطيت راسي ع تخته وجسمي ع الكرسي غفيت
حاذق.
كعدت الصبح جسمي متكسر والكمادة على راسي فركت عيوني اصحصح اني وين
شفت وهم حاطة راسها ع السرير وغاطة بالنوم مبين الليل كله ما نامت التعب مرسوم بوجها تحسست على وجها وشلت الشعر من عيونها ماكعدت فدوة تخبل
: وهم حبيبي
كومي عمري نامي عدل
فتحت عيونها رمشت شويا تسترجع ذكريات ضلت صافنة وترمش ستوعبت انه صحصحت ابتسمت بوجها
وهم: حاذق
شلون صرت وكعت كلبي عليك
: لاتخافين ما بيا شي صرت زين بس انتي مبين عليج التعب حيل يابة
: مابيا شي اني انت شتحس هسة يوجعك شي؟
: لا بس دايخ وحلكي مر شويا هسة اغسل واسبح ميضل بيا شي
وانتي شنو نايمة ع الكرسي هسة نكسر ضهرج من شوكت انتي هنا؟
: قبل شويا اجيت هيج وقت ابوك كال انت مريض وجيتك وبالنسبة للكرسي لاتخاف ما نكسر ضهري كوم انت اسبح هسة داسويلك شي تاكله
: تعبان اسبح تعاي سبحيني انتي
: عزا بعيني انشالله اساسا محد يعرف اني هنا امي عبالها رحت تخيل يلكفوني اسبحك بالحمام سودة بوجهي
: واشون هسة؟
: فوت اسبح داسويلك اكل فوت
وهم.
مسك خشمي باصابعة وباسهن ودخل للحمام واني سويت روحي شيف شاهين واني اذا اسوي بيض بالدهن احرك حت التيفال
فتت للمطبخ اتصفن كلشي مااعرف اسوي والبيت بي بس رياجيل المطبخ مو نضيف لا هاي يرادلها طلابة طلبت دلفري بين ما سبح وصل الاكل صاح
: وهمممم
: هاااا
: منو يدك بالباب؟
: الاكل عيني مطبخك ما ينوكف بي باوع الصحون تكول تل ابيب
: دعوفي المطبخ تعاي شوفي حمامنا
: انلصم داكلك
فتت رتبت الغرفة مالته والسرير واباوع الارض مليانة تيشرتات وبناطير يا عزا شنو مينضفون ذولة البارحة فتت مخروعة ما انتبهت للمفخخة الي منفجرة بالغرفة
طلع من الحمام لابس بس بنطرون جنز وفانيلة وايدينه طالعة وشعرة مبلل ونازل على عيونة صفنت بي دقيقة ضليت فاتحة حلكي وعيوني سمارة يسبي
هوا شايفة وهوا لابس نص ردان بس شكله جان جذاب هواي
حاذق: ذبتي مو؟ ادري بروحي اكطع
: اللهم اجعله في عيني حولي
: لسانج ياضيم الله لسانج كضي ترا والله مستخطيج
: كاضته والله بس عيوني وين اروح بيهن
: لا تباوعيلي ما عندج خوان تخافين عليهم ديري بالج تغتصبيني
: لا راح اغط عيوني بين ما تلبس بلوزك الله يستر عليك
لبس قميصة وكعد ياكل ويلوحلي بعيونه اني صافنة بي
حاذق: لو ادري ايدي هيج مغرية جان ماخابيها
: اي عيني ليش لا لا تخبيهن وخلي كل الوادم بعد تعرف اذا شفت وحدة ثانية تباوعلهن شسوي والله اكطعلك هنا
: لا تحلفين بويا مصدكج
كمل اكل وطلعنا سوا هوا راح لابو واني رجعت لبيتي اول مادخلت صارت بوجهي امي وقيصر كاعدين يغلون ومرهم مو بلبيت
كلت بروحي احاا هسة يدفني ومرهم ماهي تخابر ادم خل اكض لساني اليوم
امي: وين اراضيج من اول بارحة
: ماما والله جان.....
