تحضى نار قلبي
الحلقة الرابع والعشرون
.
.
.
.
.
.
.
. ليس الذنب ذنبي.. إنّه ذنب الذي سكب النفاق والغش والخديعة في النهر.. ماذا يفعل ذو مروءة بين أهل الخداع في أرض النفاق.
فتحها و صد علية گال
_حرام التربية بيچ عضيتي ألايد الي ساعدتچ.
سرور: مو گدامك كلب وما أدري للعلم ياعمو مو أني الي أعض الايد الي تنمد بس أذكرك بيوم أبوي وكف وياكم انتم أخوتة وتنازل الكم عن محلات الذهب في سبيل مستقبل زاهر الكم تالي طعنتو بضهرة وقتلتو هو وزوجتة بشنو أذاكم بس اريد افهم وان شاء الله تزوهرون تزيهر بكل دينار أخذتو منة.
ولعلمك فَأَمَّا الْيَتِيمَ فَلَا تَقْهَرْ
تعرف معناها لو أوضح الك.
أبتلعت ريگي بغصة وحچيت
كما كنت يتيما فآواك الله فلا تقهر اليتيم
بمعنى لا تذله وتنهره وتهنه ، ولكن أحسن إليه ، وتلطف به .
وعلى گولت قتادة : كن لليتيم كالأب الرحيم .
بس أكيد مو انتَ.
كل يوم أكرهك زيادة كل ثانية أكره نفسي لا أحترمتك وقدرتك انتَ مو مال أحترام انتَ للذل الي يذلك على راسك تخلي والي يريد خاطرك ما تهتم بي.
بس والله العظيم وضلع الزهرة يا عمو لـ أخليك تستحسف هل أيام والديون يركضن وراك وراك تأكد سرور ما تخاف ولا تهاب من حثالة المجتمع سرور نار بگلبها وهل نار تحرك كل من يوكف بوجهة.
بنت أخوك الحسافة تكون أخو صارت عبارة عن براكين بـ لحضة تنفجر وعدها أستعداد تقتل وتنقتل ومو بعيدة أتخلص من الي يصير عثرة گدامي..
هل مرة دورك أبدأ العد التنازلي لان مصيرك يا السجن يا الگبر
ولو حسافة تشوه سمعة الگبور بس يلا السجن أفضل.
خزرني وراد يطلع حجيت
_يا عزيزي اذا تلعب بذيلك أفضحك گدام بيبيتي.
طلع بدون ما يصد علية.
ضحكت باانتصار بصوت مرتفع ودخلت للبيت
بيبي تهز براسها مو راضية.
وزوجة عمي ونورس كاعدت يسولفن بهمس
و سِـلر كعدت يمي.
كلهم متطشرين مو نفس قبل وين الجمعات واللمة الكلها حقد.
غمضت عيوني وحچيت بگلبي
_شگد مكروهين يربي.
هزيت راسي وگمت من يمهم.
دخلت للمطبخ حتى الگدور غاسليهن ماكو شي.
صعدت غيرت ملابسي واخذت جزدان صغير ونزلت.
صارت سـِلر بوجهي أبتسمت وحچيت
_تعشيتي!؟
سـِلر: لا لان نايمة ومن گعدت گبل صعدت الچ أسوي عشا ناطل سوة!
أبتسمت وتقربت عليها كرصت خدها وحچيت
_ مو عيب أتعب روحي راح أطلع أجيب أكل تجين وياي!؟
سـِلر: وأبوي!
گلبت عيوني وحچيت
_ أكسر عينة أذا حچة شنو قابل رايحة وحدچ الچ خمس دقايق.
حضنتني بحماس وصعدت تركض.
أبتسمت وتنهدت
سـِلر مو بس بنت عم هيَ أختي واحسن من الاخت هم
مدللة البيت ما الها دخل بشخص رغم حبها للدراسة لكن تاخذ درجات كلش ناصية وهل شي يدمر نفسيتها..
شگد ابوها واني ومصطفى ندرسها بس عبث ماكو كل نفع.
وهل شي يخليها تبجي لان ساعات طويلة تدرس بيهن حتى العطلة هي تدرس بيها مالها گعدة كله دراسة بدراسة تالي تاخذ درجة ناصية يعني يادوب الـ٥٢ وهل شي أبد مو استحقاقها.
