خرج سابقها جابد كونطاك و حل ليها باب طنوبيل القدام باش تطلع هي حركات ليه راسها بلا كادة ليه يديها لبنتها : بلاش غنشد طاكسي غير عطيني أريج
ياسين ببرود : بنت ليك حليمة أناا نخليك تشدي طاكسي تكمشي و دوزي طلعي قبل ماتشوفي لي مايعجبكش
إكرام شافت فيه بنص عين : لا مابغيتش عطيني بنتي نمش آآآه يدي واش حماقيتي
كان هو لي شدها من دراعها و دخلها بزز مجلسها : آه حماقيت و نتي لي حمقتيني
سد عليها و دار المقعد قيادة محلس بنتو على فخضو مخلي إكرام باغة تاكل راسهاا بفقصة
إكرام : شوف راك زدتي فيه و بزاف ماشي سكت ليك البارح تبغي ديرني تحت صباطك طلق ليا بنتي و حل هاد الباب نمشي بحالي
ياسين ببرود : سكتي
إكرام بغوات : مسكتاش علااااش غادي نسكت مسكتاااااش غاتحل لياااا هاد باب ولاااا نشوهك هنااا أخوويااا علاش باقي تابعني بعد مني عطيني تساع واش عندك ليا شي حااجة و فرقني عليك و سير بحالك رجع فين كنتي غاااارق هاد عااامين ولا عرفتي شنووو عندي ليك حل حسن سير رجع عند ديك بنت لي حصلتك كتخووني معاهاااااا و نسااااني علييييك أنااا و بنتي يااااهاد شماااتة
ماحسات على راسها حتى تجرات من شعرها لعندو مغوة بآلم قابل وجها مع وجهو وهو كيحرك فيها بين يدو كيصرخ في وجهااا بآعلى صوت : قلللللت ليييييك سكتييي سكتييي واش باغاني نرتاكب في حبك شي جااريمة خليني مزيان معاك متكفرينيش على جدك
مع غوت قفزات أريج بخوف و كسرات دنيا ببكاها ياسين شاف إكرام حاطة يديها فوق يدو كتحاول تفاك منو و دموع تجمعو في عينيها بالسرعة ملامح وجهو تلشات لقلق باقين دموعها نقطة ضعفو طلق منها بالشوية بغااا يمد يدو يحطهاا على حنكها ناطق بهمس : إكرام أنااا
حبساتو بيديها قبل مايكمل كلامو ناطقة بصوت مرعود باغية تبكي : عفاك ماتقول والو
قلبات عليه وجهااا حاطة راسها على مراية كتحاول تكبح دموعهااا أمااا هو فكان ماحليتو ليها ماحيلتو لبنتو لي كتبكي بين يدو بكسرة مادة يديها للإكرام : بغاتك
إكرام ببحة بكاء : خليها عندك ماعنديش ليها خاطر
ياسين شاف حتى شاف و حظن أريج كيحاول يسكت فيهااا و يمسح دموعهااا بزز باش رضات و سكتت حاطة راسها على صدرو مقابلة بعينيها مع إكرام كتشوف فيها بزعل ياسين حط يد على راسها كيحك على شعرها و يد ثانية كيسوق فيها مبعد من قدام فندق طريق كاملة وهوما ساكتين على نفس وضع هي غير ساهية في زجاج نافدة وهو كل شوية يدور يشوف فيها متنهد بآسى ندمان حيث حط عليها يدو و صرخ في وجها
تسللت أشعة شمس صاطعة من نافدة مداعبة عينيها كمشاتهم بملامح إنزعاج ناعسة على كرشها و شعرها متناثر على ظهرها و نص في مخدة حلات عينيها نصف حلة عاكزة تحلهم حتى تعودات على ضوء عاد حلاتهم كترمش في عينيها كتحس بذاتها ثقيلة عليها و راسها كيعطيها صداع تقدات في ناموسية ناعسة على ظهرها كتدور عينيها في سقف بسهوة صباحية شوية طاحو عليها بعض أحداث من الليلة أمس ناضت جالسة شادة راسها بصداع كتحاول تفكر شنوو وقع معاها البارح آخر حاجة مفكراها هي فاش خرجات معصبة من عند أمجد و دخلات سواغي شي حاجة خرى لا شافت في غرفة لي هي فيهاا وهي كتحك على راسها : آخخ راسي فين أناااا
