تحضى نار قلبي

حلقة:الخامس والعشرون

تحضى نار قلبي
حلقة الخامس والعشرون
.
.
.
.
.
.
.
. كلما اغرقتنا الشهورة
كلما فقدتنا الفرصة على الحصول من ما نحب..

يثواني وانفتح الباب نزل منها بكامل أناقتة نفس كل مرة..
مجرد شفتة صرخت بصوت مرتفع  وحطيت أديني  على وجهي معقولة رجع..

تقرب علية و وجهة ما بي كل رحمة
تقريباً  وصل مقابيلي  أبتسم بطرف شفتة مستهزء وضرب الجامة بيدة  بحيث تفلشت الجامة

رعب بداخلي رجعتة ما الها كل خير..
فتح الباب وسحبني من أيدي بقوة بحيث أرتطمت بصدرة

دنگ علية وهمس بفحييح قريب أذاني  وانفاسة الحارة تلذع بشرتي
_سبق ونبهتچ انتِ دخلتي قفص من مرايا صعب الخروج منا يا سرور..

أبتلعت ريگي ورجف صوتي  حچيت بالگوة
_يييا سس يين ان تت عا عايش..

ياسين: لا عمچ الك.... 
ركز بعيوني وحچة  بهدوء
_ لعبتي وية الشخص الغلط سريانتي.

أبتعد عني مسافة وصد  رفع السلاح موجهة علية  سحب اقسام وگال
_ عقاب بسيط الچ.

لحضات معدودة وثارت طلقة من سلاحة   ماحسيت غير بعد لحضات على ألم فضيع  بيدي  قريبة على الكتف تلمستها وأشوف الدم..

سرع نفسي وحچيت
_ليشش ياسينننن...

ما تحملت أبقى واكفة گعدت  على الارض  واتنفس بسرعة.
ألم فضيع لايطاق..

تقرب علية  بدون كلام  سحبني من أيدي الي رمة عليها شاغت روحي..

سحبني لسيارتة وفتح الباب دفعني بقوة وغلقها..

صعد وساق بسرعة.
عيني على أيدي ألي موتتني..

بعد مدى صف السيارة.

نزل وفتح الباب کال
_اذا حچيتي زايد أحرگچ بنارچ  بسرعة تنزلين بدون كلام زايد.

قبل لا أحچي سحبني من أيدي ودخل.
تصافح وية المضمد وگال
_ ناديلي سمر محتاجها ضروري.

رد علية
_تأمر أمر أبو الياي.

طلع المضمد وهو ولا حط عينة بعيني گاعد  وگاز أسنانة.
بعد دقايق طلعت بنية  بمنتصف العشرينات سلمت على ياسين و گالت
_تعالي وياي.

مشيت وراها  فتحت  البردة وگعدت على السدية
شافت المكان  عقدت حواجبها  وحچت بصوت مرتفع

_ياسين ما عدنا تخدير والجرح عميق،  أفضل تاخذها للمستشفى أحسن..

لحضات وانفتحت البردة  و تقرب علية  نضرلي وگال
_عادي تتحمل سوي..

فتحت عيوني بصدمة هذه شنو ديحچي خرف!!!
تقربت البنت علية ومسحت أيدي بمعقم  وگلبي دكاته فضحتني ما  توقف..

  اقل الثواني  سحب راسي عليه وحضنة بحيث صار راسي بمعدتة.
حط أيدة على كتفي حسيتة نبت أصابعة..

بالي كلة يم أيدي وهذا كل شغلة تسويها تگول ما تنطي  مجال للتناسي..

سمر: ياسين راح أوسع المكان عادي!.

ياسين:عادي تتحمل  أشتغلي.

حسيت عليها جرحتني منا الألم لايطاق ومنا يگول يتحمل والاضرب  دموعي تنزل..

لحضات وزاد الألم بحيث دفعت ياسين  وهو   کرص كتفي من يم رگبتي حسيت روحي انشاغت..

گرصتة من خاصرتة  بااضافري  وهو نبت اصابعة بين ضلوعي  درجة اذا اتحرك  أتألم زيادة..

بعد مدا ما أعرف شگد بس كانت كفيلة  بتدميري.
طلعنة من العيادة.

فتح باب السيارة صعدت  وارتاكيت على جهة  احس روحي لابت لا للحياة ولا للموت

والخياط شلني شل
والنوب تگول
_  يااا الابرة عمية واني اشتغلت بيها  هسة شلون!!

