ياسمين رمشات عينيها ببراءة : شنو هي
أمجد كيلعب بصباعو في ملامح وجها و هي ترخفات معاه : عقلتي فاش كنتي ناعسة في سبيطار و قلتي ليا حلمتي بزاف ديال أحلام معايا بلي واحد منهم كان بلي أنا ديتك للبلاصة لي كتاخد مني وقتي كامل
ياسمين هزات ليه راسهاا و هو كمل هاز حاجبو فيها بترقب : تبغي تمشي ليهاا ؟؟
ياسمين وسعات فيه عينيهاا بالصدمة : وااش بصح
أمجد بهمس رجولي : و شنوو بان ليك عمري قلت شي حاجة على خوا خاوي
ياسمين عنقاتو بحب تضحك و تدمع : هه هء شكرا بزاف شكرا حيث رجعي و شكرا حيث غتدير حاجة ثانية غتفرحني بيها
أمجد بعدها عليه و هز فيها حاجبو : ولكن غاديري لي قلت ليك نوصلكم لداركم و أنا نمشي نقضي شغالي حتى نصوني ليك و هبطي عندي نمشيو مفهوم
ياسمين عوجات فمهاا بعدم ريضا : أمم مفهوم
أمجد خربق ليها شعرهاا و رجع تحرك بطونوبيل ماوقف حتال فين كيوقف بيها ديماا هبطو و ياسمين هزات داكشي لي جاب ليها و شدات ليه في يديو و تمشااو و هي كل شوية كتهز راسها تشوف فيه بإبتسامة ممصدقاش بلي هو معاها دابة من بعد فراق أشهر وهي دازو عليها كيف أعوام وصلهاا لدربهم و هاد مرة ماتسوقوش لبنادم ولا شنو يقولو قنتها على حيط و جلس يبوس فيها و أكيد حتى قمقوم ماغيسترجي يهضر حيث هذا تايغر غير سميتو كتجيب ليهم بولة و هاهو بان مرة آخرى من بعد غياب و عارفينو خاصو غير معامن لي شافهم هكذاك كيحني راس و لا كيقلب طريق ماطلق منها حتى قطع فيها نفس خلاهااا تنهج عاد عطاهاا إذن تمشي لدارهم و هي حنيكاتهاا حمرين كتضحك غير بوحدهاا أمجد غير دخلات لدارهم عقد غوباشتو و خرج من درب و هو كيحرك عينيه كيف ناقوص باغي غير شي حد ينفنف دمو سخون ...
ياسمين دخلات لدارهم كتضحك بقهقه حيدات سبرديلتهاا و طلعات في دروج كتجري حطات أغراضهاا فوق ناموسية و حيدات حوايجها كانت دايرة تجي اليوم من ليسي تدخل تدوش حيث كانت فيها لغيكل هزات معدات لي غتحتاج و دخلات كتعوم مادازش شوية ديال وقت و هو يتحل باب داخلة سلوى كيف ديما بيجامة طويلة و زيف حياتي على راس : ياسمين جيتي هبطي تغداي (سمعات صوت في دوش عرفاتها كتعوم شافت حوايجها لي لاحتهم في الأرض و بيت مرون زفرات بعياء) : واش أنا خدامة عندهم هاذو ندور و نجمع من وراهم بنات آخر زمان الناس لي والدين البنات أما أنا والدة غير قليلة دراع
تمشات كتحل في خوامي و في سرايجم باش بيت يتنفس و بدات كتجمع في شراوط و تهز في بيت كتسوس فيه و تبدل ليزور لناموسيات كانت كتبدل كوفري لسرير ديال ياسمين هزات مضربة كتسوس فيها حتى طاحو دوك ليطيست حمل ديال إكرام سلوى عقدات حجبانها بإستغراب تحنات هزات واحد فيه قلباتو و هي تصدم وجهاا صفار حسات بترعيدة طلعات معاها و رجعات جالسة في الأرض كتقلب في دوك لطيست آخرين لي كامليين كيعطيو نفس نتيجة لاحتهم و عينيها كيدورو بخوف و كتقول أش جاب هادشي تحت ناموسية بنتهاا ياسمين بلعات ريقهاا فاش تفكرات هضرة الناس لي دازت ليها على وذنيها ولكن هي نفات و قالت ماشي عليها
واحد نهار و كيف جميع الأيام كانت سلوى في سوق كتقدى و مع هي لسانها حلو و طليق كان كلشي كيتعامل معاها في أثمنة و كيزيدو ليها في تقدية و بحكم ولاو كيعرفو راجلهاا شكون هو حكيم مول قهوة صاحب قلب كبير كيعاون محتاج و كيعطي و يصدق بلاصتهاا دارها بيناتهم بسرعة حيث هو أصلا ولد حي و كانو كيعرفو والديه ماعليناا سلوى كانت حانية راسها و داخلة سوق راسها ماتهضر مع حد ماتكلم مع حد حتى سمعات وشوشات ديال واحد جوج عيلات كيتقداو من عند خضار لي حداهااا
