طحت معا بزناز (مكتملة)

الجزء 33

ياسمين ببحة بكاء : علاش كنستاهل هادشي أناا شنو درت ليك شنوو
أمجد غزز على سنانو و غوت عليها بالعصبية : بغيتي تعرفي شنو درتي يااك واخة سمعي ورك ليها على دراعهاا على غوتات و نطق و شر كيتطاير من عينيه : خرجتي في نصاصت الليل زيديك بلا شواري طفيتي تيليفون باش منعيقش بيك لبستي لياا لبس القح*_اب لحمك كولو باين و صدرك خارج من حوايج ظهرك كولو باين الفخااض كلهم عريانين غير طرمتك هي لي ساتراهاا زيدي عليهاا حصلتك في حفلة كتلوزي لعبااد الله و زيد و زيد و كتسولي شنو درتي راه خاص مك ذبيحة نتي حيث لب دوزت عليك مايجيش قداام فعايلك
ياسمين حتى هي بدات كتغوت : أنت شكون هاااا شكون لي تحكم فيااا و تقول لياا شنو ندير و شنو لاا أنت شكوون لي تفرض علياا شنو نلبس و فين نخرج و شنو ندير هااا
أمجد جرهاا من شعرهاا ولكن كان راخف عليهاا هاد مرة : أناا هو لي غاادي يصفيهاا لزا*_مل بوك إلا محشمتيش على راسك و جمعتي كرك معايا (غوت بجهد) سمعتيييي
ياسمين بدموع قالت بصوت خافث : أش هااد الحب ديال سيطرة أناا ماشي لعبة بين يديك تلعب بياا كيف بغيتي
أمجد تحت سنانو عروقة وجهو برزو : عتابريهاا كيف بغيتي سمعتي و بالنسبة لياا ماكينااش شي لعبة لعبت فيهاا و عمري خسرت و أنتي غتكوني هي داك جندي ضعيف لي كيطيح سلاح ديالو قدام جلادو
ياسمين صرطات ريقهاا و شافت فيه بعناد : واخة احناا غادي نشوفو شكون غيطيح سلاح ديالو أنا ولا أنت و ديك ساعة غادي تندم حيث ستاهنتي بداك جندي ضعيف
أمجد بتاسم بمكر عجبو عنادهاا : نبدااو لعبة و نتفرجوو
ياسمين بستهزاء : متنسااش دخل معاك في هااد لعبة حبيبة ديالك مسكينة لي ضربتيني على قبلهاا و خليتيهاا تحط علياا يديهاا شلاا باااش خنتيني غير وحدة خايفة غير من خيالهاا (ضحكات بستفزاز) هه كون غير جيتي قبل بشوي حيث كنت بغيتك تشوف منظر ديالهاا (هزات يديهاا لي ضرباتهاا بيهاا) ملي ضربتهاا بهااد اليد و ضحكت فيهاا سوااغي كااملة للعلم هي لي جبدات مااشي أناا
أمجد بقاا كيشوف فيهاا ببرود و حتى هي كذالك صغرات فيه عينيهاا كتسنااه يدير شي حركة ولا يغوت عليهاا ولا يضربهاا على قبلهاا مرة أخرى ولكن هو كان غير كيرمق فيهاا بنظرات غير مفهومة ياسمين غززات على سنانهاا بغات تستافزو باش يدير شي حركة يدافع بيهاا على يارا و تعرف شكون هي ولكن كان عكس زفرات بغيض يله غاادي تهضر عوتااني و هو يشدهاا من يديهاا لي شيرات بيهاا و لواهاا ليهاا وراا ظهرهاا و خبطهاا مع صدرو ظهرهاا ملاصق معاه و قرب شفايفو حداا ودنهاا و قال بهمس حااد : أنتي لي ضارك في خاطرك هي يارا ياك واحلة ليك في حلقك حيث خليتهاا ضربك بغيتي تعرفي شكون هي يااك إيواا سمعيني مزيان و حلي معايا و ديناتك : أناا جيت لحفلة حيث عيطات لياا يارا حبيبة ديالي كيف قلتي و كانت كتبكي حيث شي قح&_بة ضرباتهاا و ياتراا شكون هااد قح&_بة صااحبتي لي أناا مخليهاا ناعسة في دارهم و جمعت ليك حب و تبن أه ضربتك حيث حطيتي عليهاا يدك عرفتي علاش حيث هي