قيصر: انتي هم تسئليها وين جانت صارلها يومين ماكو ولا دزت رسالة ولا نطت خبر وينها
: بس اني مو اختفيت اني كلت لمرهم رايحة لبيت اهلي
امي: كلتي دا تباتين يم ذولاك الناس مو كلتي يومين
: هسة يا ماما صارت اشياء اطرتني ابات هناك فدوة والله تعبانة ما نمت الليل كله
قيصر: وين حضرتج جنتي نشالله ما نطمرتي الليل كله وين دايحة ولا كلتي ماكو لاحسيب ولا رقيب عليا خل افتر على حل شعري
: قيصر شمالك داتحجي هيج وياي خمو شسويت؟
: ابد ماسويتي شي حضرتج جنتي ببيت ناس غربة يومين وماكلتي شدتسوين
: ترا ذولة الناس الغربة اهلي واعرفهم قبل ما اعرفكم هما الربوني وانت مالكا حق تحاسبني عندك مرة
نفتح الباب ودخلت هرم وولادها سلمت عليا وحضنتني وتبوسني تعجبت هاي تشوف الموت ومتشوفني
هرم: شبيج يدادا؟
: لا ولا شي
: ادري بيش تفكرين ترا شماجنت تضلين اختي والضفر ميطلع من اللحم وشبيك قيصر ويا اختي
قيصر: تعرفين وين جانت جانت ببيت ذولاك الوادم
هرم: غير اهلها وربوها خمو ببيت غريب عوفها خطية ويا صديقاتها يجوز
قيصر طلع وهي فاتت على امي ولدها بدو يلعبون اني طلعت على غرفتي نمت نومة اهل الكهف من ال12الى 8بالليل كعدت
كمت غسلت وتمطكت عضامي طكو 15مرة طلعت سمعت طكطكة بغرفة مرهم دكيت الباب ودخلت
لكيتها مجهزة كلشي لحفلة التخرج مالها والعباية والقبعة جاهزين واخذتهن وكاعدة ترتب بسلات الجكليت وطايرة من الفرح بيهن
وعلى جهة خالة اصباغ اضافر وترهم ويا الملابس الراح تلبسهن والغرفة صايرة اكثر من غرفة حاذق باللوصة مع ذالك جانت مرهم الدنيا مو واسعتها من الفرحة
: بس ارحمي خدودج راح يطكن هههه
مرهم: يوم الج وتحسين بالي احس بي والله ميتة فرح احس اريد اروح اركض واغني واركص وكلشي اسوي
: نشالله دوم الفرحة متفارك هالوجه حبيبتي شوفيني وين جنتي اليوم؟
: اليوم ستلمت القبعة والعباية شوفيهن حلوات شوفي شخليتهم يكتبون ع القبعة
باوعت مكتوب كان وهم واصبح انجاز
: ولج كتبتي اسمي ع القبعة يااا فدوة لعمرج
بقيت وياها ارتب وياها بالغراض اكتشفت انها تعرف تصمم صواني وسلات وكذا
: شاطرة انتي بالترتيب
مرهم: غير جان حلمي اصير مصمم ديكور
: جذب
: والله وداعتج بس امي اخ كالت لا روحي هندسة حت تشتغلين بشركة عمج
: المااعرفه شركتنا مال شنو
: انتي مصدكة بيها شركة هوا معرض بكد البيت يشتغلون بالسيارات الحديثة يتاجرون بيها
: هسة اني تاجرة؟
: واحلا تاجرة حبيبي وشركة عمي مال للاعمار اني راح اشتغل بيها انشالله ورا التخرج
: احس علاقتج بعمي قويا شنو انتي ليش مفضلة؟
: اي ههه غير عمي
كالتها ودنكت مبتسمة
: باوعي بعيوني وكولي الصراحة داشوف ليش انتي مميزة عن الكل
ابتسمت وماحجت ضليت الح عليها الا حجت
: ابنه يحبني سودة عليا وكل الي دايسوي على مود ابنه وحيده
: هذ الجليكان؟
: وهمممم
: لا مو قصدي بس يعني وانتي حساسج شنو؟
ابتسمت دنكت خجلانة
: اهاااا حلو شوكت الزفة؟
: يازفة انتي الثانية خل تسمع امج تقيم قيامتي
: لازم بكيف امج معليج بيها تزوجو بسرعة
: الله كريم خلينا هسة نفض شغلنا وننزل ناكل جعت
: اي اني على النساتل الي نصبت على معدتي بيهن البارحة شعدنا عشا
: هسة نسئل خالة خولة شمسويا وليش ما جنتي تاكلين؟
: حاذق مريض
: وانتي تجوعين لخاطره؟خويا تخلصين هيج
: يالله بالريش خل ننزل
نزلنا جوا لكيتهم اساسا مكملين ودا يفوتون العشا ع السفرة وواضح جان جاينا ضيوف للعشا مو معقول بس لهرم واولادها كل هالطبخ
طلع فعلا دتجي خالتي المغتربة تتعشى وتبقى اسبوع مرهم لطمت راسها وامي عاطت انها تحترم خالتها جايا ع مود تخرج مرهم ومرهم ما حجت بس مبين من تعابير وجها
