طحت معا بزناز (مكتملة)

الجزء 47

عثمان حرك راسو بإماء : أنا ماعندي حتى مشكيل شوف باهاا واش غادي يصبر عليهاا 3 شهور حيث إلا لقيت نبشة ولو صغيرة فيها تحملو مسؤولية داكشي لي غادي ندير فيكم
أيوب بحقد : و زايدهاا كتهدد فيناا وسط دارنا عندك زهر واليد قبل يزوجهاا ليك أما كنت ندوز عليهاا بدم بارد و نمشي لعكاشة
عثمان حمر فيه و نطق كيغزز في سنانو : شتي أنت بضبط معانديش فيك ثقة و عتابرو تهديد من عندي (دار كيشوف فيهم كاملين و رفع من حدة صوتو بنبرة تحذرية) كنقسم فمي بالله و نرجع نلقى واحد فيكم قاصهاا و حط عليهاا يدو ولا عايرهاا و هضر معاهاا مانرحمكم و ديرو هضرتي حلقة في ودنيكم
فاتح : حتى واحد ماغادي يقايسهاا ولا يحاشيهاا ليها غير كون هاني غير أنت خاصك دير واجب (بتاسم بخبث حرك ليه صباعو بمعنى الفلوس عثمان بقى كيشوف فيه بتركيز بنظرة إستحقار كيشوف فيه بحال الا كيبيع بنتو زفر بغيض و نطق بحدة) : تسنااو شوية هناا جاي
خرج عثمان من دار هابط في دروج فاتح وسع عينيه و غوت على أيوب : سير طل شوف فين مشاا غير قلت ليه الفلوس و هو يهرب
ياسمين ميقات فيه : ماعندو فين أعمي عثمان قد فمو قد دراعو تلقاه مشاا يجيب ليك ثمن لي بغيتي باش تشد يدك على بنتك
فاتح مدهااش فيهاا بقى حاضي غير أيوب لي طل يشوف عثمان فين مشاا حتى وسع عينو منين شاف طونوبيل لي حلهاا كيف دايرة عينيه حوالو كان عثمان مدخل راسو حل المجر ديال طونوبيل و جبد بزطامو سدهاا و رجع طالع أيوب دخل و مشاا عند بااه لي تنهض فيه : أش كاين ياكمااا هرب كافر بالله
أيوب بتعبير : با با با على حديدة عندو تشااا راه هاد الناس لي عيشين أماا حناا لا ركبناا غير على سونطرواا مانقولوهاا الحد
كيف كملهاا دخل عثمان عاقد غوباشتو وقف قدامهم حل بزطامو خرج منهم ضمسة ديال زرقات بدا كيحسب فيهم بيدو ورقة على ختهاا و هو حالين فمهم في الفلوس من بعد جمعهم و عطاهم لفاتح لي شدهم من عندو بخطفة و هو كيضحك عاجبو الحال عثمان رجه جبد الفلوس كمشهم و خشاهم لأيوب في جيبو غمزو و خبط ليه على كثافو : هادي حلاوتك سير شري بيهاا شي باكية كارو بنتي ليااا مقطوع
الفاتح خشى الفلوس في جيبو و شاف في عثمان بإبتسامة رضى : كون هاني دابة أنسيبي غذا جي مرحباا بيك عتابر البنت ولات ديالك
عثمان حرك ليه براسو خشاا يدو في جيبو هاز فيهم حاجب : إذا تفاهمناا دابة شي لاخر حتال غذا و نتافهمو عليه غادي نمشي دابة و غادي نعاودهاا أمال مايقرب ليها حتى واحد مفهوم
هوماا هزو ليه براسهم دار غادي خارج و قبل بان ليه تيليفون ديال أمال طايح في الأرض هزو و خشاه في جيبو عاد خرج ركب في سيارتو و ديمارا مباشرة الدارو باش يعلم ماماه بخطبة و عقد باش تبدا توجد عندهم نهار و نص خاصهم يقادو فيه كلشي ...