وياسين يگول الها
_كملي الي بديتي بي تتحمل.

حسسني رجل حديد وعادي يصير وياه هيچ.

غمضت عيوني والدموع مو راضية توگف.
حسيت علية ساق السيارة  وللحضات وتلقائية الصوت تلاشة..

ما اسمع غير وشوشة خفيفة..

حسيت على نفسي أون بصوت مرتفع.
فتحت عيوني التفتت  ماكو أحد يمي وبغرفة!

رفعت أيدي حسيت بوجع صحت بصوت مرتفع تلقائي رجع الألم بقوة واضعاف دموعي نزلت وحچيت بصوت شبة مسموع
_ أنعل أبليسك ياسين  ربي ما خليت گدامي اله المخابيل والي والعقليين اريد واحد لا عاقل ولا مخبل  نفس المتهور الخبل مالتي..

قاطعني صوتة  وهو يدخل
_يعني ثنين ما مكفوچ تردين الثالث حتى هل مرة الطلقة بنص کلبچ الفاشل بالاختيار.

زفرت نفس وحچيت
_ لان ببساطة ما لگيت نفسي بيكم واحد متهور وخبل وفوكاها مشرحچي والثاني عاقل ويبيع مثاليات براسي.

احتضن ادينة لصدرة وحچة
_لو متهور كان ابيوم إلي شفتچ  بي أنتِ والكو.. طلعتو من البيت  كان طلقة بگلبچ المايعرف الحب و بگلب العاشق الولهان الي ادعى الحب.

شمر علية   علاج  وگال
_اتزقنبي هذة يخفف الألم.

خزرتة وحچيت
_ما أخذ مو بكيفك وحسن ألفاضك.

رد بستهزاء
_اي مو گدامي الحواوين سرور  مديرة شركة الحواوين.

گزيت أسناني وحچيت
_لا تتجاوز ياسين، أحترم على الاقل.

هز رأسه وگال
_مو أني سرور وأحترم.
طلع من يمي  وهو ولا مهتم لشي..

أرتاكيت على السرير ومسحت دموعي  فلا شايفة حيوان نفسة
يعني يضربني ما يخاف أموت بسببة..

شمرت العلاج بعيد عني صديت على أيدي كلها دم ويابس.
لعبت نفسي لدرجة التقيؤ..

بعدت الغطة وگمت وگفت
مشيت خطوات اتجاه الباب..

فتحتها وطلعت
مجرد خطيت كم خطوة و أنصدم  موجودة ببيتنا السابق يعني كربلاء.!؟

رجف گلبي  أبتلعت ريگي ونزلت  فجئا مر علية شلون قتلو ياسين..

نزلت على آخر درجة وتخيلت الي صار  بقع الدم وتلوثي بدماء ياسين..

حسيت الي صار جديد وحقيقة..
صرخت بصوت مرتفع  وحطيت أيدي على وجهي أبجي بحرگ..

رجع هل يوم الي كان  تعاستي..

تدهورت حالتي ورجف جسمي بحيث ماگدر  أتحرك اتصنمت بمكاني..

حسيت علية يحاچيني بس اني فاقدة ما أگدر أحچي وياه..
بعد أديني بنترة قوية وضربني راﺟدي

زدت بالبچي بحيث عيوني أمتلت دموع..

أحتضني بدون ما يحچي شي
لحضات وأحس حيلي انهد..

دفو حضنة وهمساتة گدرت تثور براكيني لدرجة أبتلعت ريگي وأهمس بداخلي
_والله  أريدك الك..

شهگاتي وتمسكي بحضنة واضح  لدرجة ما ابتعد عني..
جرئت نفسي وهمست اله
_ مشتاقتلك ياسيين..

لحضات وأبتعد بدون ما يحچي شي وملامحة مغلفتهن القسوة..
سحبني من أيدي الي متصاوبة ومشى..

وصل باب الحمام وگال
_اغتسلي بس لا تتقربين على الخياط.

رجع ماعرف وين واني دخلت للحمام
كـ العادة فتحت الدوش بدون ما أنزع الملابس..

گعدت تحت الدوش وعيني على أيدي الي ينزل منها الدم..
  غوشن عيوني غمضت بعد ما ضاق نفسي..

حسيت على ألم قوي بيدي..
وطنين بـ اذاني.

فتحت عيوني بعد وقت شفت نفسي بحضن ياسين  رجعت غمضت وما حسيت غير على ياسين ينشفني..