_أجي ماشي هاديك هي مرت داك حكيم مول قهوة لي كاين في خرجة ديال كارتي
_أه ياختي هي و شوفي ليك تبعصيص كيف دير ليه
_مرأة ضحكات بسخرية : هاد نوع كنعرفو مزيان جميلناا في تبعصيص أما باش يربيو دوك برهوشات ديال بناتهم مايعرفوش سوليني أنا نعاود ليك
_هي عندك شي خبار أربي ربي ماقولي لياا راه كنعرفك خبار سخونة عندك
_إيوا سمعي يا لالة و حلي معايا و ديناتك داك نهار كنت دايزة من درب كبير راك عرفاه درب زوافرياا فين كيتجمعو شماكرية إيوا غير دايزة حتى بان لياا تايغر بزناز موقفهاا و كيغوت عرفتي شنو قال ليهاا
_شنو قال سربي
_قال ليهاا كيف بقيتي من راس لي عطيتك و أنتي عارفة تايغر مزيان لامشاا حتى حط عينو على شي بنت ماكيمشي حتى ينكها من سبعة جوايه و بنت أصلا خفيفة راه غير برهوشة لاصقة في الأرض ماعرت أش عجبو فيها
_ويااه حناا بناتناا باارو شتي داك تايغر واخة شمكار واخة بزناز ملعق بغيناه غايشوف فشي وحدة بناتناا وتقولي جات بعلوكة برانية على درب فرقات ليه رجليهاا خداتو
_بعدا حنا بناتنا مربين حمد الله جامعين راسهم والهماا يبرو بشرافهم ولا يكونو محرودات أصلا هادوك سمعت كان عندهم مال دنيا و دين و مين جاهم سيزي سكنو هناا تلقاي داكشي عندهم عادي عايشين حياة لكور
_ههههه والله هيلا عندك حق
هدشي كامل داز على مسامع سلوى لي كانت مصبرة راسها غير بزز و هي كتسمعهم شادين بيها و بي بناتهاا لحتيت و مابغاتش تدخل ليها لدماغهاا هضرتهم كتقول لا غيكونو غير غلطو بنتي أنا ماتكونش مع شمكار و تسلمو راسهاا هزات تقدياتهاا و مشات من تماك كتزرب مبغاتش تصرط ليها هضرتهم و كتقول واخة ياسمين عقلها صغير ولكن لا يمكن تخون ثقتها و ثقة باها و حرية لي عاطين ليها صبرات راسها بهاد فكرة و خصوصا كانت ياسمين مغيرة في ديك وقيتة و داتهاا في راسها و داخلة سوق راسهاا ...
فاقت سلوى من سهوتها و هي كتحرك راسها بنفي و بدات كتنذب في حنكهاا و تضرب على فخاضهاا و خلعة ركباتها : أويلي أويلي دارتهاا المسخوطة أويلي أويلي على بنت الحرام جابت ليا كرش الزنقة (جلسات سلوى تنذب و تبكي و كلهاا كترعد كل شوية تشوف في دوك تحاليل حتى صافي عرفات داكشي لي فيه بصح و ناضت واقف بالعصبية كتخبط على ياسمين في دوش و تغوت) خرجي عندي ابنت الحرام خرجي أ قليلة ترابي خرجي و يابنتي كويتيني و شويتيني
ياسمين لي كانت تحت رشاش غير سمعات سلوى كتعاير و تخبط سدات ماء و لاوت عليهاا فوطة حلات باب وهي تلقاهاا في وجهاا عينيها حمرين و مغرغرين سلوى مغايجيو عينيها غير على طبايع ديال مصات في عنقهاا و هي عارفة مزيان منين كيجيو دوك آثار شدات على راسهاا كتعصر في عينيهاا و دموع تمو هوادة من عينيهاا ياسمين نسات بلي أمجد منين كيشدها كيطبعها بقات واقفة قدامها كتشوف فيهاا بإستغراب حسات بخوغ منين شافتهاا كتبكي خرجات عندهاا و شدات ليها يديها : ماما مالك واش مريضة علاش وجهك في هاد حالة