وأني الي كنت أجهد بس حتى أخذ معدل القانون أبد ما فكرت بالطب او اختصاص آخر كل همي المعدل يكون على المحاماه
أهدافي واضحة من خلالة ولهل درجة منعوني منة لان يعرفون نيتي شنو.
و مصطفى هم يسهر على الدراسة والعطل يدرس بيهن بس ذكي كلش واحياناً أشوف ذكائة مبالغ بي لان ما عندة ٩٩بالامتحانات والوزاري سخت بس حتى ياخذ التكنلوجية.
والاول بينة هي نادية من رأيي حرامات تكون ذكية ودكتورة هم لان هي فاسدة لدرجة مو طبيعية.
مريض توفة على أيدها بسبب خطأ طبي وهي سترت على الموضوع وسوته موت الله.
وانما نورس لامن الذكاء ولا من الدراسة ولاومن العقل فضل المكسرات على كل شي تركت الدراسة ومحد شجعها على التكملة.
برأيي نادية رغم أذكانة لكن هي الادنا.
والوحيدة إلي الحظ محالفها هيَ أني لان أحياناً ما ادرس المادة واخذ درجة زينة.
هزيت راسي أبعد هل تفكير صديت على الدرج ردت أصيح نزلت تركض.
طلعنة من البيت تمشينة وتذكرت سـِلر ما عرفت يا اختصاص طلع الها.
صديت عليها وحچيت
_ هسة انتِ جامعية!
صدت علية مبتسمة هزت راسها
_اي وبكل سحول ذهاباً واياباً.
سرور: يا مرحلة اعتقد ثالثة مو لان أصغر بسنتين مني!؟
هزت حواجبها وگالت
_ثانية والسنة نجحت للثالثة لان عدت السادس سنة بسبب غبائي.
سرور: ليش شسويتي!؟
غمضت تك عين وگالت
_ السنة الاولى أخذت معدل ٧٩ عاودت السنة الثانية وطلع معدلي ٦٠ وبعد مستحيل أعيد خاف النوب يصير خمسين.
سرور: و من شنو تشكي الـ٧٩ حتى تعيدين
تنهدت ودنگت راسها وحچت بغصة
_حلمي ادرس اشعة امنيتي اصير دكتورة سونار وأشعة بس الله مقاسملي هل شي ولا اعتراض..
سرور: أحتمال تبدعين بالقسم إلي انتِ بي
ضحكت بهدوء وگالت
_بربج شايفة الاقدار انتِ و صوفي ثنينكم ماتردون الطب تالي الله ابتلاكم بي واني الي ادرس ليل نهار بس حتى اخذ طبية تالي اروح تربية والنوب القسم إاي امتقتة.
أبتسمت وأردفت
_ صح الله ينطي زوج للماعندة سنون
سـِلر: راضية بقسمي وان شاءلله أمتاز بي وحتى ناوية ادرس ماجستير اذا الله راد.
سرور: ان شاء الله تبدعين هم وانتِ گدها.
وصلنة لمكان الكافترية اخذت دجاجة شوي ورجعنة للبيت.
سـِلر حضرت الاكل گعدنا ناكل بالصالة اني وياها.
بهل أثناء سمعت صوت شاب عصبي يحچي بالجهاز ومنفعل..
الصوت مألوف لكن غريب بنفس الوقت.
لحضات تلاشة..
كملت آكل وگمت أغسل أديني واكفة يم السنگ أغسل سمعت طكطكة التفتت و أشوف شاب ضخم نوعاً ما
ذقن وشعر كثيف ما عرفتة منو أستغربت وتجاهلتة.
التافيت أريد أكمل طريقي تحمحم وگال
_ أهلاً و سهلاً سرور.
صديت علية وحچيت
_ وعليكم، بس ماعرفتك منو!؟
ضحك وهز راسة تلمس ذقنة وأردف بهدوء
_هيچ ياسين نساچ ناسچ وصلتي مرحلة ماتعرفين أبن عمچ وصديق طفولتچ!؟
ركزت علية للحضات وهزيت راسي حچيت
_عفواً بس ما عرفتك!
هز راسة وحچة بهدوء
_مصطفى اذا تذكرينة.
فتحت عيوني بصدمة وحچيت
_بربك هاي شصاير بيك ولا عرفتك حتى صوتك متغيير ولا يكلك مصطفى.
أبتسم ورفع حواجبة
_٦سنوات ما شايفچ وعرفتچ.
الشكل يتغير بس الدم عسا وعل يحن.
المهم سعدت بشوفتچ سرور.