عض على شفايفو ماكملش كلامو و طلق منهاا ياسمين دارت شافت فيه كتبكي : هء هء كمل مالك سكتي حيث هي حبيبة ديالك و كتبغيهااا جففتي بياا الأرض على قبلهاا نطق و قول بلي أنتي كنتي غير وسيلة لي تسلية و غير كنضحك عليك أماا أناا قلبي مع وحدة أخرى هئ هئ
أمجد بلع ريقو و شد ليهاا وجهاا بين يديه حاط راسو على جبهتهاا : يارا ماشي حبيبتي سمعتي كااينة بنت وحدة في حياتي و هي أنتي علاش مابغااش تفهمي هاادشي علاش
ياسمين حيدات ليه يديه و عينيهاا مدمعين : براكة من الكذوب أناا عيت كل مرة كتاكل لياا دماغي بكلامك حتى كتذوبني فيك و ترجع تصدمني كثر من مرة لي قبل ماابقاش كيهمني شكون هي يارا و شنو كتجيك صاافي عرفتي علاش حيث أناا كرهتك و صورة ديالك تعماات من عيني ماابقيت بغيت منك والو من غير أنك  تبعد مني و تعطيني تسااع و خليني نعيش حياتي كيف بغيتهاا مع شخص لي يقدرني مااشي كلمة جوج يضربني
أمجد جبذهاا من عنقهاا كارز عليه حتى كان غيقجهاا و غوت بصوت مرتافع من عصبية ديالو حتى قفزهاا هي نيت وجهو حماار و فكو ولا كيترعد : عمرك تحلمي نبعد منك حيااتك ديالي و غاتعيشيها معااياا سمعتي يااا ليااا يااا للموت دخلي هااد كلمة رااسك أنتي ديال تايغر و نهار نحصلك كتحفري من وراا ظهري نقبرك
طلق منهاا بنتير حتى شدات على عنقهاا كتكحكح : أنت مريض و خاااصك تمشي تضوااا من هااد مرض لي فيك بسيكو بااط لخر
أمجد جرهاا من خصرهاا مقربهاا ليه و قال بخشونة : هاااد ساعة انتي دواياا المر لي ماااكيشفي حتى كيخلي ليك حرقة كبيرة داخل ديالك
ياسمين هزات فيه عينيها لي كتلمع بقطرات من دموع مقابلة مع عينيه حاادة حمراء كيرمقو بعضياتهم بنظرات غير مفهومة و معنااهم هوماا لواحديين لي عارفينو
بعض دقائق من سكون وهوماا في نفس وضعية ياسمين حطات يديهاا على صدرو و حنحنات : بغيت نخرج من هنااا
هو هز ليهاا برااسو و شدهاا من يديهاا جارهاا من وراه خارجين من الغرفة و ياسمين كتجر في يديهاا مبغاتوش يشد فيهاا ولكن عااد مااكايزيد يكرز عليهاا حتى حسات بيهاا غادي يطرطقهاا عااد زكاات وهو رخف عليهاا قبل ماا يخرجو داز لاكيس خلص الحساب لي عندو و بصدفة دور وجهو بان ليه داك راجل لي وقف معاه البارح فااش مشاا يدفن جنين وشااف في سيدة لي كاينة في إستقبال مشير ليهاا للراجل : هذاااك شنو عندوو
هي : كيتسناا شي تحاليل يخرجو ليه من البارح و هو هنااا
أمجد حرك ليهاا راسو و قال بجمود : شحال خااصو يخلص
هي قلباات في ملف ديالو و قالت ليه شحال و أمجد عطاهاا كارطة تيري منهاا المجموع عااد رداتهاا ليه و رجع شد في ياسمين لي كانت غير كتخنزر في أمجد محملاهش و في نفس وقت مستغربة حيث خلص على شخص ماكيعرفوش ...