سلوى بقات كتشوف فيهاا بنظرات غامضة و ماهزات يديها حتى هزاتهاا و صلاتهاا معاهاا الحنك خلاتهاا تشد في حنكهاا مصدومة دهشرات حيث هادي الأول مرة في حياتها تحط عليها سلوى يديها مجات فين تستوعبهاا حتى شداتهاا من شعرهاا مهبطاهاا الأرض : على لي يولد بحالك مايمرضش صافي خرجي ليهاا طريق أبنت حكيم مرمدتي لياا وجهي في الأرض هااا صافي تهنيتي مامشيتي حتى درتيهااا
ياسمين مافهمات والو نخصة شداتها و لات كترعد في هضرة : م م ماما م مالي شنو درت علاش ضربتيني و كتقولي هكذاا
سلوى بالعصبية جراتهاا معاهاا و هزات إختبارت كتوريهم ليهاا : كديري راسك ماعرفاش شنو هاادشي شنو البنت الحراام حااملة ياك حاملة من دااك شمكار لي مصاحبة معاه و عطيتيه شرافك أ عديمة شراف
ياسمين تصمرات في بلاصتها و ماء برد ليهاا في ركابي بلعات ريقهاا و شافت في ماماها كتدور راسها بنفي و سخفة شداها : ش شنو هادشي مااشي ديالي ماشي ديالي و حق الله أنا مادرت والو هدشي ماشي ديالي
سلوى لاحتهاا في الأرض و تحنات عليهاا كتضرب فيهاا و تنتف كتغوت : و دياالمن دياالي أ بنت حرام ديالي هدشي ليقتهم تحت ناموسيتك خزناهم يسحاب ليك مغانعرفش تلاش كنتي غادي تخبي حتى تكبر كرشك و يهضر فيناا بنادم
ياسمين كانت تحت منها مخليهاا كتضرب فيهاا بدات كتبكي حيث مقدراش تدافع على راسهاا أصلا هي مفاهمة والو منين جا هاد عجب و اش جابو تحت فراشهاا بقات غير كتبكي و هي كتسمع مهاا كتعاير فيها بلي ماشي ليهاا واخة تبغي تبرر ليهاا شنو تقول كمداتها في قلبهاا و جلسات كتاكل في عصاا و هي جملة وحدة كتنطق بيهاا : هئ هئ ماشي ديالي هئ مادرت والو حتى دخلات إكرام لي كانت يله جات من لفاك خرجات عينيها بالصدمة منين شافت في مهاا كتضرب في ختهاا و هي كتغوت و تبكي و تقول ماشي أناا نطقات بصوت معتدل : مامااا
طاحو عينيها على إختبارات ديالهاا جمدات في بلاصتها و ضوء سرا ليهاا مع جسمهاا قلبهاا تزعزع بلعات ريقهاا و هي كتشوف فيهم بتركيز عاد تفكرات بلي هي البارح بخلعة حطاتهم تحت ناموسية ختهاا و دابة ماماها يسحاب ليها داكشي ديال ختهاا ياسمين لي لمحات إكرام و هي تنوض عندهاا كتجري و لحمهاا حمار بلقرص و عضان هكضاك طبعو فيها سنان مامها حناكهاا حمرين بتصرفيق عنقات إكرام كتخبى فيها و تنخصص : ختي عفااك قولي ليها بلي داكشي ماشي ديالي أنا مدرت والو أنا محاملاش والله داكشي ماشب ديالي ماعرت شنو جابو لبيت هئ هئ عفاك قولي ليهاا شي حاجة راه مادرت والو هئ هئ
إكرام بقات ساكة ماهضراتش عينيها غرغرو منين شافت ختها كتاكل لعصاا بسبابهاا و خصوصا فاش رجعات سلوى جراتهاا من شعرها ليحاهاا الأرض و بدات كتضرب فيها مرة آخرى و ياسمين مسكينة غير كتشهق و تغوت : ختي عفااك شرحي ليهاا أناا مادرت والو والله ماما هئ هئ عفااك ثيقيني أنا محملاش أنا مادرت والو هئ هئ إكرام ختييييي هضري معاهاااا هء هء هء
سلوى طلعاتهاا معاهاا بقرصة قاصحة في فخاضهاا حتى تهزات من بلاتهاا بغوات و فوطة طاحت عليهاا بقات عريانة حيدات صندالة و بدات كتخبط فيهاا
و إكرام غير واقفة و كتشوف في ياسمين كتستنجد بيهاا مدارت حتى حاجة غير كتشوف فيها و كتبكي حيث الا فكات ختهاا تهمة غتدور ليهاا و هي مابغاتش تخسر صورتها قدام ماماها الأول مرة إكرام كانت آنانية في قرارها و خلات ختهاا واحلة في موصيبتهاا لاحت ساكهاا و خرجات كتبكي دخلات الحمام خارجي سادة عليهاا و كتبكي : سمحي ليا أختي سمحلياا كلشي بسبابي أنا هء هء