راد يطلع دخلت سـِلر تركض حضنتة وگالت
_ها هاا شنو هل خيانة اشو هذاك الواحد ما يگول اختي اباوسها احضنها اسأل عليها
حضنها وأبتسم
_ غير انتِ الروح والعافية غير انتضرتچ من ساعة هنا.
سـِلر: أكيد ما متعشي
مصطفى: لا يابة تعشيت وأجيت أشوفچ.
سـِلر: ياعُمري انتَ.
أبتعد عنها وگال
_ هذة الكيس الچ الف عافية.
أخذتة من على الكاونتر وگمزت بحماس.
_فدووة فدوةة الك يا عمريييييي
أبتسم بهدوء وطلع..
رجعت للصالة واني شبة مصدومة
معقولة مصطفى هيچ كبران ومتغير ولا يگلك هذاك الي كان مرح..
هزيت راسي وزفرت نفسي بملل.
بعد ما عمي رجع حچيت وياه وتم الاتفاق أخذ منة مبلغ بدون تنازل..
تركتهم وصعدت للغرفة حاولت أنام ما گدرت أحس بخنگة بس أتگلب والغصة ملازمتني كزيت اسناني وگمت وگفت سحبت نفس عميق..
گمت اخذت ثوب قصير خفيف
دخلت للحمام شغلت الدوش والما يسترسل على راسي..
حرارة تنزل من راسي تمتد لجسمي
غمضت عيوني وسحبت نفس وزفرتة بهدوء..
أبتلعت ريگي وجسمي رجف..
بدلت وطلعت بدون ما اتنشف.
شعري وجسمي ينگطن ماء
دخلت للغرفة أسحل بروحي سحل
غمضت عيوني بقوة من شفت سـِلر فارشة مندر على الارض ومتغطية.
تقربت عليها سمعت صوت همس بصوت ناصي يادوب ينسمع
فجئة تعاودت ذاكرتي قبل سنوات ضغطت على راسي بقوة وجچيت
_ياسين تغيير..
تقربت عليها بعدت الغطة عنها وهي شهگت وملامحها تغيرن..
ركزت بعيونها جاهلة الي صار
أبتلعت ريگها ومسحت وجها بتوتر
سرور: منو هذا!؟
غمضت عيونها ولهمت شفايفها وحچت بهدوء
_زمييل.
گعدت مقابيلها وحچيت بهدوء
_سـِلر الساعة شارفت على الوحدة وتگولين زميل!؟
أكو عاقل يتصل بهل ساعة!
صدت علية وگالت
_دكتور نفسي وانتِ تعرفي وهو أنسان بقمة الجمال والكمال تخيلي حلو وغريب ولطيف وحنين وكل شي بي.
أتمنة بابا يقبل علية بعد ما أتخرچ..
ولو هو واضح مصيري بس عندي ثقة برب العالمين يقلل الموازين ويصير هو قسمتي ونصيبي..
سرو أحبة كلش لو الله ياخذ من عمري على عمرة اخاف علبة من الهوى لان هو كل شي بحياتي يحس بية من اضوج وافرح واحزن واكتئب وللصراحة هو إلي خلاني أعشق القسم إلي اني بي ول اني كنت أريد أعيد السادس.
سرور: من شوكت علاقتكم!؟
أبتسمت وعيونها لمعن
حچت بنبرة خجل
_من السادس أعدادي اول سنة تعرفت علية لان تخربطت بالمدرسة وأخذوني للمستشفى شفتة بالصدفة عيوني وكاح ضلن متعلگات بي مدري لان كان لابس لابكوت مدري لان شكلة مريح للعين.
ومرة ثانية هم أخذوني للمستشفى وهم هو كان موجود بالاستراحة تصدكين اشتهيت المرض بروح بس حتى أشوفة..
تالي مرة الاخيرة بالسادس ماعرف هو على شنو جاي بس شافني طالعة من المدرسة وسأل عن المديرة وراح.
يومين هيج على الاغلب تخربطت هنا بالبيت واخذوني للمستشفى ساعة تلاثة باليل عاد هو خفر واستلمني بس ما شاف مصطفى لان نازل.
راد يشكل كانونة ومن رعبي اتجاها بچيت بحركة عاد هو ما اعرف شلون هدئني وخلالي الكانونة وكملت بچي لان أذتني والعلاج بالمغذي.
بعدها هو طلع ومصطفى اجى اخذني وطلعنة
وهنا بعد ماشفتة غير بـ امتحانات السادس السنة الثانية بالحديقة العامة.
