يمامة نرسيس
بقلمي عذراء الساعدي
❤️❤️❤️
شني النوب صرت جنيه مو تونه حلوين
هههههه دمشي يله اتأخرنه
اوكف خلي اصيح امي
ورحنه اشترينه ثوب صباحيتي وافترينه بالسوك وحميد
ويانه اول مره يسويهه ويلزم ايدي ويمشي
احسن ايدي ضايعه ما شاء الله هو ايده شكبرهه النوب خفت
وما كدرت ما احجيهه
اكلك حجي
ها بويه
باع ايدك شكبرهه تدري خفت من شغله
هه والي هيه
خاف يوم من الايام اضوجك لو شي وتظربني وجهي كله يخرب
عساهه تنكسر قبل لا تنمد عليج
اسم الله جاي اتشاقه
جا لا تتشاقين بهيج سوالف خوش لان الرجال ما يمد ايده
على حرمه بس المو زلمه يسويهه وانتي من تفكرين
بيه هيج جاي تهينيني
لا حشاك يابه انه اعتذر والله مو هيج قصدي
يمعودين امشو رجليه طاحت لاحك عالسوالف ولك حميد
عوف البت تعاين بلكي يعجبهه تشتريلهه بعد
شغيله دامنه بعدنه بالسوك
لا عمه هاي هيه ما ريد شي انه مشتريه كلشي
جاا مادام كرب العشه نروح نتعشه بمكان شتكول يماا
براحتكم انه اليوم كلي الكم شتردون تدللون
امي ما قبلت بالكوه قنعوهه ورحنه
اول مره من صرت الهسه اطبن مطعم صدك هو مو هلكد بس
انه كيفت بي عبن شني مكان جديد اول مره اشوفنه
نزلو كباب و تكه النوب الريحه تموت
بس شو استحيت اكل محمد صاير كدامي هو ياكل مدنك
ما يعاينلي بس انه مدري شجاني الكمه اريدن ابلعهه
ما تنبلع بحيث كمت وره كل لكمه اكلهه اشرب مي
والله ماعرفت روحي انه استحي وعالاكل لا يابه متطورين ههه
كملنه شربنالنه كلاص جاي وطلعنه
محمد كال تمشن هسه الحكجن سبقناه واجه ورانه بيده علاكه
خلاهه بيدي
هاي شني
عشاج لا عبالج ما شفتج ما اكلتي تره مدنك صح بس عيوني عليج
يااا هههه
من تردين اريدج تسوكين عليه خل تصير بيج شحمه لحمه
على كوله امي
ياا جا انه شني ما اكل اسأل امي اكل الاخضر واليابس
ومدري وين يروح
يله من نتزوج تسمنين
جا الزواج شعلي شني راح تنفخوني بالبم
ولج انتي وتالي وياج وويه السانج
اي غير كلامك حيرني شلون اسمن بله ما تكلي
لا ما اكلج
ليش عود
هيج بكيفي والله عدج مانع
لاا يابه ماعدي
وصلونه للبيت وراحو وانه بس طبيت شمرت عبايتي وبسطت
طلعت الاكل وكعدت اكل حتى بليه تحمي
البنات كامن يحجن عليه يكولن مو زين تاكلينه بارد
كتلهن مابي شي المعده تصفي ما عليجن
خلصت وكمت الملم الغراض الجبناهن بالجنط وخنكتني العبره
بس ما بجيت هاي هيه سنه الحياه
وكل بنيه تاليهه البيت رجلهه بس والله صعبه تعوفين اهلج وبيتج
وترحين لبيت ناس انتي ما تعرفينهم ....
......................
بهراء فتره خطوبتي تعلقت كلش هواي بحسين احسنه يمشي
وي دمي احبه لابعد الحدود
ومثل ما كالت يمامه لو واحد كايلي هيج راح يصير بينكم
اضحك عليه وامشي انه هم ما جنت راح اصدك
مدري شلون وليش حبيته وانه جنت اكرهنه على كره امه
امه الخلتني اخجل اطلع للشارع لو اكعد يم احدد
اكيد عدجن فضول تعرفن شنو من كراب كربت علي سليمه يوم
الاخذتني لبيتهم وتعاركت وياهه يمامه سوده عليه
بيومهه شغلتني شغل خمس نسوان
طيحت حضي وانه كلهه تدري من وره رجلي ما اكدر اشيل ثكل
ولا اجهد هواي وهيه ثنينهن خلتني اسويهن
النيه بالهه ما اعرفهه شني
اول ما طبينه البيتهم خلتني الم فراش الديوانيه واغسلنه
كملته وطبيت جلفته والنوب عالصاله
من خلصت خلتني اشيل الفراش اشرنه كتلهه شيلي وياي
ما اكدر لو ابتليت على روحي
ما خلت حجايه ما حجتهه حارت شلون تحرك كلبي بكلامهه
تالي من لا جاره سحلته وانه اريد واحد يسحلني
منا لحد ما خلصت الدرج احسن انه روحي خلصت كملت شرنهن
ونزلت لكيتهه مغركه الكاع بالماي
على ابوو غاسله الحيطان نشفت الكاع وكتلهه اروحن بعد
وهيه عاطت وين ترحين عيني نظفيلي الترك كله وسخ صاير
انه طبيتله لو نكلبت معدتي
ريحته تكتل صاير مقلع مال زباله كملت وطلعت والكاهه مدري
منين جايبه كونيه الطحين وساحلتهه يم الدرج
كلتلي صعديهه فوك يم اخواتهه هيه كالت هيج و انه اله شويه
جا طاحت دمعتي بس همزين ما بجيت كدامهه