: ولج شكو؟
: راح تجي خالتج اللزكة
: يااا ليش هيج؟
: ولج هاي مسافرة لفرنسا تزوجت هناك وولادها يحجون فرنسي وانكلش وخابصتنا بيهم تجي بالمناسبات بس بس جيتها اثكل من الهم
: مشي لغرفتي وسولفي
رحنا لغرفتي اول ما دخلت مرهم ادردم ماعاجبها
: جايا على تخرجي العينين الله لا يجيبها جنها جدة شمسة مكحلة تشكللها اللغة الفرنسية والله لاتضل بخلقتي جانت كل ماتجي تكول انتي لابني
وابنها حشا خلقة الله نعال مكلوب
غير انه معندة شهادة ومكضيها ملاهي وبارات وكح.. ب واني احب سيف وامي لازكة بمهيمن جيبي اليحلها هسة
وهاي اذا ما راح تجي تضل اكثر سنة اني ماافتهم شي هسة سيف اذا شاف مهيمن هنا راح تقوم قيامتي غير بتها استبرق التخليج تكرهين روحج
كال برج ايفل وكال المطعم الفلاني ولمن يدك تلفونها تحجي فرنسي وما عاجبها احد
شوفي وهم ما تسولفين وياها هواي ولا تفوت لغرفتج خليج بعيدة عنها هاي وراها طلايب بكد رحمة الله ويا كل الخلق لها عداوة والاحسن ما تندكين بيها
: عزا شنو من بشر ذولي وعليش هيج خايفة منها انتي ترا اطردهم والله
: حقج مشايفة خالة توافق اشونها
: اسمها توافق؟
: اي اسمها صخمان هسة فضيني تلكيها بالمطار
سمعنا الباب ندك نزلنا نباوع من الدرج دخلو عرفنا هي الاجت ونزلت مرهم مرة ثانية واجت توافق ووراها ولدين وبنت مرهم تسلم تذكر الاسماء
مهيمن متيم وبتها استبرق عاوجه وجها اجت سلمت ع الكل طلعت لغرفتي ماردت اشوف احد تعشو اني طلبت اكل لروحي من مطعم
تالي الليل افرش سنيناتي بالحمام وسمعت صوت فتحت الباب وسحلة الجنطة غسلت حلكي وطلعت باوعت استبرق تشحط بجتنطة اطببها للغرفة باوعتلي من فوك لي جوا
استبرق: باجر رتبي الملابس هسة تعبانة واريد انام
: نعم!؟
: اي مثل ما سمعتي اطلعي والباب بيدج ومرة ثانية لا تدخلين بدون اذن
اني مو مستوعبة هاي شجاي تخرط بالحجي وهي مستمرة تدخل
: اتوقع اني ما احتاج اذن وين مااريد ادخل انتي مالج علاقة مو انتي لازم تستئذنين
: هاي شلون طلابة بتالي الليييييل
بنتي انتي صاحية لوبيج ترا مو طبيعي هالشي واطلعي مادام بعده مزاجي عدل
: اني اطلع لا الضاهر انتي المو صاحية عيني انتي خذي عليجتج واشيائج وطلعي واخذي الباب بيدج
: ولج انتي مستوعبة شجاي تحجين وتعرفين اني منو تحاجيني هيج اني استبرق حامد عرفتي لو لا
: يعني منو؟
كلتها وبدت تعيط وتكمز وتصيح
: اطلعي برا ما لجا شغل اهنا بعد روحي لكيلج غير بيت يلفج يا ساق...طة
: اني ساق** لج حولة وجه الضفدع انتي ياهي
: بر** اطلعي، برا كح**
سمعتها بدت تفشر تشكلت الها طفرت عليها كتلها عليمن طايحة الحظ
جريت شعرها اجا هوا وراسها دنكت صرت اعضها واكفخها هي تسحب شعري واني اخمشها وكعتها وجرتني من شعري وياها ومعت ونحرب ثنينا
نزلت عليها عضيت ايدها وهي تصرخ تجر بشعري رجعت لوجها ماحسيت الا مرهم ركض فاككتنا هي مابقى بوجها شي صاحي سويتها ثريد نعدلت تحجي
استبرق: هاي الخدامة الجديدة مالتكم وقحة وعينها قوية هاي ما تضل هنا اليوم خلوها تتربا اطردوها شلون تخولها تهيني ببيتكم ما تعرف اني منو فوك ما تضربني تكلي انتي تطلعين من هل غرفة والله ما تبقى هنا اليوم اخلي خالتي اطلعها
اني وكفت اشوفها لوين حتوصل امسح حلكي برداني واعدل شعري استعد للجولة الثانية حت اكتلها كتلة مرتبة
مرهم: على كيفج ايما خدامة داتحجين؟
استبرق: هاي الجاهلة الوراج الصفرة باعي شكلها وشكد قوية ملخت ايديا ووجهي والله لاخلي خالتي تشكج
مرهم: بس خل اف...