أما عند ياسمين لي غوتات غوة وحدة مسكينة منين مابقاا ليهاا جهد جراتهاا سلوى من شعرهاا ووحتى هي كتبكي : علاش درتي هاكذا فاش ضريناك أنا و باك فاش أديناك فاااش هذاا هو جزاء حرية لي عطينااك و ثقة لي درناا ليك هااا تحملي مع شمكار من زنقة هاا شحال عندك شحااال
ياسمين ببحة بكاء : هء هء م ماااا م مااا ثيقيني مادرت والو أنا محملاش هادشي ماشي ديالي عفااااك مارحميني راك قتلتيني بشكك قلتيني حشومة عليك راك ظلمتيني ظلمتيني أنا بنتك واش عرفاني نديرهاا
سلوى صمكاتهاا حتى جات طايحة : ديريها و تفوتيهاا لييه أ عيفة البنااات ألي كانت عطايهاا غير لقصاير و لبيراان ديريهاا
ياسمين هزات فيهاا عينيهاا بآلم حيث عيراتهاا بعيوبهاا القدام نطقات تحت سنانهاا ببكاء : قلللت ماااادرت وااالو علاااااش مبغااااش ثيقيييي علاااش
سلوى مجاوبتهااش مشات حلات ماريو جبدات منو حوايجهاا و واحد جلابة لاحتهم عليهاا بنتير وونطقات بالعصبية : مااادرتي والو إيواا نوضيي قدااامي نتأكدوو
ياسمين بدموع نطقات ببحة : لفين
سلوى وقفاتها من دراعهاا بجهد و خبطات ليهاا على كرشهاا : عند طبيبة باش نعرفو وااش هازة لحرام في ديك كرش و حتى لا ماكنتيش حاملة تقلبك تشوفك واش باقة بشرافك ولا لا حيث هضرة بنادم دازت على ودني منين ولاو ينعتو فياا و في تربيتي لي معرفتش نربيك كلشي عارفك مصاحبة مع شمكار حتال ليناا حناا مقلوبة عليناا قفة
ياسمين بلعات ريقهاا بخوف منين سمعاتهاا بغات تقلبهاا واش هي باقة بنت حركات ليهاا راسهاا بنفي : لا مامبغيتش أنا أنا باقة بشرافي و الله غير كيكذبو هادوك
سلوى بستهزاء : شفتي كيف وليتي كترعدي و وجهك صفار منين قلت ليك تقلبك طبيبة باينة زبلاهاا داابة غتنوضي تكعدي تلبسي شراوط نمشيو عند طبيبة هي هااديك مغاتنوضيش غنعيط دابة لبااك يجي يشوف بنت لي معول عليهاا تهز ليه راسو الفوق شنو لقيت عندها و شنو سمعت عليهاا من شمايت
ياسمين طلقات سراح لشهقاتهاا شادة على راسهاا بآلم : هئ هئ حشومة عليك أ ماما حشومة عليك علاش كديري فياا هكذاا علاش مبغااش تيقني علاش متيقاش فياا أناا بنتك لي خاصك توقفي من جيهتي دووك إختبرات ماشي ديالي أنا مابغيتش نمشي عند طبيبة
سلوى شافت فيها بنظرة قرف : مابغيتيش تنوضي ياك واخة نعيط لباك يجي يشوف بنتو بنفسو تشوهي معاه حتى هو نيت و خليه يحني راسو الأرض بسباب تربية لي متكسبهاش بنتو
ياسمين خرجات عينيها بالصدمة منين شافتهاا دوزات خط و تسمع صوت حكيم قال آلوو يله غادي تهضر سلوى و هي تنوض ياسمين كتنخصص وجهاا حمر و سارد دموع صوتهاا بح شدات لماماها على يديها محركة راسهاا بترجي بلاا و نطقات بهمس يكاد صوتهاا يتسمع : واخة واخة هئ نمشي عند طبيبة هئ ماتقولي ليه والو هئ هئ
سلوى خنزرات فيها و نترات لياسمين يديها و جهات كلامهاا لراجلهاا في تليفون : صونيت ليك بغلط آحكيم
يله جاا يهضر و هي تقطع عليه و دارت عند ياسمين لبسي شطايطك نمشي نخرك جلابتي نهبط نلقااك التحت
خرجات معصبة خبطات باب وراهاا ديك ساعة طاحت ياسمين الأرض كتبكي و تنتف في شعرهاا : هئ هئ غادي نتفضح و تعرفني ماشي بنت غادي نتفضح مشيت فيهااا هئ هئ أمجد هئ أمجد شنو درتي خلتيني واحلة
