طحت معا بزناز (مكتملة)

الجزء 1

نجوم قبل القراءة
💎Hassna sgm💎
🔞طحت مع بزناز 🔞
🥂البارت 1🥂

في منطقة راقية جداا و قدام واحد فيلا كبيرة بزاف واقف واحد راجل يكون في خمسيناات من عمرو شعرو أسود فيه بعض خصلات بيضاء ولكن مع ذالك ظاهرة وسامة ديالو كان بملابس أنيقة سروال و قميجة مطلعها لحد دراعو باينة من وجهو رجل وقور و ضريف كان واقف كيهضر مع العمال لي مخرجين رحيل من فيلا و كيطلعوهم الشاحنات بحظر و هو كينبه عليهم حيت خدا غير أغراض مهمة ديالو و ديال عائلتو صغيرة بعيد عليه ببضع خطوات كانت واقفة إمرأة جميلة رغم أنها في بداية أربعينات عينيها زرقين و شعرها طويل و شهب لابسة جلابة أنيقة في الأحمر مخيطة خياطة مخزانية و هازة صاك صغير بين يديها وكتشوف فيهم كيخرجو رحيل من دارها لي عاشت فيها سنين هي و راجلها و ولدو فيها بناتهم و رباوهم خانتها دمعة و مسحاتها بزربة واقفة حداها فتاة تكون عندها 20 عام شعرها الأسود واصل لحد خصرها و عينيها زرقين شابهين الأم ديالها و بشرتها بيضاء فورمة ديالها زوينة لابسة سروال دجين و ميني بوط في بيض شادة في دراع ماماها كتصبر فيها و حتى هي باين حزن في عينيها ..كملو العمال من هزان رحيل و تحركو بشاحنة للمكان لي قال ليهم سي حكيم و هو بقا حاظيهم حتى ختفاو و دار شاف في مرتو سلوى واقفة و كتشوف فيه بعتاب و بنتو حداها شاف دمعة في عينيها مقدرش يستحمل مشا بخطوات مسرعة و تلاح عليها عنقها وهي بدورها لي كانت باغة غير سباب باش تنفاجر بقات كتبكي على صدرو و هو كيحرك يدو على شعرها كيسكت فيها و بنتهم كتشوف فيهم بتأثر بعد عليها بشوي و شد ليها وجها بين يدو وقال بحنان : صافي أسلوى قدر الله ماشاء فعل هادشي ماشي بيدينا باش نقروه
سلوى كتنخصص : أنت معارفش باش كنحس أ حكيم راه داري هادي لي كنخرج منها عشت فيها أجمل ذكريات معاك و مع بناتنا هئ هئ كيفاش غنقدر نخويها كيفاش
حكيم : هادشي مكتاب علينا أصلااا أنا كنت متوقع هدشي حيث كثرو عليا كرديات بنكة و حتى شركة بورصة ديالها طاحت و ممبقاش ليا كيف ندير ناخد قرض أخر وحيت فيلا و مصانع أخرى كانو في سميت شركة فحزجوهم و ماشي حنا لولين ولا لخرين لي غيديرو إفلاس
سلوى تنهدات : أفف هدشي صعيب عليا بزاف بزاف واخة هكاك نقدر نصبر و نتعود على وضعيتنا حالية ولكن البنات ، البنات أحكيم مغاديش يصبرو
نقزات بنتها لي حداها و شدات ليها يديها و كرزات عليهم و عينيها مغرغرين : متقوليش هكذا أماما أنا قادرة نصبر و نقدر نعيش معاكم غير على ضوء شموع مهم تكونو جنبي أنا و أختي
حكيم و سلوى شافو فيها بحنان و عنقوها بجوج في دقة هادي بنتهم الكبيرة و مولات العقل ضريفة بزاف و رزينة حنينة و حساسة حجتها ماشي ديالها رغم أنهم كانو كيعيشو في ثراء كبير عمرها تكبرات ديما كتكون متواضعة مع الناس و كتبقى هي فتاة لي كيعولو عليها وليديها في حاجة حيت ذكية و كتعرف تصرف و هاد بنت هي إكرام  .
وهوما في وسط عيناقهم ثلاثي سمعو صوت بكاء أنثوي جاي من سيارة رونج كحلة ضارو كاملين شافو في إتجاها كتبان ليهم رجلين أنثوية بيضاء حافية خارجة من سرجم ديال طونوبيل لي جاي منها صوت البكاء سلوى دارت شافت في راجلها وهي  تحط يديها على راسها بنسيان وتنهدات تنهيدة طويلة
سلوى : شفتي هالي قالنا أنا ممحيرنيش أمر إكرام حيت بعقالها و تفهمات وضعيتنا ولكن أش غادير مع هاد عفرتية لي كتنخصص
حكيم بتاسم إبتسامة خبيثة وقال : صراحة أنا ممقلقش حيت درنا إفلاس قد ما أنا فرحان دابة
سلوى شافت فيه بستغراب : أويلي أحكيم أش كتقول مكتسمعش صوت درية كيف كتبكي و أنت كتقول بلي راك فرحان
حكيم شاف في سلوى و هز ليها يديها و باسها : أنت غير تفرجي و سكتي أنا لي عارف هاد مولات لمصايب أش يليق ليها و بان ليا هاد وضع لي فيه حناا دابة غادي يخليها تهبط كوريها شوية
إكرام  حتى هي ضحكات: ههه صراحة أنا متافقة مع بابا
سلوى ربعات يديها و طلعات فيهم حاجب حيت كيتشكاو من بنتها صغرى
حكيم ضحك بقهقه : متشوفيش فيا بحال هكدا أنتي عارفة بنتك مزيان أش كتسوى شيطان كيصيفط ولادو يزيدو عندها سوايع
سلوى : حشومة عليكم والله علاش ديما كضلموها راه واخة هكاك حنينة و قلبها بيض
حكيم و إكرام ضحكو و ضربو في يدين بعض و قالو في نفس الوقت  : حشومة مرت شيطان و مرتو هي بنتك
ومع تسمعو ضحكاتهم حبس صوت بكاء بداو كيشوفو في بعضياتهم و خرجو عينيهم و بسرعة هزو يديهم داروها على و دنهم و في نفس وقت تسمعو صرخات بكاء ديالها ولكن هاد مرة كثر و هوما حافضينها مزيان و عارفين سيستيم لي كتخدم بيه حكيم ضحك و جر سلوى و إكرام غادين جيهة سيارة و حتى هوما كيضحكو