كالتها ونزلت استبرق تركض
: منو هاي المجنونة الجايتني تالي الليل؟
مرهن: بنت خالتج هاي يمة هي هاي استبرق وهم كتلج تجنبيها
: بربج دخل انزل اسمع شجاي تكول واكتلها مرة الخ طبت عليا مثل الخبلة
نزلنا لكيناها مكعدة امي واختي وخالتي وادم ماد راسله من الطابق الفوك يباوع ويضحك عليها شلون مسحولة
استبرق: هاي الخدامة الصغيرة كتلتني وطردتني واني اول يوم ببيتكم هاي هانتني طردوها
توافق: ياا من اول يوم هيج تسوي هاي خدامة وهيج مااقبل بنتي تنطك وببيت خالتها هاي الخدامة لازم تنطرد وتتعاقب
نزلت الهم مرهم كوة كامشة ضحكتها تكللهم اكو سوء تفاهم وامي صافنة تريد تعرف منو هاي الصفرة
نزلت الهم واني اشكل ردني لخاطر اكتلها بعد هيا شافتني وصرخت
استبرق: خالة هاي العكربة الي كتلتني يالله ردي حوبتي وادبيها وعلميها شلون تحجي ويا اسيادها
امي كامشة ضحكتها كتلها يالله علميني شلون احجي دندون
استبرق: ياا عززا خالة شوفي شلون تحاجيج مكانج اكتلها والله واخلي ولدي يشمروها للجلاب
نزل ادم ولزمني من زندي كال
ادم: منهو هاي التنشمر للجلاب؟
وضمني اله وهوا يضحك باس فروة راسي
هنا استبرق نشلت وكالت بصوت مرتجف
: تز.. تزوجت ادم؟
امي: استغفر الله ولج يا تزوج هاي بتي وهم الجانت ضايعة لكيناها الحمدلله
استبرق رجع الدم لوجها صارت ترمش هيا وامها وكالت مااتذكر عدج بت اسمها وهم
امي: اي لان ماقبلت ارجع اسمها الحقيقي هم فكرت بيها انتي مثل اختها ميصير اثنينكم نفس الاسم
عود لعبت نفسي من كالت اختي وكلت
: عييع
مرهم ضحكت بصوت عالي وكعدت تباوع من الدرج
استبرق: ياخالة هاي بتج شو ما تشبهلكم؟
: اشون ما تشبهنا نسخة من ابوها سودة عليا ماعاشت ويا بس نعوضها انشالله بس ليش لبالج خدامة؟
ادم: هاي بنيتي اني اصير ابوها
: خالة طبيت للغرفة وشفتها طالعة بهل ملابس كلت اكيد خدامة بس بنتج مبينه متربية بنص قوم كافرون ملختني
صحت: اني متربية وين يمةةةة
ترا احسن من شكولج انتي الطبيتي جنج ابريعص لازك بشيرة تتامرين براسي واني ماناقصتج ابد بس هم ميخالف اخذتي نصيبج
: لا يغرج ترا سكت لاني مسويا اعتبار لخالتي
: راح نبديها بجذب يعني انتي مجنتي تعرفين منو اني اساسا باعي شسويت بيج جنج كطف جكارة منكع
ادم ضحك شويا وهوا لامني يمه بتك ايد عمس خدودي ورد لغرفته شفتها تباوعله وتعوج حلكها عرفت عينها بي بس تخسي تصير جنتنا
لحكت ادم لغرفته طفرت جان متلفلف علكت الضو شلت اللحاف من عنه باوعلي نغمض عين فاتح عين كال برهاااااوة بكل برود
ادم: خويا تسودنتي شي؟
: اش بينك وبين هاي السحلية؟
لبسني ورجع تغطى وشلت اللحاف
ادم: وهم شبيج يابة ساعة راح تصير1
: جنت نايم قبل ما اكتلها؟
: جنت اغفي وسمعت عياطكم وصياحج خفت لابيج شي بس كفو بعد اخوج طلعتي نجرة طلعتي حيفي بيها
: لا تصبغني كلي اش بينكم؟
: ولج اش بينا شفتي وجها انتي تكول جدر مشلوعة يدته
: شفتها شلون تباوعلك وشاردة بيك لمن طلعت
: قصة طويلة بنيتي نامي وبعدين احجيها
: والله ماانام ولا اخليك تنام اذا ما حجيتلي كلشي وتراني متربعة اهاا
تربعت بنص سريرة وخليت اديه على خدودي انتضره هو هم شافها مطوله كعد تربع ع السرير وكال شنو تريدين تعرفين رديت علي بكل برود
: كلشي
: ماشي شوفي وجه المكنسة هاي انا ما مكلبها بكل عمري بس هي لزكة جانت تجي لاسبانيا من فرنسا وتبقى بوجهي بس ماجنت انطيها مجال وهي تتمسح وتتلكبش ومدري شتسوي تجنن بروحها واريدها تفكني واتفقن امي وامها يصير تبادل انا اتزوجها ومهيمن ياخذ مرهم خوب على موتي اخذ الساحرة هاي واخلي اختي تتزوج هذ الملبوس ولان انا هوسة واعيط غلسو ع الموضوع بس هاي بقت عايشة بهل امل خطية كلبي مو يمها