وحچيت وياه بسبب أم صديقتي لان جيران أهله وهو من شافني گال
_أهلاً بالجبانة
لان ما سلمت علية عاد حچينة سوا وهو اقترح يشرح النة المادة
وتبادلنة الارقام وهيج بدت علاقتنة.
سرور: منو يگول يحبچ!
سـِلر: خمس سنوات كفيلة للعلم مواقف ولحضات مريت بيهن وهو الوحيد الي يوگفلي.
سرور: والله ما أعرف شنو أگلچ بس لاتتعلقين زايد بي كل شي يصير بهل دنيا.
گمت من يمها ما أحس نفسي زينة حتى أكدر اناقش.
مدتت على السرير وسحبت نفس
غمضت عيوني بقوة أحاول أنام..
أيام تمر بشكل سريع ما حسيت بيهن أو بالاحرى ماعندي وقت بين تحضيري للماجستير والقضاية گدرت بهل فترة أحصد ١٠٠قضية مواصلة ناجحة وبمرافعة وحدة.
هل شي ثار محاميين معروفين على مستوى درجة رادوني أنضم لفريقهم.
لكن ما أريد تعبي لغيري وبديت أسس شركة محاماه إلي وبـأسمي.
تعبي أحصدة بيدي...
من ضمن أعضاها عمو أبو صديقتي وصديقتي.
بديتها بـ أساس قوي حتى يصعب هدمها..
.
.
.
٢٠١٤...
بعد ما طلع عساف من البيت أجت سـِلر واضح الخوف عليها
أبتلعت ريگها وگالت
_سرور نورس غلطت وحچت على عساف..
گمت وگفت وعمي صاح على سـِلر
مشيت بااتجاه نورس بدون تفاهم جريتها وضربتها راجدي
سحبت شعرها بيدي وحچيت بحقد
_شعليچ بي والله يا نورس ازوعچ العافية اذا تبقين ملطلطة.
نورس: ياسين يحبني وانتي سرقتي حبي الا اطلع نفسج من الحب نفس ما كرهتيني بي..
كلامها طلع الجروح الي مالها مرهم يشافيها.
زلت عليها وتمسكت بشعرها بقوة رفعتها ومشيت على نهاية الاستقبال
رگعت راسها بالحافة مال الباب وحچيت بصياح
_اتذكري هل مكان ضربتچ بي حتى تعقلين بس عبث الضاهر عقلچ ما الة حل.
كزيت اسناني وأجيت احچي دك جهازي
بزقت عليها واخذت الجهاز صوت أرفد يگول
_زوجچ لمصييون يمي اذا ما تجيبين المستندات هسة وبهل لحضة اخلي طلقة براسة.
رديت علية بهدوء
_اوك هسة جاية بس العنوان.
ضحك بستهزاء وانطاني العنوان.
اخذت مفتاح وتوجهت لكنتور بيبيتي
طلعت المستندات المزيفة اخذتهن وناديت سـِلر امطيتها الاصليات تضمهن.
طلعت ن الغرفة لاكاني عمي يستفسر
_عساف مخطوف وساوموني على المستندات.
طلعت من البيت بعد ما اخذت السويچ
فتحت السبارةحطيت المستندات يمي وسقت بسرعة.
وصلت للعنوان الي گال علية واني واثقة عساف مو يمة.
بس للحذر وهم أخاف يتأذة بسببي
دك جهازي فتحتة والخنگة تارسة ريتي رجعت ذاكرتي لـ أيام ياسين الي مستحيل تنسا.
زفرت نفسي وفتحت خط
_وينك وينك مو شلعت گلبي
عساف انتِ وين هسة؟
رديت علية
_بالب**** نهاية الشارع..
عساف: سرورر طلعي لاتبقين بهل طريق امشي لاتوكفين لـ احد
_ليش!؟
رد بصياح: ولج يابة هل شارع بس السكارة والمجرمين بي طلعي لا يسوولج شي.
رديت
_ أعرف وهسة طالعة بس للعلم مو اني الي يغثون زوجي وأسكت
ندمتلكياها بيوم ألي فكرت تحچي عليك بحرف.
عساف: ليش هيج سويتي وية بنت عمج!؟؟
ضحكت بستهزاء وحچيت
_ اني الي تكفلت اطلع حق أبوي والغربة تحاميني من ناسي وهلي
ذيج إلي أكلو من زاد أبوها وسمعو من لسانة ودفرو برجلينهم..