بقات جالسة كتبكي و تنذب على حظهاا حتى سمعات سلوى كتغوت عليهاا قفزاتهاا و ناضت كتلبس و تدمع هبطات عندهاا لقاتهاا كتسناهاا حلات باب و خرجات سلوى و ياسمين تابعاهاا من لور حالتهاا كتشفي و هكذاك آثار تصرفيق في وجهاا أما شعرهاا منكووش بسباب نتيف شدو طاكسي لعيادة ديال طبيبة و ياسمين طريق كاملة و هي مسكتاتش من بكااا حتى وصلو قدام عيادة ياسمين وقفات حداا باب دموعهاا شلال مبغاتش تدخل حتى جراتهاا سلوى بنتير من وراهاا و هي كتعكل حتى دخلو الإستقبال لقااو شي الناس قبل منهم جلسو كيتسنااو نوبتهم حتى جات عندهم فتاة إستقبال نطقات بكلام لي خلا ياسمين تقفز بفزع و ترجع تبكي من الأول و جديد : نوبتكم دابة دخلو عند طبيبة كتسناا فيكم#تتمة بارت 258
سلوى ناضت و شافت في ياسمين لي جالسة كتنخصص هزات فيها حاجب كتخنزر فيهاا باش تنوض ياسمين نفات ليهاا براسهاا و هي كترجى فيهاا بعينيهااا سلوى حركات براسهاا معارضة و تنهضات فيهااا : نووووضي
دخلات سلوى سابقهاا خلات ياسمين موت طالعة معاهاا و ناضت بالشوية كتجر في رجليهاا حتى دخلات لقات سلوى هضرات مع طبيبة و قالت ليهاا علاش جايين طبيبة و قفات و مشات عند ياسمين هضرات برقة و صوت هادي كتهدن فيها و خصوصا منين شافت درية باقة صغيرة و كتبكي : شوفي حبيبة تهدني و متخافي من والو إلا كنتي ثايقة في راسك مدايرة والو فماعندك مناش تخافي أكي
ياسمين غير مزادت عليهاا بهضرتهاا و بدات كتشهق قالت بهمس لطبيبة كتطلب فيها بعينيها : عفااك عااونيني أنا عارفة راسي محملاش ولكن هئ هئ خاايفة
طبيبة فهمات عليهاا غمضات ليهاا عينيهاا زعمة غير رتاحي : تعالي معايا الغرفة الفحص
تقدمات طبيبة و ياسمين شافت في ماماهاا كتندم فيهاا بعينيهاا سلوى قلبات عليهاا وجهاا عاقدة تخنزيرتهاا و ياسمين دارت تابعة طبيبة دخلات الغرفة فحص ووطبيبة سدات باب من وراهم و طلبات منهاا تحيد حوايجهاا و تكاا فوق بياااص ياسمين دارت داكشي لي قالت ليهاا و صوت بكاهاا مسموع تكتات و هي خايفة طبيبة دهنات ليها واحد جيل لكرشهاا و دارت ليهاا تلفازة مالقات عندهاا والو و تنهدات براحة : شتي هانتي غير فحص بسيط صافي حمل هاهو قضيناا على شكوو أماا دابة حلي رجليك نتأكد من عذريتك غير تهدني و رخفي على راسك كيف قلت مادرتيش ماتخافيش
ياسمين عضات على شفايفهاا و طاحت دمعة سخونة من عينيهاا مفرقة رجليهاا و طبيبة بدات كتقلب فيهاا ياسمين رتجفات بخوف و بدات كترغب فيها بالصوت مبحوح : هئ هئ عفااك ستريني ماتقولي لماماا والو هئ هئ إلا عفااك قولي ليها بلي أناا بنت عفاااك
طبيبة وقفات من بعد ماقلباتهاا و هي كتشوف فيهاا بستغراب : ولكن أنتي باقة عذراء علاش كتقولي هااكذاا واش عمر شي واحد قااصك
ياسمين وسعات فيهاا عينيهاا بالصدمة : هاااء كيفاش باقة عذراااء
طبيبة حيدات ليكات و نطقات بجدية : آه قلبتك دابة أنتي باقة بنت غير هو عندك إتساع بسيط في فرج ديالك تقدري تجلسي لبسي حوايجك و فهميني شنو واقع معااك و علاش انتي كنتي شاكة في راسك
ياسمين ناضت جالسة و قلبهاا بداا كيخبط دموعهاا نشوفو مافهماات والو هادي طبيبة لي قلباتهاا أكيد مغاديش تكون كتهضر من فااضي وااش بصح هي باقة بنت ولكن أمجد قال ليها بلي قاصها و شافت دم و أنوثتهاا عطاتهاا لحرق كيفاش هادشي بقات ساهية في أفكراهاا كتخمم شنو زعمة هو مادار ليها والو و غير كذب عليهااا ...