: وانت ماشايلها من كاعها مو؟
: بعد اخوج اش اشيل منها جنها تاير
: انت مبين عليك حيل تكرها
: ايي اكرها بكد مااحبكم انتي وخواتج كلبي
كالها ولزم خدي بصبعين وباسهن
: صدك تحبني ادم؟
: انا لو عدي بنية والله ماحبها بكدج
: وخواتي؟
: احبهن طبعا بس انتي بنوتي من كتيلي اول مرة بالجامعة خويا حسيت كلبي رجف
: بس ما تربيت بيناتكم وهيج تحبني
: حتى لو انا من شفتج اول مرة حبيتج وهواي ههههه شايف الاب لمن يخلون بنته بيده اول مرة شلون يحبها انا هيج لمن شفتج اول مرة حسيت بالابوة
: بس اني ترا طبعي مينحمل والله انت ماتعرفني بعد
خاى ايده على خده وتمدد ع السرير منجي بعكسه يباوعلي مبتسم
: شلون بالله
: عنودية والله ابزع الشي، الاريده لازم اخذه ومزاجية ولساني طويل
: اطغي وادللي اكثر يشكلج ويشكل لعيونج دام انا وياج استمري بالعناد والمزاجية ولاترحمين احد من لسانج
: والله؟
: اي وليحاجيج كوليلي انا شلون ميخلون بنيتي تسوي الشي لتحبه
: لا تتهرب تحب منو دومدم؟
: وهم طلعي برا لا بدفرة والله
: والله ما كلي تحب منو واطلع وداعتك
هذ كام ديكمشني وطفرت وكفت باب الغرفة واجاني تخصر
: هسة دحجي ارنوبي
: ولج الرتبة على جتفي وانتي تكليلي ارنوب طلعي لا تخليني انيمج ويا استبرق اليوم
: والله ما كلي يالله
شالني من ياختي بيد وحدة وطلعني برة وقبل ما يقفل الباب باوعتله ببرائة وبرطمت هو شافني طبك حواجبه يضحك
: تغسلين عقلي وكلبي بحركاتج يبوي
: بس اسمها
: اسراء
طب وغلق الباب بوجهي تذكرت بنت عمتي اسراء يااا يالنذل تحب المصلاويات موو بسيطة
نزلت دخلت غرفتي ونمت كعدت ثاني يوم على اتصال حاذق اطمنت علي الحمدلله مابي شي واتفقنا نطلع كلنا نلتقي بمطعم يم منطقتهم
سبحت وسويت شعري حطيت ميكاب خفيف لبست بنطرون وقميص ونزلت لكيتهم يتريكون سلمت وطلعت وصاحتني استبرق
: دتعالي اكلي ويانا الاكل دليزيو
: نو كييرو
: هاا تحجين اسباني؟
: لا اطكطك كلمات بس ماجوعانة دااروح هسة
: الى اين؟
: متفقة ويا ربعي دنلتقي بمطعم نتريك هناك يالله باي
رحت بسيارتي التقينة كلتنا الشلة كاملة هناك مابيهم واحد ماكو
نظر: وصلت وهم كمل الدرزن هسة
شاهين: الحمدلله اليوم كاعد ما تكليلي من هو ربك
حاذق: بعدها ببالك صارت وهاهي
عزمتهم على ريوك واكلنا وتلفون هيل ما سكت كل شويا يدك وتنطي رفض اخير شي خلته وضع طيران سئلتها منو كالت محد مهم
مبين عليها ملامح الضوجة ومو مرتاحة بس ما لحيت عليها عرفت بينها وبين حبيبها صاير شي
خزرتها بعيوني يعني اكو شي جاوبتني لا وسدينا الموضوع من داا نطلع من المطعم مسكت ايدي بين ما الكل صار كدامنه طلعو
هيل: وهم اني بمصيبة
: شصاير خيرج؟
: ولج جاي ع العراق
: منو؟
: حبيبي منو يعني كالي كم شهر واجي معرف وين اديح
: يعني انتي متريدي يجي لو شنو؟
: صراحة احب واحد ثاني وهوا ما يعرف بي
: كلب نفرات شبيج شنو دااحب واحد ثاني هذ منو النوب؟
: وهم رجائا يعني اتورط اكلج شي اني؟ هوا ماجاي هل ايام جاي يدك عليا وماارد علي
حاذق صاحنا حت نطلع كتلها تمثل هسة ماكو شي لي ما نحلها
طلعنا نتمشى كلنا وهيل تصرفاتها ابد مو طبيعية احسها تبتعد عني ومتخليني احجي ويا حاذق كوة ضلينا وحدها
حاذق: ماتريده يجي
: شدتحجي؟
: نسيتي اذاني لاقطة ولج؟
شفتها تباوعلنا كتله يسكت
