يمامة نرسيس
بقلمي عذراء الساعدي
❤️❤️❤️
يمامة اللة يشفي جا احنة
شنسويلة يعني شبيدنة قابل
هسة احنة حايرين بأختنة الطلعت من وراة النوب نروح نحير بي
يمامة سكتي وكومي لغرفتج
عفتهن وكمت بدي اشحتهة من البيت واللة يا اللة شهل
صلافة هاي
كعدت بالغرفة حرت شسوي تالي مددت
واللة ولني اشوفن فاطمة بالحلم كاعدة بضريح امام
والوجهة يخبل وتبتسملي
سألتهة انتي وينج خية ندور عليج احنة
كالتلي انة يم ابوي ومرتاحة
لا تخافون علي كعدت مفزوعة دخيلك ربي يما اخيتي
يما وين اطي وجهي
ملخت روحي تملخ بلية صوت بس تسمع امي تتخبل
كونة هذة حلم وما يتحقق
يربي احسن روحي راح اموتن هم هيج كبل
تحلمت بحسام وراح
شني تكلي انة يم ابوي ومرتاحة ماتت اخيتي لو شني
نعلعلة غيرتك يمحمد لعبت بينة لعب
واللة لو صار عليهة شي
الة اهجم بيتكم على راسكم
ظليت اليوم
كلة متزوهرة وكلساع الكة دموعي مغركة وجهي
ماحجيت لاحد ابدد بس احسن روحي
راح انفجر اريد بشر يشاركني بهمي ويخفف حمولي
صعدت فوك كلت بلكي يصعد نرسيس
واشوفنة حتى احجيلة البكلبي بس ما صعد ولا شفتة
خليت ونزلت كابلت امي وكعدت
كلساع اريد اسولفلهة حلمي والزم روحي بالكوة
اجتنة مروة سلمت وكعدت يمي
اكلج حبيبة
ولو مو وكتهة بس نرسيس بالة يمج صار
يومين يتوسل بأمي من تجي تحاجيج
وهية تعيط بوجهة تكلة بحالك انتة بطران يماما
واللة اجة بوكتة كلش محتاجتلة
لعد روحي منتظرج
سحبت بوش وصعدت اركض لكيتة عابر على سطحنة وفارشلة
فراش بالكاع وكاعد
بس شافني كام حضني وباسني براسي
ضليت مجلبة بي ما وخرت لان فعلا جنت محتاجة واحد
يطبطب علية يحسسني هو وياي
مشانة كعدنة وانة مجلبة بي ماعفتة النوب من ضل يعاين
بعيوني استحيت ووخرت منة
شسمة كالتلي مروة تريدني
اي واللة ضل بالي يمج صار كم يوم ما شايفج واشتاقيت
لهل عيون هم
واللة انة هم جنت محتاجتك
امريني حبيبتي
ما يامر عليك ضالم بس خايفة انة خايفة كلش
احس هذة كلبي على ساعة يوكف
اسم اللة ليش صاير شي جديد
اي تحلمت بفاطمة جن كاعدة بحضرة امام وتكلي لتخافون
علية انة يم ابوي
يعني شنوو مفهمت عليج
خايفة لا تطلع ميتة
شنو السالفة ليش هيج اجة على بالج يجوز الهة تفسير ثاني
اجيت اكلة على حسام من تحلمت بي وسكتت
ضل هو يحاول يغير رأيي ويطمني
انة تفكيري غلط وهية ما بيهة شي بس جاي تسوي
كرصة اذن الرجلهة واعتقد نجحت
شلون نجحت
هاي البارحة مار من دربونتهم وشفت ولد عم محمد ساندينة
وجاي ياخذو للدكتور متغير كلش
ورايح نصة
وشني متمرض على اختي قصدك لو يحبهة صدك ما راد يثني
عليهة وهية بعدهة عروس وماكسر كلبهة
اللة واعلم شمسوي بيهة بعد
حتى نهزمت منة هيج ومدري وين اطت وجهة حتى النة
ما اجت خاف يلكاهة ويرجعهة
هسة هو متغير عليهة مو عليهة المهم اختج نلكاهة وين صارت
انتم وين وصلتو بالدوارة
واللة دورنة بكل
المستشفيات وبيوت الاقارب الي تعرفوهم
وحتى اسوء احتمال اللة لا يكولهة اخذت وياي الحجية
دخلت لثلاجة الموتى وما لكيناهة
يماا اخيتي
وين راحت ان شاء اللة ترجع سالمة ومابيهة شي
بحق محمد وال محمد
امين يا رب
....... .............. ......