ياسمين ناضت لبسات حوايجها بزربة و وقفات قدام طبيبة كتهضر بفزغ : عفااك واخة تقولي لياا كيفاش أنا باقة بنت حيث أحم زعمة
طبيبة تنهدات حيث كتشوف بنت صغيرة كتعتارف بلي هي دايرة شي حاجة : خليناا نخرجو لبيرو براا نهضرو حسن
ياسمين حركات راسهاا بنفي و هضرات بتوتر خوفانة : لا لا نهضرو غير هناا مابغيت ماما تفهم والو دابة واش بصح داكشي لي قلتي لياا صحيح
طبيبة خدات نفس عميق و نطقات : أه أنتي باقة عذراء ولكن كيف قلت عندك إتسااع في جذار ديال فرج ديالك وااش كنتي مع شي واحد زعمة كتمارسي معاه من الفوق و ماماك عرفات هدشي علاش جابتك
ياسمين حنات راسهاا الأرض بحرج : أه ولكن أنا متأكدة بلي فقدت عذرية ديالي شحال هاذي
طبيبة : أناا طبيبة مغاديش تخفاا علياا خدمتي وقلت ليك بلي أنتي باقة بنت شنو لي خلاك تشكي في راسك
ياسمين حنحنات و نطقات بخفوث : كنت مع راجل لي كنبغي بات معايا في دار نعست بحوايجي و منين فقت لقيت راسي عريانة و معاقلة على والو و بيبي ديالي كيضرني و شفت حتى دم في فراش ولكن معرفتش علاش ماحسيتش هو قال لياا بلي أما وياه وقعات بيناتناا علاقة كاملة حيث من قبل كناا غير سطحي
طبيبة ضحكات بسخرية : مايمكنش و أبداا تكوني فقدتي عذريتك و ماحسيتي بوالو واخة تكوني مغيبة قولس ليا آلم لي حسيتي بيه كنتي كتحسي بيه داخل رحم ديالك ولا غير فوق
ياسمين جوباتهاا بالسرعة : لا غير من الفوق بحال إلا طايبة وهو لي قال ليا بلي حنا تقربنا من بعض فهمتي عليا
طبيبة حركات ليها راسها بالتفهم : وي فهمت عليك ولكن غيكون مية في مية كذب عليك حيث آلم غيكون من داخل ماشي الفوق سيري هضري معاه و تأكدي حيث أنتي راك باقة صغيرة و قلتي ليا هدشي صدمتيني
ياسمين أومات ليهاا : واخة شكرا بزاف واش نخرجو دابة
طبيبة صغرات فيها عينيها بشك : لا مزال بغيت نسولك واش عمرك تعرضتي لإيموغاجي ولا شي حاجة بحال هكذاا
ياسمين بإستغراب : شنو زعمة واش نزلت بدم بحال هكذاا
طبيبة : آه نزلتي بدم بدون توقف ماشي دورة شهرية كنعني جاك نزيف حااد ماتقطعش فيك لمدة طويلة
ياسمين قلبات عينيها بتفكير كمشات ملامح وجها بإنزعاج منين تفكرات داك نهار : أه صراحة واحد نهار تضربت مع كوطية ديال ناموسية لكرشي و بقيت كنجري بدم وديك ساعة غيبت و طبيبة لي فحصتني قالت لياا بلي غير لغيكل لي دارت لياا هكذا حيث تعطلات عليا بشهر و نص و طلبات مني مانعسش مع حبيبي واحد مدة (طبيبة صغرات فيها عينيها بشك شي لي خلا ياسمين توتر ) علاش واش كاينة شي حاجة ماشي عادية في هضرتي
طبيبة حكات على شعرها و نطقات بجدية : ياا إماا جاتك إيموغاجي لي هي عادية و خاصك تحمدي الله إلا كانت هي نيت لي جاتك و يااا إماا
سكتات ماكملاتش هضرتهاا حتى نطقات ياسمين بإستفسار : و يا إمااا شنووو
طبيبة : لا صافي نسااي يله نخرجو ماماك كتسنى برى غادي تشوش
ياسمين شداتهاا : لا عفااك غير قولي ليااا و إلا شنو بغيت نعرف عفاااك
طبيبة تنهدات بقلة حيلة : يمكن كنتي حاملة و طاح ليك بيبي ولكن هدشي مايمكنش غير خوي راسك من هدشي نسبة قليلة لي كيحملو إثر علاقة سطحية و أصلا أنتي باقة صغيرة موحال غير عطيت نظرية ديالي
ياسمين حنات راسها الأرض كتدور عينيها بالسرعة قلبهاا بدى كينبض بالسرعة كبيرة شافت في طبيبة و ضحكات بسخرية كتنفي براسهاا : ههه مايمكنش هدشي أصلا حيث كانت طبيبة غادي تقولو ليا و حتى حبيبي مكانش غادي يخبي عليا و بالعكس غادي يتعصب الا طاح لياا ولد أنتي غير غلطتي يااك ؟؟
طبيبة مابغاتش تخلاعهاا و رعات لمشاعرهاا كمراهقة : آه غير غلطت راه قلتها ليك مايمكنش في حالتك غير خوي راسك من هاادشي صاافي