سبق وگلت أشخاص الهم مكانة بحياتي خط أحمر إلي يرشهم بمي أرشة بتيزاب الله وكيلك أحركهم واني السعيدة.
خليني أخسر آخرتي بس على حساب راحة بالي وعندي استعداد أقتل وأظلم ما انظلم كل شي مقابل تحضى نار اللاهبة بگلبي..
عساف: سرور انتِ مو هيج...
ضحكت بستهزاء وحچيت بحقد
_لا أني انانية مو مهم عندي الدنيا أهم شي نفسي مو مثل ما متوقع..
عساف: سرور فهميني انتِ وين ليش هل الغاز والكفل اليتامة روحي لايبة..
گزيت أسناني وتخايلت ياسين گدامي حچيت بخنگة
_ اني حبيتك وكلَفتَ بحبك اتمنيت أكمل باقي حياتي وياك بس مو جسد لا أريد روحك تتعلگ بية
و عيونك ماتنشال مني وتحب كل إلي أحبة بدون استثناء وتحرص وتخاف وتغار علية
يهمك وجودي
وبوقت إلي ما اتواجد تبحث عني
تكون سند وأب وأخ وأم وأخت وعم وعمة وخال وخالة وكل ناسي..
أريد تكنلي هل مشاعر كلها.
بوقت الحبيب حبيب
وبوقت إلي أحتاج أبوية تكون ألي أب..
وتوكف بوجة الناس وتقدس حبي الك.
كل إلي أحسة إتجاهك عندك فارغ ومو مهم..
الخنگة ملازمتني بحيث أريد أبجي مشتاقتلة وأريد أشوفة هو الوحيد الي عرف وقدر سرور..
شهگت بصوت عالي على غبائي اندمجت احچي واني متناسية هذا عساف ومو ياسيني..
همست بصوت خافت احاول الم طلامي
_تعرف افضلك على كل شي بحياتي
أكملت كلام بگلبي
افضل شي صار بحياتي انتَ ياسين..
أبتلعت ريگي واردفت
_ بالوقت الحالي أريد أبتعد عنك لان حياتك مهمة بالنسة إلي..
حسيت بحالي زدت بـ أنتقامي ونار گلبي اتمادت عن الزوم.
گزيت على اسناني وحچيت
_عساف طلگني
رد مقاطع لكلامي
_سرور انتِ تلعبين؟؟!
ضحكت وحچيت
_لا ما ألعب بس يخلص إلي أريدة وأجي اخطبك من أمك بعد شتريد.
_هاي شني سرور عوفي هل سوالف وگليلي طلعتي لو لا!؟؟
صارت عيني على الطريق اكو سيارة تلاحگني طول ما طلعت من البيت..
فجئا تخايلت عساف يسوي حادث ومر علية مقتل أهلي وياسين صرخت بصوت مرتفع
_ اوووگف اووووگف لاتكمل صف لسيارة عساااف صف السيارةةة
رد
_ ما اگدر اوگف شبيج مو مرعدتي گلبي احچي شكو!!؟
اثناء ما اني أسوق ومستعجلة أخاف لايصير بي شي نفسهم
ما أحس غير سيارة الي تمشي وراي رمت علية بحيث سرعت ودنگت رأسي لكن ثقبن اطارارات وگفت السيارة
والسيارة الي ملاحگتني صارت گدامي الدنيا ليل وظلام دامس رغم اضاءة البلاجكتور..
ثواني وانفتح الباب نزل منها بكامل أناقتة نفس كل مرة..
مجرد شفتة صرخت بصوت مرتفع وحطيت أديني على وجهي معقولة رجع..
تقرب علية و وجهة ما بي كل رحمة
تقريباً وصل مقابيلي أبتسم بطرف شفتة مستهزء وضرب الجامة بيدة بحيث تفلشت الجامة
رعب بداخلي رجعتة ما الها كل خير..
فتح الباب وسحبني من أيدي بقوة بحيث أرتطمت بصدرة
دنگ علية وهمس بفحييح قريب أذاني وانفاسة الحارة تلذع بشرتي
_سبق ونبهتچ انتِ دخلتي قفص من مرايا صعب الخروج منا يا سرور يتبع..
_توقعاتكم للبارت القادم
_تفاعلو على البارت
_ رجعنة لحد ماتوقفنة يعني الحادث الي صار ويا سرور وعساف استمتعو بالقراءة.