طحت معا بزناز (مكتملة)

الجزء 116

ياسين : ماتبقايش طلي بحوايج خفاف غيضربك برد و تمرضي (صمت من طرفها خلاه يطلق تنهيدة طويلة و يدوها عندو حاط يدو على خدها ركز بشوفتو على عينيها حمرين زفر عاض على حنكو من داخل) كنتي كتبكي عوتاني ؟؟!

إكرام حركات ليه راسها بنفي ناطقة بهمس : لا أحم غير مع برد دخلات ليا شي حاجة عيني حرقاتني

ياسين : هاد حاجة شهر كامل وهي كتدخل ليك للعينك فين غادة بهادشي كامل أ إكرام واش بغيتي طيبي دوك عينين ببكا حتى تعماي منهم هاا (حط يدو على كرشها) و هاد روح لي في كرشك مامزيانش ليها هادشي لي كديري فيه ؟؟
إكرام ديك ساعة نهارت ببكاء عوتاني كتشهق : و شنوو بغيتني ندير هااا نضحك و أنا خايدة سخط بابا و محرومة من بنتي هئ هئ ياسين أنت مغاديش تحس بياا داكشي علاش كتقول هكذا

ياسين بحينة مسح على خدها : ششش صافي سمحي ليا ماحسيتش بيك ولكن نتي عرفاني منقدرش نشوف دموعك حيث كيحرقوني ؛ و كنواعد ماغاديش نخليهم ينزلو عن قريب مابقى والو و نرد بنتنا بين يدينا و ديك ساعة غتعيش معانا

إكرام بدموع و نبرة هامسة : و بابا غتردو لياا ؟!

ياسين سكت ماعرف مايقول من غير أنه جرها لحظنو كيمسح على ظهرها وهي كتبكي في حظنو على شحال عاد سكتات مرة مرة كتهرب ليها شهقة .. بعدها عليه شوية وهو كيشوف في عينيها و مرة مرة كيهبط شوفة لشفايفها لي تنفخو و زادو حمارو بكثر ماعضت عليه منين كانت كتبكي بلع ريقو و تحنى شوية بشوية مقرب ليهم حتى هي ركزات بعينيها على شفايفو كتنفس بجهد يله حط شفايفو على سطح شفايفها و بغا يلتاقطهم في جولة وهي تحط يديها على صدرو مبعداه عليها بالشوية وهي حانية راسها بإحراج : أحم آ آم آ غندخل نغسل وجهي

مشات كتجري للحمام متهربة منو خلاتو باغي ينتف شعرو بالأعصاب من نهار جرا عليها حكيم و سخط عليها هو وحيد لي وقف معاها و أكيد خاصو يوقف معاها ماهو راجلها .. وقف معاها في هاد ظروف صعيبة لي كدوز منها و كان ظهرها و سندها و ديما كيحاول يخفف عليها وفي نفس وقت خدام على دعوة لي رافع على حكيم باش ياخد حظانة بنتو .. كان ديما كيحاول يرطب معاها و يستغل فرصة أنه شخص لوحيد لي بقى عندها دابة باش يتقرب منها كثر و برد قلبها من جيهتو ... شافها مابقاتش هازة في خاطرها كيف شحال هادي و لا كتجبد ليه خيانة كيف كانت كدير .. بحال إلا نسات موضوع و لا نقولو كتحاول تتنسى مابقاش كتبعد منو بزاف كتهضر معاه عادي حتى بيت شاركينو غير فرق وحيد أنه كينعس فوق كنبة و كيخليها تنعس فوق سرير بطلب منها .. فاش كتكون مهموهة و خاصها شي حضن يوسيها كان هو الأول واحد يكون حداها و عمرها رفضات حضنو ... غير هو فاش كان كيدير أي محاولة باش يتقرب منها كانت كتهرب بحال هكذا و ماكتخليش يدير شي خطوة للأمام في علاقتهم رغم أنه كان ديما كيشد ليها في خاطر و مراعي حملها لي واصلة فيه لشهر و 15 يوم و كيحاول يعيش معاها مراحل حملها من الأول جديد بحكم ماكملش معاها مراحل حملها بأريج لاحظ أنها كتعاني من نفس أعراض لي دازت فيهم في حملها الأول من بكاا و كتئاب و تقية و أرق نوم ماكتنعس حتى كيجيب ليها دوات نعاس واخة آخر مرة منين مشاو عند طبيبة قالت ليها حبسيهم و عوضاتو ليها بضواء آخر .. ستنتج أنها تقدر تكون حاملة ببنت عوتاني حيث منين بحث في هادشي ديال الأعراض مرأة حامل لقى بلي حمالة بنت صعب من حمالة ولد ...