ياسمين أنفاسهاا بداو كيعلاو شادات على قلبهاا و هي كتحاول تبقى مهدنة : أه أصلا خاوية راسي حيث مايمكنش أنا عمري حملت كنت غادي نحس بولدي و ماكنتش نخليه يموت واخة يوقع لي وقع
طبيبة مشات جابت ليها قرعة ماء و عطاتها تشرب : صافي غير تهدني انتي عمرك حملتي اصلا غير رخفي فيك نفس
ياسمين شربات ماء و جلسات فوق كنابي حتى رتاحت و خوات راسهاا من كلام طبيبة عاد خرجو عند سلوى من بعد ماياسمين طلبات من طبيبة ماتقول لماماها والو على داكشي لي عودات ليهاا خرجو عند سلوى لي وقفات بالسرعة مشات عند طبيبة و هي كتخنزر في ياسمين : أمضراا أ دكتورة فحصتيهاا يااك بعداا ماظلمتهااش برهوشة ديراهاا قد راسهااا
طبية حركات ليها راسهاا بنفي و نطقات بجدية : لا الالة راك ظلمتيهاا بنت ماحملاش و باقة بعذريتهاا الله يحفضهاا من شر خلق غير محنتي راسك جايبة درية حتال هناا و مأزماهاا بهاد ظلم ديالك
سلوى صغرات عينيها في ياسمين لي حانية راسها و مشات شداتهاا من دراعهاا كارزة عليهاا : يااك ترجيتي طبيبة تخبي عليااا يااك طلبتيهاا ماتقول ليااا والو
ياسمين عينيها دمعو حيث غير مزايدة فيه ماماها واخة طبيبة قالت ليها لي كاين : راك سمعتيها أناا ماطلبتهااش و من الأول قلت ليك غير ظلمااني ولكن أنتي ماسمعتيش ليااا
طبيبة فكات ياسمين و نطقات بجدية : صراحة ماعرفتش شنو لي خلاك تشكي في بنتك حتال هاد دراجة ولكن راه بصح بنت ماعندهاا والو و باقة بعذريتهاا الالة و الا بغيتي نخرج ليك تحاليل ماعندي حتى مشكيل
سلوى شافت في ياسمين لي كتطيح دموعهاا في صمت و كتشوف فيهاا بترجي بقات مركزة معاها شنو زعمة تكون ظلماتهاا ولكن هضرة بنادم و دوك إختبارات مامحل ديالهم من إعراب شدات على قلبهاا و تنهدان براحة حيث على أقل عرفات بلي بنتهاا ماكذباتش عليهاا شافت في طبيبة و نطقات بإمتنان : صافي شكراا دكتورة مكاين لاش تحاليل (شيرات لياسمين بخفوث) يله نمشيو
ياسمين حنات راسهاا الأرض و تبعاتهاا من لور خايدة في خاطرهاا من جيهتهاا طريق كاملة ماهضروش ولكن ياسمين كان عقلها خدام كيفكر في كلام طبيبة ولكن الأمر لي شاغل بالهاا كثر هو شنو جاب دوك إختبارات لفراشهاا بقاا عقلهاا خدام حتى وصلو الدار دخلو مع باب ياسمين بغات تطلع بيتها و هي تسمع صوت سلوى من وراها : تااعمن دووك ليطيست منين ماشي دياولك
ياسمين عضات على شفايفها مصبرة راسهاا على مهاا غير بزز دارت عندهاا و نطقات تحت سنانها : مااعرفتش تااعمن و اش جابهم لفرااشي أويلي راك تأكدتي من شكك علاش باقة زايدة فيه أ ماما صافي براكة
سلوى : مالهم عندهم رجليين تخبعو تحت فراشك أنتي غير هكذااك وي عرفناا ماشي ديالك ولكن منين جاوك ديال من
تسمع صوت منغنغ من الفوق دروج : ديالي أ مامااا
بجوج بيهم دارو كيشوفو فيهاا موسعين عينيهم بالصدمة كانت هادي إكرام لي هابطة من دروج كتفرك في يديها بتوتر حتى وقفات وسط منهم و نطقات بصوت مرتجف غالب عليه توتر : أحم زعمة ديال صاحبتي هي حاملة و كانت دارت إختبار في حمام ديال لفااك و مع كناا معطلين جمعاتهم عندي و أناا البارح بغيت نخزنهم حتال من بعد و نلوحهم ولا نشوف نردهم لمولاتهم ولكن بنسية حطيتهم تحت فراش ياسمين سمحو لياا ماقصدتش
سلوى غير سمعات كلمهاا شدات على راسهاا و تنهدان براحة : أفف إيواا حمد الله ديك ساعة قوليهاا قبيلة كنتي غادي تسكتي ليا قلب يسحاب لياا ديال هاد برهوشة ديال ختك إيواا مكاين بااس
ياسمين وسعات عينيها بغير تصديق في سلوى كرزات على يديهاا بعصبية و غززات على سنانهاا : كيفااش مكااين بااس هاا هاد تمرميدة كاملة لي دوزتيهاا علياا و في آخير منين قالت ليك ديال صاحبتهاا مكاين بااس كيف درتي ليهاا أنتي راك شكيتي في تربيتي و شرافي