مشت تسبح وانه ظليت حايره بيهه شلون اصعدهه لا النوب
انكلب على وجهي اجيت اعوفهه وامشي البيته وانعل والديهه
والنوب كلت ميخالف اشيلهه لخاطر حسين
توكلت على الله وظليت اسحلهه بايه بايه مدري شون اتحملت
وما طحت توني جاي انزل واندك الباب طلعت فتحته
والكاهه يمامه عاينت على روحي وطاحت دمعتي غصب عني
اسمعهه تصيح تسأل عليه نزلت وياريت ما نزلت
وسمعت حجي سليمه المثل السم على يمامه بس ما ادري
شمالني نخرست وما دافعت لاخيتي
ردينه للبيت انه يومين ما اراويهه وجهي مستحيه منهه
وفطيمه كلساع وغامتني تكلي انه عمتي تسوي بيه
هيج واسكت غير الزمهه وابيس بيهه
وانعل ابوهم لابوهم
وراهه ردينه طبيعي ونست السالفه بس حسين من دره لاعب
طوبه بيهه وكايلهه مرتي خط احمر انه ما ماخذهه خدامه
وكلمه منهه وكلمه منه عايفهم وطالع زعلان
والنوب خالي صالحهم
مشت ايامنه وجدتي فد دور صارت وقربت عرسنه وطلعت
مخططه هيه وام نرسيس حتى تقنع يمامه تقبل تزوج
ويمامه ما رضت اله وره ما طاحت جدتي واجت تروح من ايدنه
لو ما الله لطف بحالنه
وبيومهه ودت على امه جانت صدمه النه بس كيفنالهه
حتى لو هيه ما رايدته بعدين تتعود
المهم تطلع من عزلتهه وترد يمامه الاوليه اختنه الجانت
تضحك الما يضحك انه شكد جنت عكره بس من تسولف اضحك
على سوالفهه بليه ما ينتبهلي
راحت ايام واجت ايام وجرب باجر الحنه احسن روحي
تندمت واريد ابطل جي ما شبعت من امي وجدتي ولا خواتي
خلصت عمري عازله روحي عنهن
وهسه راح اعوفنهن واروح لغير محافظه بس بعد ماكو رجعه
وكلهم اعزاز .....
يمامة ورة البلوة الحطتني بيهه جدتي كمت استحي اروحن
للمحل مرات اروحن الكاه مفتح كبلي
ومرات تصادف طلعتنه سوة
فيمشي وياي هو طبيعي مسيطر اله انه مدري شمالني
ماعرف شني اريد ولا اعرف شلون اتصرف وياه
جني اول مره ينحجي بيه واول مره راح انخطب احساس
ماعرفنه شني ماعرف ماعرف شلون اشرح
المهم انه مرتاحه
مادار بينه كلام هواي جي يشوفني من يحاجيني اتقيد وما
اكدر احجي
فعلى كد السلام والسؤال لو يسالني على دراستي وخاف
اكو شي ما فاهمته هو يشرحلي ياه
وخل اصدمجن وياي طلع محلل الاخ مادريت بي اله وره ماجدتي
اطتهم الموافقه وامه كالتلي
التهيت وراهه وي البنات واخر يومين اصلا ماكمت اروحن
وديت امي علي وكلتله هل يومين مجازه
هاي المرة انه رحت للسوك واشتريلي ثوب حلو وجبت لوسن
وبتهه واخذت لامي وجدتي سلتت نص الراتب
ورديت وامي العصر اخذتنه انه ووسن حفينه ووسن صبغت وردينه
وثاني يوم خذت العرايس
اجن يجنن الميش والحفافه مطلعه وجوهن احسهن
كبرن بساع والله لليل وكمنه انه ووسن المكروده كربنه البيت
من فوك الجوة
ما خلينه مكان بي يعتب علينه جلفناه جلف منا لحد ما
كملنه احنه خوينه
بس سبحنه وشمرنه روحنه منا الثاني يوم نمنه نومه اصحاب الكهف
بحيث الصبح امي مكعدتنه وفطيم ذابه علينه ماي واحنه
ما ندري تالي صايحات لاخت نرسيس جايه كاعده
يم امي وماخذتهن للصالون
كعدت استغربت اول شي من شفتهه وهيه كامت سلمت عليه
مستحيه كالت امج كالتلي كعدي يم الحجيه البنات نايمات
اي والله البارحه جنه انظف واتاخرنه يله نمنه
الله يساعدجن الشغل ما يخلص
اكعدي حبيبه بس اغسل وجهي واجيج
رحت عالسريع غسلت وبوجهي للمطبخ سويت ريوك واخذته
لكيت وسن كاعده يمهه وتسولف
بالكوه خليتهه تاكل والله تونه خلصنه وندك الباب
اجت امهه كالت خلصت شغلي بالبيت وجيت عليكم جايبه
هدوم بتهه كلتلهه بدلي هنا وي خواتج
وره الصلاه طبن هيه ووسن بدلن وانه ظليت احضر بالصواني
والنوب حطيت الكيك بالمواعين
كملتهن وطبيت سبحت وطلعت هنه شافني وسحلني للجربايه
هاي تسوي بشعري وذيج تمكيج بيه وبس اعترض
يحمسني تالي سكتت وكعدت
للثنتين واجن البنات طالعات جنهن لعبات
وبدت الجوارين تجي ولهناك واجو اهل محمد وهو ماطب ظل
بره ظلت عيني عالباب جا بيت خالي وين
اشو جن ماعدهم عرس حتى صوت ماكووو .......
حبايب دعواتكم الي كولش محتاجه الدعاء صار اسبوع كوة
اجر النفس ماعرف شبية ❤️