فاطمة ذاك اليوم جان اصعب يوم بحياتي من بعد يوم الانفجار
كرهتة مو شلون ماكان
صرت اشوفنة وحش مو محمد الاحبنة
ورة ماصعدت الغرفتي
كعدت المن بهدومي ردت اروحن لاهلي
وعمتي صعدت وراي ما خلتني اطلع ولا قبلت
توصلني ضلت تنصح وتعلم بية وانة مطيتهة الاذن الطرشة
تالي خلت ونزلت كلشي ممستفادة
من جاي محمد كايلتلة انة اريد اروح لاهلي وصعدلي
وجهة مكلوب حجالة حجايتين ونزل
خلاني اغير تفكيري كلة
دير بالج تضنين اخليج تطلعين منا واذا رحتي بلية
علمي اجي لبيتكم اسحلج سحول ومحد يوكف
بوجهي لو ياهو الجان
وانتي تعرفيني كلش زين
خلة ونزل وانة كعدت افكر شسوي لان مستحيل ابقه يمة بعد
لو مدري شيصير واجة على بالي
الامام علي
ثاني يوم كضيتة نايمة واليوم الردت اطلع بي كعدت من الصبح
تانيتة الحد ما طلع للشغل
اجيت اطلع وكعدت عمتي خليت ورديت للغرفة
ضليت افتر
بطني كامت تلويني من الخوف الراح اسوي
مو سهل بس مجبورة
صارت بالوحدة عمتي صبت الغدة وصاحتني
نزلت طبيعي وكعدت تغديت وياهة
وغسلت المواعين خطية ضلت تحمد بية
مشت تنام وانة ركضت للغرفة طلعت عباتي وخذت الفلوس
الجنت مجمعتهن ونزلت على كيفي
وصلت لباب الشارع
خفت اجيت اردن بس تذكرت كلامة
وضليت اتخيل شهلاء تجي هنا
وتضل تضربني وتخليني اشتغل خدامة بالبيت ومحمد وياهة
دست على كلبي وخوفي هاهية وصلت
الدرب مابي رجعة بعد
لبست عباتي خليتهة على وجهي وطلعت
اتلفت خاف احد يشوفني اشو هية المنطقة كلهة الهم
بس طلعت
من الدربونة ومن الشارع العام صعدتلي سيارة وكبل
للامام انة وصلت للحضرة وانة دموعي
كامت تنزل عشرة عشرة
النسوان كامن يبجن على حالي
زرت وكعدت على صفحة اندب بالامام علي ها يبو الايتام
انة يتيمة وماعدي ابوو انتة ابوي يبو الحسن
دخيلك لا تخلي احد
يتشمت بية ولا احد يحجي بشرفي
هناك واجت بالي امي هسة شراح يصير بيهة
اووي كون اللة يحرك كلوبكم مثل ما حركتو كلوبنة
ضليت يومين انام برة يم الزوار
النوب حاجيت هذني النسوان اليفتشن كتلهن اريد اتطوع اشتغل
وياجن والف سؤال سألوني
يلة خلوني افتش النسوان وتالي من يخلص وكتي
اشمر روحي مثل
الميتة بالغرفة مالت المفتشات اليرتاحن بيهة
ما سولفت وي وحدة ابد وحتى اسمي
ماكلتة بس اول ما كتلهم اريد اتطوع وكلولي اهلج وين
كتلهم انة عايشة وي اخوي ومرتة مخليتني خدامة
ومأذيتني
ومن اشكي لاخوي يكلي اذا ما يعجبج طلعي
جذبتي مو مقنعة ابدد بس مدري شلون صدكوني
يمكن هاي كلة من دعوات امي الي مدري مسوية زين بحياتي
وناسية مادري المهم تسهلت هنا
نشرح كلبي والعافية ردتلي بحضرة امامي وشوكت ما اريد
اطلع ازورن وارد للتفتيش
بس بالي يم اهلي وبالذات امي
ثاني يوم من طلعت شفت نرسيس وحسين بالامام يدورون
ومنهة كمت من اطلع ازورن اتبوش بالشال
حتى خاف احد يشوفني ما يعرفني
كضيت اسبوع وخمس ايام
هنا يومية ادعي وانخة بالامام