سلوى ببرود : عاادي مكاين والو هاهي ختك برئاتك و قالت ديال صحبتهاا مالك بغيتي تضربني لا تعالي أنتي نتفيني حسن
ياسمين عينيهاا غرغرو : نتي ماما و علياا بإحترام ولكن بغيت نفهم حاجة وحدة علاش شكيتي فياا أنا هاا علاش ماشكيتش في إكرام ياك حتى هي بنت هنا شنو لي خلاك تديري لياا ديك حالة كاملة ظلمااني و قهراني رديتي مني موسخة و بنت زنقة و غير قالت ليك إكرام كلمة وحدة ثيقتيها علاش متيقتينش أنا لي من صباح كنحلف ليك بلي مادرت والو علااااش ثيقتي إكرام بهاد سرعة و ماقلتيش بلي إختبارات ديالهاا وبلي هي لي تقدر تكون حاملة
إكرام بلعات ريقهاا بخوف شافت في ياسمين و هي كترمش عينيها بسرعة كتحك على يديهاا لي كترعد : أأ نتي اش كتخربقي كيفااش نكون حاملة و واش عارفة أش كتقولي أ أ أنا ماكنعرف حتى واحد مايمكنش ندير هكذاا
سلوى شافت إكرام كتهضر بديك طريقة يسحاب ليهاا غادي تمرض ليهم عوتاني : سيري أبنتي طلعي بيت نعسي ليك و خودي دواك ماتديش على هادشي غير كتخرف
إكرام شافت في ياسمين بنص عين حنات راسهاا و طلعات كتزرب في مشية و كل مرة تدور تشوف في إكرام لي كتشوف فيها بشك حتى طلعات عاد دارت كتشوف في ماماهاا و بدات كتهضر بحرقة : علاش ماصدقتينيش و صدقتي إكرام واش حيث هي مريضة شنو إلا كان داكشي ديالهاا هي علاش مدرتيش ليهاا داكشي لي درتي ليهااا
سلوى : حيث الالة إكرام بنتي و مربياهاا على يدي عرفاهاا اش كتسوى ديماا هازة ليا راسي لسماا تبارك الله عليها عمري سمعت عليهاا حاجة خايبة داخلة سوق راسها من لفااك لدار و من الدار لفاك مااشي بحالك أنتي
ياسمين طاحو دموع من عينيهاا قالبة شفايفهاا : و أناا واش ماشي بنتك مربياني من زنقة علاش ماشي بحالهاا شنو كندير ليكم أنااا
سلوى بجمود : حيث بكل بساطة أنتي مربية راسك براسك لي في راسك كدريهاا بلاتي نفكرك في بيران لي كنتي كتباتي فيهم ولا نهضرو على دخول حتال نصاصت الليل مصاايب لي كنتي ديري في ليسي لبس ماهو لبس بنت محتارمة غير تقزااب كنقولو بنت باقة صغيرة دابة تكبر و دير عقلهاا ولكن هاد عقل مابغيتي تدريه عاد هضرة لي سمعت عليك من براني و مزال كتسوليني علاش ماثيقتكش و ثيقت ختك
ياسمين في كل كلمة كانت كتنطق بيها سلوى كانت كتطيح معاهاا دموع حجر حسات براسهاا ماعندهاا قيمة حتى عند واليديهاا ماماها لي كانت ديما كتجي منهاا هاهي دابة كتسمعهاا كلام لي جرح قلبهاا و خلاه ينفاطر شهقات شهقة عالية و نطقات : هئ هئ أنا تبدلت أ ماما أنتي معرفاش قداش جرحتيني بكلامك هئ هئ (بستهزاء) ولكن شكون أنا هئ هئ أنا غير ياسمين مخاصنيش نتصدم أصلا ديماا إكرام هي بنت زوينة و ضريفة في عينيكم واخة ندير لي ندير كنبقى منبوذة واخة كتضحكو في وجهي ولكن كديروهاا غير بلعاني باش مانرجعش كيف كنت هئ هئ شحال هادي ماكانش كلامكم كيجرحني حيث بصح داكشي كنت كنديرو ولكن دابة قلبي ضرني بزاف حيث أنا بصح تبدلت و ليت كندير جهدي كامل باش نفرحكم و خصوصا بابا وليت كندير بزاف حوايج باش يرضي علياا و نكون حتى أنا في عينو ديك بنت مثالية بحال إكرام (شهقاات شهقة عالية حسات بنفسهاا تقطعات حولات تصبر راسهاا و كملات كلامهاا عينيها كينزفو بحال قلبها) هااء هئ ولكن واخة ندير لي ندير ديماا غنبقى منبوذة نحس تابعني فينماا مشيت حتى واحد في هاد دنياا ماكيبغيني قد راسي هئ هئ علاش ولدتيني علاش كون غير خنقتيني و أناا صغيرة حسن لياا مانعيش في هااد الحالة حشومة عليكم كامليين شنو درت ليكم أنا شنو غير بغيتكم عمري حسدت ختي حتال هاد نهار كتبغيوهاا كثر مني و كتفضلوهاا علياا في كلشي وليت ديماا كندعي على راسي بمووت و حتى مووت مابغاتنيش شكوون غادي يبغيني أناا شكوون