كيف خرج نطق فاتح و هو كيشوف في حليمة مخنزر : سيري دخلي هضري مع ديك مسخوطة والدين علميها بلي هاد صاحب لي عطاتو شرافهاا و نسات ترييتهاا راه غادي يخطبهاا غذا باش توجد راسهاا على أقل غلطات مع واحد لباس عليه هوتة كون كان شي محشر كون راه روحها وصلات عند الله (دار عندها قبل مايمشي) غادي نصيفط ليك تقدية مع عامل عندي باش تبداي توجدي
خرج فاتح راجع لخدمتو و أيوب حتى هو خرج مع باب جبد الفلوس لي عطاه عثمان كيحسب فيهم و يفرنس بقات غير حليمة مسكينة لي غير مشااو طاحت جالسة كتبكي و ياسمين معاهاا : فين نعطي راسي فين شنو ندير مع هاد موصيبة إمتى غادي نوجد  شنو تلبس هي موحال تبغي تخرج تشوف ليها ماتكري على لعصاا لي كلات عاد شوهتهاا و ثقة لي درت فيهاا تربيت يدي طعناتني و كواتني منين عطات شرافهاا و رخصات راسهاا
ياسمين عينيها دموعهاا تحنات عندهاا كطبطب عليهاا : خالتي أمال مادارت والو والله ماوقع بيناتهم والو داك نهار هذاكشي لي في فيديو مادارتوش أمال بخاطرها
حليمة : آحح يابنتي و كلشي شفتو بعيني داكشي باين واضح بلاماا تغطي عليهاا
ياسمين بالسرعة : و هانتي حتى دابة ماوقع والو هاهو غادي يتزوج بيهاا و الله حتى عثمان ضريف و كيبغيهاا غيديرهاا في عينو أنا كنعرفو مزيان
حليمة تنهدات تنهيدة طويلة : داكشي لي نتمناو (عينيها دمعو) مي طاهرة مسكينة يله ماتت و حناا غذا عندنا خطبتها و عقدها حشومة في حق المرآة
ياسمين حتى هي دمعات : ماشي بيديك أخالتي داكشي جاكم على غفلة و اصلا داكشي غيكون غير هضرة راه مغاديش نديرو شي حفلة
حليمة ناضت واقفة شادة على راسهاا : بنتي الله يرضي عليك ماجي وقفي مع صاحبتك في هاد نهار و جي بكري عاونيني راه ماعندي لي يعاوني
ياسمين بتاسمات ليهاا : كوني هانية أ خالتي أنا كاينة و أمال صاحبتي و عثمان خويا ضاروري نوقف معاهم و شوفي بلاما تخسرو فلوس تمشي تكري كاينين شي قفاطن و تكاشط دياولي و ديال إكرام و ماما غنجيبهم و نختارو ليها شي حاجة زوينة تلبسهاا و حتى انتي ختاري ليك صافي
حليمة بتسمات ليها بإمتنان : الله يرضي عليك أبنتي و جي بكري صافي و هانتي عيطي حتال ماماك و ختك يجيو غذا يحضرو راه ماعندناا عائلة هناا لي توقف معانا
ياسمين : عرفتي أخالتي واقيلا غادي نرجع في عشية عندكم و نجيب لحوايج نبات مع أمال باش غذا إن شاء الله نوجدو داكشي بكري و منها نمشيو لصالون واخة
حليمة : حتى هذا حل أ حبيبتي سيري الله يحفظك و يحجبك لوالديك
ياسمين بإبتسامة : أمين دابة نخليك غادي نمشي و هانتي هضري مع أمال غير بخاطر صافي بلاماا دوري فيها حيث لي عطى الله عطااه
حليمة حركات ليهاا راسهاا : يكون خير يكون خير
خرجات ياسمين مشات لدارهم و حليمة تنفسات بعمق و مشات كتدق على أمال باش تعلمهاا ...