للعصر كاعدين بالبارك ونسولف وسمعنا هورنات درت راسي شفنا استبرق واخوتها مهيمن ومتيم
كحيلة: وهم جاين ناس مبينين تبعج
: بيت خالتي ذولي
اجت استبرق تركض وتصيح وهممم وهمممم
: ولج شكو خرعتيني احد بي شي
: لا جيت داسولف وياكم بس اني استبرق وهذول اخوتي مهيمن ومتيم
حاذق: وهم مو جان اسمج انتي استبرق؟
استبرق: اي اني اكبر من وهم بشهر وسموني ميرنا بس لان ضاعت وامي سمتني استبرق ع اسمها
حاذق: اممم
استرق: وانتو منو؟
: ذولي ربعي
عرفتها عليهم واستلمتها كحيلة تصنيف عليها وع اخوتها لان مهيمن كصير وناعم
كحيلة: جعلي قوطية ببسي حجم اقتصادي ومسمي مهيمن لعد لو طويل شويا شتسمونة الله؟
استبرق: والله ابوي سما هيج عجبة رادت امي تسمي رمح
كحيلة: لج يمة يا رمح هذ قوس ابو طبوعات هواي علي
: ديالله عود شونهم اخوتج
: عندي بس اخ واحد وهياتة يمي شاهين بس ايدة بثنين من اخوج صح يطبكن عندة مرات بس فدوة مالي هدومة
استبرق سكتت مابعد تحجي
نظر: كافي كحيلة البنية ضيفة كافي لغي
: اي تتعلم ع طبعنا بسرعة هم
استبرق: وهم خل نرجع
: مااريد ارجع هسة يجوز ابات هنا اليوم روحو انتو
مهيمن: لا يابت خالتي شون يصير نخليج ترجعين وحدج شنو مو زلم
نظر: شنو ماتشوفنا انت باوعلنا واحدنا يطبكك مرتين انت اذا تريد نوصلك
مهيمن مايحب العركات سكت وماحجا ورجعو ضل متيم تونس على سوالف كحيلة
كحيلة: شو اخوك غسلنا ونشرنا ما فتحت حلكك
متيم: والله اخوي دوشك مال تنمر شسويله عنده لسان
ناس ستلمت ناس كحيلة ومتيم للتالي يكلي ماارجع اذا ما رجلي على رجلج هوا جذاب يريد يبقى ويا كحيلة عجبته سوالفها نظراته فضحته حت اذا تسكت يتحارش بيها يخليها تعيط وتعلك من جديدة
اخير شي شاورني كلي اريد رقم هاي مانطيته ورحنا وهيل ما فتحت حلكها لو بحرف بس كانما متندمة على شي واضح من وجها
اخذ سويجي وهوا ساق علاقتنا ضعيفة حيل ماحاجين شي اني اتصفح وهوا يسوق وصلنا بيتنا نزلت اخذت سويجي ودا اطلع صاحني
متيم: اكلج باربي
: هذ شنو؟
: اسمج ماله دلع والله ولان انتي صفرة هذ الاسم راهملج
: اختصر
: هاي البنت الصفرة التشبلهج مرتبطة؟
: وانت شعليك؟
: لا ابد بس سؤال
: متيم شوف دااكلك ابتعد عن ربعي احسلك ترا لا شفت اخوها سبورت وكذا هذ من يتعصب ميشوف كباله والله
: خما شدسوي مثلا بس جان سؤال
: لا تسئل وابتعد عنها احسن
تركته ورحت لغرفة مرهم دكيت الباب وفتت لكيتها تقرة كتاب
: البارحة حجيتي بس على استبرق ومهمين شو ماجبتي سيرة متيم؟
مرهم: ليش اشبي؟
: لا شيء بس داسئل هيج
: والله متيم ينحب هذ ضلعي مو مثل الباقين هذ يضحك ويحجي ويسولف ينحط بالكلب والله واخو مصطفى هم
: اخ لاخ عدهم؟
: هذ ابن ابوهم بس لنا حجي ويا احيانا بس ينحبون يعني مابيهم شي
: متيم الشيطان راد رقم صديقتي كحيلة اليوم
: كحيلة هاي الاجت من جان خالي اهنا؟ لان نفس الطينة ثنينهم اكيد
: اسكتي متنا ضحك اليوم ناس تستلم ناس هوا يكلها اسمج كحيلة وانتي حولة وهي تكلع انت من اصلك من القرود وما نازلك تحديث
: هههههههه هاي البنت انتقام من هذ حط عينه عليها والله ليحصلها
: شنو دا تحجين؟
: حقج ما تعرفيهم ما شايفع متيم من يحط شي براسه حت من جان طفل من يريد شي يصير لو تنكلب الدنيا ومدام راد رقم هاي البنت يعني دخلت مزاجه
: ونيته انشالله شلونها؟
: هوا مشيطن ونذل اي بس ما يغدر والله جربي نخي وشوفي شلون يفزع
: مااريد فزعته كحيلة عزيزة عليا وهذ مبين علي شيطان
