طحت معا بزناز (مكتملة)

الجزء 48

أما بالنسبة لياسمين فقطعات شعرهاا قصير بزاف ولا واصل ليهاا حد نص في عنقهاا قطعات معاه غرة خفيفة و صبغات بعض خصلات شعرهاا باللون أصفر ولا شعرها مزيج بينو و بين بوني من بعد مااطيرات لون الأسود لي صبغاتو بيه آخر مرة و هي بطبهاا كتمل بزاف من راسها و الأول مرة طولات في تجديد شعرها عمرو طوال حتى سكنات هنااا و عجبهاا بزاف راسهاا بهاد تجديد لي دارت في شعرهاا مالفة تقطعو ولكن عمرها قصراتو لهاد درجة حتى جميع مغاديش يتجمع ليهاا ...قالت لكوافرة تخدم ليها وجهاا بميكاب خفيف كتفات فقط بكلوز لامح و حمرة خدود مع بعض من هيلايتر جات فنة و و برزات برائة وجها ...
ما كملو تقريبا حتال ديك سبعة و نص خلصو و لاحو شيلان على راسهم و خرجو متاجيهن لدار أمال دخلو لقااو دار كتشقشق مجموعة و متولة مستفين في طابلة حلوة و مكسرات و عصائر مشاو لكوزينة لقاوها تصفر سمعو حس في بيت أمال دخلو لقااو إكرام لابسة قميص جوهرة خفيف في بيض وومخيط بصم مع بليخة خيفية طالقة شعرهاا و دايرة دبيلجات في يديهاا مع مارياج ديال زواجهاا زادهاا أناقة و جمال خادمة وجهاا لمكياج خفيف و زوين كانو كملو توجاد كلشي حتى عشاء لي غادي يحطو الناس و جلسو كيوجدو راسهم حليمة حتى هي لبسات تكشيطة في باج مع فولار ديالها و شربيل لي ختارت ليهم ياسمين
حليمة هزات فيهم عين منين شافتهم عينيها دموعو ناضت عندهم كتقرى عليهم موعوذتين : جيتو زوينات تبارك الله ياربي يحفظكم من كل شر خلق (ركزات شوفة في بنتهاا و بدات تبكي و أما مستحملاتش عنقاتها و بدات تبكي معاها ) : شش صافي أبنتي ماتبكيش انتي العروسة و نهار نهارك ممزيانش تبكي فيه
أمال شافت فيها كتمسح عينيها : شنو ندير منقدرش نشوفك كتبكي أنا اصلا مصبرة راسي على هاد زواج غير بزز
حليمة : شش متقوليش هكذاا ا بنتي دابة مع وقت قلبك يحن و يلين من جيهة داك دري راه باينة كيبغيك غير من ديك الحالة لي دار البارح
أمال ضحكات بستهزاء و مشات جلسات فوق ناموسية بعبوس : هن كيبغيني تبغيه الموت
ياسمين وصلها مساج في تيليفونها مشات بالسرعة هزاتو لقاتو من عند عثمان "حنا في طريق الشنيولة علمي الناس باش يوجدو راسهم" ياسمين وسعات عينيها و بدات تنقز وقفات أمال : ويلي ويلي عثمان قال بلي راهم في طريق خاصك تبدلي نوضي و انتي جالسة بحال الا مخاصك حتى خير
أمال زفرات بسخط و ناضت كتلبس و تباطئ حتى كملات كانت لابسة قفطان خفيف في بيض مع مجدول ديالو خفيف حزماه على خصرهاا و طالون في نفس اللون ياسمين عودات قدات ليها مكياج من الاول و جديد حيث بكات و خصراتو حتى نضاتهاا عاد تنهدات برتيااح و ناضت تلبس حتى هي واحد قميص غوز براندة خفيفة و مجدول ديالو بصم لبيض مع طالون في نفس لون عودات مشطات شعرها قصير حتى كملات جات بحال شي بنية صغيرة حليمة خرجات حيث راجلها جاا ناضت تجد ليه مايلبس و بنات بقاو مجمعين و أكيد ياسمين فاش كتكون مسكسفة على حالة ضارورب ماتضرب شي تصيورات بقات تصور و تبوزا تعوج كيف بغات و تقول إكرام صوريني واقفة صوريني جالسة صوريني و أنا معرفاكش كتصورني فقصاتهاا ... كانت قدات كونط انستغرام جديد و حطات فيه تصاور لي تصورات و بزربة بداو كيجمعو لياا لي لايك و لي كومونتير على جهد وصلات 30k في ظرف ثلاث أيام لي قداتو فيه مع اصلا كانت معروفة فيه ...