أبتلعت ريگي وحچيت بـ ونين
_يياسيين..

تقرب علية ما تفصلني مساحة عنة قريب لدرجة مو طبيعية..
همس يم شفايفي وغمض عيوني بيدة..
_اشششش استرخي..

حسيت بحافز يخليني أنام بحيث أستسلمت للنوم..
بعد مدى طويلة حسيت على لذعة بيدي  فزيت وگلبي يدگ بسرعة..

لحضات واتضحت الروئية  وأشوف ياسين گاعد على طرف السرير وبيدة معقم

صديت على ايدي  ينزل منها دم..
حسيت بغصة متعلگة.

  راد يخلي المعقم دفع أيدوة و وگع على الارض  خزرني  وگال
_ليش تاكلين تبن!؟؟ تردين يكصون أيدچ يلا ترتاحين!

گزيت اسناني وحچيت بذعر
_أبتعد ياسين، ما عايزني مخابيل نفسك

ضغط على أيدي مكان الخياط وگال
_المخبل يخليچ تكرهين اليوم إلي فكرتي تزوجين بي.
مو ياسين إلي يخلي أملاكة تايها للكوا... النفس عساف.

أحس روحي فرفحت يحچي بقهر وضاغط عليهن بحيث حسيت وجع مو طبيعي..

عضيت شفتي بقوة من لداخل ودفعت أيدة بقوة  بدون ما احچي شي گمت من يمة

طلعت من الغرفة  اجى وراي سحبني من ايدي صديت علية وكل ذرة عقل ما براسي.

قبل لا يحچي شي  دفعتة بقوة مسطنعة وضربت على راسي ضربات عشوائية وصحت  بصوت عالي
_والله اذا تمد أيدك علية أطين عيشتك تعبتنيييييييي انت أبد أبد  مو انسان حتى الحيوان عندة رحمة الي ماعندك اياها.

رد ببرود
_عايف الرحمة والعقل لـ أبو الحلگ الخايس عساف.

ضحكت بسخرية وأردفت
_لان تغلب عليك بكذا شغلة، مو على أساس صديقك!! تالي أشو هسة تغلط وتحچي علية؛!!؟ شنو الي تغير.

ياسين: خلي نفكر سوا شنو التغيير.
طلعيلي كوا..  يقبل زوجتة تزوج صديقة المقرب!!   طلعيلي مگرن يقبل عضيدة يكشف على زوجتة
طلعيلي أبن كلب يقبل زوجتة تاكل تبن يم صديقة وين انتُ عايشة سرووور 
عساف عضيدي وأخوي  تالي أختفي فترة وأرجع ألگة زوجتي المصييونة عايشة حياتها ومتزوجة عضيدي وفوگاها تعرف صديقي.

ضحك مستهزء وأردف
_وحق من أنزل يا سرور لـ أبچيچ دمم انتِ والسگط.
مو ياسين إلي يسكت عن حقة وكرامة حبة.

تقرب علية واشر بـ سبابتة على گلبي ملامس
_حبي الچ أكبر غلطة سويتها بحياتي أبد ما توقعتها منچ انتِ.
أبتلع ريگه وأردف  مركز بعيوني
_ حبي الچ انزاح وبقت اوساخة بگلبي من يوم شفتچ لابستلة البدلة ومتحضرة على أكمل وجهة.

نزلتي من عيني  يـَ الي شايلچ ومقدرچ على راسي.

غمض عيونة وفتحهن زافر نفس
حچة بهدوء
_سرور أگرهچ اي لا تستغربين أگرهچ
ونفسي راحت منچ
مجرد التفكير صرتي بـ أسم أحد غيري  يثير نيران الانتقام داخلي أريد أنتقم منچ انتِ وياه.

ركزت بعيونة وحچيت
_انقرض ياسين.

لعق شفتة بحركة مكر  تقرب علية ابتلع ريگة  وأردف بهدوء
_أنقرضت مدة ست سنوات..

عض شفتة وتقرب أكثر بحيث ماتفصلنة مساحة انفاسة الدافي تلامسني
_ياسين صعب يحب ويكره أحد وبالاخص زينة حياتة وعضيدة
كسرتيني يعكازة گليبي..