: دخلت مزاجه والله شكد جنا نكعد مع بنات وصديقات قبل ينصب عليهن ويتعشا على حسابهن وينطيهن حظر حت الجانن ينطو رقمهن يحظر ارقامهن بحياته ممصاحب واكله ليش يكلي مدخلن مزاجي التعجبني اخذ رقمها وكحيلة عجبته
صفنت على حجيها ومبين متيم صحبة وياها عفتها ورحت لغرفتي اراسل هيل مترد كمت راسلت حاذق ونمنا مرت الايام ما صار بيها شي عادي لي تخرج مرهم ما اجو الشلة مالتي لان هذ تخرجها ويا القسم حفلة تجنن وفخمة لدرجة
اول مرة احظر حفلة تخرج صاح اسمها ودخلت شفتعا تجنن مسرحة شعرها وهيا شعرها طويل لحد ركبتها وحاطة ميكاب روعة لابسة فستان بطول شعرها وكعب وفرحة الدنيا مو واسعتها
اجت سلمت ع عميد الكلية ومسؤول القسم نطوها باقة ورد واجت علينا سوينالها استقبال فخم لبستها امي القبعة واني العباية ونطيناها الهداية
امي كلادة واختي محبس وقيصر بروش مكتوب علي eng marham وبي هاي امور المهندسين واني نطيتها اسوارين ماما مختارتهن
ادم منطي لامي شباح بي 3محابس يجنن لتخرجها لان ملتحق ما حضر الحفلة لبسته ايا امي من كلتلها من ادم بجت
كملت الحفلة على خير بس تكسرت رجليا من الركص والردح اني وياها بالحفلة اول مرة اشوف مرهم بهل جرأة وتركص متعودين عليها هادئة وكاعدة
ستايل لبسي غريب هالمرة لان ماما اختارته وجبرتني البسه خلتني البس فستان كصير لجوا الركبة كلوش وصدرة مفتوح وبلا ردن وتعلاكاتة تصير من يم الصدر مو من فوك بس لبست جواتة بدي كيبور ثت ارباع وسرحت شعري وحطيتله اكستينشن سلفر وميكاب خفيف وكعب
كملنا ركص وتصوير ويسون فعاليات ويرمون القبعة واغنية للام واغاني ثانية مال نجاح اجواء تجنن رجعنا للبيت تلفوني وضع طيران معرف منو مسوي بس اكيد امي
فتحت النت واجت كومة مكالمات ومسجات من حاذق وكحيلة ونظر يكلي نعلستي والحسين
اني ما مفتهمة شسالفة اباوع اتصالات للرقم وع كل المواقع ياا شسالفة شصاير توني دااستوعب ودك حاذق فتحت التلفون كلت الو
: وينج يا صخمااااان؟
: شكو شبيك؟
: النهار كله ادك ومتردين تعرفين شسويتي بيااااااا؟
: حاذق اشبيك شكو تصيح شصاير امعود؟
: ما تعرفين شصاير حضرتج اكيد ملتهية بالردح والاجواء عاجبتج
: ماتكلي اشصاير بيك جاي تصيح عليا غير لو افتهم
: وين جنتي بس كليلي؟
: اي غير تخرج اختي اليوم وجنت بحفلتها
: مو كلتي دتسويها وحدها؟
: لا هاي ويا القسم سوتها الثانية بعد اسبوع بعد ما كملت القاعة
: حضرتكم اليوم جنتو ببث ع الانستا واحد كرن من زملاء اختج فاتح بث ومصور الحفلة كلها ومركز بحضرة جنابج وانتي تركصين بينهم ومكيفة وكل التعليقات التجي عليج طلع ام الاحمر طلع ام الاحمر والي يكول مو بشر هاي والي يكول 100ناكة للي يجيب رقمها
: هاي شنو شوكت؟
: والله معرف حضرتج شوفي شمصخمة توني شفته باليوتيوب مسوين تصوير شاشة للبث ومنزله ع اليوتيوب محد بارز بكدج وانتي تتمايلين فوتي شوفي
غلقته وفتحت يوتيوب وبحثت طلع منشور فعلا شلون جنت اركص بالحفلة ومركز عليا بشكل جبير حت اذا اغيب دقيقة يرجع يطلعني مرة ثانية
كانما جاي يلحكني اشوف صاحب الحساب لا صورة ولا اسم حاط اسم حساب مستخدم بحثت عنه ماكو احد بهل اسم وعدد مشاركات البث مبين بالتسجيل
شويا واجا قيصر يعيط وادم بغير محافظة اليوم يدفني لا محالة
اسمعة يصيح يكول وينها هاي التتمركص فضحتنا ماضل احد ماشافها ومتيم يسكته
متيم: التصوير مبين بالبوكة ومبينة متقصد الي يصورها مو بس هي طالعة
: ولك التصوير مركز عليها حت اذا تغيب شويا ترجع تطلع مرة ثانية وكلهن هيج حت مرهم وهرم مركز بيها هي