يحل مشكلتي واذا جانت الحالة الوصللهة
محمد مو بيدهة لو ينعدل ويرجع مثل كبل لو يخلصني منة
اليوم كاعدة ابجي واحجي وطلعت وراي مرة جبيرة
من جيت اكومن صاحتلي
مشيتلهة مترددة عبالي تعرفني
كعدي يجدة كعدي
راح احجيلج الشفتة عليج وانتي اذا صح كولي واذا غلط هم
كولي خوش
ليش انتي منين تعرفيني خالة
انة ما عرفنج
بس اللة طاني نور نوبات اشوفن شغلات واحجيهن
يطلعن صدك وهسة من انتي كاعدة شفت عليج شي
شفتي خالة
شوفي ييمة انتي وزلمتج مسوالكم عمل
خلاكم ما تشوفون دربكم بس انتي اول ما طلعتي من البيت خف
منج والطاح بيهة زلمتج كلش متأذي منة
اذا ما تتلاحكولة يموت واللة اعلم بعد
يمة اسم اللة علية
زين منو مسويلة السحر وليش
المسوي ثنين نسوان وكريبات منكم حيل ياكلن ويشربن وياكم
من سونة جيف يكرهنج وهم الحرمة تود رجلج ورايدتة
زين شلون اتلاحكلة انة شبيدي اسويلة
انة اطيج عنوان سيد وروحولة ييمة لا تكعدون
مو انة نهزمت منة خاف يكتلني
لا تخافين مايسويلج شي ردي لاهلج وسولفيلهم بس
دير بالج هنة يسمعن انتم دريتو ترة يطكنكم
بالاقوى من هذة
يااا فلك طرهن كون
خالة عليج العباس ما طالعلج انة شني حياتي بالمستقبل
زين لا
زين ويخبل وبالمستقبل
تصيرين انتي وبس وكلهة تحلف براسج واول خلفتج هم توم ولد
وهسة خل اطيج العنوان وروحي تلاحكي
لزلمتج ومثل ما وصيتج سوي
ترة كل ما تتأخرون كل ما تتعقد السالفة
ليش هو شصاير بي انة من طلعت منة مابي شي
اشوفنة معلول ييمة
المسويتلة رايدتة ياخذهة بس العمل مكلوب علية
حسبي اللة ونعم الوكيل بيهن
كمت منهة وانة ارجف معقولة هاي اختة وهيج تسوي
بيهة جا شهلاء ما تنلام شمسويتلهة
انة سعاد وهيج كارهتني حتى تخرب بيتي وتدمر حياة
اخوهة دخيلك ربي شني هاي البشر
الما تخافك
من المرة وبوجهي طلعت من الامام حتى غراضي ما رديت
اخذتهن ولا كتلهم انة طالعة
ردت بس اوصل لبيتنة
شكد ما احنة قريبين بس احسة الدرب صار شطولة
واللة توني نزلت من السيارة وعمتي صارت بوجهي
المرة صفنت علية النوب فركت عيونهة
وترد تعاينلي جن ما مصدكة انة واكفة كدامهة
تالي اجتني ودمعتهة بعينهة
هاي انتي فطم يماا
اي عمة
ليش ولج هيج سويتي بينة ليش مافكرتي باحد من طلعتي
ماعرفتج انانية
عمة تعاي طبي وياي واسولفلج انة من طلعت من
البيت ماجنت بوعيي
وكلشي صار بينة من عمل الشيطان تعاي تعاي
دكيت الباب على اهلي
فتحتة تمارة هية شافتني وعاطت اجن البنات يضحكن
انة عفتهن وركضت الامي
جنت رايدتهة تحضني بس هية ما سوت هيج ضربتني
وصدتني مالومنهة لان حقهة وعلي
كعدت توني جاي اسولفلهن شكالتلي المرة
وكبت العيطة بالشارع وكلهة تصيح باسم بيت نرسيس ......
بعد راح ارجع الكم على القفلات عبن انتو جنتوا نايمات
يبعد روحي والقصة راخية فراح ارد اشدنهة
شعلوا التعليقات شعل وانة اداريكم ببارت عود غير هيج تعذروني
احبنكم كومة ❤️