ميل راسة وتقرب لرقبتي  نفخ عليها وعضها بقوة
على آثر العضة صحت بصوت ودفعتة
_ والله مخبل شبيك

سحبني بقوة علية وگرصني  من خصري   دفعت أيدة بقوة وردت أبتعد جر أيدي المصاوبة وحطها خلف ضهري
ضغط عليها بقوة وهمس قريب اذاني بفحيح
_ اكسر راسچ  وداعة عيونچ  لا عبالچ  ضعيف گدامچ درجة اكنسل سوالفچ المابيها حظ.

وحق من خلقچ اشرحچ  وافصل لحمچ عن عضمچ  وأريد زلمة يگول ليش اذا ما ارجعة منين ما اجى.

وخوالچ الشادة ضهرچ بيهم  أسولف الهم عن أنجازات بنت أختهم العلوية  الي صيتهم ينحلف بي  اريد اشوف شيسوون  من يسمعون بسوالفچ.

أبسط شي أكول الهم  بنتهم مچفنة بدون علم أهل دفانها.
تخيلي شيسوون اذا عرفو بيچ  مبتزة عمچ!!؟

سيري أوراقچ كلــهن يمي من تهديدات لتزوير لـ أبتزاز عمچ وبعد بعد خيرات الله.

بيوم كنتي انتِ الي مركصتهن وموگفتهم على أصبع لان عندچ خياساتهم كيف هسة عندي كل خياساتچ ومطمطياتچ  من قبل زواجچ لحد هسة..

شد بقوة على أيدي حسيت الخياط انفتح  غمضت عيوني بقوة على آثر الالم.

لحضات حسيت على حرارة تنزل..

عضيت شفتي بقوة  وابتلعت الغصة اتجاهلت كلامة  كل بالي يم أيدي.

رفعت رجلي وضغطت على رجلة بقوة  ابتعد عني  وگال
_ من انعل راسچ اليابس.

ابتلعت ريگي احاول اهدئ روحي 
صديت على أيدي  الخياط مفتوح والدم ماخذ مسار..

التفتت علية وحچيت
_اعلى ما بخيلك اركبة لو اني لو انتَ، ولا تدعي انو انت تحب وگلبك ممزق بسبب زواجي من صديقك.

ولا يكلك انت  الي ما خليت  وحدة ما سويت علاقة وياها حتى اختي  من الناس.

كزيت اسناني وحچيت
_لاتعتبر نفسك  نقي وماعندك مكسرات  لان كل سيئات الدنيا انخلق الك انت ياسييييييييين.

هز حواجبة وگال
_ وهسة تقارنين بينة! يعني؟

رديت  بستهزاء
_ليش انت وجه مقارنة ومادري.

ياسين: ها ها ها ها ها والله معلومة جديدة.
بس يا سيري سوالفچ ودهائچ ما يمشن وياي لان راقبتچ من أبعد نقطة وعرفتچ انتِ شنو.

گلبت عيوني وتركتة نزلت للصالة رغم الخنگة الي تحتلني مجرد  نزلت  لكن ضغطت على نفسي..

گعدت على القنفة   واتذكرت أيدي.
رحت للمغسلة غسلتها وهي بعدها تنزف.

غمضت عيوني بااسا  وارتاكيت على الحايط احس حيلي انهد.
مر وقت وراجعت حياتي من يوم الي رجعت لبغداد وهل يوم. ضغطت على عيوني بقوة أريد ارخي تفكيري المستمر

طلعت من الحمام بعد ما اغتسلت بثوبي الي لابستة.
مشيت خطوات لحد ما وصلت الصالة

التفتت علية وحچيت
_ أريد ملابس خو مو بس جايبني من بغداد وانت حتى مامفكر شنو البس.

رد بعدم  اهتمام
_ والله محد طلب منچ  تغتسلين نفس الي ما عندهم ذرة عقل يعني نفسچ.

سرور: يعجبني وما الك كل حق تحچي او تفرض رأيك علية.

رفع رجل على رجل وگال
_ لعد دبري حالچ  عقربتي.

گلبت عيوني وحچيت
_خووش ملابسك موجودات لعد.

ياسين: ايااااااچ يا سروووور والله  اطين يومچ منعاً باتاً تمدين أيدچ على كنتوري او ملابسي لان نخرب فوك هل خراب كلة.

أبتسمت وحچيت بستفزاز
_ تيشيرتك البصلي كلش حلو  لو النيلي بعد أحلى هم التصميم نازك.

غمض عيونة وأردف بعصبية مكتومة
_سيري أياچ ثم أياچ تمدين أيدچ على أغراضي وبالاخص ملابسي.