هبطات عينيها لجسمها لقارت راسها عريانة لابسة غير سترينك ساتر أنوثتها من قدام وسعات عينيها بالصدمة مجات فين تستوعب حتى ضربات فيهااا ريحة كارو و سمعات صوت قهقه مبحوحة شافت في جنبها قدامها لي كانت معمية عليه و زادت وسعات عينيها بالصدمة وهي كتشوفو جالس فوق فطوي لايح عليه ثقل كتافو و سجائر في فموو كيبخ فيهم صدرو منحوث عاري طايحين بعض من خصلات شعرو على كتافو وهو كيختارقها بناظريه من رجليها حتال آخر شعرة في راسها بنظرات ماكرة
ياسمين جرات عليها ليزار ساترة راسها ناطقة بعدم إستوعاب كترعد : آ آ ش كدير أنت هناااا اا ؟! فين أناااا
أمجد ناض وقف كيتمشى قدامها بغرور شاد كارو بين صباعو مبعدو على فمو : كتسوليني أش كندير في داري أ شيخة ياااك
ياسمين بلعات ريقها بالخوف كتنفس بجهد : دااارك !!
أمجد طفى كارو في واحد طفاية فضية فوق طابلة و رجع وقف قدام سرير مقابل معاها خاشي يدو في جيبو : كنعرف شيخات لي كيعركوهاا شراب كيجمعو الغرامة فين هي غرامتك
ياسمين زادت وسعات فيه عينيها كترعد : أش كتخربق علياا أنت أش جابني أنااا لدراك و حواايجي علاش ملابسة والو
خرجات عينيها بخوف رعدة شداتها منين طاحت على راسها فكرة أنه يكون قاسهاا شافت في سرير حداها كتقلب بعيديها على شي حاجة تكذب بيها ظنهااا هو قراهاا رسم نصف إبتسامة خبيثة ناطق بمكر : عجبني تفكريك إلا بغيتي نطبقوه دابة نطبقوه ماعندي حتى مشكيل
ياسمين هزات فيه عينيها ناطقة بقلق مصغرة فيه عينيها بشك : مقربتيش لياااا ياااك
أمجد بالسخرية : حتى تكوني حركتي فياا شي حاجة عاد نقرب ليك
ياسمين ملامح وجها خداو وضع صدمة بجملتو دعس على أنوثتها حسات بقلبها كيتعصر وهي حالة فمها نصف حلة كتشوف فيه كيفاش كيتحرش بيها نظرايا مع خبث كلماتو لي خلاو غصة بكاء توحل في حلقهاا ولكن ماشي هي لي تسكت ليه بلعات ريقها قالبة عليه وجها كتلمم في راسهاا خدات نفس عميق مع نظرة خبيثة تشكلات على ملامحها رجعات شافت فيه بتحدي و لاحت ليزار من على جسمهاا وقفات قدامو عريانة هكذاك كتكسل على راحتها وهي مترقبة نظراتو لي تلشات من خبث إبتسامتو إلى ذهول في جرئتها زايدة قربات منو بخطوات ثابثة كتعوج وهي كتسرى بيديها على سائر بطنها طالعة حتال صدرها مخلياه كيبلع ريقو تفاحة آدم متبتاش في حلقو
ياسمين بميوعة : للأسف ماشي كلشي كيحركو زين كاين لي من عند الله بارد و مافيدوش
أنت تقرأ
طحت معا بزناز (مكتملة)
Romanceبقلم : الكاتبة حسناء إس جي إم Hasnaa SGM قصة : طحت مع بزناز هااي لحيباانات صافا عليكم هنااا رجعت بقصة جديدة بقلمي أنا ✒ #Hasnaa_SGM ✒ 🚫لا أحلل نشر إلا بعد إذني مع إحتفاظ بالمقدمة و كوفر 🚫 هه شي حاااجة طوووب قصة...