: يااخوي داكلك المصور مبين بالبوكة لان ما ندارت ع الكامرة مبينه متقصدين يصوروها بس الها لان يعرفون دمك حامي ودا تجي تسوي الي جاي تسوي هسة
وهوا يحلف يطلع يشنقني اجت مرهم تركض دخلت لغرفتي وسدت الباب بالمفتاح وحاذق ذبحني بالاتصالات ومسجات احترت بروحي شسوي وامي تكله اذا تصل صوبها احرك روحي والله بس عياط وخالتي تكله هي اساسا تنشر صورها عليش هسة حميت
بس صوت متيم مبين يهدي ومرهم حاضنتني تكلي ميلوحج واني ارجف واتصلت بسيف لان بيتهم كريب كلتله قيصر حالف يمين على وهم اليوم تعال بسرعة
اني اريد بس اعرف منو هذ المسوي هيج بيا اني بالذات مااعرف وين اروح ووين انطي وجهي لو شتصرف
قيصر اذا لزمني ما يلحكون يتصلون بالاسعاف
دقايق واجا سيف ما قصر ويا قيصر طلع لغرفتي ونزل يكله اختك دخيلة عندي مااسلمها لو بركبتي واتصلت اسراء ردت مرهم
: الوو.... اي والله شفنا..... هسة شلون شنسوي... والله ماادري بعد خلي بس قيصر يهدء هسة ومايذبحها... امعودة شعرف مو اكله تنشر صورها عادي شمعنا المرة.... عود اطمنج ميخالف باي
سدت التلفون وشويا هدء الوضع جوا ماكو صوت اجا متيم دك الباب
متيم: وهم خويا بيج شي؟
مرهم: وين قيصر؟
: اخذة سيف وراح كله اختك بحمايتي هسة وهم بيها شي؟
: لا تخاف مابيها شي هياتها يمي
: اي خويا كليلها لا تخاف بركبتنا هي ما يكدر يلوحها وادم من الصبح راح يجي لا تخافون ماشي
اني اريد اعرف منو الجان يصور بكل ذيج الهوسة ما شفت تلفون بيد احد حاولت اركز منو الجان بيدة تلفون مااتذكر بس جان المصور وهم ما هذ تصويره انتبهت على تصويره صور القسم كله والفعاليات هذ حت بالفعاليات مصورني الي حاولت اثبت تفكيري ماكدرت الخوف مسيطر عليا
اجت مرهم فركت وجهي
مرهم:وهم حبيبتي شبيج
كومي غسلي
:والله ما جنت ادري والله
كلتها وبجيت حضنتني
مرهم:ادري يا روحي ادري كومي غسلي وجهج فدوة
خلتني اغسل وهدتني بس اتصالات حاذق ما نكطعت خفت ارد هسة يعيط بيا ردت علي مرهم
: الو.... اني مرهم.. اي تخرجي هذ... دكلك لا تعلي صوتك عليا... اي وهم تنشر صورها انت تعرف... ميخالف ميخالف عود الله كريم... نايمة هسة من تكعد الله كريم.... ماشي
وسدته كتلها شبي ما ردت بس اجت تفركلي الى ان نمت من كعدت اجا ببالي تصوير الحفلة اكيد راح يبين بي منو الجان ملاحكني اكيد حيبين
باوعت الضاهر مرهم نايمة بغرفتي سبحت وبدلت ع السريع ونشفت شعري وطفرت جوا وما لكيت احد كاعد غير مرهم جانت تباوع للتصوير
: عجبج ركصي؟
: لو تخرجج مافرحتي بي هيج طلعو من خشمي تنغصت بي حسبي الله ونعم الوكيل
: معودة لا ديرين بال والكفل زينب دالكفة واخلي عبرة لمن لايعتبر اريد تصوير الكامرة
: من نا لاسبوع ما يطلع بس اني مااتذكر احد جان لازم تلفون حت نشك بي لئن تلفونات ممنوعة حت بالتصوير طالعة
مصممة الحفلة تاخذ التلفونات
: شوكت من يطلع لازم يصلني اشوف منهو الحقير الصورني خلة اخوج يجي مثل الثور وضيمي الثاني يهوس براسي والله مااعديها بس اصبريلي هسة دفتح بث
: على شنو البث يمة؟
: مو هسة بعد وكت خل تضحي الدنيا وافتح ذاك الوكت العالم كثار الكاعدة وانتي ماتعرفين احد يدور طشة
: اشلون مااعرف
: خوش كليلة راح افتح لايف ع الانستا اليوم ساعة ب11خل يسجل شاشة وينشرة بمكانات ثانية حت يطش بسرعة
فعلا مرهم راسلت كم شخص كلتلها راح افتح بث ع الانستا تريكت ودخلت للانستا اشون عندي 60الف متابع هذول شوكت اجوني كومة متابعين سويت تلفوني عدم ازعاج وفتحت البث...
لاتنسون تصويت⭐⭐⭐⭐⭐
اسراء العزاوي
💜💜💜💜