التفتت متجاهلة كلامة.
صعدت للغرفة  لکيت كطن ومعقم اخذتهن وعقمت الجرح  ضغطت علية بخفة  واحس روحي شاغت.

حطيت عليه كطن و
فتحت الكنتور بحثت عن البصلي واتذكرت  احچي عنة وهو صار خبر كان من ٢٠٠٨
هزيت راسي   واخذت تيشيرت لون سمائي  لبستة فوك من الركبة.

بحثت با أغراضة و لگيت برمودة شوْرت لون أحمر  هم اخذتة لبستة  ومشطت شعري لفيتة كعكة.

ردت انام جسمي متكسر  بس نزلت استفز الاخ الي متحلف بكرهي الة.

وصلت للصالة وهو مندمچ بجهازة گعدت مقابيلة وحچيت
_تعرف عطرك كلش قوي درجة لحد الان بملابسك رغم مغسولات والله حلو.

رفع عيونة مستهزء
مجرد انتبه الي  ترك الجهاز وغمض عيونة بقوة وگال
_تشترين أذيتي انتِ لو شنو بالضبط رحمة للكائنات المحمدية.؟؟!

رفعت حواجبي وحچيت
_منين جبت كائنات محمدية تعرف انت كفرت؛!

عقد حواجبة  وأردف
_الاصح كفرت بيوم الي فكرت ادخلچ لحياتي.

ضحكت بستهزاء وحچيت
_ضحكتني كلشش على فكرة يعني.

گام وكف وتقرب علية صار مقابيلي وگال
_ بكل صراحة اتجنبيني لان ما أريد أذيتچ بهل وقت لان وداعتچ يا سيري ما ضامهن الچ بعدين.

وأغراضي تركيهن لان نفسي تقرف نفسيتي منهن وعلى فكرة طالعة مهرجة من مستشفى مجانين  وين صاير أحمر و سمائي فاقع!؟
هز أيدة واتخطاني.

عدلت الكوشة وتمددت حطيت ايد  خلف راسي والثانية مادتها لان ما اگدر ارفعها.
غمضت عيوني مبتسمة.

لحضات وجسمي نمل درجة حكة قوية  احس محتاج شي بس شنو ما اعرف..

اقل الدقية وكف  كدامي ياسين  حاط ايد بجيب البنطلون والثانية بيها جگارة.

سحب نفس وزفرة  گال
_حرارة وحكة بجسمچ صح!

سرور: لا.

زفر نفس  أردف
_ تنمل

سرور: لا

تحمحم وحچة بهدوء
_برودة خفيفة  مع سريان الوريد!

سرور: لا

هز راسة  وگال
_آه آه يا سيري انتِ شوكت تتنازلين وتگولين محتاجة جرعة ولو سيسي؟

صديت علية وحچيت برجفة
_ججرعتييش!!

أبتسم  بطرف شفتة وگال
_الي بالي بالچ هسة.

حكيت ايدي بهسترية وحچيت
_مما ببالي شي هسة لو بعدين..

تهمهم وتقرب علية
گعد قريب علية  وگال
_ابد ما بالچ شي لا منا ولا منا

هزيت راسي بنفي  واني احاول اضبط انفاسي

ركز بعيوني للحضات وتقرب  بحيث ما يفصلنة  مساحة  عيونة مركزة بعيوني وأردف بهمس
_ليش ماتخلين عينچ بعيني!؟

غمضت عيوني واني ابتعد عنة.
سحبني علية  ودفن راسة برقبتي  انفاسة حارة درجة خربطت احوالي فوك ما اني مخربطة

حركتة سريعة وغير متوقعة  انفاسي مسرعة درجة الاختناق

همس بصوت واهن
_استرخي لا هيچ تعذبين نفسچ.
ماكو داعي للتفكير اني يمچ وابن امة الي يوصلچ..
سيريانتي عقربتي اني وياچ باباتي

لحضات هدئت وحسيت بزرق أبرة برقبتي ما گدرت  احچي شي غير الـ آه..

تنهد وهمس قريب اذاني
_ المخدرات مو الچ سيري تيهتي روحچ بروحچ ما اگدر ما انتقم لكرامة حبي الچ يتبع..

_توقعاتكم للحلقة الـ٢٦

_رأيكم بالحلقة يهمني.

تفاعلكم بالحلقة السابقة!!