حليمة : لا كاينة غير هي ناعسة في بيتها (طلقات تنهيدة طويلة) ماعرفتها مالها أوليدي من نهار جات وهي حابسة عليها في داك بيت من قلة ماكلة و نعاس حتى من ولدها مابقات مدياها فيه قلت واقليلا غتكون غير مناقشة معاك و ماعرت تاني
عثمان حرك ليها راسو كيشوف لبعيد : أنا لي عارف مالها (رجع شاف فيها) أنا غندخل نشوفها و نهضر معاها
حليمة : سير أولدي سير و حاول ترطب معاها والله يجعل ربي يصلح بيناتكم و يبعد عليكم ولاد الحرام
عثمان تنهد تنهيدة طويلة : أمين الواليدة أمين
خلاها دخلات كوزينة و مشا قصد بيت أمال حل باب و دخل هي سمعات باب تحل نطقات بلاما تشوف شكون حيث كانت عطياه بظهرها : قلت ليك أ ماما ماعندي خاطر للمالكة و لا نهضر مع شي واحد صافي خليني بوحدي الله يستر عليك
عثمان لي سد باب من وراه و قرب عندها خطوة : واخة يكون هاد واحد أنا !!
أمال خرجات عينيها و ناضت جالسة متلفة عندو مصدومة : عثمان ؟؟!
عثمان قرب لعندها تحتى طبع قبلة طويلة على جبتها و جلس حداها : توحشتك
أمال بقات غير ساكة ماجوباتوش وهو رجع كمل هاز فيها حاجبو : علاش مكتجاوبيش على تيليفونك
أمال هزات فيه عينيها بزربة و رجعات هرباتهم ناطقة ببرود : مارشقاتش لياا
عثمان هز فيها حاجبو ناطق بخشونة : باش تهزي تليفون و تجاوبي راجلك لي سيمانة كاملة و أنت ماكتسولي عليه ماكتهضري معاه ماكتجاوبي على تليفوناتو ولات عندك برشاقة الالة أمال
أمال خرجات فيه عينيها : آه مرشقاتش ليا أويلي نهضر معاك بلا خاطر و زايدون حتى دابة ماعندي خاطر خرج بحالك خليني نعس و إلا جاي باش تديني غير رجع بوحدك باقة ماشبعتش من دارنا
عثمان عض على حنكو من داخل شاد راسو عليها بزز نطق تحت سنانو باغي يقتلها بعينيه : أمال مالكي شنو واقع أش هاد فعايل ديال زب لي جالسة كديريهم معايا
أمال ببرود : مكاين والو آ عثمان صافي خرج و خليني على خاطري بلاما نتصادعو في دار واليديا سير بلا مشاكيل
عثمان ضحك بالسخرية واقف : فاش سولتك مالكي كنت كنتسنى جواب آخر ماسمعتش داكشي لي بغيت
أمال بطنز : شنو بغيتي تسمع مثلا طرب أندلسي ؟؟!
عثمان تحت سنانو مخرج فيها عينو شاعل : أنك تجاوبي على تيليفوني بلا شواري مثلاا
أمال تقرصت دم هرب ليها من وجها : كيفاش مافهمتش
عثمان حرك ليها براسو مخنزر : نتي فاهمة و أنا فاهم
أمال : لا مافهماش فهمني
عثمان بسخرية نطق وهو كيشدد على كلامو : كون غير صارحتيني من الأول و ماتجيش تخباي في داركم كيف فار مظلوم سيمانة كاملة و أنا صابر كنقول دابة تجي و تفش قلبها و تقول لي عندها ساعة والو
أمال بقات ساكة شحال فيها دموع خطاو عينيها مسحات على راسها غير وهي واقفة ناطقة بإنفعال هامس كتبكي باش مايوصلش صوتها برا : شنو ياكنا كنتي كتسنى مني نجي نصفق ليك على طعنة لي طعنتيني في ظهري إلا خيانة آ عثمان كرامتي ماتسمحش ليا نجلس دقيقة في دار مع رجال كيخوني عينو زايغة و باقي فيه تبرهيش ديال زلايلية
عثمان زير على كتفها حتى تأوهات نطق شاعل فيها : والله حتى نهرس ليك فمك على هاد خرا لي كتخرجي على إن خيانة كتهضري عليها نتي ولا يااكما تيقتي هضرة ديك قحبة في تيليفون
أنت تقرأ
طحت معا بزناز (مكتملة)
Romanceبقلم : الكاتبة حسناء إس جي إم Hasnaa SGM قصة : طحت مع بزناز هااي لحيباانات صافا عليكم هنااا رجعت بقصة جديدة بقلمي أنا ✒ #Hasnaa_SGM ✒ 🚫لا أحلل نشر إلا بعد إذني مع إحتفاظ بالمقدمة و كوفر 🚫 هه شي حاااجة طوووب قصة...
